#زبانحال حضرت اُمّ البنین یثربده وئرور بیکس آنان جان اوغول عباس گل باشمین اوسته اوخی قرآن اوغول عباس امکانی اگر اولسا گلوب قبره ئوزون قوی ساخلا آناوا شام غریبان اوغول عباس زینبدن ائشتدیم باشوین چوخلی بلاسین بیر عمر ائلدیم ناله و افغان اوغول عباس من بیله ائشیتدیم که او صحرای بلاده سن ایتمیسن ایثار فراوان اوغول عباس فتح ایله میسن نهری ولی ایچمه میسن سو انصاف و مواساتیوه قربان اوغول عباس زینب دئیوری سالدیلا قولاریوی تندن قولسوزیخیلیبسان یئره آتدان اوغول عباس زهرا آچوب آغوشینی،سویلوب سنه اوغلوم گوزیاشلی اومحبوبه جانان اوغول عباس گل باش چک آنون ام البنین دلده ملالون قبره گئدوری سینه سی سوزان اوغول عباس بیر سوز دئدی زینب منه، یاندی دل زاریم آلنوندان ئوپوپ ناوک پیکان اوغول عباس سندن سورا ای محرم اسراریم اولوبدی بو غملی مدینه منه زندان اوغول عباس قرآن سَسیوه هر گئجه عادت ائلمیشدیم گل باشمون اوسته اوخی قرآن اوغول عباس از بس که ووروب اهل جفا جسموه یاره قلبیم اودی اولموش بئله شان شان اوغول عباس دائم سنی مندن سوروشور غملی یتیمون گل گویلونی شاد ائت اولا خندان اوغول عباس دورت اوغلوم ئولوب قالموری بیرکس منه ایمدی تشییعیمه وئرسون سر و سامان اوغول عباس طوفان بلا اسدی سنی آلدی الیمدن بیر عمر منی ائیلدی نالان اوغول عباس تشییعه اگر گلسون حسینه خبر ائیله دئه یولدی آنام ،شاه شهیدان اوغول عباس سو اوسته ائشیتدیم کی دوشوب قوللارون ای وای ادامه ی شعر در کانال #استاد #عدلی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🥀  زینب (س) در مقتل  🥀 چَرخین کَج اولدی گردش دورانی زینبه زندان ائدوبدی  عالم   امکانی   زینبه دنیاده اَلّی ایل اونا یول یولداشیدی غم پای آلدی مَعجریندن اونون هر قرا عَلم امّا رشیده قَدّی اولوب کربلاده  خَم گوستردی دَهر دون بِله طوفانی زینبه نَعشین گوروبدی قارداشینون قتلگاهیده قلبی آلیشدی دوندی کولَه دود آهیده گویا تاپوبدی یوسف زهرانی چاهیده گوستر دئدی بو عرصه ده درمانی  زینبه سن مِهر بی غُروبسن ای شاه مَشرقین اَعظم مصیبتون نجه گور سالدی شوروشِین قان آغلیار غمونده چولون داشلاری حسین نوحه اولوبدی قوشلارین اَلحانی زینبه واضحدورعشقین عالمی مین رَمزورازاولار درگاهِ  حَقّه  مُلتمس اهلِ نیاز  اولار امّا بو نوعی قارداش هایاندا نماز اولار تفسیر ائدوبدی سجده سی عرفانی زینبه کرب و بلانی آهیمیله داغلارام حسین باغلانمیان  یارالارووا  آغلارام   حسین چاتسا اَلیم جدایه گوزون باغلارام حسین چوخ دردیدور آچیق گوزوون قانی زینبه باشون چاتوبدی قاتله نَعشون چاتوب منه سن آغلا نیزه ده منه ، مقتلده  مَن سنه گورسه بیزی بو حالیده آغلار  جوان نَنَه باشون تَلاوت  ایلوری  قرآنی  زینبه اِحرامیدن چیخوبسان اگرای گوزل حاجی هارداقالوبدی یاره لی باشین یاشیل تاجی قربان اولا  جِدادن آخان   قانووه باجی گوسترمَه چوخ محاسن  اَلوانی  زینبه قان آغلیار بو قانلی باشا چوللَرین داشی وئرسیدیلَر  اگر منه  بو  یاره لی   باشی قانه باتان یایاقی یوواردی گوزوم یاشی تا که چاتیدی  لبلرون احسانی  زینبه گرچه دوزوبدی سِیریمه  غملر ، قطارینی اما گَرک وِرام  مَحَکه  عشق  عیارینی بوسه ائدم بوغازوون ایندی دامارینی صادر ائدوبدی عشق بو فرمانی زینبه (نادر) بو زینبون غمینه بیر مثال یوخ هر بیر مصیبتین بیلر اهل اشاره اوخ امّا بو غملریندن اونون اِلتفاتی چوخ وَقف ایله سنده دیده ی گریانی زینبه #استاد نادر بابای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#مداح اهلبیت #احسن #حبیبی 🌹سرود تولدعلی(ع) -آهنگ نوایی🌹 شاه مردان گلوب - جان جانان گلوب عالمِ امکانه  -     شیر یزدان  گلوب      یاعلی یاعلی - یاعلی یاعلی قدومیلَن صفا وئردی بو جهانه زینت اولدی مولاکعبه ی یزدانه شمع رُخسارینه شیعه لَر پروانه عرش اهلی سَسلندی ماه تابان گلوب      یاعلی یاعلی - یاعلی یاعلی ای صبا وئر خبر یارِ طاها گلور گُلسِتان عشقه سَرو رَعنا گلور تک سوار عرب شیر هیجا گلور عالم امکانه عطر رضوان گلوب یاعلی یاعلی - یاعلی یا علی #استاد #نادر#بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💧زبانحال حضرت معصومه(س)💧 هر گجه غَمین آشناسیم گَلدی کاروان گَلمدی بابام آغلیاندا نِی لَر نواسیم گَلدی کاروان گَلمدی بابام اون بیرایلدی قالمیش گوزوم یولا اولدی مونسیم غم مدینه ده گون باتان زمانی همیشه من آغلارام دَمادَم مدینه ده آز قالور آتام فُرقتینده بو قامتیم اولا خَم مدینه ده درد فُرقتین مبتلاسیم گلدی کاروان گلمدی بابام هانسی یردی موسی بن جعفرون ای حَق مِنان ایندی مسکنی بیلمورم هارا گئتدی باغبان ترک ائدوب نَدن صحن گلشنی هر گجه آتالار گَلن زمان گردش فَلک آغلادار منی من اسیر بند جفاسیم گلدی کاروان گلمدی بابام گونده من اَذان وقتی آلمیشام رشته رشته بو زُلفیمی اَله ائتمیشم دعا حَیّ ذوالمَنه بلکه بو سفردن بابام گَله گلمیوب الهی مسافریم اولمیوب دعا مُستجاب هَله بو مَشیَّتین من رضاسیم گلدی کاروان گلمدی بابام #استاد نادر بابای لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌲 شیعه و ناموس 🌲 کیم عزادار حسین اولسا اگر دوز ، آغلیار گرمعاشی اولماساآج بطنینه داش باغلیار رو به رو اَهریمَنیله اولسا بورنون داغلیار شیعه هاردا آرمانِ زینبی باشدان آتار ساتمازئوزناموسینی ساتسااگرجانین ساتار شیعه درس مَحبَسی موسی بن جعفردن آلوب آجلیقین درسین سه ساله خوردا دختردن آلوب تشنه لیک مشقین سوسوزششماهه اصغردن آلوب غیرتیلن ، عفّتی بیر ماه و کوکبدن آلوب بیرعلی اوغلی اباالفضل بیرده زینبدن آلوب چوخ خانم واردی عَفیفه هم فقیرهم آج اولار توسن نَفسی اَزَر ناموسی باشدا تاج اولار بیر بِله گوهر مگر جان نقدینه حرّاج اولار نخ نما اشعارین ایندی قالمیوب کیفیّتی کیم ساتورناموسینی ذاتاً یوخیمیش عفّتی #استاد نادر بابایی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

⚘زبانحال حضرت امام کاظم (ع)⚘ هارون دَنی گتدی منی جانه الهی پیک اَجلی یولّا  بو زندانه   الهی گوندوز منه زندانیده لِیل غم اولوبدی ایللَربویی مَحبسده بو قَدّیم خَم اولوبدی زنجیر اَریمیش پیکریمه همدَم اولوبدی جسمیم اَریدی تا یتَه پیمانه الهی من خَلوت زندانیده مُشتاق عبادت ظُلمینده تاپوب سِندی شاهَکده جسارت ائتدی نَه ستملر منه بو کان شَقاوت حسرتلیم اول خَلوت عِرفانه الهی غُربتده اَسیرم بیر عیادت ائدنیم یوخ مَحبسده غَریبم گَلنیم یوخ گئدنیم یوخ شهپرسیز اولان بیرقوشام امّاچمنیم یوخ اوغلوم گَله جَک شام غریبانه الهی هو حَق بِله زندانیده هَنگِ نَفَسیمدی وصل عالمی خَلوتده منه سجده بَسیمدی تَرلانه مِثالم که بو زندان قَفَسیمدی تنگ اولدی قفس یارَه لی ترلانه الهی هارون ائلین ظلمی دوزَنمز اوجا داغلار یکسر سارالار گورسه بو احوالیمی باغلار بغدادیده من ، یثرب اَرا قزلاریم آغلار معصومه باخار یولّارا  اَلانه  الهی گرچه منی زندانیده چوخ یوردی بو دشمن حاشا باش اَگم ظالم غَدّاره بیلورسن جَدّیم کیمی لا کلمه سینه مُمتحنم من باشدان اَیاقا گر بویانام قانه الهی یارب سن ئوزون ایله کرم ائت منه امداد یورقون بدنی ایله بو زندانیدن آزاد زهرا نَنه مَه قوش منی اولسون ئورگیم شاد اَعوانیم اگر چه گَلر افغانه الهی #استاد نادر بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

آقا امام صادق مولا امام صادق گوزلور یولون بهشتده زهرا،امام صادق . واگیر : آقا امام صادق مولا امام صادق سن فخر شیعیانسان شاهنشه جهانسان منصورین اولسون عالم سن سید جنانسان . دین باغینه بوداقسان مومنلره دایاقسان موسادن آیریلورسان اسماعیله قوناقسان گویده ملک لر آغلار ارواح اطهر آغلار یرده دیزین قوجاقلار موسی بن جعفر آغلار . طبل بلا چالندی فرش عزا سالندی قبض اولدی روح پاکون یورقونلیقون آلیندی . دهرین وفاسی یوخدی شهرین صفاسی یوخدی زخمون داخی ساغالماز زهرین دواسی یوخدی . گون باتدی قاش قارالدی دنیانی ظلمت آلدی رنگون ایشقلی آی تک بیردن نیه سارالدی . ای صاحب کرامت بو جمعه ائت عنایت بو دنیادا زیارت او دنیادا شفاعت . باشدان باشا گناهوک شرمنده الاهوک قوما بیزی قاپوندان مسکین و بی پناهوک . یابن ابا عبدالله یا سید خلق الله یا وجیها عندالله اشفع لنا عندالله ^#استاد علیوی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اوخ دیدی الیکی بالانون حلقونی بولدی دیسکیندی ازل آغلادی اونان سورا گولدی دیلنمدی اصغر،نیه ای دست طبیعت بس دینمیجک سن بونجه عدل و عدالت آسوده یاتا حرمله قبرین بوجاغیندا اصغر یوزی گوز قانلی حسینون قوجاغیندا??? گر واردی جوابون بویور ای قادر قدرت!!!! سس گلدی ملکلردن هزیان دیمه ای منعم بدبخت تر تازه او عطشان بالانی ساخلامیشام من توپراقه دیدوم ساخلا بو قربانی امانت قبره دیمیشم ساخلا بو عطشانی امانت چوخ قورخولی بیر محکمه وار باشلاناجاقدور #استاد حاج یدالله منعم اردبیلی رحمت الله علیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🔻ناکیشیلَر میدانی 🔻 نَه خبر واردی قاباقدا گِنَه بحران گورونور بوریوب مملکتی خدعهء شیطان گورونور اِیش دوشوبدور عَجبا دَهریده نامَرد اَلینه فانی دنیا دِیوسَن عارفَه زندان گورونور بیرکِیشی گئتدی یرین آلماقا چوخ ناکیشیلَر که ناهاردانصورا چاتمیش چورَگَه خان گورونور شَرفی که ایتیروب میز ریاستده گزور فکرائدور تولکیلَر ایندی گوزه اَصلان گورونور یوخ گمانیم بوگلنلَر بیله یوخسول حالینی بابا آب داد اوخیان مُنتظِر نان گورونور بَشره باخ نِجه اِبنُ البَشری خام تانیوب یاره نی باغلاماقا الده نمکدان گورونور آئیل ای هموطنیم قویما گلن قوردی ائوَه جایماسون مملکتین دردینه درمان گورونور اولاری که آقازاده بئجَروبدور نَه بیلور یوخسولون آهی نَدن بیربِله سوزان گورونور قویمیون بیرده آچا غارته اَل اهل فرنگ بوکلیدساز قوشونی لشگر مروان گورونور هَرَه بیریولدادی(نادر)سن هایاننان گِئدوسن امتحاننان چیخاکیم فاتِحِ میدان گورونور #استاد نادر بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌹درد و دلی با مهدی فاطمه ای گوزی یاشلی دولانان چوللری گل سن ئوزون حل ایله مشکللری صولدی ولایت باغی نون گوللری غصه دن آزاد ایله بلبل لری یا حجت ابن الحسن العسکری سن آقا اسلام نگهبانی سن روح علی فاطمه نین جانی سن دردیمیزین چاره و درمانی سن ملکوموزون سویملی سلطانی سن ساخلاسین الله بیله خوش منظری یا حجت ابن الحسن العسکری آخ گوروم عزت علمون یاتماسین حق او گوزل گوزلری آغلاتماسین ال نه روا دامنیوه چاتماسین گل آقا قانلار آرادا باتماسین ای شهدانین باشینون افسری یا حجت ابن الحسن العسکری باخ آقا جان حالی پریشانلارا ایله مدد بی کمک انسانلارا منتقم اول قانینه غلطانلارا آند اولا ناحق توکولن قا نلارا سنده دی بیچاره لرین گوزلری یا حجت ابن الحسن العسکری بیز آقاجان مکتبوین یاریوخ حضرتیوین خادم و انصاریوخ جدیوین ایللردی عزاداریوخ سینه زنان در و درباریوخ دُگمروخ عالمده در دیگری یا حجت ابن الحسن العسکری #استاد کلامی زنجانی #اللهم_عجل_لولیڪ_الفرج ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شام غریبان امام رضا ع قاره چکیلیب دیر بو گئجه ارض و سمایه یا فاطمه گل شام غریبان رضایه اگهسن اوزون حقه وفاداری دی شیعه اگنیندا قرا زار و دل افکاری ده شیعه غربت ده کی مظلومه عزاداری ده شیعه گل سنده عنایت ائله بو بزم عزایه یا فاطمه گل شام غریبان رضایه مامون دنی ایلمه د ی شرم خدادن مسموم ایله دی اوغلوی انگور جفادن اکبادی دوتوب اود یانیری ظلم و جفادن تقدیر ائلییب دکتری محتاج دوایه یا فاطمه گل شام غریبان رضایه غربت ده غریب اوغلوون اشکی اخا راغلار حسرتله مدینه یولونا هی باخاراغلار بیر اه چکیب کون و مکانی یاخار اغلار گویا دم اخیر سوزی وار نازلی بالایه یا فاطمه گل شام غریبان رضایه یا فاطمه گل بیر دم اخر باشی اوسته گور اولدی از عمرونده نجه ظلمله خسته یوخ طاقت دی از بس ائلیوب زهر شکسته یوخ دادرسی ائیله خبر العبایه یا فاطمه گل شام غریبان رضایه زهرین اثریندن گلیری اه و فغانه قلب یانیری گوزدن اولور اشکی روانه سسلیر سنی امدادینه هردم یانایانه عالمده دوزر کیم بو قدر دردو بلایه یا فاطمه گل شام غریبان رضایه #استاد مدهوش #هوشمند﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🇮🇷🇮🇷🇮🇷🇮🇷 ایران آفرین 🇮🇷🇮🇷🇮🇷🇮🇷    ای سپاه و ارتش ایران هزاران آفرین    پهنه ی دنیا همه گفتند  ایران  آفرین      انتقام سختی از فرزند نامشروع بود سیلی محکم زدی براِبن شیطان آفرین #استاد نادر بابای 🚀🚀🚀🚀🚀🚀🚀🚀 ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨