احوالات حضرت قاسم (من کلام : سیفی) عم اوغلی صبریم جالاندی خانه­‌ی بختیم تالاندی اووچیلارا اسیر اولدیم دادیمه تئز گل آماندی باغریم اولوب قان عم اوغلی گوزلره قربان عم اوغلی حیجله­سرا تالان اولدی گلین‌لیگیم یالان اولدی اوستومه آد قویوب گئتدین دردین منه قالان اولدی باغریم اولوب قان عم اوغلی گوزلره قربان عم اوغلی فلک سنه کمند آتدی اولادی آرزیا چاتدی سنین آدین دیله دوشدو اما منیم آدیم باتدی باغریم اولوب قان عم اوغلی گوزلره قربان عم اوغلی اورگیمده سوزوم قالدی نه قلبیمده دوزوم قالدی کج باخیب آیریلاندا سن گوزلروندا گوزوم قالدی باغریم اولوب قان عم اوغلی گوزلره قربان عم اوغلی چاغماغینی فلک چاخدی گوگده بیر ایلدیریم شاخدی چوخلار آیدینلیغا چیخدی منیم بخت اولدوزوم یاتدی باغریم اولوب قان عم اوغلی گوزلره قربان عم اوغلی سالدی منی بلا جاندان ظلم و جفای دوراندان بزندی توی گونو سنین آغ کوینگین قیزیل قاندان باغریم اولوب قان عم اوغلی گوزلره قربان عم اوغلی خوش گونو نیلیرم سن‌سیز گول بئجرم درم سن‌سیز چتین گوره ائل قبیله­م زولفلریمی هورم سن‌سیز باغریم اولوب قان عم اوغلی گوزلره قربان عم اوغلی داغیلدی ائللریم گئتدی سویولدوم زیوریم گئتدی سندن قالان نشانیدی گلین‌لیک معجریم گئتدی باغریم اولوب قان عم اوغلی گوزلره قربان عم اوغلی آهیم الوودان سئچیلمز دردیم اورکدن بیچیلمز سنده منی گوزدن آتسون عشقون اورکدن کیچیلمز باغریم اولوب قان عم اوغلی گوزلره قربان عم اوغلی کوفیه گلدی قطاریم سارالدی گول تک عذاریم قانلی باشون جدا اوسته اولدی منیم هم جواریم باغریم اولوب قان عم اوغلی گوزلره قربان عم اوغلی منه دشمن ال چالاندا جان قویمادی غم بو جاندا تاری بیلیر نه چکمیشم نی ده باشون داشلاناندا باغریم اولوب قان عم اوغلی گوزلره قربان عم اوغلی گلستاندا تکان بیتدی گوزل یاریم گوزدن ایتدی دویولمکدن یورولمازدیم منی شماتت اینجیتدی باغریم اولوب قان عم اوغلی گوزلره قربان عم اوغلی داشلانیب چرخین جفاسی دردیمین یوخدور داواسی هر یارایا مرهم اولسا ساغالماز هئچ دیل یاراسی باغریم اولوب قان عم اوغلی گوزلره قربان عم اوغلی اووچو کمانه اوخ تاخار جیران قاچار دونر باخار تانیش داشی اوخدان بتر هم گوینه­در هم ائو ییخار باغریم اولوب قان عم اوغلی گوزلره قربان عم اوغلی قیشده قوپار دومان یئردن اورگ یانار یامان یئردن کوسمگه حقلی‌سن مندن کونول کوسر اومان یئردن باغریم اولوب قان عم اوغلی گوزلره قربان عم اوغلی بلبل اوچار گوگه بیلمز گول تیکانلیق سئوه بیلمز آداخلیسی اولن گلین هئچ قاپینی دویه بیلمز باغریم اولوب قان عم اوغلی گوزلره قربان عم اوغلی غم منی زینهاره گتدی آغ گونومو قارا گتدی فلک قولومو باغلادی مجلس میخاره گتدی باغریم اولوب قان عم اوغلی گوزلره قربان عم اوغلی هامی یارین عزیز ایستر گلین گئده­ن جهیز ایستر گوزلروننان ایراق اولسون دشمن منی کنیز ایستر باغریم اولوب قان عم اوغلی گوزلره قربان عم اوغلی آخار سودا بالیق اوزر آی باتاندا اولدوز سوزر توی گورمین یاسلی گلین کنیزلیگه نئجه دوزر باغریم اولوب قان عم اوغلی گوزلره قربان عم اوغلی بو چرخ سفله و دنی بلادن اینجیدیب منی دشمن ائوینده گوزلریم قورخا قورخا گزر سنی باغریم اولوب قان عم اوغلی گوزلره قربان عم اوغلی باغلار قالیب سئل آلتیندا سنبل سینیب یئل آلتیندا باغریم قان اولدو آزگلنن؟ قانه باتان تئل آلتیندا باغریم اولوب قان عم اوغلی گوزلره قربان عم اوغلی

استمداد حضرت قاسم (ع) سبک :یخیلوب عباسیم 🏴🏴🏴🏴🏴🏴🏴 یارالاریمدن قان، آخور مثل باران یخیلموشم آتدان ، سالاریم عمو دوروب الده خنجر،جلّاد عصیانگر یوح قاسمه یاور، غمخواریم عمو آلوب اطرافیمی ، قوم جفاگستر گل لاله گون اولدی ، مقدّس سنگر باخور هر دم حسرت، قانلا دولان گوزلر سنون یولون گوزلر ، فرزند کوثر گل عموقیل چاره، ظلمه گرفتاره آنام سالسون بآ شینه قاره معجر اورگیم قان اولدی ، عمروم گلی سولدی گل قاسمون ئولدی ، سرداریم عمو سنی ایستور گوگلوم،آخر زمانیمده گل اگلش یانیمده ، آتام مثالی چکورهردم شعله،عشقون نهانِمده شراره جانِمده ، اورک نوالی گل عموجان تیز گل ، وقتِ خزانیمده قویما یری اولسون ، آتامون خالی هامی امکانیم سن روح روانیم سن تاب و توانیی سن ، بی یاریم عمو غریب بی یاور ، عزیز پیغمبر سسلور سنی داده دعواده قاسم یارالی بلبل تک،شهپر چالور قاندا دوشموش بیاباندا ، دلداده قاسم یاپوشوب زلفومدن،الده قلج قاتل جان ویرماقا اولدی ، آماده قاسم گل اوزون شاهد اول ، مقدّس عشقونده یتوشدی پایانه ، پیکاریم عمو https://eitaa.com/turki_nohemajma

استمداد حضرت قاسم علیه السلام (سبک : تا مشکتو تو آب زدی) هرایمه     گل      آی    عمو قالوب       آراده     قاسمون یخلدی    تُپراق     اوستونه  کرب   و   بلاده     قاسمون عمو  جان گل گیتدی الدن صبر  و قراریم یارالاریمدان  آخور   قان   ای  شهریاریم دَم     آخر   یانیمه   گل    ای   شاه   عالم نفس گلمور،جان چیخور یوخدی اختیاریم گل  داده –  عمو  جان امداده    –   عمو جان حسن        بالاسیم      عمو  او         مه لقاسیم       عمو علی      اکبرون        ئولوب   اونون       فداسیم      عمو یولون   حَقدی   ،   اصغریون حیرانیم من سنون تک  منده   بو دشتون  مهمانیم من یتیملوقی سنلن هیچ احساس ایتمدیم من سنون     علی   اصغریون     قربانیم    من گل  داده –  عمو  جان امداده    –   عمو جان ئورک      قراریم    آی  عمو منیم      نگاریم    آی   عمو گیدوب توان یوخومدی هیچ صبر    و    قراریم   آی عمو آلوبدور دوریم    قَصاوتلن    قوم   عدوان یتیش  فریادیمه سن  ای  شاه   شهیدان قالوب  بیر حاله  بو پاره جسمیم عمو جان آخور   صحرایه   یارالاریمدان   یئره  قان گل  داده –  عمو  جان امداده    –   عمو جان دوشوبدی     نعشیم    اللره یارالی     دلبرون       کیمی اولوبدی      پاره      پیکریم علیِّ     اکبرون          کیمی علی اکبرلن   نئجه    پیمان  باغلامیشدیم منه    قارداشیدی    قلبیمی  داغلامیشدیم شهادت  بالداندا شیرین  اولدی عمو جان گجه نی صبحه کیمین گیزلین  آغلامیشدیم گل  داده –  عمو  جان امداده    –   عمو جان بو       کربلاده      قاسمون حالی     یاماندی   آی   عمو دوریم   آلوبدی   قوم    شَر گور نه   دوماندی   آی  عمو عمو  جان  گل  بی کسم  بو چولده غریبم آتام    یوخدی    کربلاده     آخر      یتیمم یاغور اوخلار   پیکرِ   بی جانه یاقوش تک ایاق آلتدا  بس کی قالدیم خُرد اولدی سینم گل  داده –  عمو  جان امداده    –   عمو جان عمو        یامان      زمانیدی گوزوم     یاشی     روانیدی گلنده        آغلاما    بو  چول هاموسی     ال     چالانیدی عمو جان کاش مَه جمالون بیرده گوریدیم گلنده    سن   یاتمیدیم   بیرجه  دوریدیم یتیشدی عمروم باشا  ای کاش سویلرم کی عموم   عباسی  گوریدیم   اوندا    ئولیدیم گل  داده –  عمو  جان امداده    –   عمو جان .****** احمد پوریا https://eitaa.com/turki_nohemajma

نوحه حضرت قاسم (ع) «اهنگ یا امام زمان شیعه ده احساسه باخ ✍️ شاعر علیرضا علوی زنجانی ✍️ دوشوب آتدان یره قاسم گل پیرهن عدنیده. آغلیور اوغلونا مولا حسن گل عمو دادیمه. یتیش امدادیمه ای عمو جان. ای عمو جان اکبرین یولداشی عمو دوشوب بلایه گل گلوب فاطمه بو دشت نینوایه قاسمی درک ایله بلکه چاتا نوایه سسلورم داده گل عمو فریاده گل ای عمو جان. ای عمو جان آیریلیق دان داخی قلبیم اولوب قان عمو گویلوم ایستر گلن جان ویرم آسان عمو اخرین لحظه ده سن اوخی قران عمو گل گلوب فاطمه. شیون ایلور منه ای عمو جان. ای عمو جان بو شهادت منه عین عسل دور عمو دین یولودا اولوم خوشدی گوزل دور عمو لوح عشقین. سنین لوح ازل دور عمو عاشقم من سنه. گل دعا ایت منه ای عمو. جان. ای عمو جان جان ویرن من گرک دینله قرانیمه قان آخا میدانا تشنه باتام قانیمه محضرونده ویرم جانیمی جانانیمه رو سیفد اولموشام. گل داخی سولموشام ای عمو جان. ای عمو جان عموم عباسه دی دشمنی اولدورمیشم ازرقین قلبنی تیریله من بولموشم ازرق شامینی عمو من. اولدورمیشم نوه حیدرم. منده شیر نرم ای عمو جان ای عمو جان شامیان بیلدیلر من نوه ی. حیدرم عموم عباسیدی جنگیده نام آورم بیلمیردی بولار من یل نام آورم نوه. حیدرم. گل پیغمبرم ای عمو جان. ای عمو جان مرتضی نین قانی. رگلریمده جاری دور بو آخان قان همان حیدرین اوز قانی دور خون پاک حسین اللهین اوز قانی دور منده دلدادیم. جنگه آمادیم ای عمو جان. ای عمو جان ✍️ شاعر علیرضا علوی زنجانی ✍️

شور حضرت قاسم (ع) اهنگ :مردی می آید به میدان  شور     اهنگ :حسین عینی فرد مردی می آید به میدان ✍️ شاعر علیرضا علوی زنجانی ✍️ قاسم شهزادیم من  (۲) جنگیزه آماده یم من(۲) من زاده پیغمبرم   فرزند شاه خیبرم        من قاسم ابن الحسنم (۳)                   خردا سرباز حسینم  (۲) منده همراز حسینم  (۲) شاه ولانین اوغلیام    شیر خدانون اوغلیام              بند دل پنج تنم         من قاسم ابن الحسنم (۳)                   مجتبی نین اوغلیام من  (۲) مرتضی نین اوغلیام  من (۲) من گل باغ حسنم     شیرم اوزوم صف شکنم           من قاسم ابن الحسنم (۳)                   صفلره طوفان   سالارام    (۲) باش باشا سیزی چالارام   (۲) قاسم صاحب ظفرم    ازرقین نسلین کسرم              عاشق شوریده سرم             من قاسم ابن الحسنم (۳)                   قاسم   رزم  آورم من  (۲) نور چشم حیدرم  من (۲) رزمیم   منیم حساسیدی     جنگ  اورگدن عباسیدی             من قاسم ابن الحسنم (۳)                   پور خیبر شکنم من (۲) قاسم ابن حسنم من (۲) تیغ شرر باریم گزر    دشمنلرین بوینون اوزر         عاشق  شوریده سرم       من قاسم ابن الحسنم (۳)                   عاشق خونین  جگرم (۲) قاسم   گل   پیرهنم  (۲) شیر خدایه  مظهرم    دشمن شکن دلاورم  ((یخماقا کوفه خیبرین  منده بیر آیری حیدرم))        من قاسم ابن الحسنم (۳)                   عاشیق شاه زمنم(۲) دل بسته مولا منم(۲) فاتح بدره بنذرم    حمزه منم  جعفر منم  ((یخماقا کوفه خیبرین  منده بیر آیری حیدرم))        من قاسم ابن الحسنم (۳)                   ۱۴۰۰/۵/۲۲ ✍️ شاعر علیرضا علوی زنجانی ✍️

احوالات حضرت قاسم(ع) قالدی آتلار ایاقیندا حسنین گل بالاسی آلدی دامادینی آغوشینه ئوز قیناتاسی یری وار حضرت زهرا آچا بو نوحه ده باش دور اشکین الیه قاسیمینه نقل شاباش داش اورکلر اوقدر جسمینه ورموشدولا داش نقشه پیکری گیتمیشدی بکلی آرادان قرمزی نقل کیمی قان توکولوردی یارادان دویولی ات کیمی اولموشدی جگر بند حسن سورونوردی ایاقی یردن اوزانمیشدی بدن قدم آتدیقجا حسین دیلدن ایدوردی شیون تازه دامادینون اوخشوردی ئوزی یولدا بویون نه گوزل پیرهنون واردی مبارکدی طویون یتوروب خیمیه جانسیز جسدی قویدی یره عرضیمه دقت اله منظره نی آل نظره طوی گونی قاره گینلر یغشوب دوروبره گوردولر قان بوروین قاره گوزون قاره قاشون ننسیندن ده قاباخ عمه لری آچدی باشون فاطمه خیمده جریانه خبر دار اولدی دیدی بختیم کیمی روشن گونوزوم تار اولدی گیتدی بختیم بولورم غصه منه یار اولدی دور ایدوب ماه کیمی غصه لی اولدوزلار اونی یوزی گلمیردی گله گتدی سوسوز قیزلار اونی (باشینا بیر قره معجر سالدیلار اوتانا اوتانا گلدی ایلشدی پایین پاده باخدی عمواوغلوسونون قانا بلشن کوینگینه) عمواوغلی اوقانلی کوینگیوی ویر ایدیم یوزه روبند گورن دیسون کی گلیندی نقابی قرمزیدی ویاکی ایله دعا قتلگهده منده ئولوم گورن دیسون بو ئولنلر عمواوغلی عم قیزیدی (کوفیه وارد اولاندا خانم باخدی گوردی داشلارین بیری دیدی قاسمین یارالی باشنا) آی کوفه لی لر تیزی تاری بوقدر جور وجفا باشلامیون ئوزون ئولدوردی گلین نامزدین داشلامیون https://eitaa.com/turki_nohemajma

ششماهه سوسوز قربانیم زبانحال حال حضرت رباب(س) به علی اصغر(ع) در آهنگ تصنیف انتظار ششماهه سوسوز قربانیم وای قانه باتان جیرانیم بیر غنچه گل تک پرپر اولدون اوچ شعبه اوخلان،بی سر اولدون مهمان عرش داور اولدون ربابون ای مارالی اصغر سوسوز ئولن یارالی اصغر علی علی علی بالام وای ( 3 ) گول حلقیوه دگدی پیکان آغ اوننوگون اولدی القان قالدیم ملر حشره کیمین من نازلی بالام گیتدون الیمدن اولدی ایشیم آهیله شیون ربابون ای مارالی اصغر سوسوز ئولن یارالی اصغر علی علی علی بالام وای ( 3 ) صود گلدی دولوبدور سینه م تنگ اولدی منه بو عالم عطشان ئولن جیرانیم اصغر قانه باتان طرلانیم اصغر دیل آچمیان قربانیم اصغر ربابون ای مارالی اصغر سوسوز ئولن یارالی اصغر علی علی علی بالام وای ( 3 ) عباسیله ای همپایه گیت محسنه اول همسایه بو اوچ گونی دل داغلادیم من عطشان قالوبسان آغلادیم من عفو ایت الیوی باغلادیم من ربابون ای مارالی اصغر سوسوز ئولن یارالی اصغر علی علی علی بالام وای ( 3 ) ای رهرو راه اکبر وی زینت سینه م اصغر یوخدور بو درده چاره اوغلوم اولدی آنان بیچاره اوغلوم غارت اولوب گهواره اوغلوم ربابون ای مارالی اصغر سوسوز ئولن یارالی اصغر علی علی علی بالام وای ( 3 )

اوغولسوزون غمینی اوغلی ئولموین بوله بولمز ‍ روضه حضرت علی اصغر(ع) اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم #اوغولسوزون_غمینی #اصغریه #روضه https://eitaa.com/turki_nohemajma

🖤احوالات حضرت قاسم علیه السلام 🖤 گل عمو جان رهسپار ایت جنگه الان قاسمی قویما قالسون خیملرده زارو گریان قاسمی بعد اکبر زنده قالماق امر مشگلدی منه آغلیرام من عاجزانه التماسیم وار سنه سن رضایت ویر گیدم منده نبرده دشمنه قیل رها بند قفسدن شاه عطشان قاسمی کول اولا دنیایه سالدی آیری مندن اکبری دین یولوندا لخته لخته قانه باتدی پیکری ایستیرم تامثل اکبر من گورم پیغمبری سفره احسان حقه ایله مهمان قاسمی یالواروب آلدی رضایت نامه عطشان شاهیدن بیر ستاره مثلی قاسم آیریلیبدی ماهیدن شاد اولوب یولدا یقبنا شکر ایدوب الهیدن عرض ایدوب یارب کمک سیز قویما بیرآن قاسمی بی زره میدانه جنگه اولدی قاسم رهسپار بدرقه ایتدی حرم اهلی اونی چون اشکبار تل زینبدن آشیبدور با غرور و افتخار خیمه ده قیزلار دعا ایلوردی هرآن قاسمی مرکز میدانه چاتدی نوجوان رزم جو قان توکن اشراریلن اولدی او ساعت روبرو دیل آچوب گفتاره ایتدی دشمنیله گفتگو فرض ایدوب لشگر ولی طفل دبستان قاسمی ایتدی فرمایش جماعت یادگار مجتبایم نور چشمان بتول و ختم مرسل مصطفایم دانش آموز کلاس شیر یزدان مرتضایم بچه شیرم جنگ ایدنده گوروز الان قاسمی سعدین اوغلی پهلوانلار ایچره گوردی پهلوان امر ایدوب ازرق دایانما ویرمه بوطفله امان گیت مهیا اول نبرده قویما قالسون بو جولن سرنگون ایله بوساعت سن رجز خوان قاسمی اولدی ناراحت بو سوزدن ازرق اول پست ودنی یا امیرا گوندرورسن جنگِ بو طفله منی قدرتی که واردی منده تیتردر هر بنده نی گورمورم من در ردیفه پهلوانان قاسمی وارد دورد اوغلوم امیرا محضرونده جانثار قدرت بازو لری مین سد مستحکم یخار یولارلم الان بیرین تاقاسمی ایتسون شکار قیل تماشا رزمگهده گور او بی جان قاسمی الغرض دورد اوغلون ازرق جنگه بیربیر یولادی اولدوروب دوردونده قاسم بیرنشانه قالمادی گلدی ازرق لیکن اول شیرین حریفی اولمادی تلیدن تشویق ایدیبدی شاه عطشان قاسمی حیف اولا امر اولدی لشگر فوری دورین آلدیلار ووردولار شمشیر ویاره تز نفسدن سالدیلار جان ویروب الله قاسم نعشینه آت چاپدیلار باشی اوسته گلدی مولا گوردی القان قاسمی ✍کربلایی زُهیر میری زنجانی #محرم1402 #شب_ششم_محرم #حضرت_قاسم_بن_الحسن_علیه_السلام https://eitaa.com/turki_nohemajma

حضرت قاسم ابن الحسن (علیه السلام) نجه من ایدیم روانه سنی کارزاره قاسم که نشانۀ حسنسن منِ دلفکاره قاسم حسنیم دوشنده یاده دله یوز ویرنده محنت سنیله تاپار تسلّی گوگل ای حمیده خصلت نظریمده جلوه‌گردور نَقَدر بو ماه طلعت بیله بُلّم ایلورم من حسنه نظاره قاسم سنی یادگار ایدوب حق منه قارداشیم حسندن که شمیم مجتبانی یِتورم مَشامه سندن نه روا بو غم گونونده کسه‌سن علاقه‌مندن که چتیندی دردِ هجرون منِ بیقراره قاسم منی گر بوچولده یالقوز قویوب عرصه‌گاهه گیتسن بوقدر بول ایمدی گویا که حسن گیدور الیمدن سنون آتش فراقون ایله سوزش آرتورور من او بیر آتشیله یانّام ایکی گُل عُذاره قاسم بو یانان جگرده بسدور منه داغ هجر اکبر که شراره‌سی ووروب اود بو وجودیمه سراسر دل غم‌ کشیده زخمین اوغول ایلمه مکرّر که بو زخم ایدر کفایت دل داغداره قاسم نئجه منتهای صبریم منیم انتهایه یِتمز نَقَدر وارام اورکدن بو اوغول یاراسی گِیتمز غم فرقتونله دردیم نجه دلده شدّت ایتمز نه او زخمه واردی مرهم نه بو درده چاره قاسم او سَهی قَدون غمیله بو قدیم دونوب کمانه ایلیوب خَدَنگِ درد و غمه سینه‌می نشانه سنیده نجه قلجلار دمینه ایدوم روانه ستمیله گُل وجودون اولا پاره‌پاره قاسم سنی اهل کوفه باخماز که حرم غزالیسن سن که غزال خوشخرامی سالی تیز کمنده دشمن سنی ظلم الیله صیاد ایده صید ایراق گوزوندن که گوزوم بو ماجرانی گورور آشکاره قاسم نه سنه یانار قُلوبی سپهِ ستم شُعارین نه باخار عطش هجومی دلون آلمیش اختیارین ایله گوزلرین دوتوب قان بو گروه نابکارین که نه رحم ایدر صِغاره نه باخور کِباره قاسم سنی من نجه مبارز ویروم اشقیای شامه که شقاوتی او قومون یئتیشوب بوگون تمامه نه جهاندا کام آلوبسان نه یتیشمیسن مرامه چوخ ایدیب اثر بو نیسگیل دل پرشراره قاسم بو شهادت امری دلده سنه گرچه مدّعادور غم فرقتون ولیکن منه دردی بی‌دوادور بو مهمّ امره شاید اوز آناندا نارضادور سن اوزونده اولما راضی گله آه و زاره قاسم بسیدور اونون بو مِحنت که وطندن آیریلوبدور نولی حالی غربت ایچره‌گوره سندن آیریلوبدور یری‌وار او بلبل‌آسا که چمندن آیریلوبدور سنه مین دیلیله شیون ایده چون هزاره قاسم آنادور نه زحمتیله یتوروب سنی بو حدّه نئجه دل ویرور که حسرت قویالار بو سرو قدّه او قَدَر آخار سرشگی بو مصیبت اَشدَّه که کناری گوز یاشیله دونه جویباره قاسم بوکلام خوشکلامی که دوزوب نظامه ( ذهنی ) بودور آرزوسی یتسون بیله بیر مرامه ( ذهنی) گئنه دعوت ایلیه شه گله بیر سلامه ( ذهنی ) ایده ضمنده زیارت سنیده دوباره قاسم شاعر : مرحوم ذهنی

❁﷽❁ #شب_هفتم #سینه_زنی_فارسی_ترکی #حضرت_علی_اصغر_ع #سبک:به تماشابیا ای پسر فاطمه... یا امام زمان شیعه ده احساسه باخ... ┈••✾••🏴✾🏴••✾••┈ #بنــــــدفارسی:👇 مانده تنهـــا به میــــدان ، پســـر فاطمه صوت هَل من معین رسید،به گوش همه کودک شیرخوار ناله زد بیقــرار یا حسین جان(۴) عزم میــدان نمــود طفل رضیـــع رباب بر لبش مانده بودحسرت یک قطره آب شد سه شعبه ، جواب جــای یک قطــره آب وای علی جان(۴) شده قنــداقه ای لباس رزم پسر گشته سرباز کوچک و فدای پدر پاره شد حنجرش ناله زد مـــادرش وای علی جان(۴) ای خدا رحمی کن بر جگر مادرش مانده در خیمه ها منتظر اصغرش تــا ببینـــد ربــاب می شود دلْ کباب وای علی جان(۴) ┈••✾••🏴✾🏴••✾••┈ #بنــــــدترکی:👇 ای علی اصغریم آغلاما دیلسیز بالا یارالی قلبیمی داغــلاما دیلسیز بالا تشنه لب اصغریم لالــهٔ پـــرپـــریــم وای علی جان(۴) گجه نی صبحه جَن آغلادون ای وای ددیم گؤزلرون یومّادون هِی سنــه لایلای ددیم راحت اولدون بالا بِئلَه صولدون بالا وای علی جان(۴) علی ، سنن صورا سرین سویی ایچمرم سنه خاطر بالا ، کؤلگـــه ده اَیلَشـــمرم یانارام آغـــلارام قلبیمی داغلارام وای علی جان(۴) ┈••✾••🏴✾🏴••✾••┈ ✍رقیه سعیدی(کیمیا) #محرم1402

‍ ‍ 🍀🥀🍀🥀🍀🥀🍀               ﷽ #زبانحال_حضرت_رباب(س) #با_حضرت_علی_اصغر(ع) #سبک_خرابه_چراغونه_امشب #شعر_ترکی #عطشدن یانان نازدانه گتورمه ربابی فغانه سویوم یوخدی شرمنده یم من اولور اشک خجلت روانه گمانیم سوده گلمور اوغلوم دوتوب اود چکور دل زبانه آلوپ دوره وی خیردا قیزلار دیوللر هامی یانه یانه ششماهه جیران آز آغلا آز آغلا آز آغلا ای طفل عطشان ازاغلا از آغلا از آغلا 🥀 گیدیب تشنه لیقدن قرارون دا گلمور سنون آه و زارون چالورسان بیله ال ایاق سن پوزور حالیمی بو فشارون چخور گوییا جان بدندن داخی قالمیوب اختیارون دولانمور آغیزدا زبانون اولیدیمسنین جاننثارون ششماهه جیران آز آغلا آغلا آز آغلا ای طفل عطشان ازاغلا ازاغلا ازاغلا 🥀 آپارسا آتان رزمگاهه اثر ایلر حالون سپاهه ویرر بیر ایچیم سونی دشمن ترحم ایدر بی گناهه بو حال نزارون که واردی اثر ایلیر مهر و ماهه سن ایچسن سو سیراب اولونسان مورخ لر ایلر سیاهه ششماهه جیران آزاغلا ازاغلا ازاغلا ای طفل عطشان ازاغلا ازاغلا ازاغلا 🥀 گوزوم قورخور اما عدودن همان خصم بی آبرودن گیدورسن اوپوم قوی دویونجاق علیجان بو زیبا گلودن بودور اصل قورخوم ایچیرده سنه سو سه شعبه سبودن دگه گر اوخ عطشان گلودن ربابی سالار های و هودن ششماهه جیران از آغلا ازاغلا ازاغلا ای طفل عطشان ازاغلا ازاغلا ازاغلا 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج 🍀🥀🍀🥀🍀🥀🍀

‍ ‍ 💔🍃🖤🔹💔 🍃🖤🔹💔 🖤🔹💔 🔹💔 💔                   #شهادت_حضرت_علی_اصغر(ع) ✍#مرحوم_شهاب_تبریزی #ترکی 🖤 ای غنچه ی خندان لایلای علی لایلای جانیم سنه قربان لایلای علی لایلای 🖤 پوزقون گوروب حالون یانّام علی اصغر رنگون سوسوزلوقدان سولموش گله بنزر یوخدور سودوم آخِر نیلوم علی اصغر لایلای علی لایلای لایلای بالام لایلای 🖤 سالدی منی دلدن درد و غمون آخِر اظهار ایدوم حالون واردور کیمون آخِر یوخدور علی اصغر عبّاس عمون آخِر لایلای علی لایلای لایلای بالام لایلای 🖤 چوخ گل خزان اولدی سولدی بو گلشنده بو گون سوسوز گل تک پژمرده سن سنده گورّم سولان رنگون یانّام اوغول منده لایلای علی لایلای لایلای بالام لایلای 🖤 بو گون اوغول بولّم اوچ گوندی عطشانسان بیر دسته سنبل تک بی تاب و لرزانسان حقّون وار آغلارسان بیله پریشانسان لایلای علی لایلای لایلای بالام لایلای 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج     #اجرای_سبک 1400//4/22 💔 🔹💔 🖤🔹💔 🍃🖤🔹💔 💔🍃🖤🔹💔

‍ ‍ 🥀💚🌹💫🥀💦💫💦 💚💦💫🥀💦 🥀💚 🥀💦      ﷽ 💫🥀💦 💦                #زبانحال_حضرت_امام_حسین(ع) #در_شهادت_علی_اصغر(ع) #سبک_ای_ویرن_ویرانه_یرده ✍#مرحوم_سید_احمد_یاسر_نجفی #ثریا_تبریزی #ترکی  شاهد اول یارب الیمده اصغری عطشان گتوردوم اولموشام شرمنده سندن تحفۀ ارزان گتوردوم شوقیله مینای عشقه اصغری عطشان گتوردوم سن بلورسن گئچموشم من سندن اوتری اکبریمدن بیر نه یالقوز اکبریمدن عون و فضل و جعفریمدن کشف اولور حالیم الهی ایمدی حال اصغریمدن آلتی آیلیق طفلی ایمدی کویوه قربان گتوردوم درد فرقتدن جهاندا بسکه یا رب جانه گلدیم  آتش هجراندا یاندوم ناله و افغانه گلدیم  اصغری گوتدوم الیمده درگه سلطانه گلدیم  بیر محقّر ارمغاندور دستۀ ریحان گتوردوم چوخ ریاضتلر چکوب تا یتموشم من بو مقامه  شأن و قرب اصغری گوسترّم ایمدی اهل شامه  اهل شامه چوخ دیدیم هر حجّتی یتدی تم ... 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود     #التماس دعای فرج     💦 💫🥀💦 🥀💚🥀💦 💚💦💫🥀💦 🥀💚🌹💫🥀💦💫💦

#روضه_حضرت_علی_اکبر_ (ع) بولمورم نه حالیدی شه آغلیوب دشمن گولردی بیر خدا عالمدی بیرده زینب کبری بولردی گلمسیدیم قارداشیم اکبر باشی اوسته ئولردی گلدی اما شیشه صبر حسینی داشه چالدی عالم معناده زهرا آغلادی بو حاله یاندی (اله یانا یانا گلیردی خانم ، اله دیردی ایوای قارداشیم ایوای، ایوای قارداشیم بالاسی ایوای بویوردی زینب) اکبر یاراسینی دیمیرم باغلیاخ گیداخ ایلش یره بیر آز ایکیمیز آغلیاخ گیداخ ایلیوب طغیان دریالر کناره قاشدیلار اُمّهـات اَربَعـه سس چکـدیلـر آغلاشـدیلار نقل ایدر راوی قـویوب یئرده عبادن آشدیلار خیمه‌دن نعش اوسته هی عورتدی بی‌معجر گلور ای‌عـجب تیــر بـلا قـلـب جهـانی دَلمدی دوشمدی دوران مداریندن بیر آن دنجلمدی هـامّـی گلـدی خیمـه‌دن لیلا کنـاره گلمدی سکینه دوتدی الین فضه گیردی قولتوغونا چکه چکه خانمی گتدیلر اوغول یاننا (بیر باخدی علینین اویارالی جنازه سینه بیر باخدی گوردی دورلیبلر حرملر اله دیردی ) کتاب بختیمه خط غم و بلا چکیلیب مگر نولوب بالامون اوستونه عبا چکیلیب (عبانی چکنده) باخرام بو گل کیمی پیکره باشا باش یارادی اوغول علی نیه پس ورق ورق اولموسان؟بو نه ماجرادی اوغول علی #روضه_علی_اکبر_، ع،

✔️روضه حضرت علی اکبر(ع) گوردولر آقا یدی قدم قالاندا الله هیچ ددیه جوان داغی اورگینه ورماسون چوخ چتین دی گوردولر یدی قدم قالاندا علینین جنازه سینه آقا یرینن سورونور علی عَلَی الدنیا بعدک العفا اوغول سندن صورا کول اولسون بو دنیانین باشینا بالا باخدی گوردی دوره ده ال چالیلار دیدی اوغول بو قوشون شمادت ایدور منه باشون اوسته چوخ اوتورانمورام گولوشولر آغلیا بولمورم سونوله باشه ورانمورام باشیم اوسته دشمنیم ال چالور هله من ایاقه دورانمورام ف،ع #روضه_علی_اکبر_، ع،

🎧#حاج محمد باقر منصوری #روضه علی اصغر (ع) #الیمین اوستونده. بالام قانه باتدی

#شهادت #حضرت_علی_اصغر(ع) #نوحه_جوشی #ترکی #آهنگ یخلیوب عباسیم نهرفرات اوسته #!!سه پنج روز که بوی گل نیومد الیمین اوستونده بالام قانه باتدی گل آل مندن زینب سوسوز طرلانی بویانوبدور قانه گور چینلر مثلی ربابون ششماهه گوزل جیرانی آناسیندان آلدیم آپاردیم میدانه دیدیم ای انسانلار بالام عطشاندی گله بنذر اوغلوم سارالوبدی رنگی سوسوزدی اوچ گوندی عطشدن یاندی سوزومی آغزیمدا سه پر پیکان قویدی بوغازیندا دگدی آیوردی باشین ایله بیلدیم زینب ابوالفضلین بیرده منیم ئوز یانیمده گوزی اوخلاندی قوجاقیمدا باشین اوّل دوتدوم آرام صورا محکم اوخدان یاپیشدیم زینب بوغازیندان چکدیم سه شعبه پیکانی یاراسیندان ئوپدوم آلیشدیم زینب گوزین آچدی گولدی دیدی غمگین اولما سنه قربان بابا یارالی اوغلون ایله بیل کوسمیشدی ربابون جیرانی دوداقیندان ئوپدوم باریشدیم زینب بو غمی داشلاردا یازاردیم صحراده الیمده میداندا قلم اولسیدی الیمون اوستوندن آلاردی زینب جان بو اوخلی قربان ننم اولسیدی گزورم آواره ئولوبدی قارداشیم گولور دشمن نیلوم علاجیم یوخدی بو چتین ساعتده منی تک قویمازدی اگر الان صاحب علم اولسایدی بلگینده اسدی دگنده اوچ بیر اوخ نجه گلشنلرده اسر ریحانلار ایله بیلدیم یرده کسوبلر قربانلیق مناده حاجیلر کسر قربانلار بو قوزی قربانی قوجاقیمده امّا سوسوز کسدی دشمن چراغیم سوندی یری وار بو غمدن توکه گوزدن قان یاش دیه لای لای اصغر سوسوز جیرانلار ایله کی گوز یومدی دیدیم لای لای اوغلوم باجون گوزلور الان یوبانسون آغلار یاره وی آهسته آچار باشدان معجر دیر لای لای اصغر رقیم باغلار ئورگیمدن اما دگوبدی بیر یاره تاپولماز درمانی یارام باغلانماز بو یارالی قلبین باجیم محمللرده دیر یاندیم قارداش عزاسین ساخلار # اللهم صل علي محمدوال محمد وعجل فرجه ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

روضه بسته شدن آب فرات (من کلام : ذهنی زاده) باغلانوب سو یوللاری بو گونده آل حیدره کربلادن العطش فریادی چخدی گویلره   باخدی سعد اوغلی زیادین اوغلونون فرمانینه باغلادی سو یولارین کرب و بلا سلطانینه اولدی باعث عترت پیغمبرین افغانینه سو گمانی قالدی اشگیله دولی چشم تره   خیمه لردن قوتولوب سو یاندی آل مصطفا سو خصوصینده خجل اولدی بالاسیندان آنا کربلانون هر بلاسی بیریانا سو بیریانا آرتوخ اولدی سو غمی هر غمدن آل اطهره   شرح ایدوب موسایه بیر سوز که اوگون پروردگار کربلاده بی کم و کیف اولدی مطلب آشکار تشنه لیقدان درک ایدوب چوخ تشنه طفلی احتضار بیر سو اوسته اولدی اوخ دایه علی اصغره   لیله دیجوره دوندی چوخ سوسوزلار گوندوزی چوخ سوسوزلارین ایشیق گوندوزده گورمزدی گوزی چوخ سوسوز دللر دولانمازدی بیان ایتسون سوزی رمزیله درد دلین قیز عرض ایدردی مادره   کربلاده هر بلانی سو گتوردی باشلارا بیرسو اوستونده قیزیل قانلار سپیلدی باشلارا بیر سو اوسته قالدی حسرت باجیلار قارداشلارا خیمه لردن اوج ایدر ناله سپهر اخضره   بیر سوسوزلوق آتشی چوخ داغلی دللر داغلادی چوخ اوزون قولاری یالقیز بیر سو مشکی باغلادی بیر سو اوسته تشنه سقا گوزلری قان آغلادی مشکی اوخلاندی سویی آخدی توکولدی یرلره   ذهنیا آغلا بوگونده باغلانوب راه فرات ناله المانیله دولدی خیام طاهرات تشنه لبلر حالنه قان آغلیوبدور کاینات هر طرفدن یر یوزی تنگ اولدی آل حیدره https://eitaa.com/turki_nohemajma

🔳 #ترکی #شب_هفتم #محرم 🌴روضه حضرت علی اصغر(ع) 🌴ابی عبدالله گلدی میدانه 🎤 #نادر_جوادی 👌بسیار دلنشین

🔳 #واحد #شب_هفتم #محرم 🌴اوغول علی آغلاما یات 🌴اوغول علی آغلاما یات 🎤 #مهدی_رسولی 👌بسیار دلنشین

#روضه_حضرت_علی_اصغر_(ع) آند اولا ئوز جانوا اینجیموری اوخ یاراسی سیل گوزون آغلاما چوخ لشکر اشرار باخور خیمیه گتماقا خجلت چکیسن گیتمه بابا بوردا دفن ایله منی سیزی تاری چکیلون گلدی بالام ویرون آغوشیمه دینجلدی بالام نیه پس آغلاموری سینمی داغلاموری گوردوم دوداقین قانی آخور چخدیم ئوزومدن آز قالدی منیم کاسه صبریم داشا قارداش آخر نه تسلادی بو ای کان کرامت اصغرده سنونکیدی که مندیدی امانت قربانلیقا بیر جوت بالامین قیمتی یوخدی ئولموشدی سوسوزدان سنه هیچ منتی یوخدی الله بولوری بو گجه من نه چکمیشدیم مین زحمتیلن بو گجه نی صبح المیشدیم صبح اولدی گجم حیف یامان گونلره قالدم آخر قوزی قربانیمی عطشان یولا سالدم کوسموسن مندن دیمیشدیم آغلاما ورما درناق سینمه می چوخ داغلاما گل گذشت ایت پوزشه یول باغلاما آغلاما آغلار گوزه قربان اوغول

🏴شهادت حضرت علی اصغر علیه السلام 🏴زبانحال حضرت رباب سلام الله علیها 🎼 به سبک تا مشکتو تو آب زدی الله منیم دیلسیز بالام میدانه گیتدی گلمدی قالدی گوزوم یولدا منیم مقصوده یتدی گلمدی یانوب قلبیم غصه و غمدن آغلارام من فراقینده باشیمه قاره باغلارام من نقدری اولسا منیم عمروم بو جهاندا غمینده اصغر سنین سینه داغلارام من علی جان علی جان 2بار چیکدی سوسوز لوق اوغلومی آخر او میدانه طرف نامردیلر اوخ ورودولار تیر غمه اولدی هدف گولوستاندا گول کیمی اوغلوم اولدی پرپر بوغازینان ورودولار بیر اوخ ئولدی اصغر خیامه گئتدی آتاسی اول شیرخواری اولوبدی خیمه سراده بیر آیری محشر علی جان علی جان 2بار لب تشنه شیر خوارمی سیراب ائدوبدی حرمله میداندا اوخلاندی بالام اولدی خیمده ولوله بوغازینان اوخ دگوب اصغر گولدی یاتدی جهانی عشق شهادتله باشدان آتدی شهید اولدی دین اسلامی ائتسین احيا باتوب قانه تشنه لب اوغلوم کامه چاتدی علی جان علی جان 2بار اوچ گون بالام گوز آچمادی اوخ دگدی گولدی گوز آچوب یاتمیشدی بیدار ائتدی اوخ قلبیمه تیر غم ساچوب فراقینده قلب زاریم اود دوتدی یاندی یانوب قلبیم کاسه ی صبریم دای جالاندی الی سین سون من گوروم الله حرمله نین غم هجری تا وارام بو دیلده قالاندی علی جان علی جان 2بار لای لای منیم دیلسیز بالام نه صوت نه سو اولدی سنه لب تشنه باتدین قانه سن اولدی چتین بو غم منه بهار عمروم خزان اولدی کربلاده یانوب قلبیم داغدار اولدوم نینواده فراقین سالدی منی چوخ درد و بلایه فدا اولدون دین و قرآنه سن مناده علی جان علی جان. 2بار منی ملر قویان بالا نه گلدی باشیوه سنین سو ایستدین سو اولمادی فراقین اولدی چوخ چتین سنه چکدیم آلتی آی زحمت من علی جان دئیردیم سن دیل آچوب منله بیر دانیشسان سنه آئتمیشدیم بو آلتی آیدا من عادت آنان اولدی غصه و غمدن ایندی نالان علی جان علی جان 2بار ملتمس دعا ✍حاج مهدی ملکی زنجانی ______

🎼سبک نوحه فوق👆👆 🎤#بانوای_حاج_علی_سیفی_افشار 👌پیشنهاد دانلود100% ________

#نوحه_سینه_ زنی #شهادت_حضرت_علی_اصغر_(ع) الهی شاهداول ئوزون من آغلیرام بالام گولور یواش یواش یومور گوزون من آغلیرام بالام گولور آتیبدی حرمله اوخون کمانی سالدی چینینه الیمده بنزدی بالام یارالی بیر گورچینه سالار ئولونجه بو یارا ربابی غم کمندینه آناسی اولدورور اوزون من آغلیرام بالام گولور چکوب آناسی آلتی آی بو نازدانه نازینی یتوردی کربلایه تا آنا ئوز امتیازینی نجه آتار قماتینی نجه اوپر بوغازینی دیسم چتیندی اوخ سوزون من آغلرام بالام گولور من اوغلومی گتیرمیشم نگاریمه فدا ایدم گرک عزیزیمون قانون گویه سپوب دعا ایدم که تا تمام عالمی بو عشقه آشنا ایدم دیم بلالره دوزون من آغلرام بالام گولور نه سو ویریبدی حرمله نه ده ترحم ایلدی چمنده باغبانیله گلی تجسم ایلدی ایشیتدی فاطمه سسین بالام تبسم ایلدی بهشته دوندریب یوزون من آغلیرام بالام گولور من آغلرام بو علته آناسنون منتظر قالوب بالام گولور بونا گوره بهشتین عطرینی آلوب حرم قوشی قاناد چالوب قولونی بوینوما سالوب گوروبدی عشقینی گوزوم من آغلرام بالام گولور آناسی تیکمدی گوزون جهاندا سیر امیدینه بالاسی گیتدی یاره لی شهید عشق دینینه ئوزی گوزونی باغلادی کفن بیچیب شهیدینه دیدی بالامنان ال اوزوم من آغلرام بالام گولور