حالات مدینه - سوال و جواب خانم ام البنین و حضرت زینب (س) سوال خانم ام البنین (س) زینب     دی    گوروم   کوی    منانی   نئجه   گوردون اِحرام     حقی  ،   سعی    و   صفانی   نئجه    گوردون خوش  گلموسن      ای     بنت    علی    نور  دو  عینیم یوخ        انجمنوزده        گورورم           میر     حنینیم قلبیم       آلیشور    ذکر     ایله    بس   هاردا  حسینیم سر   مطلع      انوار         کِسانی      نئجه       گوردون واضح     دی     قیزیم     گلشنیمون     گوللری    هاردا زهرانون        عزیز      اوغلی    مه       انوری      هاردا بش     وجه   خدانون      دی    گوروم   آخری    هاردا صحرای     غمی     کرب   و   بلانی     نئجه   گوردون قلبیم       منیم       السّاعه     اولوب     امره     خبردار شه      اولسا      اگر     دشت      بلاخیزه         گرفتار واضحدی      دوشر       توپراقا       اوّلده         علمدار توپراقه    دوشن     قانلو      لوانی     نئجه     گوردون بیلمم  نیه    تئز    بخت   ایویمون  اولدوزی   سوزدی منشی       قضا      دفتریمه        غملری          دوزدی لیلا     نئجه      اکبر تک     اوغولدان     الین    اوزدی سس  ویر     منه     آهوی    ختانی     نئجه    گوردون بوشدور        ندن        آغوشی         ربابین     اسراده ثبت     ایتدی     گمان     اوغلونی     جمع      شهداده آچدی     دیلین     اصغرده      یقین    کرب   و    بلاده دیلسیز  صود   امر     خوردا      بالانی  نئجه   گوردون جواب خانم زینب (س) احرام      حقین     سعی    و    صفاسین    آنا  گوردوم حق     عاشقینون      قانلو      مناسین      آنا   گوردوم غم      قافله سین    گَتدیم      آنا     غملی      سفردن حیرانم         ئوزومده      بو    قضا    و      بو     قدردن قارداشیم           آتوب      عالم      امکانی       نظردن حرّیّتین            آزاده       فداسین        آنا       گوردوم بیر    گونده      آنا     گلشنوون     گوللری       صولدی اخیامی    یانوب     اهل    حرم         زلفینی      یولدی قارداشیم     حسین      حاجی  خونین     کفن   اولدی باشون  ساق     اولا    کرب   و   بلاسین    آنا  گوردوم زهرایه     کمک     دوردون     ایدوبسن   گوزل     ایثار دورد    اوغلون    ایدوب    فدیه گه     عشقیده   پیکار ویردی      علمین     قارداشینا      قولسوز        علمدار علقمده       دوشن     قدّ ِ     رساسین      آنا    گوردوم اکبر      گوزی      آهویه      وروب      طعنه       چمنده صیّاد      اجل        سالدی       او       آهونی       کمنده قالدی       آناسی     اوندا     ملر    دشت     و     دمنده اخیامیده      من     قانلو      عباسین       آنا     گوردوم آفت     یتشوب      غنچه     گوله      گول      بوداقیندا صود    اولمادی    اصغر    دولانوب     اوخ     سراقیندا آچدی     دیلین       آخرده       حسینون       قوجاقیندا حق     لشگرینون     خوردا      هماسین     آنا  گوردوم ** حاج نادر  بابایی برچسب‌ها: نادر بابایی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ورود به مدینه(✔️ سوال و جواب حضرت ام البنین (س) با حضرت زینب (س)) 🔰 سبک های مشابه ⬇️⬇️ سبک اول : الهی دفن ائدیم نجه ... واگیر برای این سبک : (حیالی زینب وفالی زینب باشیندا قاره یارالی زینب) ✔️ سوال حیالی زینبیم آمان سن آغلاما من آغلارام جوان قدی کمان اولان سن آغلاما من آغلارام آمان بالام آمان بالام یامان گونه قالان بالام ✔️ جواب ئولونجه آغلارام ننه گئچوبدی قاره گونلریم بلا چولونده ظلمیله خزانه دوندی گللریم نه وار یانیمدا قاسمیم نه اکبریم نه اصغریم اولوبدی مونسیم فغان سن آغلاما من آغلارام آمان ننه آمان ننه یامان گونه قالان ننه ✔️ سوال هانی رجال هاشمی نولوبدی ائللرون سنون دانیش منیم شیرین دیلیم هانی او دیللرون سنون ندن بو آز زمانِیده آغاردی تللرون سنون اولان ستمله باغری قان سن آغلاما من آغلارام ✔️ جواب آغاردی ساچلاریم ولی قارالدی معجریم منیم ووروبدی قمچی کوفیان کبود اولوبدی پیکریم ننم بتول تک آنا گوروبدی صدمه شهپریم وروبدی ثانیِ زمان سن آغلاما من آغلارام ✔️ سوال بو منتظر گوزوم فدا او چشم اشکریزیوه نولوب حسینِیم هاردا دور بیان ایله کنیزِیوه گله قاداسی جانیمه نه گلدی اُول عزیزیوه هانی سنون ایکی بالان سن آغلاما من آغلارام ✔️ جواب یوزون آغ اولسون آی ننه سنون قَوی جوانلارون حسینه ائتدولر سپر بلا چولونده جانلارون منیم ایکی بالام ئولوب سنونده پهلوانلارون یتوشدی کامه کافران سن آغلاما من آغلارام ✔️ سوال جوانلاریم هامی فدا اولا او نور عینمه نشان ختم الانبیا عزیز عالمینمه آتام فدا آنام فدا ئوزوم فدا حسینمه حسینه نولدی ائت بیان سن آغلاما من آغلارام ✔️ جواب دئسم اگر صریحینی آنا گئدرسن حالِیدن گونش قمر ستاره لر قوتارمادی زوالِیدن فقط امام ساجدین قالوب نشان رجالِیدن وفاسیز اولدی کوفیان سن آغلاما من آغلارام ✔️ سوال شراره دوشدی جانیمه بو غم اثر کلامِدن ایدور اسفلی سوزلرون اشاره قتل عامِدن باتوب امامتون گونی دوشوبسن احترامِدن عدو گوزونده خوار اولان سن آغلاما من آغلارام ✔️ جواب مدینه دن چیخاندا من رفاهی باشدان آتموشام بلی دیوب بلالره عزا عزایه قاتموشام ایله ایاقه دوشموشم خرابه لرده یاتموشام خانملوقوم اولوب یالان سن آغلاما من آغلارام ✔️ سوال خزان یتوبدی گلشنه جفائله سولوب گلون ندن صداسی گلموری قولاقه خسته بلبلون هانی حسین عزیزه سی رقیّه اُول شیرین دلون نولوب او طفل مهربان سن آغلاما من آغلارام ✔️ جواب گرک ئولونجه آغلیا بو محنته گوزوم آنا مزاره قویدوم اُول قیزی خرابه ده اوزوم آنا وارومدی فرصت ایله ساق ئورکده چوخ سوزوم آنا اولوبدی عزّتیم تالان سن آغلاما من آغلارام ✔️ تخلص دی «منتظِر» خلوصیله ایکی بلا کشیدیه ایکی مصیبته نشان عزالی قد خمیدیه بقیعِده دَمشقیده غمیله آرمیدیه ایکی اسفلی داستان سن آغلاما من آغلارام حاج محمدعلی منتظری شریف آبادی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

خلایقین گوزلی اشکباریوم تئز گل هدایتین گونشی انتظاریوم تئز گل قرار عالم امکان ، امید خلق جهان اورک دوگونمه دوتوب، بیقراریوم تئز گل ادب طریقینی گر بیلمسم ارادت ده باغیشلا لطفیوله شرمساریوم تئز گل نقدری پرده ی غیبت ده نازه شایق سن کمند عشقیده دیلسیز شکاریوم تئز گل پائیز دی، قیش دی، طبیعت ده کی بهار سنسیز گورم جمالیوی لحظه شماریوم تئز گل اورکده نقش اولونان خط عشقه آند اولسون صداقتیله سنین جان نثاریوم تئز گل گوزل آدین دیلیمن ازبری اولوب ای گل چمنده لاله کیمی داغداریوم تئز گل زمانه سیخدی بیزی منجنیق غربت ده اماندی داده یئتیش دلفکاریوم تئز گل ایکی جهاندا منیم شان و عزتیم سنسن نقدری عمروم اولا وامداریوم تئز گل خیال خالین ائديب گور نئجه منی مدهوش ئولونجه باده پرست و خماریوم تئز گل #محمد_هوشمند لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

                🌹 انتظار 🌹 ای گوزللر گوزلی نازلی نگاریم گوزلیم          تاروپودیم نفسیم دار و نداریم گوزلیم   گوزل اللهیمی بو مطلبه شاهد دوتورام یوخدی سندن صورا بیرآیری نگاریم گوزلیم اوقدر یولارا حسرتله باخوب آغلامیشام گوزلریمده بیراولوب لیل و نهاریم گوزلیم راضی ام جانیمی مین یول سنه قربان ائلیم اولسا حتی گوروشون چوبه ی داریم گوزلیم عاشقم عاشقووی بیر باخیشا ایله قوناق         قاره گوزلرده قالوب چشم خُماریم گوزلیم بیقرارم سنون عشقون منی مجنون ائلیوب دوشموشام چوللره ای سئوملی یاریم گوزلیم یازمیشام قلبیمون هرگوشه سینه یابن الحسن     اودی که اولموش آدون دیلده شعاریم گوزلیم یانورام  اودلانورام نار فراقون اودونا یاندویقجان سارالور رنگ عُذاریم گوزلیم دلخوشام عشق کمندونده  اَسیر اولماقیما گئتمرم  اولسادا  گر  راه فراریم گوزلیم ملک الموت گلنده  باشیمون اوستونه گل جان ویرنده خوش اولا حال نَزاریم گوزلیم گلمسون ئولسم اگر مرقدیمون اوستونه گل باغ رضوان اولا  قوُی توزلی  مَزاریم گوزلیم مطلع شعری آخوندی  گئنه تکرار ائلیور ای گوزللر گوزلی نازلی نگاریم گوزلیم #حضرت_مهدی_عج سبک‌های اجرا شده 👇 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🎼سبک اول برای مقدمه خوانی اشعار فوق👆👆 🎤#بانوای_حاج_علی_سیفی_افشار

#زمزمه 🎼سبک دوم برای وسط مجلس بصورت زمزمه 🎤#بانوای_حاج_علی_سیفی_افشار

مناجات با امام زمان عج اگر به دیده‌ی ظاهر تو را نمی‌بینم ولی تو را ز دل و جان جدا نمی‌بینم چنانکه شیفته‌ی آن جمال زیبایم به هر چه می نگرم جز ترا نمی‌بینم بود جمال توآئینه‌ی خدا مهدی که در جمال تو غیر از خدا نمی‌بینم نمی‌کنی ز مراعات حال ما غفلت که این سجّیه به جز از شما نمی‌بینم بلای عشق ترا من بلا نمی‌دانم گدای کوی ترا من گدا نمی‌بینم به هر کتاب توان یافتن نشان از تو کسی به نام تو نا آشنا نمی‌بینم ز بسکه پرده.ی عصیان گرفته چشمم را تو در کنار منی، من ترا نمی‌بینم (مویدم) منم و با این همه خطا ای دوست ز آستان تو غیر از عطا نمی‌بینم #مناجات_با_امام‌زمان_عج #انتظار_فرج لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️زبانحال حضرت ام البنین(س) 🎤#بانوای_حاج_علی_سیفی_افشار 🕌مسجد امام حسین(ع)ارومیه ۱۴۹۳/۶/۱۵ ▪️زبانحال ام البنین(س) ای مدینه عورتلری گلون گلمیوب منیم قهرمان بالام اوغلوما اولا گوزلریم فدا گلمیوب منیم پهلوان بالام سینه داغلارام من قاره باغلارام من ______________________ #اوخشاما کاروانیم یولدا لنگ اولدی حجازه گلمدی جانمازآچدیم ولی اوغلوم نمازه گلمدی الله الله دورداوغولدان بیرجنازه گلمدی ای مدینه عیبی یوخ اخبار غم بسدور منه من جنازه نیلورم قانلی علم بسدورمنه _________________ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#حضرت_صغری_سلام_الله_علیه_در_مدینه دِیُولَر جَدَه جان اَکَبَر گَلُور شاد اوُلمِیُوم نِیلُوم آچُون گَهوارَنِی اَصغَر گَلُور شاد اوُلمِیُوم نِیلُوم غَمِیم پایانَه یِتدِی دِیدَه خُونبار اوُلمارام بِیردَه یُوزُین گُورّم وَفالی عَمّه مِین زار اوُلمارام بِیردَه اَیاقَه دُورّام اَکَبَر گَلسَه بِیمار اوُلمارام بِیردَه مَشامَه عَطرِ جان پَروَر گلُور شاد اوُلمِیُوم نِیلُوم دُورُوب بُو بَستَرِی مدَن عِشرَتِ آغاز اِیلِیم خُوشدُی اَگر چِه باجِیَم قارداشما ناز اِیلِیَم خُوشدِی وَلی لازِمدِی قارداشِیمی پِیشواز اِیلِیَم خُوشدِی اوُزاق یُولدان او گُل پِیکَر گَلُور شاد اوُلمِیُوم نِیلُوم سَزادِی اوُزلُوقومدان گَر چِخام بَرپا اِیدُم عِشرَت قُورام بَزمِ ضِیافَت اِیلِیَم خِویشِ اِیلِی دَعوَت بُو نَذرِی اِیلَه مِشدِیم قارداشِیم اَکَبَر گَلَن ساعَت هَمِین ساعَتدِی اوُل سَروَر گلُور شاد اوُلمِیُوم نِیلُوم اَلِیمدَن دُوت گِیدُوم پابُوسِینَه اوُل ماهِ تابانِین وِصالَه تِیز یِتُوم زِایِل اِیدُوم اَندُوه و هِجرانِین مَنِی گُورسَه سَلامَت دُولدُورار شُوق و شَعَف جانِین دِیَر یالقُوز قالان خواهَر گلُور شاد اوُلمِیُوم نیلُوم سوروشسا حالیمی جویا گر اولسا درد و محنتدن شکایت ائتمرم هرگز اونا هجران حسرتدن فقط بیر اختصاراً شِکوه قیلام طول فرقتدن یانُوندا مِهربان خواهَر گلُور شاد اوُلمِیُوم نِیلُوم گِیدَن گُوندَن مَنی اَکبَر شَرارِ هِجرَه یاندُورِدِی سَکَینِه باجِیمِی سالدِی یانِینجا چُوخ دُولاندُوردِی مَنِی هِجران اِیوِندَه قُویدِی تَک جاندان اوُساندِوردِی یِتِشدِی آخَرَه غَم لَر گَلُور شاد اوُلمِیُوم نِیلُوم #علومی_تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#حالات_مدینه_خطاب_به_حضرت_رباب_سلام_الله_علیها آز آغلا قارداشِمُون غَملِی نُوحَه خوانِی رُبابِیم گُولِی خَزانَه گِئدُوب ئولدِی باغبانِی رُبابِیم بُو صَحنِ خانَه سَنَه بارِگاهِ اَعظَم اوُلُوبدِی مَنِیم کِیمِی گُورُورَم سَرو قامَتُون خَم اوُلُوبدِی گُوزُومدَه کَرب و بَلا صَحنَه سِی مُجَسَم اوُلُوبدِی قُوجالمُوسان گُورُورَم دُورهء جَوانِی رُبابِیم وَفالِی سَن گُوزَه لِیم سَن وَفا شُعارِیم سَن ئورَه گِی یارَه لِی قَلبِی یارالِی یارِیم سَن آنام بَتُولِین عَرُوسِی مَنِیم وِقارِیم سَن نُولُور عَوَض اِئدَه سَن غَمِلی آشِیانِی رُبابِیم هاچاندِی سَن نِیَه گُوزلَر یاتاندا یاتمُورسان نَه گُون چِیخاندا نَه دَه آی باتاندا یاتمُورسان سِتارَه باش باشا گُوگَدَه چاتاندا یاتمُورسان بَهانَه اِیلَه مُوسَن صُود اَمَر بالانِی رُبابِیم اَشاقَه باشُووِی سَن بِیلَه سالما دُور گَل اِیوَه بُو صَحنِ خانَه بُو جاقِیندَه قالما دُور گَل اِیوَه بُو اِیستِی گُون قاباقِیندا دُو قالما دُور گَل اِیوَه گُورُن سَنِی تانِیمُور وِئردُون اِمتَحانِی رُبابِیم گَلِین گَلَندَه مَگر اَگَنُووَه قَرا بِیچِیلُوبدِی اوُدُور سِتارِهء بَختُون سِتارَه دَن سِئچِیلُوبدِی او قَدَر دَرد چَکُوب سَرو قامَتُون کِیچِیلُوبدِی بَلالِی سَن باشُووِن واردِی داسِتانِی رُبابِیم او بُلبُلِی کِه یاتاردِی گُولُون بُوداقِیندَه گِئدُوب سُو اِیچمَگَه نَهرَه آتا قُوجاقِیندَه دَگَندَه اوُخ اَلِى قالمِیشدِی گُول دُوداقِیندَه حُسِینِیمُون سِینَه سِی اوُلدِی آشِیانِی رُبابِیم دِییَن یُوخِیدِى اَل اوُستَه قالانِی وِیرمازلار قِنادِینِی سُویُون اوُستَه چالانِی وِیرمازلار سِه شُعبَه تِیرِیلَه بِیر قُوش بالانِی وِیرمازلار نَه سِینمادِى اَلى نَه سِینمادِی کَمانِی رُبابِیم عَرُوس فاطِمَه سَن یاتما بِیلَه گُون قاباقِیندا یاتاندا گَل گِئجَه لَر یات آنام بَتُول اُطاقِیندا باتان سِتارَه لَرِین اوُلما هَر گِئجَه سُراقِیندا صَباح اولُونجا بِئلَه گَزمَه آسِمانِی رُبابِیم دِئدِیلَه سَسلَمَه بَلکَه یاتُوبدِی دِینجَلَه جَکَ و یا کِه ضَعف اِیلیُوب صَبر اِئلَه حالا گَلَه جَکَ بُو قَدرِی آغلاما زِینَب هامی دُوشُوب ئولَه جَکَ حُسین عَزاسِینَه قاتدِی اوُدُور عَزانی رُبابِیم خَرابَه دَه مَنِیلَن اِمتَحان وِئرَن گَلِینِیم وای مِنادَه صُود اَمَرِی لَختَه قان وِئرَن گَلِینِیم وای خَرابَه یِردَه قِیزِی، بُوردا جان وِئرَن گَلِینِیم وای گُوزُی خَرابَه دَه قالدِی وِیرَندَه جانِی رُبابِیم مَنِیم ئورَه گِیمِی مِین لَرجَه داغلِیان گُوزُون آچ حُسینِیمَه گَیجَه گُوندُوز چُوخ آغلِیان گُوزُون آچ کِیمِیدِی گُوزلَرِووِی بِیلَه باغلِیان گُوزُون آچ داغِیلدِی فاطِمَه نِین غَملی دُودِمانِی رُبابِیم اِیکی بالاسِی ئولَن مِهربان عَرُوسِیم اوُیان مَنِیم اِیوِیمِی یِخان باغِرِیقان عَرُوسِیم اوُیان بُو غَملِی مُحنَتِی وِئرمَه نِشان عَرُوسِیم اوُیان بُو ساعَتَه یُوخِیدِی زِینَبُون گُمانِی رُبابِیم وَصّیِتُون یُوخُومِیش سَن وَصِیّت اّیلَمَدُون حُسینِیمُون غَمِینَه صَبر و طاقَت اِیلَمَدُون قُورِی یِرِیدِی یِرُون سَن اِقامَت اِیلَمَدُون وِجُودُوون یُوخُومِیش طاقَت و تَوانِی رُبابِیم اوُیان طرَفدَه اِمامِ زَمان دُیُور نَه نَه وای اَلِى ئورَه کُدَه قالان باغِرِیقان دِیُور نَه نَه وای عَصا اَلِینِدَه او قدّى کَمان دِیُور نَه نَه وای إئدُوبدِى تِکیَه کِه اَلدَه اوُلان عَصانِی رُبابِیم مَنِى قُویان ألِى قُوینُوندا یانَه یانَه دانِش حُسینِین عاشِقِی سَن بارِی عاشِقانَه دانِش ئولُوبدِی صُود اَمَرُون اِیلمَه بَهانَه دانِش گُتُورمَه دَردَه بِئلَه دَردَه مُبتَلانِی رُبابِیم طَرِیقِ عِشقِیدَه غَم غُصّه لَر چَکَن باجِیام مَن حُسینِیمِیلَه هامی غَم لَری بُولَن باجِیام مَن بی گُوندَه آلتِی نَفَر قارداشِی ئولَن باجِیام مَن مَنِم چَکُوب گُتُورَن غَملِی کَارِوانِی رُبابِیم #شادروان_نخستین_اردبیلی_رحمة_الله_علیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

یا مهدی 📝 حاج علی زلفی تبریزی گوزلریم یوللاردا قالمیش گوزلورم دلبر گله هفت طاق و نه رواقین تختینه سرور گله آسمان عشق اوچون بیر دلبر سیمینه رو افتخار عالمین و زیب بحر و بر گله پرتو اقبالی دنیاده در تابنده دور گلشن عشقه نولی بیر غنچه احمر گله منشی قدرت چکن بیر نازلی مه سیما نگار گویلومی تسخیر ایدن هم روحیمه جوهر گله ساکن خمخانیم مشتاق آغاز بهار قورخورام باد اجل بو وصله غارتگر گله خار خشکه قیل ترحم گل گولوم انصاف ایله تنگدور فرصت مبادا گلشنه آذر گله؟ دایم آردینجا سوروننم تا نفس وار سینه ده عهد قیلدیم یانسام ار آردینجا خاکستر گله ملک استغناده حمد اولسون الاهه ساکنم بیر فقط یول گوزلورم سلطان جان پرور گله گل قدومین باغ لوحینی زر افشان ایلسون ( زلفی ) چوخ مشتاقیدور سن تک گوزل رهبر گله #انتظار_فرج لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال ساده با آقا امام زمان(عج) اسوب خزان یلی باغ و گلشنه باخ گلشنده سولان گله گل آقا دوت الیمدن قویما دوشوم ایاقدان کرم قیل بو خسته دیله گل آقا باخ منه بیر آن آقا قلبیم اولوب قان آقا رحم ائت عاشقلرون بو گوزیاشینا هجرون سالوب شرر اورک باشینا ئولسم یازون سیز قبریمون داشینا هردن منی بیر یاد ائله گل آقا جان سنه قربان آقا قلبیم اولوب قان آقا گلم ائله آه و وایا گئجه لر غمیم گلمز سنسیز سایا گئجه لر دردی دل ائیلرم آیا گئجه لر یانوب دوندوم داخی کوله گل آقا گل بیزه مهمان آقا قلبیم اولوب قان آقا غم کاسه سی دولوب بوشالدی آقا چوخلی سوزوم اورکده قالدی آقا هجرونده عاشقون قوجالدی آقا یوخدی دوزوم بو نسگیله گل آقا حالیمه باخ یان آقا قلبیم اولوب قان آقا فراق اوتوندا نقدری من یانیم نقدری یولارا باخیم اوتلانیم گل ئولممیش باشیوا بیر دولانیم یولوی سال بو منزله گل آقا عالمه سلطان آقا قلبیم اولوب قان آقا باخ گوزومنن آخان اشک آلیمه نظر ائله اوزون یانان حالیمه فدا اولوم سنه یابن فاطیمه گلسون گلر اورک اله گل آقا چتیندی هجران آقا قلبیم اولوب قان آقا لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨