ترکی اي شمع حرمخانه قربانون اولوم عبّاس اي شمع حرمخانه قربانون اولوم عبّاس جان لار سنه پروانه قربانون اولوم عباس ايلده شب تاسوعا سسلر آدوي دنيا معناده ديَر زهرا قربانون اولوم عباس دويسه قاپيوي سائل منظوري اولار حاصل اي مونس اهل دل قربانون اولوم عباس انسان و ملك سندن ايستلر كمك سندن اَل بيزدن اتك سندن قربانون اولوم عباس اي معرفتين كاني، سَن بُل آناوين جاني بيمه ايله بو جمعي قربانون اولوم عباس اوج شرفه چاتدون، لب تشنه قانه باتدون سن كوثري آغلاتدون قربانون اولوم عباس دگدي گوزل آننوندان اوچ شعبه لي بير پيكان دوتدي گوزيوي اَلقان، قربانون اولوم عباس يانديم ديديم اي قارداش سس وير منه واي قارداش چارم ندي اي قارداش قربانون اولوم عباس ديداره حسين گلدي، قلبين غم اوخي دَلدي تاپدي سني دينجلدي قربانون اولوم عباس وار خيمه ده چوخ سوزلر قيزلار يوليوي گوزلر باخمور نيه بو گوزلر قربانون اولوم عباس احسنت بيله ايثاره، سردار وفاداره قربان كسيلن ياره، قربانون اولوم عباس گَلديم باشوين اوسته، آچ گوزلرين آهسته سن خسته حسين خسته، قربانون اولوم عباس اي كشتي بي ساحل، قانلي علمه حامل آمالون اولوب حاصل قربانون اولوم عباس كم ايلمه لطفون سَن، بيچاره كلاميدن كويونده گدايم من، قربانون اولوم عباس

🏴ظهر عاشورا (قتلگاه)🏴 ✍مرتضی اسکندری (ساعد زنجانی) اذان ظهر عاشورا ویریلدی حسین بن علی آتتدان یخیلدی او قدری یاره سی واردی دیرسن چیخوب شیرازَدن قرآن یخیلدی حسین جانم حسین ، جانم حسین جان ▪️▪️▪️▪️▪️ باخوردی تلیدن گوداله زینب بوغازیندن سنان بیر نیزه ووردی باتوبدور نیزه حلقوم حسینه کسوب بوینون دامارلارینی قیردی ایاقی چکمه لی شمر ستمگر چیخوبدور سینه ی مولاده دوردی گوتوردی باشدان عمّامه پیمبر ستون روضه ی رضوان یخیلدی حسین جانم حسین ، جانم حسین جان ▪️▪️▪️▪️▪️ یتوردی تیز اوزون گوداله زینب یاپوشدی شمر ظالم خنجریندن دیدی ظالم کسنمزسن بوغازین اوپوبدی مصطفی گول حنجریندن دایان قوی گوزلرینی باغلیام من اوپوم قانه بویانمش لبلریندن حسینون سینه سی عرش خدادی یره عرش حقِ سبحان یخیلدی حسین جانم حسین ، جانم حسین جا ▪️▪️▪️▪️▪️ دوتاندا خنجری ام المصائب گلوب روباهیلر اطرافین آلدی چکوبدور خنجری محکم او ظالم زمین و آسمانه لرزه سالدی گل خیر النسانی قان آپاردی حسینیم وای سسی عرشه اوجالدی خیامه حمله ایتدی قوم کافر حقیقت جان ویروب وجدان یخیلدی حسین جانم حسین ، جانم حسین جان ▪️▪️▪️▪️▪️ حسینی یاره لر سالموشدی دیلدن گوز آلتی زینبه ایتدی اشاره دایانما خیمه گاهی قان آپاردی توکل ایله ذات کردگاره ئوزون فورا یتور سجاده زینب اوجالدی عرش داداره شراره یوبانما دامن سجاد آلیشدی عمود خیمه ی ایمان یخیلدی حسین جانم حسین ، جانم حسین جان ▪️▪️▪️▪️▪️ امامین امرینه ایتدی اطاعت الی باشدا قیتدی خیمه گاهه گیدور اما مشوّش فکری واردی دعا ایلور او رضوان جایگاهه گهی سسلور حسین گاهی ابالفضل توسل ایلیور خورشید و ماهه ایله بیر ظلم ایدوب وحشی صفتلر کیم اولدی دینه پشتیبان یخیلدی حسین جانم حسین ، جانم حسین جان ▪️▪️▪️▪️▪️ اوزون ووردی اودا زهرای ثانی امامت بلکه قالسون جاودانه چیخارتدی خیمه دن زین العبادی چکوردی دامنندن اود زبانه او قدری آغلامشدی غیرتوندن سرشک دیده سی دونموشدی قانه دیردی شکر اولا حیّ قدیره ولایت زنده دی شیطان یخیلدی حسین جانم حسین، جانم حسین جان

‍ ‍ ‍ اخترِ تابانیم اکبر عزّتِ دورانیم اکبر عزم میدان ائتمه اوغلوم گتمه اوغلوم، گتمه اوغلوم لیلینی هجران اید‌ر درده مبتلا آهو باخیش گوزلروه گوزلریم فدا بی‌امانم باغریقانم گتمگوند‌ن ناگرانم دویمادیم من خوش سوزوند‌ن آتما منی تز گوزوند‌ن هر نه دن سن منه باصفاسن قلبیمون دردینه آشناسن حسنووه مفتونم اوغلوم عشقیوه مجنونم اوغلوم وار یوزونده قاره خالون آیدان آیدین ‌دور جمالون لاله کیمی گول یوزوون داغداریم بیر ئوپوشه لبلروون بیقراریم قاشلارون محکم کماندور کیپریگون اوخدان یاماندور اوخلاما قلبیمی قاش گوز آتما دمبدم آیریلیقدان سوز آتما دردوه دوزدوم دایاندیم آتشِ عشقونده یاندیم چوخ تَلَسمَه کار و زاره گِتسون اولّام بختی قاره عمریمی محنت ویر‌ر باده سنسیز خوش گونوم اولماز بو دنیاده سنسیز مَرکبِ عشقون دایاندیر عزمِ هجرانون یوباندیر قویما قلبیم فراقونده یانسون گل اوتور لیلی باشه دولانسون بی‌کس و بی‌دادخواهم چاره‌سیزم بی‌پناهم حالیمه بیگانه یانماز لیلی سن سیز زنده قالماز گِتسون علی آتشِ هجرونده یانّام باش گوتوروب چوللره ویلان دولانّام سروِ زیبا قامت اوغلوم وار دیلیمده حسرت اوغلوم گتمه ای دردیمین آشناسی گیمیوبسن هله توی لباسی مشعلِ حسنون آلیشدیر لیلینی دیندیر دانیشدیر گور نه شیرین صحبتیم وار دیلده داغِ حسرتیم وار برهم ایدوب عمرومون ظلم اساسین اللروه یاخمادیم طوی حناسین کاخِ آمالیم تالاندی سیر اقبالیم دولاندی خونِ دیللر یدیم گول بجردیم جان قویوب عشقووه غصّه دردیم گور نه یانیب گوینَر‌َم من سنسیز علی نیلرم من آتماز اوغوللار آناسین گوزلرون آللام قاداسین گل آنوون غصّه‌لی گوگلون آل گیت باشینه لیلانون علی قاره سال گیت دوزمه قلبیم چوخ دویونسون ناز ایله لیلا سویونسون روحیمی هجرون ایلر مکدّر عمّووه لیلینی تاپشور اکبر بی‌امانم باغریقانم گتمگوندن ناگرانم  🏴

#سینه_زنی_باسبک ‍ حضرت ابوالفضل علیه السّلام آلدی لشکر الیمدن قراری دوشدوم تپراقلار اوسته یارالی سن بول آنان آقا داده تز گل قویما یولدا بو چشم انتظاری غمنن بو قلبی دائم بوروللر نعشیمی اعدا یرده سوروللر ای وای ابوالفضل.... بیر بدن کی اخا قولسوز اولدی بیر دردیم اوندا دیلده یوز اولدی بیر مدت کی یوز اوسته سوروندوم اوخلار باتدی سینم گوز گوز اولدی گل تخمه کینه دیلده اکوله باش کسماقیما نقشه چکوله ای وای ابوالفضل..... مین دردیله الیم چاتدی آبه سالدی لشکر منی پیچ و تابه بیر اوخ مشکه دیوب ، قطره قطره گه منه آغلوری گه ربابه گوردوم ربابی دیلدن یانوردی آنا بالادان چوخ اوتانوردی ای وای ابوالفضل...

#ﻋﺒﺎﺱ ‍ #روضه_باسبک روضه شب عاشورا گریز به شهادت حضرت ابوالفضل قلبیم غمیله دولسا ابوالفضله اغلارام گلر چمنده سولسا ابوالفضله اغلارام یاد ایلرم اوساعتینی دوشدی قولاری عمروم مین ایلده اولسا ابوالفضله اغلارام (آی بویون دردین گوتوروب ابوالفضل قاپسینا گلنلر والله بوعلی اوغلودی هیچ سائلی مأیوس المز کیم دخیل اولسا بو درگاهه یوخ استثناسی گل محرم ده سوروش بیر اوشاقدان بوسوزی تا سنه فاش اولا بوسریلرین معناسی خبر آل سینه وراندا کیمی سسلیرسن اوغول آلتی سینینده اوشاقون ندی گور احساسی سن دیسون قولارا قربان اودییر یاابوالفضل کیم دیوبدی اونا گور قولسوزودی مولاسی اوچ نفر منبره چخوب اولی ابا عبدالله ئوزودی دیدی علی اکبر چراغلاری خاموش اله بالا گیدنلر گیدیلر صادقلر قالدلار علی چراغلاری خاموش اله بالا گویلوم سحرین فیضینه پر شوق هوسدی گیدسه هامی گیدسین صودامر اوغلوم منه بسدی (دیدی علی اکبر چراغلاری خاموش اله اولار کی مندن اوتانولار قرنلیقدا گیدسینلر حتی علی اولارین یولارینون خرجینده آیرمشام) چراغلار سوندی عاشیقلر قالدیلار بی وفالر گیدیلر (اما ایکیمجی منبرده ده حبیب بن مظاهر حسینون اوقوجا نومری چخدی منبره دیدی بولار شهزاده دیلر، بولار آل محمد بالالاریدلار صاباحلاری گرک بیز گیدک میدان جنگه مبادا قویاخ بولار اول گیده لر جنگه) (اما اوچومونجی منبرده آقام ابوالفضل چخدی منبره جانان بنی هاشمه دانشدی دیدی بولار بیزیم قوناقمزدلار صاباح گرک بیز گیدک میدانه گوردولر علی اکبر آغلیا آغلیا دوردی ایاقا عمو والله صاباح ئوزوم گیده جاقام میدانه علی سن نیه گیدیرسن؟مگر عمون ابوالفضل ئولوب سن گیده سن؟ نوجوان داغی چتیندی قلبیلری داغلار علی سن شهید اولسان آتان آغلار علی (ایستیرم بیر یتیم نوازلیق ایلیه سن اله کی دیدی آتان آغلار گوردولر قاسم دوردی ایاقه عمو بئله باشیوا دولانام عمو منیم ددم یوخدی قوی من گیدیم میدانه بئله باسدی باغرینا) اما عاشوراگونی ابوالفضل یخلوب حسین ابوالفضلین باشین آلوب دیز اوسته اوقان دولان گوزلرین آچدی دیدی حسین دای منی بوردا قوی گیت خیمه لره حسین دای منن سنه قارداش اولماز عباس:منیم امیدیم منیم قارداشیم سن اگر شهید اولسانپرچمیم یاتار یاپشدی اوبوش مرکبین لوجامیندن گلیر خیمه لره اما نجه گلیر؟ بیر الی مرکبده بیر الین قویوب بئلینه یتیشدی خیمه لر قاباقنا گوردی رقیه سوونه سوونه گلدی بابا عموم ابوالفضلدن بیزه نخبر؟ قیزیم عموون طرفیندن باشون ساغ اولسون بالا عموی شهید ایلدیلر دیدی بابا والله اینانمرام عموم قوی بیر پهلوانیدی قیزیم ایستیرسن نه دیه سن بالا؟ بابا بئله فکر ایدیرم عموم سو ایشدی بیزلری یادان چخادی حاج بهنام ستارپور #روضه_حضرت_ابوالفضل_علیه_السلام

نوحه قتلگاه امام حسین (ع) زبانحال حضرت زینب(س) ⬛️ هرایه گل، هرایه گل ننه بو کربلایه گل باتوبدی قانه قارداشیم قرا گیوب عزایه گل گل ای بلالی فاطمه(۲) ئورک یارالی فاطمه (۲) ⬛️ باتوبدی قانه نور عین او پادشاه مشرقین ملائک آغلیور اونا دیولله یاحسین حسین گل ای بلالی فاطمه(۲) ئورک یارالی فاطمه (۲) ⬛️ نه نوعی گلمیوم دله ایشیم دوشوبدی مشکله گلن ویرور گئدن ویرور باخ ایندی قانلی مقتله گل ای بلالی فاطمه(۲) ئورک یارالی فاطمه (۲) ⬛️ یوخیدی بیر کمگی بوکولموشدی کورگی اوچ شعبه اوخ ویروبلار قانه دونوب ئورگی گل ای بلالی فاطمه(۲) ئورک یارالی فاطمه (۲) ⬛️ بیکس گوروندی اوغلون قانه بوروندی اوغلون یوزی اوسته دوشوبدور چوخ چوخ سوروندی اوغلون گل ای بلالی فاطمه(۲) ئورک یارالی فاطمه (۲) ⬛️ دین شهریاری دوشدی قبلیه ساری دوشدی گل قانلی قتلگاهه زینب نگاری دوشدی گل ای بلالی فاطمه(۲) ئورک یارالی فاطمه (۲) ⬛️ قان آغلارام ئولونجه دیل داغلارام ئولونجه مظلوم ئولن حسینه یاس ساخلارام ئولونجه گل ای بلالی فاطمه(۲) ئورک یارالی فاطمه (۲) •••••◕◕◕◕◕❂🌷❂◕◕◕◕◕••••• #ندای_ذاکرین_تبریز

نوحه حضرت عباس(ع) ای درد بی دوانون، درمانی یا ابالفضل ای کربلای عشقون، عطشانی یاابالفضل دور باشون اوسته گلدیم، ای باوفا ابالفضل دور یاتما قوملار اوسته، باشدا یارا ابالفضل دشمن منه چالور ال، یوخ آشنا ابالفضل سنسن همای عشقون، سلطانی یاابالفضل دور یاتما یالقوزام من، احوالیمه یانان یوخ تکدور حسین بوچولده، اکبر کیمی جوان یوخ اوغلوم ئولن زماندان، جسمیمده هئچ توان یوخ دور سن قوتار بو درد عظمانی یاابالفضل لعنت گله بو قومه ظلم اوسته چون قالوبلار نهر فراتون اوسته قوللارووی سالوبلار بو دشت کربلاده آرامیمی آلوبلار چکدون نجه گوزوندن پیکانی یاابالفضل من آغلیاندا قارداش داغ داش منه قان آغلور زهرا گلوب فغانه جنّتده سینه داغلور زینب دیور حسین وای هی قاره باشه باغلور ای دین مصطفانون قربانی یاابالفضل قارداش بئلیم سینوبدی یوخ طاقتیم دورام من مخیمده بزم درد و ماتم گره‌ک قورام من ئوز خیمووه نه نوعی قانلی علم وورام من بو غمده آغلادوبسان زهرانی یاابالفضل سس وئر حسینه قارداش دشمن ایچینده یاتما ای ماه بی‌بدیلیم، دور آی مثالی باتما دور دوت منیم الیمنن گوزدن حسینی آتما قویدون غمونده گریان مولانی یاابالفضل ای نور هر دو عینیم شهلا گوزونده وار قان دردون حسینه گلسون سینون اولوبدی شان شان بوغمده ای حبیبیم قلبیم اولوب پریشان قوی من سیلیم یوزوندن القانی یاابالفضل گویا کمین ائدوبلر آلنووه اوخ وئروبلار بو لشگر ستمگر بند حیا قیروبلار باخ گور نه نوعی قارداش بئلیمی سیندیروبلار سن راضی ایلیوبسن یزدانی یاابالفضل •••••◕◕◕◕◕❂🌷❂◕◕◕◕◕••••• #ندای_ذاکرین_تبریز

#سینه‌زنی_حضرت_رقیه_س ⬛️ بلبل شیرین سخنیم رقیه رقیه غصه و غمنن ئولنیم رقیه رقیه ⬛️ آتش غم تا که چکر زبانه زبانه عمَه‌ووی فورا گتورر بیانه بیانه سِیر ائلدون چوللری سن شبانه شبانه نا‌قه‌نین اوستن دوشنیم رقیه رقیه ⬛️ وار ایاقون آلتدا تیکان یاراسی یاراسی آغلاما ای گلشنیمون صفاسی صفاسی قارداشیمون گوهر پر بهاسی بهاسی پوزما منیم انجمنیم رقیه رقیه ⬛️ یاره‌لیدی ویرما یره ایاقون ایاقون گلدی طبقده یارالی قوناقون قوناقون یاندیراجاخ عمه‌وی چون فراقون فراقون جنّته مهمان گئدنیم رقیه رقیه ⬛️ یاره‌لی باشیله نجه دانیشدون دانیشدون آتش عشقه گوزلیم آلیشدون آلیشدون بوسه ویروب لبلرینه باریشدون باریشدون شاهینه تعظیم ائدنیم رقیه رقیه ⬛️ دردووه یوخ الده دوا عزیزیم عزیزیم ایلیورم آه و نوا عزیزیم عزیزیم چون کفنون اولدی قرا عزیزیم عزیزیم یاره‌لی قاره کفنیم رقیه رقیه ⬛️ سالدی سنی درد و غمه زمانه زمانه غصه‌لرون گتدی منی فغانه فغانه سیلی یری قالدی سنه نشانه نشانه سولدی غمونده چمنیم رقیه رقیه ⬛️ کرب و بلا حسرتینی چکردون چکردون هر گجه گوندوز گوزلیم ملردون ملردون اشک بصر صورتووه توکردون توکردون اکبره حسرت چکنیم رقیه رقیه •••••◕◕◕◕◕❂🌷❂◕◕◕◕◕•••••

نوحه شهادت حضرت علی اصغر علیه السلام زبانحال حضرت رباب به سبک یثربه ایلوب اراده کاروان غم رقیه «استاد عینی فرد» دردیمون درمانی لای لای دینونون قربانی لای لای اصغر ای آرام و جانیم آغلادان دنیانی لای لای 2بار آچمادون اوچ گون گوزون سن ای گل گلزار زهرا اوخ دگوب گولدون اویاندون آغلادی جنتده طاها جان ویروب ائتدون یزیدی سن علی دنیاده رسوا قانیله سیراب اولوبسان فاطمه مهمانی لای لای 2بار دویمادوم عالمده سندن ای اولان آرام و جانیم قلبیمی یاندوردی دردین ای منیم روح و روانیم عمرومی قورتاردی هجرین گون ائوی اولدی مکانیم یوم گوزون آچما دوباره اوچ گونون عطشانی لای لای 2بار آلتی آی چکدیم علی جان زحمتون ای باوقاریم سن منیم اولموشدون اوغلوم دهریده صبرو و قراریم نیلیوم قسمت بویوموش یوخدی الده اختیاریم ای قویان آغلار جهاندا مادر نالانی لای لای 2بار اکبر و قاسم قانیلان قانیوی قاتدون علی جان قانیوه میداندا باتدون عالمی آتدون علی جان ناگران باخدوم دالونجا منی آغلاتدون علی جان ای منیم روح و روانیم ای ربابین جانی لای لای 2بار نیلیوم تقدیر بویوموش اوغلومی دشمنلر آلسون تا سوسوزدان جان ویرن سن اللریم قوینومدا قالسون تاجهان واردی علی جان شیعه لر هجرونده یانسون آچ گوزون ای نور عینیم گوزلرون قربانی لای لای 2بار یوخ گناهیم کوسمه مندن جانیون قربانی اولام سن شهید اولدون علی جان تا وآرام دنیاده یانام صود امر گورسم جهاندا آغلارام غملرده صولام ای سوسوز جان ویرمگیلن آغلادان دریانی لای لای 2بار قانلی میدانه گیدنده ناگران باخدیم دالونجا اولمادی بیر چاره منده قلبی قان باخدیم دالونجا نیلرم سنسیز علی جان بیر زمان باخدیم دالونجا آغلادان درد فراقی عترت طاها نی لای لای 2بار اولمادی صود دوشلریمده شرمسار اولدوم علی جان دویمادوم واللهی سندن قانیله اولدون سن الوان تشنه لب جان ویردون اصغر اولموشام من دیده گریان جان ویرن قول باغلی دینه آغلادان زهرانی لای لای 2بار سن بهشتده اصغر الان محسنیله یولداش اولدون اکبره اوغلوم علی جان سن وفالی قارداش اولدون بوقیام اولسا ئوزوک سن بو ئوزوکده بیر قاش اولدون قویدون آغلار سن ربابی آغلادان سقانی لای لای 2بار عرض قیلام ای علی جان ای گل گلزار عصمت «مهدیه» لطف ایله اولسون کربلا بیر یولدا قسمت آدیوین قربانی اولام من آدینلا تاپدوم عزت ای اولان دین خدانین تشنه لب قربانی لای لای 2بار ملتمس دعا مهدی ملکی

تاسوعا گونی شیعه لر ماتم دوتار دنیاده تاسوعا گونی آغلیار هر قطره سو دریاده تاسوعا گونی آلتی آیلیق بیر بالا سوز عطشدن جان وئریر کربلاده اصغری سال یاده تاسوعا گونی کائناتی غم دوتوب آغلیر پیمبرلر بوگون حضرت خاتم گلیر فریاده تاسوعا گونی اوچ یاشیندا بیر قیزین واردی نقدری طاقتی گوز تیکیب گلسین عَمو امداده تاسوعا گونی آغلاشیر اهل حرم یوخ خیمه لرده ذرّه سو عالمین ذرّاتی گلمیش داده تاسوعا گونی حضرت زهرا خانم آغلیر سوسوزلار حالینا وای بالام وای سسلنیر زهراده تاسوعا گونی آغلیییر جن و ملک لر عرض ائدیرلر یاحسین خدمتینده اولموشوخ آماده تاسوعا گونی سو چالیر باشین داشا بلکه قییتسین خیمیه اود دوتوب غمدن یانیر صحراده تاسوعا گونی اوزلرین آتمیش بالیقلار ایستی قوملار اوستونه اودلانیب دیلدن یانیر دریاده تاسوعا گونی قلبی قان مولا علی آغلیر حسینین حالینه گور نئجه ماتم دوتوب مولاده تاسوعا گونی گویده قوشلار یئرده داشلار ویردی باهم سس سسه غمده غرق اولموش هامی معناده تاسوعاگونی غیرتین کانی ابوالفضله گرک قان آغلیاخ سالدی لرزه عالم ایجاده تاسوعا گونی مشکی بوش چیگنینده سقا قانه دونموش گوز یاشی سانما سقایه بو دردی ساده تاسوعا گونی یاز (( ولایی )) سنده آغلار گوزلریلن بو سوزی شیعه لر ماتم دوتار دنیاده تاسوعا گونی ** سید ناصر ولائی زنجانی برچسب‌ها: سید ناصر ولائی زنجانی +

🔳 #روضه #ترکی #تاسوعا #محرم 🌴روضه حضرت ابوالفضل العباس(ع) 🌴گلین حسینین سرداری جان وریر 🎤 #اتابک_عبداللهی 👌بسیار دلنشین

هر زمان دوشسه گل یاسه گؤزوم  آغلیار حضرت عباسه گؤزوم  قره کؤینک گییرم  یا اباالفضل دییرم    گول کیمی پرپر ائدوب دشمن اونی  دوغریوب ظلمیله اهریمن اونی  او چیخاتماز منی یاددان بیلورم  نئجه یاددان چیخادیم بس من اونی    قره کؤینک گییرم - یا اباالفضل دییرم (۲)    باغبان بلبله اورگتدی گل یاسین آدین  منه ¬اورگتدی¬آنام¬اُول ¬شرف¬النّاسین آدین  من اوشاقلیقدان حسین نوکری¬ام  وئرمرم عالمه عباسین آدین    قره کؤینَک گییرم - یا اباالفضل دییرم (۲)    مشک و هم پرچم سقایه قسم  باجی¬سی زینبِ کبرایه قسم  نَقَدَر عمریم اولا یاس دوتارام  عصمت حضرت زهرایه قسم    قره کؤینَک گییرم - یا اباالفضل دییرم (۲)    کیم ابالفضل آقانی یاده سالوب  او گؤزل آدی دیوب مطلب آلوب  آند اولا قوللارینون حرمتینه  کیم اونا نوکر اولوبدور اوجالوب    قره کؤینَک گییرم - یا اباالفضل دییرم (۲)    سَرو تک قامتی رعنادی اونون  سینه¬سی سینه¬ی سینادی اونون  گونده باخسا اونا دویماز گونوزی  آی کیمی چون یوزی زیبادی اونون    قره کؤینَک گییرم - یا اباالفضل دییرم (۲)    قبر معطورینی گؤردوم من اوزوم  چوخلی باخدیم ولی دویمادی گؤزوم  او گؤزل قبری دوشنده یادیما  قالموری قلبیده بیر ذرّه دؤزوم    قئره کؤینَک گییرم - یا اباالفضل دییرم (۲) https://eitaa.com/Hazrate_Abalfazll

احوالات حضرت ابوالفضل (ع) آشوب تلي حسين ميدانه ساری تاپوب قان ايچره بير قولسیز نگاری آلوب آغوشينه ايستکلي ياری بويوردی ايت بو يالقوز شاهه ياری ابوالفضليم ابوالفضليم ابوالفضل منيم ای قهرمانیم ياوريم دور اميديم جان به کف رزم آوریم دور علمداریم امير لشکريم دور اويان شير خدانون يادگاری ابوالفضليم ابوالفضليم ابوالفضل اویان آرخام ائليم ياتما بو چولده گوزوم ياشين قانا قاتما بو چولده منی گوزدن بئله آتما بو چولده اولوبدور گوز ياشيم رخساره جاری ابوالفضليم ابوالفضليم ابوالفضل سنون ميعاد عشقون کربلا دور کسیلمیش قوللارون تندن جدادور اياقدان باشه گول جسمون يارادور پوزوب حالون بو بی کس شهریاری ابوالفضليم ابوالفضليم ابوالفضل عمودِ آهنين دگميش باشوندان سینوب باشون آخورقان گوز قاشوندان ال اوزدون سن آدامسیز قارداشوندان بو ياتماقون آلوب ديلدن قراری ابوالفضليم ابوالفضليم ابوالفضل بدن ياره جبین ياره سینوب باش سنی بو حالیده گورميديم ايکاش منيلن دور گيدک خرگاهه قارداش گيدوم سن سيز نجه اخيامه ساری ابوالفضليم ابوالفضليم ابوالفضل آخوندی من کيمين دیلده نواسی مريض عشقيدور درد آشناسی عزا بزمي اولوب دارالشّفاسی نظردن سالما بو بيمار زاری ابوالفضليم ابوالفضليم ابوالفضل ** مجید آخته برچسب‌ها: مجید آخته

┄━═✿♡﷽♡✿═━┄ ➖➖➖➖➖ ای نهر علقم اوسته قولسوز یاتان اباالفضل #عباسیه_حسین_شهاب_پور ➖➖➖➖➖ زبانحال امام در بالین برادر .. .. شهاب پور اهری .. .. ای نهر علقم اوسته – قولسوز یاتان اباالفضل آچ گوزلرون اماندی – گلدیم اویان اباالفضل سن سن منیم وزیریم – باب الحوایج عبّاس یاتما یارالی شیریم – باب الحوایج عبّاس .. .. ادرک سسین ائشیتدیم گلدیم یئتم هرایه بولدوم باشین دوشوبدی – بو ورطه ده بلایه قانلو گوزیله بیر باخ بو درده مبتلایه قدّیم بوکولدی غمدن اولدى کمان اباالفضل .. .. سن بی وفا دگیلدون اى کان غیرت عبّاس ای شیر خصم افکن بحر شجاعت عبّاس قوللاریوا نه گلدی ایله حکایت عبّاس قانلی سرشگیم اولموش گوزدن روان اباالفضل .. .. سس وئرموسن ندن بس بو بیقراره قارداش بو چاره سیز حسینون ائتسون نه چاره قارداش وار دوغرانان بدنده چوخ کاری یاره قارداش قیل بیر منه اقلاً حالین بیان اباالفضل .. .. دوشدون ندن بو حاله علقم دونیدی قانه بیر مشگ سو یولوندا اولدون اوخا نشانه دور بیرده خیمه گاهه منله اولاق روانه گوزلور یولون خیَمده لب تشنگان اباالفضل .. .. افسوس اولا قالوبدور یئر اوزره قانلی پرچم آغلار اسفلی حاله سعی و صف ... #ای_نهر_علقم_اوسته_قولسوز_یاتان_اباالفضل ✍️ #زبدةالاشعار ✍️ .

┄━═✿♡﷽♡✿═━┄ ➖➖➖➖➖ باتما ایشقلی قمریم اباالفضل ابالفضل #عباسیه_معزی_اردبیلی ➖➖➖➖➖ شهادت حضرت عبّاس (ع) زبانحال امام در بالین .. .. #سبک_ای_منی_آواره_قویان .. .. مرحوم معزی اردبیلی .. .. باتما ایشقلی قمریم اباالفضل ابالفضل تشنه قالوب صودامریم اباالفضل اباالفضل .. .. سنده واریمش نقدر شجاعت شجاعت پوزمیوب احوالووی هیچ جراحت جراحت سنده نمایاندی گنه شهامت شهامت عاشق زیبا سیریم اباالفضل اباالفضل .. .. وردی اوخی اهل دغا گوزوندن گوزوندن آخدی یوزه اشک عزا گوزوندن گوزوندن دوشدی بیله آلعبا گوزوندن گوزوندن بندۀ خلاق کریم اباالفضل اباالفضل .. .. جلوه لنور نور خدا یوزوندن یوزوندن صحبت ایله حظّ آپاروم سوزوندن سوزوندن بوسه وروم قوی یارالی گوزوندن گوزوندن یاندی غمونده جگریم اباالفضل اباالفضل .. .. اکبریدى اللّریمون عصاسی عصاسی ئولدی آزالدی گوزیمون ضیاسی ضیاسی قارداشیمی یخدی عدو جفاسی جفاسی سندی ستملن کمریم اباالفضل اباالفضل .. .. یاندرور عالملری هر نگاهیم نگاهیم خالق یکتا اوزیدور گواهیم گواهیم تشنه لب اللرده ئولوب سپاهیم سپاهیم زنده قالور بیر نفریم اباالفضل اباالفضل .. .. ایسته می #سبک_ای_منی_آواره_قویان_ابالفضل ✍️ #زبدةالاشعار ✍️

عرض ارادتی خدمت سقای کربلا (بسیار شور انگیز و حماسی) (ای قَدَر قدرت اَبالفضل) ای سوسوز سقٌا ابالفضل شأنی والا ابالفضل غیرت و صدق و وفاده ای بی همتا ابالفضل عزّت و شأنون ، والادی خوانِ احسانون ، دریادی نوکرون اولماق ، زیبادی اولمارام لایق ، آدیوا عاشق ، زهرادی جانسان عباس حامی قرآنسان عبّاس اهلِ جهان، دردینه درمانسان عبّاس ای کَرَم دریاسی عباس عشقین اَلماسی عباس واردی هانسی بیر گروهون سن تک مولاسی عباس سن علمدارِ ، لشکر سن کَشتیِ دینه، لَنگر سن شیرِ یزدانه ، دلبرسن بَسدی شأنونده ، سنده شاگردِ ، حیدرسن مَه سن عباس، سن بیزه هَمرَه سن عباس دیلده اولان غملره آگَه سن عباس معدنِ غیرت ابالفضل با صلابت ابالفضل گوردی دشمن سنده واردی نه شجاعت ابالفضل بولورم تایسیز ، اِنسان سان اسداللهِ ، دورانسان دیدی دشمنلر، سن اوزون شیرِ ، میدانسان زَر سن عباس ، شعله ی آذر سن عباس دَهریده سن حیدره بَنذَر سن عباس عالَمه مُشکل گُشاسن اَلحق کانِ سَخاسن کیم یاپیشسا دامَنوندن دردینه سن دَواسن اوره گیمده وار ، مین دردیم سنه چوخ قاصد ، گوندَردیم من اوشاقلیقدان ، آدیوی هرآن ، سَسلردیم یاریم عباس ، غم گونی غمخواریم عباس (بیکَسم) آقا گَل اول دلداریم عباس #علمدار #شور #محرم التماس دعای فرج الاحقر مهدی عبادی

واحد حضرت ابوالفضل (سنه کیم اولسا گدا هرزادی واردی) ساقی تشنه لبان شاهیم ابالفضل یرده شه گویده اولان ماهیم ابالفضل نوکرم فخر الرم شاه و گدایه منیم ای عزت و ای جاهیم ابالفضل شها... بیزه.... عنایت ایله مولا بو جمعه وئر.... زیارت کربلا2 ((اقام اقام..اقام اقام اباالفضل))3 * کف العباسین آقا واردی صفاسی لحظه لحظه غم و محنتدی فضاسی ارمنی لرده سنی سسلر ابالفضل بو سینیق قلبیلره واردی دواسی قدم قدم سنه آقا آغلارام عزاده باشه قاره وی باغلارام2 ((اقام اقام اقام اقام اباالفضل))3 * بیرده گورسیدیم اگر کرببلانی نهر علقمده اولان آه و فغانی سسلرم پاره اولان مشکیوه قربان گوزلروندن توکولن اشکیوه قربان رقیه نون...پناهی یا ابالفضل ای اصغرین... امیدی یا اباالفضل2 ((اقام اقام..اقام اقام اباالفضل))3 https://eitaa.com/Hazrate_Abalfazll

شجاعت و جنگ نوحه حماسی جنگ حضرت ابوالفضل (ع) با مارد لعنتی اهنگ این نوحه (#شهریاریمسان اقا) ایله طوفان یارادوب جنگیده غوغا سالارام اکبر و قاسمین اول قانین سیز دن آلارام عمروزون شیشه سینی رزمیده داشه چالارام قارداشیم اذن ویره کوفه و شامی آلارام افتخاریم دی حسین.تاج نگاریم دی حسین اعتباریم.دی. حسین. باغ بهاریم دی حسین کل دنیاده منیم شان وقاریمدی حسین من حسین نوکرییم حیدره حساسم من مین بیله لشگر اولا قورخمارام عباسم من وارث تیغ دودم تیغه الماسم من تانمیرسیز تانیین حضرت عباسم من افتخاریم دی حسین تاج نگاریم دی حسین اعتباریم.دی. حسین باغ بهاریم دی حسین کل دنیاده منیم شان وقاریمدی حسین پسر ام البنین حیدرین عباسی منم تکجه سردار حسین معدن احساسی منم کربلا گل رینون عطر گل یاسی منم پسر فاطمه نین الده کی الماسی منم افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین  بیلیر ابطال عرب کی نجه من جنگ ائلدیم مارده عرصه پیکاری نجه تنگ ائلدیم تیپ لری پوزدوم اودم عزم نچه هنگ الدیم یاعلی ذکرینی لبلرده خوش آهنگ ائلدیم افتخاریم دی حسین تاج نگاریم دی حسین اعتباریم دی. حسین باغ بهاریم دی حسین کل دنیاده منیم شان وقاریمدی حسین منم عباس دیین قاتل مارد یازالار لیست ابطالیدن اول ماردین آدین پوزالار قبرینین داشینه آدین دین الان یازالار مرتضی اوغلی منم قبرینی دی تز قازالار افتخاریم دی حسین تاج نگاریم دی حسین اعتباریمدی. حسین باغ بهاریم دی حسین کل دنیاده منیم شان وقاریمدی حسین گلمیشم رزمه بو گون گردنیزی پیلمه گه گوتوروب داس اجل لشگریزی هیلمه گه دی عمر سعده گله صف لری جمع ایلمگه گلمیشم سو آپارام حیف نه جنگ ایلمه گه افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین کاروان عطشه ساقی و سردار منم خصم اگر مرحب اولا حیدر کرار منم پسر شاه نجف بنده دادار منم دشمنه قابض روح قاتل کفار منم افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین منم ...عباس منیم آدیمدی پسر شیر خدایم علی فریادیمدی پهلوانلیق بیلیسیز شهرت اجدادیمدی حضرت ساغی کوثر منیم استادیمدی افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین بیرده جنگ و جدلین فنینه آگاه منم غیرتین اسوه سی شاگرد ید الله منم ایندی شاهیمدی حسین نوکر اول شاه منم شیر آماده ی جنگم اسدالله منم افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین  پادشاهیمدی حسین منده غلام دریم عزّ فخریم بودی مارد من اوزوم حیدریم آچ گوزون فخر ایدیرم اربابیمین افسریم ای لعین آچ گوزوی شاه جهان نوکریم افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین جنگیده هر یره قاچساز یولوزی من کسرم بیر به بیر باشلاریزی شاهیمه قربان کسرم شوقیلن خیمه لری عشقه گوره طوف ائدرم مشکی چیگنینده بوگون مخیمه آری گئدرم افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین قدرت قاهره ی قادر قهار بیزوک نائب منزلت حیدر کرار بیزوک قل کفی آیه سینه محرم اسرار بیزوک لافتی دُرجینه بیر لوءلوء شهوار بیزوک افتخاریم دی حسین تاج نگاریم دی حسین اعتباریم دی حسین باغ بهاریم دی حسین کل دنیاده منیم شان وقاریمدی حسین  التماس دعا

🍃 💐🍃🌿 🌿🌸🍃 🌸🍃 🌿 🏴زبانحال حضرت رباب علیها سلام ✍حاج اضغر فرشچی (عدلی تبریزی) 🎼سبک : محرم رازیم الله نـخـلـۀ دیـنـه هـسـتـه گلـمـدی سینم اوسته یـو خـلا مادی بشیکده ایندی دوشوبدی خسته دینجلوب بـالام حرمله توکدی قاننی بـولـدی دینه ویردی بو گونده جاننی الله الله اولدی اصغر غنچه گول تک سولدی اصغر قانـه اوغول بـاتموسان مقصدیـوه چـاتـموسان اوخ سنه لایلای دیدی راحت اولوب یاتموسان آلتی آی اولان عـمرومـون آخر ثـمری اوخلانوب کیمون گوربالاسی صودامری الله الله اولدی اصغر غنچه گول تک سولدی اُ ولسـه بـالاسـی آنـا حـقِّـیـدی قـلـبـی یـانـا طـاقـتـیـن الـدن ویـرر گورسه باتوبدی قـانـا بـیراوخیـلن قـانـه بـاتـوبـدی اصغریم بـو ربـابـی گـوزدن آتـوبدی اصغریم الله الله اولدی اصغر غنچه گول تک سولدی مین غمه یاندوراردی ال ایـاقـیـن چـالاردی صود ایستیردی گویا سـینـمه ال سـالاردی ای سولان گولوم آچماقوی گورنمدیم اولمادی صودوم سو بالاما ویرنمدیم الله الله اولدی اصغر غنچه گول تک سولدی رسمیدی بو صود امر دورسا یوخو دان سحر آنـا بـالانـی گـورر سینه سینی صود گزر سینمی ندن گزمدی صود بالام یسون اولمادی دلی دردینی هم سوزون دیسون الله الله اولدی اصغر غنچه گول تک سولدی ال اوسته اُولدون علی مقصدی بولدون علی سرّی نـدور بـولمورم اُولنده گولدون علی پهلوان یخان اوخ ویرولوب بوغازبیچوب بـادۀ غـمی بـوگون بالا آنان ایچوب الله الله اولدی اصغر غنچه گول تک سولدی یـانوبـدی نار غمه گلوب باخور پرچمه ایستوری حاجت اوغول دیلده ایدور زمزمه سسلوری علی کربـوبـلاده وارگوزوم (عدلیم ) منیم دلده اولوبدی بو سوزوم الله الله اولدی اصغر غنچه گول تک سولدی 🌿 🌿💐 🌾🌼🌿 🌸🌾🌼🌿

سبک(اوپدی بوغازیندن سنون)عاملی باقلم : بهنام تخت مینا تبریزی گل گونلریم تالان اولوب سنسیز آتا نجه یاتوبسان قبریده منسیز آتا گتدون آتاسیز قالمیشام سن سیز ایله داریخمیشام گل گور اوزون احوالیمی گل تک آتا سارالمیشام لایلای آتا. لایلای آتا. جانیم سنه قربان آتا سن تک بودنیاده منیم دردلریمی بیلن اولماز منه نوازش ایلیوب گوزوم باشین سیلن اولماز یامان گونومده غم چکوب کناریمه گلن اولماز آیریلقا دمه منیم دوزوم واردی دوزوم واردی بیرگجه گلسن یوخوما سنه چوخلی سوزوم واردی لایلای آتا. لایلای آتا. جانیم سنه قربان آتا روز پدر اولان زمان آتاسیز لار یانار آغلار دییر آتام اولوب الله باشینا بیر قره باغلار بایرام گونی هانی گولر آتاسیز لار اورک داغلار دییر الله آتام گله منیم بیرده گویلوم آلا ایکاش گلیب بیرگجه ده کناریمده آتام قالا لایلای آتا لایلای آتا. جانیم سنه قربان آتا

⚘جوشی-حضرت اباالفضل(ع)⚘            آهنگ : شبانگاهان یخیلدی نهرین کنارینده بیر سوسوز سقا آه و واویلا علم یاتدی قول قلم اولدی آغلادی زهرا آه و واویلا علمداره آغلیار زهرا دیر ایوا آه و واویلا آه و واویلا (2) او صحراده بدنظر باخدی دیده ی شهلایه نظر اولدی نشان ائتدی ساق گوزون بیراوخ پرچکوب گلدی گور نلر اولدی قان آخدی حیدر ئوپن گوزدن تپراقا مایل شیر نر اولدی گلوب افغانه اوصحراده عالم معنا آه و واویلا علمداره آغلیار زهرا دیر  ایوا آه و واویلا آه و واویلا (2) آچوب آغوشین او دم زهرا گل دئدی عباسیم ننون قربان منیم ای خوش سیرت و صورت مه جمال اوغلوم یاره لی اصلان سنی اوغلوم سینه مه آلام دوشمه تپراقه باغریم اولدی قان حسینی قارداش خطاب ایله سسله بو اثنا آه و واویلا علمداره آغلیار زهرا دیر ایوا آه و واویلا آه و واویلا (2) دیله گلدی حیدرین اوغلی مظهر غیرت باوفا عباس دئدی اولدی بضعه ی احمدله چتین ساعت آشنا عباس گرک اولسون مقدم پاکونده ننه زهرا جانفدا عباس سینان پهلویه بو اثناده من گلم حاشا آه و واویلا علمداره آغلیار زهرا دیر ایوا آه و واویلا آه و واویلا (2)