حضرت زهرا سلام الله علیها علی محمد نژاد میانجی سبک :الهی یانمیوم نجه بهار عمری تئز سولان دونن خزانه آی ننه دوتوبدی  زینبون  عزا سنه شبانه آی ننه ننه دیزلریمی قوجاقلارام جوان ئولمگووه قان آغلارام دیلیمده سسلورم آدون ئورک دلیندی آی ننه سنون چوخ ائوده تای توشون هله گلیندی آی ننه ننه دیزلریمی قوجاقلارام جوان ئولمگووه قان آغلارام بو یثرب اهلی آی ننه تئز عهدی سیندیرب دیلار یولووی کوچه ده کسیب قاپووی یاندیرب دیلار ننه دیزلریمی قوجاقلارام جوان ئولمگووه قان آغلارام گئجه وئرنده غسلووی علی بابام دوزنمدیم ندن سینون یارالیدی بو سری من بولنمدیم ننه دیزلریمی قوجاقلارام جوان ئولمگووه قان آغلارام جهانی داغلیار ننه او کوچه ده یخیلماقون قاپی دالینداقوش کیمی یره دوشوب سیخیلماقون ننه دیزلریمی قوجاقلارام جوان ئولمگووه قان آغلارام سنه بو«سایر»آی ننه همیشه سوگواریدی قاپوندا  نوکر  ائلسون  مدال  افتخاریدی ننه دیزلریمی قوجاقلارام جوان ئولمگووه قان آغلارام

حضرت زهرا سلام الله علیها حاج علی پور علی ( جاهد ) آی قامتین غملر بوکن رخساره کوزدن قان توکن یاتما یارالی قبرده زهرای من زهرای من ز هرای من زهرای من آی باغبان آی باغبان سولدی سارالدی گلستان بولبولر اولدی باغریقان ایلور طرب زاغ و زغن زهرای من زهرای من(2) چیخمازعم اوغلون گولشنه باخماز چمنده سوسنه زینب دیینده وای ننه باغریم دولار آل قانیلن زهرای من زهرای من (2) ای مفخر حور و پری بیکس علینون یاوری دور بیر دانیشدورحیدری مظلوم اولوب خیبرشکن زهرای من زهرای من(2) آی قلبی قانیلن دولان لاله مثالی تئز سولان نعشی گئجیله دفن اولان آز عمرده چوخ غم گورن زهرای من زهرای من(2) گلمز بیانه غملرین هربیرغمه اولدون قرین رخسارده سیلی یرین ئوز همسریندن گیزلدن زهرای من زهرای من(2)

#مادر ◼️◼️◼️ادرکنی یازهرا◼️◼️◼️ دروصف مادر گریز به شهادت حضرت زهرا من کلام:بهروز بلادی اردبیلی یانموش قاپودان فاطمه تابوتی چیخاندا کلثوم ال آتوب باشینه زینب باش آچاندا ئولموشدی علی مرقد زهرایه چاتاندا قبری کیمی گئتدی اولا پنهان ننه دردی اسدی دیزی اوتدی یئره بیر یول دئدی زهرا یئخدون ائویمی عم قیزی قویدون منی تنها گه شهره گهی قبره خطاب ایلدی مولا آهی اود ائدر سینه ده هران ننه دردی قران باش آچوب بوغمه چون کوثر ئولوبدور غنچه داغلوب پشت دره پرپر ئولوبدور ای خاک بقیع فاطمه یوخ حیدر ئولوبدور گوزیاشین ائدر چشمه جوشان ننه دردی دردین اثری زینبی سالدی هیجانه باخدی درودیواه دیل آچدی یانا یانه سسلندی حسین قارداشینی گلدی بیانه هیهات ئورکیمدن چیخا یادان ننه دردی بیر گون سوروشیدوم ننه مون دردین ئوزوندن بیلدیم نئلر اولموش من حسین قانلی گوزوندن دگمیشدی آنام فاطمه نون سیلی ئوزوندن ائتدی قاپوموزتک منی سوزان ننه دردی یاندوم دئدی زینب قاپوموز اوددا یاناندا دویدوم جانیما سیزمنه حسرتله باخاندا ئولدوم او زمان من علی قول باغلی دوراندا قبریمده ده ایلر منی گریان ننه دردی قارداش ننه میز دهریده قارداش سیز ئولوبدور مسمار بلا قلبینی اوخ مثلی بولوبدور قارداشیم حسن دئیدی ننم چوخ دوگولوبدور منلن کئده جک شامه ده مهمان ننه دردی باخما قاپیا غملی غریبوک بو وطنده بوناندا چتین نسگل اولارزینب ئولنده نیلرسن حسین ئوزکه منه نوحه دئینده داغلاریارالی قلبووی جان جان ننه دردی ئولم من حسین شام غریبان قوران اولماز اولماز گلنیم یاسه نه بیرباش آچان اولماز ویرانه ده قبری قازانا آغلیان اولماز اوددورمنه قارداش دیل آچاندان ننه دردی زینب باجوون گوزلری گوزیاشووه قربان اودلی نفسون ایلورحسین سینه می سوزان یازدی ننه دردین بو(بلادی)گوزی گریان بش یاشدا منی ایلدی نالان ننه دردی

شعرترکی درفراق مادر سنسیز اولدی اورگیم غملره کاشانه آنا گوز یاشیم زینت اولور هر گجه دامانه آنا سونمه ای عشقی منه عمریده عزّت چراغی منده شوقیله اولوم باشووه پروانه آنا گنج قارونی اگروئرسه لر عالمده منه وئرمرم بیر باخشون آند اولا یزدانه آنا دامن همّتون اولدی بالانون معراجی  سنده آری واریمش همّت مردانه آنا نَفَسون عین شفادور باخشون درده دوا بیرده باخ لطفیله بو دیده سی گریانه آنا سنیدون موج حوادثده منه ساحل اولان دوشموشم سندن اوزاق گور نجه طوفانه آنا آیریلق فصلی بو گُل صورتی بیر حاله سالیب دوشموشم برگ خزان مثلی گلستانه آنا من اوجا لدیقجا قوجالدون بو حقیقتدی ولیک اهلی آنلاربونی، ئوزگه بیلر افسانه آنا گجه لر یاتمامیسان تا که یاتام نازیله من یاتمیان گوزلروین دردین آلیم جانه آنا چوخ گجه بالش ائدوبسن قولووی صبحه کیمی جان دئیوبسن منه ای عشقیده جانانه آنا ایوون آباداولا ای قلب ایوین اباد ائلین سن گیدن وقتن اولوب قلب ایوی ویرانه آنا چوخ دوتوبسان الیمی تا که دوروب یول یئریم ایندیده لطف ائله بو قامتی لرزانه آنا شعرترکی شعرترکی برای فراق مادر هواداران کربلایی وحیدشریفی پنج‌شنبه 17 اسفند 1396 ساعت 00:48 0 نظر

🌹پیشنهاد دانلود 🔸#تک 🎤حاج حامد مهدیخانی 🔺غمینده عاشقون اولوپ بیتاب 💠 هیئت صاحب الزمان (عج)

🔸#تیز 🎤حاج حامد مهدیخانی 🔺آقامز زنده‌دی ، آدی پاینده‌دی 💠 هیئت صاحب الزمان (عج)

🔸#شور_ترکی ✅ بدن تاجان وار من حسین آیریلمام 🎤حاج حامد مهدیخانی 💠 هیئت صاحب الزمان (عج)

🔸#سرود_ترکی 🔺شیعه‌نون آقاسی گلوب 🎤حاج حامد مهدیخانی 💠 هیئت صاحب الزمان (عج)

🔸#سرود_ترکی 🔺اولوپ عالم بوگون بهشت روی زمین 🎤حاج حامد مهدیخانی 💠 هیئت صاحب الزمان (عج)

🌹پیشنهاد دانلود 🔸#زمینه_ترکی 👈غملی قلبیم دیاناندا 🎤حاج حامد مهدیخانی 💠 هیئت صاحب الزمان (عج)

🔸#شور_ترکی 🎤حاج حامد مهدیخانی ✅اوزاخدان بیر سلامیم وار 💠 هیئت صاحب الزمان (عج)

🔸#تیز ✅ لطفوه محتاجم ای گوزل اربابیم 🎤حاج حامد مهدیخانی 💠 هیئت صاحب الزمان (عج)

🔸#سنگین ✅ارباب باخ بو یانخلی دیلره 🎤حاج حامد مهدیخانی 💠 هیئت صاحب الزمان (عج)

#مادر ◼️◼️◼️ادرکنی یازهرا◼️◼️◼️ دروصف مادر گریز به شهادت حضرت زهرا من کلام:بهروز بلادی اردبیلی یانموش قاپودان فاطمه تابوتی چیخاندا کلثوم ال آتوب باشینه زینب باش آچاندا ئولموشدی علی مرقد زهرایه چاتاندا قبری کیمی گئتدی اولا پنهان ننه دردی اسدی دیزی اوتدی یئره بیر یول دئدی زهرا یئخدون ائویمی عم قیزی قویدون منی تنها گه شهره گهی قبره خطاب ایلدی مولا آهی اود ائدر سینه ده هران ننه دردی قران باش آچوب بوغمه چون کوثر ئولوبدور غنچه داغلوب پشت دره پرپر ئولوبدور ای خاک بقیع فاطمه یوخ حیدر ئولوبدور گوزیاشین ائدر چشمه جوشان ننه دردی دردین اثری زینبی سالدی هیجانه باخدی درودیواه دیل آچدی یانا یانه سسلندی حسین قارداشینی گلدی بیانه هیهات ئورکیمدن چیخا یادان ننه دردی بیر گون سوروشیدوم ننه مون دردین ئوزوندن بیلدیم نئلر اولموش من حسین قانلی گوزوندن دگمیشدی آنام فاطمه نون سیلی ئوزوندن ائتدی قاپوموزتک منی سوزان ننه دردی یاندوم دئدی زینب قاپوموز اوددا یاناندا دویدوم جانیما سیزمنه حسرتله باخاندا ئولدوم او زمان من علی قول باغلی دوراندا قبریمده ده ایلر منی گریان ننه دردی قارداش ننه میز دهریده قارداش سیز ئولوبدور مسمار بلا قلبینی اوخ مثلی بولوبدور قارداشیم حسن دئیدی ننم چوخ دوگولوبدور منلن کئده جک شامه ده مهمان ننه دردی باخما قاپیا غملی غریبوک بو وطنده بوناندا چتین نسگل اولارزینب ئولنده نیلرسن حسین ئوزکه منه نوحه دئینده داغلاریارالی قلبووی جان جان ننه دردی ئولم من حسین شام غریبان قوران اولماز اولماز گلنیم یاسه نه بیرباش آچان اولماز ویرانه ده قبری قازانا آغلیان اولماز اوددورمنه قارداش دیل آچاندان ننه دردی زینب باجوون گوزلری گوزیاشووه قربان اودلی نفسون ایلورحسین سینه می سوزان یازدی ننه دردین بو(بلادی)گوزی گریان بش یاشدا منی ایلدی نالان ننه دردی

👆👆ای دوشن مشکله گل حضرت زهرانی چاغیر با مداحی استاد طالبی

حضرت زهرا سلام الله علیها علی محمدنژاد میانجی سبک :( باخ علی گوزلریمه،غصه ای سوزلریمه) دور پیمبر بالاسی حسنینین  آناسی سالما زینب باشینا آناسیزلیق قاراسی باغبان اولماسا گلشن سارالی دوزه بیلمم غمه سنسیز یارالی چوخدی درد و محنیم سولدی   باغ و چمنیم عالمی       داغلیا جاق بو حسین  و   حسنیم منزلون ائتمه علی دن آرالی دوزه بیلمم غمه سنسیز یارالی ائویمی یخما منیم ئورگیم سیخما منیم یالقوزام فاطمه جان الیمنن چیخما منیم سنیدون حیدره  زهرا  وفالی دوزه بیلمم غمه سنسیز یارالی قاپینی   باغلیارام سینه می داغلیارام یاده سالّام سینه وی سنه  قان آغلیارام چالارام من سنه لایلای حیالی دوزه بیلمم غمه سنسیز یارالی ائوه غم سایه سالیب دوره می  ماتم  آلیب گوزون آچ فاطمه جان یاتما حیدر قوجالیب اولان اولدی دور پیمبر مارالی دوزه بیلمم غمه سنسیز یارالی یانورام دل سوزووه گوورن  گل  یوزووه دئمدون هیچ منه سن قان دولوبدی گوزووه مرتضی ناله سی عرشه اوجالی دوزه بیلمم غمه سنسیز یارالی

حضرت زهرا سلام الله علیها سبک:: زینبم جان اوستیم ... مرحوم عاصی گوزلریم غمدن توکر قان یاش آنا یافاطمه زینبون سنسیز ئولیدی کاش آنا یافاطمه ظلم الیندن سن اجل پیمانه سین نوش ایلدون زینبی عمرینجه اندوه و غمه توش ایلدون اوز قرا رختیم تک آخِرده سیه پوش ایلدون ایلدون محنتلره یولداش آنا یافاطمه سن چکن درد و غمی هر دم که من یاد ایلرم نی کیمی قیلّام فغان و ناله فریاد ایلرم تا باخوب گورّم یرون بوش آغلارام داد ایلرم قلبیدن یانّام من کول باش آنا یافاطمه ای مصیبت کش آنا سنسیز منیم گولمز یوزوم شام هجرانون کیمی شامه دونر هر گوندوزوم آختارار دائم سنی صبح و مسا آغلار گوزوم دل یانار، دیدم توکر قانیاش آنا یافاطمه بو نه طالعدور که کوللر باشیمه توکدی فلک ایلدی قان باغریمی بو خوردا وقتی غنچه تک یالقوز ایوده بوینی چیگنینده الیم قوینومدا تک آغلارام گاهی علن گه فاش آنا یافاطمه بی سبب اوج ایلمز آهیم سپهر اطلسه مایه ی غمدور حسینیله حسن من بیکسه امّ کلثومیله قیلّوخ ناله ویرّوخ سس سسه آغلینده بو ایکی قارداش آنا یافاطمه گه سنون نسگل لرون من یاده سالّام آغلارام گاهی بو چادر شبوندن عطرون آلّام آغلارام کوکب بختیمده گه حیرتده قالّام آغلارام ویردی آخِر برج غمدن باش آنا یافاطمه جسمیدن بیر آن تعدّی رختین اعدا سویمادی اود ووروب درگاهیوه، یاندوردی قلبون دویمادی ای حیا کانی ایوونده آغلاماقه قویمادی اولمادی راضی اونا اوباش آنا یافاطمه سن آنا یافاطمه اولسان قیامتده پناه عفو ایدر خالق نه قدری ایلیوب عاصی گناه روز محشر محشره گلمز یقیناً روسیاه لطفون اولسا دانه ی خشخاش آنا یافاطمه

اهنگ " شد خزان گلشن آشنایى باز هم آتش به جان زد جدایى نوحه حضرت ابوالفضل (ع) ✍️ شاعر علیرضا علوی زنجانی ✍️ گل دوشوب قولاری علمدارین یخیلیب. میداندا. سپهدارین گل داخی تنهایم. دادرسیم یوخدی قالمیشام آواره جسمیم حسین اوخدی قانه باتوبدی نوکرین ای شاه اوخ دگوب آنوم یاردی والله کربوبلاده باتدی بو گون ماه زینب ایشیت سه دیلده چکر آه گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی محشر اولوب. حسین. بو صحراده فاطمه. آغلیور. گل سن داده سسلوری آنان زهرا هاردا حسین گلسون گوزدن آخان قانی گلسین حسین سیلسون تز گل حسین جان اوخ سینه داغلور باشدا یارامی فاطمه باغلور بیر حالا قالدیم قارداش اماندی مشگ و علم. ده حالیمه آغلور گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی یخیب لار شیروی آتدان قارداش اوخ دگوب گوزومدن. امان قارداش سیندی باشیم تز گل. دگدی عمود آهن گوزلوری قیزلارین. سو یولی وای بر من تز گل حسین جان قانه بویاندیم دیل یاراسیندان بو چولده یاندیم فاطمه. گلدی. باشیمن. اوسته خالدی مشگیم والله. اوتاندیم گل حسینیم گل حسینیم آغلا منه قارداش. بوردا آنام یوخدی فاطمه قان آغلور. ال چالانیم چوخدی جواب امام حسین دور گلدیم. هرایه. جان ابوالفضل گلمیشم. نوایه جان ابوالفضل آرخام ایلیم قارداش دور کمگیم یوخدی سیندی بیلیم قارداش ال چالانیم چوخدی دورمی دشمن آلدی ابوالفضل سینمی تنگه سالدی ابوالفضل آچ گوزیوی باخ یالقوز حسینه قارداشون تنها قالدی ابوالفضل اهل بیتین هواداری اهل عشقین علمداری آغلا رام عباسه عطر گل یاسه یاتدی علم الله گلمیشم احساسه گوزلرین قربانیم. من قارداش ای دوشن قولاری تندن قارداش یولووی گوزلیور خیمده قیزلاریم دور گیدک اخیامه. آغلیور قیزلاریم دین حق اوسته قانه باتیب سان عالی مقامه سنده چاتوب سان قارداشیوی سن گوزدن آتوب سان دشمن ایچینده قولسوز یاتوب سان دور ابوالفضل. جان ابوالفضل ای یل آزاده یاتما بو صحراده آچ گوزیوی عباس. گلمیشم امداده ✍️ شاعر علیرضا علوی زنجانی ✍️ ۱۴٠۱/۵/۱۶ روز تاسوعا

اهنگ ：(افتخاری ) ولادت امام حسن عسکری (ع) ✍️ شاعر علیرضا علوی زنجانی ✍️ عاشقان ایلین سیز بو گیجه شادی شاد اولوب قلبیدن چون امام هادی شاد و خرم اولدی بو گون عدنیده پیمبر جشن شادی دوتدی تمام عالمی سراسر گلدی بو جهانه بو گون یادگار حیدر (اوج ) شاد اولوبدی به به بو گون حضرت هادی گوز آچوب جهانه حسن نور خدادی جلوه ی جمالی بونون نور کبریادی قاره گوزلری قاشلاری عین مرتضا دی بخشش و کرمده حسن مثل مجتبی دی ایلدی گون کیمن یر یوزونی روشن مژده اولسون سنه حجت ابن الحسن یا ابا محمد سنه جانیمز فدادی گل ادون حسن جان سنون قلبیمه صفادی کیم ادیوی ذکر ایلسه دردینه دوادی یا حسن یا حسن یا حسن حسن جان (۳) حسن عسکری گل باغ احمد پسر نامی حضرت محمد افتخار ایدر فاطمه آدیوه حسن جان اوبیرمجی نور خدا دومین حسن جان خلقته شرافت ویرن جاویدان حسن جان ای حسن حسن جان حسن ای حسن حسن جان (اوج ) اولوبدی آنادان بو گون نور کرمنا تجلا ایدوبدی او زیبا گل زهرا یا ابا محمد تویی وارث محمد بعد هادی تویی آقا نایب محمد افتخار ایدر عدنیده ادیوه محمد تهنیت تهنیت صاحب الزمانه گوز آچوب آتاسی گلدی بو جهانه مثلینی بیرده گورمیجک زمانه ای گل پیمبر سنون مقدمون مبارک یا امام هادی سنون گوهرین مبارک ای پدر مصلح کل اخترین مبارک یا حسن حسن جان حسن (۴) ✍️ شاعر علیرضا علوی زنجانی ✍️

اهنگ ؛(دل بی تاب اومده سرود ولادت امام حسن عسکری(ع) ✍️ شاعر علیرضا علوی زنجانی ✍️ ای گل باغ شرف رهبر فرخنده هدف اختر علم و ادب ای پسر شاه نجف عشق و شرف گوهری ای آدی دیل ازبری قوما قاپندان اقا حیدریم حیدری جان اقا سنه قربان اقا سرور خوبان اقا جان اقا گوهر گنج ولا ای نوه شیر خدا سومین ابن الرضا مظهر ذات کبریا شیعه لرین دلبری گل پسر حیدری ایله عنایت مولا یا حسن عسکری جان اقا سنه قربان اقا سرور خوبان اقا جان اقا گینه خلاق ازل بیر گل زیبا یارادیب آل طاهایه خدا نور تجلی یارادیب بو گوزل آی هامینی خرم و خندان ایلیوب حُسن زیباسی اونون یوسفی حیران ایلیوب جان اقا سنه قربان اقا سرور خوبان اقا جان اقا وار یری فخر ایلیه شیعه بو گون دنیایه تهنیت عرض ایلیه مهدی مه سیمایه اونون شرف نهادی ملکلرلر ایلیر شادی اوغلون آلوب اغوشه سسلری لایلای هادی جان اقا سنه قربان اقا سرور خوبان اقا جان اقا مژده ای دل بو گیجه گل پسر هادی گلوب غملری ایله رها قلب یلره شادی گلوب عالمه سلطان گلدی سرور خوبان گلدی هادی اولوبدور خوشحال حجت یزدان گلدی جان اقا سنه قربان اقا سرور خوبان اقا جان اقا الله اوز جلوه سینی بوندا نمایان ایلیوب غبطه اجلالینه داود سلیمان ایلیوب رتبه سی چوخ والادی گل پسر زهرادی معدلت ایماندی علیمده چون دریادی جان اقا سنه قربان اقا سرور خوبان اقا جان اقا اورگین دلبریدی شاه نجف مظهریدی آدینا قربان اولوم آدی حسن عسکریدی گل پسر زهرادی سلاله ی طاهادی ادینا قربانم من گوزلدی هم زیبادی جان اقا سنه قربان اقا سرور خوبان اقا جان اقا قدمین قویدی بو گون عالمه زهرا بالاسی شاد و خنداندی یقین حضرت هادی آتاسی بحر دین درّ ثمین جلوه ی حیّ مبین ماه دین جان رضا بهر دین حصن حصین جان اقا سنه قربان اقا سرور خوبان اقا جان اقا توی شهر نبوی گوهر زهرا اومده البشاره حسن دیگر زهرا اومده بو گوزله تای اولماز بیله گوزل پای اولماز دوتسا گوزل دنیانی عسکریه تای اولماز ✍️ شاعر علیرضا علوی زنجانی ✍️ ۱۳۹۸/۹/۱

اهنگ :سیاه و سفیده (افتخاری) ولادت امام حسن عسکری (ع) اهنگ دیگر ：باکو من بیر الله بنده سیسم ✍️ شاعر علیرضا علوی زنجانی ✍️ مژده اولسون سیزه شیعه موسم شادی گلوبدی نور دو چشم پیعمبر دلبر هادی گلوبدی اون اوچومجو حجت حق گل زهرادی گلوبدی گُل حيدرى گلدی دلیم ازبری گلدی ایسته سن عیدیانه مولا عسکری گلدی شانینه عالم فدادی مشعل راه خدادی دلبر امام رضادی بو گل باغ وفادی پدر مصلح عالم مظهر ذات خدادی مه برج ولایت بیزه ایله عنایت جانلار ادیوا قربان عیدی ایله عنایت سن امام مقتداسن وارث نور الهداسن سیرتون حسینه اوخشور گل باغ مرتضی سن یوزیوه کیم باخا بیر یول دیر عین مرتضی سن سن سن وارث حیدر سن سن سوره کوثر سن سن حجت داور سن سن گل پیمبر رهبر و والا نسبدی اختر علم و ادبدی دردون اولسا سویله شیعه زاده ی شاه نجفدی صاحب علم و امامت هادی والانصبدی گل حیدری گلدی دلیم ازبری گلدی ایسته سن عیدیانه مولا عسکری گلدی ✍️ شاعر علیرضا علوی زنجانی ✍️

امام حسن عسکری گلدی ولادت امام حسن عسکری (ع) اهنگ: شیرین شیریندن ✍️ شاعر علیرضا علوی زنجانی ✍️ امام حسن عسکری گلدی امام هادینین دلبری گلدی عزیز زهرا جان سنه قربان امید دلها جان سنه قربان حجت هادی عشر گلدی او فخر ابنا بشر گلدی رضانین قلبینه ثمر گلدی نشان سوره کوثر گلدی عزیز زهرا جان سنه قربان امید دلها جان سنه قربان حسن حسن جان یا حسن جانم سن سن امام عسکری مولا امام رضا نون دلبری مولا شیعه لرین ای سروری مولا امام جوادین ثمری مولا عزیز زهرا جان سنه قربان امید دلها جان سنه قربان حسن حسن جان یا حسن جانم روی توشمس والضی مولا موی تو و الیل الدجا مولا بیچاره لره سن سن رهنما قاپون شیعیه رجا مولا عزیز زهرا جان سنه قربان امید دلها جان سنه قربان حسن حسن جان یا حسن جانم بشارت ای دل عسکری گلدی محبوب دلها عسکری گلدی خرم جهان شد عسکری گلدی نورش عیان گشت عسکری گلدی عزیز زهرا جان سنه قربان امید دلها جان سنه قربان حسن حسن جان یا حسن جانم ای اهل ایمان سروریم گلدی آن ماه تابان دلبریم گلدی ای اهل قران داوریم گلدی واللهی منیم باوریم گلدی عزیز زهرا جان سنه قربان امید دلها جان سنه قربان حسن حسن جان یا حسن جانم آچوبدی بیر گل هادی ایوینده اولوب معطر هادی ایوینده شاد اولوب شیعه شادی ایدلر وار بو گون خبر هادی ایوینده عزیز زهرا جان سنه قربان امید دلها جان سنه قربان حسن حسن جان یا حسن جانم کیمدی بو مولود گتیریب صفا یوزونده واردور نور مصطفی باخان دیری عینی مرتضی هادینون اوغلی بودور مه لقا عزیز زهرا جان سنه قربان امید دلها جان سنه قربان حسن حسن جان یا حسن جانم غنچه باغ نبوی گلدی گلزار عشقه علوی گلدی شیر خدانون گوزلی گلدی پیغمبرانین ثمری گلدی عزیز زهرا جان سنه قربان امید دلها جان سنه قربان حسن حسن جان یا حسن جانم چشمه کوثر گتیریب گوهر یارادوب الله جهانه زیور جهانه گلدی حسن عسکر دوداقلاریندا وار گوزل سوزلر عزیز زهرا جان سنه قربان امید دلها جان سنه قربان حسن حسن جان یا حسن جانم گلشن زهرا لالاسی گلدی حضرت زهرا بالاسی گلدی شیعه نون به به اقاسی گلدی حضرت مهدی آتاسی گلدی عزیز زهرا جان سنه قربان امید دلها جان سنه قربان حسن حسن جان یا حسن جانم هادینون باغی گل آچوب الان اولوب بیر غنچه زیباسی خندان حسن دوم بیر نازلی اوغلان اولوب انادان سرور خوبان عزیز زهرا جان سنه قربان امید دلها جان سنه قربان حسن حسن جان یا حسن جانم چاتوبدی باشه بو گون غصه لر گلوبدی بو گون حسن عسکر مقدمون اوپر اونون حورالر بیر بیره تبریک دیر ملکلر عزیز زهرا جان سنه قربان امید دلها جان سنه قربان حسن حسن جان یا حسن جانم ساقیا می ویر منه پیمانه گلوب جهانه گوزل جانانه اولوب آنادان گل و پروانه ایسته علوی سن عیدیانه عزیز زهرا جان سنه قربان امید دلها جان سنه قربان حسن حسن جان یا حسن جانم ✍️ شاعر علیرضا علوی زنجانی ✍️

آهنگ بوی گُل سوسن یا سمن آید ولادت امام حسن عسکری (ع) ✍️ شاعر علیرضا علوی زنجانی ✍️ گلدی جهانه بو گُون سرور خوبان بلبل اوخور نغمه شادی عزیزان گویده ملکلر دوتوب جشن تولد گلدی بو گُون عالمه منبع ایمان یا حسن عسکری جان سنه قربان یا حسن عسکری ای گل رضوان یازدهمین اَختر بُرج ولایت آچدی جهاندا بو گُون اول گُل خلقت حجت حق عصمتین اِی اُونوچُو مجُو مهدیه خاطر بیزه ایله عنایت یا حسن عسکری جان سنه قربان یا حسن عسکری ای گل رضوان هشتم ماه ربیع اولدی عزیزان گلدی جهانه بو گون سرور دوران شهر مدینه دونوب باغ جنانه آچدی گوزین عالمه اول گُل خندان یا حسن عسکری جان سنه قربان یا حسن عسکری ای گل رضوان گلشن دینین بو گُون سروری گلدی دلبر هادی امام عسکری گلدی شاد ایلیوب عالمی بُو گُل زهرا شیعه نین اون بیریمجی رهبری گلدی یا حسن عسکری جان سنه قربان یا حسن عسکری ای گل رضوان هادینون اوغلی امام عسکری گلدی شیعه نین اون ببریمجی رهبری گلدی جانیمز اولسون فدا رهبر دینه صادق آل عبا دلبری گلدی یا حسن عسکری جان سنه قربان یا حسن عسکری ای گل رضوان گلدی جهانه بو گُون مهر سعادت باری ایکیمجی حَسن تاپدی ولادت گلدی جهانه اولا حامی اُمت جدینین احکامینه ایلیه دعوت یا حسن عسکری جان سنه قربان یا حسن عسکری ای گل رضوان ای حَسن عسکری من به فدایت ذکریم اولوب روز شب مدح و ثنایت قلب اَحبا شده صَحن و سَرایت باغ بهشت آستانیندا گدایت یا حسن عسکری جان سنه قربان یا حسن عسکری ای گل رضوان گل چیچَک آچدی گنه گلشن طاها گلدی بهاران اولوب غنچه زیبا آلدی قوجاقه حُدیثَه بالاسینی اوپدی یوزین سسلدی ای گُل زهرا یا حسن عسکری جان سنه قربان یا حسن عسکری ای گل رضوان یازدهمین قبله اَهل کَمالی اللهین اوز مَظهری حُسن و جمالی ای حَسنی حُسن حَئ مُتعالی تو گُل نُورسته اَحمد و آلی یا حسن عسکری جان سنه قربان یا حسن عسکری ای گل رضوان سن سن آقا دنیادا مَظهر اَحمد ایله کرم شیعیه ای گُل سَرمد خار اولاجاق دشمنین ای گُل اَمجد عرض سلام ای گل باغ محمد یا حسن عسکری جان سنه قربان یا حسن عسکری ای گل رضوان صُّلب حسندن اولار مُصلح عالم نور جمالینده وار جلوه خاتم وصفینه عاجز قالار حضرت آدم ذکرین اولوب دیلرین ذکری دمادم یا حسن عسکری جان سنه قربان یا حسن عسکری ای گل رضوان اهل ولانین سنن روح و روانی شیعه لرین جسمیده روحیله جانی نورین ایدیبدی ایشیق ارض و سمانی تو پدر مُصلح کُل جهانی یا حسن عسکری جان سنه قربان یا حسن عسکری ای گل رضوان شاد خرامان اولوب ناجی انسان عرض ایدروک گل آقا ای گل رضوان شیعه ده قالمیب داخی طاقت هجران اولوق همیشه سنون هجریوه نالان یا حسن عسکری جان سنه قربان یا حسن عسکری ای گل رضوان ✍️ شاعر علیرضا علوی زنجانی ✍️