زبانحال حضرت فاطمه زهرا سلام الله علیه . #سبک_ای_قلم … 5 سبک (کاروان رفته منزل … مطهری … جامه عشقیوی … ) . . مرحوم شهاب تبریزی . آغلارام ایلرم روزگارین بیوفا گردشین یاد عم اوغلی عمریمی غصه و غم قوتاردی اولمادیم بیر گونین شاد عم اوغلی ایلرم جان، بذل جانان، آغلارام قان بلبل آیریلسا گلشندن آغلار فاطمه آیریلور سندن آغلار . . مدت عمرده دردوغمدن تاپمادیم من عم اوغلی فراغت غصه و محنتیم اولدی افزون قلبیم اودلاندی ساعت بساعت جدیمی ایمدی رؤیاده گوردوم ایلدیم امّتیندن شکایت حالیمی گوردولر جدّ و جدّه م آغلیوب ایتدیلر داد عم اوغلی . . . باخدی آغلادی جدّیم بویوردی فاطمه آغلاما دینجلورسن محنت و غمدن آزاد اولورسان جدّوین یاننه تیز گلورسن دردوی غصه وی ایتمه اظهار دردیمی آرتوروب اوسته لورسن وصلینون مژده سین ویردی غمدن قلبیمی ایتدی آزاد عم اوغلی . . . وار عم اوغلی منیم نچه عرضیم عرض ایدوم خدمت باوقاره من بوگون گر ئولم اوز الونله غسل ویر قیل کفن قوی مزاره قبریمی خاکیله ایله یکسان ایتگین ایت فرقۀ نابکاره باخبر اولماسون مدفنیمدن فرقۀ کینه بنیاد عم اوغلی . . . ثانیاً گرقبول اولسا عرضیم بیرده بیر خواهشیم واردی سندن ای عم اوغلی منی سن حلال ایت اولسان عالمده رنجیده مندن جان سنون جان ایکی نور دیدم گوز گوتورمه حسین و حسندن قویما مندن صورا ایلسونلر شیون و داد و فریاد عم اوغلی . . . زینبه ایتگلن چوخ محبت وار اونون باشنون چوخ بلاسی چوخ بلالر چکر کربلاده اولماز امّا یانندا آناسی من اونی قویموشام اوز یریمده محنت و درد و غم مبتلاسی اولماز عالمده بُلَّم منیم تک خاطری بیر زمان شاد عم اوغلی . . . اوندا کیم وادی کربلاده کوفیان ظلم اساسین قورالّار خیمه سین اود وروب یاندوراندا زینبین قلبینی یاندورالار گه باشندان گھی قوللاریندان اشقیا تازیانه ورالّار زینبه اولماز اول تنگ وقته بیر نفر ایتسون امداد عم اوغلی . . . بیر یانان خیمه منزل ویرللر نهر علقم کنارینده عدوان یدّی قارداشه ساخلار او یرده بیر حقیرانه شام غریبان سندہ گیت یاعلی منده گلّم ایلروخ بیزده بیر یاندا افغان ایله وقته قیزون خوشدور ایتسه هم آتا هم آنا یاد عم اوغلی . . . زینبه ایلینده نظاره نالیه بی سبب گلمرم من معجرین قویماز اعدا باشندا سرگذشتین مگر بلمرم من ظاهراً ئولسم آسوده اولّام باطناً لیک دینجلمرم من استراحت بناسین ایدوبدور زینبین فکری بر باد عم اوغلی . . . ایله یا فاطمه اوز الونله بیر مداوا هامی اهل درده اوغلوون قبرینی ایسته حقدن ایلسون روزی حضّاره بیرده لطفیله بیرده ایله عم اوغلون مرتضایه شهابی سپرده عرض قیل شرح محنت ایدنده سن اونی ایله ارشاد عم اوغلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨