#روضه_حضرت_زهرا_س 🔘 #ترکی 🔘 #حاج_مهدی_علیزاده #کانال_نوحه_مجمع_الذاکرین

❣﷽❣ ➖ #سینه_زنی_حضرت_زهرا_س ➖ #ترکی ➖ #مرحوم_محمدباقر_منصوری ➖ #پیشنهادم 👌👌 من فاطمیم زندگیدن دویدوم عم اوغلی خوش گونلریمون جامه سینی سویدوم عم اوغلی گیتسمده مزاره گینه سندن نگرانم دشمن قاباقیندا سنی تک قویدوم عم اوغلی من فاطمیم قلبیمی درد و محن آلدی دوشدی نفسیم تنگه داخی وقتیم آزالدی راحت اولورام رنج و فشار و غم الیندن آغلار بالالاریم سنون امیدیوه قالدی هئچ کیم بیله بیلمز من بی یار ، فشارین ضرب دریلن سینه ده مسمار فشارین بیر ظلمیدی م نگوردوم اونی من بیلورم تک هئچ کیم بیله بیلمز در و دیوار فشارین من فاطمیم خون دلیم آخدی گوزومدن درد اهلی بیلر حالیمی بو اودلی سوزومدن پیغمبر آنا سسلدیگی خسته بتولم ئوز حقیمون اوستونده دگوب 🌹هدیه به حضرت معصومه سلام الله علیها (صلوات)🌹 ┈••✾•🌿🌺🌿•✾••┈ @majmaozakerine #کانال_نوحه_مجمع_الذاکرین

#زمینه #ترکی #شهادت_حضرت_زهرا_س 🎤 محمدباقر منصوری @majmaozakerine #کانال_نوحه_مجمع_الذاکرین

#روضه_حضرت_زهرا ‍ بو دگول شیعیه نسگل کی جوان ئولدی خانم بودی نسگل کی حسیندن نگران ئولدی خانم بودگول شیعیه نسگل کی خانم سیلی یدی یا یمدی بودی نسگل کی خانم هیچ کیمه دردین دیمه دی بودگول شیعیه نسگل غم اونی منگنه جبره قویوب بودی نسگل علی زهرانی نجه قبره قویوب بومنی درده سالان فاطمه دی منه خاطر ایاق آلتندا قالان فاطمه دی اوت ایچیندن منی الردن آلان فاطمه دی بوجوانلیقدان الهی قوجالان فاطمه دی (یوزون قویاردی زهرانین قبرینه اله یانایانا دیردی زهرا) جهاندا دردیمی سنسیز قویولارا دیرم آی دردی اولانلار آی مریضی اولانلار آی بوگجه خانمین اتگینن یاپشانلار خانم آخر لحظه لرده بسترده یاتمشیدی بالالار گلردیلر زهرانین اطرافین آلاردلار هره بیر نوع ایستردیلر ننیله دانشالار اما زهرادن جواب اولمازدی زینب بیر باخدی حسینه،حسین سنه باجین قربان آی قارداش حسین نقدر ننمله دانشروق بیزه جواب ویرمیر قارداش ننم سنی چوخ ایستر حسین سن ننمی چاغیر شاید سنه جواب ویره آقا گلدی یوزون قویدی ننه نین الرینه من حسینم یومولان گوزلره قربانم آنا بوکولن قده قره معجره قربانم آنا سن کیمی عاطفه لی مادره قربانم آنا ننه منه بیر جواب ویر آخی سن ایستین حسینم آی ننه منه کوینک توخویان الره قربانم آنا ننه دن جواب اولمادی زهرا جواب ویرمدی آی ننه سی ئولنلر بیر دنیا معذرت ایستیرم یوزون قویدی ننه نین ایاقلارینا دیدی ننه ایاقیوی اوپورم کربلایه تئز گله سن سنی او قورخولی چولده یوباتمارام ننه جان باشیمی خولی آپارسا دالیجا کوفیه گل دیمورم قاسیمیله اکبر ئولنده گله سن یا الیم اوسته علی اصغر ئولنده گله سن دیمورم عونیمیله فضلیم ئولنده گله سن منه منتدی ابوالفضلیم ئولنده گله سن علی دییر من ئوزوم زهرانین کفنین باغلامشدیم ،بیردفعه گوردوم حسین آغلیاندا جنازه بیر طلاتمه گلدی زهرا اوسنان قولون قالخزدی گل سینمه بالا گل بیر قول بویون اولاخ بالا ابی عبداللهیلن بئله قول بویون اولدولار اونان علی بلافاصله دیدی حسین جان دیمیرم ننوینن قول بویون اولما اما بیردنه خواهشیم وار آغارمش زلفنه ال چک دیمم گیسوسینه دیمه الین اوپسن سوزوم یوخدی ولی بازوسینه دیمه سیخوب دیوارو در جسمین سنان پهلوسینه دیمه آی بالا @majmaozakerine #ترکی

تشییع حضرت زهرا (س) حسین حسنی افشرد باشه ویروب عمرینی جهاندا یول سالدی حضوریاره زهرا یدی نفریله حمل اولوندی قبره بدنینده یاره زهرا سلمان و اباذریله مقداد عمّاریله میر لافتادور بیرده حسنینیدور گلنلر تابوتیده دخت مصطفادور تابوتی یواش یواش گیدر چون اوز خواسته سیله بو سزادور روحی قیدور دویونجا باخسون زینبده سولان عذاره زهرا بیر باغین ئولوبدی باغبانی گل بسلدی دوتمادی گلابین گوردی چیچگین گلین خزانین گورموب آچا غنچه لر نقابین آز اولدی بهاری حیف بوکدی غم صرصری عمرینین کنابین حسرتده قالوبدی گلستانه گلزاره گله بهاره زهرا تابوت قباقیجه علیدور آردینجا گیدن ایکی بالاسی ایلور اونی بدرقه کنیزی بیرده ایکی دخت مه لقاسی دورد مرد مُسن حمل ایدردی گویا که یوخ اوزگه آشناسی بیر عالمین آشنا غریبی گیزلنجه گیدور مزاره زهرا زینب دولی گوزلی چوخ باخاردی تابوت دالینجا دل شکسته سسلردی آنا هارا گیدورسن ای سینه شکسته بیعت اوسته گیتمه بیزی قویما تک حیادن قبر اوسته گلنموری بو خسته تابوتی اودور یواش گیدوردی ایتسون او قیزا نظاره زهرا اشکیله دولاردی گوز بلاغی دریا کیمی موج ایدوب داشاردی گوز منظرینی آخوب کسردی تابوت گیدوب اوزاقلاشاردی کلثومین الین دوتاردی ناچار قهراً ایکیسی قوجاقلاشاردی چوخ آغلاما آغلاساق دیردی حتما گلر آه و زاره زهرا فکر ایله گیجه قرانلوق ایوده دگمور گوزه نور شمع و فانوس زهرا ایویدور باتوبدی یاسه زینب کیمی نا امید و مأیوس زهرا که گیدوبدی حبسه بنذر ایوده ایکی قیز اوشاقی محبوس قالدی بالالار بو ایوده گیتدی بیر اوزگه دیار و داره زهرا فریاد فلک سنون الیندن هر بیکسه بیر جفا ایدوبسن چوخ سینه لره یارا ووروبسان هانسی یاریا دوا ایدوبسن سن آلموسان عزّتین صفاسین چوخ ایولری بی صفا ایدوبسن لطفیله صفا ویرردی هر گون اول منزل تیره تاره زهرا بیر عمر علی سنون الیندن غم باده سینی آلوب ایچردی هجران بتول بیر اوراق تک جان مزرعه سین کسوب بیچردی دوز دور گیجه دور ولی گیچنده هر کوچه نی بیصدا گیچردی تا بلمیه لر هاچان دوشوبدور بو قافله دن کناره زهرا ظلمتدی گیجه زمانی دوتموش یثرب یوزینی سکوت مرموز تابوت گیچنده هر قرانلوق کوچه دولانوب اولاردی چون روز محشردی مگر بیله یغشموش بیر نقطه ده گون بولود آی اولدوز اولموشدی بولود حسین، علی گون آی اوغلی حسن ستاره زهرا آخموشدی ستاره نه ستاره ظلمت گیجه ده مه درخشان غم آی یوزینه سالوبدی حاله آغلار بولودی ایدوب پریشان گون باتماقین آختاروردی هرآن مغرب دالیجان گلور هراسان آهسته دیور علی که مثلین گلمز داخی روزگاره زهرا راحت یاتون ای مدینه اهلی ای غفلت اوزیله خواب ایدنلر آسوده و شاد اولون اورکدن زهرا اورگین کباب ایدنلر زهرا داخی یوخدی ناله سیندن وحشت ایدوب اضطراب ایدنلر سیز قلبیمه ووردوقوز یارایه تاپدی ئولومیله چاره زهرا حمل اولدی او طرزیله بقیعه دردانۀ خاتم رسالت دوتموشدی وجود مرتضانی درد و غم و رنج بی نهایت اظهار ایلینمیوبدی دردین آخدوقجا سرشک ایدوب کتابت ایوای ولایت اوسته دوزدون بیحد ستم و فشاره زهرا تشییعه گلنلره بویوردی مأجور ایده کردگار دادار پیغمبریزین عزیزه سیدی تشیعینی قویمادوز اولا خوار تک تک قییدون گیدنده، سلمان مقداد عزیز و بوذر عمّار باهم سیزی گورمسونله ایلوب بو امره اوزی اشاره زهرا آیریلدیلا اَتقی الاَتقیادن آغلار گوزیله گیجه زمانی بیر کوچه دن هر بیری قییتدی مولا ایوینه طرف نهانی سلمانین الی حسین الینده بوذرده آپاردی مجتبانی تک قویمادی مرتضانی اولدی همدم ایله بیقراره زهرا آچدی یوزینی دویونجا گورسون خلوتده او مهربان نگارین گورموب او خزان اولان گلینده بیر ذره نشانه سین بهارین آرتوردی بو گورمماق علینین قلبینده کی سوزش و شرارین سسلندی بو دید واپسینیم سالدی دله مین شراره زهرا هرقدرتوکولدی آب دیده دولدوردی دوباره گوزبلاغین هجر آتشی سونمدی علاوه آرتوردی اورکده احتراقین سو سپدی سرشکیله مرتب بلکه ایده فاطمه اطاقین تپراقلاری بستر ایتدی یاتسون ظلماتیده ماهپاره زهرا غم سیلی دوباره آشدی داشدی ویران ایده یخدی صبر سدّین قویدی اثرین فراق زهرا سیمای علیده سالدی ردّین اوز روحینی دفن ایدوب قوتولدی چوخ سعی ایلدی دوزلده قدّین صد حیف دوزلمدی دوزلمز بیر بِل که بوکه دوباره زهرا بسدور «حسنی» مُطَوَّل اولدی خوشدور اولا مختصر چکامه باش گوتدی بو خام توسن خامه یولونا ویروب ادامه بیرقدرینی یازموسان قاباقدان «یعقوبی» دیدی یتور تمامه معلوم اولاجاق عیار عشقین چکسه محک عیاره زهرا @majmaozakerine #ترکی

احوالات حضرت زهرا(س) باشلاندی گنه فاطمه نون بزم عزاسی باخ گور چکیلوب کوچه و بازاره قراسی مین دورت یوز ایل اولدی٬ قاپونین یانماقی اللّه امّا تزه دی فاطمه نون سینه یاراسی ای تاپمیان عالَمده دوا دردینه تِز گَل هرچاره سیزه فاطمه نون واردی دواسی یثربده علی مجلس یاس ایلَدی برپا دوردی قاپی آغزیندا ایکی کورپه بالاسی تا آخشاماجاق باخدی یانان درگهه مولا شاید گَلن اولدی دیدی اللّه رضاسی گون باتدی غروب اولدی گَلن اولمادی امّا سسلندی حَسن ای گوزیمون نور وضیاسی یاسه گَلن اولماز قاپونی باغلیون اوغلوم خوار اولدی ننوز فاطمه نون مجلس یاسی یثربده بابوز حیدری دای یوخلیان اولماز عرشه اوجالور قیزلاریمین آه و نواسی ایکاش الان شیعه لریم بیردا اولِیدی قویمیدیلا تا خوار اولا زهرانین عزاسی ای مجلس ترحیمه گَلنلر ایووز آباد جَنّتدی سیزون گوزیاشوزون اجر و بهاسی اولسون سیزه بُرجیم٬ نگران اولمیون امّا باغلاندی سوزیلن علینون عهد و وفاسی جُبران ایلرم قبروزون اوّل گجه سینده اولّام او قرانلوق گجه نین نور و ضیاسی مأمور عذابه دیَرم شیعَمَه دَیمه صبر ایله ملاقاتینه گَلدی اوز آقاسی عرض ایلسه گَر کیمدی اولَن من دیَرم که بو اوغلوم حسین نوکریدی چوخدی وفاسی هم اوغلوما هم فاطمیه قاره گیَردی برپا ائلیَردی بیز ایچون مجلس یاسی اگلَش دیزون اوستونده نچه لحظه آماندی بوجمله ده بیر نکتهٔ باریک نهاندی هر بیر آنانون یاسینه اوغلی گَلر حتما شاید قاپی آغزیندا آقام مهدی دایاندی یاد ایله علینون او زمانین٬ او مکانین هم قولّارینی باغلادیلار هم قاپی یاندی عفو ایله الهی منی دای سوز بئله گَلدی اود شعله چکوب توستوسی عرشه اوجالاندی پهلوسی سینوب چون در و دیوار آراسیندا مسمار باتوب سینه سینه قانه بویاندی نه حیدری سسلندی نه جنّتدن آناسین سسلندی یتیش فضّه که زهرا یارالاندی زینب نه دیدی؟ سسلدی ایوای ننم ئولدی بش سنّیده اللّه ننه سیزلیک نه یاماندی کلثوم باخور منظریه حالی پریشان غمدن دوتولوب دیل دوداقی اشکی رواندی بیر منظره وار یازماقا قادر دگُلم من ای یاسه گَلن حقّین ادا ایله آماندی کلثومیله زینب ایکیسی قول بویون اولدی زینب دیدی کلثوم ننه میز قانه بویاندی 🌹🌹🌹🌹🌹🌹 @majmaozakerine #ترکی

زبانحال حضرت علی (ع)فارسی-ترکی حاج افشین بابک اردبیلی ز هجران تو من دلگیرم ای گل اگر ترکم کنی میمیرم ای گل به رسم عاشقی زهرا وفا کن برای مُردنِ حیدر دعا کن تویی جان پیمبر تویی دلدار حیدر گل پژمردۀ من مرو ای یاس پرپر مرو از پیشم ای آرام جانم منی درده سالوب زهرا گئدورسن هارا ای مظهر طاها گئدورسن غریبم بی کسم سن سن امیدیم علینی قویموسان تنها گئدورسن (یا : قویورسان حیدری تنها گئدورسن) هله تازه جوانسان جهاندان دویما زهرا عم اوغلوندان اَل اؤزمه منی تک قویما زهرا الیمدن گئتمه ای آرام جانیم گولوم دست جفای خاره دوشدی اونون دردی دل بیماره دوشدی خجالتدن او دم ئولدوم دیریلدیم ائله کی گوزلریم مسماره دوشدی سن ای طاها مارالی منی قویما عزالی امان مسمار الیندن یارالی جان یارالی الیمدن گئتمه ای آرام جانیم فلک چوخ گوردی یاری یاره زهرا قویوبدی یاروی آواره زهرا گُلِ طاها حلال ایله علینی سنه من تاپمادیم بیر چاره زهرا سنه ای ماه یثرب آی آغلار کوکب آغلار گجه لر گاهی گورّم حسین و زینب آغلار الیمدن گئتمه ای آرام جانیم سنه بو دیدۀ گریانیم آغلار گزن شریانلاریمدا قانیم آغلار دوشنده یادیمه جریان کوچه ئورک درده گلر وجدانیم آغلار حسن بیلمم نه گورموش دیور ای وای ننم وای یوخودان دیسگیننده دیور لایلای ننم وای الیمدن گئتمه ای آرام جانیم ارسالی از ذاکره اهل بیت سرکار خانم کریمی از تهران @majmaozakerine

‍ زبانحال حضرت زینب در بالین حضرت امیرالمومنین علیه السلام با سبک#بزم عزاده گیمیشم ای فخر عالم رهبر انس و جان بابا باغریقان بابا سن بو گجه پژمرده سن مهربان بابا باغریقان بابا آی مثلی گل باتما زینبی آغلاتما تیر غمونله زینبون قلبین اوخلورسان چوخ چالخلورسان گاهی آچوب زیبا گوزون گاهی یوخلورسان چوخ چالخلورسان اوغلون حسینون بوینونی هی قوجاقلورسان چوخ چالخلورسان اولما واروندی فرقت جاودان بابا باغریقان بابا دردونله مأنوسم سندن چوخ مأیوسم باخدی طبیبون یارووه بیلدی عنوانی ای وفا کانی یوخدور دئدی صوددن صورا آیری درمانی ای وفا کانی قوی صود وئروم میل ائت سنی مجتبی جانی ای وفا کانی ایلوبدی یارون چوخ سنی ناتوان بابا باغریقان بابا ای دلبر ای دلدار صود میل ائت ضعفون وار دهلیز منزلده ائدور محنتون احساس آغلیور عباس بویننون قویوبدور چگنینون اوسته فخر الناس آغلیور عباس سسله دانشدیر اوغلووی قویما دوتسون یاس آغلیور عباس دیندیر او سرو قامتی خوش زبان بابا باغریقان بابا آرتوقدور احساسی آغلاتما عباسی سن هر گئجه محرابیله الفت ایلردون طاعت ایلردون نصف شب اولجاق کوفه نی خلوت ایلردون همت ایلردون ایتام شهری یاد ائدوب حرمت ایلردون راحت ایلردون گوز یولدادور افتاده لر ناگران بابا باغریقان بابا ای شاه آزاده ایتامی سال یاده باشون یاراسی هئچ سنه قویمیوبدور جان گوزلریم قربان گاهی باخورسان ساقیوه گه صولا حیران گوزلریم قربان محتاج لَحنوندور قزون بیر اوخی قرآن گوزلریم قربان روحیَّم ئولموش وئر منه تازه جان بابا باغریقان بابا سن تک مغموم اولماز سن تک مظلوم اولماز ✨اَللّهُمَّ عَجِّل لِوَلیِّکَ الفَرَج✨💫

نوحه ای فخر عالم رهبر انس و جان بابا با نوای زنده یاد ☝️☝️ حاجی سلیم موذن زاده اردبیلی 🖤🖤

زبانحال امیرالمؤمنین در فراق حضرت زهرا(س) درمجلس ختم همسر هم خوانده میشود شمع تک آتش هجرانیوه زهرا یانارام گلرم گونده شبستانیوه زهرا یانارام 🌻 سنیلن آیری دوشندن ائله قلبیم داریخور وئرمسون سس بو پریشانیوه زهرا یانارام 🌻 خاطریمده دولانور دوقّز ئیلین خاطره سی فکر ائدوب گردش دورانیوه زهرا یانارام 🌻 چوخ بلایه باشیوی سالدون عم اوغلوندان اوتور خوش گونون اولمادی هر آنیوه زهرا یانارام 🌻 غسل ائدن وقته سنه ئولمیشم الله بیلوری آگه اولدوم غم پنهانیوه زهرا یانارام 🌻 قولیوین سینماقی سیندیردی منیمده بئلیمی قسم اولسون یارالی جانیوه زهرا یانارام 🌻 یارالی سینه وه خاطر قاتارام گوز یاشیمی کوینگونده یاخیلان قانیوه زهرا یانارام 🌻 دردیم اولسیدی طبیبانه دوا ایلردون وار نیازیم گینه درمانیوه زهرا یانارام 🌻 گون به گون گللریوین رنگی فراقونده سؤلور باخارام غملی گلستانیوه زهرا یانارام 🌻 حسرتیله سوروشولّار هارا گئتدی آنامیز نه دئیوم ائوده کی طفلانیوه زهرا یانارام 🌻 زینبون هر گئجه سجّاده وی حسرتله آچار گوز دوشر مهریوه قرآنیوه زهرا یانارام صادق آهیله یازوب اودلی غزل لر آدیوا باخارام غصه لی دیوانیوه زهرا یانارام 🌻 شاعر؟؟؟؟؟ ✨اَللّهُمَّ عَجِّل لِوَلیِّکَ الفَرَج✨

✍شعر از : نوای نینوا -نادر بابایی 🌱زبانحال حضرت زینب (س) 🌱          حیدر ائوینون شمعی نَه تِز سوندی الهی خوش گونلریمیز قاره گونه دوندی الهی مَجروح آنامون حالینه بَند کفن آغلار باش باشه وئروبلر بوحُسین وحَسن آغلار اَلدن گئدنیم وای اونا بِیتُ الحَزَن آغلار افغانه گلوب حیدر آتام غُسل  وِئرنده مِسمار اثرین سینهء  زهراده  گورَنده عالَمده قالان خوش گونَه حَسرت نَنَه میز وای عمری آز اولان مونس مِحنت نَنَه میز وای شَانیندَه گَلن سورهء  رحمت نَنَه میز وای بیرخوش گونی بو دَهریده هِچ گورمَدی زهرا مِسمار اونی ئولدوردی ئوزی ئولمَدی زهرا عُمریم نَه قَدَر اولسا قَرا باغلیارام من بِیتُ الحَزنَه گِئتسم ئورک داغلیارام من باخدوقجا بو دَرگاهیمیزه آغلیارام من نِسگیللرینی هَرگجه یاده سالارام من مِسماره باخوب مُحسنه لایلای چالارام من پَرپَر بوگجه صَحنیده یاسِ چمن اولدی گئتدی نَنَه میز زینب اَسیر مِحن اولدی آچدیم قاپونی یاسینه شاید گَلن اولدی گوردوم که گَلن یوخ قاپونی باغلادیم الله قارداشلاریمیلا  اوتوروب  آغلادیم الله @turki_nohemajma #کانال_ترکی_مجمع_الذاکرین

حضرت زهرا آدیوا هاردا قورولسا آناجان بزم عزا گلرم منده همان مجلسه اگنمده قرا قوشولوب تعزیه داره ایدرم آه و نوا آغلیان شیعه لریله سنه دیل داغلیارام گوزومون یاشی قوتارساننه قان آغلیارام الی قوینوندامجالسده دولانام آناجان مجلسنده قاپی آغزیندادایانام آناجان یاری یانمش قاپیدان آدگله یانام آناجان دیرم قلبنی غم تیری بولن وای ننه وای ظلم بی حدیله اللرده ئولن وای ننه وای هی دوش یادیمه هردم درو دیوارغمی اینجیدرقلبمی ظالملرین آزارغمی هرندن چوخ اثرایلرمنه مسمارغمی غسلده حیدرآتام بوغمه یاندی آناجان آدوی سسلدی دیواره دایاندی آناجان کوچه وسیلی سوزی تزسالارآلامه منی دائما آغلادار اول پاره لنن نامه منی گنه سیلی غمی آخرآپارارشامه منی درویرانه ده دورام یانارام چوخ بو غمه هم رقیه حالنا آغلیارام هم ننمه اودازهراکیمی دنیانی گلوب باشدان آتوب بالاجاقبرین ایچنده ایاقی یاره یاتوب آناسندان اوسه ساله بالیا ارث چاتوب چون اونوندایوزونه زجرویروبدورسیلی صورتی ضربه سیلی دن اولوبدورنیلی بوآنیلابالانون نسگلی چون باهمدی قلبمی قان ایلین غمده ایله بوغمدی بوناخاطردی که دائم بوگوروم پرنمدی شیعه لرآگه اولون قدیمی بوغملراگوب اوناداسیلی دگوبدور بونادا سیلی دگوب @turki_nohemajma #کانال_ترکی_مجمع_الذاکرین

در مقام حضرت زهرای اطهر سلام الله علیها 🏴🏴🏴🏴🏴🏴🏴 اِعتبار و شَرَفِ کون و مَکان فاطمه دور مَفخَر عالمیان ، جان جهان فاطمه دور یارادان بو خانمی عالَمه زیوَر یارادوب کلّ نسوانه بِحق دَهریده سَروَر یارادوب ساقی کوثَره زَهرا کیمی هَمسر یارادوب شأنی عالملری حیرتدّه قویان فاطمه دور اشرف کُلّ خلایق شه بطحا بالاسی عالَمون سَروَرینون هَم بالاسی هَم آناسی سویلیوب فَخریله زَهراسینه قربان آتاسی خاتم مرسل ایچون پاره جان فاطمه دور سوره کوثری شأنونده خدا ایلوب عَطا اهل کَفری بو عَطائیله اِیدوب حَق رُسوا شاد اولوبدور بو گوزل نِعمَته قَلب طاها شَأنی گون تَک اولان عالَمده عَیان فاطمه دور عِفت و حُجب و حَیا بَحرینه زیبا گوهر عِصمت ومَعرفت وعِشق و وَفایه مَظهر هَمسر شیر خدا ،اون بیر اِمامه مادر بَرتَر و تاج سر اَهل جِنان فاطمه دور مَفخر پنج تن آل عَبا فاطمه دور مَنبعِ بَخشش وایثار و عَطا فاطمه دور شافِع مُحترم روز جَزا فاطمه دور جود واِحسانیده بی حَدّ و کَران فاطمه دور خامه عاجزدی یازا بوخانمون مِدحَتینی چوخ چَتیندور اِیده دِل شَرح وبَیان شوکَتینی مُصطفا واجب اِیدیبدور هامیا حُرمَتینی حیف دُنیاده اولان قَدری نَهان فاطمه دور بَسکه بالادی مَقام وشَرف وجاه بَتول چوخ چَتین اَمردی دَرک اِیلیه بو شَأنی عقول شَأنه باخ هی اُپوب ایگلَردی او خاتونی رسول بویوراردی دلیمه تاب و تَوان فاطمه دور کیمدی بیر بیله رَه دین و وَلاده چالیشا پُشت دَردَه شَرَر ظلم و جفایه آلیشا گوزده کی اشگ تَری خون دلیله قاریشا بیر بله جور وجفایه دایانان فاطمه دور صادقانه ائوز اِمامیندن اِطاعت اِئلیَن هرنه اَمر اِیلیوب اول امری اِجابت اِئلیَن عاقبت جانینی قربان ولایت اِئلیَن راه حقده قولی ،پَهلوسی سینان فاطمه دور عشقینی عالمه بو یولدا عَجب ویردی نشان اهل دنیایه بو پاک عشقی اولوب گون تَک عَیان ماتیدور بیربیله عشقه هامی عشّاق جهان راه عشقی وِیرن عُشّاقه نشان فاطمه دور جِدّ و جَهدیله ولایت عَلَمین ایتدی بپا بیر بِلَه همّته فَخر ایتمَلیدی اهل وَلا ایستیاق حِفظ ایده بو نِعمَتِ عُظمانی خدا بَذل ایدن چون بو یولون حِفظینه جان فاطمه دور دِینینی راه ولایتده ایدوب یاخشی اَدا جان ویروب قویمادی تا صدمه گوره دین و وَلا نه اُئوزی، مُحسنی دَه بلکه اولوب دینه فَدا روزوشب تیر بَلیّاته نشان فاطمه دور سَن هارا ،مِدحَت زهرا هارا رَزّاقی دایان چونکی تَعریف اِلیوب حَضرتی خلّاق جهان سَن فقط عشقیله دِلدن بوسوزی ایله بیان عاشقه صبح ومسا وِردزبان فاطمه دور ستار رزاقی تبریزی 🏴🏴🏴🏴🏴🏴🏴 #کانال_ترکی_مجمع_الذاکرین

دلنوشته ای برای مولایمان امام زمان(عج) پرپر اولوب عدالتون گللری یابن العسگری قانه باتوب حقیقتون پیکری یابن العسگری قلب جهان معرفت هجروه داغداریدور غیبتوه حقیقتون گوزلری اشکباریدور گل آقا انقلابوه شیعه لر انتظاریدور قویما چوخ انتظاریده گوزلری یابن العسگری لطف اله شیعیانوه ای گل گلشن فدک سندن علاوه یوخ آقاشیعیه آیری بیرکمک پرده نشین فاطمه پرده نی بیر کناره چک گورسنه تا جمالوون منظری یابن العسگری گلشن مهروعاطفه ظلم خزانیلن سولوب حب ریا اورکلره ابر سیاه تک دولوب نسل یزیدهرزه خو صاحب تاج وتخت اولوب سال یره تخت ظلمیدن کافری یابن العسگری حقی دیمک بوعصریده اهل حقه حرام اولوب زور و زر اهلی صاحب عزت واحترام اولوب شیعه آل حیدره ظلم وستم تمام اولوب گل ئوزون ایله عالمی رهبری یابن العسگری شیعه مرتضی علی دینه خیانت ایلمز پست ومقامون عشقینه مکرو سیاست ایلمز ملته خدمت ایلین جنگ ریاست ایلمز گرمیدی مکرو حیله نون مجمری یابن العسگری #کانال_ترکی_مجمع_الذاکرین

ظهور آقا شاعر کربلایی قادر خانبابایی (ملکان) 🌺🌳🌺🌳🌺🌳🌺🌳🌺🌳🌺🌳 گوزوم یولدا من انتظارم آقا باخوب یوللارا بی قرارم آقا بو هجراندا چوخ داغدارم آقا نه قدر گلمسن خار و زارم آقا خزان وقتی فکر بهارم آقا ظهور ایله چوخ اشگبارم آقا سنی آند ویررم آقا حیدره مسلمانلار آهی چیخوب گویلره نظاره ائله قلبیده سوزلره گدیب وحدت مسلمین یکسره خران اولدی گولر دشوب یئرلره بو ماتمده غرق غبارم آقا گئدیر جمعه لر سن آقا گلمدین باخور گوزلریم صاق صولا گلمدین صبیر ،جامی قوخدوم دولا گلمدین نه قدر گوز تیکیم یوللارا گلمدین بیر آز قالدی عمریم سولا گلمدین ظهور ایله دای بی قرارم آقا قیام ایله عدلین گوراخ لذتین اوزون ریشه سین کس آقا ذلتین گلوب گوستر عالملره شوکتین نشان وئر ابولفضلین او غیرتین بیلیندور ابر قدرته قدرتین بو آرزومدا امیدوارم آقا جهان ظلم ایچینده فغان ایلیور بشر هر زمان یئرده قان ایلیور بیر عده خوارج طوفان ایلیور بوگون شیعه نی ناگران ایلیور بیزی طعمه ی نهروان ایلیور اگر گلمسن تار و مارم آقا گل ای فاطمه اوغلو جان دلبری فقط سن سن عالم لرون زیوری قالوب سینه میزده اورک سوزلری منافق دوتوب الده مین خنجری یتیش داده ای خلقتین سروری یولوندا اوزوم سربدارم آقا اوجالد عالمه صوت قرآنینی گلوب زنده ایلیه حسین قانینی اوزون آل ستمگرلرین جانینی گتور صحنیه تیر برانینی اوزون قویگیلان عدل دیوانینی بو هجراندا چوخدان شرارم آقا اگر گلمسن دای سولار یاسمن یاشیلیق گئدر ئولر هر چمن سینار بوینو دیلدن دوشر نسترن یانار جسمیم ئوللم یقین غمده من یئتیش داده ای فاطمه اوغلو سن گوزوم یاشلی لیل و نهارم آقا بیر عده ورور دینه اوز تیشه سین اولوب تولکو یاندیرا اونون بیشه سین بیلیندیر بو شیطانلارین پیشه سین ظهور ایله قاز اونلارون ریشه سین چالوب یئرده سیندور عمیر شیشه سین بو حالتده سوز و گدازم آقا بیر عده اولوب شیطانون یاوری ابر قدرتین بیر ذلیل نوکری چیخایدوب یادندان داخی داوری یئتیش داده سسلن منم حیدری سیلیندور اوزون قلبیده مضطری حضورینده چوخ شرمسارم آقا چوخالمیش بو دوراندا مین حرمله اوتوز مین اوخ آلمیش بو گون لر اله دوتوب شیعه نون قلبینه زلزله ها چان ذولفقاری آلاسان اله اولوب وقتی صاحب زمان دای گله حالیم خسته چوخ غمگسارم آقا #کانال_ترکی_مجمع_الذاکرین

حضرت زهرا آدیوا هاردا قورولسا آناجان بزم عزا گلرم منده همان مجلسه اگنمده قرا قوشولوب تعزیه داره ایدرم آه و نوا آغلیان شیعه لریله سنه دیل داغلیارام گوزومون یاشی قوتارساننه قان آغلیارام الی قوینوندامجالسده دولانام آناجان مجلسنده قاپی آغزیندادایانام آناجان یاری یانمش قاپیدان آدگله یانام آناجان دیرم قلبنی غم تیری بولن وای ننه وای ظلم بی حدیله اللرده ئولن وای ننه وای هی دوش یادیمه هردم درو دیوارغمی اینجیدرقلبمی ظالملرین آزارغمی هرندن چوخ اثرایلرمنه مسمارغمی غسلده حیدرآتام بوغمه یاندی آناجان آدوی سسلدی دیواره دایاندی آناجان کوچه وسیلی سوزی تزسالارآلامه منی دائما آغلادار اول پاره لنن نامه منی گنه سیلی غمی آخرآپارارشامه منی درویرانه ده دورام یانارام چوخ بو غمه هم رقیه حالنا آغلیارام هم ننمه اودازهراکیمی دنیانی گلوب باشدان آتوب بالاجاقبرین ایچنده ایاقی یاره یاتوب آناسندان اوسه ساله بالیا ارث چاتوب چون اونوندایوزونه زجرویروبدورسیلی صورتی ضربه سیلی دن اولوبدورنیلی بوآنیلابالانون نسگلی چون باهمدی قلبمی قان ایلین غمده ایله بوغمدی بوناخاطردی که دائم بوگوروم پرنمدی شیعه لرآگه اولون قدیمی بوغملراگوب اوناداسیلی دگوبدور بونادا سیلی دگوب #کانال_ترکی_مجمع_الذاکرین

شعر ونوحه جدید (کربلایی مالک محمدی ) در سبک اصغریم ای شیرین زبانیم زبانحال حضـــــرت علی علیه السلام در بستر و بالین حضـــــرت زهرا سلام الله ای منیم عمرومون صفاسی آچ گوزون زینبیون اناسی مرتضی جان وئره بجادی اولمادی دردیوین دواسی فاطمه فاطمه مرتضانی تک قویماهله ئولمگین ئولمگین تزدی جانه گل دویما هله گولوم لای لای گولوم لای لای یارالی سونبولوم لای لای گول کیمی تز سولوب سارالدون پشت درده فشاره قالدون بیلمدیم باشیوه نه گلدی سن بو آز سننده قوجالدون گل دیله  قوربان او شیرین سوزلریوه باخ منه، باخ منه مرتضی فدا گوزلریوه گولوم لای لای گولوم لای لای یارالی سونبولوم لای لای اللریم دائما دعاده اغلارام حالت بکاده بو فنا دهریده عزیزیم حاصلین چاتمادی مراده راضی اولما حسن حسین اغلیالار ایندیدن باشینه قرا باغلیالار گولوم لای لای گولوم لای لای یارالی سونبولوم لای لای چوخ چتیندی منه فراقون زینبین هی دوتور سراغون گل دیله بیرده صحبت ایله قوی اوشاخلار اوپه دوداقون فرقتون غملی سرنوشتیم دی منیم سن اولان لحظه لر بهشتیمدی منیم گولوم لای لای گولوم لای لای یارالی سونبولوم لای لای مجتبی هیچ کیمه قاریشمیر قهر ادیب کوچه دن باریشمیر بیلمیرم کوچه ده نه گوردی کوچه نین صحبتین دانشمیر فاطمه فاطمه نازیله بئله یاتما اویان کوچه نین قصه سین اوزون ایله بیان گولوم لای لای گولوم لای لای یارالی سونبولوم لای لای آچ گوزون نور هر دوعینیم ای منیم  یاورو معینیم طاقتیم یوخ بودرده زهرا هرزمان آغلیا حسینیم ایندی دن ایندی دن ماجراسی واردی بالامین بیلیرم بیلیرم  کربلاسی واردی بالامین گولوم لای لای گولوم لای لای یارالی سونبولوم لای لای ای قلم بسدی دای حذر ائت کربلا سمتینه گذر ائت یاده سال زینب و حسینی گودی قتلگاهه بیرگئت پرچم دینیمه حسین قان وئرجک سو کنارینده تشنه لب جان وئرجک گولوم لای لای گولوم لای لای یارالی سونبولوم لای لای @turki_nohemajma #کانال_ترکی_مجمع_الذاکرین

#شهادت_حضرت_زهرا_س زبانحال حضرت علی علیه السلام 🎤کربلایی سعید سلطانی @turki_nohemajma #کانال_ترکی_مجمع_الذاکرین

باسلام شعر جدید زبانحال حضرت علی علیه السلام در شهادت حضرت زهرا سلام الله علیها     به سبک یخلوب عباسیم گل طاها زهرا قویما منی تنها ای یار و دلداریم گئتمه یارالی زینب اولوب گریان ای مادر نالان آچ گوزلرین اویان گئتمه یارالی یا زهرا یا زهزا یا زهرا یا زهرا یا زهرا یا زهرا دلبند طاها ای آه و وا ویلا  جان دل طاها ای یارالی زهرا.     ای یارالی زهرا. 2بار دور زینبین آغلور   غم سینه می داغلور حیدر قالوب یالقوز      گئتمه اماندی منی گوزدن آتما.        گون تک آخشام باتما حسن حسین آغلور    حالیم یاماندی یا زهرا یا زهرا یا زهرا یا زهرا یا زهرا یا زهرا دلبند طاها ای آه واویلا. جان دل طاها ای یارالی زهرا.      ای یارالی زهرا 2بار اشگیم روان اولدی     غم کاسه سی دولدی دورت غنچه گول سولدی.    آچ گوز دوباره زینب سینه داغلور     کلثوم سس سیز آغلور حسن حسین سسلیر.      وای جوان ننه یا زهرا یا زهرا یا زهرا یا زهرا یازهرا یا زهرا. دلبند طاها ای آه و واویلا   جان دل طاها ای یارالی زهرا.       ای یارالی زهرا 2بار ای دختر طاها        آدامسیزام زهرا قویما منی تنها.    گئتمه یارالی دوشدون نه تئز دیلدن آیری دوشدون ائلدن گئتدون نیه الدن سینه یارالی یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا  جان دل طاها ای یارالی زهرا      ای یارالی زهرا 2بار قالدیم من آواره یوخ دردیمه چاره باخ بو دل افکاره حیدره سس ویر صف سیندیران حیدر ای سوره  کوثر هر دم سنی سسلر حیدره سس ویر یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا   جان دل طاها ای یارالی زهرا.      ای یارالی زهرا. 2بار یومما گوزوی سن سنن دویمادیم من ئولم زهرا گیتسن گئتمه اماندی سن غنچه تک سولما زینبی تک قویما بو دنیادان دویما گئتمه اماندی یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا. جان دل طاها ای یارالی زهرا       ای یارالی زهرا 2بار ظلم ائتدی دشمنلر اولدی گولوم پر پر آغلار قالوب حیدر وار گوزده قان یاش وای گلشنیم سولدی غملر منی یوردی حیدر غریب اولدی آغلارام زهرا یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا. جان دل طاها ای یارالی زهرا      ای یارالی زهرا 2بار «مهدی»  سنی سسلر آدین ائدوب ازبر آغلار قالوب گوزلر زهرا یا زهرا ای سوره کوثر وی شافع محشر ای حیدره دلبر زهرا یا زهرا یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا  جان دل طاها ای یارالی زهرا       ای یارالی زهرا 2بار اشعار حاج مهدی ملکی زنجانی @turki_nohemajma #کانال_ترکی_مجمع_الذاکرین