به نام خدا (مشکن ولی پیمان من ) ١۳۰٢/٢/١۹ آتشی افکنده ای با غمزه ای بر جان من رخنه کردی با نظر در دین و در ایمان من هستی و بود و نبودم در قمار عشق تو باختم , تا ساعتی باشد که باشی آن من دعوتم کن یا به مهمانی شوم مهمان تو یا تمنّأ می کنم یک شب شوی مهمان من آبشار و گلشن و باغ و گل و سرو و چمن بی تو وادیّ غم است و گوشه ی زندان من دیده ی غمّاز و لعل مست و گودال زنخ رعشه افکنده به جان و بر دل لرزان من نطق گویائی نباشد تا کنم اظهار عشق تشنه ی پیمانه ام از دستت ای جانان من روزگارم روز و شب با یاد تو گردد سپر ای خوشا با وصل تو خوشتر شود دوران من از تب عشقت اگر سوزم ننالم لحظه ای با ترحّم کن نظاره بر دل سوزان من این سر شوریده از من , از تو باشد دار عشق بر سر دارم بکش ای نازنین سلطان من گر چه ویمانت شکستم از ( هدایت ) در گذر خواهی ار بشکن مرا , مشکن ولی پیمان من #محمد_هدایت

گوزل آللهین آدیلن ( شهادت حضرت رسول اکرم ص ) ۱۴۰۲/۶/۲۳ دوتوبدی آه و نوا فرش و عرش اعلانی رسول حقّ ائلیوب ترک دار دنیانی او قدر سختیدی آل اللهه بو غملی سفر کی اوج ائدیبدی سماواته عترت افغانی تلاش ائدردی او حضرت کی آخر عمرونده حصین امنه چکه فوج آل عمرانی خبر وئریبله کی محرابوه گئچیب بوبکر او قدر خودسر اولوب غصب ائدیب مصلّانی منی بویوردی کی فی الفور مسجده یئتیرین بو آخر عمرده بیرده گوروم احبّانی دوتوبلا صاق سولونی مسجده گئدیب حضرت اولوبدی وارد محراب اول صفا کانی وروب کناره ابوبکری سویله دی تکبیر ئوزی امامت ائدیب فوج اهل ایمانی نمازی ختم ائلیب چخدی منبره شه دین فصاحتیله ائدیب حمد ذات یکتانی ایکی امانت سنگین دئدی واریمدی سیزه قولاق وئرین ، ائشیدین ، ثبت ائدین بو اعلانی سفارشیم سیزه قرآن و اهل بیتیم دی آیرمئین ابداً اهل بیت و قرآنی کنار حوض ده با هم گلرله محضریمه محافظت ائلئین بو ایکی عطایانی سوزون قوتاردی گلیب منزله او پیر خرد دوشوب دی بسترینه ، اولدو وقت هجرانی آلیب دی عترتی اطرافینی ملول و فکار ائدردی حالتی گریان بتول عذرانی ایاقلاریندان ئوپردی توکروی گوزیاشنی سرشک دیده ئیله ایسلاداردی دامانی شمایل عربیله گلوب دی عزرائیل قاپی دویوبدی آلا اذن او پیک ربّانی گلیب دی پشت دره فاطمه دئدی کیمسن نه حاجتین وار ، ائدیم حاجتون روا ، آنی دئدی حضوری گرک دور گورم پیمبری من ارادتیله زیارت ائدم او مولانی دگول مساعد آتام ذکر ائدیب ملاقاته باشندان آت بو سوزی ، ائتمه بو تمنّانی پیاپی اوچ دفعه تکرار اولوب بو امر خطیر رسول اکرم آچیب حسرتیله چشمانی بویوردی فاطمه کیمدی ، نه حاجتی واردی دئدی عرب دی بابا وار زیارت عنوانی بویوردی فاطمه یول وئر گله ملاقاته قاپی دا قویما قالا اول عزیز مهمانی اجازه سیز گئدر هر منزله او پیک اجل سالان اودور هامی یئرده شرار و غوغانی آتا بالانی اودور ایلین جدا زهرا خلیل دن اودور آیری سالان اخلّانی اودور قزیم ملک الموت پیک ربّ جلیل اودور کی هر یئره وارد اولار به آسانی سنین قاپیندا و لیکن وروده اذن ایستر کَانّهُ گورورم بوردا فوج اعدانی وروبلا اود شرر ظلموله یانیر بو قاپی دوتوبدی توستی دومان مثلی چرخ مینانی ندای وا ابتا قلبیمه شراره ورور او صحنه نین اولورام دلغمین و حیرانی وئریلدی قابض الارواحه مَخلص اذن دخول او ساعت اولدو کی پیغمبرین چخا جانی باشین دیز اوستونه آلمشدی گوزی یاشلی علی ایاق طرف ده فراق آغلاداردی زهرانی حسن ، حسین باخیب حسرت توکردی گوزیاشنی اوچاردی روح نبی ائتسین آخر اسرانی عبانی باشینه چکمشدی مرتضی و رسول فیوضه ایلدی نائل امیر تقوانی امامه علم لدُنی نی ایلدی تفویض توکوبدی سینه سینه علم کان و ماکانی وصیّتین ائلدی مرتضایه یومدو گوزون بوشالتدی شیر خدا جام چشم بینانی دوتوبدی فاطمیه یوز ، دئدی باشین ساغ اولا بو آیریلیق ئورگه وردی نار سوزانی قوشولدو بیربیرینه اهل بیت آغلاشدی او بزمی درک ائلئیم منده یوخدو امکانی حسن حسین ائله قالمشدی بوینو چگنینده سالاردی لرزیه ناله سپهر خضرانی ائله پوزولموشودی زینب حمیده خصال ائدردی زمزمه دلده ندای جدّانی بو زینبین چوخ اولوبدور نداسی یا جدّا یانا یانا چاغریب دور هرایه طاهانی حسین جنازه سی اوسته دئیردی یا جدّا بالان حسیندی بو کی دوغرانوبی هریانی باشین کسیبله بدن دوغرانوب دی بند به بند یارالی پیکرینین چشمه تک آخیر قانی نه باش قالوبدی بدن ده نه ال نه بارماقی قاتوبدی آت ایاقی تپراقیله اعضانی آتام فدا اولا بیر جسمه نحر اولوب بوغازی نه یاره سی ساغالان دی ، نه واردی درمانی آتام فدا اولا بیر جسمه اللری کسیلیب ائدیب شهادتی تفسیر ذبح عظمانی آتام فدا اولا بیر جسمه یاره دور باشاباش قویوب صلابتی حیران گروه ادنانی آتام فدا اولا بیر جسمه غسلی قان اولدو جانین فدا ائله دی تاپدی وصل جانانی آتام فدا اولا بیر جسمه یاره گوز گوز ائدیب سالوبدی درد و غمه دردی پیر و برنانی آتام فدا اولا بیر سینیه سئنیب سوموگو ائدوبدی قانیله رنگین پست و بالانی آتام قانیله مخضّب محاسنه قربان کی جان مرده ی دینه یئتردب احیانی آتام فدا اولا سرنیزیه چخان باشینا گوزو باخا باخا اولدی خیام تالانی آتام فدا یارالی فلبه ، قان دولان گوزونه باشندان آخدی قانی دوتدی ماه سیمانی آتام فدا اولا بیر جسمه اصلی نوردی نور شهادتیله ائدوبدور جهانی ظلمانی آتام فدا اولا بیر جسمه کی حضوری اونون سرای آخری ایلر سرای نورانی آتام فدا اولا بیر جسمه کی ( هدایت ) اونون اولوب یارالارینین روز و شب نواخوانی #محمد_هدایت لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨