🎤مداحی "کربلایی مرتضی بیابانی" #فاطمیه

#حضرت_زهرا_س هیچ کیمسیه وفا اِیلمز چرخ کجمدار خلقی مدام درد و غمه اِیلیر دچار اولسیدی گر وفاسی اِیدردی پیمبره پیغمبرین اوزین گتیروب تنگه روزگار تاکید اِیدردی امته طاها بو نکته نی آنلانمیون که یوخدی بو دنیایه اعتبار آگاهیدی بشرده اولان نَفسه لاکلام بو نکته نی سفارش اِیدردی اودور کِرار قدرین جهاندا بولمدیلر موقع حیات پی در اذیت اِیتدیله پنهان و آشکار دائم دِیَردی امته آگاه اولون هاموز مندن صورا علیدی سیزه میر تاجدار اینجیتمیون، رضایتی الله رضاسیدور اولسا رضا یقین اولاسیز سیزده رستگار نعم المسیر علی یولودور واقفم اونا بو شرطیلن که حُبی اولا دلده استوار یوخدور علیدن اوزگه سیزه یار و رهنما دلدن یانار خلایقه چون بو بزرگوار مندن صورا ولایتینه پایبند اولون بیعتلروز مباد اولا دهریده شعار طاها بولوردی امت علی حقینی دانار فرمایش اِیلمیشدی دگور دور از انتظار امری خلاصه آلدی یرین روزگاریده سالدی آرایه تفرقه بیر عده اهل نار جمع اولدولار سقیفیه بو نیتیله که بلکه خلافتیندن اولا شیر حق کنار بیر حالیده بو فکره او دم دوشدی نچّه پست تازه علی و فاطمه اولموشدی داغدار هیچ کیمسه بیر دئموردی که آیا نه علته بو ظلمی ایلسوز شه بی یاره آشکار جرات تاپوپ بو خاطره اهل سقیفه نی بِیت ولی حقّه طرف اولدی رهسپار ازّل که دوگدولر قاپونی اولمادی جواب ویردی لگد او درگهه بیر نچّه کین شعار زهرا نه گوردی چکدی علی آه جانگداز قان آغلادی او حاله غلافینده ذوالفقار عرض اِیلدی عم اوغلی علی اذن ویر منه من لااقل گیدوم قاپیا تا گوروم نه وار اذن آلدی گلدی پشت دَره دخت مصطفی نطقه گلوب بویوردی که ای قوم نابکار بیز دن نه ایستیسوز گورسوز که عزالیوخ دلدن یتوبدی عرشه بو ماتمده آه و زار سس گلدی که گرکدی علی بیعته گَله گوزلور یولون خلیفه اونون ایندی بی قرار دستوریدور اگر قاپونی آچماسان بو دم درگاهیوه بیز اوت ویراروخ درگهون یانار گلدی جواب اِیلمیون بیله فکر خام من قویمارام ولی خدا تاپسین انکسار روباهه شیر فکر اِیدیسوز بیعت اِیلیر بو فعله اولمسوز، ایله بیر چوخ امیدوار نومید اِیتدی عاقبت اهل سقیفه نی اوت ویردلار همان قاپیا اولدی شعله بار یاندی گونون گون اورتا زمانینده درگهی معناده اِیتدی حضرت طاهانی اشکبار ای کاش آچیلمییدی قاپی، سال خیالیوه زهرا قاپی دالندا قالور ویرسلر فشار تنها نه پشت درده قالار دخت مصطفی محسن قالار مصیبته اول غنچه گول سولار اما آچیلدی مین ستمیله یانان قاپی حشره کیمین او غم دل عشاقی یاندورار زهرا چاغیردی فیضّه منیم دادیمه یتیش بو سس یتیشسه حیدره گور یاندورار یاخار؟ بیر حالیده چیخوبدی علی آستانیه ایستکلی یار یاره او دمده نجّه باخار؟ باخدی نه گوردی قان آپارور یار، یارینی مُحسن ایاخلانور قوری یر اوسته آشکار سسلندی سس یتور منه ای بضعه الرسول کُونلوم قوشی بو نوعیله بلکه تاپا قرار نطقه گلوبدی فاطمه بیر یا علی دیدی دیندیرسه یار یارینی واضحدی دم تاپار مخمور جام عشق مسیحادن آلدی دم دم ویرسه یار یاره اولار باده خوشگوار دوردی ایاقه محکم ایدوب باشدا معجرین گوردی اولوب ولی خدا مشکله دچار ظلمیله باغلانوبدی یدالله قولاری نطقه گلوب چاغیردی که ای قوم پست و خوار اَکملتُ آیه سین اوخیون والی دور سیزه والی حقه اِیلمیون ظلم بی شمار دامانینی محالیدی اَلدن ویرم اونون آمادیم یولوندا اِیدم جانیمی نثار بیله خیال اِیلمیون تک قالوب علی زهرا کیمی ولایتینین جانفشانی وار .....ادامه دارد 🔽🔽 #طهمورثی_عتیق

اولسم اگر یولوندا منه افتخاریدور داغلی دئیله دوباره گلون سالمیون شرار ثانی نه گوردی بوشلاموری یار یارینی اِیتدی اشاره قُنفذا اول مرد حیله کار قُنفذ او دمده آلدی اله تازیانه سین باغ بهشت لاله سین ایتدی نشان خار بیر آیری ظلم اولوبدی قلم شَرم ایدور یازا هوشه او دمده گیتدی او نخل شکسته بار مولانی چکدی مسجده اوچ یوز نفر دَنی بوبکره بیعت ایلیه تا میر با وقار زهرا غرض که هوشه گلوب آچدی گوزلرین باخدی علینی گورمدی قلبی اولوب فکار فرمایش ائتدی فیضه عم اوغلوم هایاندادی ویردی جواب آپاردی اونی فرقه شرار دوردی او وضع و حالیله یوز قویدی مسجده تا یتدی مسجد ایچره، امامه او غمگسار سالدی سکوت مُبهمه اهل سقیفه نی! حیرتدن اِیتدیلر هاموسی بیر بیرین نظار دوتموشدی یوز سمایه او دم دخت مصطفی گوزیاش توکوردی عارضه چون بارش بهار سسلوردی ای خدا بو علیدور که ظلمیله غصب ایلیوله حقینی یاددان مگر چیخار شمشیریله نه نسبتی وار اهل منطقین بو غملی منظره آلوری دلدن اختیار بیعت آلولا جبریله کیمدن کیمه بو دم آز قالدی اولدوره منی بو حال ناگوار یا صبر ویر ئوزون منه بو فعلده و یا آل جانیمی ئوزون منی بو غصه دن قوتار قورتارمامیش اورک سوزینی خیره النساء قَهر بلای حَق نچه یول اولدی آشکار ناچار اولوب گوتوردی اَلین ظلمدن عدو بیر عدّه دوشدی وحشته اِیتدی او دم فرار گورجاخ علی او منظره نی قلبی دوزمدی نطقه گلوب بویوردی گل اولما بو غمده زار قورخوم بودور که اوت دوشه یکسر عوالمه حقدن بو غمده ایسته سنه ویرسون اصطبار افغانه سن گلنده دوشور لرزه عالمه آز قالدی که خراب اولا یکسر بو روزگار نطقه دوباره گلدی او دم دخت مصطفی عرض ایلدی یرینده اورک تاپموری قرار صبر اِیلرم ولیک همین بو مصیبته هر چند که مدام سالار قلبیمه شرار عالم یازا مصیبت عظمانی ای (عتیق) چاتماز باشا حدیث جهان سوز هشت و چار چوخلار چَکوبدی نظمه غم بی شماریمی سندنده عاقبت قالار عالمده یادگار التماس دعا🙏🙏 #طهمورثی_عتیق

‍ ‍ شعر  جدید  شهادت حضرت زهرا سلام الله علیها اولدی یثرب  غرق ماتم دوتدی حیدر  منزلین  غم            زینبین قوزانوبدی   نواسی            گتدی الدن  جهانین  صفاسی بین دیوارو در قالدی   زهرا عالمی  ماتمه   سالدی  زهرا  ۲بار حمله ایتدی  قوم کافر اودلاناندا   باب   حیدر    گورسنوب دوشمن دین  جفاسی      گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار ثانی ایتدی  چوخ  جنایت ظلم  ایدوبدی  بی نهایت        وای اودردین  تاپولماز دواسی       گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار ضربه ی دیوارو در دن غنچه ی گول گتدی الدن       باشلانوب اوردا ظلمین بناسی      گتدی الدن جهانین صفاسی بین دیوارو در قالدی زهرا عالمی ماتمه سالدی زهرا  ۲بار ترک ایدوب زهرا  جهانی آغلادوبدی   مرتضانی       یوخدی دنیانین  الحق  وفاسی        گتدی الدن جهانین صفاسی بین دیوارو در قالدی زهرا عالمی ماتمه سالدی زهرا    ۲بار باغبان گر اولسه  یاران تز صولار  باغیله  بستان       آغلوری عالمین  مقتداسی      گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار صبر ایدوب  غملرده  حیدر داغدار اولدی  اورک لر      آغلوری حیدرین   دورت بالاسی       گتدی الدن جهانین صفاسی بین دیوارو در قالدی زهرا عالمی ماتمه سالدی زهرا    ۲بار زینب غم پرور آغلور سینه سین بو غمده داغلور       باشنین چوخدی الله  بلاسی         گتدی الدن جهانین صفاسی بین دیوارو در قالدی زهرا عالمی ماتمه سالدی زهرا    ۲بار اودلاناندا  باب  حیدر گلستاندا  صولدی  گولر      زینبین گتدی الدن   آناسی          گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار بانی خلقت دی زهرا مادر  امتدی زهرا           باشلانار زینبین  ماجراسی        گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار تک قالوبدی شیر یزدان حجت حق جان جانان       یالقوز اولدی حسینون  آتاسی       گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار مهدیم   ای دخت  طاها دوت  الیمدن  جان  مولا       مهدی نین  واردی دیلده نواسی      گتدی الدن جهانین صفاسی بین دیوارو در قالدی زهرا عالمی ماتمه سالدی زهرا   ۲بار

در فراق مادر گریز به حضرت زهرا (س) گوهری کیم دییر فرق ایلمز بود و نبودی ننه نین مایۀ خیریدی هر ائوده وجودی ننه نین قدرینی بیل نه قَدَر زنده دی تا وار نفسی افتخار عالمی اول سیر صعودی ننه نین وئر قولاق هر نه دئسه دقّتیلن صحبتینه لعلیدن باشدی یقین گفت و شنودی ننه نین او دانشدیقجا دئنن جان ننه قربانین اولوم اولا عشقین فرحِ باغِ خُلودی ننه نین اؤپ الیندن ایاقیندان باشینا گونده دولان احترام عالمی یوخ حدّ و حدودی ننه نین حرمتین اولسا نه اندازه یقین کمدی گینه عمرین حتّی اولا گر وقف درودی ننه نین سنه خاطر اویانیب چوخ گئجه شیرین یوخودان یات بالام لایلای اولوب دلده سرودی ننه نین وارد اولسا نئچه یول گونده ائوه دور ایاقا یئر نشان وئر ننه وه حین ورودی ننه نین حال حرمتده دولان باشینه پروانه کیمی اولماسین بار غمه نیل رکودی ننه نین الین ئوپ گویلونی آل ساده سؤؤندور اؤره گین یئتیشه قوی گینه ده شأنیوه سودی ننه نین آی ننه رحمتینین ، سایه سی باشینده اولان ائویوین نعمتیدی ذکر سجودی ننه نین گونده اللهه طرف یوز دوتار هنگام نماز مهری اولاده گوره داشلانی زودی ننه نین ایستر اللهدان همیشه بالاسین سالم اولا اولار عشقی بو سوزه دلده شهودی ننه نین گئچورم سوزدن اولام وارد برنامۀ غم آناسین گوردی ئولور زینب مرضیّه شیَم باخدی باخدی ننه یه قوللارین آچدی او خانم توکه اشکین یوزونه تازه یول آچدی او خانم سینۀ فاطمیه گلدی سوواشدی او خانم ائله آهسته دئدی جان ننه قربانین اولوم یومما سن گوزلریوی قوی هله گریانین اولوم قول بویون اولدی ننه یلن بالا قان آغلادیلار قویدولار یوز یوزه چوخ اشک فشان آغلادیلار بیر طرفدنده بلال وئردی اذان آغلادیلار آلدی آغوشه خانم زینب دلبسته سینی اؤپدی زینبده او دم مادر دلخسته سینی دئدی بیر اوخشاما زینب ائشیدن یاندی غمه بئش یاشیم واردی دئییم من نجه لایلای ننه مه اثر ائتدی خانمین ناله سی اهل حرمه حسنینین اوره گی یاندی او اثناده باخین زینبین دوتدی الین آغلادی زهراده باخین دورت بالا بیر ننه آغلاشدی نه آغلاشدی دئییم فاطمیله بالالار ائوده قوجاقلاشدی دئییم آیریلیق موسمی هی گلدی یاخنلاشدی دئییم دئدی زهرا حسنینه بالا قرآن اوخیون بیری یاسین و بیریز سورۀ رحمان اوخیون گلدی نجوایه حسن سورۀ یاسین اوخودی بیر طرفدنده حسین میل آناسین اوخودی زینب اما اولارین ختم دعاسین اوخودی دوتدی درگاه خداونده الین دورت گل ناز صحّت فاطمیه ایلدیلر راز و نیاز آغلیا آغلیا باخ غمزده لر وای دئدیلر سس سسه قوشدولار اوندان ننم ایوای دئدیلر دوشنوب فاطمه نین نعشینه لایلای دئدیلر الینی قویدی حسن فاطمه نین دیده سینه گوزله کلثومه دئدی دگمه حسین سینه سینه یاره دور چونکه باجی سینه هله قان توکولور دگسون اَل یاره لره خون فراوان توکولور یول آچار قان ائله بس بارش باران توکولور غیر ممکندی بو دردین اولا درمانی باجی گزه سن عالم امکانی تاپیلماز علاجی میخ در یاره لییب سینه دن آرتیق اوره گین بین اکبادی قیریب فکر ائدیرم شاهرگین نه گونه قویدی بیزی گور ائوی یانسین فلکین خاتمه وئر سوزیوه « گوهری » قورتاردی دوات حضرت فاطمه نین روحینه گوندر صلوات

یا فاطمه الزهرا گل عمو اوغلی باشیمی آل دیزیوه توكمه گوز شبنمیوی گل یوزیوه آیریلیق دوزدی چتین مرحله دی آغلاما فاطمه قربان گوزیوه ______◾◼◾__________ یتشوب موسم هجران اولورم غصه دن باغریم اولوب قان اولورم یوخ ئولوم دردینه درمان اولورم آغلاما فاطمه قربان گوزیوه ______◾◼◾__________ دولدوروب سینه می اندوه و محن گدیرم محضره پیغمبره من دویموشام بو دیریلیقدان بولوسن آغلاما فاطمه قربان گوزیوه ______◾◼◾__________ هجر پیغمبره یوخ منده دوزوم آغلری بسر نچه مدّتدی گوزوم گوزلوری قابض الارواحی گوزوم آغلاما فاطمه قربان گوزیوه ______◾◼◾__________ گل غنیمتدی بو آخر نفسیم صون نفسده منیم اول دادرسیم بولوسن ئولماقا وار چوخ هوسیم آغلاما فاطمه قربان گوزیوه ______◾◼◾__________ حقیمی اهل جفا الدن آلوب غصّه تاثیریدی رنگیم سارالوب سنه نسگلدی الیم یوزده قالوب آغلاما فاطمه قربان گوزیوه ______◾◼◾__________ نه روا مجلس شورا قورالار رای آلوب درگهیمی یاندیرالار نیلمیشدیم منه سیلی ورالار آغلاما فاطمه قربان گوزیوه ______◾◼◾__________ بزم خلوتگه یاره گدیرم دلخوشام وصل نگاره گدیرم حیف اولا سینه ده یاره گدیرم آغلاما فاطمه قربان گوزیوه ______◾◼◾__________ بزم یاره هر او كس دعوت اولور زینتی فاخر و پرقیمت اولور محسنین قانی منه زینت اولور آغلاما فاطمه قربان گوزیوه ______◾◼◾__________ دیسه جدّیم كه بو رخساره ندور یوزده كی سینه ده كی یاره ندور نه دیوم من باباما چاره ندور آغلاما فاطمه قربان گوزیوه ______◾◼◾__________ سنی شاهد توتورام بو سوزومه لیل تار اولدی ایشیق گون گزیمه دییرم سیلی ویربلار یوزمه آغلاما فاطمه قربان گوزیوه ______◾◼◾__________ سنه قورموشدوم او گون بزم عزا هله یاسلیدی هامی آل عبا وردیلار اوت قاپیه اهل جفا آغلاما فاطمه قربان گوزیوه ______◾◼◾__________ بیر یارام وار یاراسی گتمیه جاق حشر اولونجا منی ترك اتمیجاق قنفذین قمچی یری گتمیه جاق آغلاما فاطمه قربان گوزیوه ______◾◼◾__________ ولی بو سینه مین آثاری بابا كشف ایدیر ضربت مسماری بابا بویادی قان در و دیواری بابا آغلاما فاطمه قربان گوزیوه ______◾◼◾__________ حكم اولوب ظلمیده حدّدن چخالار منی ضرب لگدیله یخالار در و دیوار آراسیندا یخالار آغلاما فاطمه قربان گوزیوه ______◾◼◾__________ هر بلا گلدی دوزوب غم یمدیم حق رضاسی واریدی اینجیمدیم دین یولیدی دایانوب لا دیمه دیم آغلاما فاطمه قربان گوزیوه ______◾◼◾__________ قوی ئولوم قورتولوم ای شاه زمن قالمیوم بو غم ایامیله من سرّیمی غسل ورنده بولسن آغلاما فاطمه قربان گوزیوه ______◾◼◾__________ ای رجایی سوزون آغلاتدی منی پور بینا گتوروب شوره سنی گوردی تا آغلادی بو سر سخنی آغلاما فاطمه قربان گوزووه #فاطمیه بانوای استاد حاج ابراهیم رهبر

♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

#روضه_حضرت_زهرا گرک گوهر ساتا نوحه دینلر سوز قانان یرده نه قارداشلخ کیچیک قارداش ننه حقین دانان یرده (آی ننه سینن چوخ زهرانی چوخ ایستینلر آی غیرتلی جوانلار ) اولیدی کاش سیزلردن بشیز زهرا یانان یرده دوتوب ثانی گریبانین دیردیز جانی ئولدورمه ریاست بش گون عمر ایلر اوتان وجدانی ئولدورمه امیرالمومنین اولماقلقا قرآنی ئولدورمه یوز اون دوت سوریه نقش مصور کیمدی؟ زهرادی (عربده رسمیدی اگر بیر خانواده دن بیر کسی  ئولسه نچه گونلر او ایوده تازا پوخت و پز اولماز راوی دییر مدینه نین کوچه لرین دولانوردوم هنوز پیغمبرین کفنی گورومیبدی اوچ گون دیردی پیغمبررحلت بویورموشدی اوزاخدان باخاندا گوردوم زهرانین ایوینین مطبخ سراسینن توسی گوزانور ئوز ئوزومه دیدیم یاللعجب آخی بو فاطمه دی هنوز آتاسنین کفنی گورومیب ایوینده تازا غذا پیشیریر اله بو خیالیلن گلدیم کوچه بنی هاشمه وارد اولاندا گوردوم الله غریبه منظره وار ) قاپیا اوت وران اوچ یوز نفر جماعتیدی قاپی دالندا دوران حامله بیر عورتیدی (پیغمبر چوخ اسرار الردیلر قیزیم فاطمه نه اولار منه بابا دیه سن بالا سن منه بابا دینده من عشق الیرم خانم اوقدر ادبلیدی پیغمبرین بو حسرت اورگینده قبره گیتدی همیشه یارسول الله ، یانبی الله، یاحبیب الله چاغراردی بیردفعه اولمادی بابا دیه اما بولمورم امام زمان قاپیلان دیوار ننن زهرایه نیلدی راوی دییر گوردوم اوچ دفعه اوجادان دیدی یاندم بابا ) نه جرأتلن دییم اولسا قاپی گر لیف خرمادن نه حاله گور قالار دوشسه اوتا بیداد اعدادن بورودی شعله مسماری گلوب سس چرخ خضرادن ائدن بین درو دیواری سنگر کیمدی؟ زهرادی (خانم زهرا حامله نننی گوروبسن اذیتده دی ایکی الین ویریب قاپیا محسنن نگراندی بالالاردان نگراندی عمواوغلوسی علیدن نگراندی بیر سویوخ تر گلدی خانمن بدنینه ) سوزی چوخ آچمرام بوردا بوسن بو آیدن آئینه بویاندا حامله عورت اویاندا شیخ پرکینه آچلدی در باخ ایندی ایسی مسمار اوسویوخ سینه قالان بو عرصه ده بی یارو یاور کیمدی؟ زهرادی خانم گوردی سسی چخمور دیه بو ایو ولینوندی قانیلان یازدی دیواره خدایا حق علینوندی #فاطمیه

💠نوای عليرضا اسفندیاری ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

زهرازهرازهرا؛گل تک سارالان زهرا غمدن قوجالان زهرا زهرازهرازهرا؛غم جانین الان زهرا اواره قالان زهرا زهرا یا زهرا(۲)ای روح باایمان جانیم سنه قربان جانیم سنه قربان ……………………………………………………… زهرازهرازهرا؛اغلارگوزیوه قربان شیرین سوزوه قربان سیلی اثرین ایتدون زلفونله نهان زهرا ای قدی کمان زهرا دوقوزایلی بوایوده ایتدون غمیله سازش هیچ ایلمدون خواهش سنسیزمنه زنداندی بوغملی جهان زهرا ای مونس جان زهرا زهرا یازهرا(۲)ای روح باایمان جانیم سنه قربان جانیم سنه قربان ……………………………………………………… زهرازهرازهرااچ گوزلریوی یاتما بسدورمنی اغلاتما هجرونده علی ایلربیرعمرفغان زهرا گوزیاشی روان زهرا ایستکلی عم اوغلوندان ایانیه تیزدویدون اخرمنی تک قویدون دورزینب وکلثومی قویما نگران زهرا ایللوله فغان زهرا زهرا یا زهرا(۲)ای روح باایمان جانیم سنه قربان جانیم سنه قربان ……………………………………………………… زهرازهرازهراریحانه پیغمبر ارام دل حیدر اولدی یارالی قلبون مسماره نشان زهرا سقط اولدی بالان زهرا دورپرسش حال ایله بیردم حسینوندن بونازلی حسینوندن شربت یرینه دایم ویردی سنه قان زهرا بو دورزمان زهرا قالدی قاپیمیزباغلارچکدون سینمه داغلار قویدون گوزومی اغلار ای فتنه امتدن درگاهی یانان زهرا پهلوسی سینان زهرا دیدارقالور بیرده صحرای غم افزایه گل سنده تماشایه جان اوسته حسین باشین ال ال سینیه یان زهرا ویرمزله امان زهرا من سوگتوروم سنده اچ معجریوی زهرا جان اوسته گوزون باغلا وورباشه اوغول وای دی ای فخرزنان زهرا فردوس مکان زهرا #گل_تک_سارالان_زهرا #فاطمیه #کریمی فایل صوتی👇👇👇 مرحوم استاد حاج سلیم موذن زاده

💠نوای استاد موذن زاده ➖سبک زینب زینب زینب ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

نوحه حضرت زهرا سلام الله علیها از امیرالمومنین علیه السلام سبک#عالمی ای گوزدن اتان قانه نماز اوسته. دستگاه شورعرب   عالمی گوزدن آتانیم لای لای کوینکی قانه باتانیم لای لای سینه سی یاره یوزی نیلوفر بقیع ده گزلین باتانیم لای لای قانه باتان لای لای یورقون یاتان لای لای کوچه ده سیلی یئینیم لای فضیه دردین دئینیم لای لای پیعنبرون  ماتمینه  خاطر ئولونجه قاره گئینیم لای لای گل تک سولان لای لای شهید اولان لای لای دردیمی جانه آلانیم لای لای قاپی دالیندا قالانیم لای لای دئینده یاندیم بابا جان یاندیم آفاقه لرزه سالانیم لای لای مونس جان لای لای گل تک خزان لای لای حقدن حمایت ائده نیم لای لای محسنه نوحه  دئینیم لای لای گوزلری آغلار سینه سی یاره یارالی قبره  گئدنیم لای لای آی بی‌نشان لای لای قدی کمان لای لای بقیعه خسته گلرم زهرا قبریوه گوز یاش الرم زهرا اوشاقلار آغلار هاموسی ائوده دئمه گئدوب دینجلرم زهرا قلبیمی درده سالانیم لای لای صبریمی الدن آلانیم لای لای ائویم اولوب بیت الحزن زهرا هاردا گئدوم دالدالانیم لای لای آرام جان لای لای روح روان لای لای ای  گل خیرُالبشریم لای لای ایشقلی شمس و قمریم لای لای آدیوه قربان اولوم آی زهرا دلبر والا گوهریم لای لای گل جنان لای لای روح روان لای لای ثانی دون قلبیوی یاندیردی سیلی یوزوندن اودنی ویردی کوچه ده کسدی یولووی ظالم قباله نی جبرا ً آلیب جیردی حقی باتان لای لای راحت یاتان لای لای گوزیمی آغلار قویانیم لای لای سینمی داغلار قویانیم لای لای قالدیم ئولونجه یوزووه حسرت قاپیمی باغلارقویانیم لای لای منی آتان لای لای راحت یاتان لایلای

😭😭😭😭😭 خیلی جانسوزه سینمین التندا داغلار اغلادا داغلار قالب گوزلریم تک ذوالفقارین غیرتی اغلار قالب عفو اله خیبر قوپاردان اللریم باغلار قالب چوخ دییردین که علی جان صبریوه قربان الوم...صبریوه قربان الوم ای امان امان ای امان ای ای درد لرین منن گیزلدن ای گیزلین قبره گدن خانم ای بالالارننان ایری د وشن علینی تک قویما ادامسزام ..ادامسزام ای زهرا در و دیوار اراسندا نلر الدو دیمرم حسنین گوزلری دولدو نلر الدو دیمرم الله.هیچ کسلری .بله.ادامسز المه هر یرده بلدی اگر بیر دنه جوان ننه دنیادن گده انون اگر خردا بالالاری قالسا اوینده ساخلا مازلار انون بالا لارن اپارااللار قونشو اوینه فامیل اوینه تا انانن جنازسین گورمسینلر یتیم بالالار اما علینین اوینده بله اولمادی سلمان دییر گوردوم الله یا صاحب الزملن او بالالار سو توکوری علی غسل الییر.یارالی زهرانی گوردولر علی بله یانا یانا سیلندر ای زهرا هارا گدیرسن اوننان دیدی ای زهرا دور ایاقه کمگیم سنیدون ارخا دایاقیم ای زهرا غسل ایبلدی بوکدو کفنه یاره.لی جسمی تابوته قویوب غملی نگارین گجه یاریسی بله دییللر هر یرده اگه بیر اوده جوان ننه دنیادن گتسه قزن چاغراللار.چونکه قزن اوخشاماسی یامان اولار اوننان.خانم زینب گلدی قباقه ای ننه.سبن.الدن ورن خانملار انانن جنازسین باسدی باغرینا ای گلیننیگی یالان اولان ننم للای لای . .بالالارننان دویمیان انام لای لای. .زینبی تک قویان انام لای لای جوانلقدا تز قوجالان انام لای لای اوجا دنن یا حسین#رضاابوالحسنی

❇️ابرگروه مجمع الذاکرین اهل بیت ( علیه السلام) همراه باآموزش مداحی اولین وفعال ترین گروه درایتا😍 📌هرگونه درخواستی :مطالب مذهبی.حدیث اشعار.روضه.نوحه و مولودی دارید بدون معطلی با همکاری خادمین فعال 👌👌👌 اگه میخوای برای مجالس #فاطمیه دستت پر باشه بیااینجا😊 حضورتان سبز 🙏🍃 https://eitaa.com/joinchat/272171029Cdda5575628 کپی بنر ❌❌

احوالات حضرت زهرا س 🌷با مداحی حاج جواد حسن زاده ۱۴۰۳/۸/۲۸ 🌷 یاتما ای خسته نگاریم قالمیوب صبر و قراریم سنه دلنوشام بولورسن اویان ای وفالی یاریم دور چوخدی دیلده محنیم دور کمگیم یوخدی منیم دور قویماسولسون چمنیم دور یانیرام من 😭😭😭😭😭😭😭😭😭 روبقبله یاتما راحت یوخدی دلده تاب و طاقت قاپیمیز الولاندان سندن اولموشام خجالت دور مندن اوز دوتما بیله دور قویما قدیم بوکوله دور دم غنیمتدی هله دور یانیرام من 😭😭

راحت ترین دعای آخر مجلس بارالها اوالری که درگاهیوه گوزانوب مایوس وناامید سینه لره گیترمه بارالها اوجادان آمین دین دیلری لال اولدورمه بارالها تمام مریضان مسلمین مخصوصا بیمارستانلاردا ایوده یاتان مریضلره شفا عنایت اله خداوندا بوشلی لارین بورجون ئوز خزانه غیبینن ادا اله خدایا اولاری که اولادلاری یوخدی اگر مصلحتلری اولسا صالح وصالحه اولاد کرامت ایله خداوندا اولاری که ائولری یوخ ئوز وسیع ملکونن اولارا ائو نسیب اله پرچم اسلامی سربلند کفرین پرچمین سرنگون اله بیزلری عاق والدین دنیادن آپارما شب اول قبر چهارده معصومی باشیمیز اوسته حاضر اله شهیدلرین درجه لری عالیدی متعالی اله امام زمانین وجودینه بلا ویرمه بیزلری آقانین ظهورینه اهل اله

حضرت زهرا سلام الله علیها سبک : بزم عزاده گیمیشم ..... ای حیدری گوزدن آتان دلبریم لايلاي دلبریم لايلاي نار غم و هجره یانان همسریم لایلای همسریم لایلای سویلرم وای زهرا دینجلدون دای زهرا عمرونده خوش گون گورمدون آغلارام یانام آغلارام یانام سن زینبه طوی دوتمادون یانام اوتلانام یانام اوتلانام اوغلون حسیندن دویمادون بیله تالانام بیله تالانام گیتدی الیمدن سویلرم کوثریم لایلای کوثریم لایلای ای غنچه باغ نبی غصه دن سولدون غصه دن سولدون دائم بولوت تک ماتمه وای منه دولدون وای منه دولدون غصب اولدی حقون دائماباغریقان اولدون باغریقان اولدون باشیمده هردور و زمان افسریم لایلای افسریم لایلای باشدان حسین و زینبی سن نه تز آتدون قانوه باتدون قویدون علینی بی کمک کاموه چاتدون قبرده یاتدون گوزیاشیمی بو غصه دن سن قانا قاتدون حیدری آتدون قالدی دعاده دائما اللریم لایلای اللریم لایلای مجمرکیمی هجرونده من روز و شب یاندیم روز و شب یاندیم گیتدون یارالی قبروه یاندیم اودلاندیم یاندیم اودلاندیم آچ بیر گوزون محنتده باخ گورنه تالاندیم گورنه تالاندیم یاسه باتوبدی گورنجه گللریم لایلای گللریم لایلای کیم بس حسینون باشینون اوسته سو قویسون حالینه یانسون زینب لباس ماتمی بس نجه سویسون جانینه دویسون اوغلون حسن سنسیز گرک گول کیمی سولسون خونجگر اولسون هجرونده دوشدي لرزيه پيكريم لايلاي پيكريم لايلاي ✍ شاعر ؟؟؟ اجرا : احسن دهقان #اللهم_عجل_لولیک_الفرج ♥️