‍ سسیمه یوخدی سس ویرن دانیش منیله فاطمه هارا گیدیم گئجیله من دانیش منیله فاطمه وطن غریبی اولموشام یتیبدی غم نهایته زمانه دن داریخمیشام اورک یانور بو محنته بیری قاپومی آچمیور گله منلیه صحبته ایویمه یوخ گلیب گیدن دانیش منیله فاطمه اوزاقلادیب بیله منه وطنده آشنا اوزون گوزوم گزور بیرین گورم دیئم اونا اورک سوزون منی گورنده دوندرور بو شهریده هامی یوزون بو غم چتیندی هر ندن دانیش منیله فاطمه نه وعده لر حریص ایدوب بوامتی زمانیه اوشاق بویوک بو شهریده کمک دوروبدی ثانیه گوزوم دوشنده هر زمان او قانلی آستانیه اورک یانور اسور بدن دانیش منیله فاطمه کیم اولسا یاسلی رسمیدور گلوله دیده قونشولار ویروله تسلیت اونا بیرآزجا قلبی رام اولار دوشنده یاده نسگیلون اورک ملالیلن دولار یاسیوا اولمادی گلن دانیش منیله فاطمه بو چرخ کج روش دوروب مسیر جور و کینه ده سالوبدی نقشه دست غم ستمله لوح سینه ده قباقه ایش چیخوب بیله تانینمورام مدینه ده وطن غریبی اولموشام دانیش منیله فاطمه گونوزلر اوخشیور ایویم خزان کشیده گلشنه اودور گونون باتان چاقی گلور بیر اوزگه غم منه قرانلیق ایوده صبحه جک گئجه لر آغلارام سنه گلیلیئم خزانیدن دانیش منیله فاطمه شاعر(مرحوم معنوی اردبیلی) مداح حاج سلیم موذن زاده 👇👇👇👇

#شهادت حضرت زهرا(س) #به سبک خرابه قلبینی سیخان رقییه سلام اولا 🖤🖤🖤🖤 جهانی دولدوروب گینه غم و ملال فاطمه باتوبدی ماتمه بو گون تمام آل فاطمه اشاره ایلسم اگر مصیبت بتولیدن رساله الده شرم ایدر خجل اولار رسولیدن سوروش بتوله نائبه فسرده دل ملولیدن هنوز زینبی ملول ایدوب ملال فاطمه 🖤🖤🖤🖤 او گونکه تاپدی خلقت بشرله ماسوا نظام عطا اولوندی حقّیدن بتوله عالی بیر مقام که یتمیوب بیر عورته بیر ایله رتبه ی عظام جهانیانی حیرته سالوب جلال فاطمه 🖤🖤🖤🖤 او گونکه اهل محشره خدای حیّ کائنات حساب خیر و شرّ اوچون ویرور دوباره دن حیات او سخت گیر و داریده چتیندی هر کسه نجات گر اولماسا شفاعته او گون خیال فاطمه 🖤🖤🖤🖤 بو شان و بو مقامیله بو عزّت و جلالیه گورون بو چوخ آز عمرینی ویروب باشا نه حالیله انیسیدی گجه گونوز مصیبت و ملالیله سارالدی سولدی گل کیمی جمال آل فاطمه 🖤🖤🖤🖤 گلوبدی بیر گونی ایوه علی ولیّ کردگار پیمبرین عزیزه سین گوروب ملول و دلفگار یاتوبدی قبلیه طرف فسرده دل غریب و زار او شهریار حالینی پوزوبدی حال فاطمه 🖤🖤🖤🖤 شروع ایدوب اویاتماقا عزیزه سین ابوتراب نه دللریله سسلدی ایدوب نجه گوزل خطاب ملول اولوب سوالیدن گوروب که گلمدی جواب اورکلنوب او بلبل شکسته بال فاطمه 🖤🖤🖤🖤 اولوب سرشک حسرتی عذاره سیل تک روان دیدی عم اوغلوام سنون نه یاتموسان گوز آچ اویان نه دل دیدیم دانشمادون، نولوب او نطق خوش بیان علینون آلدی طاقتین بو نطق لال فاطمه 🖤🖤🖤🖤 سنون بو دینمماقلیقون ز بس ایدر اثر منه که قورخورام اورک یانا گلم دله ایدم گله اورکده چوخدی درد دل اماندی بیرده گل دله فرح ویرور روانیمه او خوش مقال فاطمه 🖤🖤🖤🖤 آچوب گوزین او حالیده او نور دیده ی رسول رسول جانشینینه ادبله عرض ایدوب بتول سنون ملالون ایلیوب منی عم اوغلی جان ملول فراق باشلانوب یتوب باشا وصال فاطمه 🖤🖤🖤🖤 یاخونلاشوب اوشاقلاریم یتیم اولا عم اوغلی جان واریمدی بیر نچه سوزوم اجازه ویر ایدوم بیان ازلکه خواهشیم بودور گر عورت آلسان هر زمان بیر عورت آل که تا اولا رئوف آل فاطمه 🖤🖤🖤🖤 منیم که قویمادی فلک زمانه ده یوزوم گوله شبیهیدیم همیشه بیر خزان اولوب سولان گله جنازه مین گوتورماقین مباد اهل کین بوله گرکدی خلقیدن نهان اولا رحال فاطمه 🖤🖤🖤🖤 اُلومده گوردوم عاقبت فشاریدن نجاتیمی اودور که حقدن ایستدیم گجه گونوز وفاتیمی هانی بولن نه چکمیشم بو مدّت حیاتیمی بو مطلبی بولور فقط او ذوالجلال فاطمه 🖤🖤🖤🖤 اگرچه غمده زینبیم سببدی شور و شینیمه او چوخ علاقه منددور بو ایکّی نور عینیمه اونون جهاندا منجه وار محبّتی حسینیمه او بلبلی ملول ایدر بو گل جمال فاطمه 🖤🖤🖤🖤 عبث دگل که گوزلریم بهار ابری تک دولار صغیر اَکَن بو نازنین بالالاریم یتیم اولار حسن پوزولسا دل یانار، حسین سارالسا گل سولار چمنلری خزان ایدر بو نونهال فاطمه 🖤🖤🖤🖤 باخاندا زینبه دولور سرشک چشمیله گوزوم آنا فراقی قیزلارا چتیندی گورموشم اوزوم بو محنته بو فرقته محال امردور دوزوم آنا دیوب نه قدر وار یانار مثال فاطمه 🖤🖤🖤🖤 بو فصل تازه (شانیا) ملول ایتمه سین دلون تانور تمام اهل دل سنون سوزون سنون دلون نجه جهاندا حلّ اولور تمام سخت مشکلون یقین جزاده ده یتر سنه نوال فاطمه 🏴🏴🏴🏴🏴🏴🌿🌿🌿

‍ ‍ ‍ #زبانحال حضرت امیرالمومنین (ع) در کنار مزارحضرت زهرا (ع) سبک : ای حرمینه ناز ائدن ... عطری گلور محرمون ... واردی باشیمدا یا حسین ... فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم گرد غمون نشست ائدوب قلبیمه چوخ چتین سیلم جان یتیشوب دوداقیمه فاطمه راضیم ئولم گلمیشم ایندی قبریوون اوسته بیر آزجا دینجلم ئولمور علی ندن؟ ندن گلمیشم آغلیام گئدم سن ائویمه گلین گلن وقته یوخیدی چون آنان غصه لَنَردون هر زمان گوز یاشین ایلدون روان زینب عروس اولان زمان بخت ائوینه گیدن زمان فاطمه نیلوم اوندا من گلمیشم آغلیام گئدم آیریلیقون سالوبدی اود بو دل پر شراریمه یالوارورام یوخی گَله دیدۀ اشکباریمه محسنی آل قوجاقیوه گَل یوخودا کناریمه روح تاپا بو خسته تَن گلمیشم آغلیام گئدم محنت فاطمه سنی ایلدی «عینی فرد» حزین قلبووی یاندیرار چخار سینه دن آه آتشین شعر یازاندا صدقیلن یاز ائله پاک نیّتین گور نه گوزلدی سر سخن گلمیشم آغلیام گئدم 📣 حاج غلامرضا عینی فرد زنجانی

🥀شام غریبان حضرت زهرا س زبانحال امیرالمومنین علیه السلام🥀 🎶به سبک :(( ای نور عینیم منزل مبارک)) زهرای اطهر ، منزل مبارک طاهایه مظهر ، منزل مبارک آخشام چاغیندا ، گون مثلی باتدون اهل و عیالون ، تِز گوزدن آتدون خسته یارالی ، قبر ایچره یاتدون قبرون منوّر ، منزل مبارک عمرون آز اولدی، دردون چوخ اولدی سینمده هجرون ، غملی اوخ اولدی دار و نداریم ، بیر دَن یوخ اولدی ای دُرّ و گوهر ، منزل مبارک اوت توتدی قاپی گلدون نوایه اولدون فدا سن دین خدایه سن مندن اوتری ، دوشدون بلایه ای جان حیدر ، منزل مبارک شمع شبستان ، دخت پیمبر یر گویلره هم ، جناته زیور ای حلم و فضلی ، عالمده برتر قرآندا کوثر ، منزل مبارک رَختِ وفانی ، تندن سویوبسان زهرا علینی ، بیکس قویوبسان سولموش حسیندن ، نه تز دویوبسان سنسیز او نِیلَر؟ ، منزل مبارک گویده بولوتلار ، گور نه دولوبدی زینب غمونده ، زلفون یولوبدی ایوده بالالار ، گول تک سولوبدی گول مثلی پرپر ، منزل مبارک غسلون وئرنده ، قلبیم سیخیلدی روحیم بدندن ، مین یول چیخیلدی دردون بیلندَن ، ائویم یخیلدی بانوی محشر ، منزل مبارک هانی او گونلر فورا دوراردون حسن حسینون ، زلفوون یوواردون زینب تلینه ، شانه وراردون ای حالی مضطر ، منزل مبارک هانی او گونلر قرآن اوخوردون یاسینیله الرّحمن اوخوردون یانیب حسینه کوینک توخوردون یاندی اورکلر ، منزل مبارک دور گور نه حاله زینب قالوبدی بیر قاره معجر ، باشه سالوبدی چادر شبوندن ، عطرون آلوبدی ای مِشک و عنبر ، منزل مبارک آغلار گوزیله ، با قلب سوزان گلدیم فغانه ، باغریم اولوب قان توتدوم سنه من ، شام غریبان اولدوم مکدَّر ، منزل مبارک قربان سنه ای پهلو شکسته راحت یات ایندی ، ای زار و خسته گلّم نوایه بو قبرون اوسته قبری مطهر ، منزل مبارک یانام ئولونجه یاس ساخلارام من هجر آتشینده دل داغلارام من زهرا غمونده ، قان آغلارام من ای ماه انور ، منزل مبارک ✍شعر : بهمن جعفری زینجناب #نوحه_شهادت_حضرت_زهرا_سلام_الله #فاطمیه

‍ زمینه ترکی اجرا:حاج مهدی رسولی گتدون سن سیز ئولرم زهرا دای سنسیز من گولمرم زهرا بالا لاریمی گوتورم من مدینه دن گدرم زهرا بو شهریده قالامرم یاراما دوز ویریلار حیدریوه گولولر سنه سیلی ویرانلار (خانم حیالی خانم-خانم وفالی خانم) ای مردم قلب علی خونه حال این روزام پریشونه دیگه بی زهرا میشم امشب اشک چشمام مثل بارونه خانم خونمون رفت با اشک بی امون رفت شبونه روی دشونه ام بانوی بی نشون رفت (خانم حیالی خانم-خانم وفالی خانم) رفتی دست حق نگه دارت سر شدن روزای دشوارت مهمون پیغمبری امشب ما هم میمونیم عزا دارت دل شکسته داریم چشمای خسته داریم خاطره های تلخ از دستای بسته داریم (خانم حیالی خانم-خانم وفالی خانم)

🏴زبانحال حضرت زینب (س) در شهادت مادر 🎼سبک : ای قلم سوزلرینده اثر یوخ عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی

روضه حضرت زهرا سلام الله علیها سوزد دلم برای توکه در میان شمع یک یار بر تو مانده و آن هم نمانده نیست

‍ ‍ ‍ #زبانحال حضرت امیرالمومنین (ع) در کنار مزارحضرت زهرا (ع) سبک : ای حرمینه ناز ائدن ... عطری گلور محرمون ... واردی باشیمدا یا حسین ... فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم گرد غمون نشست ائدوب قلبیمه چوخ چتین سیلم جان یتیشوب دوداقیمه فاطمه راضیم ئولم گلمیشم ایندی قبریوون اوسته بیر آزجا دینجلم ئولمور علی ندن؟ ندن گلمیشم آغلیام گئدم سن ائویمه گلین گلن وقته یوخیدی چون آنان غصه لَنَردون هر زمان گوز یاشین ایلدون روان زینب عروس اولان زمان بخت ائوینه گیدن زمان فاطمه نیلوم اوندا من گلمیشم آغلیام گئدم آیریلیقون سالوبدی اود بو دل پر شراریمه یالوارورام یوخی گَله دیدۀ اشکباریمه محسنی آل قوجاقیوه گَل یوخودا کناریمه روح تاپا بو خسته تَن گلمیشم آغلیام گئدم محنت فاطمه سنی ایلدی «عینی فرد» حزین قلبووی یاندیرار چخار سینه دن آه آتشین شعر یازاندا صدقیلن یاز ائله پاک نیّتین گور نه گوزلدی سر سخن گلمیشم آغلیام گئدم

‍ سینه زنی حضرت زهرا (س) من فاطمیم زندگیدن دویدوم عم اوغلی خوش گونلریمون جامه سینی سویدوم عم اوغلی گیتسمده مزاره گینه سندن نگرانم دشمن قاباقیندا سنی تک قویدوم عم اوغلی من فاطمیم قلبیمی درد و محن آلدی دوشدی نفسیم تنگه داخی وقتیم آزالدی راحت اولورام رنج و فشار و غم الیندن آغلار بالالاریم سنون امیدیوه قالدی هئچ کیم بیله بیلمز من بی یار ، فشارین ضرب دریلن سینه ده مسمار فشارین بیر ظلمیدی من گوردوم اونی من بیلورم تک هئچ کیم بیله بیلمز در و دیوار فشارین من فاطمیم خون دلیم آخدی گوزومدن درد اهلی بیلر حالیمی بو اودلی سوزومدن پیغمبر آنا سسلدیگی خسته بتولم ئوز حقیمون اوستونده دگولم بانوای زنده یاد حاج محمد باقر منصوری اردبیلی 👇👇👇👇

‍ ‍ ‍ روضه حضرت زهرا (س) کیم سن کیمی آفاقیده محتادیدی صبره دوزدون ئوز عمواوغلونان اوتور سن هامی جبره گتدیم ئوز الیمله گئجه قویدوم سنی قبره راحت گئجه لر یاتمازدون بو گئجه یاتدون بو قبریده اما یارالیدون نجه یاتدون بیجا یره من آغلامرام واردی دلیلی ثانی ال آچوب وردی یول اوسته سنه سیلی گل صورتیوی سیلی یری ایلدی نیلی بنذردون اوگونن سارالان یاپراقا زهرا قویدوم او گورمیش یوزوی تپراقا زهرا (خانمی قویدی قبره باخدی بیر او ارین بدنه زهرا زهرا) قولوون سینماقی سیندردی منیمده بیلیمی قسم اولسون یارالی جانیوه زهرا یانارام غسل ایدن وقته سنه اولموشم الله بولوری آگه اولدوم غم پنهانیوه  زهرا یانارام ای عمواوغلونان  همیشه ناگران ای منه خاطر اودان بیر عمرقان ای ئوزونن چوخ منه جان یاندران

‍ سینه زنی، ای سویگلی جانانیم اللرده ئولن زهرا قبره گیجه تابوتی گیزلینجه گیدن زهرا یاندون اریدون غمدن پروانه کیمین گیتدون گلشنده خزان ویرمیش ریحانه کیمین گیتدون بو شهریده سن قبره بیگانه کیمین گیتدون زندانون اولوب آخر گونلرده وطن زهرا قویدون منی آواره مقصوده ئوزون چاتدون آز اولدی گوزل عمرون صبح اولدوزی تک باتدون تپراقلارین آلتیندا نیلی یوزیلن یاتدون ایلر گونومی قاره بو درد و محن زهرا سن بیر گولودون مثلون عالمده دوبار اولماز سن عطریده هیچ گلشن خوش منظر و بار اولماز کیمدور دئیه بیر گولنن عالمده بهار اولماز مین فصل بهار اولدی طاهایه علن زهرا سننن صورا دنیاده واللهی پریم سیندی بیر ظلم ایلیوب ثانی رخشان گُهریم سیندی گوردوم سنی قان ایچره زهرا کمریم سیندی یوخ دردیمی دنیاده بیر کیمسه بیلن زهرا بو سینه ی سوزانی هجران اوخونا دلدون ای قدی کمان قبره سینونده یارا گلدون غم غصه دن آند اولسون ئوز جانوه دینجلدون یات قبریده آسوده ای غصه چکن زهرا حشره کیمی بو نسگیل یورقون سینمی داغلار گوز آلتی قیزون زینب مسماره باخار آغلار قویدون نه یامان یئرده زهرا قاپومی باغلار یوخ عرض تسلایه صد حیف گلن زهرا قان آغلارام اطفال بی یاره گوزوم دوشسه یا زینب مظلوم و خونباره گوزوم دوشسه ئوللم من اگر ایوده مسماره گوزوم دوشسه چاره م ندی بس نیلوم لطف ایله دینن زهرا بنذردی گوزل چهره اون دورت گیجه لیک ماهه تنگ اولدی فنا دنیا سن سیز اسداللهه سندن صورا حقیم وار دردیمی دیسم چاهه یخدی ایویمی قوم بی دین و فتن زهرا یاده سالارام دردون ای عشقیمه پروانه سن تک گله مظلومه هیهات بو دورانه ووردی یوزیوه ثانی بیر سیلی خصمانه مندن ایلدون پنهان رخساروی سن زهرا یوخ حیدرون عالمده بو زندگیه میلی غسلون ویریلن وقته اولمیشدی یوزون نیلی بیلدیم که ووروب ثانی گول صورتیوه سیلی سندن او زمان اولدوم خجلت زده من زهرا زهرا یوخوما بیر گل تجدید وصال ایله شرمنده عم اوغلوندان سن دفع ملال ایله ئوز حقّووی مولایه دنیاده حلال ایله سن سیز منه زنداندی هر باغ و چمن زهرا عزّت یولی عشقونده همّیشه فراز اولسون کیم وار منه دنیاده سن تک گول ناز اولسون سن ایله دعا عمروم سندن صورا آز اولسون سینمده گیدر قبره بو درد کُهن زهرا ** مرحوم حاج فرهاد فکری اردبیلی

‍ 🍂آجرڪ‌الله_یابقیة‌الله 🍂 🍂روضه وصیت حضرت زهرا(س)به زینب کبری وگریز به قتلگاه🍂 اوچ گون قالوردی اولماقینا خیرالنساء تبدیل ایدوبدی منزلینی بزم خلوته بیر زینبیدی بیر ئوزی منزلده فاطمه گلدی دله بیان ایدوب اول کان عصمته گل همدم اول منه سنه وار سری سوزوم ساخلا ایکی گوزون کیمی بو کوینگی آینده ده گیدرسن حسینیله غربته قارداشیوون بو پیرهنه احتیاجی وار بیر گون بونی گییب گده جاخ بزم وحدته هروقت حسینیم ایسته سه سنن بوکوینگی بیر ساعتین قوناقیدی بول آل عصمته گوندوز خیامه فرصتیم اولماز گلم قیزیم خاطر جم اول گئجه گلرم سر سلامته ایا امام زمان ئوزون کمهلیخ ایله عمرونده چوخدی غملی گونون غملی ساعتون هیچ ساعتون یتیشمیه جاخدور اوساعته زهرابولوردی اوچولده نلر اولاجاخ دیوردی قیزیم یادندا ساخلا اولحظه ای کی الین الدن اوزولر بالام قالار دشمنلر الینده اوزماندا سنین اوگونن چتین ساعتین یوخ غرض کرب وبلا خلیلی گیدی اوکوینگی سعد اوغلی قویمادی کفن اولسون او حضرته عریان قویوب دیدی کفنی نیلیورحسین بی نیت ایلشمه ها مریض لرده یاد اولسونلار سالسون گرک یارالاری گون اذیته بیر ظلم ایدم گرک باجسی غصه مرگ اولا نه ظلم ایستور الیه کی باجسی غصه مرگ اولا؟ گلدیلر عمرسعده لعینه بولموروخ حسینین ایشی تمام اولوب یانه دستور ندی؟ عمر سعد دستور ویردی من بولوندورم حسین جان ویروب یا نه دستور ویردی آتلارین نعلین عوض اله دیلر بیر ظلم ایدم گرک باجسی غصه مرگ اولا او اسناده قوشون یول آشدلار بیر طرفده قلب خونین بیر طرفده همهمه ای گون آزاد حرارتیوی یاندی قارداشیم بس گورموسن کی عالمه سلطاندی قارداشیم خانم یتیشدی او گودالین کنارینه باجیسی زینب کبری گلنده قتلگهه تعجبّیله نظر سالدی بیر یارالی شهه نه گوردی وار نه باشی نه لباسی پیکرده لباس سهلیدی، یوخدور بیلکده اللرده گورنده واردی نه باش نه لباس قارداشدا مدینه سمتینه یوز دوندروب الی باشدا آدیله سسلدی اوز جدّینی او دریا دل جفای اهل جفادن آچوب شکایته دل دیدی بابا بو حسینوندی قاننه غلطان کسوبدیلر دالیدان نازنین باشین عطشان یارالی جسمده واردور نه پیرهن نه قبا نه واردی خامس آل عباده بیرجه عبا عمامه سین آپاروبلار ستمله تاراجه یارالی باشی چخوب نوک نی ده معراجه #روضه_حضرت_زهرا_سلام_الله #فاطمیه ✨اَللّهُمَّ عَجِّل لِوَلیِّکَ الفَرَج✨

زبانحال حضرت زهرا سلام الله علیها افتخار کانالمون شاعر اهلبیت (ع) استاد بزرگوار حاج اصغر فرشچی (عدلی تبریزی) کانال معروف جامع شعر مذهبی ترکی و فارسی سبک: 🙏👇 ایران، اگر دل تو را شکستند. ➖➖➖➖➖➖➖➖➖ مولا تنگه گلوب سینم مِحندن آیری دوشور روحوم بدندن من دویمادیم بو قیز لاریمدان سن همسریم حسین حسندن 😭😭😭 مولا آتام اولوب هجره دایاندیم مشکل آچان غمینده یاندیم اود ویردی باب وحیه ثانی من اوردا قانیمه بویاندیم 😭😭😭 مولا ثانی منی بو حاله سالدی آلدی قباله صبرآزالدی ویردی او سیلی صورتیمدن اَیسَر الیله یوز سارالدی 😭😭😭 مولا بهاری نوگلی سارالماز یارام بو سینه ده ساغالماز آلوبلا حقوی بو درده اوُلر بتول عم اوغلی قالماز 😭😭😭 مولا صبرایلدیم جورو جفایه اولموب ایدم سندن گلایه سقط اولدی محسن سسلدیم من فضّه گله اولدم هرایه 😭😭😭 مولا وفا گولون درنمدیم من مُحسِنه سود ویرنمدیم من بو ایوده دورت بالا بویوتدوم طویلارینی گورنمدیم من 😭😭😭 مولا ویردیم سنه بو ایوده زحمت ایله حلال قورتولدی وصلت بیر نچّه ساعت من قوناقم من بیرگولودوم گوردی آفت 😭😭😭 مولا تمام زندگی هوسدی اون سگز ایل بتوله بسدی آسان ویرم جانی دعا ایت باقی بوجاندا بیر نفسدی 😭😭😭 مولا تاپشور من گزلینجه قبره گوز یاشیمی دوندرمه ابره قویما ملول قالسون بالالار لازمدی باش اگسونله صبره 😭😭😭 مولا گرجان ویره زینب آناسی قویما اوجالسون چوخ نواسی اوغلوم حسینیله قاباخدا واردور بلالی کربلاسی 😭😭😭 مولا قارداش باشین گورسه جداده گلمز او دم چوخ آه و داده بو قهرمان کربلادی طوفان سالار کربو بلاده 😭😭😭 «عدلی» بو شعری الده دوت بهانه سرشگی گوزدن ایت روانه شفاعت ایسته روز محشر قسم ویر اکبر جوانه 😭😭😭 التماس دعا 🙏🙏🙏

🏴#شهادت_حضرت_فاطمه_س 🏴#ترکی 🎤مداح :کربلایی سعید سلطانی ▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

حضرت فاطمه زهرا (س) سبک نوحه: 👇🙏 لای لای ای جبهه لرین یورگونی لای لای ای قدی بوکولموش نه نم ایوای لای لای ای صورتی سولموش نه نم ایوای گوزیاشین قانه قاتیبسان زینبی گوزدن آتیبسان کانال جامع شعر مذهبی ترکی و فارسی غصه لر بوکدی سنی ای گل طاها آغلارام بعد فراقون نه نه زهرا زینبی غم لر بش یاشدان انیسم گئتمه سن سولدی یوزوم ام ابیها گوزیاشین قانه قاتیبسان زینبی گوزدن آتیبسان بابامین قولارینی باغلیان عدوان یاده دوشدوخجه ائدیرزینبی گریان نه روا اولدی سینون مسمارا یانسین زینبه سس وئر آنا من سنه قربان گوزیاشین قانه قاتیبسان زینبی گوزدن آتیبسان نه جسارت ائلیب لر نه روادور بیرگلی لن بداقی سینسا جفادور سن یانیب سیندی بداقین نه نه جا نیم بعد سن زینبه هرگون ده عزادور گوزیاشین قانه قاتیبسان زینبی گوزدن آتیبسان سارالان حالیمه باخ بیر منه سس وئر گوزون آچ زینبی وه تازه نفس وئر آغلاشیر هم حسنین بیرده آتام تک بلبل غمزده یه یاخشی قفس وئر گوزیاشین قانه قاتیبسان زینبی گوزدن آتیبسان سید مجتبی موسوی(نعیم)

🏴#شهادت_حضرت_فاطمه_س 🏴#سبک_زمینه 🏴#ترکی 🎤مداح :کربلایی سعید سلطانی ▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

‍ زبانحال حضرت علی (ع) در شهادت حضرت زهرا (س) سبک : 👇🙏 عجب رسمیه کانال جامع شعر مذهبی ترکی و فارسی یارسول الله قلبیم داریخدی گئتدی اویمدن دلداریم ئولدی زهراسیز یثرب زندانه بنذر قالدیم کمکسیز غمخواریم ئولدی ئوز عاشقیندن گیزلتدی دردین یاندیم آلیشدیم بیماریم ئولدی پهلوسی یاره گئتدی مزاره زینبیم آغلار باشینده قاره غسلین وئرنده اوّل باشیندان معجرین آشدیم صبریم آپاردی گوردوم دگیبدی سیلی یوزوندن صول صورتینده ال ردّی واردی رنگیم سارالدی دیزلریم اسدی ئوپدوم الیندن گوردوم قاباردی پهلوسی یاره گئتدی مزاره زینبیم آغلارباشیندا قاره کانال جامع شعر مذهبی ترکی و فارسی یارالی جسمین بوکدوم حریره هجرانی آتش دنیایه سالدی باغلادیم بندین بیربیر ایاقدان باشدان کفنین بیر بندی قالدی قولّارین آچدی اطرافه باخدی بیردن حسینی آغوشه آلدی پهلوسی یاره گئتدی مزاره زینبیم آغلار باشیندا قاره تابوته قویدوم جسم نحیفین بیردن ئورکدن سسلندیم ایوای گوردوم اتاقدان زینبیم سسلور قارداشسیز ئولن ایوای ننم وای یاننام کول اوللام سندن نشانه قالدی حسنده گوشواره بیر تای پهلوسی یاره گئتدی مزاره زینبیم آغلار باشیندا قاره کلامی زنجانی

🏴#شهادت_حضرت_فاطمه_س 🏴#سبک_زمینه 🏴#ترکی 🎤مداح :کربلایی سعید سلطانی ▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

شام غریبان  حضرت فاطمه(س) سبک:👇🙏 یارالی جان یارالی جان سنه قربان یارالی شیعه لربوگئجه نی ناله وافغانه گلوب فاطمه وای دیوری شام غریبانه گلوب نیلی اولموشدی ئوزی قدی بوکولموشدی اونون قول سینوب سینه یارا الده ئولوب جانه گلوب توتولوب شام عزا     آغلویوری،  آل عبا زینب اوخشورآنایا   باشینه اوسالدی قرا مرتضی قبره قویوب سینه یارافاطمه نی توددولارشام عزا اولمادی بیرکس گلنی فاطمه الده ئولوب یاندی علی محنتینه اوخشویوب خورداجاقیزلاری اومظلوم ئولنی قلبینی ایلدی قان   مولادیوب فاطمه جان آتاواتاپشورورام    قبرین اولورایندی نهان سنی من تاپشورورام حضرت طاهایه گئجه قبره قویدوم بدنون قورخولو ماوایه گئجه دوت بالاآغلویوری دوزمورحسین محنتیوه سن گئدورسن گئجه نی جنت الاعلایه گئجه قئل شکایت آتاوا   ایله    حکایت آتاوا پشت درمحنتینی   سن ده روایت آتاوا بوگئجه فاطمه یه توتدولابیر شام عزا زینبی چکدی نلر یاده دوشوب کرببلا باشینه یغدی اوغولسوزلاری زینب اوگئجه نه چکوبلر اوگئجه یاندی ئورک آل عبا بیری سسلوردی بابا   اصغرآناسیدا بالا غارت اولموش بالالار  چوخ قولاغی  اولدی یارا صاحب آغلورغمیوه شام عزا فاطمه جان نه چکوبدوراوگئجه آل عبافاطمه جان زینبون سسلویوری دادینه قارداشلارینی یدی قارداشی ئولوب سالدی خانم باشه قرا قان ائدوب    گوزیاشینی سسلورحسین قارداشینی خولی مهمان آپاروب نیده حسینون باشینی به قلم افتخار کانالمون شاعر اهلبیت (ع) استاد بزرگوار حاج عباسعلی دهقان(صاحب)۱۴۰۱/۱۰/۵

🏴#شام_غریبان 🏴#سبک_زمزمه 🏴#ترکی 🎤مداح :کربلایی سعید سلطانی ▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴#شهادت_حضرت_فاطمه_س 🏴#مدح 🏴#ترکی ✍شاعر:کربلایی محمدرضا محمدی (ناعم) ▪️▪️▪️▪️▪️▪️▪️▪️▪️▪️▪️ شاهکارخلقت خلاق سبحان فاطمه لیله القدرخدا، مفهوم ایمان فاطمه گوهردریای عصمت در رخشان فاطمه ذکریاقدوسینه فوج ملایک مشتری دوقوزایل مولاعلینون همسری همسنگری کیمدی زهراخلقتیندن آسمانلارغرق نور ذکریازهرادی یاران جنته رمزعبور ماتمینده آغلیان واللهی گلمزحشره کور آغلاسادنیاده هرکس دخترپیغمبره لبلری خندان اولار والله گلنده محشره سینه لر اندوه و محنتدن یانارمحشرگونی امته هرراه چاره باغلانارمحشرگونی صوت این الفاطمیون قوزانارمحشرگونی حضرت زهرا قیامتده قیامت ایلیر فاطمیونی اوبلواده شفاعت ایلیر بیزده یازهرا، گلوب بزم عزاده آغلاروخ سیل اشکی ماتمونده بوعذاره باغلاروخ سن چکن دردی خانم، یاده سالوب دل داغلاروخ قویماسنده حشریده مستغرق نیران اولاق منکرون تک، بیزده فریاده گلوب نالان اولاخ آغلاروخ بیزده دمادم او اسفلی حالته قویمادی دشمن بالالارون چاتاامنیته اود ویروب اوچ یوزنفرظلمیله باب رحمته اوج ایدوب شعله ثریایه بالالارآغلادی مرتضانین اللرین ظلمیله ثانی باغلادی دامن مولانی دوتدون، ویردیلار ال چکمدون رشته ی مهرووفانی قیردیلار ال چکمدون بوسه گاه خاتمی سیندیردیلار ال چکمدون عرشیده احمدچاغوردی مرحبازهراسنه فرشیده زینب گلوب داده دیدی ایوای ننه ای قراکوینک گین، ایله مجسم صحنه نی قالدی زهرانون الینده شیرداوردامنی بیرخانم مغلوب ایدوب اوچ یوزنفراهریمنی سسلدی دخت رسولم شانیمی اسگیلتمرم مرتضادن تانفس وارسینه ده ال چکمرم والله ال چکمزدی زهرا جان چیخینجاشاهیدن امرایدوب حیدر که زهرا ال چکه دلخواهیدن امتثال ایتدی خانم امر ولی اللهدن مسجده ساری چکوبلرظالمانه حیدری گلدی داده بوستمدن گنبدنیلوفری یوخ رجوعیم نه اولوب، زهرانه رفتارایلدی مسجده گلدی خانم اوردانه ایثارایلدی خطبه لر ایرادایدوبدی غاصبی خوارایلدی کچدی گونلرماحصل زهرادوشوبدی بستره هرگونی بیرایل کچوبدی حیدر نام آوره آخرین گون باشلادی خورشیدخاورباتماقا سفله چرخ اولدی مهیازینبی آغلاتما فاطمه حاضراولوب خاک بقیعده یاتماقا مرتضانی سسلدی غرق مصیبت ایلدی دیل گلرگلمزخانم زهراوصیت ایلدی عرض ایدوبدی یاعلی جانانی تاپشوردوم سنه مجتبااول دیده سی گریانی تاپشوردوم سنه هم حسین هم زینب کبرانی تاپشوردوم سنه حکم تقدیریله من قبره روانم یاعلی من حسینیمدن ولی چوخ ناگرانم یاعلی یاعلی زهرایه شرح قصه ی هجران اوخی اگلش ای قرآن ناطق کوثره قرآن اوخی لحنوون مشتاقیم یاسین والرحمان اوخی صون نفس زهراییلن بیردم مقال ایله علی سن حسینون جانی زهرانی حلال ایله علی نیمه شب بوپیکری دفن ایتمگه همت ایله دفن ایدنده قبریمون دورین علی خلوت ایله بیرقدر اگلش صورادور منزله رجعت ایله قویماایوده چوخ اوشاقلارقلب زاری داغلاسون فاطمه جانی علی قویماحسینیم آغلاسون ماحصل دخت نبی نون یتدی اتمامه سوزی بیرقدرباخدی امامه لاجرم آخدی گوزی دیده ی زهرانی یاران باغلادی مولا اوزی سسلدی صرصرویروب گل مثلی سولدون فاطمه ایندی راحت یات که غمدن راحت اولدون فاطمه جان چیخینجاجامه ی اندوهی تندن سویمارام تانفس وار، فرقتونده آغلاماقدان دویمارام بیرگجه آسوده زهرابالشه باش قویمارام هرگجه گلم بقیعده شوروافغان ایلرم قلییمی سندنصورامن بیت الاحزان ایلرم گورنه عالمدور که غمدن سینه ی حیدریانور باخ شرارمحنته، هم عود هم مجمریانور حیدرون احوالینه خامه یانور دفتر یانور "ناعما"ساخلاقلم بومطلبه ویرخاتمه شعروون مزدین ویرر روزقیامت فاطمه ▪️▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین