در مدح و توسل به حضرت اباعبدالله الحسین علیه السلام . مرحوم حاج بیوک اعظمی تبریزی . #سبک_ای_ویرن_ویرانه_یرده … عمهه ویران سراده … #سبک_گلپونه_ها (با اضافه کردن واگیر مناسب ) #سبک_استخاره_.... واگیر برای این سبک : جلوۀ جنت حسیندی قائم نهضت حسیندی قبلۀ حاجت حسیندی دردلره درمان حسین …. . . یا حسین بیز درگهونده ، سائل بی دادخواهوخ گل بیزی قوما قاپوندان ، شرمسار و روسیاهوخ . . بیر بیله شان و جلالت وار جهاندا هانسی شاهون سائله دائم آچوخدور درگه عالم پناهون هر ایکی دنیا عزیزوخ ذرّه جه اولسا نگاهون چون سنون عزّت قاپوندان صاحب اجلال و جاهوخ . . درگه پاکوندا گرچه روسیه خدمتگزاروخ لیک هر یاندان ال اوزموش بیر سنه امّیدواروخ سنده بیزدن یوز چویورسن تا واروخ عالمده خواروخ نیلروخ قوسان قاپوندان کیمسه میز یوخ بی پناهوخ . . روز و شب بزم عزاده یا حسیندی گفتگومیز سن بیزه نوکر بویورسان دلده قالماز آرزومیز شرمساروخ عالم ایچره سنسن امّا آبرومیز باخ بیزه زهرایه خاطر حق یانندا روسیاهوخ . . کیم دیور بو دستگاهه هر دلِ آگاه گلسون چون سنون بیردور گوزونده یا گدا یا شاه گلسون درگهون باب کرمدور، جاهل و گمراه گلسون بیر نفر مایوس اولسون اولماسان راضی گواهوخ . سن او شهسن عالم ایچره زینت مجلسدی نامون حق مرام اوسته بویاندون قانیوه، حقدور کلامون حق بیزه توفیق ویرسون درک ایداخ بلکه مرامون بو مرام اهلیّت ایستر بیز ولی غرق گناهوخ . . خادموخ وار چیگنیمیزده بو آدیله بار سنگین رختیمز آغدور جهاندا تیز اولار بو رخت رنگین لطف ایله بو دستگاهه اولمیاخ عالمده ننگین خلق ایدر طعن و شماتت گورسه لر گمگشته راهوخ جانه منّتدی یولوندا چکساخ هر درد و اَلم بیز . . . سن کرم کانی حسین سن، ایستروخ سندن کرم بیز حشریده شرمنده ایتمه زینبه ویرّوخ قسم بیز بیز سنه امّیدیمیز وار ایت کرم بی دادخواهوخ . . . عالم امکاندا لطفون سایه سینده دالدالانّوخ یولّارون باغلی قالاندان بوینی چیگنینده دولانّوخ وردیمیز یاکربلادور آتش حسرتده یانّوخ اشکیله گوزلر دولوبدور مستحقّ خیمه گاهوخ . . . ایتمروخ کرب و بلا بیز آرزو هرگز بهشتی ایلروخ کرب و بلاده تا زیارت بیز بهشتی ای بهشتین افتخاری نیلروخ سنسیز بهشتی ویرمروخ مینلر بهشته گل یوزون، حسرت نگاهوخ . . . لطف ایله ای شاه عطشان دلده پنهان دردیمیز وار آتش حسرتده یانّوخ بسکه هجران دردیمیز وار ای طبیب دردمندان ایله درمان دردیمیز وار کربلا بیماریوخ بیز آغلاروخ مانوس آهوخ #کربلا لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

زبانحال حضرت مسلم (ع) #سبک_ای_ویرن_ویرانه_یرده مژده اردبیلی ای حجازی شهریاریم کوفیه گلمه عم اوغلی عزت و شأن و وقاریم کوفیه گلمه عم اوغلی کوفه اهلینده وفا یوخ محنت وجور وجفا چوخ بوجهتدن ای نگاریم کوفیه گلمه عم اوغلی یابن زهرا یابن زهرا یابن زهرا یابن زهرا بیرپریشان خاطریم وار درد الیندن دردالیندن کوفه شهرینده مشقّت چکمیشم نامرد الیندن اهل تزویر و ریانین اولموشام دلسرد الیندن شوکتیم سن اعتباریم کوفیه گلمه عم اوغلی کوفه شهرینده عم اوغلی کیمدی مهمان اولدوروللر خاصه کیم اولسا بویرده اهل ایمان اولدوروللر یوخ سوزوم ابن عقیلی زار و نالان اولدوروللر چون گئدور الدن قراریم کوفیه گلمه عم اوغلی ظاهر معناده گوزدن بارش نیسان توکوللر گوئیا گنج شرفدن دانۀ مرجان توکوللر مرتضانی اولدورنلر ظلم ائدوب هی قان توکوللر ای حبیب کردگاریم کوفیه گلمه عم اوغلی سن که واقف سن عم اوغلی قدرتیم وار فوق العاده دست بیعت وئرمرم من کوفه ده ابن زیاده گرچه بو شهر بلاده غملریم اولدی زیاده لاکن ای دار و نداریم کوفیه گلمه عم اوغلی جبهۀ جنگ و جدلده گیمیشم رخت شهادت قیل دعا که حضرت حق ایلسون لطف و عنایت خدمتیم اولسون قبول زادۂ شاه ولایت لاکن ای محبوب یاریم کوفیه گلمه عم اوغلی نخل غم ابن عقیلین باشی اوسته سایه سالدی .اولدی آماج بلالر دوره سین دشمنلر آلدی سنله دیداریم بویردن محشر کبرایه قالدی اولدی بو آخرشعاریم کوفیه گلمه عم اوغلی (مژده ) غم نامه یازاندا یاد ائدر مولاحسینی سسلیر فریاده هردم زادۂ زهرا حسینی ذکرائدر مولامنیم تک یاربی همتا حسینی یعنی ای شأن و وقاریم کوفیه گلمه عم اوغلی

زبانحال حضرت مسلم (ع) #سبک_ای_ویرن_ویرانه_یرده ✍مژده اردبیلی با نوای استاد محمدی

زبانحال حضرت اُمَّ کُلثوم در حال احتضار حاج اصغر فرشچی ( عدلی تبریزی) . سبک: مانده ام تنهای تنها..... . ای اولان کرب و بلاده دین حق قربانی قارداش گوزلورم جان اوستیم گل سنکیمی جانانی قارداش . گلمسن روز قیامت ایلرم سندن گلایه بو چتین ساعتده گر چه راضیم امر قضایه گل حسینیم گل حسینیم . . . یدّی قارداشین غمینده وار اورکده غم یاراسی وار باشیمدا زینبون تک شام و کوفه ماجراسی من مریض عشقوم گل دردیمون یوخدور دواسی . عهدون اوسته منده دوزدوم هر گلن موج بلایه نهضتونده شرکت ایتدیم منده گتدیم کربلایه گل حسینیم گل حسینیم . . . همره اولدوم من سنیله انقلاب کربلاده هر یره قویدون قدومون منده قویدوم رد پاده زینب کبرا باجیم تک قویمادیم نقصان وفاده . هریره باشون که گتدی آردیجان منده دولاندیم ظلم بی حد عدودن رنگ آلامه بویاندیم گل حسینیم گل حسینیم . . . بیز ایکی خواهرحسینیم شعلۀ غمده آلوشدوخ صرصر آلام اسنده سونمدوخ یاندوخ چالوشدوخ ال اله ویردوخ برادر کوفه ده حقدن دانوشدوخ . نطق گهر بارلن بیز روح قرآنی اوجاتدوخ وقعۀ کربوبلایه جاوانه جان یاراتدوخ گل حسینیم گل حسینیم . . . قهرمان زینب دوزنده منده دوزدوم هر بلایه هریره چاتدوخ لوای غم ویروب باتدوخ عزایه بیز تانوتدوردوخ جهانی انقلاب کربلایه . قلب مجروحی غمونده تیرغمله دلموشوخ بیز غصه دن بیر آنی سانما دنیادا دینجلموشوخ بیر گل حسینیم گل حسینیم . . . آفتاب عمرومی گل آزقالور یتسون زواله ایستورم بوصون نفسده گوزتیکم اول گل جماله گلماقین تسکین ویررگل قلب پردرد و ملاله . چرپینان قلبیمده واردی مین غم پنهانی قارداش عطرو بویوندان آلوم گل نکهت رضوانی قارداش گل حسینیم گل حسینیم . . . بیر یاری یانوش چادردا غصّه دن دل داغلاموشدوم سس ویروب هر اشک ریزه اونلا منده آغلاموشدوم گوندوزی غم خسته سیدیم چوخ یارانی باغلاموشدوم . گوزلریمی گل بو یرده سن اوزون باغلا حسینیم دوت منه شام غریبان سینوی داغلا حسینیم گل حسینیم گل حسینیم . . . مَن بَکا و اُوتَباکا وار حدیث معصوم امامدان اهل بیتین نوحه سین یازبهره مند اول بو کلامدان آغلا آغلاد نوحه خوان اول (عدلیا ) سن بو پیامدان . آغلاسا آغلاتسا هر کیم حشریده گریان اولانماز شافعه گراولسا زهرا اود حرامدی اود دا یانماز . #سبک_گلپونه_ها #سبک_ای_ویرن_ویرانه_یرده ... 4 سبک لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨