بغدادیده سس دوشدی الوب باب الحوائج
بیر نچه نفر گلدی ایده نعشینی خارج
یوز ویرمیشیدی حال خفا بدر دجایه
بو حاله باخوب گلدیله فریاد و نوایه
تا که ساتاشوب گوزلری اولده عبایه
گل پیکرینون عطری او سجنی بورومشدی
قالمیشدی رطوبتده لباسی چورومشدی
بو حالیله تا گوردوله سلطان ولانی
گوزدن آتوب آفاقی چخوب روح و روانی
رد ایتدیله تا جسم شریفیندن عبانی
امواجه گلوب بحر مصیبت گینه داشدی
تا که او زمان گوزلری زنجیره ساتاشدی
زنجیر قالوب گوردوله بوینوندا ویروب جان
مغلول ایدوب ترک جهان حجت رحمان
بو حاله نظاره ایلیوب قالدیلا حیران
دین گلشنینه گوردوله باد غم اسوبدی
کنده ایاقین بوینونی زنجیر کسوبدی
زنجیر یریندن آخوری قانی چو یاقوت
واردور یری یانسا بو غمه عالم لاهوت
آخرده اولوبدی در زندان اونا تابوت
ای کاش اولیدی او زمان عالمی برباد
محبسدن اولوب دورت نفر حمالیله آزاد
معناده توکوب جدی گهر گوز صدفینندن
احسن دیدی ال چکمدون عالی هدفیندن
یولدا باشی تابوتین آخوب باش طرفیندن
بو منظره نسگللرین آخر علن ایلور
هر بیر باخانی غرق ملال و محن ایلور
دوشموشدی او تابوت قباقینجه منادی
ایلردی ندا بو دلیله دلده عنادی
اوز خویش و ائلیندن نچه ایل لردی جدادی
مدتدی که واردور وطن آواره سیدور بو
گلدور اوزی اما چمن آواره سیدور بو
تابوتی او حالیله باخوب گوردی سلیمان
سسلندی او کیمدور بو حقارتله ویروب جان
ذلتله الوبدور دگی بو یوخسا مسلمان
معلوم اولوری بو النین نسگلی چوخدور
تابوت یانونجا گله بیر کیمسه سی یوخدور
بو فکریله یغمایه گیدوب صبر و دوامی
سعی ایله دی بو کیمدی الن یا نه دی نامی
بو سری سوال ایتدی خبر گتدی غلامی
عرض ایتدی سلیمانه که ای فخر اعاظم
زنداندا دیوللر که اولوب موسی کاظم
قصریندن انوب آتش محنت دله سالدی
دلده آقاوای ناله سی افلاکه اوجالدی
حمالیلری سالدی یولا نعشینی آلدی
تابوتینی قویدی یره اول منبع جودین
گوردی اریدوب بار الم خسته وجودین
بو قصه فزون ایلدی قلبینده ملالین
یاغدیردی بولود تک یوزینه اشک زلالین
اطرافینه جمع ایلدی اوز اهل و عیالین
سسلندی گلون شوره، دیون وای آقام ایوای
غربتده وطنسیز الن ایوای آقام ایوای
هر تک تکی اوخشاتدی گوزون بیر دولی ابره
تغسیل ویروب ظاهراً اول منبع صبره
دفن ایلدی چوخ عزتیله قویدولا قبره
قبره قویوب، عرض ایلدی یات صبریوه قربان
چوخ اینجمیسن عالم اولا قبریوه قربان
باطنده ولی اوغلی رضا داده گلوبدی
گوزیاشی توکوب ناله و فریاده گلوبدی
دلده باباوای خطه ی بغداده گلوبدی
غسلین ویروب عزتله توکوب اشکین عذاره
یاندی، ارین جسمینی تاپشوردی مزاره
غربتده بو جان ویردی اولوب غصه دن آزاد
یثربدن اوز اوغلی گلوب ایتدی اونا امداد
علت نه اولوب قتلگهه گلمدی سجاد
دوشموشدی او ساعتکه حسین قان آراسیندا
یالقوز یارالی لشکر عدوان آراسیندا
قویموشدی یوزون توپراقا افسرده و خسته
اطرافینی آلمیشدی عدو دسته به دسته
شرم ایلمیوب ووردولا یاره یارا اوسته
پیکانه نشان اولموشیدی جای سجودی
زخم و یارادان تازه گل آچمشیدی وجودی
گل پیکری اولموشدی دمائیله مخضب
دوشموشدی بدن یاره تراب اوسته معذب
سویلردی اوزون شاهد اول احوالیمه یارب
یاندیم سوسوزومدان، سو آخور چوللره بیر باش
بیر قطره تاپیلمور منه، قانه دونه ای کاش
عهد ایتمیشیدیم عالم عشقونده ویرم جان
ایفا ایلدیم عهدیمه، نقض اولمیه پیمان
مین شوقیله ویردیم سنه یتمیش ایکی قربان
هر تک تکین ارشاد ایلدیم من ره عشقه
تا اینکه منا رشک ایده قربانگه عشقه
اثبات ایلدیم حقیوی تا قالمیه مکتوم
کیمدور حق و ناحق ایلدیم عالمه معلوم
پیمان عتیق آز قالوری تاپماقا مختوم
بیر ایمدی گمانیم گلور عالمده بو باشه
گلسه یتورر شمر لعین عهدیمی باشه
یاز آغلا امینی نه قدر واردی مجالون
جاری ایده گوزدن یوزیوه اشک زلالون
غفلت ایلمه کرب و بلا اولسا خیالون
دوت باب الحوائج اتگیندن، ایله افغان
جان اوسته دیردی بو سوزی ای حق منان
یوخ گوشه ی غربتده منی یاد ایدن الله
سنسن هامی بیکسلره امداد ایدن الله
ای یوسفی زندانیدن آزاد ایدن الله
قورتار منیده سنده جفا گستر الیندن
چوخ چوخ منه ایذا یتور اول کافر الیندن
شاعر : استاد حاج مجید آقای امینی
۱۶ بهمن ۱۴۰۲
السلام علیک یا باب الحوائج یا موسی بن جعفر
✔️🔹✔️🔹✔️🔹
سِندین شقاوتیندن زنداندا باغریقانم
جانیم یتوب دوداقه مسموم وناتوانم
گوز یولدا بی قرارم
عقبایه رهسپارم
وِردیم رضا رضادی
جان اوسته انتظارم
هارون بی مروّت ائتدی منه عداوت
زنداندا اون بیر ایلده چکدیم جفا و محنت
اهل و عیالیم ائوده دیداره قالدی حسرت
بوینومدا سلسله یلن عقبایه من روانم
آیریلموشام اِئلیمدن بو حبسیده غریبم
ظلمیله اون بیر ایلدی دیداره بی نصیبم
یوخ دردیمین دواسی گرچه اوزوم طبیبم
راضی قضای حقّه پابند امتحانم
گوی خط چکردی گاهی جسمیمده تازیانه
زنجیر ائدردی یاره گاهی بویاردی قانه
گاهی لگد دگردی بو پیر نا توانه
علت اودور که بیله من قامتی کمانم
دیوِ جفا الیلن ظلماتیده اسیرم
زنجیره باغلی جسمیم بیر ناتوانِ پیرم
بیلمم هایاندی بو یر من هاردا دستگیرم
جرمیم ندور که بیله تیر غمه نشانم
زنداندااون بیرایلده تک مونسیم غم اولدی
زنجیروکُنده منلن بویرده همدم اولدی
سند ایله تازیانه بیر الده باهم اولدی
هروقت منی گورنده مسجود لامکانم
هارون وسند بی دین رخت حیانی سویدی
تیر شقاوتیله قلب بتولی سویدی
معصومه نی اوظالم آخر یتیمه قویدی
اون یدّی قیزدان آرتوخ اوطفله ناگرانم
اوغلوم رضا گلنده گورسم اگر جمالین
اوز اللریمله سیلّم گوزلردن اشک آلین
بیرسوز دیوب اورکدن رفع ایلرم ملالین
بو رحلته بیلر که قلبیمده شادمانم
بوغربت ائلده ئولسم معصومه قاره باغلار
گلسه مزاریم اوسته آهیله سینه داغلار
یاد ائتدیگیجه مندن جدّیم حسینه آغلار
منده او نوحِ عشقه بویرده نوحه خوانم
کرب و بلاده جدّیم لب تشنه قانه باتدی
اوچ گون اوغملی یرده قوملارین اوسته یاتدی
اول غمده زینب عمَّم آهین گویه اوجاتدی
یانّنام دئدی اولونجه مظلومهی جهانم
دفنیم میسّر اولسا گر شیعه ی فکاره
بوینومدا سلسله ایلن قویسون منی مزاره
بیله گئدوم حضورِ خلّاق کردگاره
محشرده اهل محشر گورسونله بی امانم
"زعفر"دایاندی خامه وئرمه سوزه ادامه
بو ماجرا یتیشمز تحریریله تمامه
دلدن توسلّ ایله بو ذوالکرم امامه
عرض ایله درگهونده من کلب آستانم
🎼🎤
۱۶ بهمن ۱۴۰۲
یا موسی بن جعفر
ایدوب هارون ملعون موسیِ طاهانی زندانی
نه موسی بلکه معناده ایدوب قرآنی زندانی
قلم عاجزدی بو مظلوم دهرین شرح حالیندن
ایدوبلر بی گنه بو زاده ی زهرانی زندانی
نجه زندان،عزیز عرشه یر آلتندا یر ویرمیش
ایدوب اوز سینه سینده آیت سبحانی زندانی
نحه زندان سالوب هانسی سیه بختی سیه چاله
خلاصی تاپمیوب آخر اولوب قربانی زندانی
نجه زندان گیجیله گوندوزون فرقی بیلنمزدی
یوخیدی روزنه نور ایلیه نورانی زندانی
نه سس خارج اولاردی نه گلردی سس اورا چولدن
ایشتمزدی کنارینده اولان جریانی زندانی
قرانلوق یر رطوبتلی،انور قرخ پلّه یر آلتدا
ایدوبلر بیر بیله زندانیده موسانی زندانی
استاد غلامرضا هادی
کانال رسمی مداح کربلایی برات سماواتی اردب
۱۶ بهمن ۱۴۰۲
شام غریبان حضرت موسی بن جعفر(ع)
یابن الحسن جدون بوگون اسلامه قرباندی
گل کاظمینه دوت عزا شام غریباندی
باش ساغلیقی ویرّوخ سنه حالون پریشاندی
موسی الرضا تک غُصّه دن قلبون دولی قاندی
ماتم دوتوبدور شیعه لر نالان و گریاندی
گویده ملک لر آغلاشور محشر نمایاندی
اجداد پاکون هم آنان جنّاتیده آغلور
شام غریبان ساخلیوب زهرا اورک داغلور
اشک غمین عاشقلرون رخسارینه باغلور
باشون سلامت مهدیا شام غریباندی
محبسده قلبین غم اوخی ایلردی نشانه
گوردی اذیّت لر ولی گلمزدی افغانه
چون دولدی صبرین کاسه سی عرض ایتدی جانانه
آل جانی موسادن خدا قلبی الولاندی
قالدیم نچه ایل سجنیده من اولموشام بیمار
یرتو به تو ظلمت سَرا سنِد ایلیوب آزار
لطف ایله خالق جانی آل یا سجنیدن قورتار
یثریده وار نئچه بالام گریان و نالاندی
بیر بلبلم که دوشموشم من آیری چمندن
حکم قضا آیری سالوب ایل لردی وطندن
سندین جفاسی سلب ایدوب هر قدرتی مندن
رحم ایلمور بو تابع اشرار و دوناندی
هانسی عمل بولمم خدا اولدی منه تقصیر
مجروح ایدوب کونده ایاق هم بوینومی زنجیر
جسم نحیفه ایلیوب زهر جفا تأثیر
بو مشکلی حلّ ایلیین جانانه جاناندی
گویلوم رضانی ای خدا آخر نفس ایستر
گلسون امامت تاپشوروم سن حجتون گوندر
مندنصورا بو امته اولسون گرک رهبر
گر چه بو هجراندان اونون قلبینده طوفاندی
خادم به درگه ((عدلیدور)) دلدن هواداریم
ایستور اولا بیرده خدا بو یرده زواریم
نوحه دیسون با صدق دل اولسون عزاداریم
جدّیم حسینه عمردور دلدن نوا خواندی
**
حاج اصغر فرشچی
۱۶ بهمن ۱۴۰۲
۱۶ بهمن ۱۴۰۲
4_5929137098689872563.mp3
13.91M
▪️احوالات حضرت موسی بن جعفر علیه السلام
🔹قیامتین گونی گودن یره نداگلجخ🔹
سلطان الذاکرین استاد سلیم موذن زاده اردبیلی رضوان الله تعالی علیه
۱۶ بهمن ۱۴۰۲
4_5929137098689872653.mp3
5.09M
▪️وفات حضرت موسی بن جعفر علیه السلام ▪️
اللهی غریبان خواروزارند🥀
به نزدهیچ کس قربی ندارد🥀
🌹سلطان الذاکرین استاد سلیم موذن زاده اردبیلی رضوان الله تعالی علیه
۱۶ بهمن ۱۴۰۲
4_5929137098689872650.mp3
10.77M
▪️احوالات موسی بن جعفر▪️
چکدی زنجیره اللهی🥀
منی هارون دغا🥀
🌹استادسلیم موذن زاده
▪️▪️▪️▪️
🌹شعر: سیف الشعرا استادسیفی اردبیلی
سلطان الذاکرین استاد سلیم موذن زاده اردبیلی رضوان الله تعالی علیه
۱۶ بهمن ۱۴۰۲
4_5929137098689872613.mp3
3.31M
بوینومداواردی زنجیر🥀
زندان دا الله الله🥀
🌹سلطان الذاکرین استاد سلیم موذن زاده اردبیلی رضوان الله تعالی علیه
۱۶ بهمن ۱۴۰۲
4_5929497807223259786.mp3
8.2M
☘وفات حضرت موسی بن جعفر علیه السلام
منزل استادسیدمحمدعاملی اردبیلی
🎤ازخاتم الذاکرین استاد سلیم موذن زاده اردبیلی رضوان الله تعالی
۱۶ بهمن ۱۴۰۲
زبانحال حضرت موسی ابن جعفر (ع)
.
هدایتی تبریزی
.
زنداندا سولدوم ای خدا
سن راضی سن من راضیم
غم چکماقا من بینوا
سن راضی سن من راضیم
.
.
اهل ولایه سرورم
ظلمیله تحقیر اولموشام
چوخ چوخ اذیّت چکمیشم
بو سجن ده پیر اولموشام
جان هر ندن شیرین اولار
من جان دن سیر اولموشام
ائتسین اذیّت اشقیا
سن راضی سن من راضیم
.
.
یوخدور انیس و همدمیم
زنجیر اولوب همدم منه
زندان فشاری ، غربتیم
تأثیر ایدیر کم کم منه
احوالمی بیلسه اگر
آغلار حرا ، زمزم منه
اولدوم اسیر ابتلا
سن راضی سن من راضیم
.
.
من نورم اما ظلمتِ
زندان ظلمت مسکنیم
پاک و مبرّا رجسدن
آلوده اولماز دامنیم
سلم و رضاده کاملم
لا حکمووه یوخدور منیم
عشقنده اولدوم جانفدا
سن راضی سن من راضیم
.
.
نالم اوجالسین وار یری
زنداندا چرخ اطلسه
بیر کیمسه یوخدور سس ویره
بو گوشه ده من بیکسه
شِکوه ایدنده ظلم دن
منله گلر زندان سسه
جسمیم ایدر نی تک نوا
سن راضی سن من راضیم
.
.
بیلمم نجه تحریر ایدیب
دست قضا تقدیریمی
من بی گنه زندانیم
یوخدور دئین تقصیریمی
آچمور ستمگر دشمنیم
بو کنده و زنجیریمی
واردور توپوقلاردا یارا
سن راضی سن من راضیم
.
۱۶ بهمن ۱۴۰۲
زبانحال حضرت موسی ابن جعفر (ع)
.
هدایتی تبریزی
.
زهر جفا اکبادیمی
یاندردی ، اولدوم منقلب
سند ستمگر ظلموله
بو حالمه اولدی سبب
سینمده قالدی اللریم
من یاندیم او ایتدی طرب
یاندیم او گولدی هکذا
سن راضی سن من راضیم
.
.
رنگیم سولوب جان اوستیم
آغلار گوزوم یار آختارور
خونین دل و افسردیم
گویلوم هوادار آختارور
بیر مهربان دل داغلیان
بو چشم خونبار آختارور
یوخدور یانمدا آشنا
سن راضی سن من راضیم
.
.
یوخدور توانا دورماقا
زهر ایلیوب دلخون منی
یاندی ئورک یاندی جگر
الله یانیری دشمنی
اوغلوم قزیم بوردا دگل
عرشه اوجالسین شیونی
کیمدور منه دوتسون عزا
سن راضی سن من راضیم
.
.
سنّیم جواندی محنت و
درد و بلا پیر ایلیوب
زنداندا ظلمون پنجه سی
زار و زمین گیر ایلیوب
یاره ، ایاقی گردنی
کندیله زنجیر ایلیوب
اولموش گونوم لیل دجا
سن راضی سن من راضیم
.
.
مظلوم دهرم یوخ منی
بو کنج غمده شاد ایدن
ظالم گرفتار ایلیوب
بیر کیمسه یوخ امداد ایدن
نه وار گلن نه وار گیدن
اولماز غریبی یاد ایدن
زندان اولا دارالبکا
سن راضی سن من راضیم
.
.
محبوس جورم نصف شب
بیر ماه تابان گورمورم
مهر منیرم گوندوزی
مهر فروزان گورمورم
بیر تیره زندان دور یریم
شمع شبستان گورمورم
چاتماز منه تازه هوا
سن راضی سن من راضیم
۱۶ بهمن ۱۴۰۲