احوالات ورود آل الله به شهر شام و گریز به زبانحال حضرت رقیه (س) به راس مطهر امام حسین (ع) سبک ( سینه زنی ) ✍ حاج علی زلفی آل اللهه ویرانه اولوب مسکن و ماوا شاماتیده قالموب اسرالرده شکیبا قویموش باشینی غم دیزینه آل پیمبر آغلور هامی گوزلر مثل ابریدی گویا خرابه نه خرابه هامی باغلی طنابه دوشوبلر پیچ و تابه امان یا حجة الله (3) جمع اولدولا شام اهلی که ورسونلا شماتت اولاد رسول اللها ایتسونله جسارت دیل یاره سی آغاز ملامتده باش اولدی بیشرم جماعت ایلدی هر نه اهانت امان اهل جفادن گروه بیوفادن اوتانموبلار خدادن امان یا حجة الله (3) مجروح ایاقیله او حیالی بالا قیزلار دیمولله دانشموللا او دلخسته سوسوزلار ویرانه ده قیزلار هامی باش قویدی ترابه قمچی یری قولاردا دمادم ایله سیزلار هامی دیلدن تالانمیش شرار ظلمه یانمیش حیادن چوخ اوسانمیش امان یا حجة الله (3) بیر خردا قیزون تک واریدی کهنه لباسی علت بودی یغمایه گیدوب جمله اساسی ویرانه بوجاقیندا دوروب اللری باشدا گویا که قولاقیندا قالوب شیهه صداسی مطیع اولمور نهایت ایدور غملی حکایت دیور باشلاندی غارت امان یا حجة الله (3) شکوه ایلیوب گوز یاشی خون دیله قاتدی باش قویدی صد افسوسیله تپراقلارا یاتدی رویاده گوروب گلدی باباسی باشی اوسته پیشوازه قاچوب هولیله بیردن سس اوجالتدی پریور دور بو ساعت عجب اولدی سعادت بابا اولدوم نه راحت امان یا حجة الله (3) شامه کیمی باشون دالیسیجا قاچانم من غم تیرینی بو قلب حزینه ساچانام من زخم ایلوب ایاقیم بابا جان خار مغیلان مجروح ایاقا معجری باغلوب آچانام من بابا گیتمه اوزاقه بسند ایت بو فراقه منی بیر آل قوجاقه امان یا حجة الله (3) آغوشه باسا اوز قوناقین قولارین آچدی دوردی ایاقا اولدم حسینه ساری قاچدی دیسگیندی او قیز هولیله رویادن اویاندی ناچار فراقت اوخونی قلبینه ساچدی سسی عرشه اوجالدی ایله سولدی سارالدی حرمدن طاقت آلدی امان یا حجة الله (3) پرونده اعمالین اولوب (زلفی) مکدر یالوار حق منانه اگر اولسا مقدر بلکه قلم عفوینی الله چکه پی در زهرایه گوره عفو ایلیه خالق داور بو سن بو شور و غوغا بو سن بو شعر مولا بو سن بو آل زهرا امان یا حجة الله (3) #ورود_شام #خرابه_شام #حضرت_رقیه #محرم ♦السلام علیک یا اباعبدالله الحسین (ع)♦

#ورود_به_شام #ترکی

–|●♯♩♪♫♬♬♫♪♩♯●|—– منه ایماندی رقیه ♬●♩ جسمیمه جاندی رقیه ذِکری ، طوفاندی رقیه ♬●♩ آدی طوفاندی رقیه رقیه بی بی دردیمه دوا ♬●♩ رُقیه بی بی ، معدن سخا رقیه بی بی جان سنه فدا ♬●♩ رقیه جان ذکربارونه رقیه ♬●♩ به تنم جونه رقیه دونه دونه درد من رو ♬●♩ تَنها میدونه ، رقیه دانلود مداحی منه ایماندی رقیه امیر برومند رقیه اذن نوکری میخوام ♬●♩ به دیده هاچشم تری ، میخوام بی بی خرابم جان اصغرت ♬●♩ بخر زیارت اربعین بیام رقیه جان ♬●♩ باعثِ ، مستی ام اینه یا حسینه مِی نابم ♬●♩ زاهدا دوباره بشنو آره من کَلب ربابم ♬●♩ آره بهشتم حب حیدره هواخواهم علی اصغره ♬●♩ برای من ، این منصبم بسه غلامی ، علیا مخدره ♬●♩ رقیه جان —–|●♯♩♪♫♬♬♫♪♩♯●|—– منه ایماندی رقیه امیر برومند

ورود به شام حاج اصغر فرشچی ( عدلی تبریزی) سبک: زینیم جان اوسته دی.... کاروان غم که چاتدی شامه شام اولدی عیان باخدی قارداش باشینا زینب اودم ایتدی بیان . شامه وارد اولورام دل دونوری قانه حسین باجووی بو داش آتانلار گتورور جانه حسین . عشق زنجیرینه چکدی بیزی بو چرخ جفا ایلدی خانه به دوش اولدی اسیر آل عبا من هارا زین العبادیله بو شام اهلی هارا شامه دوندی گونوزوم شام اولا ویرانه حسین . . نه قدر چوللری بو خیل اسیران دولانوب یولی بیراهه گلوب رنگ غمیله بویانوب تاب ایدوب شمرین الینده بو روقین دایانوب اُولمیوب وار نفسی اول دُر دُردانه حسین . . زینب عاشقدی سنه باشوون آردونجا گلر قیدعشقونده اسیر عشقینی جانانه بولر شامیده باشین آغاردار نقدر غصه چکر اولمیوب بیر بیله ظلم بیر جه مسلمانه حسین . . گل دیله ایله تلاوت آیۀ قرآنی سن شامده طغیان اولوبدی ایت خموش طغیانی سن قوخماسان سن داش آتاندان دین حق قربانی سن داش آتان عُجوزه بَنزر شکل حیوانه حسین . . باخورام نیزده اکبر گهی اصغر باشینا قاتوری رأس ابوالفضل قانیمی گوز یاشینا او فرات ایچره مساوات ایلیوب قارداشینا ایچمه دی حقین اداء ایتدی او عطشانه حسین . . ناقه ده حفظ اولا باقر آناسی چوخ چالوشور الی بند اولموری بیر یرده اورکدن آلوشور گه حجابون دوتوری گه بالاسیندان یاپوشور گورجاقین توکدی علی گوز یاشی دامانه حسین . . گلمییدیم دیدی کاش عمه جهانه آنادان بو مصیبتده دوزوم ویر منه ای جان یارادان من خجل اولدوم الهی آنادان هم بالادان شمع تک یاندی علی من اونا پروانه حسین . . حقی وار سید سجادین حسین من تانورام نیلیوم صحنة غم گوز که گورور اودلانورام لیک علیدن ایشیدوب بو سوزی دیلدن یانورام یتموری بو غم زینب نیه پایانه حسین . . دونسون عالمده سنون گردشون ای چرخ فلک داخل شام اولوروخ یوخدی ایدن کیمسه کمک چشم نامحرم اولوب قرخایاخین قاره لچک خارجی آد دیولور فرقة قرآنه حسین . . هره فاخر گیینوب جامه سی وار رنگ به رنگ آندولا حقه بوظلمی ایله مز اهل فرنگ داش آتانلار ایلیوب باخ گوزومه عالمی تنگ ندن حرمت ایله مز شاملی انسانه حسین . . چون گل اوسته یاشیور بلبل مستانه حسین یغوشار بزم غمه عارف و فرزانه حسین شمعسن «عدلی» سنه عمرودی پروانه حسین حُب عشقیندن ایچوبدور دولی پیمانه حسین

ورود به مدینه زبانحال حضرت زینب (س) مرحوم سید یوسف نجمی تبریزی حسینون کربلاده تشنه باتدی قانه یا جدّا گتوردوم کوینگون یوسف کیمی کنعانه یا جدّا او یوسف کی گوزی یاشلی قویوب اوز پیر کنعانین دل شب ترک ائدوب بلبل کیمی صحن گلستانین وفا بازارینه کالا صفت الده سر و جانین آپاردی مصر محنتده دوشوب زندانه یا جدّا او یوسف کی حجازی دوندروب دشت غم افزایه گئجه گیزلنجه آیرلدی وطندن دوشدی صحرایه شبیه کامل اولدی خائفا لفظینده موسایه بیابان گرد اولوب غمله اولوب هم خانه یا جدّا همان یوسف دالنجا دوشموشم صحرایه سرگردان پریشان خسته دل آزرده خاطر غصه لی نالان گئدوب هر شهره منده گئدمیشم سرگشته وحیران نجه کی گون دالینجا آی گئدر هر یانه یا جدّا جهاندا کیم گوروب بوندان بیوک دل یاندیران نسگیل او یوسف دوره سینده بیرجماعت جمله خونین دل گئدوب بیر اودلی چولده سو کنارینده ائدوب منزل قالوب اوچ گون سوسوز باخ گردش دورانه یا جدّا همان چولده وئروب یوز چوخ مصیبت آل طاهایه اوجالدی پرده  پرده ناله لر عرش معلایه یتیشدی پارچالانمیش بیر عمامه ام لیلایه نه عمامه باتوب اکبر باشیندا قانه یا جدّا همان چولده اله قاندان حنا نو کدخدا یاخدی طویی یاسه دونوب تازه عروسین گوز یاشی آخدی سریه گورنه حاله قالدی بو کیفیته باخدی نه چکدی کیمده وار قدرت گتورسون سانه جدّا علی اصغر آناسی ایمدیده اشکین الر آغلار آچار گه اصغرین قانلی قماطین گه بلر آغلار بالاسی اوخلانان آهو کیمی دائم ملر آغلار شکسته نی کیمی دلدن گلر افغانه یا جدّا همان چولده سوسوزدان گل کیمی گل رنگلر سولدی سو اوسته تشنه سقانین سو مشکی قانیله دولدی آخوب قان کاسه فرقی سینوب قولار قلم اولدی یانار اود سالدی حالی عالم امکانه یا جدّا همان چولده شراره محنتیله قلبیم اودلاندی او اوددان ایمدیده یوزده سرشک حسرتیم قاندی علم یاتدی قوشون سیندی شه ئولدی خیمه لر یاندی گئدوب جمله اساس سلطنت تالانه یا جدّا عیالون رشته بیداده باغلاندی او صحراده توکوب اشک بصر گلدی یارالی قلبیلر داده قاچان غولار کیمی زنجیریله باغلاندی شهزاده جهان تنگ اولدی غمدن عابد نالانه یا جدّا او صحراده بنات عصمته شام اهلی ال آچدی دل صد پاریه غارتده قیزلار تیر غم ساچدی عروس قاره معجر آت دوشونده صاق صولا قاچدی قولاقی پارچالاندی قان آخوب دامانه یا جدّا دلیم دوتمور دیم بیر بیر سنه جمله قضایانی گلن کرب و بلاده باشیمه درد و بلایانی بو قدری واردی غمدن گلمیشم جانه حسین جانی خدنگ غم یتوب هر دم دل شان شانه یا جدّا خطور ائتمزدی بو غم خاطر ناشاد زینبدن دولار گوش فلک غملر الیندن داد  زینبدن اولار نی لر نوا  و شوریده ارشاد زینبدن ائده للر تا جهان وار ناله یانه یانه یا جدّا گرک عمری نقدری زینبون وار دلدن اودلانسون چو پروانه شرار شمع محنتده الولانسون نجه « نجمی » یانار کیم یانماسا ایله گوروم یانسون اونی روز جزاده آتش نیرانه یا جدّا #سبک_منیم_ای_تشنه_قربانیم #حسینون_کربلاده_تشنه_باتدی_قان

🌸🍃🌾🌼 🍃🌺🍂 🌿🍂 💐 ورود اهل بیت پیغمبر به شام .. .. مرحوم شهاب تبریزی ... زینب او گونکه داخل بازار شامیدی شامون او گونکه صبحی اونا تیره شامیدی .. نه شام صبحی شام غریبان کیمی سیاه نه صبح شامی تیره چو قلب ظلامیدی .. شامه گیرنده آل پیمبر نظامیلن شامون شقی جماعتی چوخ بی نظامیدی .. کسمیشدی کوچه لرده تماشاچیلر یولی تقریره گلمیری که نجه ازدحامیدی .. گیمشدی مرد و زن هامی فاخر لباسلر چون پیشواز عترت فخر انامیدی .. فخر انام عیالی خجل باشلاری آچوخ مه یوزلرونده طرّۀ مشگین غمامیدی .. هر محملین مقابلی بیر قانلی باشیدی زینب برابرینده ده رأس امامیدی .. قرآن اوخوردی نیزه باشندا حسین باشی ذکری همین کلام حق لاینامیدی .. اثبات ایدردی حقّینی حق بولمینلره بولسونله حق ولیسنه قایم مقامیدی .. کیم سالدی نطقدن اوباشی بیر عجوزه ای بولمم او بیحیا نجه بی ننگ و نامیدی .. بیر داش گوتوردی ایتدی نشانه حسین باشین دلده کلامی باخمادی الله کلامیدی .. دوشموشدی بیر منادی قباقه چکردی جار ای فرقۀ یهود بو گون وقت کامیدی .. هر کیمسه نون پیمبریله وار عداوتی گلسون گلوب عیالی دم انتقامیدی .. اول دم مجوس و کافر و گبر و یهودیان مملودی او که در و دیوار و بامیدی .. گه داش آتوب توکردیله گه باشلارینا کول چون ارثیدور عیال رسول گرامیدی .. محمللره توکردیله گه باملردن اود آل الله ایتدیلر او که صبر و دوامیدی .. شامی تمام کوچه به کوچه دولاندیلار شام اهلنون جفاسی هله ناتمامیدی .. شام اولدی بیر خرابه ده یر ویردی شامیان کیم باخبردی شامون او شامی نه شامیدی .. منزل خرابه اهل حرم خسته آج سوسوز نه فرش و نه چراغ و نه طبخ و طعامیدی .. بیمار امامین اولمادی زنجیرینی آچان یولدان گلوب مریضدی با احترامیدی .. صبحه کیمی خرابه ده نی تک سیزیلداشوب تا صبح اولوب نه صبح قیامت قیامیدی .. صبح اولدی گور عیادت بیماره کیم گلوب الده طناب نچّه ستمگر غلامیدی .. باغلوب طنابه آل رسولی نظامیلن معلوم اولان بودور بو نظام اختتامیدی .. بزم یزیده ایتدیله داخل او ساعتی تا که یزید مست شراب خرامیدی .. دوتموشدی تخت سلطنت أوسته اوگون قرار کرسی نشین بزم أُمراءِ عُظامیدی .. صوت مغنی نالۀ چنگ و نوای نی هر دمده سرکشی فلک نیلی فامیدی .. قویموشدی پای تختنه بیر نازنین باشی عرش برین أو رأس شریفه مقامیدی .. بیماری ساخلیوب ایاق أوسته او ضعفلن اول بی حیانی گور نه أَلَدُّالخصامیدی .. مشغول اولوردی صحبته اویناردی گه قمار گَه الده خیزران آغاجی گاه جامیدی .. گاهی ووروب پیمبر اؤپن لبلره آغاج گاهی شماتت ایتمگیلن شاد کامیدی .. اجدادینون قصاصینی آچدی حسیندن یتدی یزید دون أو که دیده مرامیدی .. اولماز بو شام محنتی تحریریلن تمام الدن شهاب سال گیله بو خامه خامیدی .. ملتمس دعا عدلی تبریزی 🌾 🌾🌼 🍃🌾🌼 🌸🍃🌾🌼

🍃🌾 🌸🍃🌼 🌼🌸🍃🌼 💐🌺💐 🌼 ورود به شام حاج اصغر فرشچی ( عدلی تبریزی) سبک: زینیم جان اوسته دی.... کاروان غم که چاتدی شامه شام اولدی عیان باخدی قارداش باشینا زینب اودم ایتدی بیان . شامه وارد اولورام دل دونوری قانه حسین باجووی بو داش آتانلار گتورور جانه حسین . عشق زنجیرینه چکدی بیزی بو چرخ جفا ایلدی خانه به دوش اولدی اسیر آل عبا من هارا زین العبادیله بو شام اهلی هارا شامه دوندی گونوزوم شام اولا ویرانه حسین . . نه قدر چوللری بو خیل اسیران دولانوب یولی بیراهه گلوب رنگ غمیله بویانوب تاب ایدوب شمرین الینده بو روقین دایانوب اُولمیوب وار نفسی اول دُر دُردانه حسین . . زینب عاشقدی سنه باشوون آردونجا گلر قیدعشقونده اسیر عشقینی جانانه بولر شامیده باشین آغاردار نقدر غصه چکر اولمیوب بیر بیله ظلم بیر جه مسلمانه حسین . . باخورام نیزده اکبر گهی اصغر باشینا قاتوری رأس ابوالفضل قانیمی گوز یاشینا او فرات ایچره مساوات ایلیوب قارداشینا ایچمه دی حقین اداء ایتدی او عطشانه حسین . . ناقه ده حفظ اولا باقر آناسی چوخ چالوشور الی بند اولموری بیر یرده اورکدن آلوشور گه حجابون دوتوری گه بالاسیندان یاپوشور گورجاقین توکدی علی گوز یاشی دامانه حسین . . گلمییدیم دیدی کاش عمه جهانه آنادان بو مصیبتده دوزوم ویر منه ای جان یارادان من خجل اولدوم الهی آنادان هم بالادان شمع تک یاندی علی من اونا پروانه حسین . . حقی وار سید سجادین حسین من تانورام نیلیوم صحنة غم گوز که گورور اودلانورام لیک علیدن ایشیدوب بو سوزی دیلدن یانورام یتموری بو غم زینب نیه پایانه حسین . . دونسون عالمده سنون گردشون ای چرخ فلک داخل شام اولوروخ یوخدی ایدن کیمسه کمک چشم نامحرم اولوب قرخایاخین قاره لچک خارجی آد قویولور حافظ قرآنه حسین . . هره فاخر گیینوب جامه سی وار رنگ به رنگ آندولا حقه بوظلمی ایله مز اهل فرنگ داش آتانلار ایلیوب باخ گوزومه عالمی تنگ ندن حرمت ایله مز شاملی انسانه حسین . . چون گل اوسته یاشیور بلبل مستانه حسین یغوشار بزم غمه عارف و فرزانه حسین شمعسن «عدلی» سنه عمرودی پروانه حسین حُب عشقیندن ایچوبدور دولی پیمانه حسین 🌼 🍃🌼 🌸🍃🌼 🌾 🌸🍃🌼

مهدی عبادی: زبانحال حضرت زینب کبری علیها السلام در شهادت امام حسن مجتبی علیه السلام (آهنگ اوغول علی آغلاما یات) ◼️◼️◼️◼️◼️◼️◼️◼️◼️◼️ اوزون هرایه یتیش آنا جان ویرور حسن اوغلون سالوب ایاقدان اونی جفا جان ویرور حسن اوغلون ایو اولوب عزاخانه/آغلارام یانا یانه ✅✅✅✅✅✅✅✅✅ دولوبدی قان طشته آنا صبریمی آلوب الدن آنا دوداقیندا قان دوروب زینبی سالوب دیلدن اولوبدی وردی گوزل آدون سالماز آدیوی دیلدن اوقدری قالمور گوزون یوما جان ویرور حسن اوغلون ✅✅✅✅✅✅✅✅✅✅ بلایه دوشدی بوگون حسن زهر کینه دن یاندی بیزه دیمور قاتلین آدین غمدن هامّی حیراندی قانی آخوب کوینگینه یوزگوزی بوتون قاندی ایله سیزیلدیر یانا یانا جان ویرور حسن اوغلون ✅✅✅✅✅✅✅✅✅✅ بونون بو مظلومیتی عالمه ایدر تأثیر بهشتیدن گل مدینیه ایلمه آنا تأخیر سویی گوروم قانه دونه ویردی رنگینه تغییر اوجالدی عرشه آنا نوا جان ویرور حسن اوغلون ✅✅✅✅✅✅✅✅✅✅ اورک دولوب دردو غصّه دن یانموری دیلیم بیجا گوزوم قاباقینده جان ویرور شور حشر اولوب برپا منه دیور آغلاما باجی وار قاباقدا عاشورا غمیم آنا گلموری سایا جان ویرور حسن اوغلون ✅✅✅✅✅✅✅✅✅✅ #امام_حسن_مجتبی_علیه_السلام التماس دعای فرج الاحقر مهدی عبادی @turki_nohemajma #کانال_ترکی_مجمع_الذاکرین

#امام_حسن_مجتبی_علیه_السلام #نوحه #کانال_ترکی_مجمع_الذاکرین

مهدی عبادی: مهدی عبادی: شام غریبان امام حسن مجتبی علیه السلام (آهنگ یخلوب عبّاسیم) ◼️◼️◼️◼️◼️◼️◼️◼️◼️◼️◼️ گل آنا یا زهرا سال عالمه غوغا ئولدی غریب اوغلون مظلوم حسن وای گل اوزون افغانه شام غریبانه ئولدی غریب اوغلون مظلوم حسن وای دیرم من ایوای مظلوم حسن ایوای مظلوم حسن ایوای مظلوم حسن وای 🔶🔶🔶🔶🔶🔶🔶🔶🔶🔶 زهر کینه آلدی قرارینی الدن آنا دوشدی دیلدن حسن قارداشیم دیلده دردیم چوخدی بیر غمخواریم یوخدی یاندی قلبیم نیلیم آخور گوزیاشیم منی درده سالدی قراریمی آلدی ال اوزدی قاسمدن گیدوب دینجلدی گل اوزون غمخوار اول زینبه سن یار اول وای قارداشیم ایوای اولوب سوز باشیم 🔶🔶🔶🔶🔶🔶🔶🔶🔶🔶 نچه ایل اوز دردین گیزلتدی بیزلردن آغلاردی گیزلیندن اورک داغلاردی کوچه ده نولموشدی اوگوندن سولموشدی دائم گوزیاشینی یوزه باغلاردی ایله مظلوم اولدی غریبانه ئولدی بیزی گوزدن آتدی بقیعده یاتدی سنه مهمان گلدی غملردن دینجلدی سنی یاد ایلردی دائم آغلاردی 🔶🔶🔶🔶🔶🔶🔶🔶🔶🔶 بو مدینه شهری بیزه اولدی زندان جفا ایلوب عدوان اورکلر یاندی آناجان رحم ایتموب بو قوم بی ایمان ایدوبلر چوخ عصیان عجب دوراندی نجه تشییع اولدی اونون جسمی قبره ووروبلار یتمیش اوخ او گل جسمینه کفنی ایسلاندی قانیله بویاندی باخدی قارداشلاری یانوب اودلاندی 🔶🔶🔶🔶🔶🔶🔶🔶🔶🔶🔶 بش یاشیمدان یاندیم آنا درد وغمدن جفای دشمندن دوشدوم بلایه آناسیزلیق دردی باغری قان ایلردی یوخدی داخی طاقت بو ابتلایه فرقت پیغمبر غریبیِ حیدر هاموسی بیریانه بو غم بیر یانه (بیکَسم)قیل احسان زینب سنه قربان ایندیده گلمه سن، گل کربلایه #امام_حسن_مجتبی_علیه_السلام التماس دعای فرج الاحقر مهدی عبادی #کانال_ترکی_مجمع_الذاکرین

#امام_حسن_مجتبی_علیه_السلام #نوحه @turki_nohemajma #کانال_ترکی_مجمع_الذاکرین

زبانحال امام حسن مجتبی علیه السلام با خواهرش زینب کبری س (کربلا ای کوی جانان) گَل باجی تز گَل هَرایه قارداشون دوشدی بَلایه زینبیم یاندی وجودیم سَنده گَل شور و نوایه بو کوزه ده کی سو قانا دونسون باجی زینب آز قالدی حسن قارداشون ئولسون باجی زینب باجی.... تز گَل هرایه شعله چَکدی یاندی قلبیم او دوتوب اودلاندی قلبیم زَهرِ کین بیر حاله سالدی زینبیم دوغراندی قلبیم زَهرین اَثَریندن دوداقیم پارچالانوبدی اَللریمی گَل گور نجه سینَمده قالوبدی باجی.... تز گَل هرایه درد و رنجیم سانه گَلمز دیل نجه افغانه گَلمز بیر کیشی چَکسه بو دَردی زینبیم گور جانه گَلمز؟ کوچه ستمین یاده سالاندا یانورام من ثانی آناما سیلی ووروب اودلانورام من باجی.... تز گَل هرایه ویر خَبر گَلسین حسینیم قارداشیمدی نورِ عینیم حیف اولا وَصلَت قوتاردی آیریلیق باشلاندی نیلیم زینب بولورم چوخ منه ناله ایده جاقسان آز آغلا باجی کرب و بلایه گیده جاقسان باجی.... تز گَل هرایه گَلمه زینب شور و شِینه باخ باجی نورِ دو عِینه من یوخام کرب و بلاده آغلا قارداشیم حسینه صحرای بَلاده قالاجاق (بیکَس) و تنها عَبّاس و علی اکبرینی ئولدورر اعدا باجی.... تز گَل هرایه #امام_حسن_مجتبی_علیه_السلام التماس دعای فرج الاحقر مهدی عبادی #کانال_ترکی_مجمع_الذاکرین

#امام_حسن_مجتبی_علیه_السلام #نوحه #کانال_ترکی_مجمع_الذاکرین

زبانحال حضرت امام حسن مجتبی (ع) مرحوم حاج رسول امینی خوئی . گل ای باجی قان لخته لرین سیل دوداقیمدان دقتله باخ احوالیمی سن بیل دوداقیمدان قلبیم آلشیر شعله چیخور جان جگریمدن یاندیم توکولور قان باجی بو دیل دوداقیمدان . . هی لخته لنور هی توکولور قان جگریمدن افلاکه چیخور ناله و افغان جگریمدن بیر طشت مهیا ایله زینب الورم من یوخ طاقتیم الان چیخوری جان جگریمدن . . زهرین اثری اوخ کیمی دگدی اورگیمدن یاردی سینمه می رد اولور الان کورگیمدن هر نه چکورم اوز عیالیمدان چکورم من بیر ضربه ویریب جُده منیم شاه رگیمدن . . دور گل باشیم اوستونده اوتور قوی تاپوم آرام قارداشیم اویانسا اونی کیم ایلیجاق رام منسیط اونا غم غصه فراوان اولاجاقدور هجریمده یانیب آغلیاجاقدور سحر آخشام . . هجریمده یانیب دائمی قان آغلیاجاقدور زینب باخاجاقدور سمه دل داغلیاجاقدور آخر بو جماعت اونا شورا قوراجاقدور یوز هر هایانا قویسا یولین باغلیاجاقدور . . دشمن لر اونین حقین الیندن آلاجاقلار جبراً یولا بیر آیری دیاره سالاجاقدور باشوندا سنونده اولاجاق اوندا قیامت بیرگون اولاجاق دوره وی لشگر آلاجاقلار . . قدرت که گیچوب ایندی معاویه پلیده تقدیم ایده جاقدور بولورم اوغلی یزیده عمالی یزیدینده بد عادت یاتاجاقدور امنیت جان قالمیاجاق آل علی ده . . دوران دولانیب گلدی حسینین او زمانی عمالی یزیدین هامی سی دشمن جانی اودلاندی خیام علوی قوپدی قیامت تپراقلارا القصه توکوب خون خدانی . . یازدیقجا “امینی” بو اسفلی جریانی عرشه اوجالور دلدن اونین آه و فغانی اوز دردینی اربابینه راحت دیه بلکه الدن ولی قویمور یره هیچ بحر بکانی . #کانال_ترکی_مجمع_الذاکرین

در احوالات حضرت رسول اکرم (صلی الله) دوتوبدور ماتمون کون و مکانی یارسول الله ایدوب ماتم نشین خیرالنسانی یا رسول الله گیدنده امته اهل و عیالون تاپشوروردون سن علینین باغلیوبدورقولارین سندنصورا دشمن الوبدورمحسنی سیندی قولی زهرا ایدوب شیون قاپوسین یاندوروب فرعون ثانی یارسول الله نجه شیرخدایه تاپدی ال دشمن کم فرصت ثانی تیغ جفاالده دیوب قیل یا علی بیعت چکوبلرمسجده سندنصورا بو بیوفاامت جفائیله علی المرتضانی یا رسول الله شهادت ارث اولوب آل خلیل اول گیچوب سردن بیری مسموم زهریله بیری مقتول خنجردن حسنده سوده الماسی نوش ایتدی او ساغردن ایدوب مسموم جعده مجتبانی یا رسول الله بوگون زهرین شراری مجتبانین سینه سین داغلار یوزی قارداش یوزینده کربلانی یاد ایدوب آغلار دیدی قارداش بو اللرحیفدورقارداش گوزین باغلار اولاربیرگون کسراوزساربانی یا رسول الله دیردی زینبیم گلسون قرا استن قرا سالسون آنام زهرا کیمی گلسون باشیم آغوشینه آلسون باشیندان آچماموش قارداش قراسین بیر قرا سالسون گورونجه خولی وشمروسنانی یا رسول الله اگرمشغول اولوبسان ماتم شاه شهیدانه گذر قیل کربلادن لطف ایله گل بیرخراسانه باتوب زهرجفادن برگ گل تک لبلری قانه غریب الدوردولراوغلون رضانی یا رسول الله خداوندا بو زینب تک کیمین دنیاسی سخت اولدی گلن گوندن بو دنیایه همیشه تیره بخت اولدی چیخوب ویرانه مسجددن مقامی پای تخت اولدی گوروب قارداش لبینده خیزرانی یا رسول الله گوروبدور یدی قارداش داغینی المزندن زینب سالوب شبه پیمبر قدینه اخر کفن زینب گورنده اکبری صدپاره چیخدی خیمدن زینب فضای محشر ایتدی کربلانی یا رسول الله حسین الله یولوندا شوقیله پیرو جوان ویردی بویوردی اصغریم چوخ تشنه دور قومه نشان ویردی ویروبلرسو یرینه اوخ الی استنده جان ویردی اوشاهین اصغرشیرین زبانی یا رسول الله اولوبدورگلشن ماتمده(واقف)اشکبارآغلار چمن اطرافینی سیراب ایدر ابربهارآغلار سولان بیرغنچه گل عشقینده (بیخود)زار زار آغلار اولوب ذکری حسن ورد زبانی یا رسول الله (مرحومین بیخود و واقف سرابی #کانال_ترکی_مجمع_الذاکرین

نوحه شهادت خانم رقیه(س) ای منیم یارو غمخواریم عمه،، دور سفردن گلیب یاریم عمه،، عمه جان درده درمان گلیبدی سویگولوم خسته یولدان‌گلیبدی،، گوز یاشیلا گلاب حاضر ایله‌ لبلرونده بابام قان گلوبدی،، کام آلونجا بو یورقون قوناقدان جان گلیب تنگه توشدوم ایاقدان،، سن طبقده گیتورقانلی باشی من اوپوم پارچا لاموش دوداقدان،، هی دیردیم بابام کاشی گلیدی ،، هیچ دیمزدیم کسیک باش گلیدی،، گلدی یورقون بابام کاش عمومدا بو کسیک باشه یولداش گلیدی ساربانلار بابامی یوروبلار فاطمه قلبینی یاندیروبلار الله الله شل اولسون اولار کی بو باشین آنینا داش وروبلار سن قیلینجان بی بی شب نمازین من یووم گوی بابامین بوغازین گوی اوپوم خیزران یاره سین نن آرتیروم عشقیمون امتیازین ای منیم یا رو غمخوتریم عمه دور سفردن گلیب یاریم عمم #عمه_جان_درده_درمان_گلوبدی #رقیه https://eitaa.com/turki_nohemajma #کانال_ترکی_مجمع_الذاکرین

زبانحال حضرت زینب (س) در شهادت امام حسن (ع) (سبک: عم اوغلی چوخ گول سارالار) ندن سویله  قارداش حسن ؛ گول کیمی صولوب  رنگون باجون   زینب   قلبینی    بیله  ؛  یاندیرور   غم    آهنگون گوزون  یوموبسان  بو دهریدن ؛ قاندی گوزیاشیم ایوای توکولدی  تشته  جگرلرون   ؛   غملی   قارداشیم   ایوای مهربان    حسن   ایوای باغریقان  حسن   ایوای گیجه  گوندوز قان  اولوب  اورگ ؛ زحمتون  اولوب  زایل سالوبلا    باشون    بلالره   ؛    اهل    کینه     و      باطل ویروب   سنه   زهری  کوزه دن  ؛   جعده ی  جفا  گستر ایوینده   حتی   غریبیدون  ؛   محرمون     اولوب    قاتل گوزون  یوموبسان  بو دهریدن ؛ قاندی گوزیاشیم ایوای توکولدی  تشته  جگرلرون   ؛   غملی   قارداشیم   ایوای مهربان    حسن   ایوای باغریقان  حسن   ایوای ایشیتشه   بو   محنتی  حسین  ؛  سینه   داغلیوب  آغلار توکر   قانیاش   گل   عذارینه   ؛   قلب   عالمی    داغلار بو حالدا    قارداش  دوزر   مگر ؛ قارداشین گوره دلخون مصیبتدن   قان  اولار    دریا   ؛ سو   اولار  بوتون داغلار گوزون  یوموبسان  بو دهریدن ؛ قاندی گوزیاشیم ایوای توکولدی  تشته  جگرلرون   ؛   غملی   قارداشیم   ایوای مهربان    حسن   ایوای باغریقان  حسن   ایوای غریب و بیکس سن آی  قارداش ؛ یوخدی سنله هم پیمان دوشوبسن   بیر  درده   واللهی ؛ یوخدی   دردوه  درمان باجون    زینب  هر غمه  دوزسه  ؛ بو غمونده  دای دوزمز ستمله    تابوتون     اوخلالا    ؛    دشمنان       بی ایمان گوزون  یوموبسان  بو دهریدن ؛ قاندی گوزیاشیم ایوای توکولدی  تشته  جگرلرون   ؛   غملی   قارداشیم   ایوای مهربان    حسن   ایوای باغریقان  حسن   ایوای ** ✍بقلم ودود آذرین خلخالی

#زبانحال_حضرت_زینب #امام_حسن 🎤کربلایی سعید سلطانی @turki_nohemajma #کانال_ترکی_مجمع_الذاکرین

شهادت امام حسن مجتبی علیه السلام . . مرحوم حسینی سعدی زمان . ئولورم یانیمدا اگلش جگریم یارادی قارداش منه بو مدینه مسکن سنه کربلادی قارداش . . یته جاق تمامه صبریم قالاجاق خرابه قبریم حسنین مزاری پوزقون قالا گور روادی قارداش . . اولاجاق سنون مزارون بیوک عزته سزاوار گله جاقدی دسته دسته او گوزل مزاره زوار اولاجاق منه نه زائر نه مجاور و پرستار قالاجاقدی توزلی قبریم ایشیم آه و وادی قارداش . . پوزولان مزاریم اوسته گلن اولسا کام آلانماز یاخونا گلوب او پنمز دایانوب دوروب قالانماز ازینی مزاریم اوسته گوزی یاشلی بیر سالانماز گوراو یاسیله او حسرت نجه غمفزادی قارداش . . سنی یاد ایدوب گلنلر قالاجاق یانوندا ایمن منیم اولسا ایلده بیر یول گلنیم اگر معین دویه جاقلا قبریم اوسته کوره جاقدی جور دشمن یاناجاقدی مدفن ایچره حسنین فوادی قارداش . . گلن اولساقبری اوسته حسنین ده گاه گاهی گوزی قبریمه دوشنده اوجالار فغان و آهی دیسه درد دل دویه لر کیم اولار اونون پناهی گور او حسرت و او ذلت قوناقا روادی قارداش . . سنون آل هاشمیله اولاجاقدی اتفاقون ووراجاقدی عرشه طعنه حرمون گوزل رواقون گیجه گوندوز ایللر یله اولا جاقدی چوخ قوناقون هامی عالمین پناهی او متین بنادی قارداش . . سنون آلتی گوشه قبرون اولی عرش تک معلا گلی دسته دسته زایر دیر اوردا وا حسینا بو جلالت و بو عزت منه قسمت اولماز اما سنون عزتون اگر چه منه مدعادی قارداش . . یاتاجاق ایاقون آتدا سنیله علی اکبر ایده جاق غبار قبرون گوزه توتیا ملک لر بالوی ایاقون آتدا دیه جاقدیلار گورنلر بو یاتان جوان اوغولدی او قوجاآتادی قارداش . . اولاجاقدی نچه قارداش سنون اوردا هم جوارون یاتا جاقدی سینون اوسته یوزی قانلو شیر خوارون اودی سری آلتی گوشه اولاجاق سنون مزارون سنه قبریده هم آغوش ایکی مه لقادی قارداش . . غم غربتیله گرچه دلیمه شراره سالام بو نا دلخوشام ولیکن آنامین یانیندا قالام بیر علیل بوینی یاره بالاوی کناره آلام ایکی اوغلیدا یانیمدا گوزیمه ضیادی قارداش . . نجه که فلکده طالع اولی ماهلیه ستاره اولاجاقدی قبرون اوسته ایله گنبدو ستاره ولی بیرنفر تاپولماز چکه قبریم اوسته قاره اگر آغلادا بو نسکل آنامی بجادی قارداش . . منیم ایتدی بیر ایچم سو جگریمی پاره پاره سنه سو تا پولماز اما جگرون چکر شراره سو دینده قان ایچینده وورااهل کینه یاره بلورم بنی امیه نجه بی حیادی قارداش . . آنامیزا مهر اولوبدور یر اوزینده هر نه سو وار آدی سو منیم نصیبیم دولی زهر بیر سبو وار داخی کیم دیر جهاندا بو سو لار دا آبرو وار اود اولیدی کاش ازلدن قویولان سو آدی قارداش . . بو حسینه ایلیوبدور ایکی قارداشی وصیت بیری مجتبادی گوردی وطنینده درد غربت بیری کربلا چولینده باشا باش بدن جراحت دیدی آخرین نفسده سنه جان فدادی قارداش . . بودی آخرین سوزوم ای شه یثرب و تهامه نقدر ساقام یتشموب نفسیم منیم تمامه منی بوردا قوی آپارما شهدا کیمی خیامه نظرون آپارماق اولسا بیوک ابتلادی قارداش . . قورویان سو جامی الده سو دیلنده دیده خدنبار بلوسن منی گوزتلور خیمونده آل اطهار گوره بلمرم رقیه سو دیر یانار سیزلدار بو ئولوم او خجلتیمدن منه چوخ روادی قارداش . . بو وصیتمیده وار دور بلوسن بیر اوزگه علت هله بلموری بو حالی بو گروه پست فطرت بله لر اگر یخلدیم تاپار اهل کوفه جرئت هله مانع جسارت بو یاتان لوادی قارداش . . اوزماندا تاپدی خدمت قزلیم عیار کامل که ایکی قولوم کسیلدی دیشیم اولدی مشگه حامل او قدر او مشکه خاطر منه اوخ ورووب ارازل بدنیم گورورسن اوخدان پر آچان همادی قارداش . . بو سوزونده وار #حسینی نه فنون شاعرانه نه صنایع بدیعی نه رموز ماهرانه صله مجتبادن ایسته ایله بو سوزی بهانه ئولورم یانیمدا اگلش جگرم یارادی قارداش . . . #سبک_سنه_سو_دین_دوداقلار #سبک_سنی_سسلیور_هرایه #سبک_یارالار_سینونده_قارداش #سبک_سو_یوخومدی_قزلاروندان #سبک_یانور_اصغریم_سوسوزدان (جوشی زنجیر)

#امام_حسن 🎤کربلایی سعید سلطانی @turki_nohemajma #کانال_ترکی_مجمع_الذاکرین

شهادت امام حسن مجتبی علیه السلام . . مرحوم سهیلی . . سبک:عمه بو ویران سراده … 3 سبک . . آچ گوزون بیر دور ایاقه ، لبلریم دوغراندی زینب بو سوئی ایچدیم وجودیم ، اود دوتوب اودلاندی زینب . . بو گیجه فکره خیال حضرت جانانلا یاتدیم خوابیدن بیدار اولوب دنیانی یکسر گوزدن آتدیم باشیمه لا جرعه چکدیم زهری بزم وصله چاتدیم انبیا و اوصیا بو حالیمه حیراندی زینب . . بیله جان ویرماق ازلدن مشق اولوبدور اهل عشقه ترک جان عالمده درس عشق اولوبدور اهل عشقه عشقده اولماق فنا سر مشق اولوبدور اهل عشقه بو فنالوق مرده جسمه بیر علاوه جاندی زینب . . دور آنام باجی دایانما ویر خبر گلسون حسینیم جسمیمه بیر تازه جاندور چون او شاه مشرقینیم گلمسه اودلار یقین آفاقی سوز شور و شینیم گوزلریم یولدا قالوبدور موسم هجراندی زینب . . آچدی ناگه گوزلرین زینب باتوب بحر ملاله ووردی باشه یولدی زلفین آغلادی گلدی سواله عرض قیلدی که برادر کیم سنی سالدی بو حاله اود دوتوب بو حالدن آخر آلیشدی یاندی زینب . . ایلدی فرمایش اول شه آز بو قلبون داغلا باجی آچما باشون یولما زلفون صبر قیل آز آغلا باجی جان دوداقیمه یتیشدی گل گوزومی باغلا باجی شاهباز مرگه بو روحیم قوشی اولاندی زینب . . بو بلالی باشوون عالمده چوخ چوخدور بلاسی باشه یتمز کربلاده وار بیر اوزگه ماجراسی دستگیر غم سنی ایلر او گون بو عشق اساسی کیم حسین جسمین گوررسن زینت میداندی زینب . . آه او گوندن کربلاده زینبون گلزاری سولدی بلبلان گلشن حق دستگیر دشمن اولدی دمبدم پیمانه تک خوناب غمدن قلبی دولدی عاقبت زنجیر ظلمه ظلمیله باغلاندی زینب . . دوردی بیر قدری یارالی جسمینه حسرتله باخدی خون دل جوشه گلوب تا چشمه چشمیندن آخدی گوتدی قارداش قانینی هم زلف هم رخساره یاخدی عرض ایدوب قارداش نجه گور مایل جاناندی زینب . . آتش ظلمه بو گون بو دشت پر وحشتده یاندیم هر بلا یوز ویردی دوزدوم هر ستم یتدی دایاندیم عاقبت منده سنون تک گور نه بو قانه بویاندیم لطف ایدوب دیندیر باجون بیر آن سنه مهماندی زینب . . سنده اول یکدل « سهیلی » دامن مقصوده وور چنگ عاشق صادق گرک یکرنگ اولا جانانلا یکرنگ یکدل اولسان هر قدر اولسا گناهون اولما دلتنگ هول محشردن سنی قورتارماقا عنواندی زینب . . #سبک_ای_ویرن_ویرانه_یرده … 3 سبک . . #حسنیه_شهادت

#شهادت_امام_حسن 🎤کربلایی سعید سلطانی @turki_nohemajma #کانال_ترکی_مجمع_الذاکرین

در شهادت امام حسن مجتبی علیه السّلام . . سبک: خداحافظ ای آنام باجی … سن آغلوسان من دوزنمورم … شیرین سوزوم آیدین اولدوزوم … . . محمدرضا صادقی . . جگرلریم دوغرانوب باجی یاندی بو دل زاریم عیان اولار آز زمان گئچر دلده کی بو اسراریم . . رسول حق تا یوموب گوزون پرپر اولدی اجلالیم بابام ئولنده عیانیدور سیزلره منیم حالیم آنام ئولندن اورک یانوب غملیدور بو احوالیم خبر ائله قارداشیم گله یوخ داخی وفاداریم . . نظر ایله ایمدی حالیمه گلدی موقع هجران میسر اولسا گتور منه زینبیم اوخی قرآن یوباتما جنتده گوزلوری چون منی آنام الان آنام دوشوب یادیمه منیم چوخ پوزولدی افکاریم . . بو عمریده گورموسن ئوزون وار سیزه نه احساسیم یتیم اولار قویما تئز سولا گلشنیمده کی قاسم جنازمون اوسته گوزیاشین جاری ایلر عباسیم اگر گوره اوخ وورور منیم پیکریمه اشراریم . . باجی منیم تک زمانه ده آیری غم چکن اولماز اورکده وار آیری محنتیم دردیمی بولن اولماز سوروشسالار سن دئمه باجی من کیمی ئولن اولماز عیان ائدر دلده دردیمی یوزده رنگ رخساریم . . توکوب گوزون یاشین آغلاما سن بو غملی چاقیمده دئمه حسن گل کیمی سولوب گلشنیمده باغیمده گتور باجی طشتی قوی یره قان دوروب دوداقیمده جگرلریم گلدی آغزما وار سنه چوخ اصراریم . . منی بو حاله سالان باجی ایوده محرمیم اولدی سویا قاتان زهری کوزده جعده همسریم اولدی قوتولدی دنیا غمی منه دلده بو غمیم اولدی مزاریمین اوسته گون دوشر کم اولار عزاداریم . . باجی اگر درد و غصه می بولسه « صادقی » آغلار اورک قانیلن عذارینه اشک چشمینی باغلار یازاندا نوحه منه باجی قلب عالمی داغلار بو سوزلرینن اولار منیم دهریده هواداریم . . . . #سبک_خداحافظ_ای_آنام_باجی … 3 سبک . . #حسنیه_شهادت #جگرلریم_دوغرانوب_باجی #محمدرضاصادقی #ترکی

#امام_حسن 🎤کربلایی سعید سلطانی @turki_nohemajma #کانال_ترکی_مجمع_الذاکرین

شهادت امام حسن(ع) عارف زنجانی #سبک_اصغریم_ای_شیرین_زبانیم . محنتی بیکران حسن جان غصه دن باغریقان حسن جان ای اولان اؤز ائوینده مظلوم آچ گوزون مهربان حسن جان . گورنجه زینبون پریشاندی حسن زینبون غملی حاله قرباندی حسن . حسن جانم حسن جانم . . . . . . ای یوزی گول کیمون سولان وای ای غریب وطن اولان وای وای سنی کیم بو حاله سالدی آغزی ای قانیله دولان وای . اللرون گور نجه پریشاندی حسن زینبون غملی حاله قرباندی حسن . حسن جانم حسن جانم . . . . . صبریمون کاسه سی جالاندی خرمن شوکتیم تالاندی بش یاشیندان ایشی جهاندا زینبون ناله و فغاندی . رحم ائله یوخ آنام گله همدم اولا گوزومی قویما اشگ حسرتله دولا . حسن جانم حسن جانم . . . . . سن حسن روحیمه صفاسن غصه لی قلبیمه دواسن اَل ایاق چالما بیله قارداش وای منه درده مبتلاسن . آغلارام سن کیمی غریب وطنه آغلارام اؤز ایوینده مظلوم ئولنه . حسن جانم حسن جانم . . . . . قوی حسینی ائدیم خبردار زینبون باشه قاره باغلار قاسمون گول یوزه سرشگین وای بابا سسلدوقجه باغلار . بو مصیبتده زینبون ای کاش ئوله قوی ابالفضلیمی دیوم داده گله . حسن جانم حسن جانم . . . . . اوخشارام وای غریب ئولن وای سینه سی داغلانان حسن وای ظلم الیلن خزانه گیتدی گلشنیم ای شه زمن وای . گل دیله ای سوزی اؤرکده قالانیم گوگلومی غم دوتان زماندا آلانیم . حسن جانم حسن جانم . . . . . عاشقم دیدۀ خماره ای غمی گلمیَن شماره کاش اولیدی فدا بو جانیم سن کیمون محنته دچاره . زینبین ناله سین اوجاتما گوزون آچ باجیوی گل گوزوندن آتما گوزون آچ . حسن جانم حسن جانم . . . . . نی کیمون گلمیشم آه و وایه ای دوشن باشی چوخ بلایه آیرلیق دردینی حسن جان گیت دانیش خیرة النّسایه . «عارفون» دوت الیندن ای بحر عطا یوز قویوب آستانیوه همچو گدا . حسن جانم حسن جانم . . . #حسنیه_شهادت