زبانحال خانم رباب برای حضرت علی اصغر سن سیز علی روز و شب ذکریم اولوب وای اوغول من سنه لای لای دیوم یا دیوم ای وای اوغول اوچ گیجه گوندوز علی هر نه دیدیم یاتمادون باشدا کی سو فکرینی باشدان اوغول آتمادون ویرودیلر سو سنه مقصدیوه چاتمادون من سنه لای لای دیوم یا دیوم ای وای اوغول دل یوخیدی حالیوی ایلیه سن یاخشی فاش یاندون اوغول آغلادون سینه­می ایتدون خراش منده ئولیدیم سنی گورممیش اولده کاش من سنه لای لای دیوم یا دیوم ای وای اوغول چون سنون اسکاتوی حرمله ایجاب ایدوب هم سنی دلدن سالوب هم منی بی تاب ایدوب اوز بوغازوندان آخان قانیله سیراب ایدوب من سنه لای لای دیوم یا دیوم ای وای اوغول دوتموسان الفت علی گوردیله پستانیله آچدیلا سوددن سنی زهریلی پیکانیله قویدولا یاخشی منی ناله و افغانیله من سنه لای لای دیوم یا دیوم ای وای اوغول گیتمز علی سینه دن دیرناقیوون یرلری حشره گلنده آنون تک بو یری گوستری فاطمه نی یاندیری آغلادی پیغمبری من سنه لای لای دیوم یا دیوم ای وای اوغول بسکه سکینه یانور سن کیمی قارداشینه خیردا اوشاقلار باخور آغلوری گوز یاشینه هی دولانولار اوغول بوش بشگون باشینه من سنه لای لای دیوم یا دیوم ای وای اوغول گه سنی بوش امجگه سالدیم اوغول آغلادیم گوردوم علی دوزموسن اللریوی باغلادیم اکبر آناسی کیمی منده جگر داغلادیم من سنه لای لای دیوم یا دیوم ای وای اوغول خیمه لری سو دیوب هر نه دولاندیم علی اولمادی بیر کیمسه دن چاره دایاندیم علی گاه اوز احوالیمه گه سنه یاندیم علی من سنه لای لای دیوم یا دیوم ای وای اوغول حالیمی آنلار گورن دیده گریانیمی سینمه بیر اود دوشوب یاندوریری جانیمی گرچه دیوب اوخشارام سن قوزی قربانیمی من سنه لای لای دیوم یا دیوم ای وای اوغول گاه بو بوش سینه دن عطرون آلیب آغلارام گاه ایاق دوتماقون یاده سالوب آغلارام اللری قوینوندا من گرچه قالوب آغلارام من سنه لای لای دیوم یا دیوم ای وای اوغول هر آنا اوز اوغلونی اوخشیوب آغلار یانار هر باجی قارداشینه گرچه سیزیلدار یانار لیک رباب ایندیدن هر نه قدر وار یانار من سنه لای لای دیوم یا دیوم ای وای اوغول قالدی اوغول اودلانان قلبده نیسگیلریم هانسی الیله منیم حل اولی مشکل لریم داشه دیسم بولمیشم یاندیری بو دللریم من سنه لای لای دیوم یا دیوم ای وای اوغول نه یوزیله یثربه ای علی بیرده گیدیم گورسم اگر سود امر بیر بالا بس من نیلئیم هانسی زمانون سنون یاده سالوب ذکر ایدیم من سنه لای لای دیوم یا دیوم ای وای اوغول من نجه سن سیز باخوم بیرده گوله گلشنه آغلامیوم گلمیوم صبح و مسا شیونه یاخشی ملر قالمیشام وای منه ای وای منه من سنه لای لای دیوم یا دیوم ای وای اوغول نیلر او ساعت آنان گر دوشه بیر گون اله سو ایچه سیراب اولا سینه سینه سود گله ای سبب هجرت صبر دل و حوصله من سنه لای لای دیوم یا دیوم ای وای اوغول آغلامورام من سنه آج و سوسوز اولموسن سن اوغول اوخلانماقین لذتینه گولموسن قان آتاوا آغلورام سرین اوزون بولموسن من سنه لای لای دیوم یا دیوم ای وای اوغول آخشام اولی وقت اولی سود امره سود امر سود امرین شوقونا سینه لره سود گلر هانسی آنا صبر ایدور اوخلانا گر سود امر من سنه لای لای دیوم یا دیوم ای وای اوغول صافی اگر ایسته سن فاطمه دلشاد اولا اصغر آناسی گرک ذکر اولونا یاد اولا بسدی اولونجه بو سوز موجب فریاد اولا من سنه لای لای دیوم یا دیوم ای وای اوغول

کوچ از قتلگاه   ای گل بدنی مخزن اولان خاره یارالی کیم جسموه ووردی بو قدر یاره یارالی   بو چولده باشون کسدیله ظلمیله قفادن سینون یاراسی آرتوخ اولوب نجم سمادن اوچ شعبه لی اوخ یاره سی سالدی سنی پادن ای جسمی اولان ظلمیله صدپاره یارالی   سس وئر باجووا رحم ایله بی کسدی حسینیم بو عرصه ده بیر باد جفا اَسدی حسینیم کیم گلدی گجه اللریوی کسدی حسینیم تاپشورّام اونی قادر قهّاره یارالی   ای شمس هدا یتدی بو صحراده زوالون سندنصورا یغمایه گیدوب جاه و جلالون دور بیر نجه گور قول قولا باغلاندی عیالون زنجیر ستم ووردولا بیماره یارالی   مرهم اَله دوشسیدی بو عدوان آراسیندا باغلاردیم اوزوم یاره وی میدان آراسیندا راحت نه یاتوبسان یارالی قان آراسبندا دور گور نه قیامتدی بو بی یاره یارالی   بیر سمتیده اطفال پریشانی وورولّار گه نازلی ربابی گهی لیلانی وورولّار بیر یاندا باجون زینب نالانی وورولّار ایتمز اثر آهیم دل اشراره یارالی   سن شمع وفاسن سنه پروانه دی زینب عشقونده دوشن چوللره دیوانه دی زینب سس ویر آنام اوغلی دیمه بیگانه دی زینب قویما توکه گوزیاشینی رخساره یارالی   ای باشی گچن نیزیه گل جسمی کفن سیز بیر بلبل شوریده دی زینبده چمن سیز گیتسون نجه شامه بو باشی قاره لی سنسیز مشگل تاپا فرصت گَله دیداره یارالی   بو عرصه ده مین تیر غم آماجیدی زینب هر غمده دوزن صبرلی بیر باجیدی زینب بیر ساترین افسوس اولا محتاجبدی زینب کشف اولمیا تا صورتی اغیاره یارالی   نورون ایلیوبدی بو یری جلوگه طور زینبده گلوب ظاهره موساده اولان شور ارنی دیوری سویلمه لَنْ ای منه منظور سس ویر من محزون و دل افکاره یارالی   وار گل بدنونده نَقَدَر یاره حسینیم بو نسگل ایدر قلبیمی چوخ یاره حسینیم دوتموشدون اوروج گلمدون افطاره حسینیم زهرایه قوناق گیتمیسن افطاره یارالی   آرام آلان ای تربتینون عطری چمندن لطف ایله شها کسمه گلن لطفووی مندن ایستر حسنی قبریوی وار خواهشی سندن قاتسون اوزون ایستر اودا زوّاره یارالی  

✔️ قتلگاه سیدالشهدا«ع» آه او ساعتدن یخلدی سرور کون و مکان مقتله وارد اولوب اوّل سنان الده سنان بولمورم نیلوب اولوبدور قتلگه قانه روان عاقبت ایتدی اعیان او کینهٔ دیرینه سین بیر اشاره،، او چوخور یرده داغیتدی سینه سین چیخدی مقتلدن گوروبدی صف چکوب اهل جفا لشکر آماده دوروبدی بی کمک شاهی ویرا واردی بیر مطب دئسم قورخوم بودی قلبین دورا بعضی سویلور یول وئرین من او امامی ویرمادیم بعضی سویلوردی تلسمه من ویراندا دویمادیم حمله ور اولدی قشون تک تک کنار مقتله خنجر و تیر و کمان و نیزه آلمیشلار اله عاشق ایستیر درک ائده او صحنه نی جداً بوله بیر نفر یوخدی دئیه بسدور امامی ویرمیون آغلوری مقتلده زهرا قلبینی سیندیرمیون خنجر الده وارد اولدی مقتله شمر لعین ایستیرم رخصت، یازام من یا امیرالمومنین کعبه ی حقّه چیخوبدور چکمه لی مرآت کین خنجره ویردی تکان طوفان ائدوب تاب و تبی باشینین اوسته گوروب امّ المصایب زینبی قوزادی مقتلده زینب ناگهان تکبیرینی مقتل ناب مقرّمده یازوب تفسیرینی سسلدی یافاطمه، زینب دوتوب شمشیرینی گر آچام بو مطلبی موم ایلرم والله داغی او کشاکشده یازوبلار دوغرانوب بش بارماغی قان آپاردی زینبی سالدی حسینه بیر نظر گوردی لب تشنه چیخور جانی، اولوبدی خون جگر عرض ایدوب قارداش حسینیم، صبر ایله زهرا گلر یوم گوزون ای مهربان قارداش، یارالی خسته سن زینبون قربان یارالی جانیوه، جان اوسته سن بو نه عالمدور دگوبدی بیر بیره گول پیکرون هر نفس چکدوقجه قانیله دولور او حنجرین هاردادی امدادیوه گلسون وفالی اکبرین آغلوری کروبیان بو زینبون احوالینه لطف ائله محشرده سنده ئت « فقیرین» حالینه

یا حسین ای شه عالمین  دیلده واردی گینه شور و شین اَسدی قاره عَلم لر گینه ذکریمیز اولدی لبیک حسین سنه نوکرم/یا ثارا... اوزون قیل کَرم/یا ثارا... سنی زینبین/جانی مولا منه یاز حرم/یا ثارا... امیری حسین/یا ثارا...(۳) یا حسین ای صفای جهان عالَم اولدی سنه روضه خوان شور محشر جهانه سالوب قاره پوش اولدی پیر و جوان عَلَم الده دی/یا ثارا... آدون دیلده دی/یا ثارا... کیم آختارسا گر /حقّین یولون بو محفل ده دی/یا ثارا... امیری حسین/یا ثارا...(۳) دین یولوندا باشیندان گیچن سویرینه اوگون قان ایچن قامت اکبره شوقیله خلعت مرگی آخر بیچن بیری دوغرانوب /یا ثارا... بیری اوخلانوب/ یا ثارا... نچه خیردا قیز /عطشانلیقدان یانوب اودلانوب/یا ثارا... امیری حسین/یا ثارا...(۳) ای سینیق قلبیلر مرهمی یاندیران دیللری ماتمی بو گدالر کی آغلور سنه واردی دیللر ده چوخلی غمی صفا سنده دی/یا ثارا... عطاسنده دی/یا ثارا... هامی دردلرین/چاره سینه دوا سنده دی/یا ثارا... امیری حسین/یا ثارا...(۳) آستانوندا من (بیکَسم) قویما سندن امیدی کَسم عمرومه سن حساب ایلمه هانسی ایل قبریوه گلمه سم عزاداریوام/یا ثارا... گرفتاریوام/یا ثارا... نولور بیرگورم/بو اربعین کی زوّاریوام /یا ثارا... امیری حسین/یا ثارا...(۳) مهدی عبادی(بیکس ) @turki_nohemajma #کانال_ترکی_مجمع_الذاکرین

✔️ حضرت قاسم علیه السّلام گل عمو اماندی قالدیم قوم کوفیان الینده آلدی دوره می بو لشکر خنجر و سِنان الینده من یتیم مجتبایم قالمشام جلادالینده بیر یارالی آهو تک من یوز مین اوچیه شکارم قان آخوب گیدوب توانیم، بیر غزال زخمدارم گوزلریم قالوب یولوندا گل اماندی انتظارم قالدی بیر یارالی جانیم مین یارا ووران الینده هم یارالیم هم عطشان پیکریم تمام اوخدور یالقوزام اوزوم گورورسن دشمنیم علاوه چوخدور واضح امردور بو مطلب شرحه احتیاجی یوخدور دفعه اقتدار اولماز تشنه بیر جوان الینده اَندی تیغ باشیم اوسته دولدی گوزلریمه القان یتدی زخم قاشیم اوسته صورتیمی ایتدی الوان سن گلینجه باشیم اوسته جان ستانه ویرمرم جان خوشدی طالب وصالون اولسا نقد جان الینده جسمیمی ستمله اوراق ایتدیلر گل چمن تک قانیله بویاندی زلفوم دسته دسته یاسمن تک هانسی نوجوانون اولدی بو فنا جهاندا من تک حجله گاهی طوی اتاقی طوی حناسی قان الینده صاغ دگل آتام بولورسن چوخدی نسگلیم عموجان گَل او گُل جمالون آخِر بیر گوروب اُلوم عموجان دسته لر کسوب یولومی قویموری گلوم عموجان سن قبول زحمت ایله وار سنون توان الینده سسلمزدیم ای عمو گل نیلیوم کسیلدی چاره دوره می آلوبدی لشکر قویموری چخوم کناره ووردولار او قدر یاره جسمیم اولدی پاره پاره هر طرفدن اوخ آتانلار صف چکوب کمان الینده سن بو گون جوانلاریله یار حضورینه گیدنده ایستورم اولوم عم اوغلوم اکبرین یانندا منده آز دگل یارام بدنده افتخار ایله سنده خوشدی دسته قرمزی گل اولسا باغبان الینده #حضرت_قاسم ✍️ مرحوم شأنی تبریزی 📣 حاج حسین رضایی #زنجیرزنی

نوحه ورود کاروان امام حسین به کربلا به سبک شبانگاهان حسین گلدی کربلایه قوناق----گوزلریندن ایراق یا رسول الله2 ئولوب عطشان فاطمه بالاسی -----دوشدی ائلدن اوزاق یارسول الله محرمده قان گلر جوشه----دوشر یاده قبر شش گوشه یارسول الله2 حسینون قربان اولوم ادینا بیزلره بو آدی مادر ئورگتدی ولادتده جبرئیل امین گاهواره سینی گلدی ترپتدی ولی بیلمم کربلاده نیه سینه سین بوغازین---شمره گورستدی معاذالله اللهین قانینی توکدی اهل عراق یارسول الله 2 سلام اولسون قانلی لبلره کی ایستیدن قورودی سو کنارینده دیه لر سو مهر فاطمه دی قالدی اجنبیلر اختیاریند حسینون بیر صود امر بالاسین تشنه اوخلادیلار---قان دیارینده یارالی قوش تک بلکده بالا چالدی هی ال ایاق یارسول الله2 محرمده قاره پرچم اسر سینه ده قیزیشار---شیعه لر قانی دولان گوزلر کربلایه باخار قطره قطره آخار هی جگر قانی همین آیدا قاره یل اسیلوب گویلره سپیلوب---صود امر قانی حسین آغلوردی او حاله ولی گولدی دیلسیز اوشاق یا رسول الله2 محرمده سینه لر آچیلار غملی سینه زنان دلکباب آغلار سپهر عشقین ستاره سینه آی گیر قاره آفتاب آغلار او گوندن مین دورت یوز ایلدی گئچوب ایندیده بئله بیلم رباب آغلار دیردی اوغلوم گئدنده سووا ترپنوردی دوداق ---یا رسول الله 2 غرض عاشورا گونی قوتاروب غارت اولدی حرم---خیمه لر یاندی قرا گییدی دشت کرب وبلا اولدی شام عزا---نوحه باشلاندی یانان دیللر بیر یانان چادرا جمع اولوبدی هامی ---سینه سوزاندی بالا قیزلار قورخا قورخا یاتوب قالدی زینب اویاق---یارسول الله2 نگهبانیدی همان چادرا مرتضی قیزی تا---گلمیه دشمن گلدی سسلدی ای---آغلیان کیمسن اودلخسته یانه یانه دئدی چوخدی دردیم اوغولسوز ربابم من قرانلوخدا آختاریر دی گولون دلده داغ فراق یا رسول الله2 دیه بیلم اصغرین آناسی صبحه تک او گئجه---ماتمه باتدی دیه بیلم هی دئدی بالاوای قان ایچینده اباالفضلی آغلاتدی سو ایچمیشدی صود فراهمیدی سسلنوردی بالام قان ایچوب یاتدی چتیندی املیک قوزی وئره جان لیک آنا قالا ساق---یا رسول الله2 👇

🏴نوحه شهادت حضرت رقیه   : ویرانه ده نازلی بالام (2)  جان وردی دینجلدی (2) بو دختر شیرین کلام(2)   جان وردی دینجلدی(2)  بختی بو طفلون اوجیدن    دوشدی سرازیره  یکسر آتا قارداشلارین     چکدیله شمشیره  کرب و بلادن شامه دین    باغلاندی  زنجیره یاتماق اونا اولدی حرام  جان وردی دینجلدی قالدی   اراده   بی کفن    الله بالام ئولدی بیر کیمسه نم یوخ دفن ایدن  الله بالام ئولدی آسوده   اوُلدی   ظلمیدن    الله بالام ئولدی هر زحمته ایتدی دوام    جان وردی دینجلدی بعضی گئجه  اکبر  بوئین      اوخشاردی یاتمازدی  شمری گورن گون اوُل گئجه  قورخاردی یاتمازدی چوخ  یالواراردیم یات  قیزیم     آغلاردی یاتمازدی                                                    ✍بقلم زنده یاد استادعباسقلی یحیوی اردبیلی   ___________ ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

حضرت رقیه #ترکی 🎤کربلایی سعید سلطانی https://eitaa.com/turki_nohemajma

#متن_کامل_روضه_حضرت_علی_اکبر_علیه_السلام دیولر نئچه قدم گول جنازیه قالانی یخیلدی توپراقه تاپدی او کهربان بالانی دئدی اوغول دسمن ایچینده چوخ اوجادان اغلامیرام من اغلیاندا کوفنین اهلی گولور اوغول اوغول الله بولور کی دردین ایاخدان سالیب منی اخیر منی بو غصه لرین اولدورر اغول 😭 (اله باخدی با خدی اغول جنازسینه ) اوغول اوغول جنازن اوسته آتان هی الین ووردی یره عمامسین گوتوروب ختم مرسلین الینه (اوغول ) سنون الین ننن ویرمدی گلین الینه (نیندی ) دئدی اوغول خیامه سن گعدیس یا دییم ننن گلسین (اله اوندا گوردوی یارالی دوداخلار دییر بیر بیرینه بابا منی یئتیر ننمه 😭😭 قارداشین چتین زمانی اولاندا گوزی قارداشی اختارار آی علی اکبر دئملی دردی اولانلار . امام اوزون دولاندیردی خیملر سمتینه عباس گل 😭 عباس ددم اوغلی گل یامان گونومدی آی قارداش بیلمیرم عباس نجور گلدی علی اکبر بالینینه عبانی سردیلر یره علینون جنازه سین قویدولار عبانین آراسینا یازهرا 😭😭 علینی قویدولار عبانین آراسینا گعدیلر خیملر سمتینه ابالفضل اقا عبانی کنار الدی اغول حالین نجه دی ؟ دئدی عمو منی یتیر خیملر😭 گلدیلر خیملره بیر نئچه قدم قالاندا دوباره عبانی کنار ائلدی اوغول حالین نئجه دی قارداشیم بالاسی ؟ دئدی عمو منی یئتر ننمه دای جان وئریرم عمو 😭😭 اوجا دع یا حسین الله اولریزدن اوزاغ السین گورسن جنازه نی قاپیا گلنده ننه ، عملر باجیلار قاچار جنازه قاباغینا اما او زمانی کی علی اکبر جنازسی گلدی خیملره قباقینه نیندیلر 😭) نه گوردی دشمن او دم خیمه لرده طوفاندی چادورلارین قاپیسی وحشتیله قوزاندی (هشتاده یوخون بالا اوورت خانیملار قاشیدلار علی اکبر جنازسی اوسته اولده زینب گلدی قارداش بالاسینا اوخشادی آغلادی😭😭 ) بیری دیور باجین السون علی نه گلدی سنه بیری دیوردی قربان علی نه گلدی سنه (زینب دئدی علی اکبر منی چوخ ایستر منی دانیشدرار نقدر سسلدی گوردی جواب اولمادی 😭 گوردی او خانیملارین ایچینن رقیه دییر یول وئرون یول وئرون قارداشیم علی اکبر منی چوخ ایستیر 😭 آی باجی محبتی چکنلر گوردولر گلدی علی اکبرین جنازسینین کنارینه ) دئدی قارداش قیزیل گولون باشینا بولبول حزین دولانار باجیدا قارداشینون سایسینده دالدالانار (گوردولر رقیه ده جواب الانمادی ) (هامی آغلار قالیب علی نیه جواب وئرمیر ) چونکی بیگانه دینمز ننین اوخشاماسین آلدیلار شهدین اجازه گتیریبلر آناسین 😭 چون عبادیدی فقط باشدا گوروب بیر یاراسین دیدی ایندی دارامیشدیم بو نه کاکلدی بالا😭 (آی بالا آی بالا 😭😭) (بو رسمیدور ایکی یول اتا آنا اوغلون بویون اوخشار قوی دییم هانسی وقتتیدی ) ایکی دفعه انا اوغلون بویون اوخشار اوجادان بیری داماد اولان وقتیده هر تازه جوان باجیسی عملری ترتیبه سالار تویونی ِِالیکی یاخدی حناسین ننه اوخشار بویونی ( دییر اوجا بویوا ننن قوربان آی بالا😭😭 ) بیریده اولسه ننین تازه جوان اوغلی اگر خویش و اقوامی گلر شمعلری قاره بزر الیکی تمام اولدی کفن ایللر باغلیاندا کفنین حاضر ائدلر ننسین 😭 ( لیلانین گولون گعدیلر دئدیلر اخیر گورشوندی بالانان وداع اله ، گوررسن جنازنی غسل ائدللر اگر بیرینین جوان اوغلی اولسه کفنین باغلارار اوش یردن ایاخ بندین باغلالار وسط بندین باغلالار گلنده باش گرفین باغلایاندا باغلامازلار دییلر چاغرون بونون ننه سی گلسین 😭😭) لیلانی گعتدیلر علی اکبر جنازسینه باخدی باخدی اغول اغول سنی داماد الینده فیکر الیردیم بالا نه ائدیم..‌. دئدی اغول یاخوا گول ساچارام بالا اویمه تازه گلین گلسه قباقینه قاچارام بالا 😭😭😭😭😭😭😭😭 التماس دعای فرج 🙏🙏