در مقام امام علی (ع) بانوای:#کربلایی_منوچهر_حسن_زاده

🏴فراق مادر 🏴 🏴شعرازحقیر ؛ علی عبدی بانوای:#کربلایی_منوچهر_حسن_زاده الهی وئر منه گوزیاش اِئدیم فغان ننه مه وجودی شمعی تک اولادینه یانان ننه مه اورک داریخسا فراقینده دسته گل آلارام هدیه اِیلییرم قبریده یاتان ننه مه ائوویمده دیزلریمی من قوجاقیمه آلارام یواش یواش اولونار گوزیاشیم روان ننه مه چکوبدی چوخ گئجه اولادی اوسته بی خوابی بجادی وئرسله گر لوح قهرمان ننه مه منیم ایاقیمه قویدی جوانلقین نئچه ائیل جفادی آغلاماسام بیله مهربان ننه مه آنا اَیاقینین آلتیندا ثبت اولوبدی بهشت حدیثی خاتم مرسل اِئدیب بیان ننه مه کاش ایندی زنده اولیدی ئوپیدیم اَل اَیاقین اورک تاپاردی صفا من دیَّنده جان ننه مه یازولدی سوز آنادان ای قلم گریزین آپار مدینه ده گئجه هنگامه دفن اولان ننه مه نه دردین اولسا سنون ساخلاما اورکده دینن فشار دربیله پهلولری سینان ننه مه قاپی دالیندا خانم ناگران دایانمیشیدی آچیلدی ضرب لگدلن او ناگهان ننه مه قاپی دالیندا قیزارمیشدی بیرنئچه مسمار باتوبدی سرعتیله سینه سی یانان ننه مه اوجالدی سس اوهیاهوده وای بالام ئولدی کنیزه فضه یتیردی ئوزون جوان ننه مه گوروبدی فاطمه نین یئرده پیکرین بی هوش دیدی الهی ئوزون وئر دوباره جان ننه مه یواش یواش اوگلوب هوشه آچدی قانلی گوزون توکوبدی گوزیاشینی اَهل دودمان ننه مه ائلیکی آغلادی کلثوم و زینب و حَسَنین اوجاتدی ناله سینی گوگده قدسیان ننه م

نوحه بسته شدن راه فرات بانوای#کربلایی_منوچهر_حسن_زاده شاعر#حاج_ولی_الله_کلامی_زنجانی نهرین یولاری باغلاندی الله سوسوزدان قلبیم اوتلاندی الله آغلار هراسان گوزلریم الله اکبر مندن صود ایستور اصغریم الله اکبر مشگیلر خالی اشگیلر جاری کیمه تاپشوروم بوشیرخواری یوما بیلمورم چشم خونباری اوتلاندی قلب مضطریم الله اکبر الله ربابین غملیدی حالی بانور عطشدن دلسیز مارالی گل تک سولوبدی پوزقون جمالی دلدن دوشوبدی دلبریم الله اکبر بیزه دشمنان حمایت یوخدی اود یاغور گوگدن حرارت چوخدی اوعلومون آهی قلبیمه اوخدی سولدی گل نیلوفری الله اکبر دللرده واردی نسگللی سوزلر سولموش جمالی توکر سو گوزلر بو آغلار گوزلر سقانی گوزلر هانی ساقی کوثریم الله اکبر رقیه عرشه شئون سالوبدی اصغره ازبس لایلای چالوبدی دیور قارداشیم سوسوز قالوبدی غمدن سینوس بال و پریم الله اکبر

نوحه حضرت عباس ع شب تاسوعا زنجیر زنی سه ضرب بانوای#کربلایی_منوچهر_حسن_زاده شاعر#مرحوم_فرهاد_فکری_اردبیلی یاحسین یاحسین شرمنده نوکرم من اوخلانوب سو مشگیم یولووی گوزلریم من سقایم سقایم سقای تشنه گانم سو اوستن گلنده باغلادیلار یولومی دورت مین اوخ آتانلار آلدی صاق و صولومی سالدیلار ظلمیله نخلستاندا قولومی اللریم دوشوبدی عنقای بی پرم من سرو تک یخیلدیم آخر قانلی چمنده اوچیلار شیریوی سالوبدیلار کمنده باشیمی دیز اوسته گل آل قارداش ئولنده یالقوزام بی کسم بی یار و یاورم من ئولونجه چیخمادیم قارداش حسین سوزوندن اوخلاندی سو مشگیم منی سالدی دوزومدن بیر اوچ پر اوخ دگوب بو چولده صاق گوزومدن گوزلریم دعواده گورمه سه نیلرم من نوکرم ایت قبول اگر چه ناقابلم خیمه ده قیزلاردان صد حیف اولا خجلم جان اوسته من سنون دیداریوه مایلم بیلورسن خاطروی چوخ چوخ ایسترم من عباسون غصه سی اندازه دن رد اولدی دوشمنیم بو چولده بیلورسن نامرد اولدی سقالیق آخرده منه بیوک درد اولدی شرمنده ی روی علی اصغرم من ناامید اولمیشام من بو اوزون اللردن دشمنی ایلیور شماتت دور و بردن مشگییمده سو یوخدی شرمندیم اصغردن بو چولده شاهین شکسته شهپرم من

نوحه شام غریبان بانوای#کربلایی_منوچهر_حسن_زاده شاعر#کلامی_زنجانی بوگجه اولوب بناتون غمه مبتلا حسینیم سنه بیر یانان چادردا قورولوب عزا حسینیم غم هجرین آتشیله آلیشوب یانور اورکلر گل اوزون ائله تماشا حرم اهلینه برادر نه امان ویرور مصیبت نده واردی یار و یاور ویرورم ئوزوم تسلی بالا قیزلارا حسینیم بیزه نهر علقم اوسته ویروب اهل کینه مسکن بئله حالتیله اما گینه مست عشقووم من آلور عطریوی مشامیم یل اسنده مقتلوندن تاپوری بو قانه دونموش اورگیم صفا حسینیم اورگی یانور ربابین سووا گوزلری دوشنده دیور ای سو هاردا قالدون دوداقین بالام امنده سن ائله چوله آخوردون دوشیمون قانی گلنده اولوب آهوان صحرا اونا همصدا حسینیم گرک عاشق حقیقی گچه جمله ماملکدن اولا درد و رنجه صابر گله ایتمیه فلکدن من او عاشقم که حاشا سالام عشقیوی اورکدن باجووام مریض عشقم منه قیل دوا حسینیم بدنون یارالی بی سر یخیلوب منایه شاها باشووا ویروبدی خولی ولی کوللر اوسته مأوا آنام اوغلی تاب ایدنمز ائله حالی گورسه زهرا باشیوی گورنده سسلر الی باشدا وا حسینیم من او بلبلم که لانه م دوتوب اود یانوبدی یانام بیلوسن نه نوعی ایندی بو مکاندا دالدالانام ائله خیمه دوره سینده سحره کیمی دولانام دیه غملریمی ایکاش آناما صبا حسینیم لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨