حضرت ابوالفضل علیه السلام ای ابوالفضل ای علمدار رشید کربلا اولموسان نهرین کنارینده شهید کربلا وار لزومی کربلاده احترام اولسون سنه ای علینین باوقار اوغلی سلام اولسون سنه ای حسینون با شرف قارداشی ای کان وفا وار لیاقت سنده چوخ باب الحوایج اولماقا گلمیشم درگاهوه سن بیل ننون ام البنین سائلی قوما قاپوندان تا که اولسون دل غمین کیم دیور ال بوش قوناقی گلدی خوش قیترمدون اللرین کیم آچدی درگاهونده بوش قیترمدون ای اولان دعوا گونینده اللری مشکل گشا کربلا دشتینده یورقون جانوه عالم فدا نهرین اوسته گرچه اوخ دگدی سوزولدی ساغ گوزون قولارون بیر بیر کسیلدی مشکله قالدون اوزون دردمندم که دواسی دردیمین یوخدی آقا بیزلری قوما قاپوندان دردیمیز چوخدی آقا بیز سنی سوگند وروخ زینبین چوخ صبرینه حضرت زهرای خاتونین او گیزلین قبرینه اکبر یوسف جمالین یوزدن آخمش قانینه قاسمین آتلار ایاقیندا او چیخمش جانینه حضرت لیلایه که قلبینده وار محنت کوزی جان ورن ساعاته جن دویمادی اکبردن گوزی ای علینین شیرمرد اوغلی که سرور سن منه زینبون تل اوسته سسلردی جانیم قربان سنه دردمنده,نا خوش ایله عنایت ور شفا کیمسه دن کچسون باجوندان لا اقل کچمه آقا دلده من امیدوارم اولماسا خواهش قبول آخرین بند دعادن سائل اولماز دل ملول آند وروک بیز سنی یثربده بختی قاریه حضرت زهرا عروسی قلبی اول صد پاریه لیلیه بیرده ربابه بیرده شیرخواریه اصغرین قنداقه سیلن بیرده بوش گهواریه کچمه بو بیچاره دن که چوخ مصیبت لر چکوب دائم اول گهواره سین یثربده خالی ترپدوب رخصت اولسا دردمندان جهانه ور شفا حضرت صغرایه خاطر ناخوش احواله دوا هرنه وار واللهی سیزده واردور ای دست سخا قرض دارین قرضین ایله اوز خزانوندن ادا در گهوندن دردمندی سالما شرمنده یولا راضی اولما شیعه لردن ناکسه محتاج اولا سن بیل اوز حیثیتون لطف ایله حق اوتقونماسین مردی نامردین قباقینده اوزون تک سینماسین گر چه انسانلیق اولوبدور گور سنه کامل چکر بیر بیر ینین بوبشر آخردا قانیندن ایچر بیر زمان آخر اولار حج اهلی وجدانین ساتار کعبه ده دنیا مالیندان ساری ایمانین ساتار هارداسان یا بن الحسن باغریم اولوبدور قان آقا گل اوزون داده یتیش بو لحظه بحران آقا گل اوزون ایله دعا ای سرور رفرف سوار پردنی گل گول جمالوندن بیر آز ایله کنار گل که ایمانلارین اوسته سالدی شیطانلار لکه قلبلردن کاش بو شیطانی خصلت ال چکه یاخچینی پیسدن گل امداده اوزون تیله آقا مصلحت اولسا یتیش داده ظهور ایله آقا گلسون الساعه اورک لردن پریشانلیق گدر تکلیفی معلوم اولار بو نابسامانلیق گدر ✍منکلام:کربلایی ساسان آقایی اردبیلی  

ای که عباس ایلدی عباسی دامان ن سنون حالات حضرت ام البنین ( س ) . ✍️ #زبدةالاشعار ✍️ . . حاج داود بیدق داری . ای که عبّاس ایلدی عبّاسی دامانون سنون شهرۀ عالمدی ایثارینده اصلانون سنون . السّلام ای دورت ذبیحین هاجری امّ البنین ای که صبرین عالمی صبر اولدی حیرانون سنون . گر دئسم بیجا دگول ای دورت مسیحین مریمی عالمین عیساسی دور عبّاس عطشانون سنون . لطف حق شامل اولوبدور گلمیشم درگاهووه فخریدور هر نوکره اولسون ثناخوانون سنون . اوچ ستاره بیر گونون افلاک نور افشانی سن پرتو افشاندور بقیعه نورایمانون سنون . کربلا اولدی بقیع سن آغلیاندا اوغلووا جلوه لندی گوزده گویا تشنه قربانون سنون . سسلدون ای قولّاری تندن جدا عبّاس اوغول ئولدورور بو بینوانی درد هجرانون سنون . ای ئوزی دریای غیرت نهری تشنه ساخلیان هانسی موجیله دایاندی چولده توفانون سنون؟ . بیر سوالیم وار ولی کیمسه جوابین وئرمیوب گوزلیور آلسین جوابین دیده گریانون سنون . قوی سوزی واضح دئیوم، قبرون دئیوللر خیردادی بس نجولدی قد چون سرو خرامانون سنون؟ . گورمدیم اما ائشیتدیم بیر گوزونده اوخلانوب سجده یه منجر اولوب میداندا جولانون سنون . اوخ زمینگیر ایلیوب یوخسا حریف اولمازدیلار گورمیوبدور دشمنی چشم دُر افشانون سنون . کیم یخیلسا اللرین اوّلده حایل ایلیر ال بدنده اولمادی سخت اولدی آسانون سنون . من بئله درک ایلدیم زینب دئینده مرثیه یئر گوی اهلی اولدیلار یکسر نواخوانون سنون . نیسگلون یاده سالاندا ائللریم آغلار سنه آغلادار اهل ولانی کام عطشانون سنون . حمدلله روسفیدم محضر زهراده من آخرین دمده اولوبدور اوردا مهمانون سنون . فاطمه گر راضی اولسا سندن الله راضیدی بو رضایت نامه دور محشرده عنوانون سنون . گر گلایه ایلورم جور فلکدن حقلیم جوریلن خاموش اولوب شمع شبستانون سنون . دورد اوغولدان بیر جنازه گلمدی قبره قویام نیله سون بو درد محنت باره نالانون سنون . سن که یوخسان دلخوشام عبداللهیله ایوده من ایلیر اوغلون تلاوت گونده قرآنون سنون . گوئیا سنسن ائله اوخشور ابالفضلیم سنه نوریوه آئینه لطف ایلوبدی یزدانون سنون

#بِسمِ_الله_الرَّحمنِ_الرَّحیم #احوالات_خانم_حضرت_اُمَّ_البَنین_س ********* من اُمّ بَنینَم غمیم عالم لری داغلار دنیا نَقَدَر وار منیم احوالیمه آغلار سایسان نَقَدَر دهریده گَلمَز سانا دردیم دنیا غمی بیر یانه منیم بیر یانا دردیم قویدوم من اوگوندن کی قدم جاده ی عشقه ال ووردوم او گوندن کی بئله باده ی عشقه خدمت ایلدیم من نئچه شهزاده ی عشقه فخریله کنیز اولدوم او گوندن حَسَنِینه بیر عُلقه ی مخصوص ولی تاپدیم حسینه زهرا ائوینون اولموشام عزتلی کنیزی هر چند کنیزم ولی عالَم لر عزیزی افسوس اُولادرک ائتمدیم اُول ماه حجیزی فریاد بو چرخ فلکین داد الیندن هئچ قویمادی بیر لحظه اولام شاد الیندن تا اسدی خزان گلشنیمون گل لری سولدی غم باده سی جامِ دلِ ناشادیمه دولدی دنیاده غم و محنت و ماتم منیم اولدی آهیم اوجالوب عرش خداونده دایاندی یاندیم ولی دشمنلریم احوالیمه یاندی ییخدی ائویمی چرخ فلک کرب وبلاده دورت سروقد اوغلوم واریدی باغ وفاده هر تک تکی بیر شیر کیمی محکم اراده عشقیله گئدوب مقصدومنظوره چاتوبلار ایوای منه کی تشنه سوسوز قانه باتوبلار هر دوردی سراپا شرف و غیرت و ایثار دعوا گونی هر تک تکی بیر حیدرِ کرار پرچم گوتورن وقتیده چون جعفر طیّار ایمان و دیانت لرین ایلوبدولر اثبات ایثار و شجاعت لرینه عالم اولوب مات گلشنده گلِ یاس منیم یاسیمه آغلار احساسی اولانلار منیم احساسیمه آغلار هر عاشق اولان کس منیم عباسیمه آغلار عباس نه عباس هامی غیرته دارا زینب دیوری آلدی سویی ایچمدی اما عباس نه عباس کی خلق ایچره سئچیلدی بیر سرو کیمی قامت رعناسی بیچیلدی از بس کی دَیوب یاره اوجا قدّی کیچیلدی شام اهلی جفادن دئمه بیر لحظه دویوبلار گویا بالامی بیر بالاجا قبره قویوبلار ایوای منیم حالیمه ، احوالیمه ایوای بطلان چکیلوب دفتر آمالیمه ایوای غم تیری دَیوبدور بو پر و بالیمه ایوای عباسیمون احوالی منی خونجگر ایلر دنیایه منیم آغلاماغیم چوخ اثر ایلر عمروم یتوب اتمامه گوزوم یولدا قالوبدی درد و غمِ هجران دلیمی درده سالوبدی آخر نفسیم دور گویه آهیم اوجالوبدی ای باد صبا کرب و بلایه گذر ایله احوالیمی عباسیمه باری خبر ایله سویله آناوین یاسینه گل سینه وی داغلا یوخ آغلیانیم سون نفسیمده منه آغلا یولاردا قالان گوزلریمی لطف ایله باغلا هر چند کی گوز باغلاماغا اَل گَرَک اُولسون ایوای منه یوخدور اَلون عباس آنان ئولسون من شمع وفانین بالا پروانه سی اولدوم وصلین نچه مدتدی کی مستانه سی اولدوم درد و مُحَنین دهریده هم خانه سی اولدوم بیر کیمسه منیم حالِ پریشانیمی بیلمز گوزیاشمی سندن صورابیرکیمسه کی سیلمز چوخلار خانم ایلوبدی سیزه ذکر مصیبت یئتمز باشا گر اهل قلم یازسا بو محنت "دلجو" ده بو طرزیله سیزه ایلوری خدمت عباسیوه خاطر الی بوش ایلمه سنده سال سایه ی لطفون باشیما حشره گلنده ای چرخ وفانین مهِ تابانی اباالفضل حیرتده قویان جودی مسیحانی اباالفضل باخ بیر منه سن بول آناوین جانی اباالفضل حاجت الیمی آچمیشام ای ساقی عطشان سندن آقا جان ایستیورم دردیمه درمان #دلجو شاعر مداح اهل بیت حاج احمدمحمدزاده

زهراایوینده تاپدی خانم بوجلالتی کانال رسمی حاج نادر بابا * ادامه حالات حضرت ام البنین(س) قسمت (2) * زهرا ائوینده تاپدی خانم بو جلالتی اعرابون ایچره وردزبان اولدی شهرتی عباس آدینداحق اونابذل ائتدی بیراوغول اوغلانلارایچره واردور اونون بو علامتی قدی کشیده،انی کورک،قولاری اوزون خجلتده قویدی سرولری قدو قامتی گوزلر آلادی،آلنی آچیق،قاشلاری کمان تمثیل اولوبدی بدر درخشانه صورتی هر باخدوقیجا قدینه ام البنین اونون گوزله دیردی بدنظرون وار اذیتی چوخ گورمه سین بالاسنی الله حسینیمه حد کماله جک ائده سن تاکه خدمتی کرب وبلاقطاری چیخان وقتی بوخانم عباسینه دیوب بله بیر سوز اشارتی گرایسته سون حلال ائلیم وئردیگیم صودی هم دوقوز آی اوحمل زمانیمده زحمتی مدنظرده ساخلاهمیشه بو بیرسوزی دنیاسنونکی اولساحسین سیزنه لذتی سینونده ال دایان اوشهون خدمتینده سن پروانه نون گرک اولا شمعیله الفتی بیرده ئوپممسم سفراوسته سنی اگر اولما گیلیلی علتی وار ای وفا سیر ادامه دارد

وفات حضرت ام‌البنین سلام الله علیها                زبانحال به سبک آخشام اولدی ننه ای گل گلزاریم            محرم اسراریم هارداسان ابوالفضل    ای منیم دلداریم آرام و جانیم         روح و روانیم ای گوزل آدی        ورد زبانیم                 حالیم یاماندی                تئز گل اماندی. 2بار ای مه انور یم        وی ملک منظریم گوزلریم یولدادی    تئز گل ای دلبریم سس ویر سسیمه      یار حسینیم بس هاردا قالدین       ای نور عینیم                    حالیم یاماندی                    تئز گل اماندی. 2بار ای یار امامت          صاحب کرامت مصداق صداقت      تندیس جلالت جان اوسته یم من.    ای با وقاریم دیداره تئز گل          صبر و قراریم                 حالیم یاماندی                 تئز گل اماندی     2بار غم اود ورودي دله اشکیم اوخشار سله گلمسنده اوغلوم    من ایتمرم گله یول گوزلماقدان        دوشدوم ایاقدان سس ویر سسیمه     اوغلوم اوزاقدان                   حالیم یاماندی                   تئز گل اماندی  2بار هر کیم منه باخار.     گورم اشکی آخار دورت گولوم صولوبدی  قلبیمی غم سیخار الله چمنده           گوللریم صولدی غملرده قلبیم       قانیله دولدی                    حالیم یاماندی                  تئز گل اماندی   2بار گوللر اکدیم دردیم   دورت اوغول بیجردیم آلدی فلک الدن     دای ساقالماز دردیم جان اوسته یم من   گل خسته یم من دیلدن سنه چوخ.     وابسته یم من                     حالیم یاماندی                  تئز گل اماندی.  2بار ای قهرمان اوغلوم  ای پر توان اوغلوم گل آناوی دیندیر    وی مهربان اوغلوم غملرین اوغلوم.     سینه می داغلار قالمیشام سنسیز   هر گیجه آغلار                     حالیم یاماندی                    تئز گل اماندی  2بار روحه ریحان بالا      درده درمان بالا ای منیم ناز گولوم   دینه قربان بالا باجادی دونسون    قدیم کمانه نصیبیم اولدی      غم زمانه                      حالیم یاماندی                     تئز گل اماندی  2بار ملتمس دعا مهدی ملکی

‍ نوحه ترکی محمد باقرمنصوری متن شعر✍✍✍⬇️ (ای سپه سالار لشگر شیر نخلستان ابوافضل)۲ شیعلر سسلر همیشه (جان سنه قوربان ابوالفضل)۲ سن که گشدون باش و جان نان بیر مرام اعظم اوسته روز محشر پرچمونده نصب اولار هر پرچم اوسته تا قیامت غیرتونن سایه سالدون عالم اوسته ای فدای راه جانان یاور قرآن ابوالفضل (جان سنه قوربان ابوالفضل)۲ (ای سپه سالار لشگر شیر نخلستان ابولفضل)۲ (شیعلر سسلر همیشه جان سنه قوربان ابوالفضل)۲ (جان سنه قوربان ابوافضل)۲ سن منه باب الحوائج کیم گلیبدیر باشون اوسته ای مه تابان ابوالفضل (جان سنه قوربان ابوالفضل)۲ (ای سپه سالار لشگر شیر نخلستان ابوافضل)۲ (شیعلر سسلر همیشه جان سنه قوربان ابوالفضل)۲ وار یری ماه منیری اوزگونوم قیزلارسوروشسا شرح حالینان حرم نه یا اونو صغرا سوروشسا گلمسون مطلب خیاله نه دیوم قیزلار سوروشسا مشک خالی مدرکیمنی الده وار قوربان ابوالفضل جان سنه قوربان ابوالفضل ای سپه سالار لشگر شیر نخلستان ابوالفضل شیعلر سسلر همیشه جان سنه قوربان ابوالفضل #حاج_محمدباقرمنصوری

#اُمُّ البَنین اوخشاماسی ✍شاعر استاد نادر بابای دریا دریا غَمیم وار بو دریادا گَمیم وار دورد اوغولدان نشانه بیر قانلی پَرچَمیم وار ائلاتچیلار  اود قالار ائللَر کوچر اود قالار منیم بو اوخشاماقیم ائللَر  اَرا  اود  سالار دیل سیزیلدار سوز آغلار ئورکده  وار   کوز   آغلار اوغول   آدون    گَلَنده دوداق  اَسَر  گوز آغلار ✨اَللّهُمَّ عَجِّل لِوَلیِّکَ الفَرَج✨

#زبانحال_حضرت_ام_البنین_علیهم_السلام ام البنینم        گهر        حیدرم کربوبلانون     یلینه       مادرم وردیم   حسینه    عباسی یاور پاینده   قالسون   دین    پیمبر         @@@@@@@@@@@@@ فاطمه تک حیدری تک قویمادیم دورت بالاسیندان ابدا دویمادیم جامه حجب و شرفی سویمادیم فخریم اودور حیدره من همسرم بصله میشم    عشقیله عباسیمی گورسده تا غیرت و احساسیمی سیم و  زره  ویرمرم  الماسیمی مریم  و  سارایه  بیلون سرورم ماه   منوردی   اوجا  قدی   وار گوزلرینون اوسته قرا مدی وار ملک شجاعتده اونون ردی  وار واردی   یقینیم  صدف  گوهرم کربوبلا   شاهینه   سقا   اولوب زینبه  گویا  ید    بیضا    اولوب هامی  ابالفضلیمه شیدا  اولوب فاطمه نون اوغلونا   یل پرورم حیف اولا قانه بویانیب   پیکری ساق گوزونه دگدی دغا اوچ پری زاغ  و زغن  دوره لدی    صفدری هر گجه گوندوز یولونی گوزلرم لعنت اولا    قوم      جفا   پروره ظلم     الیوبلر     ره       پیغمبره قانیله  غم چکدی  حزین منظره دوغرانان  عباسه  گوره مضطرم قبری کیچیکدی اوجا سرداریمین عاشقی  چوخدی   یل پیکاریمین آدی    دوادی   گل        گلزاریمین تربتونی   عالمه    من      وئرمرم #عبـــــــــــادے_طارمے

نوحه وفات حضرت ام البنين(س) ✍فرهادى مراغه اى 🎼سبک:👇 عموغلی چوخ گل سارالار يوبانما جان اوسته دى آنان گل اوغول گوزيم يولدا هايانداسان باغريم اولدى قان گل اوغول گوزيم يولدا يامان گونيمدى هرايه گل غملى حاليمه آغلا اورگده وار چوخلى نسگليم آز بو سينه مى داغلا بير عمرى هجرونده آغليان گوزلرى ئوزون باغلا ئولونجه اشكيم اولار روان گل اوغول گوزيم يولدا آدامسيزام يوخدى بير كسيم قويما خوار اولا ياسيم آنووى گل قبره قوى ئوزون اى وفالى عباسيم اوغولسوز ام البنينم من سولدى دورت گل ياسيم بهار عمريم اولوب خزان گل اوغول گوزيم يولدا حسينيدن آل اجازه گل وار اوغول گوزيم سنده دويونجا بير باهم آغلياخ سنده غمليسن منده سينوب باشون وار گوزونده قان يوخدى قوللارون تنده غمون ايدوب قديمى كمان گل اوغول گوزيم يولدا اولانماديم كربلاده من باشيوه دوتام قرآن گل ايندى بير باشيم اوستونه باشلا صوت الرحمن سسووه چوخ عاشقم بالا نطقيوه ننون قربان منى بيله قويما ناگران گل اوغول گوزيم يولدا اوجاتموسان باشيمى اوغول شهره سن شرافتده نوای مداح اهل بیت جناب فریدی 🌹🙏😭

زبانحال حضرت ام البنین مادرحضرت عباس.ع😔نوحه وفات حضرت ام البنين(س) ✍فرهادى مراغه اى 🎼سبک:👇 عموغلی چوخ گل سارالار يوبانما جان اوسته دى آنان گل اوغول گوزيم يولدا هايانداسان باغريم اولدى قان گل اوغول گوزيم يولدا يامان گونيمدى هرايه گل غملى حاليمه آغلا اورگده وار چوخلى نسگليم آز بو سينه مى داغلا بير عمرى هجرونده آغليان گوزلرى ئوزون باغلا ئولونجه اشكيم اولار روان گل اوغول گوزيم يولدا آدامسيزام يوخدى بير كسيم قويما خوار اولا ياسيم آنووى گل قبره قوى ئوزون اى وفالى عباسيم اوغولسوز ام البنينم من سولدى دورت گل ياسيم بهار عمريم اولوب خزان گل اوغول گوزيم يولدا حسينيدن آل اجازه گل وار اوغول گوزيم سنده دويونجا بير باهم آغلياخ سنده غمليسن منده سينوب باشون وار گوزونده قان يوخدى قوللارون تنده غمون ايدوب قديمى كمان گل اوغول گوزيم يولدا اولانماديم كربلاده من باشيوه دوتام قرآن گل ايندى بير باشيم اوستونه باشلا صوت الرحمن سسووه چوخ عاشقم بالا نطقيوه ننون قربان منى بيله قويما ناگران گل اوغول گوزيم يولدا اوجاتموسان باشيمى اوغول نوای مداح اهل بیت جناب فیاص 😭🌹🙏

۞﷽۞ زبانحال حضرت ام البنین(س)در مدینه گل هارداسان امداده عباسیم گللّـم غـمـیـنـده داده عباسیم یـوخ بیر گلن فریـاده عباسیم تیز گل هـرایـه هجرینده باغریم گورنه قان اولدی کـاشـانـه ی صبـریـم تـالان اولـدی دیـلـده اولان آرزیـم یـالان اولـدی داریخیرام گل ایوای یارالی وای ابالفضلیم بـاشی بلالـی وای ابالفضلیم گویلـوم قوشی ایلـور بهانه گل عمـروم گولی دوندی خزانه گل اولموش یوزه اشگیم روانه گل گللـم نـوایـه سنسیزدونوب گوندوزلـریم شامـه یــوخ طـاقـتـیـم آلامــه اَیـّامـــه گـل ویـر ئـوزون پـایـان بـو آلامـه داریخیرام گل اطـرافیمـی ایلـوب احاطـه غـم دیلدن سالیب غملـر منی کم کم یانـدی فـراقـونـده یـانـان سینَم گـل آه و وایـه زینب غمون سـایدوقجـا اوتلاننّـام ســالّام خـیـالــه آغـلـارام یـانـنّـام گـللّـم بـقـیـعـده دردیـمـی سـانـنّـام داریخیرام گل بیلـه دیـور زینـب سـنـی دشـمـن تیره تـرابـه سـالـدی زیـن اوستن سواوسته دوشدی قولارین تندن کرب و بـلایه دین اوسته یاخجی امتحان ویردون ئـوز عشقیوی شـاهـه نشـان ویردون لـب تشنه چون جانانه جـان ویردون داریخیرام گل بوخلق آرااوغلوم سیچیلدین سن ای سروقامت چوخ بیچیلدین سن ازبـس دَیوب یـاره کیچیلدین سن قان سالدی سایه کـوی وفـاده مـقـصـده چـاتـدون خـونِ دیلـی گوزیاشیوه قاتـدون باشسیز مـزار ایچره نجه یاتدون داریخیرام گل احــوالــیــوه اهـــل ولـا آغـلار اشگین عذاره هـر زمـان بـاغلار (عبدی)دیروای سینه سین داغلار گـلـر نـوایـه (عاجز) دیـر صبح و مسا ایوای ساخلار عزا سسلرابالفضل وای ایستـه مـزارونـده دیـه لای لای این شعربنابه درخواست برادرگرامیم کربلایی میلادعبدی درتاریخ ۱۴۰۲/۱۰/۲نوشته شده است ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

اگر ننون قالیر گیت الین اوپ ایاقین اوپ اگر ننوز اولماسا ننوه اله بوردان بیر هدیه یولا قربان اولوم ننه لره کی هایسیز ئولدولر لای لای دیمیشدیلر بیزه لای لای سیز ئولدولر

زبانحال حضرت ام‌البنین علیهاالسلام ام البنینم من وطنده سوگوارم اوغلانلاریم قانه باتوبدی داغدارم گلّم نوایه اولموشام نی تک نوالی ایللر وطندن گیتدی اولدی کربلالی ایتدی بوغم دائم منی یاسلی عزالی چخمار ئولونجه جسمدن بورخت قارم یولاردا دائم منتظر آغلار گوزوم وار آخرآنا قلبنده نه حدّه دوزوم وار کشف ایلرم اهل دل اولسا هر سوزوم وار افسوس یوخدی مونسیم بی غمگسارم قلبیم دونوب قانه منیم هجران الیندن آغلار گوزوم بو درد بی درمان الیندن بو درده درمان گورمرم انسان الیندن بیر تک اولان اللهمیه امّیدوارم دولدی اورک غملن اولوب قان آیریلقدان اود دوتدی یاندی سر به سر جان آیریلقدان طوفان قوپار جسمیمده هر آن آیریلقدان بو غصه ی جانسوز الیندن بی قرارم هیچ بیرآنایه من چکن غم مبهم اولماز هرلحظه آرتار غملریم هرگز کم اولماز یعنی اوغولسوزلوق کیمی هیچ بیر غم اولماز چخماز یادیمدان بو مصیبت اشکبارم من شیرۀ جاندان نچه جان بسلمشدیم مردان حق الگوی انسان بسلمشدیم جنگ و جداله شیر غرّان بسلمشدیم شکر ایلرم دائم قرین افتخارم عباس تک بیر مرد میدان بسلمشدیم من کشور ایمانه سلطان بسلمشدیم اسلامه حامی، یار قرآن بسلمشدیم من باغبان سرو باغ و لاله زارم دنیانی دولدورسا اوغول عباسیم اولماز باغیم کیمی دنیاده هیچ گلزار سولماز هیچ بیربهار ابری گوزوم مانندی دولماز گوردی گلستانیم خزان، من بی بهارم منبع: کتاب سلحشوران عاشورا #ام‌البنین #اشعار_حاج_اکبر_غفاری‌زنجانی

‍ ‍ ‍ 🏴زبانحال حضرت ام البنین(س) 🎼سبک : سه گاه قفقازی ✍#بانوای_حاج_علی_سیفی_افشار گل کربوبلادن منه بیر آغلا ابالفضل یانمیش سینوی محنتیمه داغلا ابالفضل جان اوسته آنان ،قبر ائوینه گئتمه میش اوغلوم گل الّریویله گوزومی باغلا ابالفضل پایانه چاتوب عمروم اوغول دادیمه تئز گل گل حالِ پریشانیمی سن ایله محوَّل هیجرونده اوغول ساچلاریم آغ اولدی مدلّل بیر الّریوی قوی سینمه سوهرا ده دینجل گل کربوبلادن منه بـیر آغلا ابالفضل گل الّریویله گوزومی باغلا ابالفضل هئچ بیلمزیدیم اوغلی اولَنلَر نه چکیلّر یانمیش سینییه غملی بلادن نه اکیلّر هر صبح مسا آخشاماجان قان یاش اَلیلّر بیلدیم کی نیه سینه لرون غمده دَلیلّر گل کربوبلادن منه بیر آغلا ابالفضل گل الّریویله گوزومی باغلا ابالفضل عبدوالَّهیوه من دئمیشیدیم گله جاقسان نازین ده چگیب، گوز یاشینی هم سیله جاقسان بیر گون اولاجاق کی آتاویله گوله جاقسان هئچ بیلمزیدیم کربوبلاده اوله جاقسان گل کربوبلادن منه بیر آغلا ابالفضل گل الّریویله گوزومی باغلا ابالفضل زینب گتیروبدور منه سندن علم اوغلوم فیکرون منی هئچ قویمادی بیر دم گولم اوغلوم شرح ائتدی نجور قولّارین اولدی قلم اوغلوم بیر بیله مصیبتده گرگدیر اولـم اوغلوم گل کربوبلادن منه بیر آغلا ابالفضل گل الّریویله گوزومی باغلا ابالفضل فخر ایلیورم اوغلوم علمدار حسیندور من نوکر زهرا او مددکار حسیندور هم عاشق دلبسته دی،غمخوار حسیندور هـم کربوبلاده او سپه دار حسیندور گل کربوبلادن منه بیر آغلا ابالفضل گل الّریویله گوزومی باغلا ابالفضل

زبانحال حضرت ام البنین سلام الله علیها من ام بنینم     شرف  الناسیم    ئولوبدی سرویم یخیلوب طیب الانفاسیم ئولوبدی ایراد  ائلمون  گوزیاشیم  آلقانه   دولانسا غیرت یلی  حیدرصفت عباسیم ئولوبدی ام بنینم  ام بنینم  غر یب  و  تنها یم ام بنینم ام بنینم     کنیز زهرایم من ام بنینم   منی  غم  سالدی   فشاره دورد اوغلوم ئولوب گیمیشم علت اودی قاره دورد اوغلومون هرتک تکی قرآنه فدادی حاشا دییم اولدوم بو سببدن گونی قاره ام بنینم ام بنینم      غر یب و تنها یم ام بنینم ام بنینم      کنیز ز هرایم من ام بنینم    باخارام     قانلی    لوایه رو حیم پر آچار اشک فشان دشت بلایه عباسیمی گورم سو کنارینده لب عطشان قولسوز یوزی اوسته یخیلوب قانلی منایه ام بنینم ام بنینم       غر یب و  تنهایم ام بنینم  ام بنینم       کنیز   زهرا یم یانام دییرم جان بالا ئولسون ننون ئولسون باشیندن آخورقان بالا ئولسون ننون ئولسون آتدان یوزی اوسته بالا قولسوز یخیلوبسان باش یاروه قربان بالا ئولسون ننون ئولسون ام بنینم  ام بنینم     غر یب  و  تنها یم ام بنینم  ام بنینم    کنیز زهرا یم ایوای منه باش یاروه فرزانه لرآغلار عالم بویی احوالیوه   بیگانه لرآغلار دورد اوغلی ئولن بیر آنیا م بزم عزاده شمع شرف  آغلار منه  پروانه  لرآغلار ام بنینم  ام بنینم   غر یب و تنها یم ام بنینم  ام بنینم   کنیز  ز هرا یم جاهد سوزی قورتار ائله گوز یاشیوی جاری یاز نوحه ابوفاضله  آغلا  گئجه یاری سن گرچه گنهکارسن  اما کی جزاده آیدین سحر ایلر سنه مولا شب تاری ام بنینم ام بنینم  غر یب و تنها یم ام بنینم ام بنینم  کنیز ز هر ا یم ✍منکلام:استادحاج علی پورعلی متخلص به جاهد #وفات_حضرت_ام_البنین_سلام_الله_علیها

#یاحضرت_ام_البنین_س🌷 خانمے ڪه تا خودِ خورشید قامت داشتہ در رشـادت با #ابـالفـضلش رقابت داشتہ فـاطـمـیـہ رفتہ و آماده ے رفتن شده بسڪه بر #زهراےمرضیہ محبت داشتہ مادرِ #باب_الحوائـج بوده و با این حساب دامن او را گرفتہ هر ڪه #حاجٺ داشتہ اول از #عباس او اذن حرم را خواستہ هر ڪسے در #ڪربلا قصد زیارٺ داشتہ 🏴 وفات حضرت ام البنین سلام الله علیها تسلیت باد

ا🌺☘️🥀🌼🍀 ا🌾🌸🌷 ا🥀🍃 ا🌾 #رحلت حضرت# ام البنین سلام الله # مادر حضرت #ابولفضل(ع) ای ولایت باغینه بیر باغبان ام البنین بعد زهرا سن یارادّون داستان ام البنین گوگلوم ایستور روح پاکون پرفروزان یاداولا چون بوگونلر رحلتوندی بی گمان ام البنین کاش اولیدوم زائرون خاک بقیع ده بوزمان دم دوتیدیم عاشقانه روضه‌خوان ام البنین آدیوی لایقدی خامه یازسا غیرت مادری مرتضی نون درگهینده مهربان اما البنین ایستورم اعلان ائدم اهل عزا آگاه اولا مادرِ باب الحوائج وئردی جان ام البنین پر ووروب روحی بدنن چیخدی پرواز ایلدی گئتدی دنیادن اولوب خلد آشیان ام البنین باغبان یازدوم که یعنی کربلاده سهمی وار کربلایه هدیه وئرموش دوردجوان ام البنین قبری زهرا قبرینه اولموش مجاور بوخانم گنبدی، صحنی ننم تک آسمان ام البنین شُهرتی والادی زهرانون یئرینده اگلشوب عاشقانه با صلابت پُر توان ام البنین لایق اولمازهرکیم اولسامرتضانون همسری یاگرک زهرا اولا یا باغری قان ام البنین بو سعیدی دیده گریان گلدی باب حیدره سن حساب ایله اونی بیرپاسبان ام البنین (#سعیدی) ✍️✍️✍️ 🌺 🌾🍃 🌿🌸⚘️🌼 🌱🍁☘️🌾🥀🌼🍂☘️

🏴وفات اُمُّ البنین🏴 در سبک دور ای بهاریم گل یاسمنیم ✍شاعر : علی عبدی 🎤مداح: کربلایی محمدعلی فریدی گل ای امیدیم منیم دادرسیم دوشوب شماره اوغول بو نفسیم گوزوم سَپَر سو گلن یوللاریوا فدا اولوم من دوشن قوللاریوا گل منه آغلا بالام سینوی داغلا بالام گوزلریمی دیمَرَم من سنه باغلا بالام امُّ البنینم اوغول زار و غمینم اوغول 🏴🏴🏴🏴🏴 دوشوب اباالفضل ایشیم ایندی سنه وار احتیاجیم منیم آق کفنه یوبانما تز گل گوروم صورتیوی قورخورام ئولم اوغول سن گلنه قلبیمی غملر آلوب آهیم عرشه اوجالوب اَمَّ بنین آناوی گل نجه گورقوجالوب امُّ البنینم اوغول زار و غمینم اوغول 🏴🏴🏴🏴🏴 فلک بلایه سالوب باشیمی گل یانیمدا اَیلش اوغول آزجا دینجل اَلینکی یوخدی اَلیمدن یاپیشان یارالی باشیوه قوی من چکوم اَل یاره لی خسته بالام قلب شکسته بالام چیخمامیش جانیم اوغول گل سینم اوسته بالام امُّ البنینم اوغول زار و غمینم اوغول 🏴🏴🏴🏴🏴 گرک ئولیدیم سن ئولنده بالا اوخیلا آندین سوکولنده بالا یوز اوسته قولسوز یارالی بدنین او قوملار اوستونه گلنده بالا ئولمدی گرچه آنان گوزلریم اولدی فغان گونده یوزیول من ئولوب هی دیریلم بالا جان امُّ البنینم اوغول زار و غمینم اوغول

قبله گاه نور کربلا ای مهد عزت بحر عرفان کربلا کربلا ای جلوگاه نور یزدان کربلا سن جلالت ده خدا بیر توپراقی خلق ائتمییب حالیوه شامل دی الطاف فراوان کربلا حشره جک اهل ولانین کعبه آمالی سن دفن اولوب سینونده بیر مهر درخشان کربلا درک ائدنمز شانیوی بیر کس یاخیندان گورمه سه جذبه عشقونده وار چوخلی پریشان کربلا باخسا کیم عبرت گوزیله حقی باطل دن سئچر هر طرف ده واردی چوخ آیات و برهان کربلا مکتب آل اللهین عالمده دانشگاهی سن نشر اولور سندن جهانه نور قران کربلا سنده قانلی خطیله عشق اهلینین اسراری وار ائلییب عالملری مجذوب و حیران کربلا با وفا انسانلارا سن قبله گاه نورسن هر طرف دن قوزانیر انوار ایمان کربلا قتلگاهه کیم باخا بیر لحظه گر احساسیله حشره جک واردی یئری گر اولسا حیران کربلا بیر سو وار سنده آدی سو باطنی اوددان بتر ائیلییر عشق اهلینی معناده سوزان کربلا بیلمرم آیا ندن قان اولمادی نهر فرات ایچدی دشمن قالدی زهرا اوغلی عطشان کربلا سنده یئتمیش بیر گولی باغبان آلیب آغوشینه یوخدی هیچ یئرده بئله گوللی گولوستان کربلا سنده سو اوسته اولوب بیر جفت قول تندن قلم بر و بحری ائلییب تا حشر گریان کربلا اصغرین کسدی بوغازین زهریلی شمشیر تک درده سالدی عالمی اوچ شعبه پیکان کربلا باخدیلار بسمل قوشا میدان دا لشگر گولدولر اولمادی بیر کیمسده افسوس وجدان کربلا خیمگاهینده گوزوم آغلار بهارین ابری تک زینبین سنده تفاقی اولدی تالان کربلا یادیمه دوشدوقجا غملر داغلی قلبیم داغلانیر دوشموشم بیر درده که یوخ آیری درمان کربلا روز عاشورا نه یازدی منشی حق توپراقا شرحینه یوخ هیچ قلم ده ظرف و امکان کربلا قسمتیم اولسا زیارت خسته قلبیم دینجلر سنده وار جسمه دوا و روحه ریحان کربلا سنده جام صبریمی درد و مصیبت دولدورار هر طرف دن چشمه چشمه جوش ائدیر قان کربلا اربعین عاشقلره عشقین تجلیگاهیدور چون وئرور حق اهلینه هر ایل فراخوان کربلا دویماق اولماز تربتیندن آ زماندا نیلییم کاش اولام هر هفته بیر گون سنده مهمان کربلا هر نفس چکدوقجا قلبیم وای حسینیم وار دئیور خوشدو اولسا عمریمه بو یولدا پایان کربلا #محمد_هوشمند

🔸 وفات حضرت ام البنین🔸 🖋مرحوم انور اردبیلی خاک  بقیعده قلبه موثر مزاری  وار نه سایبانی  وار نه اقلا  حصاری وار مین دوت یوز ایلدی اول قبریده  بیر شمع یانمیوب ظالم  جماعتون نقدر  گور فشاری  وار قویمولار  قویسالار  چوخ اولار قبرینی اوپن عباس آناسیدور  هامینون  انتظاری وار ام البنین  حسینه گوره  هر ندن گیچوب کرب و بلا  چولونده  نچه یادگاری وار ام البنین  حسینینه  عباس بسلییوب عباس بسلین  آنانون  افتخاری وار دورد  اوغلونا  همیشه دیردی او خوش مرام هر دوردوزی  حسینیمه من ویرمیشم غلام زینبدن ایتدی کرب و بلا  صحنه سین سوال شعله چکن زماندا قیزیم آتش قتال عباس حسینه ائتدی نه اندازه کمک تعریف ایله گوروم  نقدر  ایلدی جدال هیچ کیمسه روبرو اولا بولمزدی اوغلوما دگسون یارا  قباقدان اونا امریدور محال گیزلتمه صحبت ایله  نیستان سوزون منه اوردا ایشیتمیشم  بالاما  یوز ویروب ملال زینب دیدی آنا سوزی واضح دینمرم واضح دیسم  اولار سن اوچون مایه ی خیال وار حقی بوینوموزدا ابوالفضلیون آنا ایمنده  ساخلامیشدی بیزی اول وفا خصال نهر فراتی آلدی  حسین سیز سو ایچمدی ایتسون  بلند مرتبه سین حی ذوالجلال راضیدی گوزلرون ویره مشگینده  سو قالا افسوس کوفه اهلی اونا ویرمدی مجال ام البنین درک ایلینده بو سوزلری احسن دیدی  اوغول صودومی ایلدیم حلال سندن باجون رضایت ایدوب منده راضیم یاخشی اوغول آنانی ایدر  صاحب  جلال قوی یثرب اهلی شهریده یالقوز دیسون منه دشمنلریم گورنده اوغولسوز دیسون منه     ✨اَللّهُمَّ عَجِّل لِوَلیِّکَ

‍ بسم الله الرحمان الرحیم من گردراه حضرت زهرانمی شوم هرگزبه جای ام ابیهانمی شوم اودخترپیغمبرهمسر علی من جزکنیز دخترزهرانمی شوم خانم بیرباخدی اویانان قاپیابویوردی زهرانین اویتیم بالالاری گلسین قاپییا اوزون قویوپ اویانان قاپیا دیدلربوراباخ هنوزعلینن اوونه گلمئمیش باخ ام البنینه اماگوردیلریوخ اودورت دنه بالانین بیردولاندی باشینه آخ زینب؛ زینب من بواووه کنیزگلمیشم افتخارایلرم اودخترپیغمبرهست وهمسرعلی من جزکنیزدخترزهرانمی شوم بیله افتخارایلردی زینبه امابیرزمان اولدی زینبی تانیانمادی باخدی باخدی چکیلدی دالا قوی چاغیرم زینبی خانم بیرباخدی ام البنینه ننه حقون وار تانیمیاسان ننه من سنون اشک فشان زینبوام مرتضی نین قیزی صدیقه نشان زینبوام حقون وارننه زینب تانیمیسان کربلاده ننه اوستومه غمنرتوکولوب ننه ام البنین اولووب اوغلاناریم سینه ام داغلارچکیلیب منم عباسیم اولن لحظه دن قددیم ایلیب ننه عباسیم اولوب ننه منیم قارداشلاریم اولوب ننه عباسیم اولوب ای ننه التی ایلق قوزی قربان علی اصغراولوب ای ننه یاحسین یاحسین کربلاده زینب بیله دییربیربیوک جنگ اتفاق دوشوب ننه عباسیمین اولوب قولاری قلم ساق قولی صولونان قاباق دوشیب بیلمیرم اونون علتی ندی قبری قارداشینان اوزاخ دوشیب ای ننه ای ننه بوردابیر روضه یادمادوشدی قربان اولوم ادبوزاآماده اولون ابوالفضل آقانی راضی سالاغ یولا هرننه دنیادن گیده بالالاردایانارگاپیدا حتما ننه یاسینه بالا گلراوغول گلرهرچندجان وررنده اوزون ساغادوندردی خانم بیرسولا دوندی بیلمیرم اوغلوی اولن ننه گوربسیزیایوخ بیله جان ورنده گوزی قالارقاپیداگل ای بالا بالا ننه وام ای بالا ننه وام ای بالا ای بالا اوناگوره گونده ابوالفضلین اوبالاسین باساردی باقرینا عبدالله باساردی روئنن باشینا حتما حقین اداایله التماس دعا ایله باسیردی اوبالانی روئنین باشینا هیچ غم منی بوغم کیمی آغلادمازابوالفضل هیچ غم منی بو غم کیمی اغلادمازابوالفضل اوغولون گیجه لرصبح کیمین یاتماز ای بالاای بالا ای بالا لای لای الرده اولن بالا لای لای گولاری قلم اولان بالا لای لای ۲۸ماه رجب کاروان مدینه دن ایرلردی امام حسین آقادروازه ی مدینه ده بیرلحظه باخدی گوردی ام البنین اللرین قویوب اورگینن باشینا آقابیرباخدی ابوالفضل آقایا قارداش مگر ام البنینن وداع ایلمدون آقا بویوردی گیئدحتما بیر واجب امری وار ابوالفضل آقا گئدی ام البنین اشاره ایلدی بالا چاغر عونم گله فضلیم گله بالا چاغر بالارم گله کاروان دایانب اودورت دن قهرمان بالاننه نی دورء لئدیلریاالله اغول ننه اوزام حقم وار بوینوزدا بله ام البنین دیون گوروم یاخچی ننه لیگ ایلمیشم یایوخ اغلادیلر بلی ننه امرون ندی گوردی اشاره ایلدی امام حسین آقایابالا سوتوم حالال ایلمرم اغول گیدسوز حسین اولمیا بیرزمان قارداشسیزگیدسیز مدینه مخصوصا باخیر ابوالفضل آقانین اوجابوینا اغول او بالانی سیزه تاپشیررم اله الین گویدی گوزی اوسته چشم ننه اما شب ۲۱ماه رمضان ابوالفضل بیر قول وردی مولا علی ایله کی اوقانی دوداغلار ینان اواوزون گولدان اوپدی بزرگان مجلس معمولا آتادنیادن گیدنده گلربالاجابالانی اوبیوک قارداشا تاپشیرار اما ایش برعکس اونداگوردی یواش یواش دیدی ابوالفضل اوزون گولواقربان اولام ای بالادعواده اغول سعی ایله دالدان یارالاما دشمن ده امان ورسه حسینن ارالاما الین قویدی گوزی اوسته چشم آتاجان ایله مواظب اولام حسینن بیر قولیده مولا علیه وردی بیرقولیدا زینبه وردی ایله کی امان نامه گلدی خانم یواش یواش گلدی ابوالفضل باشووادولانیم اولمیا حسینی تک گویا سان آقا قول وردی باجی نگران اولما بوردابیرقولیدا سکینه وردی آقلاما شیرین زبانیم ایندی مشکیمی گوتورم یابوگولاری سالالاریاسوخیمه گتیرم

‍ #روضه شاهزاده قاسم علیه السلام آلدی باشین دیزی اوسته توکوب گوز یاشین یوزه سیلدی گوزون قانین اوبیرآز باخدی گوز گوزه سسلندی ماتمینده سر افکنده اولموشام بیر ایش گورنمورم سنه شرمنده اولموشام سسلینده دیدی سن گلماقادل مایل اولوب گلدیم اما ارادا دشمن اوغول حایل اولوب گلمیشم ایندی بوگلماق ولی بی حاصل اولوب او یارالی باشی قویدی دیزی اوسته او جوان بالا باشی امامین دیزی اوسته جان ویردی یاالله اقا بیر اخدی بالیا خدایا بو جوانین ننه سی بالا یولی گوزلور ایسته دی حمل ایلیه دلبرینی شاه زمن بوردا عذر ایستورم سندن اقا یابن الحسن نجه احواله قالار لشکر ارا اوغلی اولن سورنیدی ایاقی یرده اوزانمیشدی بدن امام او دوغرانان جنازه نی گتوردی خیمه لره جنازه نی قویدی علی اکبر جنازه سینین یاننا امام زمان اقا گذشت ایله امام بیر الین قویدی قاسم جنازه سینه بیر الین قویدی علی اکبر جنازه سینه یوزون دولاندیردی زینب باجی گل بالام اولدی اوغلی اولسه ننه نین غصه لری باشدان اشار اوغول هر کسین اولسه جوانی اونا قاره یاراشار اوغلی جوان ئولن ننه ایئتمیه ناله نینیه حقیدی سینه داغلیا اغلیا نوحه ایلیه اجرای استادطالبی #روضه_حضرت_قاسم_علیه_السلام

‍ ‍ کفن گییدی گئده میدانه قاسم اولوب شمع غمه پروانه قاسم کفن گییدی گئده میدانه قاسم اولوب شمع غمه پروانه قاسم امامین اللریندن ئوپدی اول صورا عرض ائتدی ای شاه مجلل ئورکده مشکلیم وار ایله سن حل اجازه وئر بویانسون قانه قاسم عموجان گلمیشم باب کریمه ائدوبسن چوخ عنایت بو یتیمه قوی اکبر تک چاتوم فوز عظیمه اولا خوشدی فدا قرانه قاسم سنی وئرم قسم خیرالنسایه دوداقی پارچالانمیش مجتبایه منی قوش اکبر گلگون قبایه یتیشسون فیض جاویدانه قاسم هزار احسن او روح جاودانه سلام اول سیزده ساله جوانه سوسوز گلدی مقام امتهانه وئروب جان گور نجه جانانه قاسم امامی پوزدی قاسم التماسی دئدی یالوارما قارداشیم بالاسی شهادتدور سنون دردون دواسی منی اغلاتما ای دردانه قاسم قوجاقلاشدی ایکی یار محسن باخوب ال پیمبر چکدی شیون ایکیسی اغلاشوب غش ائتدی بیردن دوشوب بیر یان حسین بیر یانه قاسم مداحی استادطالبی #سینه_زنی

#قاسم_ابن_الحسن__ع__نوحه شيشه شيشه تو بقل - حسن حسن روي لبام راهيه شهادتم - قدم قدم با نفسام ميون خيمه ها زره - اندازه ي تن نبود چاره براي کفنم - به غير پيرهن نبود بادلي مضطر ، توي دستمه نامه ي بابام از روي خواهش ، مي افته به پاي عمو دستام اذن ميدونه ، همه خواسته ي اشکهاي چشام اي عمو حسين جان -- شبيه شير جمل - به قلب لشگر ميزنم وسط ميدون جنگ - نعره ي حيدر ميزنم نقلاي داماديه من - سنگهاي کوفيا ميشه سر تا سر تنم داره - طعمه ي نيزه ها ميشه آهوي خيمه ، زير چکمه ي شوم صياده بارون نيزه ، پذيرايي از تازه دوماده رشته ي موهام ،توي پنجه ي گرگها افتاده اي عمو حسين جان -- هر کي اومد رو تنم - يه ذخم سرخي جا گذاشت رو سر و صورت من - غبار غصه پا گذاشت به زير دست و پا شده - زخميه نيزه ها تنم شکسته تو هجوم اسب - استخونهاي بدنم اي عمو جانم ، توي حمله ي اسبهاي دشمن زير دست و پا، مثل اکبرت قد کشيدم من مونده ازقاسم ، فقط رو زمين پاره پيراهن اي عمو حسين جان -- قاسم ابن الحسن (ع) نوحه

ای منیم آرام جانیم نیّر تابان ابالفضل هارداسان گل باشیم اوسته جان وئریم آسان ابالفضل ای منیم ماه منیریم هارداسان غیرتلی شیریم دورت اوغولدان نئیلیوم بس هیچ بیری یوخ باشیم اوسته گلمیشم نی تک نوایه غربت ائلده دلشکسته آزقالیر عمروم قوتارسین بار غمدن زار و خسته گوزلریم یوللاردا قالدی باغریم اولدی قان ابالفضل من نه مدت دور بیلریسن اولموشام هجرونده دلگیر گوزلدیم یول گلمدین سن روحیمی غم ائتدی تسخیر یوخ امان پیک اجلدن ائتموری بیر لحظه تاخیر آزقالیر چیخسین دوداقدان حسرتیله جان ابالفضل نیسگلیم چوخدور اورکده مونسیم یوخ دور وطنده کیم واریم تا رو به قبله ائیلسین تا جان وئر ده سنده گلسون دردیم آرتار قوللارین یوخدور بدنده اود دوتار یکسر وجودیم ائیلرم افغان ابالفضل سن گئدن گوندن عراقه اولموشام منده زمینگیر هر گئجه گللم فغانه وار اورکده آه شبگیر بسکه نالم ده اثر وار ائیله دی دشمنده تاثیر سس سسه وئردی منیله آغلادی مروان ابالفضل غملی باشدا یدی قاره م وار، حزین ام البنینم اشک حسرت گوزلریمده دلغمین ام البنینم عزتیم گئتدی الیمدن بی بنین ام البنینم گلشن امیدیم اولدی ظلمیله تالان ابالفضل اوز خیالیمده سنیله ای وفالی همدم اوللام طائر روحیم آچار پر کربلاده با هم اوللام سسلرم گلمز جوابیم غرق دریای غم اوللام غم سالار هر لحظه سنسیز روحیمه طوفان ابالفضل یاده ساللام کربلانی حسرتیله یانه یانه ائیله گللم شور و شینه وورام اود قلب جهانه بیر بولوک ایل و تباریم کربلاده باتدی قانه غصه قلبیم دن آزالماز هیچ منیم بیرآن ابالفضل وای منه ، ایوای نه چکدین باشیوه یاره دگنده نیلده دین السیز او چولده مرکبین اوستن دوشنده ای منیم غیرتلی شیریم کیم سنی سالدی کمنده یادیمه دوشدوقجا یانام ای یل دوران ابالفضل داغلی قلبیم تنگه گلدی یانمیشام نار فراقه دفتر عمریم غمیله دولدی جان یئتدی دوداقه تیکمیشم گوز ای عزیزیم شوقیله سمت عراقه هارداسان ای راحت جان دردیمه درمان ابالفضل پرچمه باخدوقجا گوردوم باشیوین درد و بلاسین مشکه باخدیم شرح ائدوردی نهر علقم ماجراسین داغلی قلبیم یاندی بیلدیم اوخ یاراسین داش یاراسین عشقیوه قربان که ائتدین عالمی حیران ابالفضل هارداسان گل داده اوغلوم دیل دولی نیسگیل غریبم باشدا قاره جان دوداقدا ائللریم دن بی نصیبم ای آدی دردلر دواسی منده مشتاق طبیبم کاش اولا حسن جمالون ئولمه میش احسان ابالفضل ای وفالی قهرمانیم غم منی سالدی حصاره گل اوزون عزتله اوغلوم نعشیمی تاپشیر مزاره بیر دویونجا اوخشا آغلا بو غریب و دلفکاره قبریم اوسته خوش سسیله باشلا بیر قران ابالفضل مدهوش

مرحوم استاد حسینی سعدی زمان ایکی داشه بیر باش اولوب نشان، بیری کوفه ده بیره شامیده ایکی یول دگوب اونا خیزران، بیری کوفه ده بیره شامیده ایلیوبدی خنجریله جدا بدنیندن او لباسی شمر ازل گهی طعن ایدوب اونا اهل کین، گه اواوب کَُل اوستی اونا محلّ یتیشونجه شامه جدالری نچه یرده سِیر ایدوب اَل به اَل ایکی یول سِنانه ووروب سَنان، بیری کوفه ده بیره شامیده کسوب اهل کینه حسین باشین سالوب اهل بیتینی مشکله سارالوب حرملری اوخشیوب چمن ایچره بیر سارالان گُله گورولوب کسوک باشی نیزیه وورالار خدا گنه قان گَله ایکی یرده نیزه دن آخدی قان، بیری کوفه ده بیره شامیده گهی کُللر اوستونه قویدولار، گه آقاجدان آسدیلا برملا گهی بزم شربیده یِر ویروب گهی دِیریده اونا اشقیا نچه یرده فاطمه اوغلونا دیولوبدی خارجی ای خدا ایکی مجلسه گیدوب ارمغان، بیری کوفه ده بیره شامیده یولا دوشدی غصّه لی کاروان گیده شامه شمر دَغائیله غمیله مُصاحبت ایلیوب هم انیس اولوبلا بلائیله نچه شهری سرعتیله گَزوب، ولی دوشدی جور و جفائیله ایکی یرده لنگه او کاروان، بیری کوفه ده بیره شامیده هر او یرده که اولوب ازدحام، یغشوب یول اوستونه شیخ و شاب اوزینی علی قیزی گیزلدوب، که تانونماسون او فلک جناب ولی بُلمورم نجه ظلم اولوب داخی قالمیوب اورگینده تاب ایکی یول ویروب حَسَبین نشان، بیری کوفه ده بیره شامیده ستمیله عصرین امامینه غَُل جامعه ووروب اهل نار بو خیاله دوشدیله قانینی توکه لر او فرقه ی کین شعار سبب اولدی لیک حیاتینه، سپر ایلدی اوزین آشکار ایکی یرده زینب باغری قان، بیری کوفه ده بیره شامیده هامی رنگه فاطمه قیزلاری، خُم محنت ایچره بویاندیلار نَقَدَر که شدّت ایدوب جفا، دوزوب اول جفایه دایاندیلار نچه یرده آتش ظلمیله دوتوب اود آلشدیلا یاندیلار ایکی یرده چکدیلر الاَمان، بیری کوفه ده بیره شامیده ویروب اهل بیتِ امامه یوز اَلَم و مصبیت بی حساب قولی باغلی ناقه سوار اولوب توکوب اشک گوزلری چون سحاب نچه یرده زینبون ایتدیلر غمیله یانان جگرین کباب ایکی یرده ایلدی چوخ فغان، بیری کوفه ده بیره شامیده نه قدر «حسینی» نفس گَلور، اوزیوی کمند حسینه سال گَلَن ایل زیارته گیتماقین گوزی یاشلی ایسته، براتین آل حرمینده فاطمه اوغلونون نه گوزلدی ذکر اولا بو مقال ایکی داشه بیر باش اولوب نشان، بیری کوفه ده بیره شامیده

گلمیشم فغانه، یانه یانه عمّه گوزلریم ساتاشدی، خیز‌رانه عمّه عمّه بیر علاج ائیله بو یزیده سن سویله وورماسین بابامی (2) قلبیم اودلانیبدیر، آتش فراقه کیم ویرار بو نوعی، خیز‌ران دوداقه گوزلریم فدا اول، قان آخان دوداقه یانمیشام فراقیندان قان آخیر دوداغیندان ویرماسین بابامی (2) ظلمیلن تالاندی، خانمانیم عمّه قانینه بویاندی، باغبانیم عمّه یاندی ظلم الیله، آشیانیم عمّه طشت زرده قان داشدی فاطیمه باشین آشدی ویرماسین بابامی (2) وئر اجازه عمّه، بو غریب و زاره یالواریم یزید شوم بد شعاره بو شیرین زبانه، ائلسه نظاره ظلمیله بئله دورماز شاهه خیز‌ران ویرماز ویرماسین بابامی (2) سینیم آزدیر عمّه، غرق نیسگیلم من کشتی بلایه، امن ساحلم من رحم ائد‌ر دانیشسام، چون شیرین دیلم من گورسه زلفیمی افشان رحم ائد‌ر او بی‌ایمان ویرماسین بابامی (2) خیز‌ران او باشی، سالدی پیچ و تابه گلدی آیری غصه، بو دل کبابه گوزلرینی آچدی، باخدی بیر ربابه یاندی قلبیمیز یاندی لبلری دولی  قاندی نوحه بانوای زنده یاد مرحوم حاج محمد با

🏴وفات اُمُّ البنین🏴 در سبک دور ای بهاریم گل یاسمنیم ✍شاعر : علی عبدی 🎤مداح: کربلایی محمدعلی فریدی گل ای امیدیم منیم دادرسیم دوشوب شماره اوغول بو نفسیم گوزوم سَپَر سو گلن یوللاریوا فدا اولوم من دوشن قوللاریوا گل منه آغلا بالام سینوی داغلا بالام گوزلریمی دیمَرَم من سنه باغلا بالام امُّ البنینم اوغول زار و غمینم اوغول 🏴🏴🏴🏴🏴 دوشوب اباالفضل ایشیم ایندی سنه وار احتیاجیم منیم آق کفنه یوبانما تز گل گوروم صورتیوی قورخورام ئولم اوغول سن گلنه قلبیمی غملر آلوب آهیم عرشه اوجالوب اَمَّ بنین آناوی گل نجه گورقوجالوب امُّ البنینم اوغول زار و غمینم اوغول 🏴🏴🏴🏴🏴 فلک بلایه سالوب باشیمی گل یانیمدا اَیلش اوغول آزجا دینجل اَلینکی یوخدی اَلیمدن یاپیشان یارالی باشیوه قوی من چکوم اَل یاره لی خسته بالام قلب شکسته بالام چیخمامیش جانیم اوغول گل سینم اوسته بالام امُّ البنینم اوغول زار و غمینم اوغول 🏴🏴🏴🏴🏴 گرک ئولیدیم سن ئولنده بالا اوخیلا آندین سوکولنده بالا یوز اوسته قولسوز یارالی بدنین او قوملار اوستونه گلنده بالا ئولمدی گرچه آنان گوزلریم اولدی فغان گونده یوزیول من ئولوب هی دیریلم بالا جان امُّ البنینم اوغول زار و غمینم اوغول

🏴وفات اُمُّ البنین🏴 در سبک دور ای بهاریم گل یاسمنیم ✍شاعر : علی عبدی 🎤مداح: کربلایی محمدعلی فریدی گل ای امیدیم منیم دادرسیم دوشوب شماره اوغول بو نفسیم گوزوم سَپَر سو گلن یوللاریوا فدا اولوم من دوشن قوللاریوا گل منه آغلا بالام سینوی داغلا بالام گوزلریمی دیمَرَم من سنه باغلا بالام امُّ البنینم اوغول زار و غمینم اوغول 🏴🏴🏴🏴🏴 دوشوب اباالفضل ایشیم ایندی سنه وار احتیاجیم منیم آق کفنه یوبانما تز گل گوروم صورتیوی قورخورام ئولم اوغول سن گلنه قلبیمی غملر آلوب آهیم عرشه اوجالوب اَمَّ بنین آناوی گل نجه گورقوجالوب امُّ البنینم اوغول زار و غمینم اوغول 🏴🏴🏴🏴🏴 فلک بلایه سالوب باشیمی گل یانیمدا اَیلش اوغول آزجا دینجل اَلینکی یوخدی اَلیمدن یاپیشان یارالی باشیوه قوی من چکوم اَل یاره لی خسته بالام قلب شکسته بالام چیخمامیش جانیم اوغول گل سینم اوسته بالام امُّ البنینم اوغول زار و غمینم اوغول 🏴🏴🏴🏴🏴 گرک ئولیدیم سن ئولنده بالا اوخیلا آندین سوکولنده بالا یوز اوسته قولسوز یارالی بدنین او قوملار اوستونه گلنده بالا ئولمدی گرچه آنان گوزلریم اولدی فغان گونده یوزیول من ئولوب هی دیریلم بالا جان امُّ البنینم اوغول زار و غمینم اوغول