فقط متن سرود ولادت امام کاظم ع 💚🌷💚 وادى سینا شده دل وادى سینا به تجلاى موسى که کلیم خدا آید به تماشاى موسى معجز نور کرده ظهور مولا موسى بن جعفر به طواف حر م رفتم به هواى تو بودم همه جا با خیال تو به ولاى تو بودم کعبه ى من قبله ى من مولا موسى بن جعفر دل بیت الحرام عشق ز تو گیرد تمنا حجر الاسود هستى به تو دارد تولا مروه منا سعى و صفا مولا موسى بن جعفر چه لیاقت مرا مولا که کنى یک نگاهم منم آن عاشق مسکین که تو را از تو خواهم یک نفسم ازتو بسم مولا موسى بن جعفر دلم از کاظمین تو به خدا رونتابد نرود از سر کویت که به جز تو نیاید عشق منى جان به تنى مولا موسى بن جعفر تویى آن هفتمین مولا که ز هفت آسمانت ز ملک مى ‏رسد تبریک به دل شیعیانت بر تو امام عرض سلام مولا موسى بن جعفر جعفر رسول زاده (آشفته ) 💚میلاد امام کاظم ع💚

یاموسی بن جعفر(ع)🍁 کلامی زنجانی گل اهل کسا موسی بن جعفر دُر کنز خفا موسی بن جعفر شه ملک ولا موسی بن جعفر مه برج صفا موسی بن جعفر ائدوب دینین ادا موسی بن جعفر تاپوب مجد علا موسی بن جعفر بفرمان خدا موسی بن جعفر اولوب خلقه آقا موسی بن جعفر ائدر لطف و عطا موسی بن جعفر اوتانما سسله یا موسی بن جعفر سنون که وار فغانون ئوز غمیندن یانور دائم دلون سوزان دمیندن اؤ دردی گیزلدورسن محرمیندن عیاندی مشکلون پیچ و خمیندن یاپیش باب الحوائج پرچمیندن ندن نومید سن رحمت یمیندن غیور اول ئوپمه ناکس مقدمیندن ساغالمازسان اطبّا مرهمیندن اوزاق گزمه بو دکتر مخیمیندن کنار اولما تولّا عالمیندن سنه وئرسون شفا موسی بن جعفر اوتانما سسله یا موسی بن جعفر اگر سن کسب فیضه مایل اولسان حدیث من بکایه عامل اولسان گلوب بزم ولایه داخل اولسان اورکدن اهلبیته قائل اولسان قضاوتده نه خائن عادل اولسان در آل عباده سائل اولسان گزوب عشق عالمینده کامل اولسان تکبّر ایلمزسن فاضل اولسان ائشیت مندن ، دچار مشکل اولسان دئ دردون قرض الیندن خوندل اولسان ائدر بورجون ادا موسی بن جعفر اوتانما سسله یا موسی بن جعفر کیمون ئولسه ، یازورسان بستگانه گلوب وئرسونله تسکین یانه یانه عیان سؤزده نه حاجت وار بیانه اولور یوم عزا کسبون بهانه؟ دئمورسن تسلیت صاحب زمانه نه گلمیش همت همشهریانه بو غفلت درس اولار آیندگانه الا ای معتمد گل صادقانه ائداخ چاره بو درد بی امانه عزاده قاره پرچمدور نشانه غریب ئولدی آقا موسی بن جعفر اوتانما سسله یا موسی بن جعفر عزیزیم ایلمه کفران نعمت وئروب الله سنه جان سلامت گز امنیّت دیارین ائتمه غفلت نه واردی زلزله نه جنگ و غارت اگر جوشلانسا دریای طبیعت ائدر سیل عالمی کانون وحشت سو آلتیندا قالار کل جماعت الوندن دوتماقا وار کیمده قدرت مقرّبدور گنه اللهه عترت امام کاظمه قیل عرض حاجت ائدر دفع بلا موسی بن جعفر اوتانما سسله یا موسی بن جعفر گوزل مولا احبّانی چوخ ایستر مریدان تولّانی چوخ ایستر قوناق کیم گئتسه مهمانی چوخ ایستر عزاده چشم گریانی چوخ ایستر ز بس شاه شهیدانی چوخ ایستر حسینی فاطمه جانی چوخ ایستر اوجات فریادون ، افغانی چوخ ایستر ممالک ایچره ایرانی چوخ ایستر رضا جانی خراسانی چوخ ایستر دئ یا زهرا که زهرانی چوخ ایستر اولا سندن رضا موسی بن جعفر اوتانما سسله یا موسی بن جعفر اؤ حضرت بسکه ائتدی استقامت بو طرحی توکدی هارون، بی دیانت گلوب زندانه بیر خوش منظر عورت ورا یوسف کیمی اول شاهه تهمت نه گوردی بیلمورم، اولدی خجالت گلوب مأمور تحقیقه اؤ ساعت گوروب اول عورتی گرم عبادت دئدی توفیقوه اولدی نه علت دئدی قالّام اجازه وئرسه حضرت دولانّام باشینه مانند کلفت منی ایلر دعا موسی بن جعفر اوتانما سسله یا موسی بن جعفر اؤ مولا اون بیر ایل زنداندا قالدی رطوبی حبسیده گل تک سارالدی شمیمین قزلاری یللردن آلدی حجازین جوّی زندان تک قارالدی مصیبت کاظمینه سایه سالدی عزیز مصر اونا چاتماز محالدی دئدی معناده زهرا بو نه حالدی بالام هارون جفاسیندن قوجالدی نه زهرا ناله ی زنجیر اوجالدی بو قرمز قاندی یا بوینوندا شالدی چکوب گورنه جفا موسی بن جعفر اوتانما سسله یا موسی بن جعفر خبر هارونه گوندردی نگهبان قوناقون وئردی جان ای خانه ویران چاغوردی دورت نفر حمّال اؤ نادان قویوبلار میّتی ای اهل ایران کیچیک بیر نردبان اوسته پریشان اؤ وضعه غرفه دن باخدی سلیمان دئدی دنیایه سروردی بو سلطان دوشوب سس شیعه لر گلدی هراسان باخ اول تشییعه سسلن جان حسینجان قالوب چولده حسینون جسمی عریان شبیه اولماز اونا موسی بن جعفر اوتانما سسله یا موسی بن جعفر

حرمت سادات و حضرت امام کاظم علیه السلام🍁 حاج ولی الله کلامی عالمی ظلمت دوتار نور سماوات اولماسا دوز یولی سالک تاپانماز الده مشکات اولماسا گیزلنر نور سیادت نسل سادات اولماسا ذات حق قرآنیده ساداته شخصیت وئروب آل طاهایه ذوی القربائیله عزت وئروب سیّده کیم احترام ائتسه پیمبر شاد اولار هرکسه سید ائده نفرین ائوی برباد اولار نور ساداتیله انسان حق یولا ارشاد اولار ساخلاسا هر سید ئوز اجدادینون حیثیتین فاطمه اوندان ایکی دنیاده کسمز الفتین صاحبان جود و احسان اکثری سیددیلر حافظان کل قرآن اکثری سیددیلر ناشران عدل و برهان اکثری سیددیلر جایگاه بو قبیله قرب پیغمبرده دی بو شجر خشکیده اولماز ریشه سی کوثرده دی تاپشوروب طاها هامی ائتسون بو قومه احترام جدینه خاطر گورنده سیدی سن وئر سلام گلسه پیغمبر بالاسی مجلسه ایله قیام سیده کیم ائتسه توهین عایدی احساسیدن یابنی مرواندندی یا بنی عباسیدن بعد پیغمبر اولار که دام فتنه قوردیلار قورخولی بیرکوچه ده زهرایه سیلی ویردیلار یا اولشکر که حسینون خیمه سین یاندیردیلار هامّوسی ایستوردی ساداتین کسیلسین ریشه سی غافل از اینکه بلاگرداندی حق اندیشه سی کربلاده قتل عام اولدی حسینله اهل نور قالمادی زین العبادن غیری اولاد ذکور کوثرین اعجازینه حیرانم ای اهل شعور باخسان اون دورت قرنیدی خیر کثیرین اصلی وار هر یره دوشسه یولون اوردا حسینون نسلی وار عاشقم بیر سیده سیدلرین مولاسیدی موسوی لر باشینون تاجی شرف معناسیدی ناز ائدر موسالره بو فاطمه موساسیدی شانلی سلطانلار او شاهون درگهینده بنده دی تاسیادت ئولمیوب موسی بن جعفر زنده دی عاشقم بیر سیده دوشموشدی ائللردن اوزاق اون بیر ایل زنداندا قالمیشدی او مأنوس فراق تاج زرّینِ مدینه شمع ایوان عراق باصفا قبری دیار کاظمینه افتخار امتحان و صبری اولاد حسینه افتخار عاشقم بیر سیده هارونه باش اَندرمدی دشمنان اهلبیته دست بیعت وئرمدی نور اسیر ظلمت اولدی اون بیر ایل گون گورمدی قورخولی زندانیده ذکر حق سبحان دئدی جان چخنجا سینه دن یامرگ یا قرآن دئدی عاشقم بیر سیده ساداته شخصیت وئروب قوللاری باغلی جهانه درس حرّیت وئروب اوغلونون قبری خراسان ملکونه عزت وئروب سویگولون ایرانیان باوفایه تاپشوروب یوخ غلط یازدیم که ایرانی رضایه تاپشوروب عاشقم بیر سیده عشقی دل سوزاندادی قبری بغداده یاخین روحی بیزیم ساماندادی زائران کاظمین معصومه سی ایراندادی هم قما هم مشهده حق اولدوزیلان آی وئروب بو باجیلان قارداشی ایرانیانه پای وئروب عاشقم بیر سیده زنجیره باغلاندی قولی سرور سادات عالم راه قرآندور یولی باش قویاردی سجدیه قلبی ملالیلن دولی عرض ائدردی بارالها راضیم تقدیریدن عاشقم آزاده یم اندیشه یوخ زنجیریدن

ولادت‌آقا‌موسی‌ابن‌جعفر(ع)مبارک ای آفتاب حسن به زيبائيت سلام وی آسمان فضل به دانائيت سلام درصبر شاخصی‌به شکيبائيت سلام تنها تو کاظمی که به تنهائيت سلام

اوخشامالار: با نوای استاد زاهدی 👌👌 آخدی گلاب غم یره سولدی گل یاسیم باجی جان ویردی نخلستانیده غیرتلی عباسیم باجی گل دوت الیمدن زینبیم الرده ئولدی قارداشیم دنیا دولاندی باشیمه آیرلدی مندن یولداشیم دشمن ایچینده آغلادیم آخدی عذاره گوز یاشیم گیتدی الیمدن حیف اولا قیمتلی الماسیم باجی آلدیم داغلمیش باشینی اولده یورقون سینمه سیلدیم گوزون ئوپدوم یوزون ائتدیم بو نوعی زمزمه تک قویما عباسیم منی یوخ طاقتیم بو ماتمه چوخ سسلدیم سس ویرمدی حیف اشجع الناسیم باجی

شیعه لرآماده اولسون فصل ماتم باشلانور گرم اولور عشق آل ویری یعنی محَرَم باشلانور مشتری هرکیمدی گلسون عشق دانشگاهینه نقد جان الده گتورسون زینبون درگاهینه کربلا جنّتدی آند اولسون ربابون آهنینه فصل تَکریم شهیدان مُعَظّم باشلانور شعر حُریّت اوخور هر بنده که آزاده دی جوش ایدن قانلار محبّت ساغرینده باده دی عشق اودیندا یانماقا پروانه لَر آماده دی جسم بی جانلار، مَسیحادن آلا دَم باشلانور جاودان نعمتدی ذکر یاحسین انسانلارا عشق ممتازی اونون فرمانروادور جانلارا بیز حسینون مستیوک، آمادیوک طوفانلارا لطف حقدن احتزاز قاره پرچم باشلانور گوز یُومار صرّاف لر، یاقوتیدن اَلماسیدن سینه لر آئینه تک تصویرآچار احساسیدن آز قالور دوتسون حَرَملَر دامن عباسیدن قصۀ لب تشنگانِ نَهر عَلقَم باشلانور نینوا بیر یردی اوردا نقدجان سُوداسی وار نیمۀ شَبدَه، حسین وساربان سُوداسی وار غارت اخیام وار، تیر و کمان سُوداسی وار اصغرون اوخلانماقی، قول باغلی کَم کَم باشلانور آزقالور دست حسین دامان دلبر دوتماقا آزقالور یتمش ایکی باشسزبَدَن پَردوتماقا آز قالور زهرا قیزی مقتلده خَنجَر دوتماقا ای حسینچی، باغلا اِحرام عَزا، غَم باشلانور ✍ استاد سیفی اردبیلی

روضه حضرت زینب(س) نه کوینک عالم امکاندا رتبده تکدی آناسی فاطمه نی آغلادان بو کوینکدی نه کوینک عالمه نشر ایدیبدی قرآنی مین اوچ یوز ایلدی سویوبلار یولمویوب قانی بولوسن بو کوینگین اوسته من باشیمی هارالارا چالمشام دولانوب سویان دالیجا حسین یانایانه آغلیوب آلمشام آغاروب ساچیم بوکولوب بئلیم بو  غربتده  الله  ، گوزوم  یولدادی که دردیم دواسی، اوزون قولدادی خبر یوخ ائلیمدن ، دوتار کیم الیمدن،  یوزوم گولمدی حسن چوخ یوباندی ، ابوالفضل اوتاندی ، حسین گولمدی باجی  جان   ویرنده ،  باخار    قارداشا ولی  غملی  زینب ،   باخیر  داغ   داشا بو  حسرتله   عمریم ،  یتیشدی   باشا منه   داغلار   آغلار  ،  منه   داشلار    آغلار  ،  باغی   نیلیرم منه    کربلاده  ،  کسیک    باشلار     آغلار  ،   باغی    نیلیرم

زبانحال حضرت صغری (س) در فراق حضرت علی اکبر (ع) 🎵سبک:ویرانه ده نازلی بالام... 📝◾️مرحوم نادری چوخداندی یثربده علی یاننام فراقونده حسرت گوزوم قارداش قالوب باغلی اطاقونده اولموش وطن غربت منه یوخ مونسیم قارداش صبح و مسا شغلوم اولوب گوزدن توکم قان یاش یوخدور ائلیم بی‌‌مادرم اولدوم عجب کلباش آغلار گوزوم دائم گزور قارداش سراقونده گیتدون عراقه یا علی من باغریقان قالدوم جسممده کی جانیم گیدوب چوخ ناتوان قالدوم بیر دودماندور بیر منم ائلدن نشان قالدوم گل بیر گوروم تا جان ویروم آسان قباقونده یوللاردا مدتدور قالوب آغلار گوزوم قارداش آخر نه مدت هجریوه بوردا دوزوم قارداش دردیم چخوب اندازه‌دن چوخدور سوزوم قارداش خوشدور ویره بلبل اگر جان گُل قوجاقونده ای یوسف گُل پیرهن قویدون منی حسرت سن وعده ویرمشدون طویا صغرا اولا دعوت قالدی ئورکده نسگلیم طوی اولمادی قسمت نالم جهانی یاندورور گور عرش طاقونده اوچدی چمن بلبل لری کاشانه‌لر قالدی خاموش اولوبدور شمعلر پروانه‌لر قالدی کوچ ایلیوبدور آشنا بیگانه‌لر قالدی اولدوم وطنده بی‌وطن یادلار سیاقنده من دام عشقونده علی چوخدان گرفتارم سسلر دلیم، گوزلر گوزوم هر وقت بیدارم گوزدن دوشن صغرا منم بیمار و تبدارم بی مادر و بی‌یاورم ایولر بوجاقنده بستر یریم، منزل قفس بیر مرغ پربسته یوخ طاقتیم چون ناخوشام جانیم اولوب خسته هر گون بو حالیله گلوب دوررام یولون اوسته یانّام شرار عشقیوه محنت اؤجاقنده رویاده گوردوم سینه‌می چرخ فلک داغلار باشون یاراسین خیمه‌ده عمم ئوزی باغلار تاراج اولوبدور گلشنیم مرغ دلیم آغلار گوگلوم قوشی اوج ایلیور وصل اشتیاقنده قان موج ایدوب دریاکیمی خونین اولوب علقم عباس عموم قولسوز دوشوب یرده یاتوب پرچم قاسم طویی یاسه دونوب قان آغلیور عالم گوردوم بابام قانه باتوب اصغر قوجاقونده یاز «نادری» صغرا یانوب گل تک نجه سولماز هر باجی ایستر قارداشین صغرا کمی اولماز سو مشکنه هر جنگده القان گلوب دولماز ام البنیندور آغلیان سقا فراقنده #حضرت_صغری

زبانحال حضرت زینب کبری (سلام الله) در فراق مادر 📝◾️مرحوم نجمی تبریزی ای سحر اولدوزی چوخ تیز نیه باتدون آناجان گوزدن اشکون کیمی بو زینبی آتدون آناجان نجه بو دهریده سنسیز آنا کامه چاتارام تا وارام اودلی بو بیر محنتی باشدان آتارام بستر نازه قویوب باش نجه راحت یاتارام سن که قویدون یوزیوی توپراقا یاتدون آناجان بوش یرون گون کیمی بو ایوده ز بس جلوه لنور اودی باران کیمی گوزن یوزه اشکیم النور دامنیم خون دله سیل سرشکه بلنور قلبیمون قانینی گوزیاشیمه قاتدون آناجان وار یری آغلاسا بو حاله ثریّا و سمک آیریلیق آتشینه ووردون آنا یاخشی اتک سن گیدوب شوریله قویدون من بیچاره نی تک آناوای ناله می افلاکه اوجاتدون آناجان شاد اولوب بیرده بو عالمده نه نوعیله گولوم غصّه مرگ ایلدی غملر سنی قربانون اولوم هر نماز اوسته دعا ایلیوب ایستردون ئولوم مستجاب اولدی دعا مقصده چاتدون آناجان غصه لردن آنا دنیا سنه بیر زندانیدی یوزده گوزیاشیوین هر قطره سی بیر مرجانیدی اودلی قلبون دولی بیر جامیدی لخته قانیدی تا اجل درک ایدوب اول جامی بوشاتدون آناجان جان قویار حال حیاتنده جهاندا آنالار یتورر شاخه ی امّیدیده غنچه بالالار آنا ئولسه بالالار صرصر غمله سارالار دورت گلی غنچه زمانینده ساراتدون آناجان یتمیش اوچ گوندی هله سرور بطحا ئولومی تازه لندی سنیله حضرت طاها ئولومی نجه پوزماز قیزوی زهره ی زهرا ئولومی مصطفی یاسینه اوز یاسیوی قاتدون آناجان مرتضانون آنا قان ایلمیسن اشک ترین بیرده سندن سورا بشّاش اولا دنیاده چتین آز دگولدی اونا بو غم که اولوب خانه نشین سن جوان ئولدون او مظلومی قوجاتدون آناجان «نجمی» بو غمده چوخ آغلار آنا چوخ داده گَلَر بزم ماتمده سنق نی کیمی فریاده گلر سن کیمی غمزده بیرده دیمه ایجاده گلر چوخ بیوک غملره آز عمرده باتدون آنا جان #فاطمیه

#میرزاوند با نوای: جواد مقدم 🧡🧡🧡 😔😔😔 غروب جمعه ست دوباره، دل تنگم بونه داره از هر که دیدید بپرسید، کجا آقام خونه داره باز من و گریه من و زاری، باز نشد رفع گرفتاری باز نیومد یار که میخونم، از همین شعرای تکراری نمیدونُم بهاره یا خزونه فلک با عاشقا نامهربونه جوونیم رفت‌وآقامو ندیدم غم این دل غم مرگ جوونه اَمون ای دل ، وای اَمون ای دل ، وای اَمون ای دل بیا تا سو داره چشمام، ببینم چشماتو مولا بیا آقا تا بگردم، به دور اون قد و بالا گرچه ما آقا گنه کاریم، خیلی به اشکات بدهکاریم پیش ما بدها بیا یک سَر، خوبها دل دارن ما هم داریم به خوبات سر میزنی مگه بدا دل ندارن یه سرم به ما بزن ای خوب خوبها آقاجون اَمون ای دل ، وای اَمون ای دل ، وای اَمون ای دل نمیدونم‌دلم دیونه کیست کجا‌میگردد و در خونه کیست ای دل، ای دل، ای دل نمیدونم دل سرگشته ما اسیر نرگس مستونه کیست اَمون ای دل ، وای اَمون ای دل ، وای اَمون ای دل لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#شعر زیبا در شأن کربلا نه کربلا آدی عالمده گلستان بهشت آدینون عاشقیدور جمله ساکنان بهشت نه کربلا غم هجرینده شیعه لر آغلار صباخ و شام یوزه گوزیاشی الر آغلار نه کربلا نه گوزل باصفا گلستاندور ولیک گللرینون باغری لاله تک قاندور نه کربلا هامی آفاقی شوریله دولدی امیر لشگریله شاه قول بویون اولدی نه کربلا که اونون تلّ زینبیه سی وار اوتلّیده خانمیم زینبون حزین سسی وار همان او یر خانمون گوزیاشی آخان یریدی یارالی قارداشینا بویلانوب باخان یریدی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#شعر زیبا در شأن کربلا نه کربلا آدی عالمده گلستان بهشت آدینون عاشقیدور جمله ساکنان بهشت با نوای استاد زاهدی👌👌