زبانحال مادرانه ی خانم رباب س شاعر کربلایی محمد هوشمند با نوای کربلایی منوچهرحسن زاده ای عشقیمین گویونده گزن آفتاب اوغول یاندیر بو داغلی سینمی ائیله کباب اوغول هر لحظه هر نفس اوزومه ایستیرم ئولوم سنسیز بو فانی عالمی نیلییر رباب اوغول گلمیر سسین قولاقیمه اوغلوم هایانداسان یاندیم شرار غمده من دلکباب اوغول نیزه باشیندا باخ منه هردم گوزل بالا ائتمه بو قدری شام خرابه شتاب اوغول داغلی دلیم قدم به قدم داغلانیر علی اولسون بنی امیه نی خانه خراب اوغول عطرون گلیر منه ولی چاتمیر الیم سنه گل آچمامیش فلک سنی ائتدی گلاب اوغول هر گول گورنده غنچه زمانی خزان اولوب جوشه گلر اورکده غم بی حساب اوغول عمه ن بیلیر نقدری غمیم وار بو سینه ده قلبیمده وار دی شام و سحر اضطراب اوغول هردم یوخوما گل بیر اوپوم قانلی صورتین بو بیقراره ائتمه بو قدری عتاب اوغول منده یورولموشام ستم روزگاریدن هر بیر نفس وئریر منه رنج و عذاب اوغول یاده سالاندا عمروون آخر دقایقین شرمنده لیک اودی منی ائیلر کباب اوغول نه سو تاپولدی نه سودیم اولدی همان گئجه نه سنده اولدی تشنه لیقا صبر و تاب اوغول چاره م کسیلدی اللریوی باغلادیم سنین آغلار گوزوم بو محنته مثل سحاب اوغول خلوت اولاندا اوز اوزومه سسلرم سنی اما نه چاره اولموری سندن جواب اوغول عفو ائت منی که اوخ یاراوی باغلیانمادیم دردین شراری روحیمی ائیلییر مذاب اوغول مونس اولوب منیله خیالین داریخمارام خوشدور که اولماسین آرامیزدا حجاب اوغول هر قدر صبره دعوت ائدیر عمه لر منی دردیم ورقلنیر یازیلیر مین کتاب اوغول #کربلایی_منوچهر_حسن_زاده #کربلایی_محمد_هوشمند_مدهوش

🍂نوحه حال احتضار حضرت موسی بن جعفر (علیه السلام)🍂 🌷 با مداحی حاج جواد حسن زاده 🌷 ۱۴۰۳/۱۱/۴ ✍حسین خدایی زنجانی گل رضا جان تئز گل،چاتوب پیک اجل رسوله مهمانم یوبانما اوغلوم دوداقا جان گلدی آتان باخ دینجلدی الی باشدا اما دولانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. بو بلالی باشیم اگر دوشدی درده ولی دیل واللهی گنه شکر ایلر نقدر زنداندا شکنجه من چکدیم دئدیم اما بیر گون گئدر بو گونلر اورگیم صد پاره ،باشا سال سن قاره بالاجا اطفالیم جهاندا نینر ؟؟؟ منه ظلم اولدی چوخ، بو درده درمان یوخ الی قویوندا بس دایانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. چکیلوب گویلرده ، ائله بیل که قاره بو نچه ایل عمروم چاتوب پایانه منه عالم آغلار ،یانور دریا داغلار ولی تکیه ایله، علی ایمانه باجیوی تک قویما ، وفا رختین سویما قالار اسلام زنده، قسم قرانه نه یاماندی هجران ، یانور کون و امکان دانیش دردین الان ،اوتانما اوغلوم دئنن ای وای بابا گله داده زهرا یا زهرا یا زهرا آنا یازهرا .............................................. من موسایه کاظم شکنجه چوخ گوردوم ولی الان گلمیش اجل فریاده ایستیور صبری غم ، آخور اشگیم نم نم گلر وار امیدیم آنام زهراده منه بلبل اغلار ، یانوب سنبل اغلار سیزیلار دیل اغلار ایکی دنیاده اجلیم یول گوزلر ،دونور قانه دیلر

نوحه ترکی شهادت امام موسی کاظم عایه السلام ✍منکلام:کربلایی محمدرضا محمدی متخلص به ناعم با نوای کربلایی منوچهرحسن زاده کنج زنداندا موسی بن جعفر آغلارگوزیلن زهرانی سسلر سسلورغریبم محنت نصیبم خلّصنی یارب من بی شکیبم باب الحوائج موسی بن جعفر۲ بیرعمراولوبدی غم آشناسی بوینونداواردی زنجیریاراسی غربتسراده ایندی وئرورجان جنتده اولار زهرایه مهمان لبلرقوریوب برگ خزان تک قانه بویانیب اگنینده کوینک پیکان یاراسی یوخدوربدنده زنجیرقویمیوب سالم یئر تَنده باب الحوائج موسی بن جعفر۲ سسلورالهی درده اسیرم رحم ایله منه خستیَـم،پیرم غربتده الله اولموشام خســـــــته یتوررضانی باشیمون اوسته گرگلسه اوغلوم گوگلوم شاداولار روحیم قفسدن چون آزاداولار دیزینون اوسته آلارباشیمی سیلر مهریله بوگوزیاشیمی باب الحوائج موسی بن جعفر۲ اون بیرایل قالدیم کنج غربتده گئجم گوندوزوم کئچدی حسرتده قیزلاریمدان من بی خبرقالدیم غربتسراده آخرقوجالدیم کرب وبلانی یادیمه سالّام جدّیم غمیندهدسولّام سارالّام چون قوری یئرده جدیم وئروب جان خوشدورکه منده جان وئرم عطشان باب الحوائج موسی بن جعفر۲ #شادی_روح_سلیم_صلوات #پیشنهاد_دانلود #کربلایی_محمد_رضا_محمدی_ناعم #کربلایی_منوچهر_حسن_زاده

نوحه الله غریبم دربدر بانوای :#کربلایی_منوچهر_حسن_زاده شاعر:#استاد_سیفی_اردبیلی

موسی بن جعفر باغری قان جان وئردی دینجلدی بوینوندا زنجیر گران جان وئردی دینجلدی صبح و مسا خون جگر رخساره باغلاردی عالملری زندانیده آهیله داغلاردی معصومه نی یاده سالوب آهسته آغلاردی معصومه دن دل ناگران جان وئردی دینجلدی باشه یتوردی عمرینی سوز و گداز اوسته عجّل وفاتی سسلدی راز و نیاز اوسته ایتدی جسارت سند دون از بس نماز اوسته قدی دونوب اولدی کمان جان وئردی دینجلدی #امام_کاظم علیه السلام #شهادت_امام_کاظم #ترکی

🏴شهادت امام موسی کاظم علیه‌السلام 🏴 🎼سبک : ای شمع حرم خانه قربانون اولوم عباس... ال سینه ده گوزیولدا، ایمداده رضا تئزگل، ایمداده رضا تئزگل مسموم ائلویوب هارون، فریاده ضاتئزکل فریاده رضاتئزگل لبلریمدن آخورزهریله قانیم گل گوریم گول ئوزون چیخسون بوجانیم گل اوغول گل اوغول آرام جانیم(۲) تاپشوردی منی هارون بوسِندجفاکاره زنجیره ائدوب بسته ایلویوب منی آواره زندانی رطوبتدی قالموبدی دی منه چاره یرایلدی زنجیری گورجسمیم اولوب یاره هارونلا گوردیلر بیکس ومظلوم زهرخرماییلان ایلوبله مسموم گل اوغول گل اوغول آرام جانیم(۲) هارون لعین ائتدی سندیله جفاتئزگل جدیمدن علی ائتموب بیرلحظه حیا تئزگل آل باشیمی دیزاوسته سن ایله نوا تئزگل غربتده سئنان قلبه وئرایندی صفا تئزگل جان وئریم غسلیله ایله کفن گل بوزاره بغدادی اولدی وطن گل گل اوغول گل اوغول آرام جانیم(۲) فریاده رضاگلدی گوردی چئخوری جانی زهریله اولوب مسموم لبلردن آخور قانی غسلیله کفن ائتدی گئتدی گویه افغانی جدی یادینادوشدی یاندی ئورگی آنی دوغرانوب اکبری. کرببلاده ذبح اولورباشیمی قانلومناده گل اوغول گل اوغول آرام جانیم(۲) صاحبله یانورسیفی گوداله دوشوب پیکر مولایارالی دوشموش اوستونده قلج خنجر غارت اولونوب جسمی حتی کسیلوب اللر باش ذبح اولونوب دالدان گلموبدی علی اکبر اون ایکی ضربتلن ذبح اولدی باشی نهراوسته صدپاره دوشوب قارداشی گل اوغول گل اوغول آرام جانیم(۲) ✍ حاج عباسعلی دهقان(صاحب )۱۴۰۳/۱۰/۲۹ ___________ #شهادت_امام_کاظم_علیه_السلام #ماه_رجب #کانال_باب_الحوائج

🏴نوحه شهادت موسی بن جعفر امام کاظم علیه السّلام 🏴 🎤کربلایی سعیدسلطانی

🏴زبانحال حضرت امام کاظم (علیه السّلام)🏴 .. 🎶سبک_ویرانه_ده_نازلو_بالام .. ✍محمدرضا نصیری میانجی .. .. .. .. موسی بن جعفر جان وئرور ، غربتده یا زهرا گل قویما بی یار اوغلووی ، حسرتده یا زهرا .. .. .. .. واردور یری قان آغلسون عالم بو نالانه بی جرم و تقصیر اوغلووی سالدیلا زندانه زهر ستملن باغریمی دوندردیلر قانه یاندی وجودیم آتش محنتده یا زهرا .. .. .. .. آرتوبدی شأن و جاهیمه بوینومدا زنجیریم چاتدیردی تئز دلخواهیمه بوینومدا زنجیریم آهین قوشاردی آهیمه بوینومدا زنجیریم مأنوسیمیدی هر چتین حالتده یا زهرا .. .. .. .. پروانه تک یاندیم آنا شمع محبتده یثربده قالدی قیزلاریم غملی عمارتده فکریم اولاردان ناگران کنج اسارتده یاندی اولاردا من کیمی فرقتده یا زهرا .. .. .. .. ای تک حسینی قویمیان خولی تنورینده گل قویما تک موسانیده یوخ کیمسه دورینده هارون قوجاتدی اوغلووی زندانِ جورینده گل باشیم اوسته لحظه رحلتده یا زهرا .. .. .. .. گل باشیم اوسته جان وروم یورقون نفس چخسون آز بوینومی قوللاریمی بند ستم سیخسون آهیم گرک بو دهریده ظلمون ائوین یخسون ظلم اهلی قالسون دائما ذلتده یا زهرا .. .. .. .. زهرون جفاسندن هله قلبیمده آذر وار کافرده بو حالده اگر گورسه منی آغلار چوخ یرده زندان بانیلر اولدی منه غمخوار قویدی اثر نالم هامی خلقتده یازهرا .. .. .. .. دیلدن دوشن پروانیم شمعون جوارینده جان اوسته ایستر هر آتا اوغلون کنارینده راحت یاتانماز گورمسه اوغلون مزارینده ایکاش رضا گلسون بو تئز فرصتده یازهرا .. .. .. .. هر ایل قورالار یاسیمی دللرده مین یاره سینه وورانلار آغلاشار غربتده بو زاره سن ده عنایت ایله اول جمع عزاداره سسلله دائم آدووی هیئتده یازهرا .. .. #شهادت_امام_کاظم_علیه_السلام #ماه_رجب

🌱🌸°• مدح ترکی " بشارت سسی... " 🎙بانوای : حــــاج مهدی رسولی #عید_مبعث #مبعث

🌹#عید_مبعث 🌹#ترکی *✍️. حاج اصغر فرشچی (عدلی تبریزی)* مبعوث اولوب بوگون احمد رسالته سیرابیدی چمن باران رحمته قیزلارچاتوب بوگون عزّ وجلالته اولدی بوگون بهار خوش روزگار اولار آیدین بوگوزلروز اولسون بوسوزلروز خلاقه شکر اولا 🌙🌙🌙🌙🌙🌙🌙 گویدن نزول ایدوب بوگونده پیک حق گتدیم سنه دئدی سوره آدی علق آلله آدیله اول هادیِ ما خلق سنسن نذیر بشیر یوخ دورسنه نظیر آیدین بوگوزلروز اولسون بوسوزلروز خلاقه شکر اولا 🌙🌙🌙🌙🌙🌙🌙 مبعوث اولوب دیسون الله وهم احد رحمان و هم رحیم هم قادر و صمد نازل ایدوب منه قرآنی تا ابد من اولموشام رسول خلق اولماسون ملول آیدین بوگوزلروز اولسون بوسوزلروز خلاقه شکر اولا 🌙🌙🌙🌙🌙🌙🌙 مبعوث اولوب سالا دنیایه انقلاب آزاده لر اولا هریرده کامیاب عُزّی ولات لر بتخانه لرخراب قائمدی وحدته رهبردی ملته آیدین بوگوزلروز اولسون بوسوزلروز خلاقه شکر اولا 🌙🌙🌙🌙🌙🌙🌙 مبعوث اولوب اولا نطقی چوخ آتشین مشرک لری ایده عالمده دل غمین مولا علی ع کیمی داماد اولا معین دل اولماسین حزین غالبدی کفره دین آیدین بوگوزلروز اولسون بوسوزلروز خلاقه شکر اولا 🌙🌙🌙🌙🌙🌙🌙 مبعوث اولوب اولا دنیاده بت شکن گورمز داخی گوزوز گلزاریده زغن گوللندی گلستان آلدی نفس چمن یوخ قلبیده مِحَن گل آشدی هرچمن آیدین بوگوز لروز اولسون بوسوزلروز خلاقه شکر اولا 🌙🌙🌙🌙🌙🌙🌙🌙 شاداولدی هرچمن گل لرگل آشدیلار مأ یوس اولوب زغن زاغیله قاشدیلار بلبل لریله گل با هم دولاشدیلار گل اوسته یوخ زغن شاداندی نسترن آیدین بوگوزلروز اولسون بوسوزلروز خلاقه شکر اولا 🌙🌙🌙🌙🌙🌙🌙 سس گلدی مدّثر قُم فانذر امّتی خلق ایلیوب خدا مخلوقه جنّتی یحیی یُمیته وار عا لمده قدرتی به به گوزل وجود اولسون گرک سجود آیدین بو گوز لروز اولسون بو سوز لروز خلاقه شکر اولا 🌙🌙🌙🌙🌙🌙🌙 بو تازه دین تاپار دنیاده برتری آلله ویرر سنه زهرای اطهری مام امامتون تابنده اختری مهدی بالاسی دور دنیا آقاسی دور اولسون گرک سجود اولسون بو سوز لروز خلاقه شکر اولا 🌙🌙🌙🌙🌙🌙🌙 (عدلی) بو امتون واردور قیامتی مژده ویروب رسول بول بو بشارتی عصیان ایدنلرون واردور شفاعتی جبریل ایدر ندا احمد دی پیشوا آیدین بو گوز لروز اولسون بو سوز لروز خلاقه شکر اولا سبک *با صدای حاج اصغر فرشچی* ✨اَللّهُمَّ عَجِّل لِوَلیِّکَ الفَرَج✨💫 @ewwmajmamolodi #کانال_مولودی_مجمع_الذاکرین

🌹مبعث رسول اکرم صل الله علیه وآله وسلم دوباره گلدی عید رسالت شیعه گوزون آیدین یوز گوتوروبدی بیزه سعادت شیعه گوزون آیدین یا رسول الله یا رسول الله خاتمه تاپدی امر رسالت بو شخص زیبایه بویوک شرافت نصیب اولوبدی بو گونده دنیایه گلوبدی جبریل عرض ایلیبدی حضرت طاهایه محول اولدی سنه رسالت شیعه گوزون آیدین دیردی مولا بگون اوخی سن اللهی آدیله همان خدا کی یارادی خلقی بی قطره قانیله اوخی بونی بول بویوک دی الله عز و وقاریله ربون ایدوبدی شنه کرامت شیعه گوزون آیدین خلاص ایدوبدی جهانی الله جهل و جهالتدن کل خلایق بوگون قوتاردی درد و ملامتدن شیریندی کام جهانیان چون شهد رسالتدن آچولدی خلقه راه هدایت شیعه گوزون آیدین نیجیکی الله ختم ایلیبسن رسالتین امرین عنایت ایله قوتار خدایا امامتون امرین شامل ایله بو جمعه الله شفاعتین امرین هامی دسونلر روز قیامت شیعه گوزون آیدین تاج رسالت قویولدی راس امیر بطحایه ختم اولاجاخدی امر شریعت وارث طاهایه کل خلایق گوزون تیکوبدی مهدی زهرایه ظهور ایدنده شمس امامت شیعه گوزون آیدین ❤️دوباره گلدی عیدرسالت شیعه گوزون آیدین❤️ مبعث حضرت_محمد_(ص)🌷 التماس دعای فرج ✍الاحقر مهدی عبادی( بیکَس)

کربلایی سعید سلطانی @turki_nohemajma