شهادت حضرت زهرا (س) زبانحال حضرت زینب (س) .. .. ✍ مرحوم اعظمی تبریزی اجرا : احسن دهقان #اللهم_عجل_لولیک_الفرج ❤️ .. .. بوش گوردی آناسی یرینی زینب کبرا آغلار گوزیله بیله خطاب ایلدی گویا ایوای قویولان قبره یارالی آنام ایوای گیزلینجه اولان دفنی بلالی آنام ایوای .. درگاهی یانان قولارینی قمچی گویردن سیلی دن اولان نیلی جمالی آنام ایوای آز عمریله دنیاده چکن چوخلی مصیبت شاد اولمین عمرونده بلالی آنام ایوای .. بیر کیمسیه درد و غمینی ایتمین اظهار دردین آپاران قبره حیالی آنام ایوای ظلمیله قولی سینه سی پهلوسی شکسته عالم لرین حالین پوزان حالی آنام ایوای .. صبح اولدوزی تک چخدون آنا گونکیمی باتدون ذکریم اولار ایوده یری خالی آنام ایوای هجرینده قویان زینبی آغلار گجه گوندوز قیر ایچره یاتان جسمی یارالی آنام ایوای .. بیر عمر باتان واسه یانان نار فراقه دل داغلی گوزی یاشلی عزالی آنام ایوای بیر غنچه گلون پرپر ایدن خار جفاسی ظلمیله دونن هجره وصالی آنام ایوای .. محبوبۀ یزدان اوزی مظلومۀ دوران دنیانی یاخان ناره ملالی آنام ایوای دئ «اعظمی» زینب دلیجه بو سوزی آغلا ایوای قویولان قبره یارالی آنام ایوای فاطمیه_۱۴۰۳ شهادت_حضرت_زهرا_سلام_الله_علیها

زبانحال حضرت زینب (س) در شهادت مادر (سبک : ای قلم سوزلرونده اثر یوخ ) عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای **** زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون **** زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای **** تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده **** من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام **** آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون **** سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز **** توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی **** یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی ** ✍احد واحدی اجرا : احسن دهقان #اللهم_عجل_لولیک_الفرج🌺

▪️زبانحال امام علی (ع) درمزار حضرت زهرا (س) 📚ترکیب بند :از چهارده معصوم؛ زنده یاد استاد انور اردبیلی (درآمد ۳گاه ترکی) ای تیر بلیّاته نشان سینه سی زهرا وجه الحسنی عصمتون آیینه سی زهرا قلبیم چتین عالمده اولا درد و محن سیز بیت الحزنه دوندی علینون ایوی سن سیز (شکسته مویه ) گتمه بو قدر خواب عمیقه منه سس ویر سینم یورولوب نچّه دقیقه منه سس ویر گوگلون نجه ایستر او سلیقه منه سس ویر بیر کلمه دانش حالیمی نیلک خبر آلما پهلولرون اینجور اوزوی زحمته سالما (شکسته ترکی یا قره باغ) گئدون قاپیا ثانی سنی گورسون اوتانسون فکر ایلمزیدون ورولار اود قاپی یانسون مسمار کچوب سینوه القانه بویانسون گلسون باشوون اوستنه فضّه دیسون ایوای یا محسنوه چالسون اجل دایه سی لایلای (۳گاه عرب ؛گوشه نغمه)) درگاهوه ظلمون اودون حق دشمنی ووردی طوفان جفا هم گلی هم گلشنی ووردی باغلاندی یدالله الی قنفذ سنی ووردی گوردوم سنی من اشگ فشان سینه سی داغلی سنده منی گوردون باش آچوق قولاری باغلی (گوشه بختیاری) هم سرّیمدون ایلمدون سرّوی روشن قورخدون که بیلم دردوی سندن اوتانام من تا غسل ایلین وقته سنه کوینگون اوستن آئینه اسرار توزین غفلتی سیلدوم پهلولروه دگدی الیم دردوی بیلدوم

ا❤️🌺🌸💕⚜✨ ا🌺💛🌿🕊 ا🌸🌿🕊 ا🌿🕊 ا💕 ا✨ #حسینون عاشقی حسین دوز عاشقین تانور که آند اولا جلالینه حقیقتاً دوز عاشقین ایکی جهان خوش حالینه حسینون عاشقی گرک جهاندا دوز یولی دوتا چیخان زمان طریقدن حسین دوشه خیالینه حسین حسین دئین گرک بو نهضتی قبول ائده که ظلمه باشین اگمیه باخا حسین خصالینه حسینون عاشقی گرک جهاندا فاسق اولماسن خیانت اهلی اولماسا یقین چا تار وصالینه حسین حسین دئین گرک طریق عشقی آختارا تاپا نجابتین یولون چاتا ادب کمالینه کیم اولسا عاشق حسین ربا ریادن اَل چکر باخار اصول دینونون حرامینه حلالینه کیم اولسا عاشق حسین فقط عزا دگول حسین حسین سئچنده عاشقین باخار ادب رجالینه حسینون عاشقی گرک صداقت اوسته باش وئره بوبیشه لرده قان چا تا شهادتون نهالینه حسین حسین دئین کیشی گرک حسینن اورگنه آجینان ئولسه ده اگر که باخماز ئوزگه مالینه حسین فقط که گلمیوب قرا گئیک محرمه تمام عومرودی حسین نه ماهینه نه سالینه حسینون عاشقی اگر حسینه زینت اولماسا (#سعیدی )سن دعا ائله بو عاشقین صقالینه ✍#قدیر سعیدی پویا 💠 ✨ 💕 🌿🕊 🌸🌿🕊 🌺💛🌿🕊 ❤️🌺🌸💕⚜✨

🌸  جَلالت و شفاعت فاطمی  🌸                حَریم عصمته معنادی  زهرا     مَدار خلقته  مَبنادی   زهرا نِجه توصیف ائدیم من شرح حالین وقارین ، عِصمتین، عِلمین، کَمالین اگر  خالق وِئره  نوحین  مَجالین یازام هَر بیر گونون هَر ماه وسالین او سوزلَر قطره دور ،دریادی زهرا زَکیّه، طاهره،   مِصداق  عِفّت بتول و فاطمه  صدیقه شهرت اولوب نسوانه زهرا تاج عِزّ،ت سالوبدور عالمینه ظِلّ رحمت آدی گویلرده منصورادی زهرا قیامت قوزانار  مَحشر قوپاندا ئولنلَر قبریدن باش قالخیزاندا هامی تیترَر همان بُحران زماندا باشا اَل قالخیزالّار  اَلاَماندا   بیلر که یوم وانَفسادی زهرا چَکر نار جَحیم اوندا زبانه قاچار ساق وصولا امّت اَمانه پیمبر قالخیزار اَل آسمانه باخار امّت  اَرا پیر و جوانه دیَرگَل حَشره باخ غوغادی زهرا کِچیم سوزدن مُرادیمدور شفاعت دورارصف صف باخاراهل قیامت فقط  ساداته واردور بو کرامت ائدر هر سیّد اول  لحظه زیارت گورَ ر اوندا نجه زیبادی  زهرا سالالّار فرش دیبانی یولوندا شفاعت بَیرقی تیترَر قولوندا گوزل بیرگُل ایکی غُنچاخولوندا ساقیندا مُحسنی، اصغرصولوندا گورر مَحشرده واویلادی زهرا قیام ایلر او دَم خاتون مَحشر اَلینده بیر یارالی  راَس  اَ طهر ایکی قول سینیه آلمیش اومادر دورار اوندا خانیم  عرشه برابر    او اَثنا طالب  سودادی زهرا ائدر بیر هاتف غیبی  اشاره دیَر ای اهل محشر اَلبَشاره تاپیلدی  امّته  بیر راه چاره آچیلدی باب رحمت  آشکاره شفاعت نامیه امضادی زهرا همان مَحبوبه ی حَیّ  توانا اولوب اون سَکیز ایل مهمان دنیا اونی بیر حاله سالدی ظُلم اَعدا جوانلیقدا  اولوب  قبره مُهیّا بیلوب دنیاده چوخ  تنهادی زهرا دیوب  ثانی اَبابکره بیاندا بَتوله کوچه ده سیلی وراندا ائله وردیم دئدیم قالماز جهاندا یقیناً بیل ئولَر آز  بیر زماندا بو گونلَر عازم  عُقبادی  زهرا سنیدی اَللرون  ایکاش   ثانی وراندا کوچه ده  فَخرالنسانی ریخیلدی تپراقا دیسگیندی جانی یارالی اوو گزوردی  آشیانی قَنادسیز بیرقوشا اوخشادی زهرا اَیا  صیّادلَرده  پَست  مایه اووی سن کوچه ده سالدون اَرایه دیدون یوخ قارداشی گلسون هَرایه ائله وردون  که  لَکّه  دوشدی آیه   نشانِ حضرت طاهادی  زهرا گلوب بانک جَرس(نادر) اویاندون ندای ( مَن عَلیها فانی )  قاندون ولیکن باخدون  اَعماله  اوتاندون شفاعت کلمه سینده چوخ دایاندون امید  مَحشر  کُبرادی زهرا ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨

نوحه حضرت عباس ترکی لایلای گوزمون نوری عباسیم علمداریم آچ گوزلریوی قارداش گوزلور سنی قیزلاریم آچ گوزلریوی قارداش هجرون دله بیر اوخدی دشمن بولوسن چوخدی سنسیز کومگیم یوخدی آچ گوزلریوی قارداش‌ای اسوه شخصیت وی شیر خدا خصلت بیر لحظه ائله همت آچ گوزلریوی قارداش‌ای بیشه حق شیری چوخ ائتمه سو تدبیری یاندیرما بو دلگیری آچ گوزلریوی قارداش گل رخت وفا سویما مندن بئله تز دویما قارداشیوی تک قویما آچ گوزلریوی قارداش دریای کرم یاتما سقای حرم یاتما دور یاتدی علم یاتما آچ گوزلریوی قارداش بو چول دولی عدواندی وحشتلی بیاباندی یاندی اورگیم یاندی آچ گوزلریوی قارداش دلده عطشون چوخدی صد حیف قولون یوخدی جسمون باشاباش اوخدی آچ گوزلریوی قارداش غیرتلی علمداریم‌ای محرم اسراریم هر لحظه فداکاریم آچ گوزلریوی قارداش ائتدون منی افسرده گلدی اورگیم درده قالدی علمون یرده آچ گوزلریوی قارداش آرامیمی آلمیش غم دور اول منیله همدم اخیامه گئداخ باهم آچ گوزلریوی قارداش مشگلدی غم هجران بیر دردیدی یوخ درمان سس وئر سسیمه بیر آن آچ گوزلریوی قارداش بو غم نئجه تاب آلماز یا درده دلی سالماز گئتدون قوشونوم قالماز آچ گوزلریوی قارداش وار قلبیده چوخ سوزلر اشگیله دولوب گوزلر زینب یولوی گوزلر آچ گوزلریوی قارداش وار هاردا عزاخانه گئت «عافی» صمیمانه ورد ایله یانا یانه آچ گوزلریوی قارداش

ین در و دیوار آراسیندا قویاللار روضه اوخویوم ،اورک لری روانه ائلیاخ مدینیه کنار قبر مخفی بی بی دو عالم 😭 دوشوب خیالیمه یارب بلاسی فاطمه نون اوجالدی عرشه ایویندن نواسی فاطمه نون آتاسی ئولدی اولوب شهریده غریبه کیمی دونوب یاد اولدی هامی آشناسی فاطمه 😭 خانم عزالیدی ، هنوز باباسی پیغمبر رحمتین (ص) داغی اورگینده ، نچه گوندی گوز یاشی توکور آتا فراقینده 😭 قاپوسین اودلادیلار محسنین ایدوبله شهید باشیندا باخمادیلار ، وار قراسی فاطمه نون او قدری اولدی ستم ، دوشدی بستر مرگه بدنده قالمـــادی آخر ، قواسی فاطمه نون 😭 نیلدی آی عاشقان اوجالتدی بیر الینی ، درگه خــــــداونده بو اولدی زمزمهٔ ، غم فزاسی فاطمه نون 😭 دعاسی بودی اللهی فاطمه نون عمرینی اوزون قورتار اجابته یتوشوبدی دعــــاسی فاطمه نون غروب ایدوب او خانم گون باتان چاقی گون تک یتیم اولوبــدی داخی دورد بالاسی فاطمه نون 😭نیسگیل بودی گجه گر ئولسه بیری دفن ایدلّه گوندوز اونی گورون هارا یتشوب مـــاجراسی فاطمه نون گجیله کوینگین اوستن وروردی غسلون علی اوجادان آغــــلادی بیردن آقاسی فاطمه نون سوروشدی فضه 😭 سئوال ایلدی آقا جان ، سن ئوزون گونوزدن بیوروردون اوجادان آغلامیون ، اما نه اولدی ئوزون بیله اوجادان آغلیورسان 😭 سوروشدی فضه نــــدور علتی بو آغلاماقون بویوردی سینه ده واردی یاراسی فاطمه نون 😭 فضه بونا آغلیورام که زهرا چوخ سوزون چوخ دردین منه دئمیوب ئولونجه آغلارام هیچ دردینی منه دیمیوب مگر قالوبدی سلامت هاراسی فاطمه نون سنوب قابورقالاری بیر قولی ورم اِلیوب پوزور منی رُخ نیلی نماسی فاطمه نون شهیده گیتدی شهید محسنون جوان ننه سی چوخ آغـلادار منی آرتوق حیاسی فاطمه نون غرض گحیله عـــــــلی یارینی قویوب قبره توکوبدی اشگین یوزه مقتداسی فاطمه نون 😭 آقا امیرالنؤمنین زهرانی دفن ایدندن صورا یوزون قویدی مزارون اوسته او قدری آغلادی آغلادی ، صورا نجور منزله گلدی ایشیم یوخ اما بو قدر دییم صبحه جن آقا آه و ناله ایلدی صبح اولجاق آقا بیوردی قاپونی آچوخ قویون شاید زهرانین (س) یاسینه گلن اولدی ، اما گلن اولمادی ، بو صحنه مولایه چوخ چتین گلدی بیوردی قاپونی باغلیون ، اوندان صورا قیزی خانم زینبی سسلدی قیزیم زینب 😭 ایوین بیوک قزیسان اوخشـا آغلیاق آنووا ایاقه دوردی او غم آشناسی فاطمه نون گیدوب گتـــــوردی آچوبدی وسطده بیر بوقچا او بوقچادان چیخوب ای وای لباسی فاطمه نون آلوبــــدی اللرینین اوسته قانلـــی بیر کوینک نه حاله قالدی گور اولْ مه لقاسی فاطمه نون 😭 نیلدی آی یاسا گلنلر باخوب باخوب دیدی بیردن جوان ئولن ننه وای خـــدنگ غـــــم اورگین دائمی بولن ننه وای بهار عــــمری دیدی اولدی تز خزان ننه مون مجلل اولمـادی یاسی بو گون جوان ننه مون جوانلیقیندا قـــوجــــــالدی ننم گلین ئولدی اولوبدی خوش گونی هیچ بیلمورم هاچان ننه مون نه بیر گلین ایوه گتدی نه قیز کوچورتدی ننم یتوشدی باشه جـــوان عمری ناگهان ننه مون مزاره گیتـدی ولی بیر گوزونده قانلی لکه واریدی سیلی دگنده گوزونده قان ننه مون 😭عاشقان آی اهل مجلس بو غمـــلی سوزده گوروبلر حَسنده گلدی دِله دیدی بلاسی چوخ اولدی او جانفشان ننه مون دگنـــــده کوچه ده سیلی ، اوزوم یانندیدیم نه گلدی باشینه گوردوم او قهرمان ننه مون منه بویوردی الیمدن یاپوش یواش یرییک باجی بو نار غمینده همیشه یان ننه مون عزایه یوخدی گلن باش باشا ورک اوزوموز دییک بــــــلالرینی قلبی اودلانان ننه مون #التماس_دعا گلچین از کتاب : منادیان راه حق استاد : عزیز صبوری اردبیــلی

زبانحال آقا امیرالمومنین(ع) در بالین حضرت زهرا(س) یار ، الی دلدارین الینده یارالی ال یارین الینده دوشدون ایاقدان سن او گونکی قالمشیدون خارین الینده واویلا ، غملی اورکدن یانورام واویلا سنون ائله اوتانورام گئتماقون اوت وئراجاق غملی دیله علینون گل ائوینی یخما بئله غملر الینده یانورام من سینمی غمنون یارورام من باشیون اوسته سنه خاطر یانا یانا یالوارورام من اورگیم ، باشینی دای بولملیم سنسیز بول منده داخی ئولملیم هر کیمنون عم اوغلوا سن سریدون حیف اولا شمع وفا تک اریدون ندندی بئله سارالوبسان الیمدن اختیار آلوبسان گوستروری سولان جمالون گلم ایاق آتدا قالوبسان آچ گوزون ائشیت علینون سوزونی ئولدورور ائوده اوشاقلار اوزونی گر گئدسن ائویمی غم چولقالیار زینبون زلفینی بس کیم داریار یتوبدی وقت سوز و سازون دور آچگونان بساط رازون دور نجه گور قیزون زینب آچوبدی یرده جانمازون زینبی سسله سسیوه جان دئسون آچ گوزون دیوم بلال اذان دئسون بهارون گوروم خزانه دونمسون گل گئتمه ائویم چراغی سونمسون فرقتون اوت جانه سالوبدی قراریمی الدن آلوبدی بو حالیلن کی گورورم من قالماقون اللها قالوبدی باشیما بلا توکولدی فاطمه کتاب وفا بوکولدی فاطمه زهرا جان سسیم سنه دیول تانیش گل دیله عم اوغلویله بیر دانیش سبک 👇👇👇👇👇👇👇👇👇👇

یا هو به سبک عمواوغلی چوخ گل سارالار... کناریمه گل عم اوغلی جان آغلاما سنه قربان                                                                                                                                                                                            شرشگیوی گل عذاریوه باغلاما سنه قربان                                            آغلاما حسین آغلور اشکینی یوزه باغلور عم اوغلی عجّل وفاتی من ایستدیم نمازاوسته قاپوم یاناندان مریض اولوب اولموشام اودور خسته آچیب یارامی بیراللّی باغلیاردیم آهسته غمیمده داغلی سینوی داغلاما سنه قربان ولایت اوسته گلون صولوب چون دوچاراولوب خاره سینمده واربیر درین یارایوخ او یارمه چاره ایوه گئدیب گلسن هرزمان باخما قانلی مسماره یانان قاپیمی عوض ایله ساخلاما سنه قربان سنه نجه شرح ایلیوم باشیمین بلاسیندن یانارقلبون فاش ایدم اگرکوچه ماجراسیندن یره یخلدیم دورانمادیم ثانینین جفاسیندن دیدیم حسن دوت الیمی آغلاما سنه قربان عذاریوه توکمه گوزیاشون آزغم وملال ایله اله بیرهیچ من یوخودوم سن بیله خیال ایه منه گوره سن چوخ اینجیدون گل منی حلال ایله منه باخوب دیزلریوی قوجاقلاما سنه قربان آغلاما حسین آغلور اشکینی یوزه باغلور

زبانحال حضرت زینب با حضرت فاطمه سبک نوحه: 👇🙏 خرابه چراغون امشب آنا گـوزیاشیـم  اولدی القان    سنه  زینبون  جانی   قربان سالوب غملرون دلده طوفان    اولـوب سینـه سـوزان آچ گـوزلرون سینه ده یاره  یاتما یارالی گون مِثلی مغربده دلخسته  باتما یارالی گـوزدن  بـالالاریـوی   بیله  آتما   یارالی اویان بیله یاتما یارالی « لایلای ننم وای ننم وای ننم وای ننم وای » غَمـه دائم  اولدون نشانه    گتیردی سنی غم نه جانه دونوب گُل سِتانین خزانه    دُونِیـــدی زمـانه سن کی دییَردون آنا حَق دییَن دیلره ئولمز؟ سن ئولـدون اما منیـم  لبلـریم بیـرده گولمز زینب گلـر جانـه دردیـن ولی کیمسـه بولمز منیم دردیمی کیمسه بولمز « لایلای ننم وای ننم وای ننم وای ننم وای »                     ✨ اَللّهُمَّ عَجِّل لِوَلیِّکَ الفَرَج✨💫

احوالات غسل دادن حضرت فاطمه زهــرا سلام الله علیها وقت او وقت اُولدی علی، حافظ دین مدنی مغسلون اوستونه قویدی یارالی فاطمه‌نی گجه‌نون عالمی غسل ایلیه یورقون بدنی تا کفن پوش اولا آئینه قرآن زهــــرا بوردا بیر نکته‌ی باریک وار ای اهل شعور یازا بیلسم هامی عالم ائلیر شیون و شور آنانون غسلونا جام اَلده اوشاقلار سُو داشور اِئدوب آهولرینی گور نجه گریان زهـــرا دیل گلر گلمز اُودم گلدی دیله شاه حجاز دئدی مجنونینه دوزدور کی ائدر لیلا ناز ولی سن ناز ائلمه، آچ گوزون ای معدن راز باغریمی قان ائلیور محنت هجران زهـــرا بـو گجـه کاش منیمده چاتا پیک اَجلیــم نجه آیا سنی من غسل اِئله‌ییم آی گوزلیم آنـد اولا یاره‌لری پهلولروه تیترور اَلیــــم هر زماندان چتین اولموش منه الآن زهــرا قاف عشق اوسته باتوبسان قانا عنقا مَثَلی اوزولوب شاه ولانون بو گجه اَلدن اَلی یاتما آچ گوزلروی گور نه آدامسیزدی علی آیریلیق دردی اِئدوب حیدری نالان زهـــرا دئنن ای ماه اُولوب یاسمنی هاردا یوزون کیم ویروبدور سنی آیا بویانوب قانه گوزون گیزلدیم قوی یوزوی زینبیم ئولدوردی ئُوزون گُورمیه سیلی یرین اُول مه تابان، زهـــرا نجه ساکت اُوتوروب یاریمه یاس ساخلامیوم نجه هجرونده سنون اشکی یوزه باغلامیوم نجه دیل داغلامیوم من، نجه قان آغلامیوم بورئیوب مغسلی سینوندن آخان قان زهرا یری واردور سسیمه سس قوشا اهل ملکوت بو گجه گیزلین اولان غصّه‌لرون اُولدی ثبوت ایندی بیلدیمکی دوتاردون نیه بیر اَللی قنوت مرتضی قمچی دگن قوللارا قربان زهــرا دئمورم اَگنوه سن رخت حیـاتی گئیه‌سن یا سُولان گُلشنیـمی بیـرده بـهار ایلیه‌سن گوگلوم ایستور منه بیر یولدا عم‌اوغلی دئیه‌سن وئره جـان عاشقه تا نغمه جـانان زهـــرا «قاسمی» گوهر نفسه بو قدر وئرمه بـها قویسا هرکس آدینی شاعـر شـاه شهـدا گرک اوّل ئوزونون روحِ حسینی‌سی اولا ائلیـه تـا اونـا اَلـطافینـی ارزان زهــــرا ✍منکلام:کربلایی بهزاد قاسمی اردبیلی

روضه احوالات غسل دادن حضرت فاطمه زهــرا سلام الله علیها وقت او وقت اُولدی علی، حافظ دین مدنی😭😭😭🖤🖤 #کانال_ترکی_مجمع_الذاکرین

قضیه ی انار خواستن حضرت زهرا(س)_التماس دعا ______ گلدی بیر گون منزله مولا علی گوردی زهرانی، ملول اولدی،ولی فضه نون، مولا باخوب گوزیاشینه هی دولانور،فاطمه نون باشینه اهل کین گورستدیلر،ئوز کینه سین سیندیروبلار ذات حق آئینه سین کینه و ظلمون خدایا،حدی وار.. صورت زهراده سیلی ردی وار.. گل کیمی بین در و دیواریده وار خزان رنگی،نوک مسماریده آچمورام،قالسون،هله کوچه سوزی روضه سین بیر گون اوخور،مهدی ئوزی بستر بیماریده زهرا یاتوب یاره لی،انسیه ی حورا یاتوب تا علینی گوردی گولدی لبلری شاد ائدوب فتاح باب خیبری تز،سلام ایتدی او حالدا حیدره خلقا و خلقا چکوب پیغمبره شیرحق،زهرا یوزوندن،دویمادی ایسته دی دورسون ایاقه،قویمادی حیدره تسکیندی نام فاطمه ویردی روحیه سلام فاطمه باشینون اوستونده اگلشدی علی ایتدی فرمایش او دم،حقه ،ولی فاطمه؛قربان سنه اولسون جانیم امر ائله گویلون نمه ایستور خانیم؟ سویلویوبدی،ای ولی کردگار گویلوم ایستور میل ایدم الان انار تز ایاق اوسته دوروب شاه زمن فتح باب ایتدی او دم،خیبرشکن امر زهرانی اطاعت ایلسون فوری فرمانین اجابت ایلسون سالدی هر سمته، ولی حق،گذار تا تهیه ایلییه، بلکه انار گوردی اصحابی،دیوللر:یاعلی شاهکار خلقت ای نور جلی اولماسین ناراضی بیزلردن گوگول ایندی مولا،فصل اول میوه دگول بیر نفرده وار او میوه گوئیا آدی شمعون،دین یهودی،برملا قلب مولانی بو غم بی تاب ائدوب خانه ی شمعونی دق الباب ائدوب ماجرانی شرح ایدوب،اول نامدار اهل خانه عرض ائدوبدی،بیزده وار آلتی درهملن،آلوب اول میوه نی شاد ائده  دورت بلبلی،بیر گلشنی افتخار ماخلق، دوشدی یولا چوخ تواضعلن باخور صاق و صولا ئوز ئوزویلن ،ذهنیده ،ایلور خیال فاطمه خوشحال اولار،اولسا وصال گر یتیشسم منزله،الساعه من شاد اولار زهرا،حسینیلن،حسن انتظار فاطمه،پایان تاپار زینب و کلثوم و فضه،جان تاپار ایتدی بو افکار، ذهنیندن، خطور یولدا بیر،ویرانه دن، ایتدی عبور هی باخور الده اناره،دینجلور ناگهان گوردی حزین بیر سس،گلور بیر مریضی گوئیا اوردا یاتوب بیر کسی یوخ،عالمی گوزدن آتوب مرتضی،فورا،عیادت ایلدی حالینی گوردی ،حمایت ایلدی ایتدی فرمایش ولی کردگار صاحب شان و وقار و ذالفقار ایستییوب الله،بو یردن یول سالیم.. عرض ایله گویلون نه ایستور؟،من آلیم باخدی مولایه مریض خسته حال ایتماقا صحبت ،توان ویرمور مجال ائلیییور ویرانه کنجینده نوا... هم سوسوز،هم آجدی،هم ایستی هوا ضعفیدن،عاجزدی صحبت ایلییه دردینی ایستور که بیر نوعی دییه بیر بیریندن،گوتدی ناگه لبلرین لحظه ای بین دولب،اولدی سرین رهگذر!چوخ آشنا گلدی سسین عالمه،الله سنی چوخ گورمه سین قلب زاریمده گورورسن غصه وار گویلوم ایستور میل ائدم الان انار باخدی مولا صحنه یه،چوخ آغلادی سسلدی یا فاطمه،دل داغلادی اگلشوبدی باشینون اوسته علی آشکار ایتمور،ئورک سرین ولی باخدی بیر الده،انارین رنگینه اول مریضین،غصه لی آهنگینه اولمادی قسمت،گیده تز منزله لنگر ارض و سما گلدی دیله وار گوزی،بوندا،عزیزیمده منیم ایوده واردی،بیر مریضیمده منیم اول مریضون، بنده،خاطرخواهیدی عیبی یوخ الله،کریم،اللهیدی بو اناری،سن اجازه ویر منه دانه دانه نصفینی،ویررم سنه مرتضی،گور اول مریضه نیلدی؟ اول اناری دانه دانه ایلدی ویردی نصفین ئوز الیلن،شه ئوزی گوردی نصف دیگرینده وار گوزی تز او نصف دیگرینده بذل ائدوب دست خالی،پیش زهرایه گیدوب شاعرین،دولدی گوزی،مولا علی وار سوالیم ایندی سندن یا علی... بو گریزیم قلبیمه ویردی یارا کنج ویرانه هارا،زینب هارا؟ آج قالوبدی اهلبیت طاهره ویردیلار طعنه،او جمع حاضره حقی وار،گوزلر،بولود مثلی دولا اهلبیتون باغلویوبلار قول قولا یاعلی؛ظلمونده آخر حدی وار... هر اسیرین،قولدا قمچی ردی وار دهریده اعدا چاتوب آمالینه باخ مریض کربلانین حالینه چاتدی عرشه قیزلارین،یورقون سسی اوچ یاشیندا نازدانن،ناله سی مستحقه،سن کرامت ائتموسن هر مریضه،چوخلی حرمت ائتموسن ایندی فاش ایله ئوزون بو مطلبی شامه وارد اولدی زینب موکبی... بس نیه ویرانه ده جای طعام! یکسره ایودن چیخوبدی اهل شام پیشوازه،آتماقا،داش گتدیلر سو یرینه،بیر کسیک باش گتدیلر (بهلول حبیبی زنجانی)

🎧 حـاج نـادر جـوادی اردبیلی 🔻 درخواست انار حضرت زهرا(س) 🔺 #ایام_فاطمیه @turki_nohemajma

#نوحه_حضرت_زهرا_س 🏴 سبک یافاطمه من عقدهٔ دل وا نکردم ⬛️ آچگوزلرون سس وئر منه امِّ ابیها یاتما آماندور حیدره رحم ایله زهرا پشت و پناهیم - بال و پریمسن پهلو شکسته - نیلوفریمسن ⬛️ سقط اولدی محسن فاطمه قانه باتوبسان قبر ایچره حیدرسیز نجه راحت یاتوبسان زهرا علینی سن نَه تز گوزدن آتوبسان گون چیخمامیش باتدون نَدن، ای ماه زیبا پشت و پناهیم - بال و پریمسن پهلو شکسته - نیلوفریمسن ⬛️ اون سکّیز ایلده قامتون، اولدی خمیده یاندی قاپون ظلمیله سن، اولدون شهیده صد مرحبا ایثارووَه، ای نورِ دیده صدّیقه سن٬ مرضیّه سن، ای دخت طاها پشت و پناهیم - بال و پریمسن پهلو شکسته - نیلوفریمسن ⬛️ سنسیز بو دنیا حیدره زندان اولوبدی صبریم داخی الدن گئدوب تالان اولوبدی باخ دودِمانیم بی سر و سامان اولوبدی هرگون سنه برپا اولور، بزمِ غم افزا پشت و پناهیم - بال و پریمسن پهلو شکسته - نیلوفریمسن ⬛️ زینب باتوبدور ماتمه، سسلر الهی بو زینبون سندن صورا، یوخدور پناهی بش سنّیدن دوشدوم غمه، ایله گواهی صبر ائت منه بو باره‌ده خلاّق یکتا پشت و پناهیم - بال و پریمسن پهلو شکسته - نیلوفریمسن ⬛️ ای قیزلارین آغلار قویان، مظلوم ننم وای ای زینبیندن تِز دویان، مظلوم ننم وای سن بیل حسین جانی اویان، مظلوم ننم وای دور زینبین گوز یاشینه، ایله مداوا پشت و پناهیم - بال و پریمسن پهلو شکسته - نیلوفریمسن ⬛️ #رحیم_فیضی_اردبیلی ـ┅┅❅🥀🏴🥀❅┅┅ـ

اولمادی اولونجه یانام دردیوون دواسی زهرا گیدوسن گیدور سنیله ایویمون صفاسی زهرا **************** سینه سی محنله دولموش سینه سی یارالی گیتمه دردینی عم اوغلوسونان گیزلدن حیالی گیتمه دوزمرم مصیبتونده گیتمه ای وفالی گیتمه پوزولار سنیله گتسن ایویمون نماسی زهرا گیتمه ای عزیز طا ها اویمین صفاسی سن سن گرچه مبتلای دردم دردیمون دواسی سن سن مین غباریله توتولموش گویلومون جلاسی سن سن گیتمه بونان آرتوق اولسون قلبیمون نواسی زهرا خوش گونون سنون بو ایوده اولمادی اولنجه یانام آغلارام فراغتونده ولوله بوکونه ساللام منی تک قویوب گیدورسن هجریوه نجه دایانام چوخالار سن اولماسان گر باشیمین بلاسی زهرا ************************** دوقوز ایل منیم ایویمده هرمصیبته دایاندون یاندی درگهیم ستمله ظلمون آتشینده یاندون سینوه باتوبدی مسمار پشت درده سن دایاندون سنه چرخ روزگارون اولمادی وفاسی زهرا گوزلرون فداسی زهرا گویروب گوزون ستمله نه باشی بلالی اولدون قانا پشت درده باتدون سینه دن یارالی اولدون گیجه لر سیزلتی صوتون منه یادگاری قویدون دردیوون اونوجه یانام اولمادی دواسی زهرا *************** زینبون یانخلی صوتی یاندورور منی اورکدن سیل کیمی سولان اوزاره گوزیاشی رواندی گوزدن گیجه نون زمانی سویلور گیدوری آنام بوایودن سس وروراونا حسینیم اولورهم صداسی زهرا گیدوسن حسینه بیرباخ قول بویون اولوب حسنله یخولوب جنازن اوسته یوز یوزه قویوبلا سنله زینبیله کلثوم آغلور دلده مین غم و محنله اوخشاما سیسله دولموش ایویمون هواسی زهرا ********************** نه دعا لر ایلییردون گیجه لر نمازون اوسته سوزولردی گوزلرونن نجه یاش قونودین اوسته هامو هوریلر ادبله دایاناردی باشون اوسته باشون اوسته ایندی دورموش گویلرون هماسی زهرا ***************** آچ گوزون گوزون فداسی معدن کرامت ایندی نازیله بومسغل اوسته یاتموسان نه راحت ایندی سینوین جراحتینن تاپموسان فراغت ایندی دورعم اوغلووی دانشدورسسوین فداسی زهرا ******************* دویمورام محبتونن سنون ای وفا هماسی منی یاندوروربولورسن قاپی یانما ماجراسی اوپرم یاراوون اوستون ساغالا اورک یاراسی دردیوون اولونجه یانام اولمادی دواسی زهرا ************* گیجه یاریدی(مطلب) یازورآغلوری اورکدن اسلادوبدی نم جمالین یانورآغلوری اورکدن ادورآرزو بقیع نی سینه داغلوری اورکدن منی مین غمه سالوبدی شهریوین هواسی زهرا ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨

#سبک_فوق 🌺👆 #اجرا #احسن_حبیبی_نوروزلو

زبانحال حضرت زینب کبری علیهاالسلام در کنار جسم بی جان مادر (العَجل، صاحب زمان /مولا) ایوای/زینبون ئولسون آنا / گیتمه ایوای/واردی سینَنده یارا / گیتمه آخِر /سَن مسافر سن هارا / گیتمه اَشکیمی ایتمه یوزه /جاری گیتمه ایودن سن گجه / یاری (قالمیوب منده توان / گیتمه زینبی آغلار قویان / گیتمه) عمرون/ گلشنی سولدی آنا / غَمدن نه تِز /کَسموسن اُلفَت آنا / مَندن گر چه /سن حیاتوندان آنا / دویدون امّا / دویمییوب دویماز قیزون/سَندن زینبی گوزدن آتان /گیتمه قبریده من سیز یاتان / گیتمه غَمدن /صورتون اَفسوس آنا / سولدی ایوده / نچّه یول گونده گوزون / دولدی ثانی / یاندیراندان دَرگَهون /ظُلمه گوردوم / خواهشون عَجّل وَفات /اولدی یاره لی جسمه فَدا / گیتمه غُصّه دن اولدون رَها / گیتمه من تک / تیرِ غَم هیچ کیم دیله /ساشماز سَدِّ /صبرِ زینب گورنجه / داشماز سن کی/ گیزلَدَردون دردیوی / حتّی نیلوم / مجتبی کوچه سوزون / آشماز هرگجه قان اوتموسان / ایوده نچّه آی اوز دوتموسان / ایوده یوردی / اوز حیاتوندان نچه / اَرذَل گیت یات/ قبریده بیر آز آنا / دینجَل امّا / قُوی اَیاقوندان اوپوم / بیرده لطف ایت /کربلا صحراسینه / تِز گَل قیزلارون گول نَک سولار / تِز گَل (بیکَس) و غَمخوار اولار / تِز گَل #ایوای_زینبون_ئولسون_آنا_گیتمه #حضرت_زهرا_س #فاطمیه التماس دعای فرج الاحقر مهدی عبادی 👇👇

در جلالت بانوی محشر صدیقه ی طاهره علیها السلام (فارسی_ ترکی) (مناسب برای دشتی و مقدمه و زمینه) تمامِ هستیِ عالَم برای فاطمه است ولای حضرتِ حیدر، ولایِ فاطمه است یقین به قلبِ خلایق همیشه سُلطان است همان کسی که به عالَم، گدایِ فاطمه است (شَفیعه ی دوسَرا، فاطمه سلامٌ عَلَیک) خوشم که سائل کوی و سرایِ فاطمه ام قبول اگر کُنَدَم من، گدایِ فاطمه ام زِ لطفِ و مَرحَمتِ آلِ او، خدا خواهد فدای آلِ علیّ و فدایِ فاطمه ام دلیل خلقت عالَم جنابِ فاطمه است تمامِ آتشِ دوزخ عِتابِ فاطمه است قیامتی که همه خوف و واهِمه دارند حساب دستِ علیّ و کتاب، فاطمه است لِوایِ فاطمه دائم، گرفته بَر دوشَم زِ جامِ مِهرِ ولایَش، همیشه مِی نوشَم سؤال شد اگراین، جامه ی سیاهَت چیست عَزای مادَرم آمد، سیاه میپوشَم تَمامِ عالَمِ امکان، صفاسی فاطمه دی بوتون شکسته اورکلر، جَلاسی فاطمه دی حسینه نوکَر اولانلار، بونی یقین ایتسین تَمامِ اَهلِ ولانین، آناسی فاطمه دی ولایَت اَهلینه زهرا، عنایت ایلیه جاق مسیرِ عزّته حتماً، هدایت ایلیه جاق علی سوونلره اولسون بَشارتِ اَبَدی قیامتین گونی زهرا، قیامت ایلیه جاق کَرَمده فاطمیه یوخدی بیر نَفر هَمتا همیشه ایلیوب احسان، منه گُلِ طاها قالاندا (بیکَس) و تنها،بودور منه عادَت گیدَر غَمیم اوره گیمدن، دییَنده یا زهرا #تمام_هستی_عالم_برای_فاطمه_است #حضرت_زهرا_س #فاطمیه التماس دعای فرج الاحقر مهدی عبادی 👇👇

‍ اذان بلال در هنگام وفات زهرا 😭😭😭😭😭😭🏴🏴🏴 مدینه اهلی ناگهان ایشیتدیلر اذان سسی ایشیتمیوبله بیر نچه زماندی که همان سسی مدینه اهلی ناگهان ایشیتدیلر اذان سسی ایشیتمیوبله بیر نچه زماندی که همان سسی او گوندنیکه حضرت رسول رحلت ایلیوب ابی قحافه اوغلونا او خلق بیعت ایلیوب بلال اذانی ترک ایده تلاش و همّت ایلیوب دیوب بلالدن داخی ایشیتمه سوز اذان سسی دیدی موذّن نبی اذانچی اولماز هر کسه چتیندی شاهباز اولان اولا شکار کرکسه بودور نهایتی اُلوم حیات رشته سین کسه گَلور قولاقه دمبدم دَرای کاروان سسی نه قدر وعده ویردیلر، نه قدر خواهش ایتدیلر بیر آزجا قورخودوبدولار، بیر آز نوازش ایتدیلر قاباقکی تک اذان دیسون اونا سفارش ایتدیلر دیدی محال اولار عیان ایدم اولان اذان سسی سفارش ایتدی فاطمه بلاله امتحان ویره بابامی گوگلوم ایستوری گنه گیدوب اذان ویره دیون بلال اذان دیوب بو مرده جسمه جان ویره اونون اذان سسی گَله گَلر بو جانه جان سسی بلاله غملی موقعی یتوب سفارش بتول توکوب عذاره گوزیاشی دیدی موذّن رسول اولور که فاطمه سوزون بلال ایشیتمه سون، قبول او ایستیوب حق ایستیوب بو خسته ناتوان سسی چتیندی غملر آیریلا، انیس اولوب بلالیله اوزین یتوردی مسجده اذان دیه ملالیله دیوبدی اللهین آدین قاباقکی تک جلالیله اودور قالوبدی خلق آرا آدیله جاودان سسی دوشوبدی خلق حیرته، مناره دن اوجالدی سس خیال ایدوبله بیعته بلال ایلیوب هوس تفحّصیله بُلدولر نه علّته سینوب قفس قونوب گل اوسته قوزانوب هزار داستان سسی بُلوبله امر فاطمه جوابینه دیمز او لا خلیفه بُلمز آیریسون ولیّ حق اولا اولا چتین بلال صبر ایدر رسول گلشنی سولا گُلون گیدر طراوتی کسیلسه باغبان سسی ایکیمجی فصلینه اذان یتوب گَلوب مرام اَله اوچومجی فصلی ذکر ایدوب موثّر اولدی هر دله سالوبدی شهر یثربه او سس عجیبه ولوله اوجالدی عرشه ناگهان فغان و الامان سسی ایشیتدی تا آتاسینون آدینی خیرة النّسا آخوبدی گوزیاشی یوزه دیدی بابا بابا بابا نه قدر گوز جفا ایدوب منه بو قوم بی وفا اوجالدا بُلمورم بابا ایویمده ده فغان سسی توکوب عذاره گوز یاشی زبس ایدوبدی غم اثر یخلدی حالیدن گیدوب، بلاله ویردیلر خبر دایان که اُلدی فاطمه، سسین کسوب او خوش سیر دوشوبدی لرزه جانینه باتوبدی ناگهان سسی سسین کسوب دیدی بو سس داخی چتین رسا اولا اگر رسا اولا گرک امامی پارسا اولا گیچوبدی عمریمون چوخی بیر آز قالور مسا اولا قوجالموشام داخی چتین سسیم اولا جوان سسی بلال اذانی خاطره گَتوردی آیری بیر اذان اودور سرشک حسرتیم عذاریمه اولور روان حسین اذان دیور دوشه یولا او خسته کاروان اذان سسیله هم زمان اوجالدی بانوان سسی باجی ایشیتدی قارداشی گَلوب دله اذان ویرور اذان ویرنده یاره لر دوباره تازه قان ویرور بو قان او تازه نهضته حیات جاودان ویرور قولاقح ویرنده هر زمان گَلور گیچن زمان سسی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اذان بلال (کامل) با نوای حاج محمد نورانی (روضه سوزناک خانم زهرا)😭😭 پیشنهاد دانلود🏴🏴🏴🏴