#اربعین 🏴زبانحال حضرت زینب(س) قارداش باجیلیق رسمی اولارمیش بیله قارداش قارداش ئولومی ضربه ویرارمیش بله قارداش قدیم بوکولوب باش آغاروب فکر ایلمزدیم زینب بو بیابانه دوباره گله قارداش قرخا یاخون اطفالون حسین قرخا گلوبدی قورخوم بودی قرخوندا ربابون ئوله قارداش ای کوینگی اللرده قالان دور سنه قربان گلدی بو چوله شامه گیدن قافله قارداش  آغ ساچلاریمی قبریوون اوسته سررم تا قبرین داشینی ساچلاریم الآن سیله قارداش نامحرم حسین یوخ باش آچوخ آغلارام الان گلدی باجون هم آغلیا هم دینجله قارداش گلدیم سو سپم گوز یاشیلان قبریوون اوسته شرمنده ایدم آب فراتی بله قارداش گئچدی اورگیم گئچدی باشون نوک جدایه دوشدوم باشیوون آردیجا چولدن چوله قارداش وار علتی یاردیم باشیمی کوفه ده نیلوم گوردوم بلشوب نیزه ده باشون کوله قارداش چوخدور یارام، آلنیم یاراسین فاش ایلدیم من قالسون یارالار کوینگون آلتدا هله قارداش غساله منه غسل ویرنده بیله جکدور هانسی یارالار زینبی گتدی دیله قارداش

‍ سوال و جواب اربعین ‍ سوال و جواب اربعین سوال: قرخ گونده بابا اهل حرم مشکله دوشدی یورقون بالالار، بندیده چولدن چوله دوشدی یوللاردا باشین نیزده الدن اله دوشدی یاندی اتگیم دشمنین اخیامی سویاندا چوخ آغلامیشام نیزده قرآن اوخویاندا جواب: جان جان گوزلیم ، آغلاما عالملری یاخما آی تک دوتولوب، بیر بیله، اولدوز کیمی آخما یورقون بالا ، بیرده دولانوب یوللارا باخما یوللاردا ئوزون آگهیدون رمز و رموزه قرآن اوخودوم ، آنّیما داش ویردی عجوزه سوال: سس ویر منه بابا ئورگیم دینجله بیرده دور گویلومی زهرایه گوره آل اله بیرده گوزلر ساتاشور سن سورونن مقتله بیرده وای عمه مه، عمi م نه چکوب شمری گورنده ال باشدا قاچوب دگدی یئره تلّی اننده جواب: دشمن باشیمی کسمگه ، مقتلده تلسدی ظلمت ایکی دنیانی دوتوب ، قاره یل اسدی عمه ن ، دیدی شمره داخی، ظلم ایلمه بسدی مرجان کیمی قان سینمون اوستونده دوزولدی دوتدی کسری ، بارماقینون قانی سوزولدی سوال: بابا چمنون گور نجه ظلمیله سولوبدی باخ گوزلریمه ، ابرِ کیمی گور نه دولوبدی قوللاریمه بیر باخ، نجه گور یول یول اولوبدی بو قمچی یری بنزیری سینونده یارایه سس ویر منه ، دور بیر ایاقا ، گلدیم عزایه جواب: چوخ ویردی سنی زجر جفا پروری گوردوم یولدا یوزوه سیلی ویران اللری گوردوم قاتللر الینده ، قیزیم انگشتری ، گوردوم دورت مین یارا،عمه ن، بدنیم اوسته سایوبدی سینمه ده کی ، یاره گوزلیم توختامیوبدی سوال: بابا بو یانان قلبیده غملر کوزی چوخدی دیندیر علی اصغر آناسین، هیچ حالی یوخدی بو حاله ربابی سالان اوچ شعبه لی اوخدی بالای سرونده ، ئوزونی ساخلیا بیلمور بیکسدی ، حیادن اوجادان آغلیا بیلمور جواب: گوز یاشین ائله آخدی قیزیم دوندی سرابه سن تک گوزلیم ، آغلامیشام منده ربابه چوخ دل یاراسی ویردیلا اول قلبی کبابه گور حرمله نیلوبدی او خونین جگریلن؟ لای لای دیوری اصغریمه چشم تریلن ** بهلول حبیبی زنجانی

زوار الحسین ع تا وار نفسیم یار و هوادار حسینم به به نه سعادت دی که زوار حسینم شکراللها بیر دفعه ده وئردی منه بیر فرصت تا عشق حسینیله تاپام شان و شرافت سالدی باشیما شور ولا شوق زیارت بیر عمریدی عالمده گرفتار حسینم به به نه سعادت دی که زوار حسینم یارب منه احسان ائیلییبوسن نظر ائیله عشقین باغینی لطفویله بارور ائیله بو ناقص اولان سعیمیزی پرثمر ائیله اگهسن اوزون شایق دیدار حسینم به به نه سعادت دی که زوار حسینم چوخلارگزیز عالمده ره سلم و رضانی لبیک دئییب خوشلامیشام منده بلانی قسمت اولا گر بیرده گوره م کرب و بلانی اعلان ائدم عالمه دلدار حسینم به به نه سعادت دی که زوار حسینم وار جاده عشق ایچره عجب شور و حلاوت جاندان آپاریر تاب و توان ،شوق زیارت ششگوشه مزاراولسا دوباره منه قسمت خوشدور که دییم خادم دربار حسینم به به نه سعادت دی که زوار حسینم دنیانی سالیب حیرته زواری حسینین چوخلار قره اگنینده اولوب یاری حسینین عشاقه یازیب دعوتی سرداری حسینین هر یئرده اولام حامی افکار حسینم به به نه سعادت دی که زوار حسینم الله آقامین بزم عزاسی نه گوزل دی جنت دی بیزه کرب و بلاسی نه گوزل دی به به حرمین نقش و نماسی نه گوزل دی گوزیاشلی گلیب منده خریدار حسینم به به نه سعادت دی که زوار حسینم یارب منه وئر معرفت و شوق و بصیرت تا منده اولوم عامل احکام شریعت ایکاش بو درگهده اولام لایق خدمت بیر عمری دی شوقیله عزادار حسینم به به نه سعادت دی که زوار حسینم آقا دی آقام ساییلینی بوش یولا سالماز هر کیمسیه احسان ائلیب باشینه چالماز سلطان کرم دیر بیلیرم وئردیگین آلماز تا وار نفسیم شهره ی بازار حسینم به به نه سعادت دی که زوار حسینم فانوس نئجه نور وئره کوکبه چاتماز دنیا بویی هیچ مدرسه بو مکتبه چاتماز چوخ عاشیق اولار لیک بیری زینبه چاتماز اعلان ائیله دی یار وفادار حسینم به به نه سعادت دی که زوار حسینم قارداشه گوره زینب اوزون سالدی بلایه شاماته گئدیب اولدی اسیر اهل جفایه تا فرصت اله سالدی گلیب کرب و بلایه عرض ائیله دی من قافله سالار حسینم به به نه سعادت دی که زوار حسینم عرض ائتدی حسین قبریوه قربان اولا زینب سس وئر سسیمه قویما پریشان اولا زینب هیهات دوباره سنه مهمان اولا زینب یوخ قارداشیم عباس علمدار حسینم به به نه سعادت دی که زوار حسینم #محمدهوشمند التماس دع

نوحه اربعین..... 📙✍️زبانحال حضرت زینب (س) 🖤🗣️نام اثر ناشناس....فی سبیل الله (ریز خاکی) با صلواتی روحش را یاد کنیم .... بو آلتی گوشه قبروون قربانی قارداش دور پیشواز ائت عترت طاهانی قارداش ای نور عینیم عطشان حسینیم دوشدی ائلیکی زینبون سندن اوزاقه یاندی دل غم دیده سی نار فراقه پوزقون جمالی آی کیمی دوشدی محاقه قویدی تحیرده گوزی بارانی قارداش سندن صورا مسکن بیزه اولدی خرابه حزن و نواو آهیله دولدی خرابه تیر غمیله قلبیمی بولدی خرابه جانه گتوردی زینب نالانی قارداش بیر سقف سیز ویرانه ده یاتدی رقیه بیر ماه تابان تک گجه باتدی رقیه گوزدن بو دنیانی نه تز آتدی رقیه چیخدی گجه یاری اویورقون جانی قارداش .... #کانال_ترکی_مجمع_الذاکرین

نوحه دلسوز اربعین باشیمه یغیب گتدیم ، گتدیم ، غم دیده قیزلاری ، سولان اولدوزلاری آلما خبر سن رقیه دن ای شه زمن قالدی بی کفن ویرانه منزلده اولدی بیلمم ندن اونا اوز معجری کفن اونا آغلارام هرگون من اونا عمری آزاولدی غمی چوخ اونون کیمی مظلومه یوخ جانم حسین جانم ۲شروع قوی عرض ائدوم، قارداش ، قارداش ، شامون بلاسیندن، شمرون جفا سیندن قوی ایلیوم باخبر سنی ویردیلار منی عرشه شیونی قوزاندی زینبین دور گور نه حاله قالمیشام غم غصه دن قوجالمیشام آفاقه ناله سالمیشام کوفه دن شامه یاحسین باتدیم آلامه یاحسین جانم حسین جانم ۲ترکی گلدی سنه مهمان، مهمان ، زینب اوزاق یولدان ای شاه لب عطشان زینب گلوب قبروه حسین شاه عالمین دلده شوروشین گوزلرده گوزیاشلی دور ای وفالی قارداشیم چوخلی بلا گوروب باشیم قانه دونوبدی گوزیاشیم ای شاه بی غسل و کفن بلیم بوکولدی غصه دن جانم حسین جانم ۲ فارسی من آمدم حسین ،حسین ،باسینه سوزان باچشم اشک افشان ازغم دلم خون شده اخا ای شه ولا فخر ماسوا می نالم از داغت خیزو ببین چشم ترم ای با وفا برادرم هجران کشیده خواهرم غم دیده خواهر آمده زینب مضطر آمده جانم حسین جانم ۲ شروع از محنت هجران ، هجران ، جانم بلب آمد جانم به لب آمد ای رهبر با وقارمن افتخار من شهریار من جانم به قربانت خون گشته قلبم از محن از داغ تو ای بی کفن شدم اسیر غصه من ای نور دیده یاحسین قدم خمیده یاحسین جانم حسین جانم ۲

#اربعین #نوحه_تک_زنجیر_زنی ( #سبک :#سو_یوخومدی_قزلاروندان …) دور ایاقه پیشواز ایت ، منِ باغریقانی قارداش باجیوام منی دانیشدیر ، آنامون نشانی قارداش آنام اوغلی اربعینه من زار و خسته گلدیم دولانوب کمانه قدیم ئوره گی شکسته گلدیم گینه گوز یاشیم روانه اولا قبرین اوسته گلدیم گتوروب فغانه دردون هامی انس و جانی قارداش باجیوام دیلون فداسی دیله گل منی دانیشدیر غم اوخیلا آز یانان بو سینمی حسین آلیشدیر آناسی ربابیلن سن علی اصغری باریشدیر سیزه چوخ نوا ایدوبدور بیلورم نهانی قارداش دور ایاقه کاروان غم نینوانی گتدیم سنه نوحه خوان اولان بیر سوری آهوانی گتدیم ولی اوچ یاشیندا قیزدان سنه بیر نشانی گتدیم ئوز الیمله دفن قیلدیم او عزیز جانی قارداش او خرابه شامین ایچره غم آشوب داشوب باشیمدان غم بی کرانه قارداش اوخونار بو گوز یاشیمدان منی چرخ دون آیوردی ستمیله یولداشیمدان غم و محنتینده سالدی باشیما قرانی قارداش غمی باش آنامدان اولدی ئورگینده یاره گیتدی او هزار نازدانه نئجه گور مزاره گیتدی او نحیفه جسمه قارداش کفن اولدی قاره گیتدی ئوز الیمله قبره قویدوم بودی داستانی قارداش سنی ترک ایدن زماندان یوزه گوز یاشیم رواندور گیجه گوندوزی برادر ایشیم آه و الاماندور قد و قامتیم حسینیم بوکولوبدی چون کماندور اریدوب غم فراقون من بینوانی قارداش سنه گل بیان ایدوم من باشیما گلن بلادن باشیما گلن بلادن غم و درد و ابتلادن ره کوفه دن دئیوم یا ره شام پر جفادن باجون ای یارالی باش خوش ویروب امتحانی قارداش ﷽🍁 ﷽ ✨اَللّهُمَّ عَجِّل لِوَلیِّکَ الفَرَج✨

❣﷽❣ ◾️#سینه_زنی_امام_رضا_ع 🔳#ترکی ◾️#آقای_رسولی ای بیزیم مملکتین شاهی رضا آسمان شرفین ماهی رضا ای خراسان گوزلی هامی ایران گوزلی فاطمه یوسف سن شاه مردان گوزلی آقا بیز ایلده سلام گلروخ ادبیله او مقامه گلروخ یعنی پابوس امامه گلروخ قویما دیلدا قالا بو آه رضا آسمانِ شرفین ماه امام رضا آسمانِ شرفین ماه امام رضا ای خراسان گوزلی هامی ایران گوزلی فاطمه یوسفی سن شاه مردان گوزلی ای وران مرکز ایرانه علم سائلوخ بیز ولی سن کان کرم ناز ائدر باغ بهشته اُ حرم ای اورک دردینین آگاهی رضا آسمان شرفین ماهی رضا سنیله روحیمیزین الفتی وار علمین سایه امنیتی وار سنه زائر اولانین عزتی وار جان بولر قبله بو درگاه رضا کربلا منظرسین پوزدی بیزیم عمین عباسه یتیر دردیمیزی شیعه هر درده بولر چارسیدی بیمه ائد قبر یدالاه رضا یوزوه باغلادی همراه رضا … شاه رضا ای خراسان گوزلی هامی ایران گوزلی فاطمه یوسف سن شاه مردان گوزلی ┈••✾•🌿🌺🌿•✾••┈

#نوحه #ترکی #شهادت_امام_رضا 🎤حاج مهدی رسولی #کانال_ترکی_مجمع_الذاکرین

‍ اربعین – زبانحال خانم رباب (س) دور ای آغامون سینه سی اوسته یاتان عطشان آغوشیمه گل صود امر اوغلوم سنه قربان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم بو ناله سی افلاکه چیخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گویلونی جان اوسته دی بوحالی پریشان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ایستر بالالار اولسون آنا سینه سی بستر آغوشینه گلجاق آنادان فوری صود ایستر گل سینمه اصغر منه اوز عشقوی گوستر صود ایسته صودوم اولماسا گر بذل ایدرم جان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم یاخشی آنالار ایچره منه ویرمسن عزت لیلا ایله اولدوخ بالا هم صحبت و محنت یاننام ولی سندن چکرم حشرجه خجلت سینمده صودوم اولمادی امدون سولی پیکان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم خوش حالوه دفن اولدون اوغول عرش خداده یاتدون یارالی سینه ی شاه شهداده هیهات اولا مثلی بو یرین ارض و سماده خلق ایلیوب اشرف بو یئری خالق منان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم آهو بالاسین اوچی آیر آناسندان آردینجا ملر آهو ال اوزمز بالاسندان صیاد ویران حلقوه پیکان یاراسندان آهو کیمی یاننام ملرم ایلرم افغان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم هر یئرده سو گورم سوسوز احوالوه یاننام یاننام خم آلامیده مین رنگه بویانام ناچار اگر ایچسم بالا روحونن اوتانام چیخماز نظریمنن کی یانوردون سوسوزوندان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ویردی باشوی نیزیه تا فرقه ی گمراه گوردوقجا باشون چکدیم اوغول ناله ی جانکاه حقدن بالا ایستردیم ایده عمرومی کوتاه چاره م یوخ اجل لطفونی کسمشدی آناندان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم بیر تک نه سنون فرقتون آرامومی آلدی سر نیزده باشون منی چولدن چوله سالدی بیر نازلی بالامدا بالا ویرانه ده قالدی حسرتله رقیم قوری یئر اوسته ویروب جان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم یوردی باجوی درد و غم و رنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (( پرندا )) دی دوباره دور ای آغامون سینه سی اوسته یاتان عطشان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ** حاج محمد پرند

زبانحال حضرت زینب(س) در سر تربت امام حسین (ع) ( سبک : ای ویرن ویرانه یرده ) نیزه ده وارد اولان گون قانلو باشون شامه قارداش ناقه ده گوردون نه خدمت ایلدیم اسلامه قارداش سن او گون که حق یولوندا اهل بیتون گوزدن آتدون حفظ استقلال اسلام اوسته عطشان قانه باتدون پرچمون یاتدی ولیکن پرچم دینی اوجاتدون قانیله یازدون بلالی زینبه برنامه قارداش یازدیقون برنامه سرمشق اولدی بو زار و حزینه رونق دین اوسته دوزدوم هر جفای اهل کینه ایلدیم هنگام فرصت سعی تبلیغات دینه پوزدی تشکیلات کفری قوردوقوم هنگامه قارداش من بو صحرادن گئدن گون پیکرون قالموشدی عریان خار و خس ائتمیشدی تکفین ای قتیل قوم عدوان کیم سنه قازدی بو قبری زینبون بو قبره قربان وار یئری یانسام ئولونجه آتش آلامه قارداش ایلین گونلر آتامیز کوفه شهرینده خلافت کوفه نسوانی تاپاردی دست بوسیمدن شرافت گوردولر تا دستگیرم شمره باشلاندی شماتت ذلّته دوندی او عزّت تُف گله ایّامه قارداش ایله بیر حالتده گوردوم نازنین باشون جداده آیه ی کهفی تلاوت ایلوری اهل عناده ایلدیم ترویج دین و مذهبه منده اراده باشلادیم نطقه علی تک قوم بدفرجامه قارداش آتشین نطقیم شراری منتشر اولدی فضاده قویمادیم قالسون حقیقت نیّری ابر خفاده گئتدیم آخرده بُولورسن مجلس ابن زیاده واریدی اگنیمده گوردون مُندرس بیر جامه قارداش کوفه دن شامه آپاردی بیزلری قوم اراذل یا قَطَب لر اولدی مَرکَب یا بیزه بی پرده محمل هاشمیّاته وئرولدی مسجدِ ویرانه منزل گوندوزوم ویرانه یرده دوندی غمدن شامه قارداش گه آپاردی هندین اوغلی بیزلری بزم شرابه خیزران دوندردی گاهی قلبیمی یانمیش کبابه بیر قیزون ئولدی آجیندان مدفنی اولدی خرابه خدمتیم سن امر ائدن تک گور یتوب انجامه قارداش چیخما بو ویران سرادن ای (( حسینی )) سن کناره وئرمه توضیحات کامل مجلس شرب و قماره قوی قالا ناقص کلامون مختصر بسدی اشاره گر چه چوخ مایلدی یازسون ماجرانی خامه قارداش ** مرحوم سیدرضاحسینی (سعدی زمان)

اربعین ( سبک : سو یوخومدی قزلاروندان …) دور ایاقه پیشواز ایت ، منِ باغریقانی قارداش باجیوام منی دانیشدیر ، آنامون نشانی قارداش آنام اوغلی اربعینه من زار و خسته گلدیم دولانوب کمانه قدیم ئوره گی شکسته گلدیم گینه گوز یاشیم روانه اولا قبرین اوسته گلدیم گتوروب فغانه دردون هامی انس و جانی قارداش باجیوام دیلون فداسی دیله گل منی دانیشدیر غم اوخیلا آز یانان بو سینمی حسین آلیشدیر آناسی ربابیلن سن علی اصغری باریشدیر سیزه چوخ نوا ایدوبدور بیلورم نهانی قارداش دور ایاقه کاروان غم نینوانی گتدیم سنه نوحه خوان اولان بیر سوری آهوانی گتدیم ولی اوچ یاشیندا قیزدان سنه بیر نشانی گتدیم ئوز الیمله دفن قیلدیم او عزیز جانی قارداش او خرابه شامین ایچره غم آشوب داشوب باشیمدان غم بی کرانه قارداش اوخونار بو گوز یاشیمدان منی چرخ دون آیوردی ستمیله یولداشیمدان غم و محنتینده سالدی باشیما قرانی قارداش غمی باش آنامدان اولدی ئورگینده یاره گیتدی او هزار نازدانه نئجه گور مزاره گیتدی او نحیفه جسمه قارداش کفن اولدی قاره گیتدی ئوز الیمله قبره قویدوم بودی داستانی قارداش سنی ترک ایدن زماندان یوزه گوز یاشیم رواندور گیجه گوندوزی برادر ایشیم آه و الاماندور قد و قامتیم حسینیم بوکولوبدی چون کماندور اریدوب غم فراقون من بینوانی قارداش سنه گل بیان ایدوم من باشیما گلن بلادن باشیما گلن بلادن غم و درد و ابتلادن ره کوفه دن دئیوم یا ره شام پر جفادن باجون ای یارالی باش خوش ویروب امتحانی قارداش بو گوزل مزارون اوسته یئری واردی باش آچام من گوز ایوینده تیر درد و غم و محنتی ساچام من باش آچوق یالین ایاق تا سر نهره جک قاچام من گیدوب اوخشیام مزارینده او دلربانی قارداش ** کربلایی فخرالدین اسکندری(جائد ) #اربعیــن_۱۴۰۳ #حضرت_زینب_سلام_الله_علیها #کانال_باب_الحوائج

‍ ‍ ‍ اربعين    😭😭😭😭😭😭😭🏴🏴🏴🏴 زینبم گلمیشم اربعینه بزم ماتم قورام شاه دینه ایلیم قبر پاکون زیارت آغلیام بیر دویونجا حسینه سن یارالی حسین من یارالی سن وفالی حسین من عزالی آیریلان وقته من کربلادن درده گلمیشدی قلبیم جفادن چکدی عشقون منی کوه و دشته وای که گوردوم آخور قان یارادن سن یارالی حسین من یارالی سن وفالی حسین من عزالی حاج ابراهیم رهبر ‍ ‍ اربعين سبک : ای قلم سوزلرینده اثر یوخ... جامه عشقوی... مطهری... زینبم گلمیشم اربعینه بزم ماتم قورام شاه دینه ایلیم قبر پاکون زیارت آغلیام بیر دویونجا حسینه سن یارالی حسین من یارالی سن وفالی حسین من عزالی آیریلان وقته من کربلادن درده گلمیشدی قلبیم جفادن چکدی عشقون منی کوه و دشته وای که گوردوم آخور قان یارادن سن یارالی حسین من یارالی سن وفالی حسین من عزالی #اربعیــن_۱۴۰۳ #حضرت_زینب_سلام_الله_علیها

زبانحال امام حسین (ع) در بالین حضرت علی اکبر (ع) #سبک_یخلوب_عباسیم حاج داود بیدق داری گوزل اوغلوم اکبر ، تراب اوسته یاتما باخور اهل کوفه ، منی آغلاتما ای اولان افلاکِ، وفا و عزّتده سحرگاه عشقه ، ستاره باتما نئجه طوفان گلسه ، گلی پرپر ایلر سنی گل تک پرپر، ائدوبدی لشگر داغیلوبسان یکسر، قیزیل قاندور پیکر الیمده یوخ چاره، بو درده اکبر کوره گوندن خنجر، ووروبدی بیر کافر دئیرسن قانیله بویانمیش گوهر باشینا دنیانون، کول اولسون سنسیز ای منای عشقینده ، بلالی اوغلوم شاهدیمدور الله، چخور جانیم گویا کنارونده الان، یارالی اوغلوم حقّی وار یعقوبین، اگر کور اولدی چون چتیندی صبر ائتمک، چتیندی هجران یوسفین عطرین تا، آلوردی کوینکدن کنار کنعاندا، ائدوردی افغان بو امیدی شاید، واریدی قلبینده گلر بیر گون یولدان، عزیزِ کنعان منیم اما یوخدور، امیدیم تا بوردان ایاق اوسته اوغلوم، گئدم تل اوسته چاغیرام عبّاسی، گلوب گورسون ایندی قالوبدور نه حاله، شَهِ دلخسته سنی گوردوم یئرده، کنارونده قاتل الینده بیر خنجر، ووروبدی زانو ائله بیلدیم ئولدوم، دیریلدیم بو چولده گئدوب طاقت الدن، چاغیردیم یاهو قوجا وقتیمده من، اوغولسوز قالدیم ای بلالی صحراده، یارالی آهو سنی گوردوم یئرده، پراکنده گل تک گوزومده تار اولدی، بو دنیا یکسر اله گلمور اعضا، بودور چاره اکبر عباده حمل اولسون، بو قانلی پیکر سنی ایلور گویدن، نظاره عرش اهلی قالوبلار حیرتده، بئله سودادن که لب عطشان عاشق، رضای دلداره یومور گوز بی پروا، گئچور دنیادن یوخدی جای حیرت، که گون باتمور اوغلوم آلور چون که نورین، بو مه سیمادن بوتون افلاک ایندی، تماشاده اکبر یئتور باشه چون که، گوزل پیمانون منه ده بو عمرین، صفاسی یوخ سن سیز کول اولسون باشینه، یالان دنیانون #سبک_یخلوب_عباسیم

زبانحال امام حسین (ع)در بالین حضرت علی اکبر (ع) سس وئر حسینه یاتما ای قهرمانیم اکبر حمل ایلییم جنازون یوخدور توانیم اکبر اود ووردی ماسوایه بو رسم و بو رَویّه آرامیمی آلوبدی محنتلی بیر قضیه دور یاتما بوردا اوغلوم گوزلور سنی رقیه تل اوسته منتظردور شیرین زبانیم اکبر قانون آخوبدی باشدان نم نم ترابون اوسته گول پایمال اولوبدی خوشبو گلابون اوسته اوراق اولوبدی سینون حفظ کتابون اوسته یاندیردی کایناتی سوز نهانیم اکبر مرکب بلینده گلدیم شام اهلینه گوروندوم یدی قدم قالاندا گوز یاشیمه بوروندوم اوردان جنازون اوسته مجنون کیمی سوروندوم ال دوتماسون دوزلمز قد کمانیم اکبر گلشنده پیکرون تک هئچ لاله پرپر اولماز پرپرده اولسا شاید سن تک معطر اولماز یوسف عوض وئریلسه لیلایه اکبر اولماز سسلر دئیر ئولونجک ای وای جوانیم اکبر یوسف گرک قاپوندا دربانون اولسون اوغلوم مین یول بو خسته جانیم قربانون اولسون اوغلوم گوز یاشیمی توکوم قوی درمانون اولسون اوغلوم واللهی گوز یاشیمدان یوخدور امانیم اکبر * حاج حسین غفاری اردبیلی

شب اربعین دوزوم دایانوم گلمیوم فغانه نجه حسین تشنه لبون اربعینیدور بو گجه فغان و شیونله نه فلک دولان گجه دور آناسی فاطمه نون اشکی قان اولان گجه دور دل جهانی اودا درد و غم یاخان گجه دور امام عصرین اوزه گوزیاشی آخان گجه دور خدنگ غم دل پیغمبری دلن گجه دور دلنده وا ولدا شیونه گلن گجه دور علی ولی خدا بیقرار اولان گجه دور دوباره اودلی دلی پرشرار اولان گجه دور سحر آچیلسا نوائیله نینوا دولاجاق قیامت عالمی عالمده آشکار اولاجاق نوایه نی کیمی سکّان آسمان گله جاق او قبر پاکه نچه دسته کاروان گله جاق فغانیله جبروت اهلی دسته بدسته زیارته گله جاقلار او توزلی قبر اوسته هامی پیمبر او صحرای ایمنه گله جاق او آلتی گوشه مزار اوسته شیونه گله جاق بتول حسین آدینی دلده ازبر ایلیه جاق عیان او دشتیده بیر تازه محشر ایلیه جاق ابوتراب شه لافتی گریبان چاک او دشتده سپه جاق شیوینیله باشنه خاک سالوب او قبره اوزین مجتبی فغان ایده جاق دلنده قارداش آدی گوزیاشین روان ایده جاق یانا یانا گله جاق دلده نالهء جانکاه حسین زیارتینه جابر ابن عبدالله پیمبرین قوجا اصحابی درد و غم اوتاجاق پیمبر اوغلونا قبرینده اربعین دوتاجاق حسین دیه دیه گوزیاشلی شام اسیر لری زیارته گله جاق شمر دستگیرلری رباب اصغره لای لای دیه دیه گله جاق یواش یواش بالام ایوای دیه دیه گله جاق عروس اود سالاجاق حسرتیله ایجاده فغانیله گله جاق اربعین داماده شرار حسرتیله لیلی سینه داغلیه جاق علیّ اکبره پایین پاده آغلیه جاق سکینه قبر حسین اوسته دلده شور و نوا سیزیلدییوب دیه جاق یانه یانه وااَبتا بیوک لر آغلیه جاق خردا قبرده یاتانا لب فراتیده لب تشنه قانینه باتانا باتوب فغانیله کلثوم تازه بیر یاسه سرشگیله سپهدجاق سو مزار عباسه خدا بولر که نه حاله علی قیزی قالاجاق اوزون نجه او گوزل مدفن اوستنه سالاجاق دلنده ناله اَلنده حسین پیرهنی نه نوعی اوخشیاجاقدور او شاه ممتحنی یوزنده گوزیاشنی قطره قطره سان ویره جاق کبود اولان بدنین قارداشا نشان ویره جاق سپهره اود سالاجاق آتش ملالندن او قبره سو سپه جاق اوز سرشک آلندن دویونجا آغلیاجاق گوزیاشین روان ایده جاق رقیه حالنی قارداشنا بیان ایده جاق حسیننه دیه جاق تیکمه چوخ گوزوی یولا خرابده بالام اُلدی سنون باشون صاق اولا ویرنده جان سنی گوزلردی سینه داغلاردی باخاردی صاق صولا حیرتله سینه داغلاردی قوری یر اوسته ویروب جان ایکی قولوندا طناب باخوب اونا باشا توپراق سپوب بو خانه خراب او حالتی بالامون اُمّهاتی یاندوردی سالوب شراره دل کایناتی یاندوردی اونون او حالنه تا وار جهان، جهانیان یاناجاق ولیّ ِ عصرین اولوب اشک چشمی قان یاناجاق مجسم ایلیه جاق #نجمی حالین آغلیه جاق رقیه وای دیه جاق غمله سینه داغلیه #نجمی

#اربعین_حسینی #_اربعین_مشفق_کاشانی ✍ ساربانا ز اشتران بگشای بار لحظه ای ما را به حال خود گذار اینکه بینی سرزمین کربلاست خاک او آغشته با خون خداست در حریم قدسی صحرای دوست بشنو این گلبانگ، این آوای اوست نی نوا، در نینوای راستین مویه ها دارد ز نای اربعین ناله آتش بال در پرواز بین همطراز آه گردون تا زمین اشک می ریزد ز چشم کائنات در عزای تشنه کامان فرات آن بلا جویان که تا بزم حضور راه پیمودند با سامان نور رایت توحید از اینان پایدار ماند و می ماند به دور روزگار گر فرات اینجا چو دریا خون گریست نی عجب، خورشید برهامون گریست

#اربعین_حسینی #_اربعین_مشفق_کاشانی ____________ ✍ ساربانا ز اشتران بگشای بار لحظه ای ما را به حال خود گذار اینکه بینی سرزمین کربلاست خاک او آغشته با خون خداست در حریم قدسی صحرای دوست بشنو این گلبانگ، این آوای اوست نی نوا، در نینوای راستین مویه ها دارد ز نای اربعین ناله آتش بال در پرواز بین همطراز آه گردون تا زمین اشک می ریزد ز چشم کائنات در عزای تشنه کامان فرات آن بلا جویان که تا بزم حضور راه پیمودند با سامان نور رایت توحید از اینان پایدار ماند و می ماند به دور روزگار گر فرات اینجا چو دریا خون گریست نی عجب، خورشید برهامون گریست

🏴احوالات اربعين سيدالشهدا(ع) زبانحال حضرت زینب(س) ✍بقلم زنده یاد استادفرهادفكری اردبیلی دور حسين شاميدن گلدي زينب قبريوه   چاتدي  دينجلدي زينب آهيم  اوج   ايتدي   عرش  برينه ئولميوب       گلميشم      اربعينه چوللري گزميشم  مات و  حيران گلميشم   خسته  و  دل  پريشان پيشواز      ايله      بو     دلكبابي درديمه   يوخدي  دنياده   درمان آهيم  اوج   ايتدي   عرش  برينه ئولميوب       گلميشم      اربعينه عهديمي   باشه    آخر  يتيرديم نخل   امّيدي     دلده     بيتيرديم دلخوشام      ئولمديم      اربعينه قيزلاري   قبرون اوسته گتيرديم آهيم  اوج   ايتدي   عرش  برينه ئولميوب       گلميشم      اربعينه كوفه نون اولدي چوخ  ابتلاسي كوچه        بازاريده      ماجراسي چيخماز ئولسمده قارداش ياديمدان ويرديلار     زينبه    دل   ياراسي آهيم  اوج   ايتدي   عرش  برينه ئولميوب       گلميشم      اربعينه هر   بلا   وار   منِ   زاره  چاتدي گوز   ياشيمي فلك  قانه  قاتدي ياره لي    باشوه     نيزه    اوسته كوفه شهرينده مردم داش آتدي آهيم  اوج   ايتدي   عرش  برينه ئولميوب       گلميشم      اربعينه زينبون عزّ  و  جاهي  يوخ اولدي سينمه  دل  ياراسي  اوخ   اولدي شاميده      چكديگيم       ابتلالر كوفه دنده حسينجان چوخ اولدي آهيم  اوج   ايتدي   عرش  برينه ئولميوب       گلميشم      اربعينه سالدي دشمن بيزي  چوخ عذابه گه   بيزي  چكدي   بزم   شرابه باب ساعتده چوخ چوخ يوبانديم منزليم    اولدي     آخر      خرابه آهيم  اوج   ايتدي   عرش  برينه ئولميوب       گلميشم      اربعينه بير  گلون كنج   ويراندا  سولدي خيرداقيزلارساچين آچدي يولدي جان  ويرن  وقته  نازلي  رقيّون باغريقان   زينبه  محشر  اولدي آهيم  اوج   ايتدي   عرش  برينه ئولميوب       گلميشم      اربعينه غصه لي  قلبيمي   ايتدي    ياره چاتدي    آخر     وصال      نگاره ئوز   اليملن  اونا   قبري  قازديم قويدوم    آخر    او   زاري  مزاره آهيم  اوج   ايتدي   عرش  برينه ئولميوب       گلميشم      اربعينه زينبون خوشدي دلدارون اولسون وار نقدرعمري غمخوارون اولسون لطف قيل ياحسين تا بو ((فرهاد)) بير يول عالمده  زوّارون اولسون آهيم  اوج   ايتدي   عرش  برينه ئولميوب       گلميشم      اربعينه ✍بقلم زنده یاد استادفرهادفكری اردبیلی #اربعیــن_۱۴۰۳ #حضرت_زینب_سلام_الله_علیها

‍ اربعین حسینی سبک :👇 صحرا صحرا دویده ام. پای پیاده گلموشم دیلده وار شور حسین دل خسته چون مسافرم قلبیمده نور حسین قلبیم سنوب شکسته ام منی سن دیندور حسین غملر الیندن خسته ام منی سن دیندور حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) چولری چوخ دولانمیشام دور قوجالان باجیوام مقتلینده سنون حسین باشون یولان باجیوام قانه دونوبدی گوزیاشیم زولیم داخی آقاروب کوفه و شامی گزمیشم دور زینبون قوجالوب «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) گیتدیم قول باغلی شامه من سالدیم تخدن یزیدی کاخینده سینه داغلادیم رسوا ایتدیم پلیدی آنام توخیان کوینگی گیتدیم من آلدیم حسین ویر. میر دیله اونی منه آغلیوب آلدیم حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) رقیه قالدی گلمدی واردور قلبیمده سوزوم قالدی خرابده قیزون دفن ایلدیم من دوزوم حتی تاپیلمادی کفن حسیره بوکدوم اوزوم غربتده جان ویروب بالام آغلار فراقه گوزوم «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) بش یاشیمدان عزالیم مصیب تیلدی. باشیم بیر گونده. کربوبلاده اولوب یدی قارداشین باشین دالیجا یا اخا شامه گیدیم قیدیم دشمن لریوی. شامیده رسوا ایتدیم قیدیم «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) دگدی چوخ یاره یا حسین یولاردا. بو باشیما دشمنین رحمی گلمدی بو آخان گوز یاشیما عشقون. منی گنه چکوب گلدیم مزاره حسین یغدیم. باشیمه قیزلاریم گلدیم دیداره حسین «کر» من زینبیوم یارالی من یارالی سن یارالی گل گویلومی آل یارالی من یارالی سن یارالی قارداش حسین (۴) #کانال_ترکی_مجمع_الذاکرین

#نوحه #اربعین 🎤کربلایی سعید سلطانی نام مداح حذف نشود ❌ @turki_nohemajma #کانال_ترکی_مجمع_الذاکرین

🍃 💐🍃🌿 🌿🌸🍃 🌸🍃 💐 حالات اربعین شعر از :خطیب ومداح اهلبیت ع حاج بهروزخادم الحسین کیمیا سال۸۲ چوخلی عاشقلر اولوب زائر حسینون قبرینه چوخلاری مبهوت اولوب مولا حسینون صبرینه کیم گئدوب دربارینه قصد زیارتله دیوب جان عالملر فدامولا حسینون قبرینه »»»» زائران مرقد پاک شهید کربلا گورمیوبلر حضرت زینب کیمی زوار اولا عطر سیب جنتی ،قلبینده قارداش حسرتی عشقیله آلدی مشامه دختر شیر خدا قبله عشقین ائدوب نیت دئدی لبیک حسین ائیلدی قصد طواف مرقد جنت نما معجرورخت عزائیله اولوب محرم خانم بیر اوزاق یولدان ائدوب عرض ارادت بر ملا سویلوب ای علقمده عباسین غمینده آغلیان زمزمی آغلاتمیشام علقم خجالتدور آقا آغ لباس گیسون گرکدور حاجیان کوی عشق چون عزادارم اخا من اگنیمه گیدیم قرا الغرض غم کاروانی ائتدی اجلال نزول کربلا دشتی اولوب آل اللهه ماتم سرا تا ساتاشدی اهلبیتون گوزلری دشت غمه دولدی گوزلر اشکیله سسلندیلر وا حسرتا انتظاریله هامی ائیلور نظاره زینبه قوی گوراخ نیلور بو غمدیده باجی یا ربنا گوردولرقصد فراتیله گیدوب آلدی وضو دولدوروب سو جامینی الده گلوب اول با وفا اشتیاقیله گلوب چاتدی او پوزقون مدفنه باخدی اشک شوق گوزلرده ائدوب آه و نوا سپدی آغلار گوزلریله اول سویی قبر اوستونه کربلا مظلومینون عطشانلیقین سالدی یادا سویلیوب ای سو کنارینده یارالی جان وئرن دور حسین هم سو گتیردیم گوزلریمده هم دوا ائیلرم گوزیاشیمی مرهم یارالی جسموه آغلارام معناده تاپسون قبریده جسمون شفا قویدی سولموش صورتین شاه شهیدان قبرینه ایگلدی ئوپدی اولوب مدهوش عطر جانفزا عرض ائدوب مندن سلام اولسون کسیلمش حنجره ای اولان تیغ جفائیله ذبیحا من قفا قبریوی هر کیم گوره ائتمز بهشتی آرزو خسته جانیم بو صفالی قبریوه اولسون فدا یاره لر سینونده قارداش یاخشی دور یا قان ویرور زینبون ئولسون یارالی سن هارا یاره هارا اصغرون یاتمیش جوارونده بوغازی یاره دور دی بالاعمه ن گلوبدورقبرون اوسته آغلیا ای ربابین قلبینی تیر غمه آماج ائدن آختارور قبرین آنان تابیر دیسون لای لای بالا من سنی ویرم قسم جانِ علیِّ اصغره گل قبول ایله بودم بیر خواهشیم وار یا اخا چون ربابی اصغرین دردی اورکدن یاندیروب کربلا دن شامه جاق آغلوب ائدوب داد وبکا اصغرین یاده سالاندا دست بسته ئولماقین اوخشیوب دلسیز بالانی آغلیوب غملی آنا ورد وذکری گه اولوب لای لای علی ایوای علی شیونیله گه دیوب عطشان ئولن ایوای آقا دور ربابین دردینه قارداش ئوزون درمان ایله لطفیله حالین سوروش ای زینت ارض و سما قبریوین هر گوشه سینده نور یزدان گور سنور آلتی گوشه قبریوه قربان باجون ای دلربا احترامیله یاتوب پایین پاده اکبرون نقش ششگوشه وئروبدور قبروه اول مه لقا دور سوروش قلبیمده کی زخم شماتتدن حسین زینبین قلبین ائدوب دل یاره سی قارداش یارا هیچ سوروشمور سان نیه نازلی رقیه گلمدی اولدی مدفون خرابه منتظر باخما یولا توپراق اوسته اکبر آدین هی یازاردی اشکیله هی دییردی اکبریم بس هاردا قالدی ای خدا بیر گجه گلدی کسیک باشون خرابه منزله ذوق و شوقیله سنی اول دم باسوبدور باغرینا قانلی لبلردن ئوپوب بیردن سوزولدی گوزلری قوللاریندا قالمادی طاقت که باشون ساخلیا سویلدی قربان اولوم قانه بلشمش لبلره جان وئرن حالیندیم قرآن اوخی ئولدوم بابا الغرض سولدی رقیه شامیده ئولدی رقیه قلبیمی بولدی رقیه آغلارام صبح ومسا اللریمله قبرینی قازدیم اونون ویرانه ده کیم گوروب غربتده بیر قز قبرینی عمه قازا قالدی دردانه ن دل ویرانه ده عفو ائت منی بی رقیه گلمیشم تا که قورام بزم عزا آچدی قبر اوسته خانم سالدی او قانلی کوینگی قوللارین ائتدی حمایل دختر خیر النسا غملی حالیله اودم بیرباخدی قبر اطهره وای حسینیم وای دلینده سسلدی گلدیم اخا توزلی قبراوسته عزا فرشی سالاللار یا حسین اولمادی فرشیم گتوردوم الده بیر قانلی قبا بوهمان کوینگدی زهرادن قالوبدور یادگار اوخلارا اولدی نشان غارت ائدوب قوم دغا دشمنی رسوا ائدوب اللردن آلدیم کوینگون پرچم دینی اوجاتدیم ائلدیم کفری فنا بیر تزلزل شامده سالدیم یزیدین قصرینه وار یری احسن دئسون معناده شاه لافتا آتشین گفتاریمیله فاتح اولدوم دشمنه من اودور آدلانمیشام شیرزن کرب و بلا قويماديم قانين باتا بزم اراذلده حسین وار يری زهرا دئسون زینب ایوین آباد اولا ظالمی خوار ائلیوب آلدیم اثاث غارتی مجلس غم باشلادیم ویرانیه ویردیم لوا قبریوین اوسته آنام اوغلی گوزلدی اولسا گل ائیلیوم بیر دسته گل نیلوفر جاندان عطا دسته گل محسوب ائله قمچی گویردن قوللاری دست خالی گلمیشم سن زینبی عفو ائت شها نچه گون اولدی زیارت قبر سالار شهید بیرده عباسین مزاری بیرده اصحاب ولا عرض حال ایتماقلیقا یثربده غملی مادره آلتی گوشه قبریدن وقت اولدی زینب آیریلا 🌸🍃🌾🌼

اربعین حسینی (زبانحال حضرت زینب کبری س) در آهنگ: #الهی_یانمیوم_نجه ........ مزارون اوسته یاحسین باشی بلالی گلمیشم بو غملی اربعینووه اورک یارالی گلمیشم سنه یاس دوتوب ملَرم حسین یوزه گوزیاشین اَلرم حسین یارالی حسین ۲ __ دور آی وفالی قارداشیم آخور عذاره گوزیاشیم یِتیشدوم اربعینووه ولی آغاردی بو باشیم باجیووام یامان گونه قالمیشام سنیلن بو  چولده قوجالمیشام یارالی حسین ۲ __ من ایستورم بوگون سنه گزارش سفر وئرم بلالی شام و کوفه دن، رقیه دن خبر وئرم قیزون ئولدی قالدی خرابه ده پوزولوب سارالدی خرابه ده یارالی حسین ۲ _ یادوندا وار گئدن زمان سنیله صحبت ایلدیم باشونله  قرخ گجه گونوز حسین رفاقت ایلدیم دور ایاقه منله دانیش اَخا باشون اولدی چوخ غمه مبتلا یارالی حسین۲ #اربعین #اربعین_حسینی ✍🏼شعر: احمد کاظمی زنجانی

‍ احوالات اربعین حسینی (نوحه – جوشی ) (سبک : سلام ای سلطان ابوالفضل ) سلام ای شاه شهیدان سلام ای قرآنه قربان اویان ای ماه مدینه گلوب زینب اربعینه اویان دل خسته باجون گلدی زائرین اولدی یا حسین جان اَسوب یئللر با صفا باغون ظلمیله سولدی یا حسین جان غم سرنوشتیمدی عشقون سرشتیمدی قبرین بهشتیمدی حسین جان عجب قبرین با صفادی شبیه عرش خدادی مزارین باغ جناندی مطاف کروبیاندی ئوزون قبله ، مدفنون مین لر کعبه دن افضلدی حسین جان دئسم دوزدی قانلی گودالون قبله دن افضلدی حسین جان هجرونده گریانم عشقونده حیرانم بو قبره قربانم حسین جان هانی قارداش سر سپاهون نَه لر اولدی باتدی ماهون هانی قاسم هانی اکبر هایاندا دفن اولدی اصغر ندن شش گوشه بنا اولموش مدفن پاکون آی یارالی گیجه گوندوز سسلیر زینب آی یارالی ، ای وای یارالی عالم سنه قربان آدم سنه قربان خاتم سنه قربان حسین جان اسارتدن بیر خبر آل اهانتدن بیر خبر آل دئنن عباسین قولوندان دیوم من شامین یولوندان قوجاتدی شامین ملالی هم زینبی هم بی کس ربابی بو ویرانه شهریده دوگدی دشمنین آل ترابی هی اوخ آتان گوردوک کامه چاتان گوردوک بختی یاتان گوردوک حسین جان سوروشما دیل یاره سیندن او صحرا آواره سیندن اویان زینبله مقال ائت اولوب شرمنده حلال ائت رقیوندن شرمسارم من شامیده دیلدن دوشدی قالدی بو محنت آل رسولی چوخ یاندیروبدی چوخ درده سالدی اولدوز کیمی باتدی ویرانه ده یاتدی دنیانی آغلاتدی حسین جان **** رامین محمد زاده (پریشان) برچسب‌ها: رامین محمد زاده پریشان

ای قارداشیمون قولسوز علمداری ابوالفضل پیشواز ایله بو غصه لی زوّاری ابوالفضل عشق حاجیلری کعبۀ آمالینه چاتدی سالک نجه کی رتبۀ اجلالینه چاتدی قیزلار پر آچوب منزل اقبالینه چاتدی دور قارداشوین بو چوله زوّاری یتیشدی اللرده ئولن شاهون عزاداری یتیشدی یغدیم باشیما جمع دل افکاری گتیردیم یورقون یارالی خرداجا قیزلاری گتیردیم هجران ایلیوب عمرلرین یاری گتیردیم قلبینده بو آواره لرون چوخ سوزی واردی هر تک تکینون سنده ابوالفضل گوزی واردی یولّاردا گوزوندن ایراق ای کان کرامت دشمن آتاسیز قیزلاری چوخ ایتدی اذیّت نه شمر و سنان شرم ایلیوب چکدی خجالت نه رحم ایلدی قیزلارا پیغمبره خاطر وردی آتاسیز قیزلاری بیر معجره خاطر بیکس بالالارون یوزه گوز یاشی آخیردی هر قیز که ییوب سیلی سنی داده چاغیردی سسلوردی عمو شمرون الی داشدان آغیردی حق نورینی ایستور بودنی سوندوره تز گل چوللرده حسین قیزلارینی ئولدوره تز گل تا سن واریدون ای مه زیبا و خجسته ال کیمسه آچانمازدی گلیلن قیزلارین اوسته سندن صورا ظلمیله اولوب اللری بسته سایون که جفائیله کسیلدی باشیمیزدان دشمن بیزی مأیوس ایلدی قارداشیمیزدان تا سن واریدون ای ائلیمون محکم حصاری دلده واردی قیزلاریمون صبر و قراری چپ کیمسه باخانمازدی اخا قیزلارا ساری یورقون بالالار ماتم و اندوهه بَلَندی سندن صورا قارداش باشیما کوللر اَلندی یاتجاق علمون بیکس حسینون پری سیندی گنجینه اجلالیمیزون گوهری سیندی بو خرداجا قیزلارون اخا شهپری سیندی بیلدی دوشجک تک تکی چولدن چوله قارداش شاید نچه سی قمچی لر آلتدائوله قارداش هر قیز که دچار اولدی اخا زجر سنانه ال باشه قویوب گلدی او دم آه و فغانه سسلندی ابوالفضل سنی داده یانا یانه دشمن لجاجتله عناد اوسته دوراردی کیم آدوی دوتسیدی اونا قمچی ویراردی کوچ ایتدوق او گونکه بیزی بو لشگر آپاردی فکر ایلمه بو لشکر کین پرور آپاردی یوخ یوخ بیزی سر نیزه ده کی دلبر آپاردی دوشدوک یارالی باشلارا خاطر چوله قارداش آز قالدی بو قیزلار چوخی یولدائوله قارداش شاهددی بیزیم حالیمزه گنبد نیلی آغلاتدی آی ئولدوزلاری سوز دل لیلی اوچ یاشدا قیزا فکر ایله بیردن دگه سیلی او طفل حزینون ایله آرامینی آلدی بش بارماقینون یوزده گویرمیش یری قالدی سندن صورا امنیتیمیز گور نه یوخ اولدی دل یاره لری سینمیزه اوچ پر اوخ اولدی شامون محنی کرب و بلادنده چوخ اولدی اوّلده بیزی چکدی عدو بزم شرابه اولدی صورادان منزلیمیز کُنج خرابه نه سقفی واریدی نه اونون فرش و چراغی نه یاتماقا بیر بستر و بالشنه اطاقی مسکن بیزه اولمیشدی او ویرانه بوجاقی گرچه گیجه سی ظلمیله قارداش سحر اولدی گوندوزلری امّا گیجه سیندن بتر اولدی شامون یغشوب قیزلاری دیداره گلردی مین محنت و غم اوندا بو خونباره گلردی چوخ نخوتیلن بعضی سی گفتاره گلردی بعضیلری چوخ بغض و عناد اوسته دوراردی بعضی سی بیزه دل یاراسی گونده وراردی گورجک اولاری دیده خونبار رقیّه فوراً پوزولاردی دل و افکار رقیّه اوندا من اولاردیم گنه غمخوار رقیّه آهسته باخوب تای توشونا اشگین اَلَردی بوینون قویوب ئوز چیگنینه حسرتله ملردی بعضی سینون امّا اورگی حالینه یاندی آهسته گلوب منزل ویراندا دایاندی یولداشلارونون ایتدیگی اعماله اوتاندی گلدی دله عرض ایلدی ای ماه مدینه سن اکبره خاطر بیزی عفو ایله رقیّه سن طوطی پر بسته شاه شهدا سن هر بیکس و مظلومیه غمخوار و رجا سن دردی اولانون دردینه عالمده دوا سن «فرهاده» خانم بیر نظر ایله الی بوشدی دنیاده بیلورسن که سنون عشقوه خوشدی 👇