💐 مهدی جانم  💐             #دستگاه شور دریا دریا طوفاندی ، داغلار باشی دوماندی گوز  تیکوب  عالم سنه  تِز  گَل  آقا   آماندی         مهدی  مهدی  مهدی جان (2) وَصلووَه قلبیم اَسدی سن سیزعالم قَفَسدی هجرانین دردی مولا رشتهء صبری کَسدی دردلرین  درمانینه تَک بیر نظرون  بَسدی گجه گوندوز  دیللَرده یاصاحب الزماندی        مهدی مهدی مهدی جان(2) ای گل باغ  طاها ،   آقا  جان   یَابنَ الزَّهرا عالم تَنگه گلوبدور  شیعه نون گوزی یولدا عدل و عدالت گوستَر محشری  ایله  بر پا مظلوملارین بایرامی بو نیمه ی شعباندی       مهدی مهدی مهدی جان (2) ویرَّم    قسم    قرآنه ، یارَب  شاه مردانه قبری  گزلیندَه  قالان زهرا فَخر نِسوانه کرب وبلا چولونده یتمیش ایکی قربانه تَعجیل ایله ظهوره یارَب ئورکلَر   یاندی      مهدی مهدی مهدی جان ✏️#شعر_استاد_نادر_بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#زبانحال_حضرت_عباس(ع) #اجرا_احسن_حبیبی #اواز_دشتی_گوشه_دشتستانی 🌺 پیکریمدور یاره، مشکیم پاره پاره گل ایله سن چاره ، حسینیم تز گل علمیم سینمده ، اسر پیچ و خمده باخار بو یولاره ، حسینیم تز گل یاحسین ادرکنی،ادرکنی یامولا، ادرکنی یا مولا ، مولا ادرکنی ●●●●●●●●●●●●●●● بی مروت عدوان ، بی دین و بی ایمان هجوم ایلوب نهره ، دسته به دسته قلم اولدی قولار، باغلانوبدور یولار علمدارون قارداش اولوبدور خسته منه آغلار گویا ، ایندی ننم زهرا نجه گور الساعه اوخشار نهر اوسته یوزه جاری قانیاش ،آماندورگل قارداش دوشوب دل آزاره ، حسینیم تز گل یاحسین ادرکنی، ادرکنی یامولا ادرکنی یا مولا ، مولا ادرکنی ●●●●●●●●●●●●●●● اوچ پر اوخ یول اگدی ، گلوب مشکه دگدی علاج الدن گئتدی اوتاندیم قارداش خیمه ده اولدوزلار، جام الده کی قزلار گوزلری یولاردا ، یوباندیم قارداش گلمگه چارم یوخ ، بدنده یارم چوخ قانا نهرین اوسته ،بویاندیم قارداش تپراقا سو آخدی، سقا دوروب باخدی قالوبدور آواره ، حسینیم تز گل یاحسین ادرکنی، ادرکنی یامولا ادرکنی یا مولا ، مولا ادرکنی ●●●●●●●●●●●●●●● گنه دوشمزدیم من، نیلدی گور دشمن کونلومده دیورسن، بیر اود قالاندی یارالیدیم گوزدن ، اندی عمود آهن تاب و توان گئتدی باش پارچالاندی ایلدریم تک شاخدی قان گوزلره آخدی علمداره قارداش میدان دولاندی وئر خبراخیامه ، دشمن چاتدی کامه مشکیم اولدی پاره، حسینیم تزگل یاحسین ادرکنی ، ادرکنی یامولا ادرکنی یا مولا ، مولا ادرکنی ✏️#شعر_استاد_نادر_بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🏴 #وفات_حضرت_خدیجه(س) 🏴 حضرت  خَتم  رُسل  سیّد  اولاد    بشر چکدی اسلامه گوره زحمت شایان نَقَدر نِچه مدّت ئوزی اصحابی ئورکدَن یارالی شِعب  بوطالبیده   قالدیلا  اِئلدَن  آرالی گونده  بیر تازه  ئولَن  ماتمینه  آغلادیلار آج قالان بَطن لَره چوخلاری داش باغلادیلار بیر گونی دامنه ی شِعبیده اول فَخر بشر ذکره مشغولیدی خَلوتده ایکی دیده سی تَر صف اَصحابیدن آشفته بیر عورت نِگران مَحضر پاک رسوله یتیشوبدور  او زمان آغلیا آغلیا عرض ائتدی  اَیا میر  زَمن دولانوب حال خدیجه یتیش امدادینه سن دوردی تَعجیلیله اَثناده او حضرت اَیاقا دامن شِعبی اَنوب  سرعتیلن  تِز  اَشاقا آیریلیق دردینه تِز گلدی طبابت ائلسون یار و غمخوارینی بسترده عیادت ائلسون گوردی آسوده یاتوب مَحرمی اول کانِ وفا دیزی اوسته باشینی آلدی امیر دو سَرا دئدی ای یار  وفاداریم  اویان یاتما بِله آیریلیقدان دئمه گرداب غمه باتما بِله ای یامان گونده منیم هَمدم ویاریم گوزون آچ سَنیدون اِئلده منیم شَان ووِقاریم گوزون آچ شوقیلن ای جَبَل النّوری چیخان گونده باشا گَتورَن غار حَراده  من ایچون آب و غذا نیَه سس وئرموسن ایندی سَسیمه آچ گوزووِی نطقه گَل دردووِی دئ فاش ائله گیزلین سوزووِی ایندیدَن تِزدی قزون فاطمه قالسون نَنَه سیز اوچ یاشینداباشیناقارووِی سالسون نَنَه سیز گورنجه اَللری قوینوندا  باخور یاتماقووا چَتین   اَیّامیده    کاشانه میزی آتماقووا طوی دونی فاطمه نون قسمتی اولساگِینَه نجه سنسیز یولاسالّام اونی بَختین ائوینَه نَنَه سیز  قز گولَه بیلمَز  ئورَگی غمله دولار نَنَه سی اولمیانون مَجلسی نِسگلیلّی اولار نَقَدر سَسلدی طاها اونی ، آلموبدی جواب اشک حسرتله اومولائوزونی ائتدی مُجاب کفن ایلوبدی عَباسین او زمان همسرینه ئوز اَلیله اونی قویدی  اَبدی  بسترینه کِچدی ایللَرسوزی کوتاه ائدیم اهل سُخنه قسمت اولدی گینَه طوی دونی زهرا  بَدنه اَندیلَر فوج مَلکلَر  یِره  گویدن او زمان گوشه دامنینی ساخلادی نِسوان جِنان حوریلَر دسته یلَن مَنزل طاهایه گلوب سَرمَگه ساچلارینی مَقدم زهرایه گلوب اولدی داماد نَبی شمس درخشان  وِلا ساق صولوندا صُلحا گلدی علی شیرخدا آلدی طاها بیر اَله ضیغَم داوَر اَلینی بیر اَله کَنز حَیا  ، زُهره ی اَطهر اَلینی اَل اَله وئردی ایکی نَیّر  تابانی   او دَم مرتضایه بویوروبدور بو سوزی میر اُمَم گَنج عصمت سنه خالق ائدوب اَرزانی علی جان سنون جان بوقزیم فاطمه نون جانی علی گرخموش ائتسه اَجل شمع شبستانی علی قیترَرسَن ئوزومَه بیر گجه پنهانی علی وقت اووقت اولدی گَلین خانهء داماده گِئده حِجله ی بَخته ایکی گُل ایکی دلداده گِئده راوی اَسمادی که نقل ایلیوری  بو سُخنی فاطمه دوشدی یولا قالدی رسول  مَدنی قالخیزوب اَللرینی ایلدی زوجینی دعا یولاسالدی هامونی لیک ئوزی دوردی قاپودا تکیه دیواره ائدوبدور  اِئوه گلمور اَیاقی گوزیاشین جاری ائدراوغلی ئولنلَر سَیاقی دئدیم ای میر هُداصاحب اوصاف جَمیل طوی گونی آغلاماقاهانسی قَضایادی دلیل ائتدی فرمایش اودَم،حالیمی اَسما گوروسَن گئدوری بَخت ائوینه بَضعهء طاها گوروسَن نَنَه سی اولمادی وِئرسون ئوزی زینت طویونا حیف اولاگوز دولوسی باخمادی زهرا بویونا بیرده بیر اَمر مَزید اولدی منیم مُشگلیمه نِجه ایندی قَیدیم فاطمه سیز مَنزلیمه بوگجه صبحه کیمی دیلده سوزوم اوخشامادی فاطمه گِئتدی اِئویمدن اِئویمون گِئتدی دادی گر سلیمان قاپوسی پای مَلخ اِئتسه قبول لطف ائدر (نادره) حتماً ئوزی زهرای بتول #شعر_استاد_نادر_بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#در_سوگ_حضرت_خدیجه_س) #آهنگ_عجب_رسمیه_رسم_زمونه #اجرا_احسن_حبیبی #شعر_استاد_نادر_بابای #تسلیت 🌺🌺 زهرا آناسی گئدیر عقبایه تسلیت دیون ایندی زهرایه ای هیئتیلر باشوز ساق اولسون زهرا یانیندا یوزوز آق اولسون          ایوا خدیجه (۳) غملر آغاجی دلده خولاندی ننه تابوتی  گجه  یولاندی زهرا بیر قوش تک قنادین آچدی بالا  تابوتین دالیجا قاچدی           ایوا خدیجه (۳) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌲 تولد امام حسن(ع)  🌲 بو گجه عالم سنه مهمان حسن اِئت بیزه بایراملیقی احسان حسن جانم حسن جانم حسن جان حسن(2) هِجرتین اوچمینجی اِیلینده خدای فَضلینی گوستردی فَضیلَتلی آی ائتدی کرم بو کَرمه یوخدی تای بذل ائله دی حضرت زهرایه پای پای نجه پای بیر گل زیبا حسن زُهره جَبین قامتی رعنا حسن جانم حسن جانم حسن جان حسن(2) چون یتیشوب نیمه ماه صیام گوزلره گورسندی بو بَدرِ تمام صورتی هم مَنظر خَیرُالاَنام گوزلری قاره دوداقی سرخ فام صورت حسن سیرت حسن نام حسن عالمی سرگشته ائدن جام حسن جانم حسن جانم حسن جان حسن (2) اهل دِله وئردی بَشارت صبا آچدی گُل چارم آل عبا سرور دین خسرو اهل ولا گلدی جهانه حسن مُجتبا پور علی ای شه خوبان حسن مقدمووه جان اولا قربان حسن جانم حسن جانم حسن جان حسن (2) اَحسن الاَسما حسن اولدی آدی گویده مَلکلَر بو سوزی اوخشادی گلدی حسن قارداشیدا یولدادی بو ایکی قارداشدی جهانون دادی گوزلیوری نور دو عینی حسن کرب وبلا شاهی حسینی حسن جانم حسن جانم حسن جان حسن(2) حق یتیشوب مقصد و مَنظورینه یازدی حسن آدینی مَنشورینه مات کلیم اولدی حسن نورینه گوردی بشیک بنزیوری طورینه نور سَپور عالمه گویا حسن عطر یایور نوگُل زهرا حسن جانم حسن جانم حسن جان حسن(2) یوسف کنعان سنه خوشرو دِیَر گوزلرووه اَحسنی آهو دِیَر قامتووَه سرو ئوزی دلجو دِیَر واقف اولان عشقووه هوهو دِیَر بو گجه عالم سنه مهمان حسن ایت بیزه بایراملیقی احسان حسن جانم حسن جانم حسن جان حسن(2) #شعر_استاد_نادر_بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💐 مهدی جانم  💐             #دستگاه شور دریا دریا طوفاندی ، داغلار باشی دوماندی گوز  تیکوب  عالم سنه  تِز  گَل  آقا   آماندی         مهدی  مهدی  مهدی جان (2) وَصلووَه قلبیم اَسدی سن سیزعالم قَفَسدی هجرانین دردی مولا رشتهء صبری کَسدی دردلرین  درمانینه تَک بیر نظرون  بَسدی گجه گوندوز  دیللَرده یاصاحب الزماندی        مهدی مهدی مهدی جان(2) ای گل باغ  طاها ،   آقا  جان   یَابنَ الزَّهرا عالم تَنگه گلوبدور  شیعه نون گوزی یولدا عدل و عدالت گوستَر محشری  ایله  بر پا مظلوملارین بایرامی بو نیمه ی شعباندی       مهدی مهدی مهدی جان (2) ویرَّم    قسم    قرآنه ، یارَب  شاه مردانه قبری  گزلیندَه  قالان زهرا فَخر نِسوانه کرب وبلا چولونده یتمیش ایکی قربانه تَعجیل ایله ظهوره یارَب ئورکلَر   یاندی      مهدی مهدی مهدی جان ✏️#شعر_استاد_نادر_بابای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨