زبانحال حضرت زینب سلام الله علیها در شهادت حضرت رقیه سلام الله علیها خرابه منزلی مَدفَن ائدن قیزیم لایلای اورگی یاره قبره گئدن قیزیم لایلای آلاندا قارداشی اکبر قوجاقه نازیله باخوب جمالینه فورا"گولن قیزیم لایلای نَنَم صولوبدی جوانلیقدا ثانی ظلمیندن نَنَم کیمی یوزی سیلی گورَن قیزیم لایلای گورَنده شِمر دَنی اَلده تازیانَه سینی وجودی بَرگِ خزان تَک اَسَن قیزیم لایلای گِئدنده شامه سالان ساربانی قافله دن ایاق یالین تیکان اوسته گَزَن قیزیم لایلای دییَردون عمه آجام چاره من تاپانمَزدیم ئولونجه سویلَرم آج جان وِئرن قیزیم لایلای اسیر دشمن اولوب قمچیلَر دَگن باشینا ایشقلی گوندوزی شامه دونَن قیزیم لایلای ئولونجه آغلاسام آزدی سَنون مصیبتوه چراغِ عمری سِتملَه سونَن قیزیم لایلای وئرنده غسلووی دوشدی گوزوم رَسَن یئرینه بالاجا قولارینی ایپ کَسَن قیزیم لایلای ئولنده من سنی بیرقاره معجره بوکدوم آتاسی تَک ئوزیده بی کفن قیزیم لایلای یارالی باشی گَلَن وقته کُنجِ ویرانه آلوب قوجاقه اونی هی ئوپَن قیزیم لایلای گورَنده قارداشیمون لبلرینده وار یاره حَزین ندائیلَه نوحه دییَن قیزیم لایلای گوزَل باباسین ئوپوپ ئیلییَن قزل گل تَک یارالی باش قوجاقندا ئولَن قیزیم لایلای یازوب بو سوزلری#یاسر ده زینبون سوزیدی دییَر بیبون دییَنی آج جان وئرن قیزیم لایلای ✍منکلام:استاد حاج یاسر گنجی اردبیلی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨