https://eitaa.com/joinchat/451215774C0d24eccc9e گروه عاشقان حضرت زینب سلام الله علیها ☝️☝️

شهادت امام موسی کاظم (ع) یا رب سن ئوزون کاشف هر درد و بلاسن هم پاک و منزّه سن و هر قلبه رجا سن هم غافر و هم سامع و هم مٌجزِل عطاسن غربتده قالان بنده نم ای خَلقِ بَرایا بوردان منی گل ایله رها مٌطلِق اٌسارا ای قلبیلرون مونسی ، بی یار و کَسَم من بیر قوش کیمی زندانیِ آهن قفسَم من زهرا بالاسی ، سِبط شه لو کشفَم من حٌزنیله آنام فاطمه نی داده چاغیرّام گر یاره سی چوخدور ولی امداده چاغیرّام زهرا آنا گل گوشه ی زندانیده قالدیم بو سِندون اَلیندن آنا گول مثلی سارالدیم یوخدور گلنیم یا گئدنیم بوردا قوجالدیم بغدادیده گل اوغلووا لطف و نظر ایله معصومه مه مندن آنا جان بیر خبر ایله هجران اوتی عمروم گونونی قاره ائدیبدیر زنجیر آنا جان قوللاریمی یاره ائدیبدیر بو ظلم الیینلر منی آواره ائدیبدیر گیم گورسه دییر بیر سارالان گولشنه بنزر جسمیم آنا گول مثلی صولوبدور سنه بنزر جسمیم اَریییب گوز یاشی رٌخساره رواندور آهیم اوجالیر گویلره گل داده آماندور بو گوشه ی زندانون آنا دردی گراندور ای کاش کی رضا سنله آنا داده گلیدی بیر الده کفن محبسه امداده گلیدی حسرتده قالیب خوش گونه عمروم کدر اولدی اون بیر ایلیم البتده خطرلی گذر اولدی معصومه میلن گئچمیش او کونلر هدر اولدی یوخ تاب و توان دورسام ایاق اوسته ییخیلّام بیر قوش کیمی هِی گوشه ی زندانه سیخیلّام دورانی گوروم خوار اولا هئچ قویمادی راحت قبرینده ده بیر دینجلسن وئرمدی فرصت چگدین آنا اون سکّیز ایل عمرونده مصیبت گوز یاشین آنا معجرووی ایلدی تر تر بیرخوش گونون هئچ اولمادی هِی اولدی مکدّر دوران سنی گه کرب و بلایه آپاروبدور نهر اوسته علمدار ولایه آپاروبدور گه مطبخ خولیده نوایه آپاروبدور گاهی آپاروب شام غم آباده یارالی الآندا گه بو محبس بغداده یارالی قرخ پله یئنیر بورداکی من قالمیشام الآن از بسکه رطوبتلی دی یوخ یاتماغا امکان زنجیری رطوبت چورودوب گل سنه قربان فرصت منه ده وئرمدی بو گردش گردون زهریله آخیر ئولدورجک سِندیله هارون زهرا آنا گل آه و نوایه بو عزایه یوخدور گلنیم دادیمه گل باری نوایه فرض ایله گلورسن آنا جان کرب و بلایه زینب کیمی نه آغلیانیم وای دیینیم وار غربتده نه ده آهیله لای لای دیَنیم وار گر چه آنا دوغرانمادی اوغلوم بو جهاندا یوز اوسته یادا دوشمدی قولسوز او نشاندا اوچ پر اوخیلان یانمادی سینم بو مکاندا قالدیم ولی غر بتده عیالیمدن آرالی جان وئردیم حسین مثلی چوخور یئرده یارالی قالدی بدنیم جدّیم حسین تک داشین اوسته خنجر پاراسی ائتدی اونی نم منی خسته باری یئنه زینب گوزونی ایلدی بسته قورخوم بودی عمّم کیمی سینم اولا پرپر تنها ،گوز آچیخ دنیانی ترک ایلییم آخر البته آنا آغلامیسان کرب و بلاده یانمیش سینٌوی داغلامیسان کرب و بلاده گوز یاشی یوزه باغلامیسان کرب و بلاده مقتلده حسین قانه باتاندا آنا گلدون لب تشنه چوخور یئرده قالاندا آنا گلدون زینب باشینی آچدی اورگلر محن اولدی عریان بدنین اوستونه سردی کفن اولدی سندن صورا او لحظه نه داده گلن اولدی ناگه اوجالیب سس باجی نیلیم کی یولوم یوخ عفو ائت گله بیلمم داها امداده قولوم یوخ گه دوردی ایاقه سالا سایه باشین اوسته ایلشدی گهی خنجر و نیزه داشین اوسته گوز یاشینی توکدی یوزونه قارداشین اوسته ناله ائلدی ، آغلادی اوت دوتدی جهانی یاندی سینه سی باشلادی آهیله فغانی آختاردی الین سینه سی اوسته ائده مرهم گوردی کسیلیب یوخدی بیلگدن او شه غم دامانینی گوز یاشی ایله ایلدی نم نم سسلندی اخا السیز عیالسیز نه یاتیبسان یورقون باجووی اولمیا کی گوزدن آتوبسان ** اصغر الماسی اهری لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات امام موسی بن جعفر (ع) مدتدی منیم یانیمه بیر کیمسه گلن یوخ احوالیمی بو غربت آرا یاده سالان یوخ یا رب من اوزوم گوشة زندانیده پیرم هارون جفا کاره نه مدتدی اسیرم **** زندان اولا سوز یوخ یاتارام حبسده راحت بیر گوشه ده اوللام گینه مشغول عبادت اما واریدی قلبیده بولمم نه عداوت هر نه دیرم ایلمز اصلاً اونا تأثیر یوخسا من بیچاریه نه کونده و زنجیر زنجیریله بوینوم گوروسن بسته دی یا رب سنگین ایلیوبدور بدنیم خسته دی یا رب بیر کمسه دیمز لر که بو نه اوسته دی یا رب یورقون بدنیله دوزرم بس ندی چاره طاقت گتورر کیم بو قدر رنج و فشاره قورتار منی یا رب بو زمانین ستمیندن قرآنی دانان اهل جفانین ستمیندن هارون جفا کار و دغانین ستمیندن قورتار منی ای بنده نوازیم سنه قربان اوز محضریوه قوی اولوم عازم سنه قربان چوخداندی منیم حالیمی بیر کس خبر آلماز احوالیمی بو غربت آرا یادینه سالماز هئچ گلشن و گل من کیمی دنیاده سارالماز بیر خاره دچار اولموشام الله علاجیم یوخ زندانیده جان ویرسم او نیسگیلدی باجیم یوخ بیر ظلم ایلیوبدور منه بو ظالم بیداد عمرونجه توکر گوز یاشی معصومة ناشاد گوندر اجلون پیکینی ایتسون منی آزاد ایللردی منیم باغریم اولوب قان بو قفسده چوخ ناله ایدوب بلبل خوشخوان بو قفسده بلبل که نوا خواندی اونون شغلی نوا دور عاتدی قفس چون اونا بیر باغ صفا دور اما که منیم دردیمه بیر مرگ دوا دور پیشواز ایدرم مرگی بو قلبیمده رضا دی قلبیم سیخیلور گلدی رضا اوغلومون آدی بو اهل جفا قویمادیلار ظلمیده نقصان قرآن اوخویانلار هامیسی هی دی قان قان عالم بوئی خشک اولمیاجاق شمر توکن قان الله قانیدور حشره علامت قالاجاقدور قان صاحبی وار گلسه قیامت سالاجاقدور قربان اولا جانیم سنه ای سرور والا نوکردور (( امینی )) سنه ائیللر بوئی مولا گلماخلیقا قبرون باشینا قویموری اعدا لطف ائیله صفا ور بو گلستانه اوزون گل ای حامی قرآن بیزیم ایرانه اوزون گل ** حاج رسول امینیان (امینی خوئی ) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#زبانحال_حضرت_امام کاظم علیه السلام #سبک_ویرانه_ده_نازلو_بالام #سبک_ای_غنچه_نیلوفریم حاج داود #بیدق_داری (داور ) زندانی ام دور از وطن ، یا قاضی الحاجات یوخدور بو زندانه گلن ، یا قاضی الحاجات صبر ایلدیم اون بیر ایلی، دوشدوم توانادن تاریک محبسده قالوب ، دویدوم بو دنیادن قورتار بو یورقون بنده نی ، غملی قضایادن اولدی مناجاتیم عَلَن ، یا قاضی الحاجات . . دؤزدوم بلالرده اؤزون ، آگاهیسن یارب زنجیریله هم نالَه یم ، هر روز و یا هر شب یوخدور سپهر بختیده ، نَه ماه و نَه کوکب چخمور بو یورقون جان نَدَن ، یا قاضی الحاجات عشقونله هر عارف چاتار ، چون اوج اعلایه چوخدور بو معناده دوشن ، عشقیله غوغایه سن قیل نظر لطفیله بو ، دلده تمنّایه آل جانیمی ای ذوالمنن ، یا قاضی الحاجات باب الحوائج شهرتیم ، امّا گرفتارم زندان یوروبدی جانیمی ، ایللردی بیمارم ایسته حضوره ای خدا ، مشتاق دیدارم سن سن فقط داده یِئتن ، یا قاضی الحاجات کیمدور الهی جان وئره ، زنجیر ایاقینده من تک بوکولسون قامتی ، تاریک اطاقینده یوخدور قالان من تک قوجا ، زندان بوجاقینده نه وار گلن نه وار گئدن ، یا قاضی الحاجات چوخ مایلم معصومه نین ، دیدارینه یارب هجران یِئلی اسدی ثمر ، گُلزارینه یارب سن بیر نظر قیل هجروین ، بیمارینه یارب دلخسته یم یورقون بدن ، یا قاضی الحاجات من بیر غریبم دویموشام ، جانیمدن ای جانان نالَه م اوجالمور سینَه دن ، بسکه یوروب زندان مشتاقم الان ئولمگه ، لطف ایله ای سبحان سن سن بو اسراری بیلن ، یا قاضی الحاجات ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت موسی ابن جعفر (ع) و گریز به قتلگاه بار الها نه گوزل دارالعبادتدور بو یر گوشه ی زندان دگول محراب طاعتدور بو یر هر بلا و غم یتیشسه راضیم یوخدور سوزوم جور خاره وصل گُلدن اوتری لازمدی دوزوم آختاروردوم دائماً بیر بیله خلوت یر اوزوم عابد و معبوده یاخشی بزم وحدتدور بو یر من دیمم زندان الهی بیر قرانلوق محبسه بزم وصله رهگذردور من غریب و بی کسه بو در و دیوارلر منله ویروللر سس سسه روضه ی رضواندی یا فردوس و جنّتدور بو یر عاشق صادق گرکدور هر بلادن شاد اولا قویمیه معموره ی دل غصّه دن بر باد اولا بو قفسدن مرغ روحیم آز قالور آزاد اولا خالی از اغیاردور، بیر بزم خلوتدور بو یر گوشه ی زندانیده مدّتدی محبوس اولموشام کُنده و زنجیریله بو یرده مانوس اولموشام دوشموشم دلدن حیاتیمدنده مایوس اولموشام اهل بیتیم یوخ یانیمدا کنج غربتدور بو یر بو یر ایتموشدی خدا دلخوش عبادتدن منی طاعته ترغیب ایدوب ساعت به ساعتدن منی زهر کین امّا بو گونده سالدی طاقتدن منی اولماسا راز و نیازیم خاک ذلّتدور بو یر مومنه قید شریعت بسدور ایلر اکتفا بنده نی قویماز حدودُ اللهیدن خارج اولا سن بولورسن بی گناهم بی گناهم ای خدا منده بولّم منظر حقّ و حقیقتدور بو یر بولموری هارون گیچن گون مهلتیندن قورتولار گونده بیر گوندور عزّ و شوکتیندن قورتولار بو غریبینده زمان ذلّتیندن قورتولار قالمالی دنیا دگول جای مذلّتدور بو یر رفع ایدن ظلمات بطن حوتی ای ذالنّون دن ای سودی اخراج ایدن مابین فرث و خون دن تیز منی ئولدورخلاص ایت محبس هارون دن ئولماقین مشتاقیم یاریله وصلتدور بو یر ای خدا جدّیم حسینی بوردا یاده سالموشام دینه قربان اولماقین سرمشقین اوندان آلموشام طاقتیم یوخدور قیامه سجده گهده قالموشام نقد جانیم رایح سوق تجارتدور بو یر جان ویرن وقتینده جدّیم قویدی آنّین سجدیه اوز مقدّس عهدینون ایفاسینه شکر ایلیه قالدی پیکر سجده گهده گیچدی باشی نیزیه عرض ایدردی ای خدا نه یاخشی راحتدور بو یر (( کهنمویی)) گرچه سیّدسن حسینی سن اوزون چون گناهون چوخدی حتماً وار شفاعتده گوزون نیّتون پاک ایله تاثیر ایلسون خلقه سوزون فرصتی فوت ایتمه مأوای نصیحتدور بو یر ** مرحوم کهنمویی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💧 اوخشاما 💧 غریبه یِللر آغلار چایلاردا سیللر آغلار غربتده جان وئرنه یول اوسته ائللر آغلار آیریلیقدان داد فلک هچ اولمادیم شاد فلک جان اوستیم یوخ گلن دوستلار اولوب یاد فلک 😭😭😭😭 #شهادت_امام_موسی_کاظم_تسلیت_باد لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شهادت امام موسی بن جعفر (ع) گورورم گول یوزیوی هر گیجه رویاده رضا نولی سنده سالاسان بیر آتاوی یاده رضا دیمورم آخر عمریمدی اوغول یانیمه گل دیمورم چکماقا باش قورخولی زندانیمه گل دیمورم جان ویرورم شام غریبانیمه گل قویما قالسین بدنیم محبس اعداده رضا نه روادی بو قدر آتش محنتده یانام طاقتیم یوخدی بدنده اوتورام یا دایانام کاش زنجیریمی دشمن آچا راحت اوزانام حسرتیم یاتماقا آسوده بو مأواده رضا اون بیر ایلدی اوره گیم حسرت غربتده یانوب گوزومون یاشینه بو توزلی محاسن بویانوب کُنده ازبسکه سیخوب قان جریاندان دایانوب حرکت قالمادی ساقین ده هم پاده رضا کاش بیر دم آچیلا دردیمه درمان قاپوسی یتمیشم وصله داخی باغلانا هجران قاپوسی اون بیر ایلدی یوزومه باغلیدی زندان قاپوسی نه ملاقاته گلن واردی نه امداده رضا سِند بیر ظلم ایلدی باخمادی گریان گوزومه تیره تار اولدی منیم عالم امکان گوزومه ووردی بیر سیلی یوزومدن که دولوب قان گوزومه الینون نقشه سی شاهدی بو سیماده رضا نه گناهه ویروب اعدا منه زندان ابد راضیم عمریمی تئز قورتارا خلّاق ابد بو سیه چالیدن آخر منه راحتدی لحد یالقوزام چاره سیزم خسته و افتاده رضا راضیم گونده وورا سیلی منه سِند دنی لیک گوندرمیه زندانیمه مکشوفه زنی من حیا معدنیم ایتمیه شرمنده منی نه مناسب بو مکانه زن آزاده رضا اولموشام حکم مشیتله بو تقدیره مجاب آیرلا محرم و نامحرم اولا حفظ حجاب خام فکریله چکور نقشه منه خانه خراب شیر حق اوغلونی رسوا ایده دنیاده رضا کاش اجلدن من زاره او قدر مهلت اولا غملی گوگلوم آچیلا بیرده وطن قسمت اولا اهل بیتیم یغیشا دوریمه بیر قسمت اولا اوزومی گورم بیرده یثرب و بطحاده رضا کاش بیر صبح نسیمی دگه بو خسته تنه کاش گون بیر سالا نورین بو یورولمش بدنه کاش بیر قاصد اولا نامه یازیدیم وطنه حالیمی شرح ویریدیم سنه طغراده رضا منی مسموم ایلیندن صورا هارون دنی رفع تهمتدن اوتور چیده ایدوب انجمنی آپاروب خلعت ممتازیله درباره منی صدر مجلسده سالوب بستر دیباده رضا دیدی آرامیمی بو شایعه لر الدن آلوب دیوری خلق خلیفه بونی زندانه سالوب بو عم اوغلومدی منیم سنّی گیچوبدی قوجالوب اوزی بو سلطنته اولمادی دنیاده رضا باخمیون فتنه گر اشخاصین عبث صحبتینه بیر باخون بسترینه خلعتینه عزّتینه ئولوری ایمدی باخون بو سارالان صورتینه متهم اولماقا من اولمارام اثناده رضا گوردوم ایستور گینه اغفال ایلیه شیعه لری آلا امضا هامودان گیزلده بو شور و شری گلدی دکتر گویرن آجوما دوشجک نظری گوردی زهرین اثرین بو ید بیضاده رضا دیدی مسموم ایلیوبلر بونی ای کان جفا اولدی رسوا او شقی باشینی سالدی اشاقا ایله که مجلسین اهلین او شقی سالدی یولا قمچینی آلدی اله سِند زنا زاده رضا دیمورم نیلدی اما بودی فکریم گله سن نعشیمه غسل ویرنده گورسن تا بوله سن یاناجاقسان بولورم هر گیجه بو نسگیله سن تازیانه یری مشگل گله تعداده رضا نصف شب گتدی او ظالم گینه زندانه منی تازه دن گردنیمه سالدی غل و جامعه نی ئولورم گل بالا بغداده گوروم بیرده سنی قالماسون حسرت وصلون دل شیداده رضا گورمیوب بیر بئله زندانی اوغول دور زمن اون بیر ایلدی که ملاقاتیم اولوبدور قدغن نه بولن وار یریمی بیر نه گلن وار نه گدن قانه دوندی اورگیم بو غم عظماده رضا من ((کریمی )) یری وار طبعیمه بالیده لنم خالقیم لطف ایلیوب شهرة هر انجمنم راضیم ویردیقی نعمت لره شکر ایلیه نم منی مولا ائده جک هر ایکی دنیاده رضا حسین کریمی مراغه ای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حالات حضرت موسی بن جعفر(ع) زبانحال حضرت امام رضا(ع) باشون اوسته گلدیم مدینه دن یانه یانه زندانه ای بابا رنجه قیل قدم جان وئرنده من سنده گل خراسانه ای بابا **** گلمیشم دل شبده ایستدیم گلماقیمی معصومه بُولمَسون ظلم الیله مسموم اولونماقون دردینی او مظلومه بُولمَسون چوخلی همّ و غمی گوگلده وار بو غمی او مغمومه بُولمَسون بولسه قورخورام غصه مرگ اولا باغری تیز دونه قانه ای بابا اون بیر ایلدی آیریلمیسان بابا خانواده ی دلفگاردن بو مدید مدّتده نه دیوم چکمشوخ نه لر روزگاردن صبح و شامی گوز تیکمیشوخ یولا جانه گلمشوخ انتطاردن درد انتظاریله هیچ کیمی گلمسون گوروم جانه ای بابا سن آتا بالالیق رُسومینی بیر دقیقه یاددان چخاتمادون گلدون اهل بیتون وداعنه قیزلارون ولیکن اویاتمادون یوزلرینی اوپدون سیزیلدادون آه و ناله عرشه اوجاتمادون اولمادون رضا نصف شب گله اهل بیتون افغانه ای بابا وصلوه یتنلر بوباره دن آتش فراقوندا یاندیلار آغلادی بیوکلر حزین حزین خورداجا اوشاقلار اویاندیلار اودلانان اورکلر نئجه دوزر بیله درد هجرانه ای بابا گلمیشم باشون اوسته ایندی من سوز آهیله سینه داغلیام دوندروم یوزون قبلیه طرف گوزلریوی حسرتله باغلیام یوخ سنه بو زنداندا آغلیان من اوزوم دویونجا بیر آغلیام سوزیله بو تاریک محبسی ائیلیم عزا خانه ای بابا وار یری سالا گر جهانه اود داغلى دلده آهیم شراره سی آغلادور ئولنجه بابا منی بوینوین بو زنجیر یاره سی چاره سیز قالان اهل بیتون یوخدی ناله دن اوزگه چاره سی صبح و شامی گوز یاشلاری آخار حسرتیله دامانه ای بابا یاد ایدوب سنون درد غربتون آغلاسام سزادی ئولنجه من لیک وار یری آغلیاخ بو گون سنده منده ای شاه ممتحن جدّیمز حسینه که اولمیوب بیر نفر اونون تک غریب ئولن ایستی قوملار أوسته بدن یارا جان ویره غریبانه ای بابا جان ویرن زمان دوره سین آلوب قتلگهده قوم ستم شعار اللرینده داش نیزه اوخ قلج یاره اوستونه یاره ووردیلار جبرئیل لای لای دیَن بدن قالدى توپراق اوستونده خوار زار اوخشادی او صد پاره پیکری آیه آیه قرآنه ای بابا ایلیوبدی (( صحاف )) چوخ خطا وار خطاسینه بس ندامتی ماسوانی گوزدن آتوب دلى واردی بیزده چشم شفاعتی خدمتینده وار آل حیدره صدقیله اونون استقامتی ایسته قبریوه منده ایسترم ایل به ایل خراسانه ای بابا ** مرحوم صحاف تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▧݊⃟⃪࣭۪۪۪۪ۨ🕯▧݊⃟⃪࣭۪۪۪۪ۨ🖤▧݊⃟⃪࣭۪۪۪۪ۨ🕯▧݊⃟⃪࣭۪۪۪۪ۨ🖤▧݊⃟⃪࣭۪۪۪۪ۨ🕯▧݊⃟⃪࣭۪۪۪۪ۨ🖤 🖤✨پربسته بود و وقت 🕯✨ پریدن توان نداشت 🖤✨مرغی که بال داشت 🕯✨ولی آسمان نداشت 🖤✨خوکرده بود با غم 🕯✨زندان خود ولی 🖤✨دیگر توان صبر در 🕯✨آن آشیان نداشت 🖤✨شهادت امام موسی 🕯✨کاظم(ع) تسلیت ٠٠••●●❥❥❥❥🖤 ٠٠••●●❥❥❥❥🕯 ٠٠••●●❥❥❥❥🖤 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

⚡️ بسم الله الرحمن الرحیم ⚡️ 🏴حضرت امام موسی بن جعفرعلیه السلام ▪▪▪▪ آنا زهرا جان وئرور اوغلون موسی جعفر تئز یتیش داده دوتوب اود سینم یانور تئزگل بو دم آخر سال منی یاده هارای هارونین جفاسیندن هارای ظلم نا رواسیندن آه و واویلا .. . آه و واویلا یتیش داده غملی چا قیمده حالیمه آغلا سینه وی داغلا غریبانه جان وئرور اوغلون غملی زنداندا گوزلرین باغلا هارای هارونین جفاسیندن هارای ظلم نا رواسیندن آه و واویلا . .. آه و واویلا غریب ئولسه غملی زندا ندا گوزلرین آخر باغلیان اولماز چیخار جانی غملی غربتده اوخشیان اولماز.آغلیان.اولماز هارای هارونین جفا سیندن ها رای ظلم نا روا سیندن آه و واویلا ... آه و واویلا دئدیم حقدور مکتب قرآن دوشدوم آخربو غملی زندانه غل و زنجیر آلتدا جان وئردیم عمر غمباریم چاتدی پا یا نه هارای هارونین جفا سیندن هارای ظلم نا روا سیندن آه و واویلا .. . آه و واویلا رطو بت یئرده زبس قا لدیم استخوانیم.دوشدی.یامان.درده تداوم تاپدی بو محنتدن اوخشادی رخساریم گل زرده هارای هارونین جفا سیندن هارای ظلم نا روا سیندن آه و واویلا ... آه و واویلا رخ زردیم هر نماز اوسته یا مناجاتین انتها سینده اولوب نیلی ضرب سیلیدن سندی شاهک لر جفا سیندن هارای هارونین جفا سیندن هارای ظلم نا روا سیندن آه و واویلا ... آه و واویلا ملاقاتیم یوخ منا جاتیم اون بیرائیل اولدی یا کریم الله مجیب الله ذوالجلال الله یا رئوف الله یا رحیم الله هارای هارونین جفاسیندن هارای ظلم نا رواسیندن آه و واویلا . .. آه و واویلا گو زوم یولدا بو دم آخر غملی قلبیم بیرلحظه دینجلسین بو غم سا عاتیمده دیداره راحت جان اوغلوم رضاگلسین هارای هارونین جفاسیندن هارای ظلم نا رواسیندن آه و واویلا ... آه و واویلا ▪▪▪▪▪▪ ✍ حاج علی پور علی جاهد لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️شهادت امام موسی کاظم علیه‌السلام 🎼سبک : ای شمع حرم خانه قربانون اولوم عباس... ال سینه ده گوزیولدا، ایمداده رضا تئزگل، ایمداده رضا تئزگل مسموم ائلویوب هارون، فریاده ضاتئزکل فریاده رضاتئزگل لبلریمدن آخورزهریله قانیم گل گوریم گول ئوزون چیخسون بوجانیم گل اوغول گل اوغول آرام جانیم(۲) تاپشوردی منی هارون بوسِندجفاکاره زنجیره ائدوب بسته ایلویوب منی آواره زندانی رطوبتدی قالموبدی دی منه چاره یرایلدی زنجیری گورجسمیم اولوب یاره هارونلا گوردیلر بیکس ومظلوم زهرخرماییلان ایلوبله مسموم گل اوغول گل اوغول آرام جانیم(۲) هارون لعین ائتدی سندیله جفاتئزگل جدیمدن علی ائتموب بیرلحظه حیا تئزگل آل باشیمی دیزاوسته سن ایله نوا تئزگل غربتده سئنان قلبه وئرایندی صفا تئزگل جان وئریم غسلیله ایله کفن گل بوزاره بغدادی اولدی وطن گل گل اوغول گل اوغول آرام جانیم(۲) فریاده رضاگلدی گوردی چئخوری جانی زهریله اولوب مسموم لبلردن آخور قانی غسلیله کفن ائتدی گئتدی گویه افغانی جدی یادینادوشدی یاندی ئورگی آنی دوغرانوب اکبری. کرببلاده ذبح اولورباشیمی قانلومناده گل اوغول گل اوغول آرام جانیم(۲) صاحبله یانورسیفی گوداله دوشوب پیکر مولایارالی دوشموش اوستونده قلج خنجر غارت اولونوب جسمی حتی کسیلوب اللر باش ذبح اولونوب دالدان گلموبدی علی اکبر اون ایکی ضربتلن ذبح اولدی باشی نهراوسته صدپاره دوشوب قارداشی گل اوغول گل اوغول آرام جانیم(۲) ✍ حاج عباسعلی دهقان(صاحب لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🖤شهادت امام 🖤موسی کاظم علیه السلام تسلیت باد، الهی بوجاههِ موسی ابن جعفر( ع)حَوّل حالنا الی احسن الحال واصلح کلّ فاسدِِ من امور المسلمین ،و اشف کلّ مریض،🙏🙏🙏🏴 🏴🏴🏴🏴🏴🏴 🕊امیدوارم ✨در این شب شهادت 🥀امام کاظم(ع) 🕊صدای همه ی دردمندان ✨آرزوی همه آرزومندان 🥀نیاز همه نیازمندان 🕊روی بال فرشته ها ✨به عرش خدا برسہ و 🥀همه به آرزوهاشون برسن شبتون آروم و در پناه خدا 🌸🌙 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨