کوی جاناندا گزن جانانلارا اولسون سلام کر بلا دشتینده کی قوربانلارا اولسون سلام قانیله امضا اولان پیمانلارا اولسون سلام حقی تصدیق ائیلین وجدانلارا اولسون سلام عشقی تفسیر ائیلیین انسانلارا اولسون سلام کربلاده نهرعلقمده دوشن بازولره داش تیکان اوستونده غارتده قاچان آهولره قتلگهده قانیله رنگین اولان گیسولره کوی حقده مقصد عشقه چاتانلاره سلام یارالی توپراقلار اوستونده یاتانلاره سلام هم حسینه هم حسینین یاور و انصارینه حقیله و باطل آراسیندا اولان معیارینه هم صفای عشقینه هم پرده لی اسرارینه نهر علقمده یاتان قولسوز علمداره سلام نصفی یانمیش خیمه ده یورقون اوشاقلاره سلام لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

ماهِ محرم اولدی عالم حسینه آغلار زهرا دیر بالام وای خاتم حسینه آغلار ارض و سما ایلر نوا حسینه عاشق لری گیدی قرا حسینه بابِ شفا آچیلمیش گلسون مریض اولانلار آلسون شفا حسین نن گللر کیمی سولانلار قان آغلاسون حسینه آلامیدن دولانلار چون کیم تاپیبدی درده مرحم حسینه آغلار ارض و سما ایلر نوا حسینه عاشق لری گیدی قرا حسینه گلدی مشامه عطرِ ماتم اورک تلسدی ایوای حسین صداسی دلدن قراری کسدی معبرده کوچه لرده قاره علم لر اسدی یئللر اسن زمانی پرچم حسینه آغلار ارض و سما ایلر نوا حسینه عاشق لری گیدی قرا حسینه عالم فدادی شاهِ کرب و بلا حسینه چوخ احتیاجیمیز وار روزِ جزا حسینه شاهدان اوجادی هر کیم اولسا گدا حسینه هر ایل دوتار گدالر ماتم حسینه آغلار ارض و سما ایلر نوا حسینه عاشق لری گیدی قرا حسینه گلزارِ کربلاده گللر سولار بو آیدا درد و غَمِ ابالفضل دریا اولار بو آیدا میدانیده سو مشکی قاننان دولار بو آیدا سقا اولار خجالت علقم حسینه آغلار ارض و سما ایلر نوا حسینه عاشق لری گیدی قرا حسینه ✍بقلم کربلایی ابراهیم تون(خوش قلم میاندوآبی) لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

🐪 ورود به کربلا 🐪 مدینه کاروانی چون یتوب بلا دیارینه حسینِ فاطمه باخوب یانیندا غم قطارینه او دشتین آدینی سئوال ائدنده شاهِ خونجگر دیوبدی بیر به بیر آدین حسینه شیخ رهگذر بیان ائدوبدی چوخلاری بو دشته کربلا دیر ائشیتدی کربلا آدین باخوبدی شیرخوارینه بلالی زینبه یوزون دولاندیروب او مُمتَحن بیوردی ای آنام باجی نُزول ائله کجاوه دن بو یر  او یردی  زینبیم بلالره    بلی  دِیَن آماندی صابر اول باجی بلای بی شمارینه اگر چه ئوز مناسینه گئدَر  سلامت اکبریم بو یرده دوغرانار ولی شَبیهِ جَدّ اطهریم عباده رِجعت ایلیر  خیامه ماه مَنظریم مِناده هاجر آغلیار باخاندا گُل عُذارینه بو یرده قاسیمه فلک قویوبدی طوی بساطینی قیزل قانیلا ایسلادار عروسینون حَناسینی پوزالا حجله گاهینون اَساسینی ، نَماسینی مَلکلَر آغلیار اونون عروس  دلفکارینه بو یرده سو سراغینه گئدنده شیر صولتیم سو اوسته قولّارین وئرر  وزیر بالیاقتیم بیل اوندا سن باجی منیم کمان اولار بو قامتیم خُسوف ائدر ائلین آیی بو عَلقمون کنارینه بو یرده منشی قضا یازار باتان ستاره می گورنده حرمله منیم اَل اوسته شیر خواره می قویار کمانه اوچ پَر اوخ کَسر بو چولده چاره می تَرحّم ایلمَز  اوگون بو اوچی ئوز شکارینه

🌴 ورود به کربلا 🌴 کربلایه چون قدم قویدی شاه کربلا ناز ائدوبدی کعبیه قبله گاه کربلا شه یانیندادور وزیر مَه جَبین و خوش سیَر طلعت قَمروَشی بَدریدن وئرر خبر وار اَلینده بیرعَلم سَروه قَدّی ناز ائدر چوخ یاراشدی یان یانا مِهرو ماه کربلا گرچه بو بلالی چول غملی داسِتانی وار موکَب شَهنشَهه لیک خوش مکانی وار بو مکانه میهمان فخر انس و جانی وار اوج ائدر کَواکِبه فَرّو جاه  کربلا اهل دل بو چوللری وادی بلابیلر گوزلره غبارینی عین توتیا بیلر هر مریضه ذَرّه بو تربتی شفا بیلر لاله زاره ناز ائدر پَرّ کاه کربلا قالماقین بناسینه اَمر ائدوبدی مُقتدا خیمه لر قورولدی چون مَرحبا دئدی قضا باخدی بو گلنلره نینوا چکوب نوا مُنتَهی بلایه دور شاهراه کربلا عشقه سسلدی قضا غم سرایه خوش گلوب ال چکن مدینه دن کربلایه خوش گلوب خسته کاروان بو گون نینوایه خوش گلوب پادگانه خوش گلوب بو سپاه کربلا فاطمه گلر ئوزی گُللری سولان زمان عَلقم اوسته آی باتوب نَهره غم دولان زمان آلتی آیلیق اصغری قانه غرق اولان زمان ثبت اولار سماده بو قان گواه کربلا قانیله حسین ئوزی قتلگاهینی بویار بیر چوخور مکانیده سجدیه یوزون قویار خِضر گورسه سجده سین روزگاریدن دویار دیلده نوحه سی اولار سوز و آه کربلا

❣ورود به کربلا ❣ کربلا بگشای سینه مِهر اَنور آمده مِهر اَنور همره  ماهِ  مُنوَّر    آمده این حسینِ فاطمه آرام جان احمدست بَندِ دل بر فاطمه وین اِبنِ حیدر آمده با اباالفضل رشید آن معدن مهر و وفا با جناب قاسم و شهزاده اکبر آمده کربلا بارد ستاره بر زمین پاک تو خاک خود گهواره کن ششماهه اصغر آمده زین اَب دَه روز مهمان تو میگردد ولی دود آهِ سینه اش با سوز مِجمَر آمده بر زمین و آسمان ای کربلا گشتی نگین بر حَریمت چونکه آن سلطان محشر آمده (نادر) آشفته مهمانت اگر باشد، یقین از پِی عطر وجود شاه بی سر آمده 🌴🌴🌴🌴🌴🌴🌴🌴

دولاندی آیلار محرم اولدی گییندی عالم قرا حسینه دوباره اسدی قرا علملر قورولدی طشت عزا حسینه اسور دمادم نسیم ماتم بلا و محنت هواسی گلدی گئنه فلکدن یانان ئورکدن آقام حسین وای صداسی گلدی ئورکدن آغلا بو جَمعه شاید قولی شکسته آناسی گلدی سیز آغلیاندا شهیده زهرا دیور که روحیم فدا حسینه اسنده پرچم دوشور خیاله لوای صاحب لوا ابالفضل جبینی یاره سو مشکی پاره قولی بدندن جدا ابالفضل گتور مریضون مطب عشقه وئرر مریضه شفا ابالفضل که کربلاده کئچوب گوزوندن ائدوبدی حقون ادا حسینه فدا او مشکه که پاره لندی یارالی سقا اولوب خجالت گورنده قولسوز دوشوب ترابه سپاه دشمن ائدوب شماتت چاغوردی قارداش هایانداسان گل ائدوم دوباره سنی زیارت که فیض وصلون یتور تمامه جانیم فدادی آقا حسینه حسین یئتیشدی او دم هرایه گوروب وزیری غمه سپردی بدنده قول یوخ گوزونده قان وار یارالی جسمی شکسته پردی دئدی اویان گور اخا حسینون جنازون اوسته نه دیده تردی کمکسیزم دور آدامسیزام دور دوت اللریم وئر صدا حسینه هارداسان فاطمه بالاسی باشلانور جددوون عزاسی چکدیلر قاره عرشه دوتدی عالمی یا حسین صداسی داده گل . میر و مقتدا سن سن آقا یاسه گل . صاحب عزا سن سن آقا شیعه بو غمده سینه داغلار عشقیلن باشه قاره باغلار قاره کوینک گیینلر آقا جدیوون ماتمینده آغلار هارداسان . غم نواسی دیللرده قالوب گل اقا ، اصغرین قانی یئرده قالوب دیللره زمزمه سالان گل شیعه نین فکرینه قالان گل پرده ی غیبدن کنار اول ای حسین قانینی الان گل لطف ائله . آل اله سئنیق قلبیمیزی گلمه سون . کیم بیلر بیزیم دردیمیزی 🔵 شعر از : آقای عباسی معروفان اهری لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

نوحه جوشی باشلاندی حسین یاسی سس وئر بیزه یاعباس عاشقلرین آقاسی سس وئر بیزه یاعباس * اعلان عزا یعنی مظلوملاراسس وئر ماخ عشق عالمی یاران مولایه نفس وئرماخ نامحرمه یوخ ، عشقی ئوز اهلینه پس وئرماخ ای عاطفه دریاسی سس وئر بیزه یاعباس ای عاشق سرگردان معشوقی رضا ایله آیری قاپیا گئتمه گل بوردا صفا ایله گی قاره وی ور سینه اعلان عزا ایله سسلن شرف الناسی سس وئر بیزه یا عباس اعلان عزا یعنی غم دیللره اوت سالدی ایام محرمده دنیانی نوا آلدی دریا سو کنارینده شش ماهه سوسوز قالدی باتدی قانا سقاسی سس وئر بیزه یاعباس استاد کلامی زنجانی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

سس دوشدو اهل عالمه ماه عزا گلدی ای کربلا آماده اول شاه شهدا گلدی نصر من الله پرچمی صاحب لوا گلدی قویدی قد‌م توپراقوه شاه ملک لشگر سیاره شمس قمر قاسم علی اکبر محمیلده بانوی حر‌م گهواره‌ده اصغر زهرا قێزی زینب کیمی بیر مه لقا گلدی ال قولتوقوندا مرد و زن، شاه و گدا آغلار گویا محرم دیر گینه، ارض وسما آغلار صاحب عزادیر مجلسه خیرالنساء گلدی ⚫️ شاعر✍لاادری لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

گینه دلدن نوا گلدی عزا گلدی گینه عاشقلر اینینده قرا گلدی سینه داغلار زهرا عزا ساخلار زهرا دییر آغلار زهرا حسینیم ای وای غریبیم ای وای شهیدیم ای وای با نوای رنده یاد حاجدسلیم موذن زاده اردبیلی لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

استقبال از محرم به زبان ترکی دوتوب ماتم بو آي پيغمبر آغلار دير زهرا حسين واي حيدر آغلار باتوب ياسه بـو آيدا کون و امکان چيخوب عرشه بو آيدا داد و افغان اولون شيعه بـو آيـدا سيزده نالان بـو ماتــم‌‌ده بتــول اطهر آغلار گرک شيعه بو غمده داده گلسون ويروب سس زينبه امداده گلسون دمـادم آغليـوب فريــاده گلسون بو غمده يئرلر آغلار گؤيلر آغلار تؤکر صاحب زمان قانياش عذاره يئتـر غـم دمبـدم اول دلفــگاره گلـر شوريلـه هــر دم آه و زاره مدام اوز جدينّه اول سرور آغلار بو آي چوخ ظلم ايدوبدور قوم کافر باتوبـدور قانينــه شهــزداده اکبـر اولـوب مجنـون غـم ليلاي مضطر دير ايواي اوغول اُول مضطر آغلار بو آي زينب دوتوب دلدن شراره اولـوب قـاسم وجـودي پاره‌پاره آناسـي باغليوبــدور باشـه قاره او قـاره‌گون توکـر اشگ تر آغلار کسوب سو يولاريـن قـوم بداختر سولوب سوز عطشدن غنچه گل‌لر اَل اوسته اوخلانوبدور تشنه‌ اصغر اوخ آغـلار ياره آغـلار اصغر آغلار بو آي اولـدن حسينين عالمـي تار بو آي جـان ويـردي عباس وفادار سالوب قوللاريني سو اوسته اشرار حسين واي قارداشيم واي سويلر آغلار بو آي آغلار قالوبدور آل ياسين باتوبــدور قانـه انصـار شه دين اولـوب دشت بلا قانيلـه رنگين ايدوبـدور قان ترابي احمر آغلار بو آي زينب گرفتار غم اولدي پيمبر گلشني بو آيدا سولدي ديـار کربــلا قانيــله دولدي اوقاندان قانه دؤنموش دللر آغلار بو آي قالـدي شـه لب تشنه يالقوز يانوب دلدن او قارداشسيز اوغولسوز وورولـدي قلبينـه بيـر تيــر دلدوز او زخـم تيـره زخم خنجر آغلار حسيني ييخدي آتدان اهل کوفه اولوب آمـاج گـل جسمي سُيوفه دوشوب قان پرده‌سيندن گون کسوفه سپـهر دينـه مــاه انـور آغـلار ديموب قاتل حسين بي‌يار و کسدي قفــادن باشينـي لـب‌تشنـه کسدي دوتولدي گون يوزي قاره يِل اسدي بـو حالـه گويلـر آغـلار يئـرلر آغلار دوشوب گُل پيکري توپراقلار اوسته گُل آچميشـدي يارالار دسته دسته گلــوب بيـر دستـه بلبل دلشکسته ايدوب اول گل وجودي منظر آغلار شاعر✍لاادری لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#حاج نادر جوادی #روضه حضرت اباالفضل(ع)

نوحه اول ماه محرم ✅ گریز به عاشورا و قتلگاه حاج رحمان شاجری سبک : ای باشی سرنیزه ده ... محرمون گلدی آقایاحسین شیعه لرون گیدی قرایاحسین حسین حسین جان حسین جان سنه قربان حسین ای آدی گوشوارهٔ عرش برین چکدی سنون نازیوی روح الامین سینهٔ زهراگُلوسن بی قَرین سنله جهان تاپدی صفایاحسین سایه وی کسمه باشیمیزدان آقا امتون اولدی ئورگی قان آقا کرب وبلایه ائله مهمان آقا سنده دی بودرده دوایاحسین یاسه گلوب حسینی لرسربه سر باشین آچوب دلدن حسین وای دیر مسجدومحرابه قراچکدیلر عالَم اولوب بزم عزایاحسین ناله ائدورگویده ملکلرسنه اهل ولایرده گلوب شیونه آزقالورآفت یتشه گلشنه غنچه لرون پرپراولایاحسین فاطمه جنتده اورک داغلوری اوغلی حسینون حالنا آغلوری باشینه بوغمده قراباغلوری دلدن ائدورآه ونوا یاحسین ائیل دولانوب ماه محرم گلوب نالیه عرش اهلی دمادم گلوب دسته لرالده قره پرچم گلوب موج ائدوری بحر بلایاحسین ای سوکنارینده سوسوزجان وئرن جاننی جاناننه عطشان وئرن دینینه یتمیش ایکی قربان وئرن ای ایلین عهده وفا یاحسین واریری شیعه سنه دلدن یانا چون بدنون یاره سی گلمز سانا قتلگه ایچره بویانوبسان قانا اورک یاراسینه یارایاحسین یاره دگنده دل ناشادیوه اولمادی بیرکس یتشه دادیوه گلدی حسین جان باجون امدادیوه سسلدی دوریاندیم اخا یاحسین «شاجری»یازنوحه حسینه مدام یازدیقیوی دفتره ائت انضمام دردیوی یالوار دئ آقایه تمام عرض ایله ای کان سخا یاحسین #ورود_محرم لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

نوحه اول محرم به سبک ای باشی سر نیزده معراج ایدن با نوای کربلایی موسی محمدی 👌 نفستون گرم

۸.تشنه جیرانیم(حضرت علی اصغر) با نوای؛مسعود غفرانی شعر:فرهاد فکری لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

▪️۱۰.دور ای من غریبی 🎤بانوای دلنشین حاج مسعود غفرانی ✍شعر:مرحوم استاد ذاکر اردبیلی

‍   روضه حضرت ابوالفضل(ع) دردون اولسا دیمرم حاذق اطبانی چاغیر گوزووین یاشینی توک حضرت زهرانی چاغیر ویر خبر دردی اولانلاره دینن غم گلدی باشووه باغلا قرا موسم ماتم گلدی سینه وور سسله حسینی قره پرچم گلدی ای دوادن یورولان ماه محرم گلدی چاغیرون یوزلری اشکه بوروننلر گلسین قره پرچم دالیسیجاق سوروننلر گلسین بزم تجلیل شئونات امامتدی بورا مرکز کنگره شان و شرافتدی بورا ایری فکر ایلمه درگاه عبادتدی بورا گیتمه ایری قاپیا باب سعادتدی بورا غم یمه اولسا نه اندازه اگر دردون اغیر قلبووی پاک ایله بیر دفعه ابوالفضلی چاغیر احتیاجون وار اگر معجزه گر درمانه متوجه ایله افکاروی نخلستانه ساقی تشنه دوشوبدی یارالی میدانه ساق گوزی بوسه ویروب زهریلی بیر پیکانه سروه اوخشور اوجا قدی ولی خوللاری دوشوب بیر یانا مشکی دوشوب بیر یانا قوللاری دوشوب کشتی عشقیدی گویا کی قالوب طوفاندا عمرینون اولدوزی ایستور باتا نخلستاندا ئوزینه فکر ایلمور هیچ ایله بیر بحراندا تلین اوستونده قالوب قلبی گرو جاناندا گوردی یوخدی یارالی قوللارینون درمانی دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر منتظر دور سنه میدانیده بو عبد حقیر دیمورم گل منی قویما ایلیه لشکر اسیر ننووی ایستسه گویلون ئوزووی فوری یتیر باشیم اوسته اوتوروب گوز یاشی رخساره الور ساچلاریندان باجیمون ساچلارینون عطری گلور اوغلونون نوکرینه اولدی خانم تعزیه دار ایستیوردی سیله گوز یاشینی اول لاله عذار غفلتا اولدی حسین جان قره روبندی کنار نجه تعریف ایلمیشدون یوزینون لکه سی وار قد رعناسینی واضحدی کی غم غصه اگوب کول منیم باشیمه اولسون یوزینه سیلی دگوب سایه لطفی علمدارووی بشاش ایلدی گوردی احوالیمی مستوجب پاداش ایلدی ئورگیمدن کیچنی بیلدی خانم فاش ایلدی نوکریدیم سنه گلدی منی قارداش ایلدی هر نه امر ایلسه دستوری مقدمدی منه پرچمیم دوزدی یاتوب ساچلاری پرچمدی منه قارداشین الدی سسین خیمه ده سلطان انام زینبی محضرینه ایستدی ازاده امام گیدورم من دیدی ای خواهر مرضیه مرام اللی ائیل منتظریدیم ایله بیل گلدی انام بیلدیم عباسی اگر گورسه نیستانه گلر سنی ده یوخلاماقا شام غریبانه گلر مرکبی حاضر ایله عزم ایلیوم میدانه قوی گوروم هاردا باتوب ماه شرافت قانه اولمیا قارداشیمون عمری چاتوب پایانه بلکه روحی پر اچوب علقمه دن رضوانه حقووی قارداشووا سنده ادا ایله باجی گیت اوتور خیمه ده عباسی دعا ایله باجی زینبی تاپشروب اللهه غرض شاه ولا تشنه قیزلارینا بیر باخدی صورا دوشدی یولا پر اچوب مرکبین اوسته خلف شیر خدا ایاقی التدا قویوب عرصه نی شاه شهدا گوردی قولسوز یخلوبدی یره سرداری یاتوب باش قویوب تپراقا غیرتلی علمداری یاتوب دئدی ای ام بنینون گل بی خاری اویان منه گولدورمه بو میدانیده اشراری اویان دیمورم ال نظره لشکر کفاری اویان بلیمون سینماقینون خاطرینه باری اویان نیه بو حاله قالوبسان سنه اصغر قربان یارالی باشووه قارداش علی اکبر قربان سنی درس علوی جنگه زبر دست ایلیوب غیرت اللهی علی روحووه پیوست ایلیوب حیف اولا دشمنووی دست زمان پست ایلیوب کیم ئوپوب لبلریوی عطری منی مست ایلیوب قوریان لبلرووه جام لبالب قربان کسیلن قوللاریوا غمزده زینب قربان ایستورم گوز یاشیما باشووین اوسته بویانیم سن یانان اتش حسرتده گرک منده یانیم گل گئدک خیمه ده سن یات ایاق اوسته دایانیم باشووی تپراقا قویما باشووا من دولانیم تیتریور اصغریمون لبلری مثلی بدنیم منتظردور سنه قیزلار ایویمی یخما منیم لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

👆👆👆👆👆 مرحوم زنده یاد حاج یوسف،حسین پوراردبیلی

🏴ذکر صلوات ایام محرم 🏴 به حسین بن علی کشته ی قرآن صلوات به غم وسوز دل وآه یتیمان صلوات بالب تشنه به میدان شهادت می رفت به دل سوخته ی خیمه نشینان صلوات عطش وتشنگی وغنچه ی صد ها لاله به علی اکبر وآب آور طفلان صلوات آن حسینی که به صحرای بلا جان می داد به گل پرپر افتاده به میدان صلوات دیده بگشا وببین خاک شده غرق به خون به تن اطهر خونین شهیدان صلوات آسمان صیحه کند از غم تنهایی او به چراغ سحر شام غریبان صلوات آید از کرببلا بانک شهادت طلبی به سر رفته به نی در ره جانان صلوات کر بلا قبله ی دلهای پریشان باشد به زمینی که بود روضه ی رضوان صلوات کیست تا این همه ایثار به تصویر کشید به قلم های پر از جوهر ایمان صلوات 🔳🔳🔳🔳🔳🔳 🍁خواهی ز پل صراط آسان گذری 🍁بر تشنه لب شهید کربلا صلوات 🍁خواهی که کنار علقمه بنشینی 🍁سقای شهیددست جدا راصلوات 🍁خواهی بروی کنار هفتادو دو تن 🍁هم قاسم و اصغرو علی را صلوات 🍁خواهی که بوقت مرگ راحت باشی 🍁جمع شهدای کربلا را صلوات لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

من زینبم عمروم بویی بارغم اپاردیم حضرت زینب سلام الله علیها علی مظفری من زينبم عُمريم بؤيی بارِغم آپارديم دنياده نَقْدر غم واريدی از دم آپارديم سوز يوخ هامونين هر ندن آز چوخ پايی واردی اَولده من ئوز سهميمی بيش وکم آپارديم هر شخصه ئوز اندازه سی پای چاتدی وليکن من هر ندن آرتوخ گنه درد و غم آپارديم بش سنّيدن اولدوم غم و اندوهه گرفتار اندوه و بلانين هاموسين با هم آپارديم جدّيمله آنام گِتدی اليمدن ياسا باتديم آلام و مصيباتی ايدوب مُدغم آپارديم ئولدی آتام حيدر گونوزوم شامه دولاندی اوچ دردی منِ غرقِ مصيبت جم آپارديم زهريله حسن قارداشيمی ايتديله مسموم سيلِ غم آشوب داشدی اولوب چون يم آپارديم اولدی ائلکه کرب وبلا صحنه سی ايجاد صبری ئوزومه موسم غم همدم آپارديم ئولدی آتامون يدّی رشيد اوغلی ستمله هر تک تکينه گوز ياشيمی مَرْهم آپارديم قارداشيم حسينون باشينی شمر کَسنده حمله او دنی فطرته چون ضيغم آپارديم گوردوم که دوتوب قان گوزونی شوم و پليدين شمشيرينه يالخی اليمی محکم آپارديم دوغراندی اليم آخدی يره قان ياراسيندان قارداش قانينا قانيم اولا مُنْضَم آپارديم قانلی گوزونی آچدی حسين بير منه باخدی قلبينده اولان مطلبه پی اُولْدَم آپارديم بيلديم که ديور گيت باجی اخيامه يوبانما گيتديم ولی قلبيمده غمی مُبْهَم آپارديم ناگاه هوا دولدی غبار غم اَلندی غملی باشيما اللريمی نم نم آپارديم اخيامی جفا اهلی ستمله اودا چکدی ياندی اورگيم شعله چکوب سينم آپارديم گون باتدی عزالی بالالار ماتمه باتدی نحر اوستونه بير نصفی يانان مَخْيَم آپارديم يغديم بالاجا قيزلاری نيم سوز خيامه غم مشعلينی روشن ايدم بير شَم آپارديم غملی گئجه نی صبح ائلدوک غم چادريندا عريان دَوييه مينمگه پی کم کم آپارديم قول باغلی بيزی چکدی عدو کوفيه ساری وادیّ غمه غافله نی بَرهم آپارديم درديم تزه لندی يتيشن وقته او شهره اولدی غم و درديم گنه بير عالم آپارديم اَولکی سفرده واريدی جاه و جلاليم سونکی سفر امّا ألم و ماتم آپارديم اون ايکّی گون اولدوخ سپه اَرزله مَحْبوس شاماته آغارمش ساچی قدّی خم آپارديم جان ويردی رقيم آرادا قالدی جنازه گوش فلکی پاره ليه نالم آپارديم قورتاردی اِسارت گنه ده يثربه گلديم غم دفتريمی باغلاماقا خاتم آپارديم زهرا آنامين گيزلين اولان قبرينين اوسته دلده غم اوخی گوز دولوسی شَبنم آپارديم غارت اولان اَجناسيکه قالميشدی اليمده بير بوخجيا بوکدوم هاموسين توأم آپارديم شهر نبوی مُوطن غم باريده گوردوم هر تک تکی حتماً اولاجاق مُلْزَم آپارديم اَولجه آنام فاطمة اُمّ بنينين ديدارينه گيتديم ولی فوج غم آپارديم ياسلی يانينا قاعده دور گُل آپارالار من نه گُل سوسن نه ده کی مريم آپارديم کيم گلسه سفردن آلار اقوامينه سوغات منده آناما قانه باتان پرچم آپارديم صغرايه علی اکبرينون قانلی لباسين عبدالهه سو مشگيني حيف بی نم آپارديم غم فوجی نقدری منی پيچ و خمه سالدی نه شکويه گلديم نده هيچ صبريم آزالدی پيراهن عشقی هله ده سويمامشام من تير غميله غملي دلي اُويمامشام من اَلّي اِيلدي بو دنياي پُر آشوب بلاده هردرده دوزوب گلمه ميشم شيون وداده عُمريم بؤيي آسايشه هيچ چاتمامشام من آسودليگيله گئجه لر ياتمامشام من هر عصريده غم بحرينه غرق اولموشام اَمّا سالموبدي اياقدان من زاري غم دنيا هر چند باشيما اَبر بلا سايه سالوردي صبريم گوني گوندن گنه دائم چوخالوردي صد حيف ولي كرب و بلا دردي قوجاتدي دنياي فنانون غمي يكسر منه چاتدي اُول وقتدن حسين قاره سيني باغلامشام من اِيللردي گئجه گوندوز اورك داغلامشام من قارداش ئولومي قدّي بوكر غم باش آغاردار گوج گلسه غم انسانه اولار زندگي دشوار قلبي دولار اَمّا غم و دردين يوزه سالماز گوز آغلاماسا غمدن اورك باشي بوشالماز بير اِيلدي گئچور واقعة كرب وبلادن دينجلمور اورك زمزمة آه و نوادن غمدن آغاران زلفه حنا قويمامشام من قارداشلاريما آغليوب هيچ دويمامشام من عُمريم قوتارور عالمي داي ترك ايدورم من ياس كوينگي اَگنيمده مزاره گيدورم من بالينمه اَلسّاعه حسينيم گله خوشدي جان اوسته بو گوز ياشيمي يوزدن سيله خوشدي افسوس او دم پيك اَجل گلدي (مظفر) جان وئردي غريب ئولكده اُول زينب مضطر لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

دوبیت شروع ماه محرم عرض ارادت به امام زمان عج لنگر ارض و سما یامهدی دردلره ایله دوا یامهدی هارداسان ای شرف عالمیان آدیوه شیعه فدا یامهدی قورولوب بزم عزا یامهدی باشلانوب دلده نوا یامهدی کربلا شاهینه یاس ساخلیاروق هامی اگنینده قرا یامهدی عشقیمیز بو قره پرچمدی آقا مجلس نوحه و ماتمدی آقا وای حسین وای دیروک عمر اوزونی عشقیمیز ماه محرمدی آقا گلمیشوک سینه میزی داغلاماقا جدیوه نوحه دیوب آغلاماقا عمون عباسی آقا یاده سالوب او اوزون قولارینا آغلاماقا کیمدی عباس، آدی دللرده قالوب علقمین نهرینی غیرتله آلوب تشنه لر خاطرینه ایچمدی سو مرحبا رتبه سی عرشه اوجالوب دیوروک اول شرف الناسه سلام سویلروک دسته گل یاسه سلام قاره پرچملری عشقیله ئوپوب دیروک حضرت عباسه سلام ✍کربلایی حسن طیبان #ورود_محرم #محرم1402 #امام_زمان_محرم لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

🏴نوحه اول محرم 🎼سبک: دوباره مرغ روحم هوای کربلا کرد__ قان یاغدی کربلاده صحرایه یامحمد(ص) گلدی مه محرم،قوزاندی قاره پرچم ماه عزاگلوبدورشیعه توتوبدی ماتم عطشان ئولن حسین وای وای بی کفن حسین وای(۲) #####$$$$$####### کاش کی مه محرم دنیاده اولمویایدی گلزارمصطفانی ایکاش که سولمویایدی نه قاره کوینکیله گوزیاشه دولمویایدی تشنه قالوب حرملر باغلاندی نهر علقم عطشان ئولن حسین وای وای بی کفن حسین وای ####$$$######### بوآیداقانه باتدی کرببلاده اکبر ووردی قلج باشیندان بوآیدابیرستمگر نیزه قلج وورولدی دوغراندی جسمی یکسر سسلورحسین اوغول دورقان آغلویوربودیدم عطشان ئولن حسین وای وای بی کفن حسین وای(۲) ###$$$$$$$$$$$$$$$ بوآیداجان وئروبدوربیربا وفا علمدار نهراوسته مشکه خاطر دوشدی یراوسته قولار بوآیداباش وجاندان گئچدی وفالی سردار مشکی دولوبدی قانه یاره دگوب دمادم عطشان ئولن حسین وای وای بی کفن حسین وای(۲) #$$$$$$$########$$ بوآیداآلتی آیلوخ اصغرقانا باتوبدی اخیامیده آناسون گوزدن بوآی آتوبدی اوچ شعبه اوخ دگوبدوراشکین قاناقاتوبدی قونداقی قانه دولدی یاندی غمینده عالم عطشان ئولن حسین وای وای بی کفن حسین وای(۲) ###$##$$$##$$### قالدی حسین بوآیدا کرببلاده یالقوز اولموبدی یارویاورقالدی بوآی اوغولسور گوردی کمک ائدن یوخ چکدی بیرآه جانسوز زهرادیوب اوغول وای جنتده یاندی خاتم عطشان ئولن حسین وای وای بیکفن حسین وای(۲) #$#$$$$$$$$$$$$$$$ جنگ ایلیوب یورولدی دگموشدی بسکه یاره داش دان صورا وورولدی آنیندان اوخ دوباره سینه آچیلدی بیراوخ قلبین ائدیبدی پاره اکبرغمیله اولدی قلب حسینه همدم عطشان ئولن حسین وای وای بی کعن حسین وای(۲) #$$$$$$$$$$$$#$$$$ ازبسکه یاره دگدی دوشدی حسین منایه طاقت کسیلدی دوشدی صحرای کربلایه گودال قتلگهده اولموب یتن هرایه صاحب دیوریازاندایاندی غمینده سینم عطشان ئولن حسین وای وای بی کفن حسین وای(۲) ✍بقلم استاددهقان (صاحب) 📚منبع کتاب ایثار صاحب لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#وداع_امام_حسین_ع کوی عشقیده شوقیلن بو گون قانه باتماسام برملا باجی قرب حقّیده دشت ایمنه فخر ایدر نجه کربلا باجی ایچمشم بو گون قان شرابینی جرعه جرعه من جام عشقیدن نشئه تاپمارام مست اولماسام هم شراب گلفام عشقدن اولماسام فنا آلمارام بقا اولمارام رها دام عشقیدن زندگانی جاودان ویرور عشقیدن منه بو فنا باجی توکسه ابر غم بارش اَلَم باشیم اوسته هر دم، غم ایتمرم قان فرات تک موج ایدوب داشا دیده ی دلی پر نم ایتمرم هر بلا یتیشسه بو گون منه چشمیم اوسته ابرو خم ایتمرم عالم ازلده بَلی دین سویلَمز داخی حرف لا باجی اونداکی سینار جور و ظلمیلن قانه غرق اولور کشتی نجات بی قرار اولور چرخ نیلگون اختیار ایدر لرزه شش جهت حاملان عرش اختیارینی سلب ایدر بو گون بو عوالمات هم پوزار صفوف ملائکی یر اوزونده کی ماجرا باجی اول زماندا لشکردن آیریلور شمر بی حیا اضطرابیلن قصد ایدر منیم قتلگاهیمی هر قدمده سعی و شتابیلن نه هواده نور فلک قالور نه فلکده ضوء، آفتابیلن وحشته دوشر قدسیان هامی حیرت اوسته هم ماسوا باجی چوم من اولّام اول قتلگاهیده شوقیله او ساعتده ممتحن انبیا حضوریله برملا کشف اولور ندور مثمن و ثمن سس گَلر حق لایزالیدن ایسته بذل ایدوم هر نه ایسته سن حیّ لم یزل فیض ذاتینی ایلیوب منه خون بها باجی اوندا ترک ایدر قارداشون سنون بو جهانیدن هر علایقی وعده ی وصالیله عاشقون ماسوا نه صورتده لایقی بیر باشیملا کشف ایلرم او دم شمر اَلینده سرّ حقایقی اوندا ختم اولار بو حسین ایدن خالقیله بیع و شرا باجی ایمدی قوی گیدوم تشنه جان ویروم تنگه دوشدی وقت شهادتیم وار شهادتیمده رضای حق، حق رضاسی عین سعادتیم آغلاسان اگر شیون ایلمه پوزماسون بو حالون او حالتیم ای باتان بو غرقاب محنته کشتی غمه ناخدا باجی دیشره چخما بو خیمه گاهیدن ای سپهر عصمتده کوکبیم سویلمه علمدار اُلوب علم یاتدی تار و مار اولدی موکبیم گیچمز اول قدر که گورر گوزون ناله و فغانیله مرکبیم خیمیه طرف شاه سیز گَلور مات اولوب ایدر آه و وا باجی اونداکی خبر گَتدی سیزلره، بیر نظاره ایت سن بو توسنه آشکار اولور حالتیم سنه دشمن ایلیوبدور نلر منه قتلگاهه گَلسن قِییت گلن خیمه گاهه، یالوارما دشمنه راضی اولما ایتسون شماتتی بو حسینیوه اشقیا باجی ای حسبده زهرایه نائبه وی نسبده خیرالوری قیزی گرچه صدر اوّلده کتب ایدوب منشیان بزم وفا سیزی من شهید اولاندان صورا ویرون غارت ایتسه دشمن لباسیزی چون دیوبله آل عبا سیزه بسدی سیزلره بیر عبا باجی چکمه غم که خلقتده اولموسان رشک خلد و حورایه ماصدق صفحه ی جمالون صفا ویرور عالمه اوخونسا ورق ورق خیره دور هامی دیده لر سنون عارضوندن آلماز مگر شفق بیله کیم گورونموبدی بیر گوزه شمسیدن به غیر از ضیا باجی چوخ تعجّبیم وار قلم نجه یازدی بو بیاناتی دفتره خامه خام اولور بو یتیمیلن ویرسه دل اگر اوزگه دلبره بو وداعیدن وار تدارکیم عاصیانِ هنگام محشره سن شفیعه سن بو یتیم اوچون، من شفیع روز جزا باجی #مرحوم_مولانا_یتیم لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

وجه الحسن #مرحوم_استاد_‌عابد #حضرت_علی_‌اکبر_ع #تغزل خط گردی سالیب سایه او وجهُ الحَسن اوسته چم دور دییه سن بس دوشنوبدور چمن اوسته جفت اولموش ایکی غنچه لبون، طاق ایده طاقت یا لعلِ بدخشاندی عقیقِ یمن اوسته زلفوندی دوشوب گل اوزوه دسته به دسته یا خرمنِ سنبل توکولوب نسترن اوسته تابِ مِی ایدوب غرقِ عرق صفحهء حُسنون شبنمدی دوزولموش دییه سن یاسمن اوسته چاک ایتمیه تا دستِ صبا سِترِ عفافین غنچه گیینوب پیرهنی پیرهن اوسته دل بیر سرِ مویونده ایدر قطعِ مراحل فخر ایلمه سین چوخ او کی اوینار رسن اوسته من من دییوب اوز نفسیوه اولما بیله مغرور چوخ کیمسنه لر خاک نشین اولدی من اوسته دل مشتری وصلیدی جان نرخینه، گیچمز بو بِیع و شَرادن کم و بیشِ ثمن اوسته مه جلوه سینی گوستریری ابرِ سیهده زنگارِ خطِ سبز او سیمین ذقن اوسته مِی دورینی تعطیل ایلدی گردشِ چشمون خُم خانه خراب اولدی ایکی خُم شکن اوسته زلفون بهم ایتمه که پوزار نظمِ جهانی خَم اوسته توکولدوقجا شکن خَم شکن اوسته (عابد) بو سوزون دورینی سال اوزگه مداره دورما داخی وصفِ رخ و چشم و دهن اوسته چک قافلهء نظمی بیابانِ بلاده شرحِ صفتِ اکبرِ گلگون کفن اوسته چون پادشهِ تشنه لبین تازه جوانی آغشته اولوب قانینه عهدِ کهن اوسته صد پاره اولان پیکری حمل اولدی عباده قتلایه طرف امرِ امامِ زمن اوسته دورینده خواتینِ حرم انجمن ایلوب بال آچدی بلا طایری بو انجمن اوسته زلفین یودولار اشگیله هرگز دیمورم من ایثارِ نجوم ایتدیله عقدِ پرن اوسته هر کیمسنه اوز کامیجه دردین دئدی، آخر لیلا یتوب اول زخمیله مستور، تن اوسته بشکفته گوروب یاره لرین قرمزی گل تک شوریده هَزاران کیمی گلدی سخن اوسته جانسوز دلیله دئدی ای روحِ روانیم لیلادی گلن شیونه بو گل بدن اوسته ای آینهء صورتِ پیغمبرِ اکرم وی قانه باتان دینِ حقِ ذوالمنن اوسته قان جلوه سیدی بو سرِ گیسوی سیهده شنگرفدی یا تودهء مشگِ ختن اوسته افسوس که مرآتِ فروغِ رخِ یزدان زنگاره باتوبدور هوسِ اهرمن اوسته سنسیز نجه غرق اولمیا ای ساحلِ امّید بو تخته نشین موجِ بلا و فتن اوسته یعقوبِ دل ای یوسفِ کنعانِ محبّت هجرونده یانار عمریجه بیت الحزن اوسته نولدی او رشادت که ایدردون تنِ تنها حمله نقدر معرکه جو تیغ زن اوسته آهنگِ قتال ایلدیقون وقتیده، گویا شهباز هجوم ایلوری زاغ و زغن اوسته ایمدی نیه بو حالیله قان ایچره یاتوبسان؟ بو پردهء گلگون ندی وجه الحسن اوسته کامِ دلِ اعدایه اولوب یوخسا مداری گردون که همیشه دولانار مکر و فن اوسته (عابد) داخی بو باره ده کافیدی حکایت چکمه دلِ احبابی ملال و محن اوسته سوز یتدی گوزل طرزیله پایانه اگر چه برخورد ایلدون مشکله بو سر سخن اوسته. ۱۳۳۹ التماس دعای فرج لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫