مختصری در مورد ولادت و شهادت امام جعفر صادق علیه السلام @Navayebikas 🌗🟤🌗🟤🌗🟤 @Navayebikas اجازه اولسا منه گر خدای صادقدن قلم الیمده یازار بیر ثنای صادقدن اگرچه یوخدی لیاقت مدیحه یازماقینا وار انتظار ولی بو گدای صادقدن گیچنده هشتاد اوچ ایل هجرت پیمبردن صفا تاپوبدی جهان ،خاک پای صادقدن آتاسی باقر علم نبی اولوب مشهور او علمی صادر اولوبدور ، سرای صادقدن آناسی دختر قاسم دی اُم فَروَه آدی اوجالدی باشی اونون اعتلای صادقدن قویوبلا جعفر صادق آدین او گول بالانین صفا تاپوبدی صداقت ، صفای صادقدن اگر چه جعفر آدی نَهر آبه معنی اولور ولیک یَم یارانار بیر ندای صادقدن سؤوندی اهل مدینه گورنده چهره سینی فَرحلنوبله رُخِ دلگشایِ صادقدن ایشیقلانوبدی ولایت ائوی جمالیندان منوّر اولدی نور بَرملای صادقدن بویوردی جدّی کیم ایستور کی نامه ی عملین صاق الده ساخلیه لطف و سخای صادقدن گرکدی بَسلیه مِهر و محبتین دیلده خدا رضا اولا اوندان ، عطای صادقدن گوروبدی اون ایکی ایل زین العابدین باباسین نتیجه سی گورونر هر دعای صادقدن تاپوبدی نَشو و نَما جدّینین حضورینده آلوبدی درسینی دائم هُدای صادقدن وئریلدی مکتبه رونق جهاندا عِلمیله اوجالدی دین آدی الحق لوای صادقدن ائدوبدی تربیت افراد بیشماری امام آلوبلا دَرس لرین ، مقتدایِ صادقدن جهاندا چوخلی غَمَه مبتلا اولوب امّا چیخاردی نی کیمی ناله نوای صادقدن آناسی فاطمه تک یاندیریبلا درگهینی اوجالدی شعله سی ، دولتسرای صادقدن یاناندا درگهی گویا چیخوب اوزی قاپیه یانور اورک باشی بو ماجرای صادقدن بویوردی صبر ائلیون هرنه ایسته سز گتیریم گویول قوشی اوچوری کربلای صادقدن هجوم ائدنده قوشون خیمه ی حسینه طرف ندن حیا ائلمز ، سَر جُدای صادقدن الینده خامه یانور( بیکَس) آچما مطلبی سن یقیندی مطلب آلارسان دعای صادقدن @Navayebikas 🌗🟤🌗🟤🌗🟤 @Navayebikas #امام_صادق_ع #غارت #شهادت التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas

شهادت امام جعفر صادق علیه السلام (خرابه چراغونه امشب) @Navayebikas ⬛️🟪⬛️🟪⬛️🟪 @Navayebikas ویرار شیعه لر باشه یکسر یتوب موسم درد و محنت جفائیله منصور بی دین ایدوبدی جنایت مسموم اولوبدی بوگون شیعیانون آقاسی قوزاندی عرشه امامین اورکدن نواسی آهیله دولدی سراسر مدینه فضاسی یتشدی زمان عزاسی ایوای آقام وای آقام وای آقام وای(2) آقام وای آقام وای @Navayebikas ⬛️🟪⬛️🟪⬛️🟪 @Navayebikas اولوب صادق آل طاها بیر عمری غمیله هم آغوش یانوب قلبی زهر جفادن اولوبدی کفن پوش چوخ ظلم اولوبدی امامی ایدوبلر پریشان حاشا مسلمانه بیر بیله ظلم فراوان زهرا کیمین درگهین یاندروب قوم عُدوان اولوبدی همیشه اورک قان ایوای آقام وای آقام وای آقام وای(2) آقام وای آقام وای @Navayebikas ⬛️🟪⬛️🟪⬛️🟪 @Navayebikas یانور گرچه قلبیم بو غمده ولی دیلده آیری نوا وار اورک قانیله دولدی نیلیم غمِ کربلا وار دفن ایتدی کاظم آتاسین بقیعده نواخوان امّا حسینون وجودی قالوب یرده عریان توپراقلار اوسته یاتوبدی حسین قانه غلطان اولوب غسلی اَلقان ایوای آقام وای آقام وای آقام وای(2) آقام وای آقام وای @Navayebikas ⬛️🟪⬛️🟪⬛️🟪 @Navayebikas بودور شیعه لر افتخاری کی واردور بئله مقتداسی اولار جعفری مذهبی لر جهانین آقاسی بیر گون اولار عالمی چولقالار فقهِ جعفر مهدی گَََلر ریشه ی کفر و عصیانی پی لر اهل جهانی گلنده آقام شیعه ایلر گلنده بو سبط پیمبر ایوای آقام وای آقام وای آقام وای(2) آقام وای آقام وای @Navayebikas ⬛️🟪⬛️🟪⬛️🟪 @Navayebikas #امام_صادق_علیه_السلام #شوال التماس دعای فرج الاحقر مهدی عبادی http://eitaa.com/Navayebikas T.me/Navaye_bikas

شهادت رئیس مذهب جعفری امام صادق علیه السلام @Navayebikas 🌗❇️🌗❇️🌗❇️ @Navayebikas عزادار اولوب شیعه بوگون گییوب رَخت ماتم سراسر غمِ حضرتِ صادقیله یانیر سینه لرده اورکلر یتیم اولدی موسی بن جعفر سیه پوش اولوب عرش داور وورار باشه جنّتده زهرا قوروب بزم غم ایندی حیدر وار عشقیم اورکدن بو سالار دینه بو قلبیمده واردی هوایِ مدینه مولانا یابن الزهرا @Navayebikas 🌗❇️🌗❇️🌗❇️ @Navayebikas گینه دیلده وار سوز ناله بهار ابری تک دولموشام من عزاخانه اولدی مدینه خزانه دونوب باغ و گلشن باتوب یاسه آل پیمبر یانار غصه دن جانیله تن عجب رسمیدور رسم دوران یتیشدی گینه کامه دشمن عزادار اولوبدی گینه آل یاسین ملائک دوتوبدی بقیعین فضاسین مولانا یابن الزهرا @Navayebikas 🌗❇️🌗❇️🌗❇️ @Navayebikas سالیب زهر کین قلبینه اوت نواسی اوجالدی سَمایه یانار قلبیله سسلنوبدی آنا فاطمه گل هرایه الیمدن آلوب تاب و طاقت یوخ امّیدیم آخر دوایه مدینه اولوب کربلا گل آنا دوشموشم من بَلایه سالوب زهر ایاقدان پریشان و زارم بو آخر نفسده سنه انتظارم مولانا یابن الزهرا @Navayebikas 🌗❇️🌗❇️🌗❇️ @Navayebikas اَزَلدن غم و ابتلالر بیزه همره و همنشیندی ولی آل هاشم همیشه فدائیِّ آیین و دیندی بو آتمیش بش ایلده مصیبت انیسِ بو قلب حزیندی یاناندا قاپوم گوردوم آخر ائوین یانماقی چوخ چتیندی سَنون پشت درده جمالون سولوبدی اوگون اهلبیته قیامت اولوبدی مولانا یابن الزهرا @Navayebikas 🌗❇️🌗❇️🌗❇️ @Navayebikas بو مذهب بو مکتب جهاندا به اذنِ خدا زایل اولماز نقدری تلاش ائتسه دشمن اونون نیّتی حاصل اولماز بویوردی ئولن دَمده مولا کی پیرولاریم غافل اولماز نمازی سَبُک سایسا هرکیم شفاعت اونا شامل اولماز جَوازِ ورود بهشت بریندی عمل لر ایچینده نماز اصل دیندی مولانا یابن الزهرا @Navayebikas 🌗❇️🌗❇️🌗❇️ @Navayebikas #امام_صادق_علیه_السلام #شوال التماس دعای فرج الاحقر مهدی عبادی http://eitaa.com/Navayebikas T.me/Navaye_bikas

زبانحال حضرت امام صادق علیه‌السلام در آخرین لحظات عمر شریف (من اومدم دوا بشه / دردم) @Navayebikas 🔳🔺🔳🔺🔳🔺 @Navayebikas ایدیبدی خَصمِ دون منی / مسموم منی حیاتیدن ایدور / محروم بو وضع و حالیدن اولور /معلوم ئولوم یاخیندی زهریله دیل ایله یانیب / یا رب وصالیوه یولی آچیب / یا رب اورکده اللریم قالیب / یا رب ئولوم یاخیندی (بلالییَم بلالییَم / ایوای )3 ئولوم یاخیندی @Navayebikas 🔳🔺🔳🔺🔳🔺 @Navayebikas وطنده دوشموشم ائله/ درده کیم صبر ائدر بو نیسگیله / درده قوجانی کیم سالار بئله / درده یانیر وجودوم فغانیم عرشه قوزانیب / ایوای زَهریله قلبیم اودلانیب / ایوای آنام کیمی قاپیم یانیب /ایوای یانیر وجودوم @Navayebikas 🔳🔺🔳🔺🔳🔺 @Navayebikas آلِ علی درده اولوب / همدم آتشِ کین یاده سالیر / بیر غَم خیمه یاناندا نه چَکیب / عمّه ام اَمان او گوندن ناز اورگَنن اوشاقلارا / نولدی خیرداجا قیزلارین یوزی / سُولدی دیوللّه خیمیه قوشون / دولدی امان او گوندن @Navayebikas 🔳🔺🔳🔺🔳🔺 @Navayebikas بیجا یئره غم قلبیمی / سیخمیر سَرحدّ ِ صبری غم دئمه / یخمیر جدّیم حسین فکریمدن هیچ / چیخمیر یا رب نَظر قیل غملی اورک دینجَله جاق / بیر گون اَهلِ ولایت گوله جاق / بیر گون قان آلان اوغلوم گَلَه جاق / بیر گون یا رب نَظر قیل @Navayebikas 🔳🔺🔳🔺🔳🔺 @Navayebikas #امام_صادق_علیه_السلام #شوال التماس دعای فرج الاحقر مهدی عبادی http://eitaa.com/Navayebikas T.me/Navaye_bikas

عرض ادب خدمت امام صادق علیه‌السلام (السلام ای شَه بی قرینه) @Navayebikas 🌗🔴🌗🔴🌗🔴 @Navayebikas عشقیمه آگَه اولسون خَلایق اولموشام مَستِ صَهبایِ صادق عَبدِ دربارم ،دوزدی گُنَهکارم باخ گور گرفتارم ، عزیزِ زهرا حجّتِ خالق ، اولدوم سنه عاشق یا حضرتِ صادق ، عزیزِ زهرا ای فدا آدیوا ایل و تَباریم جعفری مذهبم ، وار افتخاریم یابنَ زهرا آقام یابنَ زهرا @Navayebikas 🌗🔴🌗🔴🌗🔴 @Navayebikas ای شِشُم حُجَّتِ ، ذاتِ یکتا دینِ پیغمبری ، ائتدون اِحیا مِهرِ تابانسان ، مِعیارِ ایمانسان مَعنایِ قرآنسان ، عزیزِ زهرا شیعه مولاسی آقالَر آقاسی ای لطف دریاسی، عزیزِ زهرا هر گجه ، هر گونوز اولدی شُعاریم جعفری مذهبم ، وار افتخاریم یابنَ زهرا آقام یابنَ زهرا @Navayebikas 🌗🔴🌗🔴🌗🔴 @Navayebikas رَشکِ جَنّت ائدیبسن بقیعی گویلوم ایستیر گورَم من بقیعی اولموری قسمت ، ای معدنِ رَحمت بیر وقفه یاز دعوت ، عزیزِ زهرا قویما گول سُولسون ، غَم دیللره دولسون وهّابی محو اولسون ، عزیزِ زهرا اولموسوز دَهریده عزّ و وقاریم جعفری مذهبم ، وار افتخاریم یابنَ زهرا آقام یابنَ زهرا @Navayebikas 🌗🔴🌗🔴🌗🔴 @Navayebikas حق یولوندا دایانماخ چَتیندی بیر فقط کارِ اَهلِ یقیندی قیل مدد مولا ، سَن بیل آنان زهرا شیعه قالیب تنها ، عزیزِ زهرا چوخدی درد و غَم ، ای سَروَرِ عالَم سیزسیز بیزه هَمدَم ، عزیزِ زهرا (بیکَسم) ای منیم دار و نداریم جعفری مذهبم ، وار افتخاریم یابنَ زهرا آقام یابنَ زهرا @Navayebikas 🌗🔴🌗🔴🌗🔴 @Navayebikas #امام_صادق_علیه_السلام #شوال التماس دعای فرج الاحقر مهدی عبادی http://eitaa.com/Navayebikas T.me/Navaye_bikas

در احوالات حضرت امام صادق علیه‌السلام @navayebikas 🌘🌘🌘🌘 @navayebikas تمامِ آلِ علی معدنِ سَخاوتدی همیشه پیشه لری لطفودی ،عنایتدی توسل ایتسه بیری آلِ حیدره دیلدن گورر کی غُصّه لری گیتدی یکسره دیلدن کَسوب علاقه می یکسر، هامی خلایقدن اُمیدیله یازیرام من امامِ صادقدن امامِ جِنّ و بَشَردی ، امامِ عالَمیان اولوبدی ریزه خورِ اِلتفاتی اهلِ جهان مُطیعِ امریدی ذَرّاتِ عالَمِ امکان تمامِ خَلق ،اولوب سُفره سینده چون مهمان سَلیلِ حیدرِ صَفدردی وارثِ کوثر اشاره ایتسه جَهیمه ، بهشت اولار یکسر ستونِ خیمه ی احکامی ایلیوب بَرپا ایدیبدی عِلمیله دینی، دوباره دن اِحیا اگرچه صولتی بَنذَر ، علیِّ اَعلایه غمینده اوخشاری واردی آناسی زهرایه شجاعتی آپاریب ارث، جَدّی حیدردن ایکی نشانه سی واردی ، یارالی مادردن اَزَل بودور کی یازیللار ، امامی جور و جفا اَریتدی جسمینی مانندِ حضرتِ زهرا زِ بَس جفا ائلیوب حضرته ، بو جورِ فَلک سولوب سارالدی جَمالی، آناسی فاطمه تک ایکیمجی اوخشاری زهرایه چوخدی عالَمده گوزوم دولوب یادیما غَملرین سالان دَمده جفائیله اوجادیب یثرب اهلی چون آهین آناسی فاطمه تک یاندیریبلا درگاهین وروبلار اود ائوینه شعله چَکدی اودلاندی گورنده شعله لری قلبینین باشی یاندی گوروبله آغلوری مولا ، بِسانِ اَبرِ بَهار سُوروشدولار سَبَبیندن ، امامِ عرش وقار سِرِشکی عارضه آخدیقجا ، نورِ دیده ی طاها بویوردی یادیمه دوشدی غروبِ کرب و بلا یاناندا خیمه لری جَدّیمون عَداوتیله قاچاردی قیزلاری صحرایه هول و وَحشَتیله یوخیدی بیر نفر اولسون مُعین و پُشتیبان قوواردی خیرداجا قیزلاری لشکرِ عُدوان یوخیدی هیچ بیرینون ، بیر اَنیس و غَمخواری فقط بیر عَمّه میدی ، قیزلارین پرستاری سِرشکی عارضه آخدیقجا وارثِ یاسین سالاردی خاطرینه ، غارتین قَضایاسین گُمان بیر آز اولارا ،گوشواره دن دانیشوب قولاخلاریندا اولان قانلی یاره دن دانیشوب شُماره غَملری گلمَز سایام اگر بیر بیر بلا و درد ئولونجَن ، او شَهدن اَل چَکمیر سالاردی یادینه کرب و بلانی آغلاردی یاناردی غُصّه لی قلبین دوباره داغلاردی شَبانه گَه ائوینه ایلیوب هجوم اَشرار دئموبله اَهل و عیالی بو شیوه دن قورخار سَواره حاجِبِ منصور ، پیاده شاهِ اُمَم ئولونجه آغلاماقا ،بَسدی شیعیه بو غم ایدوبدی قتلینه منصور نِچّه یول اقدام وَلیک حفظ ائلدی کِردگار ذوالاِکرام خیال ائتمه کی منصور ظُلمی ترک ایتدی او شاهی ایلدی مسموم مَقصده یتدی یغیبدی باشینه بیر بیر بالالارین اُول شاه وصییَتیندن اولا جمله عترتی آگاه خدا اَمانَتینی تاپشیریبدی موسایه دولاندیریب یوزونی خاندانِ والایه بویوردی کیمسه جهاندا نمازی سایسا سَخیف جَزا گونونده خُدادن آلانماز هیچ تخفیف نماز اِقامه سی واجبدی هر مسلمانه نماز مَرزیدی عالَمده کُفر و ایمانه نماز اولماسا بیر کیمسه جَنَّته گئتمز نمازی سَهل سایانلار شفاعته یِتمَز وصییَتین‌ قوتاریب آخدی گوزلری گیتدی تمام اوشاقلارینین قلبینی کباب ائتدی باش اوسته اهل و عیالی ائدیبدولر شیون بالاسی حضرتِ کاظم ائدیبدی غسل و کفن بَقیعه حَمل اولونوب عزّتِ تَمامیله اوغول آتانی ائدوب دفن احترامیله گُوزَلدی هر آتانی قبره تاپشورا اوغلی سِرِشکِ ماتمیله دیده دولدورا اوغلی اورکده صبر و توانی بو غَم ویرر باده چتیندی داغ جوان والدِینه دنیاده سِرشک گوزده گَلون مَنبع بُکایه گئداخ بقیعی ترک ائلیاخ دشت کربلایه گئداخ یتیشدی گوردی آتا جان ویریر جوان بالاسی توکور قانین یره بیر چشمه مثلی هر یاراسی سوروندی دیزلری اوسته ، باشین آلیب دیزینه اَگیلدی قویدی یوزون اکبرین سولان یوزونه بویوردی راحت اولوب عاقبت اوغول گئتدون بو چولده (بیکَس) و تنها آتاوی تَرک ایتدون @navayebikas 🌘🌘🌘🌘 @navayebikas #امام_صادق_علیه_السلام #شوال التماس دعای فرج الاحقر مهدی عبادی http://eitaa.com/Navayebikas T.me/Navaye_bikas