مزاره گوز یاشی سوغات آپاردی ام البنین غم وملالیلن عمرون قوتاردی ام البنین اوغولسوز ئولدی الهی اوغولارین آناسی ئوزی بقیعده یاتوب کربلاده دورت بالاسی (یانایانا دییر ابوالفضل ئولورم) آنان ئولنده آقا بوش ایوین بوجاقینده دیله قالموشودی پرچمین قوجاقینده (ابوالفضلین قانلی علمین قویوردی اورگینین باشنااله یانایانا دییردی بالا اوجا بویوا ننون قربان) خیالی قبریوین اوسته گونوزلر آغلاردی (گیدردی قبرستان بقیعه دورت دنه قبر دوزلدردی خانم یوزون قویاردی اوقبریلرین اوستونه دیردی بو عونومون قبری بوفضلیمین قبری بو جعفرین قبری بودا ابوالفضلین قبری) خیالی قبریون اوسته گونوزلر آغلاردی گئجه گلردی ایوه مشکیوی قوجاخلاردی (اوغلی ئولن ننه اولسا گذشت الر ؛الله نه چتین اولار ننه نین اوغلی ئوله ایوینده نشانه سی قالا یادگاری قالا) دیردی قانه باتان مشکیوه ننون قربان خجالتینن آخان اشکیوه ننون قربان بالا من گیدن وقتیده هر مجلسه هر انجمنه یر ویرردی ننه لر عرشه مجلسده منه ظلمدی گوردوگی گونن دالی هر کیمسه قالا ایندی هیچ مجلسه دعوت الین یوخدی بالا #روضه_ام_البنین_س

روضه حضرت ابوالفضل ✅گریز به احوالات ام البنین باغبان مسرور اولارسوز دوشسه هاردا یاس آدینان گوهریلر سوز سرشار آختارار الماس آدینان یاسیدن الماسیدن گوز یومدوم اما چکمدیم ال عمرومون بیر ثانیه بیر ساعتین عباس آدینان عباسه کیمدی همتا بو عرصه جهاندا مشکلدی شرح عشقیم دیوان و باستاندا بازوی اژدر افکن واردور بو قهرماندا غوغا یاراتدی عشقیم میدان امتحاندا حیدر دیردی احسنت سقا سودان چخاندا اولدون نه عاشقانه حقه فدا ابوالفضل مردانه سسله سنده لبیک یا ابوالفضل عالمده مثل سقا صاحب کرامت اولماز هر قاندا هر داماردا عباسی غیرت اولماز عشق عالمی بونون تک مست شهادت اولماز سو ایچمدی بولوردی وجدانی راحت اولماز سویلردی مرکب اوسته عشقه خیانت اولماز قیزلار اگر سو ایچسه سقا خجالت اولماز اولدون نه عاشقانه حقه فدا ابوالفضل مردانه سسله سنده لبیک یا ابوالفضل یاریمون ایثاری مین شور و قیامت ویردی عشقه اوجونا نهرین سویون آلجاخ وجاهت ویردی عشقه سودیدی ایچ بودیدی یوخ ایچمرم ارباب عطشدی احسنت عباسه عجب مردانه قیمت ویردی عشقه (اما خانم ام البنین یوزون دولاندردی کربلا سمتینه هر یرده ننه عزاسی اولسا ننه دن اوخونسا بالا دایانار قاپیدا) هایانداسان گوزلیم آی جمالی آی پاراسی قالوبدی الری قوینوندا دورت اوغول آناسی خوشا سعادتیوه کامه چاتموسان اوغول دیوله خرداجا بیر قبریده یاتمسان اوغول چتین گونومدی منیم دیلده سوزو سازیم وار نولار اماندی گل آی ابوالفضل سنه نیازیم وار بلالی دشتیده تاپدی اثر منیم عملیم گرک حسینچی اولیدون جهاندا سن گوزلیم سینمده من سند عشقی چونکی بَسلَه میشم ویرنده صوت سنه اولده یاحسین دیمیشم ئولونجه فخر ایدرم من وجود اطهریوه سلام او علقمین اوسته کسیلمیش الریوه بیر زمانیم واریدی اولموشودی بختیم یار منیم ایلردی خوش اقبالیمه غبطه آنالار دیردیلر فخر اله عباس کیمین اوغلون وار من گیدن وقتیده هر مجلسه هر انجمنه یر ویرردی آنالار عرشه مجلسده منه سالدی افسوس زمانه آناوی آیری حالا منی هیچ مجلسه دعوت الین یوخدی بالا ظلمیدور گوردوگی گونلر بالا هر کیمده قالا ظلمیدور بیر آنانون دهریده دورت اوغلی اولا جان ویرن وقته اوغولسوز دوشه تابوتی یولا (اما مدینه ده هرگون بیرینین ایوینده بیر روضه اولاردی هر ئوز ئولنین اوخشاردی زینب لیلا سریه ام البنین اما بیر گون ام البنین گوزی دوشدی گوردی رباب دایانوب بیر گوشه ده اصلا جمعه گوشولموراله یانایانا ربابه بیر باخدی دیدی) آی خانملار مجلسی گرم ایلیون ربابی دیندراخ کربلاده اولمادیم شش ماهه نین دردین بولم اصغره سقا سوقولی ویردی من عذر ایستیرم کاش عکاسان غم محنت بو آهیمنن آلا قول بویون منن رباب عکسین باهم سالا من دیم السیز شهیدیم او دیه دیلسیز بالا

اوچ دنه خانم جان ویرنده الری اورک باشنیدی بیریده خانم ربابیدی ئولن گونه کیمی علی اصغرین قنداقین قویاردی اورگینین باشنایانایانا دیردی علی الله اوغول ویرر ننه باشین اوجاتماقا ویردی سنی غریب ننوی تئز قوجاتماقا آتما منی گل اولسان اگر باغبانیوم چولرده آلتی آیدی سنون ناگرانیوم گل سن اگر بهاره کیمی منتظر قالوم بیرده بهار فصلی فقط عطریوی آلوم (اوقدر ایلشردی گونلر قاباقندا خانم قونشولار زینبه دیردیلر زینب ربابه دئنن یا گئجه لر آغلاسون یا گونوز لر آغلاسون رباب اوقدر ایلشردی گونلر قاباقندا خانمین رنگی قرالمشدی زینبه دیردیلر خانم ربابین سسین ایشیدنده بیزیم اوشاقلار صوت امیلر ربابه دئنن یا گئجه لر آغلاسون یا گونوزلر آغلاسون خانم یانایانا دیردی علی ئوزونده بولمویورم قونشولارا نیلمیشم بالا) مدینه ده بو رسمیدی بیرینین عزیزی ئولنده گوررسن بیر کنیز گتیرردیلر اولاری یاسدان چخاردالار مدینه نین خانملاری کنیز گتیریلر زینبی یاسدان چخاردالار قاپنی دویدولر مدینه نین خانملاری ربابی بولمورم نه حالتده گوردولر ربابین رنگی قرالیب اوقدر ایلشیب گونلر قاباقندا گلدیلر خانم زینبین یاننا خانم بیز کنیز گتیرمیشوخ سنی یاسدان چخارداخ سنون کی کنیزین وار گوردولر مدینه نین خانم لاری ربابی گورسدولر ربابی کنیزه اوخشادلار زینب بوردا آغلادی دیدی آی مدینه نین خانملاری اونی کنیز چاغرمیون اونون اوغلی ئولوب اونون اورگی یارالدی اونون بالاسی ئولوب اونی کنیز چاغرماین آخی او منیم ننمین حیالی گلینیدی دیدیلر اوندا خانم قویا گون قاباقنداایلشه گلدیلر ام البنینین یاننا خانم سن ایوین آغ بیرچگیسن قویما رباب گون قاباقندا ایلشه دیدی آی خانملار منیم یوزوم گلمیر ربابی دیندیرم کربلاده اولامادیم من اصغرین حالین بولم اصغره سقا سوقولی ویردی من عذر ایستیرم ✅گریز به حضرت ابوالفضل(ع) بیر ننین غیرتلی اوغلی اولسا شهرتلی اوغلی اولا هرمجلسه گیدنده افتخاریلن گیدر هرمجلسه گیدنده دیلر یول ویرین فلان قهرمانین ننه سی گلیر ام البنین ده هر مجلسه گیدنده دیردیلر یول ویرین ابوالفضل ننه سی گلیر اما خانم یانایانا دیردی ابوالفضل بالا من گیدن وقتیده هر مجلسه هر انجمنه یر ویرردی ننه لر عرشه مجلسده منه ظلمدی گوردوگی گونن قالا هر کیمسه دالا ایندی هیچ مجلسه دعوت الین یوخدی بالا

✅احوالات حضرت ام البنین(س) بیرزمانیم واریدی اولموشودی،بختیم یار دییردیلر آچ پرین فخر ایله عباس کیمین اوغلون وار من گیدن وقتیده هرمجلسه هر انجمنه یرویرردی ننه لر عرشه مجلسده منه ظلم دی گوردوگی گونن هرکیمسه دالا منی دای مجلسه دعوت الین یوخدی بالا ابوالفضلین ایوینده بیر یتیم بالا واریدی آخشاملار اولاندا قاپلا ی باغلاردلار دیدیم گیدیم گزیم الله کریم دی اییییی ایکی خانم سوروشدولار بوکیمدی ایییی گوردوم بیری دییر دینمه یتیمدی اییییی ننه منیم بابام هاچان گله جک ایییییی باشیمه اول بایرامیم اوغلوم کول الندی ایییی ایوده هامی اشک ماتمله بلندی اییییی سائل آدیوی سسلدی دردیم تزلندی ایییی گونون باتان چاقی ایلردی روحنی خسته ساچین آلاردی اله سسلنردی پیوسته ایییی جفا خدنگی جبینین بولن بالام لایلای ایییی بلا چولونده خجالت چکن بالام لایلای اییییی دیردی عالمی گوزدن آتان بالام لایلای اییییی کنارنهریده عطشان یاتان بالام لایلای ایییی وجودی شمعی کیمین اوتلانان بالام لایلای اییییی سومشکی آنی کیمی اوخلانان بالام لایلای اییییی جفائیله بدنی دوغرانان بالام لایلای اییییی قیزیل قاناقارشان اشکیوه ننون قربان اییییی سویی چوله داغلان مشکیوه ننون قربان ایییی گیدردی فکره گورردی بلانی میدانی ایدردی گوزده مجسم عمودو پیکانی گورردی باشدان آخور اوغلونون یوزه قانی دییردی باشدان آخان قانیوه ننون قربان اییییی قوری یر اوسته چخان جانیوه ننون قربان اییییی اوقورخولی یولوا ئولموین ننون قربان اییییی تبر دین خولوا ئولموین ننون قربان اییییی قلم اولان قولوا ننون قربان ایییییی ایشیدمیشم بالا دایانوبسان سوزون اوسته عقابیدن یخلوبسان یره گوزون اوسته باجون دییر سورونوبسن بالایوزون اوسته جمالینون چوخ اولان محنتی بالام لایلای اییییی چخان یاران دریدن صورتی بالام لایلای اییییی اورکده کی سوزوه ئولموین ننون قربان ایییییی ورقلنن یوزوه ئولموین ننون قربان اییییی اواوخ دیین گوزوه ئولموین ننون قربان اییییی یاخجی قارداش اولا عالمده مگر قیمتی وار هرکیمون قارداشی واردور دیزینون قوتی وار بوشفاخانه علینوندی طبیب آنی باخور دکتری قولسوز ابوالفضلیدی مجانی باخور

📻حاج محمدباقر منصوری 🎙روضه بسیار عالی و سوزناک ✅همراه بااوخشاما ✅احوالات حضرت ام البنین(س)

༺༺༻༻༻ *«بســــــمه تعالـــی»* *«روضه پنج تن علیه السلام»* ༺༺༻༻ به وقت عاشقی، میخوانم امشب بسم ربّ الـمهـدی زهرا، عزیز حضرت طاها به نام حضـرت طاها،به نام نامی پیغمبر خاتم، امیـــر عالم وآدم به نام حضرت مولا، امیرالمـوئمنیـــن، شاهـنشـه والا، به قدرو کـوثرو طاها، به نام حضرت زهرا، فاطمه ام ابیــــها سیدة النسا‌العالمیـن. به دستان کریم مجتبــی وبه نام نامــــی آقای دشت نـــیـنوا، که امضا گردد این شعر کیمیا به نام پنج تن حالا، ༺༺༻༻ *ان شاءالله مجلـس حضرت زهرا بِــیَــنَـن مجلس اولا، نظری اولا، عنایتی اولا، حاجـتلریـمیـز روا، دعالریمیـز مستـجاب اولا،* ༺༺༻༻ *السلام علیک یا مظلوم یا رسول الله صلوات الله علیه* *السلام عیلک یاامیرالموئمنیـن یاعلی بن ابیطالب ع* *السلام علیکِ یافاطمة الزهرا، سیدةالنساالعالمین* *السلام علیک یاابامحمد یاحسن بن علی یامظلوم* *السلام علیک یاسید الشهدا یامظلوم یا حسبن بن علی ایها الشباب اهل جنة* ༺༺༻༻ شمس دین غروب ایلین زمان دوره سین آلوبدی ستاره لر برج عصمتین بدری فاطمه مجتبی کیمی ماهپاره لر سس سسه ویروب ایتدیلر نوا بال و پر شکسته هزاره لر وای بابا دیوب گوزیاشین توکر گل یوزه شه کربلا بوگون ༺༺༻༻ *«ناگهان قاپو دوگولدی»* *«گئت قزیم آچ قاپونی مهماندی عزرائیل منه»* قاپی دوگولدی گیدوب گلدی آچدی فاطمه اول جلالتلی قاپونی گوروبدی بیر عرب آماده اولوپ عرض حاجتینه جهانِ جسمینی ترک ایتدی روحِ پیغمبر یومولدی نرگس مخموری تک ،گوزل گوزلر علی اگلدی دوداقلارینی قویوب گوزینه صورا عباسینی چکدی او حضرتین یوزینه سرشگ حسرتیلن دولدوروب گوزین چکوب آه دئدی قوتاردون اوزون ایندی یا رسول الله سنوبدی سّد دلیم داشلانور جماله سئلیم دیزیمده قالمادی طاقت عم اوغلی سیندی بلیم بو سیل خونـیــــدی دیلدن جماله باغلــــیورام شکسته دیل قیزون اوخشور سنی، من آغلیورام غرض اینکه ائیتدیگین وصیت نظرلردن دوشجاخ فدک اوسته فاطمه نین سینسی اودان یاناجاخ درگه آل رسوله اوت سالیپ قوم ظلم عزرائیل اذن ایستیـن درگهیوی یاندیراجاخ ༺༺༻༻ *زهرا دیـور باباجان* نه روا مجلس شورا قـورالار رأی آلوپ درگهیـــمی یاندیرالار نیلمیشدیم آی بابا، منه کوچه ده سیلی ویرالار چون یاندی قاپی بیتیده غم ناله سی گلدی ظلم عرشه چاتوپ، عرشیده ماتم سسی گلدی یاندوخجا قاپی توسدو داغیلدی گوی اوزونده مظلوم امامین باشینا غم سایه سی گلدی غمون عـلینی ایلدی غم آشناسی فاطمه گتوردی تنگه سیـنمی سینون یاراسی فاطمه نه اولدی دردیوه دوا نه قالدی محسنون سنه الیم بئلیمده قالدی ای الیم عصاسی فاطمه ༺༺༻༻ گلدی اووقت اولدی که کوفَــده سس دوشدی محرابیده بیــــر باش یارالاندی طبیب عالمه بستر سالیندی پرستاری کمکـسیـز زینب اولدی اولدی بابا جان زینبیوین غصه نصیبی احوالیـوه یانام یاره ویـن یوخدی طبیبی یوردو بو غریبلیک سنی ای کوفه غریبی قویدون آتاسیز زینبی ماه رمضــاندا سن ملاقات ائدوسن خالق سبحانـی بابا بس کیمه تاپشوروسان زینب نالانی بابا بولوسن یوخدی آنام قلبیمی آرام ایلیه آتاسیز قویما قیزون زینب نالانی بابا ༺༺༻༻ لبالب ائتدی ساقی زمانه زهر ساغرین که پاره پاره زهریله ائدوب حسن جگرلرین نصف شبیدی یاتـمیـشیـدی اهل مدیــنه بیـرفاجعه اولدی که اوایش تازه دن اولماز مظلوم آقا آهیله همان کـوزه نی گوتدی سو ادینه عالمده بئله زهر ایــچن اولماز ایشجک دیدی زینب جگریم گل اوتا دوندی قارداشه باجی اولماسا تســکیـن ویرن اولماز هئچ کیمسه غریبلیکده امام حسن اولماز آند اولسون حسینه بیله مظلوم اولن اولماز *دئدی حسین، قارداش* سن باخوب بو طشته یانما، توکمه چوخ اشک بصر من باخوب بوطشته یانّام، سالّام آفاقه شَـرر سن گورورسن طشت ایچینده لخته خون جگر اما من بیــر کسیـک باش، قانـلی لب دندانـی قارداش آغلاما ༺༺༻༻ اولسون سلام فاطمه بوسه ووران باشا نوک جداده شام یولوندا دوران باشا یاامام زمان عذر ایستورم آقاجان سن دی تامنده دیــــوم اولسون سلام آلنینی داش سیندیران باشا اولسون سلام مجلس ابن زیادیده طشت طلا ایچینده قانلی گوزیــن آچیپ اوسرایه باخان باشا حسین قارداش نه باخان وار پوزولان حالیمه نه گوز یاشیما یوخدور کمگیـــم چاتمور الیم حیف ابالفضل قارداشیـما سسلورم داده گله قمچی ویریلار باشیــما یدی قارداشی اولن زینب غم دیده منم قلبی قانلان دولی ال باشدا حسینیم دینم حسیــــــن ۳ روضه پنج تن آلعبا ع التماس دعا 🙏

نوحه وسینه زنی حضرت ام البنین سلام والله علیها گل ئولورم باغلا گوزوم ابوالفضل ابوالفضل واردی سنه چوخلی سوزوم ابوالفضل ابوالفضل ایلیورم سندن اوغول گلایه گلایه آیریلقون سالدی منی بلایه بلایه گلم اوغول صبح و مسا نوایه نوایه تیز گله سن قالخار الیم دعایه دعایه یوخدی بالا منده دوزوم ابوالفضل ابوالفضل غصه منی دهریده وای یوروبدی یوروبدی گلشنی عمریم سارالوب سولوبدی سولوبدی گور آنوین قلبینه قان دولوبدی دولوبدی گرد ئولوم صورتینه قونوبدی قونوبدی قویما قالا یولدا گوزوم ابوالفضل ابوالفضل غصه لریم مندن اوغول دانیشدی دانیشدی شعله لنوب سینم اودم آلشدی آلشدی کوز کیمی وای بو ئورگه یاپیشدی یاپیشدی خون دلیم گوز یاشیما قاریشدی قاریشدی تیز بالا گل آخدی گوزوم ابوالفضل ابوالفضل التماس دعا سیفعلی رستمی

🎧حاج بهروز سیفی اردبیلی 🎙اول آغلاردی حسینه صونرا اوغلانلارینا روضه خانم ام البنین(س)😭😭

‍ * زبانحال جناب ام البنین (س) * ای یثرب ارا ائللریمون دلبری عباس هرسوز باشی اولدی دیلیمون ازبری عباس بیکس نه نوون یولدا قالوب گوزلری عباس یولاره باخوب هی دئدیم اوغلوم گله جکدی گورسم اوجا قدین ئورگیم دینجله جکدی بایرامدا وئرللر بالا هر ائولره زینت تازه گینر خوردا بویوک وار بله سنت اما نه نووه سیر قضا وئرمدی فرصت تقدیر الی ایستوردی منه پای بله بولسون قالدی قاپومیز باغلی اباالفضل نه نون ئولسون گوندردون اوغول پای ،منیده ایله میسن یاد سوغاتون ائویمده ائلیور منظره ایجاد قانلی علمون گلدی اباالفضل ائوون آباد هر دم یل اسر قانلی علم ایلر اشاره آلام سینه مه پرچمووی من گونی قاره هر صبح آچیلاندا چیخارام سیر خیاله گللم تزه بیر نوحه یلن بیرده مقاله گون باتجاقین اما باتارام بحر ملاله بیر داغلی شقایق بالا قلبیمده دی سولماز سون سیز نه نوون هئچ کیمیله گئت گلی اولماز بیر گون آنالار انجمنینده منیدیم باش بیرده قیدیدی اوکچن گونلریمیز کاش بختیمله اولیدی گنه بخت اولدوزی یولداش اول من ئولیدیم منیم ئوز یاسیم اولیدی تابوتیمی حمل ائتمگه عباسیم اولیدی تقدیر الی افسوس منی غملره سالدی نورسته جوان ئولدی،قوجا بیر ننه قالدی بیر نسگیلون اما منیم آرامیمی آلدی یاننام بو غمه کلک قضایا بله یاز دی بیر خورداجا قبری اوجا بوی اوغلوما قازدی بایرامدا اوشاقلار گینر تازه لباسی گوررم بالوون تازه لنر آه و نواسی وئروک ال اله اوندا دوزولسون غم اساسی مشکیله علم ساخلاماقی سینه می داغلار هردم دایانار آستاندا غصه دن آغلار (نادر ) گنه ده یادووه سال نهر فراتی نهر اوسته یاتان صاحب حسن و حسناتی صدقیله چالیش تا چالاسان باب نجاتی سوز صاحبینه سعی ائله سوزلر اثر ائتسون تا قانلی گوزیله سنه مولا نظر ائتسون ✍محمدرضا_غالبی_تبریز_آلانق #وفات_حضرت_ام_البنین_سلام_الله_علیها

ا🌺☘️🥀🌼🍀 ا🌾🌸🌷 ا🥀🍃 ا🌾 #رحلت حضرت ام البنین سلام الله علیها # مادر حضرت ابولفضل(ع) ✍استادسعیدی 🎤مهندس حاج علیرضاداداش نژاد میاندوآب 🎼 دستگاه همایون ای ولایت باغینه بیر باغبان ام البنین بعد زهرا سن یارادّون داستان ام البنین گوگلوم ایستور روح پاکون پرفروزان یاداولا چون بوگونلر رحلتوندی بی گمان ام البنین کاش اولیدوم زائرون خاک بقیع ده بوزمان دم دوتیدیم عاشقانه روضه‌خوان ام البنین آدیوی لایقدی خامه یازسا غیرت مادری مرتضی نون درگهینده مهربان اما البنین ایستورم اعلان ائدم اهل عزا آگاه اولا مادرِ باب الحوائج وئردی جان ام البنین پر ووروب روحی بدنن چیخدی پرواز ایلدی گئتدی دنیادن اولوب خلد آشیان ام البنین باغبان یازدوم که یعنی کربلاده سهمی وار کربلایه هدیه وئرموش دوردجوان ام البنین قبری زهرا قبرینه اولموش مجاور بوخانم گنبدی، صحنی ننم تک آسمان ام البنین شُهرتی والادی زهرانون یئرینده اگلشوب عاشقانه با صلابت پُر توان ام البنین لایق اولمازهرکیم اولسامرتضانون همسری یاگرک زهرا اولا یا باغری قان ام البنین بو سعیدی دیده گریان گلدی باب حیدره سن حساب ایله اونی بیرپاسبان ام البنین 🌺 🌾🍃 🌿🌸⚘️🌼 🌱🍁☘️🌾🥀🌼🍂☘️

#مداح اهلبیت حبیبی #زبان حال خانم ام البنین(س) غملی قاپیا قاره علم ویرمشام اوغلوم هر هفته سنه بزم عزا قورمشام اوغلوم اولماز بئله هیات ، بئله یاس ،دور زمنده حالیم پوزولوب زینب آچیق روضه دینده گل صورتووه باشدان آخان قانووه قربان اصغر آناسیندان اوتانان جانووه قربان شاعر! محمدی (ناعـــــــم )

🔸 وفات حضرت ام البنین🔸 🖋مرحوم انور اردبیلی خاک بقیعده قلبه موثر مزاری وار نه سایبانی وار نه اقلا حصاری وار مین دوت یوز ایلدی اول قبریده بیر شمع یانمیوب ظالم جماعتون نقدر گور فشاری وار قویمولار قویسالار چوخ اولار قبرینی اوپن عباس آناسیدور هامینون انتظاری وار ام البنین حسینه گوره هر ندن گیچوب کرب و بلا چولونده نچه یادگاری وار ام البنین حسینینه عباس بسلییوب عباس بسلین آنانون افتخاری وار دورد اوغلونا همیشه دیردی او خوش مرام هر دوردوزی حسینیمه من ویرمیشم غلام زینبدن ایتدی کرب و بلا صحنه سین سوال شعله چکن زماندا قیزیم آتش قتال عباس حسینه ائتدی نه اندازه کمک تعریف ایله گوروم نقدر ایلدی جدال هیچ کیمسه روبرو اولا بولمزدی اوغلوما دگسون یارا قباقدان اونا امریدور محال گیزلتمه صحبت ایله نیستان سوزون منه اوردا ایشیتمیشم بالاما یوز ویروب ملال زینب دیدی آنا سوزی واضح دینمرم واضح دیسم اولار سن اوچون مایه ی خیال وار حقی بوینوموزدا ابوالفضلیون آنا ایمنده ساخلامیشدی بیزی اول وفا خصال نهر فراتی آلدی حسین سیز سو ایچمدی ایتسون بلند مرتبه سین حی ذوالجلال راضیدی گوزلرون ویره مشگینده سو قالا افسوس کوفه اهلی اونا ویرمدی مجال ام البنین درک ایلینده بو سوزلری احسن دیدی اوغول صودومی ایلدیم حلال سندن باجون رضایت ایدوب منده راضیم یاخشی اوغول آنانی ایدر صاحب جلال قوی یثرب اهلی شهریده یالقوز دیسون منه دشمنلریم گورنده اوغولسوز دیسون منه ✨اَللّهُمَّ عَجِّل لِوَلیِّکَ الفَرَج✨

🏴وفات اُمُّ البنین🏴 در سبک دور ای بهاریم گل یاسمنیم ✍شاعر : علی عبدی گل ای امیدیم منیم دادرسیم دوشوب شماره اوغول بو نفسیم گوزوم سَپَر سو گلن یوللاریوا فدا اولوب من دوشن قوللاریوا گل منه آغلا بالام سینوی داغلا بالام گوزلریمی دیمَرَم من سنه باغلا بالام امُّ البنینم اوغول زار و غمینم اوغول 🏴🏴🏴🏴🏴 دوشوب اباالفضل ایشیم ایندی سنه وار احتیاجیم منیم آق کفنه یوبانما تز گل گوروم صورتیوی قورخورام ئولم اوغول سن گلنه قلبیمی غملر آلوب آهیم عرشه اوجالوب اَمَّ بنین آناوی گل نجه گورقوجالوب امُّ البنینم اوغول زار و غمینم اوغول 🏴🏴🏴🏴🏴 فلک بلایه سالوب باشیمی گل یانیمدا اَیلش اوغول آزجا دینجل اَلینکی یوخدی اَلیمدن یاپیشان یارالی باشیوه قوی من چکوم اَل یاره لی خسته بالام قلب شکسته بالام چیخمامیش جانیم اوغول گل سینم اوسته بالام امُّ البنینم اوغول زار و غمینم اوغول 🏴🏴🏴🏴🏴 گرک ئولیدیم سن ئولنده بالا اوخیلا آندین سوکولنده بالا یوز اوسته قولسوز یارالی بدنین او قوملار اوستونه گلنده بالا ئولمدی گرچه آنان گوزلریم اولدی فغان گونده یوزیول من ئولوب هی دیریلم بالا جان امُّ البنینم اوغول زار و غمینم اوغول ✨اَللّهُمَّ عَجِّل لِوَلیِّکَ الفَرَج✨

‍ زبانحال حضرت ام البنین سلام الله علیها عباسیم ای غم پروریم بنددلیم تاج سریم گل جان وئرورامّ البنین یولداقالوبدی گوزلریم آخر نفسدی آی بالا گل چال منه لایلای بالا دلده قراریم هارداسان زیبانگاریم هارداسان آچ شهپرون پرواز ائله باز شکاریم هارداسان زیبا جمالی آی بالا گل چال منه لایلای بالا ام البنینم خستیم اوغلوم سنه دلبستیم گل قاز بقیعده قبریمی زهراجانی جان اوستیم یوخ بیر کسیم ایوای بالا گل چال منه لایلای بالا گوز یاشلی عاشق قان اوتار تئزگل بوهجرانی قوتار گلسنده یوخدوراللرون تابوتیمی بس کیم دوتار سالّام حجازه های بالا گل چال منه لایلای بالا من آه اکوب وای درمیشم جنگه اوغول گوندرمیشم ایندی گلن یوخ یاسیمه یوزقبلیه دوندرمیشم بیربیر ملالیم سای بالا گل چال منه لایلای بالا گوز یولدا قالدیم گلمدون هی دردون آلدیم گلمدون گئتدون اوجاقامت بالا سنسیزقوجالدیم گلمدون گوندر منه بیر پای بالا گل چال منه لایلای بالا گل باشیمی آل دامنه روحیم گلور مهمان سنه قانلی علم سینمده دی بوبیر نشان بسدور منه گلمز بالاما تای بالا گل چال منه لایلای بالا جواب حضرت ابوالفضل علیه السلام ای قامتی چوگان آنا آلدیم پیامون جان آنا گل میزبان اولّام سنه ای جنته مهمان آنا دینجلدی روحون آی آنا لایلای آنا لایلای آنا معناده یار اولّام سنه باز شکار اولّام سنه جنتده حزن اولماز ولی من سوگوار اولّام سنه آغلار گوزون یوم دای آنا لایلای آنا لایلای آنا بیلّم آناجان خسته سن عباسیوه دلبسته سن جسمون اَریتدی غصه لر چوخ آغلاما جان اوسته سن من اولدوزام سن آی آنا لایلای آنا لایلای آنا آخر نجه دفنه گلیم آگاهسن یوخدور الیم گل نازیمی جنتده چک باش دامنونده دینجلیم بیربیر یارامی سای آنا لایلای آنا لایلای آنا صود وئردیگون شیرم آنا قان ایچمیشم سیرم آنا گلسم حسینیم تک قالار نیلوم نمک گیرم آنا یاندیم دئمه آخ وای آنا لایلای آنا لایلای آنا مادر قوجالسا ناز ائدر دل دردینی ابراز ائدر السیز منی گورسن اگر روحون قوشی پرواز ائدر اولماز امکلر زای آنا لایلای آنا لایلای آنا عاشق گرک دل داغلاسین یاریله پیمان باغلاسین وئر پرچمی ئوز اوغلوما قوی یادگاری ساخلاسین مندن اونا وئر پای آنا لایلای آنا لایلای انا شاعراستاد کلامی ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب سلام الله علیها در فراق مادر به سبک گیجه لر سنسیز یاتابلمورم بانوای :#سلیم_نظرآباد_منوچهر_حسن زاده بهار عمرومین گولی صولوبدی سنسیز آی ننه بهاردا ابر تک اورک دولوبدی سنسیز آی ننه غم غصه دن اورکیم یانار آنا فرقتی نه چتین اولار یادیما دوشر او یاتان یئرون منی یاندیرار غم بی شمار چتیندی فرقتین منه فدا اولا جانیم سنه دالینجا قالدی گوزلریم هارا گیدوبسن آی ننه سنی من سراقلیوب آغلارام دیزیمی قوجاقلیوب آغلارام سنی غصه مرگ ائدوب اهل کین باشا قاره باغلیوب آغلارام ملتمس دعا مهدی ملکی

احوالات ام البنین س ✍بقلم :محمدرضا محمدی(ناعم) 🎼 سبک: ویرانده نازلی بالام 🏴🏴🏴🏴🏴🏴🏴 غمدن نوایه گلمیشم یثربده بی یارم دورداوغلومون هجرینده من محزون وبیزارم دورت قبری ترسیم ائتمیشم خاک بقیعده من من بیراوغولسوز مادرم زارم عزادارم دردیله سرشارم زائرم عزادارم ▪️▪️▪️▪️▪️ گتدی جلال وعزتیم غملرمنه قالدی اوغلانلاریمون فرقتی آرامیمی آلدی عباس نام آورغمی دام غمه سالدی بوزندگیدن دویمیشام مدتدی بیزارم دردیله سرشارم زارم عزادارم ▪️▪️▪️▪️▪️▪️ غملی اوغولسوزمادره زندان اولاردنیا ذکری اولارشام وسحر افغان وواویلا منده اوغولسوزمادرم آزرده وتنها قان آغلورام هجرانیدن پیچیده افکارم دردیله سرشارم زارم عزادارم ▪️▪️▪️▪️▪️ زینب دیوب عباسیمون اوج وفاسیندن تپراقه دوشموش پیکر سرو و رساسیندن اولموش خجالت گوییا اولادیاسیندن عباسیمه الاندامن غمگین وغمخوارم دردیله سرشارم زارو عزادارم 🏴🏴🏴🏴🏴🏴 ✍محمد رضا محمدی(ناعم) ✨اَللّهُمَّ عَجِّل لِوَلیِّکَ الفَرَج✨

زبانحال حضرت ام البنین (سلام الله) به حضرت رباب (سلام الله)    (سنی اصغر جانی عباسی حلال ایله رباب)   بیر گون ایلشمیشیدی آل علی بیر یرده سینه لر تنگه دوشوب گلدی اورگلر درده   اوغلی ئولمیش ننه لرقارداشی ئولمیش باجیلار کربلا واقعه سین یاده سالوب آغلادیلار   بیر قوجاعورت اودم عجزیله دوردی ایاقا آل حیدر باشینی سالدی حیادن اشاقا   ایاقا دورماغی گرم ایلدی حضاره یاسی او خانم ام بنینی دی اباالفضل آناسی   سرو تک آچدی او دریای حیا خولارینی زینبین گردنینه سالدی اوزون قولارینی   دئدی قارداشلاریون بوردا یری بوشدی خانم بو سنیق قلبیوی آرام ائلسم خوشدی خانم   ائله قلبیم داریخور آه ونوادن دانیشون بیر نچه جمله منه کرب وبلادن دانیشون   خبریم وار بالامون یاره سی حددن چوخودی اورگین قان ائلین گوزده که اوچ پر اوخودی   بو سوزی فاش ائت ایاق اوسته دایاندیرما منی هرغمیننن چوخ اونون هانکیسی یاندیردی سنی   دئدی زینب اونا ای مادر شجعان عرب نیه خاطر ائدیسن زینبه گوندوزلری شب   پارچالانمیش بدنین فاش ائدیم آیا هاراسین نجه اظهار ائلیوم باشدا عمودین یاراسین   اوچ پراوخ آننینا دگدی اورگی قان اولدی قولارین سالدیلار آواره میدان اولدی   دیه بیللم که بیزیم قلبیمیزی داغلادیلار بدنین باشدان ایاقه بالاوین دوغرادیلار   قطعه قطعه ائلدی پیکرین اشرار زمان او اوجا قامتیلن قبری کیچیکدی هامیدان   دئدی؛زینب بولاری فاش ائلیوبسوز بیلورم بیر سوزوم واردی ولی یاده دوشنده ئولورم   بالامون غیرتی حددن چوخودی سن بیلوسن اونی سقا ائلمیشدی سیزه سلطان زمن   دئ گوروم خیمیه سو گتدی که من راحت اولام یا که شرمنده اولوب سیزدن او غیرتلی بالام   بویوروب حضرت زینب اونا آی غملی آنا یار وانصار حسین هاموسی باتمیشدی قانا   یوخودی داده چاتان خیمه ده غوغائیدی بیر حسینیون کمکی یاوری سقائیدی   هامینون خیمه ده امیدی گلیردی بالووا بالالار منتظریدی گده عباس سووا   تا سومشگین گوتوروب ایلدی میدانه شتاب اللرین قوزادی شکر ایلدی خلاقه رباب   آلدی آغوشه سوسوز طفلین او دریای وقار دئدی صبر ایله بالا پیس گونون عمری آز اولار   گربیر آزصبر ائلسون خانه دردی ییخارام گلسه سو خیمیه شرمنده لیگونن چیخارام   صبحدن گر چه ربابین گونوزی شامیدی تا علم یاتمامیشیدی بیرآز آرامیدی   ولی ناگه بو خبر خیمه ده طوفان سالدی دئدیلرئولدی اباالفضل حسین تک قالدی   ایستمیردوم بو سوزی فاش ائلیم اولده علی اصغر سوسوز اوخلاندی ننه مقتلده   سیخدیلار ام بنینون بو مصائب اورگین دیزی اوسته اوتوروب دوتدی ربابین اتگین   دئدی بیر سوز دیورم سعی ائله سن رد ائلمه اوغلی ئولمیش ننیه چاره یولین سد ائلمه   ائله قلبیم داریخور رفع ملال ایله رباب سنی اصغر جانی عباسی حلال ایله رباب #وفات_حضرت_ام_البنین_سلام_الله_علیها

احوالات ام البنین س ✍بقلم :محمدرضا محمدی(ناعم) 🎼 سبک: ویرانده نازلی بالام 🏴🏴🏴🏴🏴🏴🏴 غمدن نوایه گلمیشم یثربده بی یارم دورداوغلومون هجرینده من محزون وبیزارم دورت قبری ترسیم ائتمیشم خاک بقیعده من من بیراوغولسوز مادرم زارم عزادارم دردیله سرشارم زائرم عزادارم ▪️▪️▪️▪️▪️ گتدی جلال وعزتیم غملرمنه قالدی اوغلانلاریمون فرقتی آرامیمی آلدی عباس نام آورغمی دام غمه سالدی بوزندگیدن دویمیشام مدتدی بیزارم دردیله سرشارم زارم عزادارم ▪️▪️▪️▪️▪️▪️ غملی اوغولسوزمادره زندان اولاردنیا ذکری اولارشام وسحر افغان وواویلا منده اوغولسوزمادرم آزرده وتنها قان آغلورام هجرانیدن پیچیده افکارم دردیله سرشارم زارم عزادارم ▪️▪️▪️▪️▪️ زینب دیوب عباسیمون اوج وفاسیندن تپراقه دوشموش پیکر سرو و رساسیندن اولموش خجالت گوییا اولادیاسیندن عباسیمه الاندامن غمگین وغمخوارم دردیله سرشارم زارو عزادارم 🏴🏴🏴🏴🏴🏴 ✍محمد رضا محمدی(ناعم) ✨اَللّهُمَّ عَجِّل لِوَلیِّکَ الفَرَج✨

زبانحال حضرت ام البنین یئتیش هراییمه ای مهربان ابوالفضلیم اجل گلیب ئولورم هارداسان ابوالفضلیم آنان فدا اولا ای مهربان اوزون قولووا باخیرام حسرتیله من سنین گلن یولووا اگر چه صدمه یئتیب کربلاده صاق صولوا گوزتلییرم یولوی باغریقان ابوالفضلیم اگرچه گویلومی درد و غمین شکار ائلییور غمینده بیکس آنان دایم آه و زار ائلییور ولیک سن کیمی جانانه افتخار ائلییور فدا اولا سنه مین بیله جان ابوالفضلیم گورنده سو چکرم بو یانیقلی دیلدن آه سارالدی سوز عطشدن او چولده ال الله قولووی سالدی سو استونده لشگر گمراه نحاله قالدین اوساعت امان ابوالفضلیم بهار عمریمی هجران گلیب خزان ائله دی صفالی گلشنیمی آیریلیق تالان ائله دی آنان بیر عمر غمین سینه ده نهان ائله دی اورک یانیر آلیشیر هر زمان ابالفضلیم منه یئتردیله کرب و بلا حکایتینی ایئشیتمیشم باشیوین موبه مو مصیبتنی آنان باخیب یولا توکدوقجا اشک حسرتینی دیلینده ازبر ائدیب وای جوان ابوالفضلیم اوغول سو اوسته کی پیکاریوه آنان قربان وفا و همت و ایثاریوه آنان قربان گوزل رویه و افکاریوه آنان قربان صودوم حلالین اولا قهرمان ابالفضلیم اجل یئتیشدی اوغول حالیمی اوزوم بیلیریم خوشام که رنج و بلادن بیرآزجا دینجلیره م سنون زیارتیوه ای عزیز جان گلیرم قفس اولوب منه سنسیز جهان ابالفضلیم طریق عشقیده طی ره صواب ائله دین فدا سنه که حسین سیز سوا جواب ائله دون سویی خجالت ائدیب عالمی کباب ائله دین سوسوز دوداقیوه قربان آنان ابالفضلیم #هوشمند #مدهوش

نوحه قتلگاه شاعر✍لاادری ای پاره پاره پیکر حسینیم قاندان سالوبسان بستر حسینیم هیچ لاله سینون تک پرپر اولماز داشلاردان سلطانه بستر اولماز ال باشدا قاشدیم گلدیم هرایه گوردوم سالوبلار جسمین آرایه گویا گلوبدی حاجی منایه من باخدیم قربانلق تک دوغراندون گوردون منی غیرتدن اوتلاندون ای شمع عشقه پروانه قارداش تل اوستن باخدیم میدانه قارداش گوردوم دوشوبس طوفانه قارداش گوردوم اوپور خنجر لر سینوندن ال چکموردی کافرلر سینوندن یالواردیم شمره کسمه بوغازین بوباشون زهرا چوخ چچوب نازین بیر قوی قوتارسون باری نمازین باخمادی من اسدین خنجر اسدی قرآنون باشون لب تشنه کسدی بیر یاره واردی درمانی یوخدی درمانه قارداش امکانی یوخدی هرکس وروبدی وجدانی یوخدی سن جان ویرنده گویلر داغلدی ارکان هستی یکسر داغلدی اخیامه بیردن لشکر داغلدی قمچی لر قیزلاری دیلدن سالدی بولمورم هیچ کیم ئولدی کیم قالدی باخدیم نقدری دشتو فلاته گوردوم گلن ی‌خ بیر کس نجاته یوز دوندردیم من نهر فراته سسلندیم هارداسان آی ابوالفضل حسینه گل سن ده لایلای ابوالفضل دوشنبه های امام حسنی امام حسینی شاعر استاد حسین غفاری ✨اَللّهُمَّ عَجِّل لِوَلیِّکَ الفَرَج✨

نوحه قتلگاه 😭😭😭 زبانحال حضرت زینب سلام الله علیها بانوای حاج نادر جوادی🖤☝️

🏴 نوحه ام البنین 🏴 ✍شاعر : علی عبدی سینه ده قانلی لوا ام البنین جان وئریب باشدا قرا ام البنین (کربلادن گل آقا☆قوی آناوی تپراقا) 🏴🏴🏴🏴🏴 جان وئرندن صورا زهرای بتول مرتضی سر سَبد کل عقول زوج دیگر اِئلدی بیرده قبول قویمادی دورد گل اولا زار و ملول همسر شیر خدا ام البنین 🏴🏴🏴🏴🏴 آدین اَوَّلده عوض ایتدی گلین چوخ محبتله ائوین دورد گوزلین ئوپوب ائیلردی خانم ام بنین او یتیملر باشینا گونده اَلین چکوب اِیلردی دعا ام البنین 🏴🏴🏴🏴🏴 سووشوبدی نئچه ائیللر نئچه آی ویردی الله بونادا دورد بالا پای اوجا قامتده اولار بیر بیره تای گورمز عالم اولارون مثلینی دای فخر اِئدردی اولارا ام البنین 🏴🏴🏴🏴🏴 گئچدی ائیللر اولوب عاشور بلا دورد اوغول اِیلدی جان دینه فدا قییدوب یثربه یورقون اُسرا تا ئولن لحضه به یاد شهدا باشینه سالدی قرا ام البنین 🏴🏴🏴🏴🏴 جان وئرن وقتیده بانوی کرم باسدی ئوز باغرینا بیر قانلی عَلم کربلایه دولانوب دیده سی نم دیدی گل اوغلوم اباالفضل ئولورم قویما حسرتده قالا ام البنین ✨اَللّهُمَّ عَجِّل لِوَلیِّکَ الفَرَج✨

مزاره گوز یاشی سوغات آپاردی ام البنین غم وملالیلن عمرون قوتاردی ام البنین اوغولسوز ئولدی الهی اوغولارین آناسی ئوزی بقیعده یاتوب کربلاده دورت بالاسی (یانایانا دییر ابوالفضل ئولورم) آنان ئولنده آقا بوش ایوین بوجاقینده دیله قالموشودی پرچمین قوجاقینده (ابوالفضلین قانلی علمین قویوردی اورگینین باشنااله یانایانا دییردی بالا اوجا بویوا ننون قربان) خیالی قبریوین اوسته گونوزلر آغلاردی (گیدردی قبرستان بقیعه دورت دنه قبر دوزلدردی خانم یوزون قویاردی اوقبریلرین اوستونه دیردی بو عونومون قبری بوفضلیمین قبری بو جعفرین قبری بودا ابوالفضلین قبری) خیالی قبریون اوسته گونوزلر آغلاردی گئجه گلردی ایوه مشکیوی قوجاخلاردی (اوغلی ئولن ننه اولسا گذشت الر ؛الله نه چتین اولار ننه نین اوغلی ئوله ایوینده نشانه سی قالا یادگاری قالا) دیردی قانه باتان مشکیوه ننون قربان خجالتینن آخان اشکیوه ننون قربان بالا من گیدن وقتیده هر مجلسه هر انجمنه یر ویرردی ننه لر عرشه مجلسده منه ظلمدی گوردوگی گونن دالی هر کیمسه قالا ایندی هیچ مجلسه دعوت الین یوخدی بالا #روضه_ام_البنین_س

ای عزاداران گلون ام البنینون یاسینه آغلیون ام البنینه هم گؤزل عباسینه . دولدورون گؤز کاسه سین اشکیله سیراب ایلیون قطره تک ملحق اولون آل علی دریاسینه . جان وئرور بیر شیرزن أؤز شیرینون فکرینده دی آغلیور کرب و بلانین مرد با احساسینه . تعزیه قورموشدی از بس گون ائوینده اوغلونا ابر غم سالمیشدی لکه صفحه سیماسینه . دلده یاره بستر محنتده افغان ایلیور عالم آغلور ناله و فریاد واویلاسینه . منتظردور گؤزلری جان اوسته عباس آختارور حقی وار اوغلون چاغورسون لحظه حساسینه . سسلیور عباس من گل قبلیه دؤندر منی دوش یولا کرب و بلادن کفن و دفن اجرا سینه . بیرخانمدوربسلدی أؤز دامنینده شیر نر فاطمه اوغلی حسینون روز عاشوراسینه . گرچه شخصا گؤرمه میشدی کربلا هنگامه سین نوحه خوان اولموشدی دشت نینوا غوغاسینه . گه دییردی یا حسین گاهی ابالفضل آدینی سس قوشاردی آغلیاندا اکبرین لیلاسینه . یادینه دوشسیدی هر دم دلبر بالا قدی گؤزلرین دریا ائدردی کربلا سقاسینه . اوغلونون عطرین آلاردی اوغلی عبداللهیدن انکساریلن باخاردی صورت زیباسینه . قامتی یاده سالاردی سرو قد عباسینی گونده مین قربان دییردی قامت رعناسینه . بیر علم بیر مشک شوقیله سالاردی چیگنینه اوخشاداردی صولتین سردار سر آساسینه . گه دییردی دوش یولا گاهی دییردی دور بالا قوی باخوم قوللاروه قربان گؤزون صهباسینه . الغرض یومدی گؤزون دنیانی ترک ائتدی خانم قالدی حسرت گؤزلری ایستکلی خاطرخواسینه . عفو ائدون بو عاشقی ای کربلا عاشقلری خط شعریمدن چخوم روح عزا معناسینه . با حیا ام البنینون با وفا اوغلون یازوم تا پر آچسون مرغ طبعیم شاخه طوباسینه . اعتراف ایلور گؤزللر بانوی نیکو فرین تک ابالفضلی دیر یوز مریمون عیساسینه . بس کرملیدور آقام باب الحوایج آدلانیب مریمون عیساسی چاتماز قدرت انفاسینه . بیر باخیشلان مین مریضون دردینه درمان ائدر شیعه لر قربان ابالفضلون ید بیضاسینه . گر اینانمورسوز دیون عیساده گلسون ٬ کورده تا شفا وئرسون اونون بالمره نابیناسینه . ائتدی ابراز عشقینی ام البنینون دلبری هم حسینه هم حسینون حضرت زهراسینه . گؤر نئجه وارسته دی وارسته لر وارسته سی سود دنیانی ساتوب عقباسینون سوداسینه . اؤوجونا آلدی سویی اما حسین سیز ایچمدی بیلدی ایچسه خدمتی ناقص اولار مولاسینه . دولدوروب مشکی خیالی اولدی آسوده بیر آز ایستدی آسان یتورسون دست آل یاسینه . دوشدی نخلستان یولوندان افتخاریلن یولا تا وئره روح حقیقت اصغرین رویاسینه . حیف جلاد اجل کسدی خیامین یوللارین گلدی سقایرلب عطشانین او دم دعواسینه . آلنینی تیره هدف باشون عمودیله ووروب صدمه یتدی ابتلادن پیکر و اعضاسینه . قول دوشوبدور بیر یانا مشکیله پرچم بیر یانا مشکینون اوخلانماقی چوخ آرتیروب ایذاسینه . آرخاسی اوسته عقاب اوستن دوشوبدور تپراقا فکر ائدور عطشانلارین احوال جانفرساسینه . سسلدی شرمندیم قارداش أؤزون گل سو آپار خاتمه وئر قیزلارین فریاد واویلاسینه . قسمت ائت #معروفه یارب کربلاده آغلاسون آند وئررم هم حسین هم زینب کبراسینه ✔️ رباعی سو اولماسا آغاج بیتوب بار آشماز غریب لرین هر کس حالین سوروشماز داخی منه ام البنین دئمیون اوغلوم ئولوب بو آد منه یاراشماز #حضرت_ام_البنین_س #عباسی_معروفان_اهری

زبانحال حضرت ام البنین سلام الله علیها من ام بنینم شرف الناسیم ئولوبدی سرویم یخیلوب طیب الانفاسیم ئولوبدی ایراد ائلمون گوزیاشیم آلقانه دولانسا غیرت یلی حیدرصفت عباسیم ئولوبدی ام بنینم ام بنینم غر یب و تنها یم ام بنینم ام بنینم کنیز زهرایم من ام بنینم منی غم سالدی فشاره دورد اوغلوم ئولوب گیمیشم علت اودی قاره دورد اوغلومون هرتک تکی قرآنه فدادی حاشا دییم اولدوم بو سببدن گونی قاره ام بنینم ام بنینم غر یب و تنها یم ام بنینم ام بنینم کنیز ز هرایم من ام بنینم باخارام قانلی لوایه رو حیم پر آچار اشک فشان دشت بلایه عباسیمی گورم سو کنارینده لب عطشان قولسوز یوزی اوسته یخیلوب قانلی منایه ام بنینم ام بنینم غر یب و تنهایم ام بنینم ام بنینم کنیز زهرا یم یانام دییرم جان بالا ئولسون ننون ئولسون باشیندن آخورقان بالا ئولسون ننون ئولسون آتدان یوزی اوسته بالا قولسوز یخیلوبسان باش یاروه قربان بالا ئولسون ننون ئولسون ام بنینم ام بنینم غر یب و تنها یم ام بنینم ام بنینم کنیز زهرا یم ایوای منه باش یاروه فرزانه لرآغلار عالم بویی احوالیوه بیگانه لرآغلار دورد اوغلی ئولن بیر آنیا م بزم عزاده شمع شرف آغلار منه پروانه لرآغلار ام بنینم ام بنینم غر یب و تنها یم ام بنینم ام بنینم کنیز ز هرا یم جاهد سوزی قورتار ائله گوز یاشیوی جاری یاز نوحه ابوفاضله آغلا گئجه یاری سن گرچه گنهکارسن اما کی جزاده آیدین سحر ایلر سنه مولا شب تاری ام بنینم ام بنینم غر یب و تنها یم ام بنینم ام بنینم کنیز ز هر ا یم ✍منکلام:استادحاج علی پورعلی متخلص به جاهد #وفات_حضرت_ام_البنین_سلام_الله_علیها