┄━═✿♡﷽♡✿═━ 🔹️غم چکمه دلیم کاخه دونر کلبه احزان #مهدیه_عدلی_تبریزی 🔹️یا مهدی(عج) ✍بقلم حاج اصغر فزشچی (عدلی تبریزی ) . . غم چکمه دلیم کاخه دونر کلبه احزان آزاد اولی دل بوش قالی بو گوشه زندان . وِئرسه خبرین گلدی بهار نازلی بنفشه بلبده گلر شوره اوخور اولسا گلستان . خشکیده اولان برگ ونهال جان به کف اولسا گویدن توکولر قطره ی مهر قطره ی باران . مسخ اولسا بو افکار عموم دونسه زمانه اولماز او گونی تابع دین عامل قرآن . طغیانه گلوب ظلم چایی داغلاری آشسا مظلوم لارین آهیله دومان اولسا بوکیوان . دریا لری موجه گتوره کفرو خباثت بیریللر اسه طوفان اولا ریشه قوپاردان . اوندا گَلی زهرا بالاسی شمس هدایت بیر تابش ایدر چشم براهان اولی شادان . ایکاش گله تیره شبیم تا اولا روشن من منتظرم منتظره بادل سوزان . اشکیم توکرم بو رخ زرده دوزرم من گل ایله منورگجه می ای مه تابان . ای معرفت و بینش و علمون مه و ماهی سال نوروی ظلمت چکوله هادی دوران . صبح اولجاق همیشه جمعه لردلده بو امید عاشقلر اولار منتظرون لب لری خندان . «#عدلی» قوشولوب سسلر آدون گَل آقا تزگَل فرمانده کل سنسن آقا حامی انسان #مهدیه #عدلی_تبریزی