#کوچ_از_قتلگاه #مضطر ___ ای شه مظلوم حسین وای وای بیکس و مغموم حسن وای وای گیتدی بو صحراده جلالین سنون غارت اولوب مال و منالین سنون قول قولا باغلاندی عیالین سنون ای شه مظلوم حسین وای وای کرببلا ملکی سنه عرشدور ایسی قوم استی قوری یر فرشدور زینبین السون بو نجه نعشدور ای شه مظلوم حسین وای وای قانلی باشین نیزده شامه گیدر أیه قرأنی تلاوت ایدر شمر ایلیوب عترتیوی دربدر ای شه مظلوم حسین وای وای شمر ستم پیشه کسوبدور سرین أتلار ایاقینده قالوب پیکرین ای أنام اوغلی هانی بس اللرین ای شه مظلوم حسین وای وای اوخلارا گل پیکرین أماج اولوب خیملرین ظلمیله تاراج اولوب عورت اشاق معجره محتاج اولوب ای شه مظلوم حسین وای وای قمچی وورار باشیمه شمر دنی زینبین عرشه اوجالوب شیونی سنسیز اسیر ایلدی دشمن منی ای شه مظلوم حسین وای وای ویرمز امان شمر و سنان أغلیام نعشیوین استنده سینه داغلیام اولمادی ممکن گوزیوی باغلیام ای شه مظلوم حسین وای وای شامه طرف کوچ ایدوری قافله هاردادور عباس ألا بیدق اله قافله اهلین یتوره منزله ای شه مظلوم حسین وای وای ایسی قوم استنده یارالی بدن أرتوری بو بیکسه دردو محن معجریم اولسیدی ایدردیم کفن ای شه مظلوم حسین وای وای ووردولا شام اهلی باشون نیزیه عترتین أردینجا گیدر کوفیه یوخسا قوناقسان بو گیجه خولیه ای شه مظذوم حسین وای وای قوم عدو دوغرادیلار اکبرین اوخلادیلار تشنه علی اصغرین شیعه فداسی اولا نسکللرین ای شه مظلوم حسین وای وای #مضطر اولوب دهریده غرق گناه کثرت عصیان ایلیوب روسیاه گتدی امیدیله بو بابه پناه ای شه مظلوم حسین وای وای لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🌺🌺احوالات کوچ از قتلگاه🌺🌺 سبک : یخلدی سقا یره ای شاه گلگون کفن دور باجون گیدیر حسین یوخدور سنی دفن ائدن،دور باجون گیدیر حسین اول سوسوز لبلره لبلریم فدا حسین قان دولان گوزلره گوزلریم فدا حسین یاحسین یاحسین من سنه فدا حسین(2) شمر ستمگر بیزی باغلویوبدی قول قولا سنسیز بیزی گوندرور شامِ شومه ای اخا وادور یری بو چمن ناله صوتیله دولا داغیلمیش جسمی گورن باش آچا اوزون ویرا وار گلایم بو چرخ و بو روزگاریدن شیرزن زینبی سالدی اعتباریدن عریان قالوب پیکرون یوخ بو جسمه سایبان قویموللا دفن ایلویم نعشیوی بو کوفیان باشون اللرده گزیر شهریارِ انس و جان سانجیلوب اوخ اوسته اوخ آچ گوزون حسین اویان دور حسین ماتم و غصه دن باجون اؤلور آغلورام من سنه کوفیان منه گولور یاندیردی قارداش منی پوزدی نیزه یاره سی بیرده ربابین سوسوز طفل ماه پاره سی اللرده اؤلدی اونون تشنه شیرخواره سی غارتده دوشدی اله،اصغرین گهواره سی بیرنفر یوخ دئسین ویرمیون اوشاقلاری آبله باغلیوب قیزلارون ایاقلاری هاردا قالوب اکبرین، هاردا میر لشگرین اوخ اوسته اوخ سانجیلوب پاره لندی پیکرون قانیله پرده چکوب بوسه گاه مادرین خیردا بارماغین هانی، کیمده دی انگشترین صف چکوب اشقیا نیزه داش آتوردولار پیکر پاکون اوستونده آت چاپوردولار سن لبیکی سسلدون قلبیدن شهادته منده اورکدن اخا راضیم اسارته اولسون قسم ذوالفقار شه ولایته زینب دوزر داغ کیمی هر غم و مصیبته بو آخان قانلاری من گرک حسین آلام شامیده تختیدن هندین اوغلونی سالام #کربلایی مجیدقلعه بیگی(فقیرخویی) #حضرت_زینب س #کوچ_از_قتلگاه لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#مرحوم_یحیوی_‌اردبیلی #کوچ_از_قتلگاه فرصت یوخ ایداخ صحبت ، کوچ ایتماقا ناچارم گوز یاشیمه مانع دور ، چون شمره گرفتارم گیزلتمه اوزون مندن ، من محرمِ اسرارم اوزگه دگلم قارداش من زینبِ بی یارم گَل نطقه دانیش منله ، ای مظهرِ ربّانی اعجازِ امامتدن بیر منظره گورسندی ناگاه او باشسیز نعش بیر تتردی ترپَندی منحور بوغازیندان گلدی دله سسلندی یا زینب اَنا المظلوم ، ای فاطمه دلبندی قارداشین حسینم من ، لب تشنه چیخان جانی زینب تانیدی بولدی ‌قارداشدی همان اعضا بطحایه یوزون دوتدی عرض ایلدی یا جدّا هارداسان حسن قارداش؟ هارداسان آنا زهرا؟ آخر بو حسینوندور چالمیش ال ایاق قاندا اعدا سوسوز ئولدورموش ، سو اوسته بو قربانی بالای سره گیچدی محزون دل و کج گردن چاک ایتدی گریبانین توپراقه دوشوب بیردن زلفینی خضاب ایتدی ، اول خونِ مطهّردن قویدی دوداقین اوپدی ، خنجر قویولان یردن سیراب ایدوب اشکیله اول حنجرِ عطشانی ای کشتیِ خونابون طوفانه دوشن نوحی گردابِ بلیّاتون غلطیدهء مجروحی عیسی' کیمی آویزان داره سرِ مذبوحی ای زینبون آرامی ، وی فاطمه نین نوحی آگاه ایله حالوندن من زار و پریشانی تانور باجی قارداشین اولسا اوچ علامتدن باشدان ، ایکی اللردن ، یا جسمِ سلامتدن دولموش بدنون یکسر بیحدّ جراحتدن باش یوخ ، ایکی اللر یوخ ، یاندیم بو حکایتدن یاندیم نقدر یانسام ، حقّیم وار حسین جانی واضحدی قیافوندان ، سن شاهِ شهیدانسان شاهانه لباسون یوخ ، بس سن نجه سلطانسان باشوندا نولوب تاجون ، آیا نیه عریانسان؟ اوخلار سنه پیراهن ، مستغرقِ پیکانسان هاردا گیینوب شهلر ، منسوجهء پیکانی سندن یارالی ایلور ، زهرا قیزی بیر خواهش سسلَن سسوه قربان قلبیم دوتا آرامش آیا سن حسینیم سن ، آدون ایله فرمایش زلفومله سالوم سایه ، تاپ ایسّیدن آرامش یوخ زینبوون بوندان آرتوخ زادا امکانی. #مرحوم_یحیوی_اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️▪️▪️▪️▪️ ▪️▪️▪️▪️ ▪️▪️▪️ ▪️▪️ ▪️ #کوچ_از_قتلگاه بو چولده ظلم ایلیوب خصم دون دوباره عجب ایدوبله جسمیوی مقتلده پاره پاره عجب خدا بولور نه قَدرِ جسمیوه ویروبلا یارا یارالارون سایورام گَلموری شماره عجب باخاندا پیکر شان شانیوه کباب اولورام گینه بو حالیله من ایلورَم نظاره عجب گوله گوله سَنه من بیچمیشم کفن یارالی ولی سالوبدی بو غم قلبیمه شراره عجب قوری یر اوسته اولوب پیکرون پراکنده کانَهُ سَپیلوب لاله کوهساره عجب ویروبدی گلشن دینه بیر آیری پیرایه چَکوبدی جذبه سی ارواحی لاله زاره عجب مشام جانه یتور عطر حضرت خاتم بو عطر طعنه ویرار عطر مشکباره عجب غریبه عطریله مملو اولوبدی دشت بلا خزان دونوب ایله بیر فصل نوبهاره عجب باجیوی جور و جفا آغلادور بو ماواده گیدر گوزومده آخان گوز یاشیم مزاره عجب نه ائدوم گِِچن گیجه بو یرده حشر اولوب بر پا یولومدا دوشمدی اول دمده بو گذاره عجب کَسنده اللریوی اول شقی جفایله گَلوبدی جن و ملک یکسر آه و زاره عجب بو ظلمی ایلینین آللَری گوروم قورسون کسوبدی بارماقی تندن، سالوب کناره عجب دوشوبدی لرزیه نهر اوسته پیکر سقا دئیوب قلم قولی سقای نامداره، عجب بولوبله قارداشیوین قولاری دَگور تنده اودور جسارت اولوب غملی شهریاره عجب جهان عاریه نین اعتبارینه لعنت گدادی معتبری بیله اعتباره عجب گهی فرحلنیری دلده عشقیوه زینب گهی غمون سالور اود قلب بی قراره عجب عجب زمانه دی هِی یوز ویرور منه مُحنت عجیبه چرخیدی کردار کجمداره عجب عتیق عجب دَگور هر چامه که اولور تکرار عجیب عجبدی، که تکرار اولا دوباره، عجب لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨