روضه بسته شدن آب فرات (من کلام : ذهنی زاده) باغلانوب سو یوللاری بو گونده آل حیدره کربلادن العطش فریادی چخدی گویلره   باخدی سعد اوغلی زیادین اوغلونون فرمانینه باغلادی سو یولارین کرب و بلا سلطانینه اولدی باعث عترت پیغمبرین افغانینه سو گمانی قالدی اشگیله دولی چشم تره   خیمه لردن قوتولوب سو یاندی آل مصطفا سو خصوصینده خجل اولدی بالاسیندان آنا کربلانون هر بلاسی بیریانا سو بیریانا آرتوخ اولدی سو غمی هر غمدن آل اطهره   شرح ایدوب موسایه بیر سوز که اوگون پروردگار کربلاده بی کم و کیف اولدی مطلب آشکار تشنه لیقدان درک ایدوب چوخ تشنه طفلی احتضار بیر سو اوسته اولدی اوخ دایه علی اصغره   لیله دیجوره دوندی چوخ سوسوزلار گوندوزی چوخ سوسوزلارین ایشیق گوندوزده گورمزدی گوزی چوخ سوسوز دللر دولانمازدی بیان ایتسون سوزی رمزیله درد دلین قیز عرض ایدردی مادره   کربلاده هر بلانی سو گتوردی باشلارا بیرسو اوستونده قیزیل قانلار سپیلدی باشلارا بیر سو اوسته قالدی حسرت باجیلار قارداشلارا خیمه لردن اوج ایدر ناله سپهر اخضره   بیر سوسوزلوق آتشی چوخ داغلی دللر داغلادی چوخ اوزون قولاری یالقیز بیر سو مشکی باغلادی بیر سو اوسته تشنه سقا گوزلری قان آغلادی مشکی اوخلاندی سویی آخدی توکولدی یرلره   ذهنیا آغلا بوگونده باغلانوب راه فرات ناله المانیله دولدی خیام طاهرات تشنه لبلر حالنه قان آغلیوبدور کاینات هر طرفدن یر یوزی تنگ اولدی آل حیدره

«بسته شدن راه فرات » محمد علی مصیبی تبریزی سبک : محرم رازیم الله باغلادیلار فراتی قانه باتان قناتی تشنه قالوب بوگوندن شاه غمین بناتی باخ حرملره - تشنه لرین فغانی وار حیدراوغلونون- آیری بیرامتحانی وار (( الله - الله)) جوشه گلوبدی غملر قالدی سوسوزحرملر جور فراته خاطر قانه دونوبدی یَم لر یوخدی باخان ربابه مادرِ دلکبابه حسرتیلن باخوردی آب زلال و نابه آهیلن دییور– یاندی صفالی گوهریم صود یوخوم منیم - آزقالور ئولسون اصغریم (( الله - الله)) سسله یَل سپاهی ساقی خیمه گاهی تشنه قالوبدی اصغر گویلره چاتدی آهی سوز عطشدن لَلر ناله سی قلبی دلر وئرسه له بیرجرعه سو تشنه بالا دینجلر سو تاپیلماسا- سینه لری داغلیه جاق چاره سیز آنا - اللرینی باغلیه جاق (( الله - الله)) شمع شب تاره باخ جلوۀ دلداره باخ گلشن احراریده غنچۀ تبداره باخ نازبالا عطشان قالوب خیمه ده غوغاسالوب زینب رنجوره نین صبروقرارین آلوب یئرلرآغلوری- گویده کی اولدوزلاریلان زینب آغلوری- خیمه ده کی قیزلاریلان (( الله - الله)) اولدی بهانه فرآت شور و فغانه فرآت کرب و بلاده نه دن دونمه دی قانه فرآت زمزمی حیران سالان سینه لره قان سالان فاطمه نین اوغلونین قلبینه طوفان سالان حرمت ائتمه دی - قلبی یانان قوناقلارا قسمت اولمادی - تشنه قالان دوداقلارا (( الله - الله))

بسته شدن آب فرات (من کلام : داود بیدق داری) سو   یولّاری باغلاندی  ا میدِ  حَرم آغلار لب تشنه قالان قیزلارا صاحب عَلَم آغلار   گُللرسارالوب گلشن عصمتده خزان وار سو یوخدی ولی سیل کیمی اشک روان وار سوصحبتی هریئرده که وار آه وفغان وار سقّای حرمخانه اودور دلده غم آغلار   ازبس سودیوب قیزلار اولوبلار هامی خسته بعضی سی قویوب سینه سینی توپراقین اوسته بیرخیمه ده اصغرآناسی قلبی شکسته حسرتله باخار صودامره دمبدم آغلار   بیریاندا  سکینه بالاجا قیزلارا سویلر چوخ آغلامیون آغلادارعبّاسی بوگوزلر گرصبرائله سوز تشنه لیگین چاره سین ایلر گورسه سیزی بوحالیله کانِ کَرَم آغلار   یکسر دیل اولوب سسلدی بوعالم امکان بیربیله شقاوت ندور ای فرقه ی دونان دریا آزالار ایچسه مگراصغر نالان؟ بیرحاله قالوبدور اونا معناده یم آغلار   طاهایه مَثَل اکبره بوقافله جاندور حیدرمَثَل عبّاسه بولار روحِ رواندور وابسته بواهل حرمه دور زماندور دوران ولی بیدادائلیوبدور حرم آغلار   بیریاندا ائدور خسته رباب اصغری آرام بیریانداتوکورگوزیاشینی قاسم ناکام بیریاندادا زهرا قیزی اول مادرآلام غم دفترینه غملرین ایلر رقم آغلار   بیرخیمه ده شاه اگلشوب احوالی عیاندور آینده مُبَرهندی اونا دل نگراندور هریاندا گلور سس هاموسی آه وفغاندور معناده حرم حالینه لوح وقلم آغلار #روضه #بسته_شدن_راه_فرات

بسته شدن آب فرات (من کلام : لاادری) ای فراتین سویی ، شرمنــــــــــــده دوران اولاسان  تشنه لر قلبی قان اولدی ، سنی ده قان اولاسان  قان اولاسان ای فرات ، قان اولاسان ای فرات  قان اولاسان ای فرات ، قان اولاسان ای فرات  سو یولون باغلادیلار ، خیمه لره چاتمادی سو بارالهی نه قیامتــــــــــــدی، نه هنگامه دی بو  اوقدر آغلادی قیزلار، داهی خشک اولدی گلو  دیدیلر ای سو ، سوسوزلار کیمی حیران اولاسان  ای عمو جان، ابوالفضل  یاندیم عمو ، ابوالفضل  قان اولاسان ای فرات ، قان اولاسان ای فرات ،  قان اولاسان ای فرات ، قان اولاسان ای فرات ،  مگر انصافیدی ، صحـــرایه آخار آب فرات  دستماز آلماغا ، سو تاپبیا یاران صلاة  نهر علقم ادی گلجق دییر باب مکات دائم آواره صحـــــــرا و بیابان اولاسان  قان اولاسان ای فرات ، قان اولاسان ای فرات  قان اولاسان ای فرات ، قان اولاسان ای فرات  ای رباب ای علی اصغـــــــــر آناسی ،آغلاما چوخ  گزمه ده درمان دالسیجا، بالاوین چاره سی یوخ  دَیَیجاق گول بوغازیندان، همان اوچ شعبه لی اوخ  سرنوشتین بویومیش ، سینه سی سوزان اولاسان قان اولاسان ای فرات ، قان اولاسان ای فرات  قان اولاسان ای فرات ، قان اولاسان ای فرات  سو یولون باغلادیلار ، خیمه لره چاتمادی سو بارالها نه قیــامتدی ، نه هنـــــــــگامه دی بو  اوُ قَدَر آغلادی قیزلار ،داهی خُشک اولدی گلو مگه انصافیدی ، صحرایه آخار آب فرات  دستماز آلماغا ، سو تاپبیا یاران صلاه  نهر علقم آدی گلجق دییلر باب مکات دائم آواره صحــــــــرا و بیابان اولاسان  ای رباب ای علی اصغــــــــر آناسی ،آغلاما چوخ  گزمه ده درمان دالسیجا، بالاوین چاره سی یوخ  دَیَیجاق گول بوغازیندان، همان اوچ شعبه لی اوخ  سرنوشتین بویومیش ، سینه سی سوزان اولاسان قان اولاسان ای فرات ، قان اولاسان ای فرات  قان اولاسان ای فرات ، قان اولاسان ای فرات  یاندیم عمو ، ابوالفضل  بیرجرعه سو ، ابوالفضل  عمو عمو ، ابوالفضل

بسته شدن راه فرات گریز به حضرت علی اصغر علیه السلام کربلایی احد ظهرابزاده ( واصف مرندی ) ائله کی سویولونی باغلادیلار هریاندان سودالیسیجاگئدن بوش قیدیب میداندان مشکلر خالی اولوب دولدی اورگلر قاندان واقعی ائتدی غمی واقعه ده قحطی آب کربلانی آنالارین باشینا اتدی خراب ای حسینین آدینا ایلدن ایله قاره گیین بوقرا پرچمینه دردینه ماتمده دیین آی اروجلوقدا سوسوزلوق غمین احساس ائلین نجه گلزاریده گول صرصرالینده سارالار مین اولارداندا بتر صولدی سارالدی بالار خیمه گاهی کیم ائده یعنی مجسم گوزونه نوحه لازم دگولی ناله ادر ئوز ئوزونه داغلار ئوزسینه سینی غملی ربابین سوزونه دئدی بوندان صورا بوچولده قیامت گونودی هرکیمین غیرتی وار زار و خجالت گونودی اورگیم بنزیه جاق خیمه لرین مشعلینه ناگرانم بوایشین آخرینه اولینه اختیاراتی فراتین دوشه جاق شمرالینه العطش صوتی اوجالسا سویا قیمت قویاجاق بیزی بوندان صورا خوش گونلره حسرت قویا جاق ای صولان صود امریم اشکیمی گوزدن الرم سنه خاطر دوشرم چوللر ویلان ملرم گر اجازم اولا گتسن سویا منده گلرم قورخورام رشته امیدیمی سندن قیرالار پهلوانلاری یخان اوخلاری سندن ویرالار بولاری فکرایلییب گوزیاشیمزقانه دونر خطراحساس ائلییب آهیمیز افغانه دونر گجه میز گوندوزوموز شام غریبانه دونر توکرم سویرینه قانه دونن گوزیاشیمی آقامین خدمتی عالمده اوجالدارباشیمی وقت او وقت خدایا بوشالیب خیمه سرا آنالار اولدی خجالت غمینه سینه یارا اصغرین گلدی حسین کوی نگاره آپارا دئدی زینب بزییون کوی بلا مشتاقین اکبریمین کفنیندن دوزدین قنداقین آچدی بوغملی بیان مسئله نین اورتوگونی آهیدن قاره دومان دوتدی اوصحراده گونی دیشیب آغ کفن ائتدی بالانین دوشلوگونی قنداقین محکم ادیب مین غمیلن نیسگیلیلن باشینی باغلادی اما حسنی یاشیلیلن دئدی خوش گلدین اوغول تاپشورورام آللهه قییدینجه یانارام محنت سوز و آهه تئز قید قویما یانام دردو غم جانکاهه سن گلینجه سوپوروم خیمه وی گوزیاشی سپوم آلوم آغوشیمه اولده بوغازیندن اوپوم دیلی اولمادی دیه آی آنا زحمت چکمه اگلشیب خیمه قباقینده چوخ حسرت چکمه صودوی یعنی حلال ایله خجالت چکمه سینه وی یاره لییبدور بوگجه دیرناقیم گلمه سمده گله جاق محضریوه قنداقیم قولاریم باغلیدی اما گئدیرم بیر سفره سالاجاقدور سو سوزی باشیمی حتما خطره بابامین حالینی مندن صورا چوخ آل نظره دئمیرم معجریلن یاره می تئز گل باغلا بابامین اوغلی ئولوب آغلاسان آرام آغلا #فرات #واصف_مرندی #ترکی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ روضه حضرت علی اکبر(ع) دیوله نچه قدم گل جنازیه قالانی یخلدی تپراقا تاپدی اومهربان بالانی اوغول دشمن ایچینده چوخ اوجادان آغلیانمرام من آغلیاندا کوفه نین اهلی گولر اوغول الله بولور کی دردین ایاقدان سالوب منی آخر منی بو غصه لرین ئولدورر اوغول (اله باخدی باخدی اوغول جنازه سینه) جنازون اوسته آتان هی ورور الین الینه عمامه سین گوتوروب ختم مرسلین الینه سنون الین ننون ویرمدی گلین الینه دیدی اوغول خیامه سن گدیسن یا دیوم ننون گلسین (اله اوندا گوردی او قانلی دوداقلار دیدی بیر بیرینه بابا منی یتیر ننمه قارداشین چتین زمانی اولاندا گوزی قارداش آختارار اما امام یوزون دولاندردی خیمه لر سمتینه عباس گل یامان گونومدی آی قارداش عبانی سردیلر یره علینین جنازه سین قویدولار عبانین آراسیناگتیریلر خیمه لره ساری ابوالفضل آقا عبانی کنار اله دی اوغول حالین نجه دی بالا دیدی عمو منی یتیر خیمه لره خیمه لره نچه قدم قالاندا دوباره عبانی کنار اله دی دیدی عمو منی یتیر ننمه دای جان ویریرم الله ایولریزدن اوزاق السین گوررسن جنازه قاپیا گلنده عمه لر قاچار جنازه قباقینه ننه قاچار باجی قاچار جنازه قباقینه الیکی علی اکبرین جنازه سی گلدی خیمه لر قباقینه ) نه گوردی دشمن اودم خیمه لرده طوفاندی چادر لارین قاپسی وحشتیله قوزاندی (بالالار عورتلر هامی قاچدلار علی اکبر جنازه سینون قباقینه اولده زینب گلدی ) بیری دیدی باجون ئولسون علی نه گلدی سنه بیری دیدی بی بی قربان علی نه گلدی سنه (زینب دیدی علی اکبر منی چوخ ایستر منی دانشدرار نقدری سسلدی نقدری دانشدردی گوردی جواب اولمادی گوردولر او خانملارین ایچینن رقیه دیور یول ویرون یول ویرون قارداشیم علی اکبر منی چوخ ایستر گلدی علی اکبرین جنازه سینون کنارینه ) علی قزل گلون باشنا بلبل حزین دولانار باجی دا قارداشنون سایه سینده دالدالانار (گوردولر رقییه ده جواب ویرمدی هامی مبحوت قالدی نیه جواب ویرمدی؟) چونکه بیگانه دینمز ننه نین اوخشاماسین آلدلار شهدن اجازه گتیریبلر آناسین چون عبادیدی فقط باشدا گوروب بیر یاراسین دیدی ایندی دارامشدم بو نه کاکلدی علی (بو رسمیدی ایکی یول آنا آتا اوغولون بویون اوخشار ) ایکی دفعه آنا ئوز اوغلونی اوخشار اوجادان بیری داماد اولان وقتیده هر تازه جوان باجسی عمه لری ترتیبه سالالار طویونی اله کی یاخدی حناسین ننه اوخشار بویونی (الیکی الین ویردی گلین الینه چکر بیر اتاقا دیر اوغول اوجا بویوا ننون قربان آی بالا) بیرده ئولسه ننه نون تازه جوان اوغلی اگر خیش و اقوامی گلر شمعی لری قاره بزر اله کی غسل تمام اولدی کفن ایلدیلر باغلیاندا کفنی حاضر ائدلر ننه نی (لیلانی گتیردیلر دیدیلر آخرین گوروشوندی بالانان وداع اله اگر بیرینون جوان اوغلی ئولسه گوررسن جنازه نی غسل ائدلر اوچ یردن باغلالار ایاق بندین باغلالار وسطی باغلالار باش بندین باغلیاندا دیلر چاغرون بونون دده سی ننه سی گلسین لیلانی گتیردیلر علی اکبر جنازه سینه باخدی باخدی) دیدی اوغول یاخاوا گل ساچارام بالا ایویمه تازه گلین گلسه بالا قباقه قاچارام بالا

روضه حضرت علی اکبر(ع) 😭😭🖤🖤

به نام خدا سینه_زنی_ترکی حضرت_علی_اصغر_علیه_السلام 🎶سبک:مهربان بالام لای لای... صؤد اَمَربالام لای لای دیده تر بالام لای لای صؤد یِرینَه قان ایچَن خون جگربالام لای لای لای لای اصغریم لای لای(۲ بار) خسته پراولان لای لای گؤزلَری دولان لای لای اؤچ گِئــجَه قــالان تشـــنَه گؤل کیمـی صُولان لای لای لای لای اصغریم لای لای(۲ بار) تشنه لب ئؤلَن لای لای قلبیمی بؤلَن لای لای اؤچ پر اوخ دَیَن وقتده لب لَری گؤلَن لای لای لای لای اصغریم لای لای(۲ بار) دیلسیزاصغریم لای لای نازلی پروریم لای لای گؤردؤم اوخ یاراسین من سیندی شهپریم لای لای لای لای اصغریم لای لای(۲ بار) سن سیزآغلارام لای لای قلبی داغلارام لای لای تا ئؤلؤنجَه من باشَه قارَه باغلارام لای لای لای لای اصغریم لای لای(۲) گؤلدی لب لَرون لای لای ئؤلدی مادرون لای لای اُولدی چُوخ منَه نیسگیل باغلی اللرون لای لای لای لای اصغریم لای لای(۲) ✍رقیه سعیدی (کیمیا) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ 🖊مرحوم #استاد_منزوی_اردبیلی اکبره باخ اکبره باخ ماه ملک منظره باخ صورت پیغمبره باخ قدرت صورتگره باخ اکبره باخ، اکبره باخ گؤیده فقط ماه بودور یئرده فقط شاه بودور حقه دیسون راه بودور سیر الی اللّٰه بودور سرّ فدیناه بودور بنده‌ی درگاه بودور مست علی الله بودور ساق ید الله بودور اللره باخ اللره باخ،اکبره باخ اکبره باخ کنز ادب گوهریدی گوهره ده جوهریدی اشبه پیغمبریدی چون اونا چوخ بنذریدی یوسفه تاج سریدی عالم اونا نوکریدی لیلیه بال و پریدی عمه سینه چاکریدی زینبه باخ چاکره باخ،اکبره باخ اکبره باخ چون دیدی موسی ارنی لن دیدی خلاق جهان تا اونا ارنی دیمیه بیر گونی هر گلّه چران هرنئی آیینه گورر ارنیه یوخ جای بیان آینه گر گورمسه ده گورسدر اشیانی عیان آینه‌ی داوره باخ،اکبره باخ اکبره باخ یحیوی_منزوی ‍ ‍

اکبره باخ اکبره باخ ‍✍مرحوم #استاد_منزوی یحیوی_اردبیلی بانوای استادسلیم موذن زاده👌👌

حضرت علی اکبر علیه السلام ✅مناسب شب عاشورا ( عصر تاسوعا ) سبک :: ای غنچه نیلوفریم... ویرانه ده نازلو بالام... مرحوم حاج قدرت الله نادری 🔹 گلدی گیجه اوغلون گوره کان حیا لیلا گوردی یرینده یوخ علی ایتدی نوا لیلا چیخدی کناره خیمه دن لا کن اورک تیترر میداندا گوردی اوج ایدیر دریا کیمی لشکر بیلدی فراته عزم ایدوب تک نوجوان اکبر ایستوردی ایتسون اکبره جانین فدا لیلا فریاد ایدوب امداد ایدون افغانیم آرتوخدور میداندا یاقوزدی بالام لاکن قوشون یوخدور من بیر اوغول سوز عورتم فریاد رس یوخدور ایندی کیمی امدادینه ایتسون صدا لیلا؟ یوخ بیر کسیم تا ایلسون بیر چاره یالوارسام چاتماز الیم من حیدر کراره یالوارسام غیرت قبول ایتمز گئدوم اشراره یالوارسام اکبر گئدیر الدن کمک کیمدن آلا لیلا گلدی سکینه عرض ایدوب ای مهربان مادر میداندا چوخ غوغا سالوب بی رحم دور لشگر یالقوزلارا عباس عموم دائم کمک ایلر سردار عَمومه گل گیدک عرض ایت آنا لیلا اولماز گئدوب بیز یالواراق بو قوم نسناسه لازم دوشوب بیز یالواراق بیر زبدۀ ناسه گل منله سن یوز دوندراق درگاه عباسه خرگاهِ سقایه طرف دوشدی یولا لیلا گورجک سکینه حالتین اول خسرو خاور آلدی قوجاقه سویلدی عباس نام آور علت ندور رنگون قاچوب زانو لرون تیترر عرض ائتدی خارجده دوروب گور بینوا لیلا سهم صلابتده چیخوب اول حیدر ثانی ال قبضۀ شمشیریده دعوالر اصلانی خیمه کنارینده گوروب بیچاره لیلانی تپراقه دوشدی عرض ایدوب اول مه لقا لیلا ال دامنوندن اوزمرم باب کرم لیلا رحم ایت دخیل و بی کسم چوخ مضطرم آقا سندن علی اکبری من ایسترم آقا بوندان علاوه چکمسون درد و بلا لیلا گل وئر عروسلوق خلعتین ای زادۀ حیدر دشمن ایچینده تک قالوب اوغلوم علی اکبر عباس ایاقینه آتوب لیلا او دم معجر دوتدی ابوالفضل دامنین بختی قرا لیلا تأثیر ائدوب لیلا سوزی تیترتدی عباسی شهدن اجازه آلدی چون ئوز زبدۀ ناسی چکدی بئلیندن خیمه ده شمشیر الماسی باخدی دالیجا آغلیوب ائتدی دعا لیلا عباسه اولجاق روبرو قاچدی بوتون اشرار تاپدی علی اکبری اولدی اونا غمخوار گَتدی خیامه اکبری اول باوفا سردار سسلندی بو اکبر بو سن ، بو کربلا لیلا یاز « نادری » هاردا قالار عباس اول وقتی اکبر جوانین خیمه ده تابوت اولار تختی غم لشگری دلدن سالار لیلا قرا بختی عمری نقدری وار قورار بزم عزا لیلا 🍃🌴🌴🌴🌴🌴 ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ زبانحال حضرت رباب (س) در شام غریبان 🎵سبک: خدای مهربان... 📝 حاج افشین بابک اردبیلی ــــــــــــــــــــــــــــــــــــ خزان اولان گولوم یارالی بلبلوم آنون گلور نوایه اصغر باشیم دوشوب بلایه اصغر یارالی قربانیم سنه فدا جانیم ربابین ای غزالی لایلای دیل آچمیان مارالی لایلای آنون گلوب جانا قالوب یانا یانا فراقون اود سالوبدی جانه دوداقلارون بویاندی قانه شیرین دهن لایلای اوخا گولن لایلای بو دوشلوگون ندن علیجان اولوب سنه کفن علیجان گل ای سولان لالا دیل آچمیان بالا باغیشلا سن بو دلکبابی حلال ایله آنون ربابی ملالینی بیلسون اگر اوغول گَلسون جهانی داغلاماز علیجان قولووی باغلاماز علیجان آنون نوا ایدر گجه گونوز ملر منیم یارالی اصغریم گل اوغول سینوبدی شهپریم گل آنون گلوب جانه دیور یانا یانه منیم غزاله بنزریم سن بوغازی یاره دلبریم سن گونوم اولوب قرا گیدیم اوغول هارا آقام ئولوبدی یالقوزام من آدامسیزام اوغولسوزام من مرامیوه چاتدون گیدوب قانا باتدون حسینیمیله یاتدون اوغلوم غریب آناوی آتدون اوغلوم سو ایچدیم اصغریم دولوبدی دوشلریم گوزل بالام هایانداسان گل یوخ حرمله امانداسان گل آنون دوشوب بنده اولوبدی شرمنده غریب آنوندان ال اوزوبسن قولووی باغلادیم کوسوبسن اورک یانور علی الولانور علی سوسوز بالام مرامه یتدون ربابیدن گیلیلی گئتدون اوغول سنی تاری یوخوما گل باری باریش منیله دیندیریم گئت سنی بیر آز امیشدیریم گئت #شهادت_اصغریه #حضرت_رباب #شام_غریبان