یتیم . . مرحوم انور اردبیلی . گون مغربه گئدنده پریشان اولار یتیم باد سحر دگنده هراسان اولار یتیم بوینون اگوب بنفشه کیمی چیگنینه قویار ابر بهار تک ولی گریان اولار یتیم . بنذر او غنچیه گل آچان وقتیده صولا آفت یلی قروب سالا یا شاخه دن یولا سیره چخار اورک آچیلا بلکه شاد اولا تای توشلارین گورنده پشیمان اولار یتیم . بی مهر و بی علاقه گورر یار و یولداشین کیپریکلری توکر یوزه حسرتله گوز یاشین غم گوشه سینده غم دیزی اوسته قویار باشین شمع شبانه تک ولی سوزان اولار یتیم . جرأتله قلبینون ائده بُلمز سوزون ادا تاب ایلمز آجقلی سوزه تئز قیلار نوا هئچ کیمسیه قوشولماز اولار غمله آشنا فکر عالمینده دائمی حیران اولار یتیم . لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

زبانحال حضرت رقیه سلام الله علیها در خرابه شام . . مرحوم واقف . بیر بلبلم خزانه گئدوب گلشن آغلارام هیچ بلبل آغلاماز بوقدر که من آغلارام . خیمم یانوب ائلیم داغیلوب قارداشیم اُلوب زنجیره باغلیوب قولومی دشمن آغلارام . گون ایسّی بوینوما غل آهن ووروبدی شمر من آغلارام بو حاله یانوب آهن ،آغلارام . بیر یوسف مدینم اُلوب یوخ نشانه سی اگنینده قویمیوبدوله پیراهن آغلارام . قارداش قسم او جانیوه شیون ائدنده من هر ناقه ایلدی منیلن شیون آغلارام . باشون گتوردی شامده باشی آچوخ قویوب بیر گلمدون خرابیه قارداش سن آغلارام . دردون علی خرابه ده دلدن سالوب منی بو شام اهلی سالمادیلار دلدن آغلارام . توپراقلار اوسته اُلمگیمون مشقین ایلرم یوخدور چراغ تا ایلیم روشن آغلارام . قول باغلو آج سوسوز ویرورم جان خرابه ده عمم قوجاقلیوب آنام آغلار من آغلارام . بُلَّم هامی گئدر وطنه من گئدنمرم کنج خرابه نی ائدرم مسکن آغلارام . هروقت سو گورنده دوشرسن خیالیمه چون جان وئرنده ایچمه موسن سو سن آغلارام . «واقف» حسینه آغلیان عقباده آغلاماز ذکر مصیبتون اولی مستحسن آغلارام . لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

یا مهدی هدایتی تبریزی . گوندوز گجه گوز یولدادی ، یاریم گله ، گلمز هی یالواریرام کی گله امّا هله گلمز . یعقوب ده ، بو قدری فراقه دؤزه هیهات هجران گئچه حددن ، گوزلیم حوصله گلمز . یوخ ایله چخاریم گله یاریم منه ساری عالم بولور افضل ، گوروشه ارذله گلمز . طوبیٰ سوینر، قامتی طوبادی دیسم گر طوبیٰ ده ، برابر او رسا هیکله گلمز . حیرتده قالار گون ، یوزونون پرده سین آچسا گورسون اونی هر کیمسنه فرصت اله گلمز . حاشا گوره گل چهره سنی ، پرده لی گوزلر گورسنسه ده ، چشمان کج و احوله گلمز . هجران غمی مندن چوخ اونی درده سالوبدی گریان گوزوم اوسته اوتوروب دنجله ، گلمز . ایکاش او گلیدی اونا قربان کسیلیدیم افسوس اولا اونلان منه بو مرحله گلمز . جانانه تصدّق ایلیم جاندی متاعیم من باشنا دونسم قاباقا مسئله گلمز . قسمت اولا دیداری گوره سن کی گون ، مثل و مقابل او رخ اجمله گلمز لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

‍ در جلالت امام جواد (ع) استاد حاج ابوالفضل عباسی معروفان باصدای مرحوم حاجی منصوری اردبیلی یا امام جواد ای گلِ باغ رضا پسر فاطمه بند دل مرتضی حیدرین نایبی ای کرم صاحبی دوت الیمدن - بینوایم درد عشقه - مبتلایم آفتاب ادب بحر شرف گوهری زلفی حبل المتین دست سخا اللری آدیوه عاشقم شیعه لرین رهبری سنه دلبسته یم عشقووین مستی یم دوت الیمدن - بینوایم درد عشقه - مبتلایم علوی سن آقا شیر خدا اوغلوسان زینت و سرور کل نسا اوغلوسان هشتمین اختر برج ولا اوغلوسان مقتداسن منه من غلامم سنه دوت الیمدن - بینوایم درد عشقه - مبتلایم #سبک_یا_امام_زمان_شیعه_ده_احساسه_باخ لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

⤵️شعری درباب شهادت امام جواد علیه السلام گریز به قتلگاه ✳️شعری از: (مرحوم میر محمود آقا شوری تبریزی باش گوتور بیر قبریدن یا فاطمه بغداده گل جان ویرور اوغلون تقی بیر یالقوز ایوده داده گل ای خانم بیر باش گوتور قبر شریفوندن اویان الامان بیر نانجیب عورت الیندن الامان اوز ایوینده قویموری وئرسون بالان آسوده جان چوخ سوسوز دور ممکن اولسا ایله سو آماده گل تک به تک گر چه سنون اوغلانلارون مظلوم اولوب هر بیری بیر نحویلن بو دهریده مغموم اولوب بعضی سی مقتول اولوبدور بعضیسی مظلوم اولوب لیک ام الفضل الیندن بیر اولان بیداده گل هر کیمه یوز ویرسه هر نوعی غم و درد و بلا اوز عیالی جدّ و جهد ایلر خانم ائتسون دوا اوغلوون اما اولوبدور اوز عیالی بی وفا بیر نفر یوخ قوم و قارداش تا یته امداده گل اولمادی بیر کیمسه باخسون اوغلوون افغانینه قالمادی یالقوز ولی اوغلی گلوبدور یانینه عاقبت بولمم نجه جان ویردی اوز جانانینه قالدی گول جسمی ولی بو صفحۀ غبراده گل اوغلوو اوز عورتی هر ظلم ائتدی دویمادی اوز لباسی من دئمم آیا سویوب یا سویمادی ئولدوروب راحت گئنه اوز مسکنینده قویمادی اُفّ اولا لعنت گله بو عالم ایجاده گل اول خبیثه بُغضینی ایلوب او وقته آشکار نه دیوم یانسون دلیم نه امر ایدوب اول نابکار دورمیون بامه بو جسمی حمل ایدون ای اهل نار بو قضیه باغریوی قان ایلدی معناده گل وار یقینیم اوج ایده ناله او دمده گوگلره بولمورم عالم ندن بس دگمیوبدور بیر بیره بامدن اول جسم پاکی آتدیلار بیردن یره بو مصیبت شیعه نی آغلار قویوب دنیاده گل آچ باشون آغلار گوزیله خطّۀ بغداده باخ داد امّ الفضل الیندن ائتدوقی بیداده باخ اوچ گجه گوندور قالوبدور کوچه ده گل داده باخ بیرده بیر اوغلون دوشوب باشسیز قالوب صحراده گل باش بدنده یوخ حسینون گون ایوی عریان قالوب زینب مظلومنون آرامنی الدن آلوب زلفینی ائتدی پریشان نعشینه سایه سالوب گوردی حدسیزدور یاراسی گلموری تعداده گل عرض قیلدی بو یارالی نعشیوه زینب فدا کیم گوروب بیر جسمیده اولسون بیله سانسیز یارا هر قدر عمریم اولا وردیم اولور ایوای اخا تسلیت ویرماقلیقا اول زینب ناشاده گل عالم معناده اولسا «شوریا» گر خدمتون بُول هدر گئتمز یقین دنیا و عقبی زحمتون بو اماموندن برآورده اولور هر حاجتون الده عنوان ائتگیلن بو نوحه نی عقباده گل #شهادت_امام_جواد_ع #مرحوم_شوری_تبریزی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

احسنت استاد محمدی نفسون گرم اولسون اهلبیت ع قاپیسیندا عمرون عزتلی👌👌

همتین آیا نجلوب =========== جسمیدن خارج اولوب روح بشر گلدی ندا ای بشر سویله گوروم همتون آیا نجلوب دیله گل منله دانیش بیرده کئچن گونلردن نه یاتوبسان بئله بس صحبتون آیا نجلوب هی دیردون که بو دنیاده منه یوخدی نظیر چوخ جلالون واریدی شوکتون آیانجلوب من دئدیم مال ومناله بو قدر فخر ائلمه افتخار ایلدیگون ثروتون آیا نجلوب چوخ دیردون که اولان ثروتیم عزتدی منه ثروتون هاردا قالوب عزتون آیانجلوب فخر ائدردون نقدر قدرت بازولریوه اوقوی پنجلرون قدرتون آیانجلوب من منون قویمادی عمرونده بیر آز فکر ائده سن خلقه وحشت یارادان هیبتون ایانجلوب من دئدیم توبه دئدون فرصتیمیز واردی هله یتیشوب پیک اجل فرصتون آیانجلوب من دئدیم باخماجوان عمروه چوخ تئز گئج اولار دقت ائت زندگیده دقتون آیانجلوب من دئدیم حق و حقیقت یولونا اول (سالک) یاتما غفلتدن اویان همتون آیا نجلوب لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

🌹مهدیا دیده به راهم 🌹 ---------------------------------------------- 🌹🌹🌹🌹🌹🌹🌹🌹🌹 ---------------------------------------------- مهدیا دیده به راهم ای شه والا تبار قلبم آرامش ندارد بیقرارم بیقرار دیده خونبارم ز هجرانت عنایت کن بیا ای عزیز فاطمه در انتظارم انتظار از ره لطف و کرامت پرده از رخ بر فکن تا ببینم روی تو ای مه جبین و گلعذار عاشق رویت منم در حسرت دیدار تو در کجا گردم به دنبال تو من لیل و النهار گلشن عمرم خزان شد بسکه ماندم منتظر ای پناه بی پناهان ای بهاران را بهار با وجودت این جهان یکسر گلستان میشود کی شود آخر بهارت بر بهاران آشکار (سالک) دلخون و مجنونم شدم بیمار تو بر قدومت جان نثارم جان نثارم جان نثار اشعار آیینی رحیم سلمانزاده «سالک» لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

عیدغدیردراهنگ شده ام بت پرست تو عید غدیر خم بر تمام سروران گرامی مبارک ,🌺🌺🌺🌺🌺🌺🌺🌺 ✍شعرجدید خوش نواز مرندی , اولا مژده بو امته/ باخون بو عظما عنایته/ شه زمین وزمان علی / یتوشوبدی ولایته/ بو علی نور ازلیدی / هامی ابنانین گوزلیدی / که رسول الله ولیدی/ شه ارض وسما علی/ سنه جانیم فدا علی,,,, هر ایش الله الینده دی/ جنان بوشاه الینده دی/ ید خدانون بو گون الی/ نبی الله الینده دی/ همه اهل عرش معلا/ اولونوبدی محو تماشا/ علی اولدی عالمه مولا/ شه ارض وسما علی سنه جانیم فدا علی,,,, من اوزوم خوش ضمیریم/ بو عشق پاکون اسیریم/ سوروشسالار گر عقیده می / دیرم من غدیریم/ آقامون خاک درییم من/ قاپیسیندا نو کریم من/ دیرم کی حیدریم من/ شه ارض وسما علی یره گویدن ندا گلوب/ پیام حق خدا گلوب/ غدیر خمدا بو گون بیزه/ اوگوزل مقتدا گلوب/ گورونوبدی جلوه سرمد/ اوجالوبدی خطبه احمد/ اولوب اکمل دین محمد/ شه ارض وسما علی سنه جانیم فدا علی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#راه_شام باشیوی جداده گورن دیر گل گلستان رباب اوغول بو جهاندا آل امیّه نین ایوی کاش اولیدی خراب اوغول بو طرفده بیر قوری نی کیمی ایدورم نوا من بینوا او طرفده چنگ و ربابیله بیزه پیشواز ایدوب اشقیا قاریشوبدی بیربیره نای و نی چخوب عرشه ناله ایله نوا بو طرفده ناله رُباب ایدر او طرفده ناله رِباب اوغول سرِ نِی ده گون تک اولوب باشی آتاوین مروّج شرع و دین ولی گیزلدردیله قوم کین باشون اولماسیدی اونا معین باشون ایلوری اَمَویلرین هامی کفر و ملعنتین مبین نه کسوبدی بیر سودامر باشین نه کسر بیر اهل کتاب اوغول نه اولوبدی بیر اوشاقا ستم سنه یوز ویرن بو ستم کیمی بیر آنایه نه یتیشوب الم ایویمی یخان بو الم کیمی ایله دلده موجه گلوبدی غم داشوری گوزوم یاشی یم کیمی نه اولار غمون کیمی بیر عزا نه منه مثال مصاب اوغول غم و غصّه یوز ویروری گوزوم باخوری بو شهریده هر یانا گورورم که بیر سودامر بالا آلوب اوز قوجاقینه هر آنا آخوری عذاره گوزوم یاشی گلورم فغانه یانا یانا ایشیدن سیزیلتیمی سویلوری یانوری اود اوسته کباب اوغول ایکی حسرت اللریمی گهی دیزیمه قووشدورورام علی گهی سینمین سودی موج ایدور سینمی اوغوشدورورام علی بو طریقیله اورگیمده کی اودیمی سووشدورورام علی چوخ عجبدی صاق قالوب اُلموری بو ایوی خراب رباب اوغول دگوری صبا یِلی نیزه ده حرکت ویرور بالا تِل لره پوزوری شماتت ایدنلری ایدوری ملول بو منظره او غمیکه یاندورا دشمنی گور اولار نه سوزشی مادره آنانین داش اولسا اگر دلی گور ایدر تحمّل و تاب اوغول بیر اووون بالاسینی رسمیدور ایلیه بیر اوچی شکار اگر آناسی دالنجا دوشر ملر بالاسی گیدن یولی طیّ ایدر باشیوین دالنجا اودور دوشوب بو ایوی یخلمش آنان ملر ایدر اوز دقایق عمرینی اجلی گلینجه حساب اوغول فلک هدایته شمسدور آتاوین کسوک باشی نیزه ده قمر منیریدی تک به تک هامی قوم و قارداشی نیزه ده او گویون ستاره سی دور باشون مه و مهر یولداشی نیزه ده ایله بیر ستاره گوروب نه یر نه بو هفت پرده قباب اوغول هله گرمدور ایله داغ دل که بولنمورم اثراتینی بُلَرَم مرور زمانیله بو مصیبتین حرقاتینی ایشیده اگر بیر آچوخ قولاق بو یارا دلین ضرباتینی غم اودی بولر سو کیمی ایدوب بو یارالی قلبی مذاب اوغول آناوین الیندن آلوب ایله بو ملال تاب و توانینی که چکوب سس آغلوری باخموری ایشیدولّه داد و فغانینی منه ویرسه لر او کسوک باشون یووارام سرشکیله قانینی گل سرخ تک اُپوب ایگلرم سپرم او گل یوزه آب اوغول هله بو اسارت غمفزا هله بو شماتت اشقیا اولور آغلاماقلیقا مانعیم دیه بولمورم سوزیمی بالا دولانوب اگر گله بیر زمان بو اسیرلیقدان اولام رها ایله آغلارام یم اشکیمه گورونر بو چرخ حباب اوغول بیر حسین نوکری که اونون بو حسینه چوخدی محبّتی لقبی هنرور آدی حسین حاجی بقّال اوغلیدی شهرتی دیدی یاز «حسینیه» اصغرین باشنا بو شرح مصیبتی باشیوی جداده گورن دیر گل گلستان رباب اوغول لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#راه_شام سنی تاری عمه بو شمره دئ منِ زاره سلسله وورماسون بو گونی چوخ اینجیمیشم منی یتوشونجه منزله وورماسون دیمورم قاباردور ایاقلاریم بو یولی پیاده گیدنمرم علی اکبرین باشین عمه جان دئ باری مقابله وورماسون دیله من گلنده بو کافره ایدوری سیزیلتیم اگر اثر دئنه قمچینی اله آلماسون داخی گلمرم دیله وورماسون اثر ایلمور بونا هیچ سوزوم او قَدَر ووروب گویروب یوزوم یوزیمون بو نیلی سیلی سی نَقَدَر قالور هله وورماسون بابامین کسوک باشینه گِله ایلینده قمچی وورار منه توکَنوبدی طاقتیم عمه جان داخی ایتمرم گِله وورماسون بودی فکری ئولدوره شمر دون منی ظلمینی ایلیه تمام ئولورم دئ ظلمینی بو دنی یتوروبدی کامله وورماسون یتیشینجه شامه گر ئولمه سم ئولرم خرابه ده من یقین دئ بو شمره نخلۀ کینه سی یتیشوبدی حاصله وورماسون نه منی الیندن آلان بونون نه بیر اوزگه دادرس عمه جان و نه اوز جفاسینه بو شقی ویروری که فاصله وورماسون یرییَنده ناقه یخار منی گلی ساربان آچار اَل منه ایلیوم نه چاره یورولموشام دئ منی اراذله وورماسون آتاسیز اولاندا اوشاق مگر اونی هر گلن دوگر اینجیدر دئ بو ساربانلارا رحم ایدوب بو یتیمی بیر بیله وورماسون نه گوزلدی مطلعی بو سوزون یازانا «حسینی» صدآفرین سنی تاری عمه بو شمره دئ منِ زاره سلسله وورماسون لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫