💠 #غدیر_خم ماجراسو 👈 دُردوموج بُلوم(قسمت چهارم) بخش اول ✍ نویسنده و ترجمه ترکی: استاد عظیم #سرودلیر ✅الأن بو آیه‌نین گُننَرمَه‌گین، اُلوب اُلاجاقونو بیله‌ئیزه دِئیَه‌رَم: ماجرا بویودو که جبرئیل اوچ یول منه نازل اُلدو؛ تارو (سلام) طرفین‌نَن- که اُنون آدلارونون بیریسی‌دی-‌ منه فرمان گَتیردی که من بوردا دورام. هر آغ و قارویا یِئتیرُم که #علی_‌بن_ابیطالب، قارداشوم،‌ وَصییِم،‌ خلیفَم، و من‌نَن سورا امام‌نو. هارون، قارداشو موسی یِئریننَه اُلان تَکی، اُدا منیم یِئریمنه‌دی ساوای بو که مَنَن سورا پیمبر گَلمیئَه‌جَگ. تارو و اُنون رَسولوننان سورا، سیزئی ولیّ و زمامدارویوز اُدو که خداوند تبارک و تعالی بو بارَه‌ده بو آیه‌نی مَنَه گُننَردی: "البته که سیزئی ولیّ و زمامدارویوز تارو و اُنون پیامبری‌دی، و اُ کَس‌لَر که ناماز قیلیلله و رکوع حالتیننه انفاق اِئلیللَه." بو علی‌بن ابیطالب‌ئیدی (ع) که ناماز قیلدی و رکوع‌دا انفاق اِئله‌دی، و هر حال‌دا نییتی عزیز و جلیل تارو‌دو. 🔸جبرئیل‌دَن ایسته‌دیم که بو پیغامو سیزه یِئتیرمَه‌گی منیم بوینوم‌نان گُتورَه. بونا گُرَه که تقوالی آدام آزدو،‌ منافق‌لَر چوخ‌دولا، گوناه صاحابلارو فساد اِئلیللَه، اُلاری که اسلامو اُیونچاغا توتوللا، خالخو آللادوللا. اُ آدام‌لار که تارو، کتابوننا، اُلارو بوجور تانوددورورو: "دیللریئینَنه بیر زاد دِئیِلله که اُرَگلَریننَه یوخدو. آلار بو ایشی یونگول توتوللا آما تارو یانوننا بُیوک بیر ایشدی (گوناهدو)" اُلار نِئچچه یول مَنی اینجیددی‌لَه. اُ یِئره‌جَن که منیم آدومو "قولاخ" قویدولا. بو نا گُرَه که من اُلارا چوخ قولاخ وِئریردیم،‌ چوخ گُزلَه‌شیردیم، تا اُ یِئرَه‌جه که عزیز و جلیل تارو بو باَره‌ده بو آیه‌‌نی گوننَردی: "بولارون بعضی‌سی پیمبری اینجیدیللَه. دِئیِلله اُ 'قولاخد و '. دِئگینَن –اُلارا که بِئلَه بیلیللَه اُ قولاخدو- یاخچو قولاخدو (برکت‌لی‌دی). تارویا ایمانو ، مؤمن‌لَرَه اطمینانو وار (خوش‌گوماننو)." اَیَه ایستیئیَم آدلارونو آپارام، باشاررام. اَیَه ایستِئیَم گُرسَه‌دَم بیلَه‌لَرینی، باشاررام. اَیَه ایستِئیَم بیلَه‌لَرینَه یول گُرسَه‌دم، یول گُرسَه‌دَ‌ه‌رَم. آما من ایشلَه‌رینه گُرَه، کریم‌لیگ و بزرگوارلوقونان ترپَه‌نیرَم. تارودا مَننَن بِئلَنچی تَرپَنمَگ ایستیری. اُ فقط ایستیری فرمانونو سیزه یِئتیرَم. 🔹بونو بویوراننان سورا ، حضرت بو آیه‌نی اُخودو: "ای پیامبر! تاروینان (علی گُرَه) نازل اُلانو یِئتیرگینَن. اَیَه بو ایشی گُرمه‌سَی، رسالتینی یِئتیرمه‌میشئَی. تارو سَنی خالخدان ساخلار." جماعات بیلین! تارو اُنو سیزَه ولی و امام اِئله‌یِیب. اُنون اطاعتینی کوچموش‌لَرَه (مهاجر‌لره) ، کومک اِئلیئَن‌لَرَه (انصارلارا)، اُلارون یاخچو تَرپَه‌نَن تابع‌لَرینه، چُلدَه اُتورانلارا، شهرده اُتورانلارا، عَرَبه، عَجمَه، آزادلارا، بردَه‌لَرَه، خُردالارا، بُیوکلَرَه، آغا، قارویا و تارونو بیر بیلَن‌لَرین هاموسونا واجب اِئلییِب. اُنون فرمانوننان اطاعت اُلوناننو، سُزو گِئچَننی، دستورو اجرا اُلوناننو،‌ مخالفی ملعوننو،‌ اُنون دالوجا گِئدَن تارونون رحمتین‌نَه‌دی. تارو اُنون سوزونو دوز بیلَن‌لَری و اُنون سُزلرینه قولاخ وِئرَنلرین هامو سونو، و اُنون دالوجا گِئدَنلری باغوشلایوب. آی جماعت! بو آخیر دفَه‌دی که بوردا دورورام. قولاخ وِئرین، اطاعت اِئلَه‌یِین، تارویوزدان فرمان آپارون. عزیز و جلیل تارو سیزئی معبودیوزدو. اُننان سورا، محمد سیزئی اختیار صاحابویوزدو. مَننَن سورا تارو و پروردگارویوز فرمانوینا، علی سیزئی اختیار صاحابویوز و یُول گُرسه دَنیئیزدی. اُننان سورا، یولا آپارماق علی اولادلاروننا اُلاجاق تا اُناجَن که عزیز و جلیل تارونو و پیمبرینی ملاقات اِئلییَه‌یِیز. تارو حلال اِئلییَن‌نَن ساوای هیچ زاد حلال دَگیل؛ تارو حرام اِئلییَن‌نَن ساوای هیچ زاد حارام دَگیل. تارو حلالونان حارامو منه اُرگَه‌دیب. مَننَه آللاه کتابونون علمی‌نی و حالال حارامونو علی‌یَه اُرگَدمیشَم. 🔹آی جماعت! هِئچ علم قالمویوب که تارو منیم اُرگَیمَه قویما‌موش اُلا. من‌نَه اُرگَننیگیم علمی امام المتتقین اُرَه‌گینه قویموشام. هیچ علم قالمویوب که علی‌یَه اُرگَدمَه‌میش اُلام. اُ امام مبین‌نی. 🔺 ادامه دارد.. ─┅─═इई 💦🌺💦ईइ═─┅─ 🌳 رسانه فرهنگی، اجتماعی #فامنین_گرام در سه پیام رسان تلگرام،ایتا و سروش👇 🌨☘️ @Famenin_Gram 🍃☘️