نوحه ی حضرت رقیه خطاب به حضرت زینب عمه جان بلالیم اورگی یارالیام اوچولار دلدن سالوب اکبرین مارالیام    اکبریم نازیم چکردی گول کیمین هی ایگلیردی گولدیرردی هی گولردی باشیمین اوسته منیم گل عمه جان راحت ایندی جان ویریم من عمه جان عمه من آواره یم بیر گوزل مه پاره یم گوشه ی ویرانیده  اکبرین بیماریم خاطریم چوخ ایستیردی دردی مندن گیزلدردی آیریلیخ وار بیلمیردی باشیمین اوسته منیم گل عمه جان راحت ایندی جان ویریم من عمه جان زلفیومی هجرونده یولام ، ابر تک من عمه دولام گول کیمین گلشنده سولام گئتدی اونان خوش گونومده قالدی دیلده نسگلیمده باغلانیب شیرین دیلیمده باشیمین اوسته منیم گل عمه جان راحت ایندی جان ویریم من عمه جان چوخ دگیب  دل یاره سی باشیمین وار قاره سی گئت منه تاپ عمه جان بیر اوشاخ گهواره سی آغلیوم اصغر غمینه اوتلودی  چوخ داغلی سینه عاشقم لایلای سسینه بلبلم گلشندیم گلشنیمده غملیم هر گئجه من صبحه تک اصغره لایلای دیم گئت گتور دیل سیز بالانی فکرینه واردیر قالانی من اونون لایلای چالانی باشیمین اوسته منیم گل عمه جان راحت ایندی جان ویریم من عمه جان

روضه حضرت ابوالفضل(ع) دیدیلر خالی ایدون فوری فراتین یولونی بو گرک سو آپارا خیمه لره سقادی (یتیشدی نهر علقمه پرچمین ویردی یره یعنی فرات اولدی بیزیم اوندا گوردولر رقیه قاچاقاچا گلدی ربابین خیمه سینه ننه معجریوی آل الیوه عمومی دعا اله مشکین دولدوردی سویونان یولونی نخلستانیدن سالدی بلکه حسینین بالالارینا سویی تئز یتیره اله یالواریر اللها ) خدایا قویما مندن قلبی سینسون غملی سلطانیم اوتوز بش ایلده بیر یول اولمویوب عشقیمده نقصانیم آپارسام مشکی اخیامه اولار آسوده وجدانیم ولیکن مشکیم اوخلانسا قالار الرده دامانیم (اله مشکی باسوب سینه سینه گلیر خیمه لره طرف دیدی خدایا ) الیمدن دوتماسون دوتما ازل پیمانینه خاطر سنه یالوارمیور بندون لب عطشانینه خاطر نه لیلا نه ربابون دیده گریانینه خاطر منه رحم ایلسون ایله حسینون جانینه خاطر (اله بو فکریده ئوز ئوزونه دانشیردی دییر الله فقط منی شرمنده المه بالالار یولومی گوزلور ) رقیه ایندی تل اوسته دوروبدور الده گیسوسی اوجالوب قمریلر مثلی سمایه ذکر یاهوسی حسینون آغلیور الان حرمده غملی بانوسی بشیکده من گلنده جان ویروردی تشنه آهوسی (رباب نقدر الیردی علی اصغری آرام الیه بولموردی اله آقا بو حالیده گلیر خیمه لره ) اولا صد حیف او مولانی قوشون دوره لدی مشکی اوخلاندی یوزه گوزلری قان یاش اله دی باغلادی کوفه لیلر حضرته چاره یولونی سالدیلار تندن اونون صاق قولونی صول قولونی (گوزونن اوخ وردولار، باشینان آهن عمود وردولار، امام زمان گوزلر دولوب قانیلان، آقانین گوزونه قان دولوب، خیمه لرین یولون ایتیریب، اله یانایانا دیدی عقاب منی خیمیه آپارما) گوزلرین قان بوریوب مرکبی ویلان دولانور خیمیه گیتسه بو احوالیله واویلادی یالوارور مرکبینه خیمه سرادن اوزاق اول تشنه لر گورسه منی روحیمه چوخ ایزادی یوخدی مشکیمده سویوم خیمه سرادن اوزاق اول اولا شرمنده گوروم بو اوخ آتان شدادی (قولار بدنده یوخ آتین اوستن یوزی اوسته گلدی یره قوشون جمع اولدی اولاری که جنگیده ابوالفضل آقانین قاباقینان قاچمیشدیلار الکی ابوالفضل آقا یخلدی آتدان ) دیدیلر بیچدی اجل داسی گل یاسی گلون آی قاچانلار گیدون یخدیلار عباسی گلون دولدی جمعیتیله نهریله میدان آراسی بیری دل یاره سی وردی بیری خنجر یاراسی باخدی اخیامه دیدی قلبیمی غم دلدی آقا گل حسین حضرت زهرا ئوزیده گلدی آقا (اوتوز دورد ایل حسینون محضرینده زندگی اله دی اما بیر دفعه قارداش چاغرمادی اوزمانیکه آتین اوستن یره گلنده دیدی قارداش ئولورم زینب دییر گوردوم تلین اوستونده حسینیم بیر خوشحال اولدی اونان رنگی سارالدی حسین نیه بو حالا قالوبسان قارداش؟ دیدی باجی اوتوز دورد ایل بو سوزون آرزو سندیدیم اونی اشیدمیشم ) سوزش لحن علمداریمده داغ داش سسلنور هیچ منه قارداش دیمزدی ایندی قارداش سسلنور (گلدی قارداش بالینینه یارالی باشین آلدی دیزی اوستونه یوزون قویدی ابوالفضلین قانلی یوزونه دیدی عباس گورورم گوزوه اوخ وروبلار نیلک، باشوندان آهن عمود دیوب نیلک، اما سندن بیر سوالیم وار ابوالفضل ) فرمایش ایتدی شه یانورام بو ملالیوه سویله گوروم نه گلدی او زیبا جمالیوه عرض ایلدی شها دیرم لیک غم یمه سن بیل ننون بو مسئله نی زینبه دیمه یاره دیر بو رسمیدی سرداره جنگیده آتدان دوشنده قالدی ایاقیم اوزنگیده مرکب دولاندروبدی منی قانه بورونموشم آتدان دوشنده تپراقین اوسته سورونموشم #ابوالفضل

روضه حضرت ابوالفضل العباس(ع) نهره ایاقین قویدی او دریای شرافت عطشان دوداقوندان گویه قالخوردی حرارت (یتیشدی علقمین کنارینا آقا سویی دولدوردی گتیردی سویون سرینلقین آقا یوزی احساس اله دی توکدی یره سویی ) نهره ایاقین قویدی او دریای شرافت عطشان دوداقوندان گویه قالخوردی حرارت یالواردی فراتین سویی اوپدی ال ایاقین ایسلاتمادی حتی اوسودان تشنه دوداقین عطشان لبیلن تا سویی ترک ایلدی سقا تشویشه دوشوب تیتردی ارکان ثریا ایسلاندی یر آنینداکی اودلی عرقیندن عشقین او شرافتلی مقدس ورقیندن تا یاندی ولی تشنلیقا دوزدی ابوالفضل فرهاد هوس بازین آدین پوزدی ابوالفضل مردانه ایکی قولدان ال اوزدی هله قالسون زیبا گوزی اولدوز کیمی سوزدی هله قالسون بزر شرفی عشقیله اکدی هله قالسون اوچ پر اوخی گوزدن نجه چکدی هله قالسون یاره بدنی لنگره دوشدی هله قالسون آتدان نجه قولسوز یره دوشدی هله قالسون باشدان ایاقا قامتی قانه بوروننده دشمنلر ایچینده یوزی اوسته سوروننده قان چشمه کوثر کیمی داشلاندی گوزوندن گوزلردن آخان قانیله بیر بیر یر اوزوندن بیگانه لرین ریشه سینی قازدی ابوالفضل عشقین سندین ئوز آدینا یازدی ابوالفضل گرچه او چولون ساقی ارزنده سی اولدی عطشان بالالارین ولی شرمنده سی اولدی بیر یول دیمه دی وای یارالی گوزلریم ایوای هی سسلدی لب تشنه قالان اصغریم ایوای افغانی اوجالدی فلکه یاره اورکدن گوز یاشلی گلایه اله دی چرخ فلکدن (ابوالفضلین اورگینین سوزودی، قولار قلم اولوب باشیندان آهن عمود دیوب ، گوزدن اوخ دیوب دیدی الله) هیچ من دیمیرم اوخ نیه دیدی گوزوم اوسته آیا نیه میداندا سوروندوم یوزوم اوسته هیچ من دیمیرم دیلده ربابین سوزی قالدی یولاردا ننم ام بنینین گوزی قالدی تنها بودی قلبیمده کی نیسکیلی گلایم بو ایسی هواده غم آلان خیمه سرایه هیچ من دیمیرم باد ملایم یتیشیدی نولاردی سو مشکیم اورا سالم یتیشیدی بیر عمده غمیم وار هامی غمدن منه باشدی بیر یول منه عمرونده رقیه آغیز آشدی

روضه راه شام بابا خنجر سنقی اوخ سنقی ایلور اذیت قویمور یریم خار مغیلان گجه یاری عمم ده دیور بوردا سالا یارمه مرحم وار بوردا کیمیم ایلیه درمان گجه یاری تأثیر ایله دی اول بالانین حالی امامه ایتدی حرکت شاه شهیدان گجه یاری سسلندی قیزیم آغلاما گل محول زاره تک سن دیوسن آیری قوناقیمده واریمدی زهرا ده گلوبدور منه مهمان گجه یاری

روضه حضرت ابوالفضل(ع) قد انسانی ایدر خم بلی قارداش ئولومی بلینی بوکدی حسینون بولوسوز شهرتی وار (الی بلینده آتیندان اندی یره گلدی قارداش باشینون اوستونه ) عمامه نی گوتوروب گوزلرین قانین سیلم یامان گونومدی منیله دانشماسان ئولم اوغول ئولومی تقربده چوخ اوجاتدی منی ولی سنون ئولومون حیف اولا قوجاتدی منی گرچه تکیدون لیک بیر اردو قاباقیدون دعوا گونی پیغمبره حیدر سیاقیدون قارداشمیدون آرخامدون ائل دیاقیدون ائلدن آرالاندون وطنیندن اوزاق اولدون سن کی منیدون پس نیه مندن قاباق ئولدون

روضه حضرت علی اصغر(ع) ظهرعاشوراکمکسیز قالدی شاهنشاه دین کوفه نین ارزلری آلدی او شاهین دوره سین مرکز میدانیده تا سسلدی هل من معین عرصده گهواره تک ویردی او سس لنگر یره ناگهان گهواره دن آتدی ئوزون اصغر یره یعنی روشندی منه قلبینده کی رازین بابا غم یمه گرچه ئولوب سردار ممتازین بابا خیمه لرده وار هله بیر خردا سربازین بابا فیض بزم کربلادن قوی ربابین قالماسون باشینی زهرا حضورینده اشاقه سالماسون بی کمک شاهه یتیردی سوزلرین ایمائیله تشنه قربانین چاتوبدی آلتی آیی کامله عرصه گهده اوخ سنه ساری آتاندا حرمله آلسان آغوشه اقلا بیر سپر اولام سنه بیر اوخون حتی قاباقون ساخلاسام بسدور منه سوز یتیشدی نقطه حساسه یا صاحب زمان چلیه قویدی سه پر اوخ سنگدل بیر اوخ آتان اوخ کماندان چخجاقین ایتدی حسین قدین کمان صید اولان قوش مثلی چالدی الرین عطشان بالا گوزلرین یومدی حسین سسلندی بیر یول جان بالا سپدی خون اصغری عرش معظم سمتینه اشکی گوزده غم انیسی دوندی همدم سمتینه قویدی بوینون چینینه هی باخدی علقم سمتینه یعنی قلبیم سوز غمدن یاندی قارداش هارداسان الریم اوسته بالام اوخلاندی قارداش هارداسان ف-ع

روضه حضرت علی اصغر(ع) اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم

هرکیم آنالیق ایتمسه بولمز آنادردین اولدوزلاری سایساگتیرنمزسانادردین قوی داغلاری بیریان آنانین بیریانادردین گراوغلوی ئولوب غملری داغلاردان اوجالسا ایراد المه هین جوانلیقدا قوجالسا سیزلدا قوخما علی حرمله یاتوبدی بالا شکاری یوخدی اولان اوخلارین آتوبدی بالا گلشن عاطفه ده گل کیمی سولمیدون کاش داغ اولیدیم داش اولیدیم ننه اولمیدیم کاش بانوای زنده یاد: حاج محمد نورانی

دولانین طشت عزانین باشینا فاطمه مشتریدی گؤزیاشینا آغلیون تشنه فرات اوستونده آقامین الده ئولن قارداشینا جان فدا عرصه ده تنها آقاما آغلیور نهریله دریا آقاما مشکه باخدوقجا دیون یا سقا مشک شرمنده دی عباس آقاما آقاما خیمه یولون باغلادیلار ئورگین تیر غمه داغلادیلار ائشیدن وقتده سوسوز ئولمگینی تشنه لر حالینه قان آغلادیلار ساخلیون مد نظر محنتوزی یقین عباس بیلر نیتوزی منصبی باب الحوایج آقادی تئز برآورده ائدر حاجتوزی شعر از عباسی معروفان بانوای :کربلایی سعیدرستمی اهری

#حضرت_ابوالفضل(ع) خط سیرینده حسین گوزله یولون صاق صولونی نوکرین دوز یولون اوستونده قویوبدور قولونی قارداشی ئولسه کیمین چون ایتیرر ئوز یولونی قویموشام قولاریمی یولدا علامت گله سن او علامتله گلن وقتیده راحت گله سن السیز اعضایه باخوب سعی اله دل داغلاما چوخ اشکیوی رنگی قاچان صورتیوه باغلاما چوخ خیمیه گیت باشیمین اوسته اوتوروب آغلاما چوخ بئلیوین سنماقینی یوخسا بوللر قارداش آغلاسان حالیوه میداندا گوللر قارداش

‍ ‍ ‍ 🔸بسم الله الرحمن الرحیم 🔹شعر فی البداهه نوشته شده در تاریخ (۹۸/۴/۶)برای شهادت امام جعفر صادق علیه السلام 🔸به سبک حسین آدین‌ نه گوزلدی..... 🔹بقلم ابراهیم تون خوش قلم میاندوآبی 🔸🔹🔸🔹🔸🔹🔸🔹🔸🔹🔸🔹🔸🔹 گینه فغان سسی عرش و فلک لره گئدوب الله رئیس مذهَبِ شیعه جهانی ترک ائدوب الله بو عزاده شیعه آغلا وای آقا دئ سینه داغلا غم و محن دِلِه دولدی امامیمیز شهید اولدی اولوب جفائیله مسموم مثالِ گول یوزی سولدی بو عزاده شیعه آغلا وای آقا دئ سینه داغلا بالالاری سینه داغلار باشا قراسینی باغلار بهشتده وای بالا دئلده آناسی فاطمه آغلار بو عزاده شیعه آغلا وای آقا دی سینه داغلا 🔸🔹🔸🔹🔸🔹🔸🔹🔸🔹🔸🔹🔸🔹 التماس دعا

یاصاحب الزّمان (عج) ای امیدی شیعیان گل ای امام انس و جان گل هر مسافر گئدی گلدی سنده یاصاحب زمان گل آقا مولا یابن الزهرا نه طراوت گُل ده قالدی عیشی نه بلبل ده قالدی هارداسان عصرین امامی شیعلر مشگلده قالدی آقا مولا یابن الزهرا دمم حُسنون یاسه بنزر دمرم هر ناسه بنزر سروی باغ مرتضاسن قامتون عباسه بنزر آقا مولا یابن الزهرا هرکسه حقدن پای اولماز بیر بله گویده آی اولماز عالمی دوتسا گوزلر سنه دونیاده تای اولماز آقا مولا یابن الزهرا عاشقلر دلبری سن سن دلبر و سروری سن سن هرکسین وار بیرآغاسی شیعه نین رهبر سن سن آقا مولا یابن الزهرا درمندانه دوا وئر دللره تز گل صفاوئر کیم سنون آدیوی سسلر سامرا و کربلا وئر آقا مولا یابن الزهرا دللری آلدی محن گل ای شه اهل زمن گل صدقیله سسلر ولایی هارداسان یابن الحسن گل آقا مولا یابن الزهرا ولایی تخلص عبداللّهی ✍

مناجات با امام زمان عج🌱🌷 زمزمه🍀 سبک  ای قلم سولرینده اثر یوخ🌹 ای گل باغ حیدر کجایی بند قلب پیمبر کجایی دل دگر خون شد از هجر رویت ای پرستوی حیدر کجایی 2 طاقت دوریت را ندارم جز وصالت تمنا ندارم در بیابان چولب تشنگانیم ره به دامان صحرا نداریم  2 ای گل فاطمه در کجایی یابن الزهرا اقا کی میایی بند ترکی🍀 درد هجرانوه یوخدی درمان چوخ چتیندور اقا درد هجران گل سنی زینبین جانی مولا سن گلن یولارا شیعه قربان 2 ای گل فاطمه گل اماندی گل اقا حالیمیز چوخ یاماندی🍀

#مهدیه ☑️سبک :قدی رعنا گوزی شهلا....... ☘️☘️🔷🔷⚫️⚫️🔷🔷☘️☘️ هرمسافر گتدی، گلدی گلمدون سن ،یابن الزهراء گوزلریم یول ،لاردا قالدی گلمدون سن، یابن الزهراء توتدی دنیانی ستم گل چوخ یوبانما رهبریم گل یا اباصالح مددی(۴) ☘️☘️🔷🔷⚫️⚫️🔷🔷☘️☘️ مقدمون قربانی تز گل یرگویون سلطانی تزگل یوخ دوزم دای شیعه لرده سن بل آنان جانی تز گل توتدی دنیانی ستم گل چوخ یوبانما رهبریم گل یا اباصالح مددی(۴) ☘️☘️🔷🔷⚫️⚫️🔷🔷☘️☘️ قورخورام اولم ،گئدم من گورمیم او،گل جمالون اوگیمده، وار بو حسرت گورم آقا،حسنه ماهون توتدی دنیانی ستم گل چوخ یوبانما رهبریم گل یا اباصالح مددی(۴) ☘️☘️🔷🔷⚫️⚫️🔷🔷☘️☘️ ای حسینون یادگاری آل اله سن ذوالفقاری اول اوزون رهبرجهانه شادایله سن شعیانی توتدی دنیانی ستم گل چوخ یوبانما رهبریم گل یا اباصالح مددی(۴) ☘️☘️🔷🔷⚫️⚫️🔷🔷☘️☘️ خوشدی الآن سن گلسن پرچم مون اله الاسان ریشه ظلمی کسه سن عالمی دلشاد ایده سن توتدی دنیانی ستم گل چوخ یوبانما رهبریم گل یا اباصالح مددی(۴) ☘️☘️🔷🔷⚫️⚫️🔷🔷☘️☘️ سن حبیب لم یزل سن حسنوده سن بی بدل سن وارجهاندا چوخ گوزللر سن گوزلدن گوزل سن توتدی دنیانی ستم گل چوخ یوبانما رهبریم گل یا اباصالح مددی(۴) ☘️☘️🔷🔷⚫️⚫️🔷🔷☘️☘️ تقدیم به همه عاشقان دل سوخته حضرت حجت ابن الحسن وصی المصطفی صلی علی محمد و آل محمد و عجل فرجهم إن شاء الله 🔚 التماس دعا

ای فاطمه نین فرزندی ✅ ترکی ای فاطمه نین فرزندی وی قلبلرین پیوندی         ایللردی گوزوم یول گوزلور       گَل شیعه لرین دلبندی یورولموشام بو هجره مهدی--- هایانداسان وفالی تز گل اورك تلاطم ایلیر آخر--- گوره او گول جمالی تز گل (آغام آغام آغام آغام ای سنه فدا آتام آنام ای )      هجرین منی دلدن سالدی آرامیمی الدن آلدی       ناله مده اثردن دوشدی       گوز گوشهٔ درده قالدی دوزنمورم فراقه مهدی---هایانداسان عزیز زهرا قوتار بو موسم فراقی--- یورولموشام بو غمده مولا           ✅ فارسی گر غرق گناهم پستم بر لطف من دل بستم     از جام مئی لبهایت     تا آمدنت سرمستم بیا بیا‌بجان زینب--- دل شکسته را جلا دِه امید من مرا دوباره---برات خاک کربلا ده ای از همه گل زیباتر در کلّ جهان تنهاتر     میسازی و ما میسوزیم      دل خون شده و مینا تر دگر برُیدم از فراقت--- امید عاشقان کجایی طلب کن از خدای رحمان--- بحق فاطمه بیایی            مولا مهدی-مولا مهدی ✍️مجید قلعه بیگی (فقیرخویی)

دولانین طشت عزانین باشینا فاطمه مشتریدی گؤزیاشینا آغلیون تشنه فرات اوستونده آقامین الده ئولن قارداشینا جان فدا عرصه ده تنها آقاما آغلیور نهریله دریا آقاما مشکه باخدوقجا دیون یا سقا مشک شرمنده دی عباس آقاما آقاما خیمه یولون باغلادیلار ئورگین تیر غمه داغلادیلار ائشیدن وقتده سوسوز ئولمگینی تشنه لر حالینه قان آغلادیلار ساخلیون مد نظر محنتوزی یقین عباس بیلر نیتوزی منصبی باب الحوایج آقادی تئز برآورده ائدر حاجتوزی شعر از عباسی معروفان بانوای :کربلایی سعیدرستمی اهری