#شهادت_عباسیه توسل به حضرت ابوالفضل علیه السلام 🎵سبک: ای ویرن ویرانه یرده 📝 سیفی اردبیلی ➖➖➖➖➖➖➖➖➖➖ ای سوسوز طفلان عشقه منصبی سقا اباالفضل قبروه حسرتدی شیعه قیل توجه یا اباالفضل اولموشوق هجرونده نالان باغلانان یولاره قربان سن امیر و سر سپاه لشگر میر امم سن سن سپاه آل طاها ملجاء اهل حرم سن منصبون باب الحوائج صاحب جود و کرم سن بیز دخیل آستانون سسلروک جان یا اباالفضل سن اطاعتده نمونه سن شجاعده یگانه سن فتووده علی تک شهره سن خلق جهانه سن اوعاشق سن بلشدی پیکرون نهر اوسته قانه ایچمدون سو دینی ایتدی همتون احیاء اباالفضل سن علی تک قهرمانون نخل عمریندن ثمرسن صحنۀ عشقون هماسی برج توحیده قمر سن درد منده چاره سن سن بیکسه آیدین سحرسن شیعه لر مشکلده سسلر دمبدم مولا اباالفضل ای شهادت عرصه سینده جان بکف تابنده کوکب سن اومولاسن واروندور حقیدن اون یدی منصب کربلاده دالدالاندی سیوه بیچاره زینب ساخلادون ناموس حقی یکه و تنها اباالفضل خرمن عمرون دریغا دست ظلمیلن تالاندی اوخلانوب مشک کانه جام امیدون جالاندی قولارون دوشدی بدندن سجده گاهون پارچالاندی پرچم اسلامی الدن ویرمدون اما اباالفضل حرمت جانانه خاطر شوقیله چکدون اوزوندن زحمت پیمانه دوزدون چخمادون اما سوزوندن حقی گوزدن قویمادون سن وردیلار اوخ ساخ گوزوندن ساخلادون خنجر دیشونده ایلدون دعوا اباالفضل مرحبا ام البنیندن امدیگون پستان عشقه قولارون آرتردی قیمت لوحۀ پیمان عشقه نوحی سن حیرتده قویدون ایتدیگون طوفان عشقه دوغرانوب قرآن یولیندا ایتمدون پروا اباالفضل جان قویوب دوردون سوزونده اگمدون باش بت پرسته عشقه خنده وردون اما اولمادون بیر ذره خسته یاره لی قولسوز دوشنده مرکبونده توپراق اوسته باشون اوستونده آچدی قوللارین زهرا اباالفضل

اوخشامالار و بیاتی لار حضرت اباالفضل علیه السلام" سلام اولا او گوزه اوخ دگنده پارچالانوب سلام اولا او سوا مشگیدن یره جالانوب سلام اولا او ابوالفضله که دوشنده قولی حسین اونون باشینا وا اخا دیوب دولانوب سلام اولا او جنابون گوزل اولان آدینا گینه دوشوبدی نیستانی خامه نون یادینا دیوله گوزلری چوخ گویچگیدی عباسون او گوزلردن بیری حیف گئتدی بیر اوخون بادینا یازولار چوخ ادبلیدی ابوالفضل فقط خصمه غضبلیدی ابوالفضل قاریشسیدی اگر یوز مین سواره اوزاقدان قدی بلیدی ابوالفضل صلابت یاغدیراردی ات میننده لباس رزمی اندامه گینده دولاردی شوقیدن اول قاره گوزلر خانیم زینب اونا قارداش دینده #شهادت_عباسیه

شهادت حضرت ابوالفضل العباس علیه السلام 📝 علی پور علی ( جاهد ) باجی زینب زینب علمداریم ئولدی سپهداریم ئولدی روحیم سیخلدی باشا قاره باقلا فغانه گل آغلا اباالفضلیم ئولدی ائویم یخیلدی باجی زینب زینب اباالفضلیم ئولدی بلالی باشیمه غم سایه سالدی دی حرملر بیلسین علمداریم ئولدی علم یاتدی اهل کوفه کام آلدی بو بلالی چولده عداوت کام‌ آلدی حسینون تک قالدی دشمن اَل چالدی باشا قاره باقلا فغانه گل آغلا اباالفضلیم ئولدی ائویم یخلدی باجی زینب زینب بال و پریم سیندی وفالی غیرتلی سرداریم ئولدی پوزولوب پرگاریم صفالی دلداریم شهامتلی یاریم غمخواریم ئولدی سانا گلمز دشمن آرا قالدیم تنها بلیم سیندی شیر پیکاریم ئولدی باشاقاره باغلا فغانه گل آغلا اباالفضلیم ئولدی ائویم یخلدی باجی زینب زینب علم باتدی قانه علمداریم قولسوز قالوب میداندا گینه سقا قولسوز سومشگین حفظ ائتدی دیشینده میداندا حال بحراندا بیلیرم سومشگی اولوب تیره باران لب عطشان جان وئردی سقا طوفاندا باشاقاره باغلا فغانه گل آغلا اباالفضلیم ئولدی ائویم یخلدی #اجرا_حبیبی_احسن. #التماس_دعا #شهادت_عباسیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات حضرت ام البنین سلام الله علیها ✍️ مرحوم انور اردبیلی خامه الیمده ایستیور عنوان غم یازا مطلب اوزانمیا سوزی کوتاه و کم یازا مبهوتیدور مقدمه نی باشلاسون نجه یا که سوزون گریزینی هانسی رقم یازا یوخدور لیاقتیم بیلورم نوحه یازماقا لایق سوزی بلی گرک اهل قلم یازا شاعر گرک مطالبینه چوخ دقیق اولا وجدانین ایلیه سوزه نسبت حَکَم یازا گوز یاشینه گوره دئمیه ناروا سخن آل اللهی نظرده دوتا محترم یازا الحق گرکدی شاه شهیدون مصیبتین نظم عالمینده مقبلیله محتشم یازا اما حسین کریمیدی قووماز گلنلرین فکر ائتمورم که سهو ائده نی مُتَّهم یازا ئوز ساربانینی یولا بوش سالمیان حسین نه عیبی وار مُحِبَّه برات کرم یازا واردور امیدیمیز گله عباس مجلسه آمار اهل مجلسی صاحب علم یازا عباس آدین گتوردی قلم کاغذ اوستونه ام البنین محنتینی لاجرم یازا غم شعله سینده غصّه لی پروانه تک یانوب دورت داغی واردی قلبیده دورت اوغلی دوغرانوب خاک بقیعده قلبه مؤثر مزاری وار نه سایه بانی وار نه اقلاً حصاری وار مونس اولار همیشه اوغولسوز اوغولسوزا اوغلی ئولن رباب کیمی همجواری وار مین اوچ یوز ایل او قبریده بیر شمع یانمیوب ظالم جماعتون نقدر گور فشاری وار قویموللا قویسالار چوخ اولار قبرینی ئوپن عباس آناسیدور هامونون انتظاری وار گیزلین گلور اوزاقدا دورور مؤمنه زنان نزدیک اولا او قبره کیمون اختیاری وار گیسولرین یولور او مزاره آتور چوخی اهل محبتون بیله لر اعتباری وار شمشیر چکمیوب نقدر صاحب الزمان نسل امیّه نون هله خوش روزگاری وار خوشدور وئرک بو بزم مصیبتده باش باشا اولسون ثبوت شیعه لرین حق شعاری وار ام البنین حسینه گوره هر ندن گئچوب کرب و بلا چولونده نچه یادگاری وار ام البنین ، حسینینه عباس بسلیوب عباسی بسلین آنانون افتخاری وار دورد اوغلونا دیردی همیشه او خوش مرام هر دوردوزی حسینیمه من وئرموشم غلام زینبدن ائتدی کرب وبلا صحنه سین سؤال شعله چکن زماندا قزیم آتش قتال عباس حسینه ائتدی نه اندازه ده کمک تعریف ائله گوروم نقدر ایلدی جدال هئچ کیمسه روبرو اولا بیلمزدی اوغلوما دگسون یارا قاباقدان اونا امردور محال گیزلتمه صحبت ایله نیستان سوزون منه اوردا ائشیتمیشم بالاما یوز وئروب ملال زینب دئدی آنا سوزی واضح دینمرم واضح دئسم اولار سنیچون مایۀ خیال وار حقی بوینوموزدا اباالفضلووون آنا ایمنده ساخلامیشدی بیزی اول وفا خصال نهر فراتی آلدی حسین سیز سو ایچمدی ائتسون بلند مرتبه سین حی ذوالجلال راضیدی گوزلرین وئره مشکینده سو قالا افسوس کوفه اهلی اونا وئرمدی مجال ام البنین درک ایلینده بو صحبتی احسن دئدی اوغول صودیمی ایلدیم حلال سندن باجون رضایت ائدور منده راضیم یاخشی اوغول ائدر آنانی صاحب جلال قوی یثرب اهلی شهریده یالقوز دئسون منه دشمنلریم گورنده اوغولسوز دئسون منه تا زنده ام شهامتووه آغلارام سنون صبح و مسا دیانتووه آغلارام سنون محرابووه دوشنده گوزوم موقع نماز تکبیریوه عبادتووه آغلارام سنون قرآن صداسی گلسه هر ائوده قولاقیمه خوش لحنووه تلاوتیوه آغلارام سنون یاندیرمارام چراغیمی وقت غروبیده باشسیز قالان عمارتیوه آغلارام سنون گورسم بیرین شجاعتیله مرکبین چاپور یاده سالوب شجاعتیوه آغلارام سنون سقالری گورنده گوزوم اللرینده جام سو اوسته که قیامتیوه آغلارام سنون سایه سالان زمانیده گلزاره سرولر یانام کشیده قامتیوه آغلارام سنون شرمنده یاتموسان بالاجا قبریده اوغول سو گورجگین خجالتیوه آغلارام سنون هر بیر یارالینون یاراسین باغلاسا طبیب باغلانمیان جراحتیوه آغلارام سنون آللام قوجاقه اوغلووی گول مثلی ایگلرم تاپشوردوقون امانتیوه آغلارام سنون واردور لیاقتی منه تخفیف درد اولا رشد ایلسه ئوزون کیمی آزاد مرد اولا واردور علاقه سی اولا سقا سنون کیمی سو پایلیا سوسوزلارا حتی سنون کیمی گوگلوم سو ایستینده دورور جام آلور اله سو ایلیور بفوری مهیا سنون کیمی گاهی دیور آنا من علمدار اولام گرک چوخ عشقی واردی پرچمه گویا سنون کیمی یاده دوشور باخاندا بونا ئوز اوشاقلیقون بی مثلدرو بو گوهر یکتا سنون کیمی شیر خدا نوه سی دی هئچ قورخی بیلمیور یوخدور بو شیر بچیه پروا سنون کیمی حتی یریشده ده ئوزوزه اوخشیوب بالون خوش یول گیدور بو قامت رعنا سنون کیمی وقت نماز اولاندا یرونده نماز ائدور ذکری اولوبدی ربّی الاعلا سنون کیمی مشتاقیم بو صحبت ائده منده جان دیم اخلاقدور وجودی سراپا سنون کیمی الله ئوزی بو طفلی پناهنده ساخلاسون ائتسون غلام عترت طاها سنون کیمی روشن ائدر چراغیمی گر قویسا بد نظر مونس اولار منه بو دل آرا سنون کیمی هر سوز دئسه یره بالامون سالمارام سوزون دوشسه سوزی یره بی بی سی ئولدورر ئوزون #شهادت_عباسیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨