▪️کوچ از قتلگاه #شب_زیارتی_امام_حسین_علیه_السلام یوزی ٱوستونده تاپان وقته باجی قارداشینی دوندروب آرخاسی ٱوستونده توکوب گوزیاشینی دیدی ای جان جهان یاتما بوقان ایچره ٱویان منه سس ویر یارالی جانیوه زینب قربان جگریم قانیدی گوزدن یوزه نم نم دوزولور زینبون حیف ٱولا قارداش اَلی سندن ٱوزولور بیر یاران وار ایکی یردن باش آلوب قان سوزولور ٱورگوندن کورگوندن یره ثارلله آخار نجه ئولمز باجی بو حالیده قارداشه باخار یارالی موج ایدیری قلبیده دردیم گیدیرم چارم ٱولسیدی سنی دفن الییَردیم گیدیرم سینوون ٱوسته باتان ٱوخلاری دردیم گیدیرم کربلاده یات حسین یاور و یولداشلارینان منده شامه گیدرم نیزه ده کی باشلارینان گوندوزوم ٱولدی حسین گور نجه قاره گیدیرم توش ایدوبلر بدنون گل کیمی خاره گیدیرم ٱوچ پر ٱوخ یاره سینه ٱولمادی چاره گیدیرم بو ٱوخون خیرداسی یاندیردی منی کینه سینه ایتی مسماریدی باتدی آنامون سینه سینه آند ٱولا فاطمه نون عصمتینه حرمتینه آند ٱولا قارداشیم عباسون ٱوجا قامتینه آند ٱولا فاتح خیبر آتامون غیرتینه پوزماسام بزم لئیمانلاری زینب دگولم آلماسام بو توکولن قانلاری زینب دگولم ✍ عبداللهی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨