#عرض ارادت به ساحت مقدس حضرت امام رضا علیه السلام بیزه باب رجا موسی الرضادی حریم کبریاسی دلگشادی اولوبدور روضه سی باغ بهشتی او قدسی درگهی جنّت سرادی اولار شبهای جمعه بش قوناقی مدینه هم نجف کرب و بلادی طواف کعبه واجب محترمدی بو یرده کعبۀ دل با صفادی نجه آلله ائوون ایمن سایوبدی بو یر حِصنِ امینِ کبریادی کیم ایستر آستان مصطفانی ضیاسی جلوۀ شمس الضحادی اگر مخفیدی شیعه قبر زهرا حریمی جلوۀ فخرالنسادی ایچوب آب حیاتی گر قالور خضر حقیقت اهلینه آب بقادی آلار توحید درسین اهل عرفان ره حقّه چراغ رهنمادی او گلشندور که سولمازهیچ خزاندا بو گلشن صاحبی اهل ولادی طبیب لردن جواب لا.. آلانلار گلر بو درگهَه دارالشِفادی صداقتلن گله هر بیر گرفتار آچار مشکل اونا مشکل گشادی اؤپللرآستانون شهریاران عطاسی شامل شاه و گدادی ایدر زوّارینی اوچ یرده دیدار آقا مهمان نواز و باوفادی بیری میزان بیری نشر عملده بیری راه صراط پر بلادی نه تنها شیعیه فایضدی فایق مسیحی و یهوده با عطادی ئولن وقتینده (عدلی) وحشت اولماز سنی تک قومیین چون کی رضادی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#عرض ارادت به محضر ابا عبدالله الحسین 🌺 زیبا آدون مجالسه زینتدی یاحسین عشقون همیشه مایهء عزتدی یا حسین مستم شراب عشقیوه من یابن فاطمه مستی سنون قاپیندا عبادتدی یاحسین تنها نه ساکنان زمین کل عرشیده حور وملک نگاهیوه حسرتدی یاحسین فخرایلرم بو عالمه من عاشقم سنه عشقون منه مدال شرافتدی یا حسین عشقونده وار نه شور گوزآچدیم بوعالمه صود وردی تا آنام منه ئورگتدی یاحسین عشقونده جنتی یارادوب حی لم یزل عشقون به سان نور هدایتدی یاحسین ان الحسینی عرشه یازوبدی خدا ازل بویازدیقیم سوز عین حقیقتدی یاحسین مصباحسن هدایته ای کشتی نجات گراولماسان جهان منه ظلمتدی یا حسین جناتی نینیرم منه ور کربلانی سن والهی کربلا منه جنتدی یاحسین عیساده چاتمیوبدی مقام وجلالیوه چون فاطمه آنان گل خلقتدی یاحسین من یوسفی سنیله نجه ایلیم قیاس عشقون سنون بیرآیری قیامتدی یاحسین گر یوسفین واریدی زلیخاسی مصریده بیرعاشقون وار اوج صلابتدی یاحسین وار زینبون سنون که زلیخایلن اونی ایتسم اگر برابر اهانتدی یاحسین #شعراز خوش نواز ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨