#زبانحال_حضرت_زینب_س عشقِ معشوقیله عاشق که صفا اِیلر حسین دردینه دلده بو نوعیله دوا اِیلر حسین ای اولا بو نهضت خونینیوه جانلار فدا دردِ جانسوز فراقه اولموشیدوم مبتلا شکرلله نوک نِی دردیمه تاپدوم دوا کیم بیله درمانیدن آیا اِبا ایلر حسین ؟ اهل درمان اولسا گر دنیاده قارداش دردمند آیری درمانی جهاندا اِیلمز اصلا پسند ایستیرم تشریح اولا عشّاقه یکسر بو رَوَند... اهل درمانی بیله درمان رضا اِیلر حسین تنگه سالمیشدی بو داغلی سینه می درد و اَلم آز قالوردی کوفه شهرینده فراقوندان ئولم ناگهان تاپدیم سنی نوک جداده وار نه غم بو وصاله زینبون حمد و ثنا اِیلر حسین ئولمَسم قالسام اگر ای حنجر وحدت سَسی باشلانینجا شهر شامین شامیده هنگامه سی زینبین واردور او شهره آیری بیر برنامه سی گوزله گور زینب نجّه محشر به پا اِیلر حسین سن فقط قران تلاوت اِیله با شور عراق دم به دم، دم ویر منه نوک جدادن بو سَیاق چوخ اوزاخلاشما گوزومدن یاندیرا سوز فراق روحیمی تندن فقط هجران جدا اِیلر حسین عشقیوه عشق اولسون ای مست می روز اَلست صورت ظاهرده دشمنلر سنه ویرمیش شکست باطناً پیروز محسوب اولموسان ای می پرست فتحیوین فخرین هرآن اهل ولا اِیلر حسین حَقّیسن باطل چیخوب کرب و بلاده جنگیوه هیچ خیال اِیتمور بیری مغلوب اولوب فرهنگیوه تیر نطقیم لازمه بو دشمن سرسنگیوه دشمنه بیر تیر نطقیم اکتفا ایلر حسین سن که واقفسن اَخا آیین حیدر منده دی حنجرِکفری اِیدن منحور خنجر منده دی منطق کوبنده یِ دخت پیمبر منده دی نطقیمی تحسین گویده مصطفی اِیلر حسین واردی تا جانیمده جان، ای معدن جود و سخا اِیلرم تبلیغ قانلی نهضتون من برملا قویمارام بو قانلی پرچم دهریده یاتسین شَها عهدینه زینب بولورسن که وفا اِیلر حسین زینبین سال سایه لطفون بلالی باشینه قویما توش اولسون بو داغلی سینه محنت داشینه قاتمیوم تا خون دل من بو آخان گوز یاشینه زینبون بو لطفوین حقین اَدا ایلر حسین قارداشیم عباسه باخدوقجا چَکور روحیم فشار باغلیوب دسماله قانلی باشینی بیر کین شعار آسلیوبدور آت دوشوندن با کمال افتخار ارمنی آیا بیله جور و جفا اِیلر حسین لیلیِ غمدیده باخدوقجا علیِ اکبره توش اولور محملده داغلی قلبی تیر غملره سَسلیورلیلانی اکبر یاخشی سالدون چوللره ایسته سه هر نِیلیه دست قضا، اِیلر حسین الامان و الامان و الامان و الامان سَسلیور قاسم آناسی ناقه دن ای نوجوان طوی اطاقی گورمدون قاسم ئولیدی کاش آنان عاقبت، درده آناسین مبتلا اِیلر حسین باخ ربابه گور نجه خیره اولوبدور دلبره گَاه اوغول ای وای دِیَر محملده اوغلی اصغره گَه دِیر اوغلوم منی قویدون غریبه گونلره بیر شکسته نی کیمین دائم نوا اِیلر حسین گر چه بیر مدتدی که بر پا قیامتدور منه ناگران اولما رقیّندن امانتدور منه خدمتیم بو عرصه ده عین عبادتدور منه اجرینی محشر گونی خالق عطا اِیلر حسین عالم فانی که فانیدنده فانی دور #عتیق سعی اِیله آلّانما بش گون اولسا گر سَنله شفیق نوحه یاز آغلا حسینه اول بو فعلینده دقیق بندِ غمدن قوخما محشرده رها ایلر حسین التماس دعا🙏 لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#اربعین #زبانحال_حضرت_زینب_س صحرای کربلا صحرای آمال و آرزوها هر چند دشت کدب و بلا چوخ بلالیدی امّا بلالی زینبه بزم وصالیدی شامه گیدنده قارداشین عریان قویوب گیدوب قولباغلی دفن و کفن ایلمکچون محاایدی تاپشوردی گل جنازه نی چادر نشین لره تز دفن ایدون بو خسته بدن چوخ یارالیدی آخر او گون که شامیدن آزاد اولوب گلوب بیر آلتی گوشه قبر گوروب نقشی عالیدی عرشه چخوردی جابر انصارینون سسی بیلدی همان صحابیِ صاحب جلالیدی دوردی ایاقه، آلجاق اودا زینبون سسین درس رواندی شهر ولایتده والیدی فوراً گیدوب عطیّه غلامیله،بیر یانا قارداش غمینده بیلدی باجیلار عزالیدی زینب او قبرون اوسته یا پشدیردی سینه سین روحی پر آچدی قصدی فقط ارتحالیدی عمری قالوردی، چوخ چالشوب جانی چخمادی قلبنده سانکه عارضی بیر اِختلالیدی سسلندی قبروه الى بوش گلمشم حسین بیر تحفه وار سینمده ولی چوخ بهالیدی قبر اوستونه سالاللا حسین، عالی ترمه شال ئوز کهنه کوینگون باجوین ترمه شالیدی آچدی او قبرون اوسته سالوب قانلی کوینگی عرض ایلدی باغشلا باجون دست خالیدی قبرون گورنده جای تعجبدي ئولمدیم ئولمز باجون بو قدری که باشی بلالیدی ئولسیدی باش یاراندا ئولردی او کوفه ده عشق عالمينده گرچه او ئولمک حلالیدی ساکت دوروب منه گوره دینمور حرملرون دیندیر، حرملرونده باجون تک وفالیدی هئچ کیم ربابی شامه کیمین دیندیر نمیوب حالین سوروش ثوابیدی قلبی یارالیدی نه بیر هارای چکور نه ده بیر وای اوغول ديور اشگی آخور ولی ئوزی غرق خیالیدی کیم دیندیرور باخور یوزینه گوز یاشین توکور چوخدور سوزی ولی ایله بيل نطقي لالیدی گوردوم یانان چادردا اونی من اوّل گجه گوز يولدا ال اورکده چوخ افسرده حالیدی هي دوشلرین اوؤشدیروب ایلردی آه و زار دردین دیمزدی مانع اولان انفعالیدی بیلدیم دولوب صوديله دوشی صودامر گزور عيناً بالاسی اوخلانان آهو مثالیدی قصدیم بو اولدی خلوت ایدوب دوشلرین ساغا شرم حضور مانعیدی چوخ حيالیدی ایتدیم اشاره دور بو چادردان کناره چخ باخ گويده بير آی اولدوزا گور نه صفالیدی چوخ دیزلرون قوجاقلاما قلبیم یانور سنه دور، گز، دولان، بو دوره ده عالی مجالیدی صبح اولسا باغلانار قولون عاجز ایدر سنی دشمن گزوب دولانماقا قويماز، جفالیدی عرض ایلدی ننوعی باخوم من آی اولدوزا اولدوزلاروندا سیری منه بیر ملالیدی اولدوز آخاندا یادیمه بخت اولدوزوم دوشور بو مسئله ئوزی منه جای سئوالیدی آخدی نه دن جهاندا منیم بختیم اولدوزی کوسدی نه سمته گیتدی که مندن آرالیدی یول گوزلورم اَموب یاتا چون آج سوسوز گیدوب فکر ایتمیون که اصغر آناسی خیالیدی اوخلانماقین ایشیتمشم اما اینانمورام ششماهه بیر اوشاق مگر اهل قتالیدی چکدی رباب محنتی هاردان هارا سوزی بیلمم بو نه گریز بو نه اتصالیدی بیر شمّه سیدی بیرگجه نون بیله داستان وقت اولسا طول صحبتمز ماه و سالیدی هشتاد اسیردن بیرینون بیر غمیدی بو اوندان علاوه بیر بلوک اهل و عیالیدی گور کوفه‌دن باشیم نه چکوب شامه‌جن حسین آل اللهون مُراقبی، قوم ضلالیدی ابن زیاده اولمادی بیر اعتراض ایدن باخديم او شهر کوفيه قحط الرجالیدی مرجانه اوغلی شامه بیزی گوندرن زمان ئورلدورمگیدی قصدی، آدی انتقالیدی ئولدی دیریلدی نازلی رقیون دمشقه جن سالم يتشدی، مرحمت ذوالجلالیدی ویران سرایه چاتدی یوزین قویدی تپراقا بو یر دیدی رقییه بزم وصالیدی گرچه خرابه دور ولی شاد ایتدی گوگلومی خلوت یر ایستورم بورا بی قیل و قالیدی چون عهد ایدوب بابام منی ویرانه ده گوره مژده ویرور منه بو مكان نیک فالیدی گلدی یارالی باشون، او قز دوشدی بیر حالا بیلدیم همان گجه که رقیّم هارالیدی بنذردی فاطمه آناما چوخ جهاتیدن سوز یوخ که چوخ رویه ده زهرا خصالیدی اما شباهتینده بیری چوخ مهمیدی قبره گیدن گونه کیمی نیلی جمالیدی شام اهلی بوش گوروب یرین آغلاردی حالنه سسلردیلر که حیف اولا چوخ با کمالیدی قیزلار دیردی بیربیره صدحیف او گوزلره کیم باغلادی او گوزلری، عیناً مارالیدی بعضی دیردی چوخ خبر آلدوق بیلنمدوک بو قیز مدینه اهلیدی یا کربلالیدی بعضی دیردی صحبتی دوزلیدی، دیل شیرین هرکیمدی هر یر اهلیدی شیرین مقاليدی غسّاله غسل ویرمیوب امّا دوزون دیوب حتمیدی الده ئولمگی نه احتمالیدی غساله گلممش ولی غسلی تمامیدی چون غسل ایدن گوزومده‌کی اشگ زلالیدی دفن ایلینده چوخ اگلوب ئوپمشم یوزین قدیم او وقتیدن ایله، کامل هلالیدی بش مینجی جلد «منزویه» یادگاریدی قصدين خدا بیلور که نه مال و منالیدی بش گونلیک عمره یوخدی او اندازه اعتبار قلبينده قصد و نیتی حُسن مآلیدی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ـــــــــــــــــــــــــــــــــــــــــــــــــــــــــــــــ به نام خدا #فراق_مادر_سینه_زنی #زبانحال_حضرت_زینب_س #سبک: عم اوغلے مرحوم سلیم مواذن زاده منے قویدون یانا یانا هارا گیتدون گوزل آنا غصه ون الدورر زینبے غموندن گلمیشم جانا جانم آنا جانم آنا من سنه قربانم آنا 2 جوان ننه دردون منه نه گلدے بیلمدیم سنه جوانلقیون یالان اولدے مظلوم اولن جوان ننه جانم آنا جانم آنا من سنه قربانم آنا .2 آز سینیده جانه دویدون/ زندگیدن نه تیز سویدون بالا لارون یتیم قالدے /سن زینبے آغلار قویدون جانم آنا جانم آنا من سنه قربانم آنا 2 ظالم لر ظلمه دایاندی/ظلم ایدوب ظلمینے داندی درگاهوه اود وردیلار/اود دوتوبدور قاپون یاندی جانم آنا جانم آنا من سنه قربانم آنا 2 باخمادے سانے سوزوه/ور‌وبدے سیلے یوزوه ایله ور‌وبدے سیلینی/قان دولوب آنا گوزوه جانم آنا جانم آنا من سنه قربانم آنا. 2 قرا بختیم قرا گلدی/غم غصه قلبیمے دلدی نیه قالخمور قولون آنا/سنه قربان ده نه گلدی جانم آنا جانم آنا من سنه قربانم آنا گوزل ننه جوان ننه/قلبے غصه دن قان ننه اوزے جوان دردے نهان/قابورقاسے سینان ننه جانم آنا جانم آنا من سنه قربانم آنا 2 فلڪ منه کمند آتدی/بش سینیمده بختیم یاتدی آلدے انامے الیمدن منے یتیم لره قاتدی/جانم آنا جانم آنا من سنه قربانم آنا 2 باغریما غصه غم دولوب/قلبیم بوغمدن قان اولوب بش سینیمده یتیم قالدیم/منیم آنام جوان اولوب جانم آنا جانم آنا من سنه قربانم آنا 2 🖋شاعر: یعقوب رشتبر آلیله لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#فراق_مادر_سینه_زنی #زبانحال_حضرت_زینب_س #شعر_سبک_یعقوب_رشتبر_آلیله «سبک: عم اوغلے مرحوم سلیم مواذن زاده»