بنام خدا سروده ای بمناسبت #15_شوال روز شهادت حمزه سیدالشهدا و گریز به قتل گاه و.... "" "" "" "" "" " صدر اسلامیده بیر نئچه نفر ائیلوب سینه سینی دینه سپر دایانوب داغ کیمی مستحکم اولار بیر قوی صخریه تای محکم اولار سنگر دینه اولار چکدی حصار قوم اعدانی اولار ائتدیله خوار بیلی سوز بی شک و تردید و گمان کیمیدی میر حقه روح و روان بیلی سوز فاتح خیبر کیمیدی یاور و ؛ یار پیمبر کیمیدی آری بعد از علی اول شیر خدا حضرت حمزه دی سلطان وفا میرشجعانیدی بو مرد شریف یوخدی بو یلِ دورانه حریف یاندیراردی دل اعدانی آدی آل امیّه و ؛ سفیانی آدی قوزاناردی سسی حین حملات گوندردی اوجا سسله صلوات حمله ائیلردی اوچون شیر ژیان جبهه ده دشمنه وئرمزدی امان بی رقیبی دی بو سردار ظفر او سالاردی صف کفاره شرر الغرض اول اسد الله فقید جنگ اُحددا بلی اولدی شهید اوخ آتان آتدی اوگون تیری دقیق سیدین سینه سینی یاردی عمیق اونون اولدی قانی چون سیل روان آغلادی حالینه هر پیرو جوان گلدی بالینینه غمخواری اونون خواهر غمکش و غم باری اونون باخدی حسرتله باجی قارداشینا او دولاندی او شهیدین باشینا لرزه سالدی سسی داغ داشه اودم باخدی او قانه باتان باشه اودم پیلمیشدیله او مردین اورگین قیرموشیدیلا اونون شاه رگین جاری ائتدی او باجی اشک ترین اوخشادی آغلادی با صوت حزین بوردا یا صاحب دوران یانورام سیدی ؛ زار و پریشان اولورام یادیمه دوشدی گینه دشت بلا پیکر شاه شهیر؛ شهدا گلدی زینب او سرای محنه گوزی دوشدی او شه بی کفنه روز روشن اونا اولدی شب تار نیزه و؛ اوخلاری او ائتدی کنار قاتدی قانیله خانم گوزیاشینی آلدی آغوشه او دم قارداشینی دوشدی؛ نه حاله ورود ائیله مورم عشاقین قلبی نی چوخ پئیله مورم فقط ایما ائدیرم؛بیرسوزه من بو سوزی یاخشی بیلر اهل سخن اولدی زینب داخی بی یار و معین آغلادی حالینه افلاک و زمین فاخرم شکر ائدیرم اهل دلم عشقیلن ممزوج اولوب آب و گلم افتخاریم بودی شوریده سرم یم احساسیده من غوطه ورم سووموشم آل عبانین قاپوسین دوگمرم آیری سرانین قاپوسین ✍بقلم کربلایی مسلم فرتوت گلهین #فاخر لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

بنام خدا تقدیم به روح آسمانی خادم الرضا ایت اله رئیسی "" "" "" "" حامی محرومانیدی خدمتین آئينه سی واریدی آیندهٔ ایرانه چوخ برنامه سی قیرخ نئچه ایل ایش باشیندایدی بومرد پرتلاش گون به گون افزون تر اولدی کوشش و انگیزه سی ایرانین آینده سین ترسیم ائدیردی چوخ قوی قابل تحسینیدی هر فکر و ذکر و نقشه سی مختلف پست و مقام و منصبه چاتدی ولی خادم شمس والشموشیدی اونون پیرایه سی تا رئیس جمهور کشور اولدی تقریباً اوچ ایل نی رئیس؛ اولدی او شمع ایرانین پروانه سی ویردی باش هرگوشهٔ بوسرزمینَ بارها یکسانیدی بو رئیسین شنبه و؛ آدینه سی بهر حلِّ مشکلات ائتدی تقلا روز و شب اولمادی بی دغدغه؛ بی شک اونون بیر لحظه سی یازماقا قادر دگی بوندان علاوه؛ طبعِ من مملو از حبِّ الرضائی دی بو مردین سینه سی جبهه ی خدمت ده جان وئردی؛ رئیسی عاقبت اولدی ورزقانیده؛ امضا شهادت نامه سی فاخرا فیض شهادت قسمت اولماز هر کیمه چون مقدس دن مقدس دی بو فیض ین جامه سی بی گمان بی شک و تردید روشن و نورانیدی عالَم عقباده بو مرد بزرگین خانه سی ✍مسلم فرتوت گلهین #فاخر

بنام خدا نوحهٔ وداع برای خادم الرضا شهید رئیسی 🎼سبک: #خداحافظ_ای_آنام_باجی "" "" "" "" "" خداحافظ ای؛ شهد خدمت دن دویمویان خادم لباس همت وسعی و تلاشی سویمویان خادم معاند فکر و افکاری حسابه قویمویان خادم جوان و پیر گریاندی سنی آلاهه تاپشیردوق عزادار کل ایران دی سنی آلاهه تاپشیردوق گئیوبدی جامهٔ مشکی بوتون اقوام ایرانی اولوب دی سانکی بیر یولدا شهید؛ قاسم سلیمانی ائدیبدی خلقین احساسی محیَّر کل دنیانی جوآن وپیر گریاندی سنی آلاهه تاپشیردوق عزادار کل ایران دی سنی آلاهه تاپشیردوق توکور گوزیاشلارین کردو بلوچ و ترکمن باهم عرب؛ لر؛ آذری گیلک؛ تماماً مردو زن باهم معزادی بوگون آری؛ بوتون اهل وطن باهم جوان‌ و پیر گریاندی سنی آلاهه تاپشیردوق عزادار کل ایران دی سنی آلاهه تاپشیردوق یئتیر سن ملتین سید سلامین میر عطشانه او شاهنشاه مظلومه او سالار شهیدانه سورا عرض ادب ائیله رضا شاه خراسانه جوان و پیر گریاندی سنی آلاهه تاپشیردوق عزادار کل ایران دی سنی آلاهه تاپشیردوق آنان زهرایه یالوار سن دئنه شیعه پریشاندی بویور سید علی اوغلون بوگون چوخ دیده گریاندی سنون داغ فراقون آن دل اهل دل القاندی جوان‌ و پیر گریاندی سنی آلاهه تاپشیردوق عزادار کل ایران دی سنی آلاهه تاپشیردوق ✍مسلم فرتوت گلهین #فاخر

بنام خدا عاشقان آقا امام جواد ع با شور و اشتیاق بخوانند و.... "" "" "" "" " لطف وعطانین یمی سن یاجواد جود و سخا؛ خاتمی سن یاجواد حاتمِ طاعی لره ؛ آئینه سن آل عبا حاتمی سن یا جواد سسلوری مولا سنی پیرو جوان سن اولارین مَحْرَمی سن یاجواد سنگ صبورسان بیزه یابن الرضا هیئتی لر همدمی سن یا جواد یارَه لیدی شیعه لرین سینه سی یاره لرین؛ مرهمی سن یا جواد وار آقا جان عالی سعادت بیزیم واردی سیزه آیری ارادت بیزیم جاندی بیزه پرچموون سایه سی هیئتوون معنوی سرمایه سی جان ندی؛ سن روح و روان سان بیزه گوزده کی نور رگده کی قان سان بیزه وار آدوون آیری دادی لذتی داغدان آغیر قدر و بها قیمتی کیم گله صدقیله بورا زنده دی خوش حالینا زنده و؛ پاینده دی کیم بو سرایه گله احساسیلن محشور اولار حضرت عباسیلن گلدی آدی؛ مُنْقَلِب اولدی قلم دوشدی منیم یادیمه مشک و علم بیلمورم آیا نولاجاقدی دی سورا بیلمورم هئچ سوز نئیه چاتدی بورا آند اولا عباس آقانین؛ وَقرینه قامتینه اول بالاجا قبرینه دیلده سخن سیزلایورام آغلورام دِلْده محن سینمی من داغلورام نام جواد سالدی شرر جانیمه عشقی اونون چون قاریشیب قانیمه صدقیله هر آن قاپوسین چالموشام حاجت معقولیمی من آلموشام ذره جه کیم شک ائده صادق دگی بی شک اورکدن او کس عاشق دگی فاخرم و؛ خرم و شادم بلی ریزه خور خوان جوادم بلی قوسالادا بو قاپودآن قاچمارام من بخدا آیری دری آچمارام حبّی منه؛ زینت و پیرایه دی داغدان آغیردولت وسرمایه دی قیمتی یوخ اُخروی سرمایه نین خیر عملین اَجر گرانمایه نین ✍کربلایی مسلم فرتوت گلهین #فاخر

بنام خدا زبانحال شاعرانه آرزومندان زیارت اربعین و زائرانی که توفیق زیارت دارند با جان و دل بخوانند و..... "" "" "" "" "" "" "" یاحسین سینیخدی قلبیم پرشکسته طائرم من کاش گورم بیر اربعینی کربلایه زائرم من گَلَم اول دیار عشقه اوپم اول گوزل مزاری دوشَنَم او قبرین اوسته ائدم اوردا آه و زاری اوخویام یانیخلی نوحه اولا اشکیم اوردا جاری شوقیله دییم حسین جان درگهونده شاعرم من "" "" "" " یاحسین عزیز زهرا ای سپهره عشقه زینت ایستیرم اجازه مولا وئر منه بو لحظه رخصت دایانوم او پای پاده ائدیم اکبری زیارت عرض ائدیم آقا اوزاقدان گلمیشم مسافرم من “" "" "" "" "" " میرعشقی داده سسلوب بو دیاره گلمیشم من هر زمان آدی گلنده اولمیشم دیریلمیشم من دردمندی لر طبیبی بو آقانی بیلمیشم من حاجتیم روا اولوب دی یا حبیبی شاکرم من " "" "" "" "" "" "" " ذکر ائدیب آدون حسین جان سود منه آنام وئریب دی چاغورندا آدوی من فخر اودم آتام ائدیب دی دامنون دوتوب دی هرکیم چوخ کرامتون گوروب دی گلموشم مزارون اوسته سانکی خسته جابرم من " "" "" "" "" "" من بورا گلنده چوخلار منه درد و دل ائدیب لر منی یاحسین او اشخاص سنه چوخ یاخین بیلیب لر اولارین چوخی سرشکین قره شالیمه سیلوب لر غملی زائرم حسین جان حرموندا حاضرم من "" "" "" "" "" "" بیزه کعبه ی دگردی سیدی بو بارگاهوون عالمه سالوب دی سایه عظمتلی عز و جاهووون هر ایکی جهاندا بسدی بیزه بیر گوزل نگاهوون فاخرم قاپوندا شاعر مدحتوندا قاصرم من "" "" "" "" "" شاعر؛مسلم فرتوت گلهین #فاخر

بنام خدا سروده ای بمناسبت آغاز ولایت حضرت #مهدی_عج ----✾•••✾•••✾---- یولدا قالوب گوزلری موز مهدی گله مهدی گله واردئملی سوزلری موز مهدی گله مهدی گله یابن الحسن یابن الحسنچ 2 ✾••✾••✾ سرور دوراندی آقام سرو خراماندی آقام گلشن عشقین گولی دی ددلره درماندی آقام یابن الحسن یابن الحسن2 ✾••✾••✾ غم یئمه ای عاشق زاربیرگون مولا گله جاق قورتاراچاق فصل خزان یوسف زهرا گله جاق یابن الحسن یابن الحسن2 ✾••✾••✾ قلبی لرعشقینده اَسروصله اورکلرتَلَه سر ای قلم ایمانیله یاز واردی دعالرده اثر یابن الحسن یابن الحسن2 ✾••✾••✾ ای خلف شیر خدا منتقم آل عبا آل اَلوا تیغ دوسر عالمی ائت غرق صفا یابن الحسن یابن الحسن2 ✾••✾••✾ نقش اولونوب نه فلکه عالمه سلطان سان آقا فاطمه دردانه سی سن سرور دوران سان آقا یابن الحسن یابن الحسن2 ✾••✾••✾ هشت ربیع دی آقاجان جشن ولادت قورولوب پرچم یامهدی بوتون شهرو دیاره ورولوب یابن الحسن یابن الحسن2 ✾••✾••✾ مین نئچه ایلدی آقاجان سینه لرین سوزشی وار آدووی هرکیم چاغیرورسندن آقاخواهشی وار یابن الحسن یابن الحسن2 ✾••✾••✾ ایسته خدادن سن اوزون موسم هجران قوتارا باشلانا ایام وصال ناله و افغان قوتارا یابن الحسن یابن الحسن2 ✾••✾••✾ بوسه وورا پیروجوان حیدری بازولریوه شانه وورا بادصبا هاشمی گیسولریوه یابن الحسن یابن الحسن2 ✾••✾••✾ فاخره رخصت وئره سن کوچه لره سوسپرم آنداولا زیبا آدووا گلسون اَیاقون اوپرم یابن الحسن یابن الحسن2 مسلم فرتوت #فاخر لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨