نوحه حضرت رقیه ( س ) 😭😭😭😭😭 یتیمه  بیر قیزام  بابا یارالیام  یارالیام باشیمدا قاره  معجریم عزالیام عزالیام -------------- بابا بابا ديور  ديليم آخور  عذاره گوزياشيم نه وارعليّ اكبريم  نه واردي خيردا  قارداشيم خرابه يرده گوزياشيم اولوبدی یار و یولداشیم نواليام  نواليام   نواليام  نواليام _ نيه بو نازدانه وی  گوزوندن آتموسان بابا مني گوزوندن آتموسان مرامه چاتموسان بابا گجه چاقيندا من اوياق  هاياندا ياتموسان بابا فراقوه   دوز نمورام    ياراليام   ياراليام _ خرابه گوشه سينده گل بالووي آل قوجاقوه آلاندا سن  قوجاقوه دوداق  قويوم  دوداقوه گرگدي جاني بذل ايدم  سنون گوزل اياقوه ديم  بابا گوزل بابا  وفاليام   وفاليام غروب اولاندا بو یره گلور بو شامون اهلی چوخ گلن باخوب منه دیوريتيمه دورآتاسي يوخ دلور بو طعنه لر منيم   اورگيمي مثال اوخ باشيم بلا ليدور بابا  بلاليام  بلاليام _ آخوندي ايستيور گوره منيم مزاريمي بابا منيم فراقيم  ايليوب  يانان ديلین  بابا يارا رقيه واي رقيه جان    اولور   ياراسينا   دوا ديور منيم كيمين  اودا  عزاليام  عزاليام                 رباعی یتیمت را پدر جان یاد کردی  مرا زین  آمدن.  دلشاد کردی  در این ویرانه این ویرانه دل را به یمن  مقدمت   آباد کرد

🎼سبک نوحه فوق👆👆 😭😭😭😭 یتیم بالالار قربان خانم رقیه 🎤#بانوای_حاج_علی_سیفی_افشار

   احوالات حضـرت رقیـّه (س) ((آهنگ تو مشگتوبه آب زدی))    چوخ آغــلاما خرابـده گوزوم ضیاسی آی بالا سرشگیله دولان گوزون بیبون فداسی آی بالا سولوبسان گل تک اولوبسان پرپر رقیه مــلال و غمـدن سـارالدی گـوزلر رقیه اوقـدری ویران سـراده فریاده گلـدون یانــوب احـوالــونده آل حیــدر رقیه              رقیــــــه وفـالی              حسیـنون مـارالی                 🌷🎄🌷🎄🌷 ادبلــی مهــربان بـالا سه سالـــه قهرمان بالا کجاوه لرده شامه جک نوالی نوحه خوان بالا اولان همــدم زینــب نـالانه رقیه اولوب سینون ظلمیله غمخانه رقیه یاناردون غم مجمرینده اشرارالینده گلــه لعنـت دشمــن دورانه  رقیه             رقیــــــه وفـالی             حسیـنون مـارالی                  🌷🎄🌷🎄🌷 اولوبـــدی نیلــی صورتون عزیزحی لامکان دوشوب گوزه جفائیلــه ستم الیلــه لخته قان آنام کیمی واریوزونده سیلـی نشانی آلورغمدیده بی بیـوندن تاب وتوانی سن آغلورسان قان اولور اورکلرغمونده نجه سیلیم صاق گوزونده کی لخته قانی               رقیــــــه وفـالی               حسیـنون مارالـی                🌷🎄🌷🎄🌷 ورانداسیلــی زجردون نوایه گلمدون ندن الون عذاروه قویوب ملالون ائتمدون علن یانوب اوحاله یقین عرش اهلی سراسر گــلوب معــناده نوایه زهرای اطــهر ملالــونده قان اولار اشگــی عالمینون توکـوب رخساره سرشگ محنت ملکـلر               رقیــــــه وفـالی               حسیـنون مـارالی                 🌷🎄🌷🎄🌷 یانوب فــراقه آغلوسان آخورعذاره گـوزیاشون خـرابــده ائـدور نـوا تمـام یــارو یولداشون چخـورسپهــره شــرارآهون نهــانی دوتوبدی معناده افغانون نـُه سمانی سنـون ملال و مصیبتون دفتــرینده گرک یازسون موبه مو یازاندا (جوانی)              رقیــــــه وفـالی              حسیـنون

مقدمه برای مجلس روضه حضرت رقیه سلام الله علیها مرحوم سید حسن خوشزاد علاج دردیمه سقراطدن دوا یازیلوب دوا اثر ایلمز نسخۀ فنا یازیلوب جهان طبده مبهوتدور ارسطولر خدا گر ایستسه معلومدور شفا یازیلوب مداد رمزیله دئ دردیوی ابوالفضله که علم طبّده عباسه مرحبا یازیلوب حسینه نوکر اولان اوزگیه غلام اولماز حسین نوکری خالصدی بی ریا یازیلوب حسین نوکرینه جام و جم نه لازمدور که کربلا آدی جام جهان نما یازیلوب خلوص نیتله قوی قدم او درباره که شاه دفترینه سن کیمی گدا یازیلوب ویرنده فاطمه برگ عبور محشرده همان او برگده یتمش ایکی فدا یازیلوب ایدوب پیمبر خاتم او برگه نی ممهور حسین قانینه الله خونبها یازیلوب من عاشقم او گذرنامیه که ذیلنده مدینه و نجف مکه و منا یازیلوب نه تئز بو مطلبی آزدون قلم خطا گیدون کتاب عشقده بیر اوزگه ماجرا یازیلوب گرگ رقیه ویره نسخه طبابتوی همان او نسخه که ذیلنده کربلا یازیلوب باش اَیمه مردم نامرده دهرده «خوشزاد» که صفحه دلیوه کلمه خدا یازیلوب

از ناقه افتادن حضرت رقیه( س) به قلم کربلایی صابر ثمودی سبک ای شمع حرم خانه 🏴🏴🏴 بو قورخولی صحراده قالدیم بی بی جان گئتمه بی یاور و تنهایم بو چولده دایان گئتمه واگیر دردیمین درمانی گئتمه آی عمه گوزلرون قربانی گئتمه آی عمه 🏴🏴🏴 بیردن بو دل شبده عمه گوزومی آچدیم ال باشه قویوب عمه هر سمته طرف قاچدیم غمللر یوکونی عمه غملی سینمه ساچدیم غملر گونی یولداشیم ای جسمیمه جان گئتمه 🏴🏴🏴 وحشتلی بیاباندا قالدیم بی بی آواره بو قورخولی صحراده عمه گزورم چاره قاچدیم او قدر عمه اولدی ایاقیم یاره آخدی یارالاریمدان ایندی بی بی قان گئتمه 🏴🏴🏴 سن مهر وفا رختین علّت نه اولوب سویدون ایستکلی رقیه نن بو تئزلیقا سن دویدون بو غمکش دورانی چوللرده مللر قویدون اولدوم بو بیاباندا مین درده نشان گئتمه 🏴🏴🏴 سویله عموم عبّاسه چوللرده بالام قالدی بو ظلمت شب مندن آرام و توان آلدی باشیمی فلک عمه مین درد و غمه سالدی بو چرخ فلک وئرمور بیر لحظه امان گئتمه 🏴🏴🏴 بو قورخولی صحراده گلدیم بی بی افغانه گوز یاشیم آخور عمه دیدمده یانا یانه لطف ایله قدم ساخلا رحم ایله بو نالانه اولدوم بو بیاباندا من اشک فشان گئمه 🏴🏴🏴 عالم بیلیر آی عمه محنتلی اسیرم من غم قافله سی ایچره دُردانه امیرم من شامه یئتیشم سالم اوچ یاشلی سفیرم من تختدن یئره ظلامی وقریله سالان گئتمه 🏴🏴🏴 بیر بیله غمه دوشسه نِینَلرَ آدام سیزلار واضحدی قالار چولده عمه آتاسیز قیزلار احوالیمه بو چولده قان آغلیار اولدوزلار ای قیدیمه هر یئرده مِهریلَه قالان گئتمه 🏴🏴🏴 گل عمه ایاقیمدا تئز یاره لری باغلا آل سن منی آغوشه احوالیمه یان آغلا بو غمده( ثمودی) گل آغلا سینوی داغلا آغلور بو مصیبتده هر پیر و جوان گئتمه 🏴🏴🏴

سبک نوحه #حضرت_رقیه_سلام_الله_علیها جناب آقای اختیاری #آواز_دشتی

به نام خدا # نوحه_زمزمه #شهادت_حضرت_رقیه_سلام_الله_علیها # سروده_رقیه_سعیدی_کیمیا سبک: دوس دارم نگات کنم توهم منو نگا کنی... 😭😭😭😭😭 خواب دیدم با ذوالجناحت/ اومدی کنار من دستا تو کشیدی  رو / چشمای غصه دار من دیده بودی توی خواب /چقد پریشونت بودم  روز و شب توی همین/ خرابه گریونت بودم قلب بی تاب  منو / دیدی  و  با  سَر اومدی مث  خورشید، میوونِ /ستاره ها در اومدی بابا جون خوش اومدی / به کنج  ویرانهء ما روشن  از  نور تو  شد / گوشهء غمخانهء ما سر به رویِ دامنم / بذار که خیلی خسته ای این همه راه اومدی /پلکی رو هم  نبسته ای بابا جون به صورتِ / زخمی و گلگونت سلام به  لبِ  بریده  و / شکسته  دندونت  سلام بابا جون به ما میگن/خارجی ، یعنی چی بابا؟ دخترای شامی هم / به ما یتیم میگن چرا؟ بابا  جون  بِهِم  بگو  /، «مَنِ  الّذی اَیتَمَنی »؟ یا به  دخترای  شامی / بگو  بابای  منی بابا جون یادش بخیر/ همیشه رو  دوشت بودم بابا جون یادش بخیر / زینت آغوشت بودم می کشیدی  دستا تو / همیشه  رویِ سرِ  من حالا نیست دستای تو / پاک کنه اشک تر من چی شده  دستای تو / میگن  بریده  ساربان لب و دندونت رو هم /شکسته چوب خیزران دوس دارم همین سرت /تا صبح کنارم بمونه قصه ی کرب و بلا رو / برام  از  سر  بخونه دوس دارم  بِهِم  بگی / علی اکبرم کجاست یا که شش ماهه گلم / علی اصغرم کجاست یابگی عمو چرا /رفت و سری به ما نزد وقت غارتِ حرم / سری به خیمه ها نزد بابا جون یادم  میاد / وقت خداحافظی مون با چه حالی دستامو / سپردی دست عمه جون از همون لحظه دیگه / عمه برام سپر شده بس که تازیونه ها / خورده شکسته پر شده دیگه بسّه بابا جون /که خیلی زحمتش دادم با خودت ببر منو / چون  دیگه  از پا افتادم بابا جون عمه میگه / شدم  شبیه مادرت  توی این سه سالگی / خمیده قَدّ دخترت اومدی توو دل شب / تا دلم  آروم  بگیره می دونی بدون تو / دلم از این دنیا سیره به دلم برات شده /جدایی مون تموم میشه دل من  فقط ، بدون/ کنار تو  آروم  میشه ای خدا مثل رقیه /  هیشکی بی بابا  نشه تویِ قلب کوچکش / داغ  یتیمی  جا نشه ▪▪ """ """▪▪ """ """ ✏رقیه سعیدی (کیمیا)

سنی کیم شهید ایلیوب بابا .......بیزی بیله دربدر ایلیوب آتاسیز قویوبدی رقیه وی....گیجه گوندوزی ملر ایلیوب..... بلوسن ئوزون که یاتاندا من......سیخیلام گرکدی قوجاقووه باشیما الون چکسن ئوزون....چالاسان لا لایی اوشاقووه نچه گوندی هیچ دیموسن قیزون.....دوزه بیلمز آخی فراقوو بابا جانی آیرلقون منه.....او شیرین لری زَهَر ایلیوب.......... بابا چوخ وارومدی سوزوم دیم ......سنه ساربانیله زجریدن بی بیم اوخشویاندا ایشتمیشم...... ستم و شقاوت شمردن هله چوخدا شاکیدی عمه لر .......هاموسی قساوت خولیدن منه دینه کیمدی بو دورد نفر.....سنیلن بولار نلر ایلیوب....... نچه گوندی گوزلیورم بابا...... نه عموم گلیر نه ده اکبریم ننم هی ساغیر صودونی یره ....... هارا بس گیدوب علی اصغریم هاموسون گوزتلیورم بابا........باخ ئوزون دعا ده دی اللریم سفر گیدوبله بی بیم دیور......هایانا اولار سفر ایلیوب........ سنی کیم بو حاله سالوب بابا..... باشوون بلا سینه من فدا منی کیم یتیم ایلیوب دنه....بو غازون یاراسینا من فدا کیم آنام ربابی ملر قویوب.....صود امر بالاسینا من فدا بالا هاردا سان علی اصغریم..... گیجه لر دیوب سحر ایلیوب...... منی ناقدن یره سالدیلار.....همی قوغدولار همی وردیلار بابا گوزلریندن ایراخ منی....همی قورخودوب همی سویدولار علی اکبر آلدیقی سرقامی.....قولاقیم یارالیوب آلدیلار سینه ن اوسته ناز ایلین قیزا.....نه ستم بو قوم شر ایلیوب..... گیجه لر صباحه کیمین بابا ........قیزون آغلیور باجون آغلیور شب قدر اولوب بیزه هر گیجه......بالالارون آحییه ساخلیور هره ئوز عزیزینی اوخشویور.....دل داغداریمی داغلیور بو خرابه یرده خانملارون......منی آهی خون جیگر ایلیوب...... منه شام اوشقلاری هی ورور.....ایله دل یاراسی گلیلیم بو قیزون دیولر اشارده .........که ئولوب آتاسی گلیلیم اوشاقون آتاسی ئوله اگر....گده وار هاراسی گلیلیم اریدوب وجودیم غصه لر......منه سوزلری اثر ایلیوب....... یتیشینجه شامه یول اوسته من.....گیجه عالمینده سویولموشام بوخرابه نین قاپوسوندا من........دورو ب هی ایاقه اوتورموشام یولا باخموشام سنی گوزلیوب.....بابا جانی داخی یورلموشام زحماتیمی بو یوبانماقون......بالا جانی بی ثمر ایلیوب..... منیم آهیم عالمی یاندروب.....هامو کائناته الو چکوب اوقدر کسرریدی داس غم......گل باغ عمره درو چکوب ولی آهمون ثمرین دیوم.....که یزیده خط وتو چکوب بو یزیده نیلمیشم مگر......منی زار و دیده تر ایلیوب......... بابا رآس اطهروی ئوزوم .........آلارام قوجاقیمه ساخلارام منی سن قوجاقلادیقین کیمی.......بو یارالی باشی قوجاخلارام صفحات شعر شهادتی........من ئو زوم همیشه وراخلارام اوخویان گوره که بو نوحه نی.....یازانا بابام نظر ایلیوب ✍️شعر از ((افرادی))پنجم صفرالمظفر 1442 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت رقیه (س) شام قیزلاری دیوللر بو قیزون یوخدور آتاسی حالینی ایلور حکایت گوز یاشی کهنه لباسی باشیمه سن ال چکنده قلبیمون آرتار صفاسی باشیمه تز تز الون چک اللرون قربانیَم من صبحلر آلّام الیمه بو پریشان زلفلریمی من دعا ایتدوقجه اشگیم ایسلادار ئوز معجریمی ایلرم دیواره تکیه گوزلرم هی اکبریمی گوشه ویرانسراده عشق سرگردانیَم من شاهباز اوج عشقم من بو باغلی شهپریله سایمارام گلسه یزیدون دختری زیب و زریله گلسون او زیب و زریله منده کهنه معجریله ایلیوم مغلوب و رسوا مُلک غم سلطانیَم من نیلورم زردوز رختی یوزده رنگ زر بسیمدور ساده پوشم پیکریمده نقض نیلوفر بسیمدور کهنه بیر پیراهنیله بو قرا معجر بسیمدور نیلورم تازه لباسی بش گونون مهمانیَم من شامده چوخ یولداشیم وار یاد ایدر بو تلخکامی هر گون ایلوللر تعارف شربت و آب و طعامی غیرتیمدن دادمارام من نان و آب اهل شامی درسیمی چون سن ویروبسن نفسیده مردانیَم من اوچ یاشندا من بو شمر نابکاره نیلمیشدیم آلدی الدن شوکتیمی روزگاره نیلمیشدیم آخر عمّه من یتیم بخت قاره نیلمیشدیم حاکم بیداد الینده بی گُنه زندانیمَم من شمر اولوب ثانّی ثانی منبع ظلم و تعدّی منده ئوز زهرا آنام تک صبریمون یوخ حصر و حدّی گل یوزیمده نقش سیلی پیکریمده قمچی ردّی غسل ایدن وقته گورللر کی بتول ثانیَم من تاپشور عمّه قبریم اوسته هر کیم ایستور چاره گلسون هر غریب و دردمند و بیکس و آواره گلسون کیم چوخ ایستور خاطریمی الده بیر گهواره گلسون اصغریمی اوخشاماقدا لای لای عطشانیَم من "منزوی" وار بو سپهرون مین بلاسی هر نفسده شیری زنجیر آلتدا ساخلار مرغ خوش خوانی قفسده سالسالار سیمرغی دامه اعتنا ایتمز مگسده عاقلون تکلیفی چوخدور سن دینَن دیوانیَم من منکلام_منزوی_اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ‍ احوالات یتیم غروب اولاندا گیدر قلبیدن قراری یتیمون قرا گیینده هوا قالماز اختیاری   یتیمون شفق  رنگ  طلایی  گییر  لباس  شبانه توکر سرشگی ایکی چشم اشگباری یتیمون هزار هزاریه نسگل اولور سرود عزاسی هزار درده دونر دردی از هزاری یتیمون ائدر یول اوستونی دیواریلر کنارینی ماوا گر اولماسا ایوی آرتیق اولار فشاری یتیمون ساتار گلیب گیدنه در اشگینی آلان اولماز عیاریدن کم اولار در پر عیاری یتیمون گوتورور عکسینی عکاس عالم ملکوت پوزار ملکلریده غملی یادگاری یتیمون یوخوسی گلسه قولون بالش ایلیب گیدر هوشه دوشر نظردن ایکی نرگس خماری یتیمون دارار قرا تللینی لای لای دییر قره یللر یئل اسدیقیجا گیدر طره دن غباری یتیمون اوجا سسی ائشیدر دیسگینر دورار یوخوسوندان ئورکده وحشتی آرتار بلا دچاری یتیمون گینه ده اوغلان اوشاقی اولا نه غصه سی واردور دوزر بلایه اولار غمله سازگاری یتیمون آتاسی ئولسه اوغولدان قیزا موثر اولار چوخ آنا باجینی کباب ایلر آه و زاری یتیمون دوشر نه حاله بو قیز ساربان قویوب گیده چولده اوزه الیندن الین بوش قالا کناری یتیمون گوزون آچوب یوخودان پهن دشته ائتدی یتیمون گوروبدی کوچ ائلیوب مقصده قطاری یتیمون اگر چه آج سوسوزیدی غذاده چیخدی یادیندان مدار غصه ده تنگه دوشوب مداری یتیمون صاقا صولا نچه یول عمه عمه سسلدی قاچدی دیدی هایانداسان ای غم گونونده یاری یتیمون سسینه اولمادی سس ئوز سسین ایشیتدی او چولده ئوزون یوروب آزالیب قدرت فراری یتیمون قدم آتیب بو قیزون نیش خار ایاقینی ئوپدی اورک قانی ایاقیندان اولوبدی جاری یتیمون کسیلدی چاره او یورقون بالا یول اوسته اوتوردی دوشوب خیالینه ئوز شهری ئوز دیاری یتیمون گویول قوشی پر آچوب اکبرین اتاقینه گیتدی گوروبدی اوردا دگول قاره گوز نگاری یتیمون کمال یاأسیله یوز دوندریبدی راه دمشقه دیدی گیدیب بو یولی شامه غمگساری یتیمون هایانداسان علی ایستکلین اولدی چوللر اسیری نه قورخولی یئره گل گور دوشوب گذاری یتیمون آتام بابام کیمی سنده علی یتیمه نواز اول محبته واریدی سندن انتظاری یتیمون بیبی لریمه گلایه ایله منیم عوضیمدن آزالدی تئز نه سببدن گور اعتباری یتیمون اوزوم یوخودان اویاندیم نه چاره بختیم اویانمور اویانسادا دی گوروم بختینون نگاری یتیمون اثر ایدیبدی سوزی پهلو شکسته فاطمیه پوزوبدی حالتینی حال انکساری یتیمون گلوب بو خیردا قیزون باشینی دیز اوستونه آلدی اوپوبدی لبلرینی مادر کباری یتیمون جمالینه توکولن تللرین اویان بویان ایتدی مجسم اولدی نظرده صولان عذاری یتیمون دچار ثانی اولوبسان بویوک ننه ن کیمی سنده اونا چتین یتیشه تیره روزگاری یتیمون گوزوندن اشگیوی سیلم بو چولده همدمین اولام دوزنمرم قالا تنها سینا وقاری یتیمون بالا داریخما شامه گیدنلر گلر سراغیوه الان که چوخدی غافله ده یار هوشیاری یتیمون بو خردا قیز او خانوم عورتین ائشیتدی کلامین دیدی گمان ایدیرم آرتدی افتخاری یتیمون بی بیم کیمی بوخانیم دم بدم اوپور دوداقیمدان ایکی گوزوندن ایدیر اشگین نثاری یتیمون بهشت عطری گلور حوریدی گلوبدی بودشته ملکدی یا کی گلوب اولدی یار و کاری یتیمون اگر بو حور و ملکدور نیه قرا گییونوب عجیب غصه لیدور مونس فکاری یتیمون غریب آتامون آدین ازبر ایلیوبدی دیلینده چوخ آشنادی بونا باب تاجداری یتیمون گوزلدی گوزلری عینا بی بیمه بنذری واردور باخاندا گوزلرینه قالمور اختیاری یتیمون اولما مدینه اهلیدی اولما دوشوب گذاری بوچولده عجب کمک یتیروب آفریدگاری یتیمون تانیمورام ولی بو دیندیریر منی ئوز آدیملا نه غصه سی وار اولا بیله غصه خواری یتیمون اورکلنوب دیدی بیردن خانیم گلورسن هایاندان فدا بو گوزلریوه قلب پر شراری یتیمون سنون بو یاخشیلیقون لازم هدیه دی نیلوم نه واردی قولباقی نه واردی گوشواری یتیمون بیزیم قبیله میز اهلی سخادی ایش بیله دوشدی اولان بو گوز یاشیدور یوخدی آیری واری یتیمون من آغلورام بابامین باشینی ووروبلا جدایه آتاسی ئولسه اولار اوخشاما شعاری یتیمون سنون ئولوبدی کیمون آهون اوستن آه چکیرسن باخور سنه چوخالور درد بیشماری یتیمون نفسون اوتلیدی قدین خمیده ساچلارین آغدی قرا گونون قره ائتمه به حق تاری یتیمون جواب وئردی منه فاطمه دییللر عزیزیم شریک محنتیوم جداً آری آری یتیمون بالام حسینه جگر گوشه سن بویوک ننووم من منه موثر اولار بزم سوگواری یتیمون ✍مرحوم انور 😭😭😭😭😭

احوالات یتیم😭😭 سبک شعر استاد داود علیزاده اردبیلی

من بیر قیزام شیرین شیرین سوزوم وار کمان قاشم شوه کیمین گوزوم وار اوچ ایل گچیب هله تولدمنن منده نجه دویولمگه دوزوم وار من بیر قیزام زمانه ساتدی منی قزل گل تک غمدن ساراتدی منی ساربانلار قولاریمی باغلادی سویگونچولار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ (ئوزون بیر مجسم اله ایوینده بالان اولسا بولرسن گئجه نین عالمی بو بالا قالدی چولده چوخ یورقونودولاربیر وقت گوزون آچدی گوردی کاروان گدیب قالب قرنلق چولده بیر صاقا قاشدی بیر صولا قاشدی اله دیردی) من بیر قیزام دردیمی یوخدی بولن غصه توزون قرا تلیمنن سیلن ئولسم اگر بو وحشتلی دمنده کیم غسل ایلر منه کیم ایلر کفن هیچ بولمورم گیدیگیم یول هارادی گئجم کیمی گوندوزومده قرادی بابا عممه ده یورقونلاری یوخلاسون گلنمیرم ایاقلاریم یارادی (نقدر الشدیلر نیزه ده کی اباعبداللهین او یارالی باشوی اوردیدی حرکت المه دی گوردولر آقانین گوزونن قان یاش گلیر گوردولر امام زین العابدین آقا گلدی دایاندی یارالی باشون قاباقندا بابا نیه گیتمیرسن بابا گورورسن بولار بهانه آختارور باجیلاریمی دویه لر عمه لریمی دویه لر بابا نیه دایانبسان گوردی الله بابانن گوزونون گوشه سیندن قان یاش گلیر باخور شامین یولونا بالام قالب یولاردا . زجر ملعون چوخ بیر نامسلمانیدی یولادلار بوبالانین دالسیجا بیر شیخ دییر گوردوم بو سرعتیلن کی بو نامرد گدیر بو بالانی سالم گتیرمیاجاخ دیدیم قوی منده گدیم بونا گوروم بو بالانی شاید الیه بولم بو نامردین الینن قوتارام تا یتیشدیلر اله کی بو بالانی گوردی اول ایش کی گوردی عوض اینکه اوبالانین نازین چکه اولده بیر محکم سیلی وردی اله باخدی دیدی ظالم) ئولدورمه باغلا قولاریمی سال قباقیوه ئولدورمگ ایسته سن اونادا حاضرم گینه اما بو چولده قویما بو محنت دچارینی سال نعشیمی آت اوسته آپار زینب عممه (راوی دییر من دیدیم قیزیم بو چولری سن گلنمه سن پیاده گل منیم ترکیمه سوار اول باخدی باخدی دیدی ) یا شیخ چوخ مروتلی شخصیسن اما بو یرده منطقیوین اشتباهی وار نامحرمیله بیر آتا مینمز حسین قیزی عمم دیوب بو بیر عملین چوخ گناهی وار بو تیکانلار آراسنان ئوزومه یول آچارام سیز چاپون آتلاریزی منده پیاده قاچارام لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

اوخشاما و روضه☝️☝️ بانوای سید محمد عاملی😭😭

‍ نوحه حضرت رقیه ( س ) رقیه نازلی صورتون قویما دیواره بوکربلا یوللارینا باخما آواره رقیه آغلاما,,,سینمی داغلاما سفرده دور بابان گلر ای مه انور بوگون سحر حسیندن بر خبر گلر گلر سنی آپارماقا شاه بی لشگر ئورکدن آه چکمه چوخ باخما یوللاره رقیه آغلاما,,,سینمی داغلاما عذاره بر بله قزیم توکمه گوزیاشون منیم کیمی بلالره توش اولوب باشون بو شامون اهلی بلمسون یوخدی قارداشون ورولا طعنه یوخسا چوخ سن دل افکاره رقیه آغلاما,,,سینمی داغلاما خرابه دن کناره چوخ گتمه مه پاره بو شام قزلاری ورور قلبوه یاره چتندی آیریلق ندیم منده یوخ چاره که یوخدی چاره دهریده فرقت یاره رقیه آغلاما,,,سینمی داغلاما رقیه سویگلوم گولوم گول گله گوللر سنی قفسده گورجاقین یاندی بلبل لر منی کباب ایدور قزیم بو شیرین دللر دوز ایندی دوشموسن بله دام اغیاره رقیه آغلاما,,,سینمی داغلاما بابان گیدوب سنه آلا تازه گوشواره او گوشوار عشقدور چاتماز اغیاره بو قدر گوزیاشون قزیم توکمه رخساره بو تیر آهون ایلدی قلبیمی یاره رقیه آغلاما,,,سینمی داغلاما هوا دولار یاغار ولی سن کیمی دولماز چمنده گل آچار صولار سن کیمی صولماز جهاندا چوخ یتیم اولار سن کیمی اولماز نه من جهان پر فتن گلدی اقراره رقیه آغلاما,,,سینمی داغلاما التماس دعا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️زبانحال حضرت رقیه(س) 🏴در آهنگ یخیلدی سقا یئره ✍شاعر لاادری هارداسان آی اکبریم-گل رقیه جان وئرور قاره لئچک باجووین-غم گوزینده سان وئرور دوشموشم،شامیده،ابتلایه اکبریــــم سوگولون،جان وئرور،گل هرایه اکبریم _ سایسیز اولان دردیمی گل زمانه دن سوروش ئولمگیمون علتین تازیانه دن سوروش باشیمون یارالارین قانلی شانه دن سوروش گلمسون،ایلرم،چوخ گلایه اکبریم سوگولون،جان وئرور،گل هرایه اکبریم _ واردی آغیر محنتیم عمه مه گران گلور الین چکور باشیمه درده جسم و جان گلور  قمچی یئریندن علی قطره قطره قان گلور گل یئتیر،یاره لی،باشه سایه اکبریم سوگولون،جان وئرور،گل هرایه اکبریم _ هئچ دئمورم دای منه گوشواره آل گتیر اولسا اگر آغ کفن بیر قواره آل گتیر کفن آلابیلمسون گاهواره آل گتیر احتیا،   جیم داخی،یوخ طلایه اکبریم سوگولون،جان وئرور،گل هرایه اکبریم _ خاموش اولور عمریمون ذره ذره مشعلی سندن کفن ایستدیم عفو ائله علی منی منه کفن آلماقا بوشدی عمه مون الی دوشمسشم،شامیده،تنگنایه اکبریم  سوگولون،جان وئرور،گل هرایه اکبریم _ ایکاش اولا هرکیکی شامه ایستسم گله قبلیه دوندر مگه شاه محتشم گله جانیم چیخان لحظه ده فاطمه آنام گله عاشقم،مادرِ،دلربایه اکبریم سوگولون،جان وئرور،گل هرایه اکبریم _ شامه دونیب باجووین شام ایچینده گوندوزی جان وئرنده باجیلار قارداشین گزر گوزی سنه ملر باجووین واردی دیلده چوخ سوزی قویما آ،  هیم چیخا،ماسوایه اکبریم سوگولون،جان وئرور،گل هرایه اکبریم لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اؤلۆم ایسته جانێمێ قۇرتارۇم داخێ سن‌سیز عالمی نئیلییه‌م دئمه گوشواره‌می آلمۇسان اۆره‌گیم سێنێبدی گیلئیلییه‌م نه قده‌ر مصیبته تاب ائدبم نه قده‌ر دؤزۆم دایانێم بابا دایان ایندی قلب-ی-شریفیوی بۇ یانێقلێ آهیله داغلا گئت دؤشه‌نیم آیاغۇوا اؤلمه‌میش باشێم اۆسته اگله‌شیب آغلا گئت گئدیسه‌ن دالونجا باخانمێرام ائله گؤزلریمی ده باغلا گئت گؤزۆ باغلێ دۇت الیمی اؤزۆن باشۇوا دۇرۇب دوْلانێم بابا باشێمێ اۇجاتمێشێدێ منیم باباجان بۇ سایه‌ی-ی-رحمتون هامۇدان علاوه بۇ بی‌کسه وارێدێ همیشه محبّتون منه نسبت ایندی نده‌ن بئله آزالێبدێ لطف-وْ-کرامتون بۇ اَسفلی آیرێلێغێ مگر نئجه ایندی سهل سانێم بابا بۇ یوْل اۆسته من اوْتۇرۇم بابا پوْزۇلان بۇ حالیوه آغلایێم باشۇوا و یا دوْلانێم سنین داغێلان جلالیوه آغلایێم منی آل قۇجاغۇوا یۆز قوْیۇم سارالان جمالیوه آغلایێم اوْلا سینوْن اۆسته فدا سنه یوْرۇلان ضعیفه جانیم بابا وئر اجازه شئمره گئدیم دئییم اۆره‌گیزده کینه‌نی اؤلدۆرۆن نه یانێن شراره‌ی-ی-دوزَخه نه ولیّ‌ ذوالمنی اؤلدۆرۆن سنی گؤرسه‌دیم قوْشۇنا دئییم بۇنۇ بوْشلایێن منی اؤلدۆرۆن علی‌اصغریم کیمی اوْخلانام سپه‌سن سمایه قانێم بابا سؤزۆمۆ قبول ائله هیجر اوْدۇن بابا خسته قلبیمه وۇرما سن قوْی علیّ‌-ی-اصغریله یاتێم منی آغلادێب بئله یوْرما سن گؤتۆر ال دعا ائله قوْی اؤلۆم منی اصغریمده‌ن آیێرما سن دئمه‌سین هایاندا قالێب منیم گئجه لای‌لای چالانێم بابا بیلیسه‌ن محبّت اسیری‌یم آتاسێزلێغا دؤزه بیلمیره‌م منی سن سینوْندا بؤیۆتمۆسن اته‌یوندان ال اۆزه بیلمیره‌م سوْیۇنۇب بۇ شامێن اۇزاق یوْلۇن من آیاق یالێن گزه بیلمیره‌م گۆلۆ خاره تاپشێرێسان نئجه دایانێم بۇ اوْددا یانێم بابا وداع امام حسین (ع)با دخترش قێزێم ایستیره‌م سیزی ترک ائده‌م سفر اۆسته آغلاما قوْی گئدیم منی چوْخ یۇباتما گره‌ک گئده‌م سفر اۆسته آغلاما قوْی گئدیم سنیله‌ن گره‌ک گئده شامه بۇ گۆنۆ قاره خاطیری رنجه‌لر اؤپه‌جک بۇ قوْللارێوێ هله گره-ی-طناب-ی-شکنجه‌لر یێخاجاق یزیدی دمشقیده یئره ذلّتیله بۇ پنجه‌لر اوْلاجاق عمارتی مُنهدم سفر اۆسته آغلاما قوْی گئدیم منی ساقی-ی-ازل ائیله‌ییب بئله مست-ی-بزم-ی-الست-ی-حق بوْغازێم قانێلا مرمّته یئتیشه گره‌کدی شکست-ی-حق سنی قوْرخما وۇرسا بۇ کوفییان آلار انتقامیوی دست-ی-حق آرادا خدا اؤزۆدۆر حَکَم سفر اۆسته آغلاما قوْی گئدیم آلاسان نتیجه قێزێم گره‌ک سن اؤزۆن بۇ قانلێ قییامیده‌ن سالاسان بنای-ی-حکومت-ی اُمَوینی نظم-وْ-نظامیده‌ن بۇ بلالی باشێمێ سن گره‌ک آلاسان حکومت-ی-شامیده‌ن اؤپه‌سن دوْداغێمێ دمبدم سفر اۆسته آغلاما قوْی گئدیم هله گئت گؤرۆم قۇرۇسان نئجه منه بزم-ی-تعزیه شامیده سنی دیندیره‌ن گره‌ک آغلایێب یانا وای حسین دییه شامیده ائده لعنت آل-ی-اُمییه علنی قرا گییه شامیده وۇرالار هر ائوده قارا علم سفر اۆسته آغلاما قوْی گئدیم منی چوْخ یۇباتما گئت عمّه‌وه بیلیسه‌ن کی خسته مسافرم نه اؤزۆم سۇ ایچمه‌گه طالبم نه ده زنده قالماغا قادرم ولی سۇ تاپێلسا اگر قێزێم گینه من گتیرمه‌گه حاضرم ائده‌رم سۇ فکرینی هر قده‌م سفر اۆسته آغلاما قوْی گئدیم اوْ قێزێن سوْلان یۆزۆنه باخێب یۆزه سئیل-ی-اشگینی باغلادێ دیزی اۆسته باشینه ال چکیب آنا آغلادێ بالا آغلادێ بالانێن سیلیب گؤزۆنۆن یاشێن یۆزۆن اؤپدۆ بیرده قۇجاخلادێ دئدی صبر ائله قێزێم ائتمه غم سفر اۆسته آغلاما قوْی گئدیم -------------------------------------- نام نوحه : عشق قماری درباره امام حسین(ع) اثر : مرحوم منزوی اردبیلی کیم دیلده حسین آدین ایدوب اَزبَر آپاردی قبره الی بوش گیتمدی بیر گوهر آپاردی تپراقدا خیانت ایلمز عشق حسینه قبر ایچره بولر گوهر جان پرور آپاردی چوخ گورمشوخ عالمده ئولن وقته حسین‌چی قبره نه جلالیله اونی اِللّر آپاردی گیت مجلس ترحیمینه باخ جاه و جلاله گور عشقیدی یا مسئله دیگر آپاردی بو عشق قمارینده بلی هیچ کیم اوتوزماز اوّل اوتوزندا گوروسن آخر آپاردی هر کیم کی جوان عمرینی بو یولدا اوتوزدی آخر بله گوردوک آقادان نوکر آپاردی هر کیم کی بو درگهده قوجالدوقجا اوجالدی باشی آغاران رتبه‌ی والاتر آپاردی چوخ آغ گونه چخدی قره تپراقلارون آلتدا هر کس قره دسمالیلن اشک تر، آپاردی فکر ایلمه‌سن آغلادون اشگون هدر اولدی زر قدرینی از بس تانیدی زرگر آپاردی سن گورموسن امّا دولانور شیشه‌‌سی الده گوز یاشلارینی فاطمه‌ی اطهر آپاردی خولی‌نون عیالینه خانم گورنه بیوردی بو اشگون امانتدی امانت گر آپاردی چون اوغلوما سن آغلادون الان ئوز ایونده بو خاطره‌نی فاطمه تا محشر آپاردی نام نوحه : جواب دادن امام حسین (ع) به دخترش سکینه(س) اثر : منزوی اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سبک نوحه☝️☝️🖤🖤 با صدای استاد محمدی

زبانحال حضرت زینب به سرمبارک امام حسین علیه السلام باآهنگ نوحه: ای منه دردانه رقیه آچ گوزون ای شاه شهیدان ئولدی بالام دوراوخوقرآن ئوپدی اوقانلو دوداقیندان قمچی لرآلتینداوئروب جان قوجاقه آلوب نالان   رقیم اولوب گریان دئدی کیم یتیم ائتدی  کیم ائتدی قاناغلطان         حسین قارداش(۲) دشمنه اولموشدی  گرفتار جسمیده وارقمچیدن آثار خورداایاقلاری یارایدی یولداشیمیدی منه دلدار سولوبدی گوزل پیکر   دییردی هانی اکبر آنام تک ئوزی نیلی     قالاآج سوسوزنیلر        حسین قارداش(۲) قانه باتان    باشیواقربان گوزده کی قانیاشیواقربان اولدی خرابه بیزه   مسکن یاورویولداشیوا قربان ملال وغمیم چوخدی  الیمده کفن یوخدی منه مونس اولموشدی   ئورکده غمی اوخدی          حسین قارداش(۲) الده ئولوب دخت سه ساله گوزوورولوب گئتدی زواله قمچیلره اولمادی طاقت جسمینی گورقالدی نه حاله بالام الده جان وئردی یری جسمینده سان وئردی بدن نیلی اولموشدی منه هی نشان وئردی       حسین قارداش(۲) مسکنیمیز اولدی خرابه قویدی ئوزین یاندی ترابه اصغره لایلای دئدی یاندی آغلویورام دیده پرآبه یانارصاحبیم آغلار   غمیمده سینه داغلار توکر گوزیاشی نوکر   عذاره یاشون باغلار        حسین قارداش(۲) ✍ حاج عباسعلی دهقان(صاحب)۱۴۰۲/۵/۲۸ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ‍ ‍ #شهـادٺ_حضرٺ_رقیه سلام الله علیها ____ ویرانه ده نازلی بالام جان وردی دینجلدی بو دختر شیرین کلام جان وئردی دینجلدی بختی بو طفلون اوجیدن دوشدی سرازیره یکسر آتا قارداشلارین چکدیله شمشیره کرب و بلادن شامه دین باغلاندی زنجیره یاتماق اونا اولدی حرام جان وئردی دینجلدی قالدی اراده بی کفن الله بالام ئولدی بیر کیمسه نم یوخ دفن ایدن الله بالام ئولدی آسوده اولدی ظلمیدن الله بالام ئولدی هر زحمته ایتدی دوام جان وئردی دینجلدی بعضی گئجه اکبر بوئین اوخشاردی یاتمازدی شمری گورن گون اوُل گئجه قورخاردی یاتمازدی چوخ یالواراردیم یات قیزیم آغلاردی یاتمازدی ایندی نجه گور اولدو رام جان وئردی دینجلدی غسلون وئرن یوخدور نِئدیم ئولدی بالام قالدی ئوز معجرینله دفن ائدیم ئولدی بالام قالدی سونمز اودون یاندیم دئدیم ئولدی بالام قالدی هی آغلارام آرتار یارام جان وئردی دینجلدی یاتدی حسینین بلبلی یانام اَلولانّام یاده دوشر شیرین دیلی یانام اَلولانّام واردور بونون بیر نیسگیلی یانام اَلولانّام گیزلین دئدی عمه آجام جان وئردی دینجلدی زنجیر کسن قولارینون نقشینه باخدوقجا کهنه حصیردن آلنینون فرشینه باخدوقجا یاننام بالامون خوار اولان نعشینه باخدوقجا بو دللریله اوخشارام جان وئردی دینجلدی ای هاشمون اوغلانلاری عباس و یا جعفر هاردا قالوبسیز پس بوگون ای قاسم و اکبر آخر سکینم (رقیّم) یئرده دور زینب سیزی گوزلر چوخ اینجیدوبدور اهل شام جان وئردی دینجلدی غساله گورسه آغلیور شمرون جفاسیندن مالش ویرنده قویمارام قمچی یاراسیندن زهرا آنامه بو قیزی باشیم بلاسیندن من بیر نمونه یوللارام جان وئردی دینجلدی یاز آغلا نوحه #یحیوی تا وار نفس جاندا مظلوم حسینون بیر قیزی دفن اولدی ویراندا چوخ اینجیوب اشکنجه دن آخر او زنداندا شهزادۀ والا مقام جان ویردی دینجلدی : لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ویرانده نازلو بالام جان وئردی دینجلدی مرحوم زنده یاد استاد حاج سلیم موذن زاده اردبیلی🖤🖤

خرابه قلبینی سیخان رقییه سلام اولاحضرت_رقیه_(س) نوحه قدیمی ماندگار #سبک_دل_شب_ایلیوب_سفر … 4 سبک شاعر ✍لاادری خرابه قلبینی سیخان رقیّیه سلام اولا یزیدی تختیدن سالان رقیّیه سلام اولا .ایاقلارین تیکان ئوپن گل پیمبره درود باشینا قمچیلر دگَن یتیمه دختره درود خرابه ده افول ایدن ایشیقلی اختره درود وئرن قوری یر اوسته جان رقیّیه سلام اولا . فلک لحاف و بالشین حصیر و پاره خشت ائدن رضای حقیدن ئوزون رضای سرنوشت ائدن خرابه یرده جان وئرن خرابه نی بهشت ائدن چراغ و چشم کهکشان رقیّیه سلام اولا آناسی فاطمه کیمی جمالی نیلگون اولان جفا و ضرب سیلیدن گوزل گوزونه قان دولان سموم ظلم و جوریدن گل چمن کیمی صولان غمینده عمه سی یانان رقیّیه سلام اولا . دیلینده اکبرین آدی یاواش یاواش دیین اذان عزیزه دوتدوقی آدی خرابه خاکینه یازان گوزل آدی یازیب ئوپن گوزل آدی ئوپوب پوزان یزیدی تختیدن سالان رقیّیه سلام اولا

خرابه قلبینی سیخان رقییه سلام اولا نوحه قدیمی و ماندگار☝️☝️ با نوای زنده یاد حاج سلیم موذن زاده اردبیلی 🖤🖤

‍ روضه حضرت رقیه (س) قویما اولا عزیزیم یولداشلارین پریشان ای دشت کربلانین یورقون مارالی لای لای قلبیم کیمی اولوبدی قلبین یارالی لای لای قوی بیر اوپوم دویونجا سیلی دین یوزوندن قبره گجه گیدیرسن زهرا مثالی لای لای (گجه نین بیر عالمیدی گوردولر خرابه دن اله بیر آغلاماق سسی گلیر الله خرابه ده آغلیان کیم اولا گلدیلر لعنت الله یزیده خبر ویردیلر ایوی داغلان حسینین اوچ یاشندا بالاسی رقیه خرابیه ولوله سالوب او ظالم دیدی مندن نمنه ایستیر دیدیلر ظالم باباسینین یارالی باشین ایستیر او یارالی باشی قویدولا بیر طبقه گوندردیله خرابیه خانم اوباشی گورنده اولین کلمه ای که باباسینا دیدی باخدی  دیدی«من الذی ایتمنی علی صغر سنّی، ابتا» بابا کیم منی بو وقتیمده یتیم قویدی ، بابا کیم منی بو وقتیمده باباسیز قویدی باخدی بیر یارالی باشا ) دولانوم باشیوه من کیم سنی بو حاله سالوب سنی بو حاله سالان تاب و توان مندن آلوب بو باشیندور بابا جان پس بدنین هاردا قالوب بابا سن نجه گون کیمی باتدون اله منده باتارام سنون عشقونده بو عالملری گوزدن آتارام کنج ویرانه ده قبریمده کفنسیز یاتارام (خانم زینب بویورور) یاتموردی  بیر گجه اونی آلدیم قوجاقیمه سینمده بستر آچدیم اویورقون قوناقیمه آهسته گتدی آغزنی قویدی قولاقیمه عمه غذا هاچان دیجاخ دل دوداقیمه من زینبم عشقیده مردانه دورموشام قول باغلی باغلی عشق آدینا قاره ورموشام داغلار بویی بلا یورابولمزدی زینبی واضح دیم رقیه ئولندن قوجالمشام (باخدی او یارالی باشا دیدی بابا) بو دل شبده منی یاد الدون سن یارالی بو نه عالمدی بابا سن یارالی من یارالی گلمیسن بو گجه ویرانه ده قیزوی یاد ایده سن غملیدی غصه لیدی غصه دن آزاد ایده سن ایوین آباد اولا گل یاخجی گلیبسن یارالی (اوخشاما) زمانه یوردی منی آی بابا ای.... یوردی ئولدوردی منی آی بابا من دیدیم بابام هاردا ساربان وردی منی ای..... (اوندا گوردولر خانم بیر باخدی عمه سینه عمه بو گجه بابام قوناق گلپب خرابیه ) عمه جان درده درمان گلوبدی سویگولوم خسته یولدان گلوبدی گوزیاشیلا گلاب حاضر ایله لبلرینده بابام قان گلوبدی ای منیم یار و غمخواریم عمه دور سفردن گلوب یاریم عمه ساربانلار بابامی یوروبلار فاطمه قلبینی یاندربلار الله الله شیل اولسون اولارکی بو باشین آننا داش وروبلار ای منیم یارو غمخواریم عمه دور سفردن گلوب یاریم عمه کام آلونجا بو یورقون قوناقدان جان گلوب تنگه دوشدوم ایاقدان سن طبقدن گوتور قانلی باشی من اوپوم پارچالانمش دوداقدان ای منیم یارو غمخواریم عمه دور سفردن گلوب یاریم عمه هی دیردیم بابام کاش گلیدی هیچ دیمزدیم کسیک باش گلیدی گلدی یورقون بابام کاش ابوالفضل بو کسیک باشه یولداش گلیدی ای منیم یارو غمخواریم عمه دور سفردن گلوب یاریم عمه (خانم نچه دقیقه ایلشدی او باشین کنارینده بیر وقت گوردولر اویارالی بالا دوشدی بیر یانا اویارالی باشدا دوشدی بیر یانا او ظالم دیدی من گرک بو بالانی دده سیندن آیری سالام نیلدی ؟اوندا بیر یول گوردولر زینب اوجادان سسلدی ) گلون گلون بالام ئولدی دوتون عزا بالاما مریضیدور بالامین بولمدیم ندور مرضی نه بیر طبیب تاپلدی نه بیر دوا بالاما ورا ورا بالامی ساربانلار ئولدوردی (خانم دنیا دن گیتدی خانم خرابه ده دفن اولدی اوندا خانم زینب بیردنه لای لای چالوب رقییه ) دائم قره معجر سالان عمه ن سنه قربان آرامینی غملر آلان عمه ن سنه قربان قارداش سیز اوغولسوز قالان عمه ن سنه قربان لای لای رقیه لای لای