در استمداد حضرت ابوالفضل از خوندل ابوالفضله گل ایله عنایت آتام اوغلی ایدوم بیرده جمالون زیارت آتام اوغلی ایله حالدیم من كه مایوسم اوزومدن گذشت ایت منی قارداش خلاف اولسا سوزومدن بو قانی گَل اوزون سیل منیم قانلی گوزومدن گوروم گُل یوزون اولسون سعادت آتام اوغلی سو اوسته بولوسَن من نه زحمتلره دُوزدوم گلن اوخلاری گُل تك یانان سینمه دوزدوم سو مشكیمدن آخاندا حیاتیمدن اَل اوزدوم منی ایتدیله سَندن خجالت آتام اوغلی یارالی گون ایوینده سیزیلدار یارام آغرور یارالار بدنیمده اوزوم تا وارام آغرور گَل اَگلش باشیم اوسته دیوم تا هارام آغرور ایدیم دردیمه بیر بیر اشارت آتام اوغلی قوری یِردیم امّا یِرون وار گوزون اوسته نقدری نفسیم وار وارام اوز سوزوم اوسته اگر عطریوی آلسام سورونَّم یوزوم اوسته تاپام خاك رهوندن شرافت آتام اوغلی قالان دشمن اَلینده یارالی باشیم ایوای آخار قانلی عُذاره یازار گوز یاشیم ایوای من اَل چكدیم اوزومدن سوسوز قارداشیم ایوای جسارت تاپار اهل عداوت آتام اوغلی عجب مقصده چاتدی بو گون قانه باتانلار كنار اولدولار اوددان كنارونده یاتانلار نه ا... دان اوتاندی نه سَندن اوخ آتانلار ایدوبلر منه مشكه جسارت آتام اوغلی گرك قان ایده بو غم سوسوز قیزلارین اشكین كه انهار بهشتی او اشكین چكه رشكین سو یوخدی سَن اوزون گَل آپار قانلی سو مشكین اوزی شَرح ایده سَندن حكایت آتام اوغلی بو صحراده شدائد نقدر ایلدی شدّت وفا شیوه سین ایتدیم وظیفَمجه رعایت بیر اوخ غفلتا امّا ایدوب مشكه اصابت سو گیتدی هدر اولدی او زحمت آتام اوغلی گَل آرتور منه لطفون غم و دردیم آزالسون رضا اولما فراقین شرر جانیمه سالسون گَل اگلش باشیم اوسته منیم باشیم اوجالسون ابوالفضلیوه آرتور فضیلت آتام اوغلی نه غم گَلدی سو اوسته شهامتله دایاندیم دیشیمدِیدی سو مشكی بو میدانی دولاندیم بیر اوخ گَلدی سو گِتدی اوركدن یارالاندیم منی سالدی اَیاقدان او حسرت آتام اوغلی حسینیم منی قویما بو اَشرارون اَلینده دوشوب اود دله آهِ شرر بارون اَلینده قالوب بیر یارالی گُل نچه خارون اَلینده اولوب جسمی سراسر جراحت آتام اوغلی نه منظوریدی قارداش منه بو یارالی باش نه قانلی گوزوم آغلار كسلمیش اَله قان یاش آچار اهل جفا اَل باجیم زینبه قارداش ایدر صبریمی غارت او غارت آتام اوغلی اوزوم راهِ وفاده نه غم گَلسه دایانّام غمیم یوخدی باشیمدان، اَلیمدن یارالانّام سنی دشمن اَلینده قویوب گیتماقا یانّام بو غم روحیمه ایلر اذیّت آتام اوغلی خیامه گَتورم سو منه اولمادی امكان سوسوز قیزلارا ایله بو احوالیمی اعلان قصور اولسادا مندن سَن ایت عفویله جبران كه شایسته دی سَندن كرامت آتام اوغلی #عباسیه شعر: خوندل قابل توجه این کامل شعری هست که حاج مهدی لیثی خوانده است

اوجا قامت اوجا بوی الره حیف اولسون اخا نهر علقمده دوشن پیکره حیف اولسون اخا عباس عباس نه گلوب الریوه عباس عباس قان دولوب گوزلریوه من سنی بیله یاتاندا یارالی گورمه میشم سن کیمی ماه ملک منظره حیف اولسون اخا گر رقیم خبر آلسا سنی مندن نه دیوم نجه سویلوم خلف حیدره حیف اولسون اخا خیمه لرده نگراندی بالالاریم دو گداخ شانیه حسرت اولان تلره حیف اولسون اخا عباس عباس نه گلوب الریوه عباس عباس قان دولوب گوزلریوه باجیم آغلار گوزوله تلیده گوزلور یولوی الی الدن اوزولن خواهره حیف اولسون اخا آنامین عطری گلور اولما گوروبسن آنامی الی پهلوده قالان مادره حیف اولسون اخا عباس عباس نه گلوب الریوه عباس عباس قان دولوب گوزلریوه نقدر سن واریدون قورخی یوخویدی حرمه قورخوسونان دوتولان دیلره حیف اولسون اخا گوز گوز اولموش بدنون مشکیوه تای آی یارالی بندی بندیندن اولان پیکره حیف اولسون اخا عباس عباس نه گلوب الریوه عباس عباس قان دولوب گوزلریوه نیه سس ویرمیسن ای صورتی آی قدی علم بولموسن اوغلوم ئولوب بی کس و افسرده دلم خیمیه گیدماقا اهل حرمیمدن خجلم سنه معلومیدی افکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه ای منیم قافله سالاریم اَخی یَابنَ اَبی ای اوزون قولّی علمداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه سن دگلدون که اوجایدی هامی اَللردون اَلون؟ شیردن آرتوقیدی صولت جنگ و جَدَلون تیغ زن لیقدا تاپولمازدی جهاندا بَدَلون ای حقیقتلی فداکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه قولومین قوّتی اول صولت مردانه هانی؟ اَۀده کَسگین قلجیم، جنگ دلیرانه هانی؟ زادۀ شیرخدا پنجۀ شیرانه هانی؟ ای مصیبت گونی غمخواریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه صولتون نولدی یاتوبسان یارالی پژمرده؟ نه گَلوب اَللریوه قالدی قلنجون یرده؟ ای آتام اوغلی قلنجون دور اَله آل بیرده قویما یالقوز منی سرداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه تا اَسوردی عَلَمون اَلده اَیا کانِ هنر خیمه ده راحتیدی سر به سر آل حیدر عَلَمون یاتدی اولاردان اولی غارت معجر داغیلار چولّره قیزلاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه نه اَلون واردی بدنده، نه وجودوندا رمق یورولوب خسته سن ای صورتی گون، قانی شفق یات قوری یرده، بو یاتماقدا واروندور چوخ حق قوی دونه قانه دلِ زاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه بِلیمی سندیروب اَلدوردی سنی قوم ظلام بو شکستیله شکست اولدی عمود اسلام دلده سو، اَلده سو جامی سولیوی ایمدی تمام گوزلوری عترت اطهاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه نیه سَس ویرموسن ای صورتی آی قدّی عَلَم؟ بُلموسن اوغلوم ئولوب، بی کسم افسرده دلم؟ خیمیه گیتماقا اهل حرمیمدن خجلم سنه معلومیدی افکاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه غم یتنده منه هر غمده شریک غمیدون غصّه لی وقتیده قارداش منه سن همدمیدون جسمیده روحیدون، اسراریمه سن محرمیدون ای منیم محرم اسراریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه روز و شب راحتیدی قارداش عیالیم سنیله آزالوردی غم و اندوه و ملالیم سنیله سن که ئولدون گیده جاق جاه و جلالیم سنیله قالمیوب کیمسه هواداریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه سن که ئولدون منه جرات تاپار اشرار دنی ئولدورَر قوم جفاجو بو بیاباندا منی سویولار ظلمیله اطفال رسول مدنی تالانار خیمۀ زرتاریم اَخی یَابنَ اَبی عباس عباس نه گلوب الریوه عباس عباس قان دولوب گوزلریوه ای حسین بن علی، ای کرمین دریاسی کاتبیله بو «حسینی» سنه ساخلار یاسی ایله مامور بو وقفه بو سوزه عبّاسی اولاری یاز اولا زوّاریم اَخی یَابنَ اَبی

سائلم آقا گوزوم وار کرمونده یانارام گئجه گونوز نار غمونده قاپوا گلمیشم ای کان کرامت قوی قالوم سایه لطف علمونده گوزل آدون گئجه گونوز ازبردی محبتون اورکلره یاوردی فدا اولوم سنه هامی نوکردی امان امان امان؛علملرون اسیر اسنده پرچمون ؛قراریمی کسیر نگار من حسین ؛حسین حسین حسین شعار من حسین ؛حسین حسین حسین صبح اولدوزوم پس نیه آخدون گوزدن بئله مادری آتدون سیراب اولوب مقصده چاتدون علی لایلای. بالا لایلای ایکاش اوغول گویلون آلیدیم دل آچماقون بیرجه گوریدیم سن اوخلانونجا من ئولیدیم علی لایلای. بالا لایلای

شور شبهای محرم سبک نوحه : به شکوه عَلم تو دل سپردم آتش عشقیوه من یاندیم حسین جان شرر غملره اوتلاندیم حسین جان هر زمان یاره لرون یادیمه دوشدی اشکیمین موجینا ایسلاندیم حسین جان بیر عمرودی اسیر قاره پرچمم فدائیِ شهنشه دوعالمم آقام آقام آقام اباعبدا... نهضتون لرزه سالیب کون و مکانه هامی عاشق لریوی گتدی فغانه بسکی شیریندی آدون ای گل زهرا گتیریب پیر و جوانی هیجانه صفالی دی آدون عزیز زهرا بلالیدی آدون عزیز زهرا آقام آقام آقام اباعبدا... سنی مولا تانیماز فرقه گمراه باخسا گر دقتیله هر دل آگاه یا حسین شوکت و اجلالیوه قربان یوخ سلیمان دا بو حشمت بئله بیر جاه فدا اولوم بو حشمته یا مولا فدا اولوم بو شوکته یا مولا آقام آقام آقام اباعبدا... ای خانم فاطمه نین نور دو عینی ای سینیخ قلبیلرین شوریله شینی نه اولار زینبیوون خاطری مولا قسمت ائتسن گینه بین الحرمینی اگر چه بیر ،چمنده کی خارم من نولور گورم، قبریوه زوارم من آقام آقام آقام اباعبدا... ای نجاتین گَمی سی شمس هدایت قره کوینک لریوه ایله عنایت هارامیز وارآقاجان قووما قاپوندان وئر عزاداری لره قول شفاعت دیولّه شیعه( بیکَس) و مضطردی بو بسدی کی ، حسین بیزه رهبردی آقام آقام آقام اباعبدا... ✍️ شعری از کربلایی مهدی عبادی

‍ 🌺🎊🌺🎊🌺🎊🌺🎊🌺🎊🌺 ﷽ #مدح #حضرت_فاطمه_معصومه(س) #ترکی گلشن آل علیده گل یاسن نوه سی شیعه نون شافعی،هم ملجائی هم دادرسی برکت نازل ایدن منطقه محرومه قمدا جنت یارادان فاطمه معصومه ساخلیان قارداشا خاطر اورک عشقین زنده وطنی ترک ایلین قارداشینون هجرینده قدمی شهرقمی جنت ورضوان ایلین نفس پاکی گِلستانی گُلستان ایلین قارداشین نامه پرمهری اورک باشینده چشم امیدی خداده ، گوزی قارداشینده اولدی معصومه الیکه بودیاره عازم شهرقم اولدی شفاخانه موسی الکاظم کاروان گلدی جلالیله یتشدی یرینه بلکه ده رنج وملالیله یتشدی یرینه اوگونی شهر ،بلافاصله تعطیل اولدی دیه بیللم نه خیابان ، که بیابان دولدی یغشوب بیر یره ده ساله الی صدساله دسته گل الده هامی گلدیلر استقباله نذر ایدوبلر اولالار نایل اونون حق دمینه سردیلر گللری مولا قیزینون مقدمینه صلواتیله هامی گللری پرپر ایلدی صلواتین سسی ایرانی معطر ایلدی ✍ #ابوالفضل فرهنگ 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود #التماس دعای فرج 🌺🎊🌺🎊🌺🎊🌺🎊🌺🎊🌺

امام رضا علیه السلام در سبک : چو گیسوی تو من در ...... رواقون جنت الاعلایه بنذر ای رضاجان سنی بیچاره لرامداده سسلرای رضاجان آدون قلبه صفادی    قاپون باب رجادی گوزل قبرون غباری      هامی درده دوادی غریب وطن،ادب کانیسن،سنه عبد ذلیلم منیلن دانش،الیمدن یاپوش،دخیلم من دخیلم رضاجان رضا رضاجان رضارضاجانم رضاجان(٢) ➖➖➖➖➖➖➖➖➖➖➖ بودورفخریم ایکی دنیا قاپوندانوکرم من منی  آهو حساب ایله اگرچه کمترم من قسم ویرم سنی اوغلون جواده دوت الیمدن کرم  ایله کرم  دریاسی بی بال و پرم من جلالون بی کراندی    قاپون باب جناندی غریق   بحر  دردم      الیمدن دوت آماندی فقیرم  آقا ، اسیرم  آقا ، گرفتار بلایم گدایم سنه ، نظرقیل منه ، که محتاج عطایم رضاجان رضارضاجان رضا رضاجانم رضا جان(٢) ➖➖➖➖➖➖➖➖➖➖➖ نظرایله بو عشاقه باجون معصومه جانی دیوللر  کربلا  عاشقلری   سسلر   رضانی قالوب حسرت باخور یولاره آغلار گوزلریمیز بو جمعه عیدیانه  یاز برات کربلانی آدون مشکل گشادی   هامی درده دوادی بوجمعون دردی آقا     نجف یا کربلادی گل باغ طوس،انیس النفوس،شه ملک ولاسن قیامتده سن ، ایا بوالحسن ، هامی درده دواسن رضاجان رضارضاجان رضا رضا جانم رضاجان(٢) 🌴🌴🌴🌴🌴🌴🌴🌴🌴🌴🌴

بدرقه زائر کعبه با ذکر روضۀ حضرت زهرا سلام الله علیها . . . رضوی زنجانی . . مسافران گئدیسوز اول یره سلام آپارون حجاز و معبه خوش منظره سلام آپارون . صفا و مروه و زمزمده یاد ائدون بیزیده منانی سیر ائلیون مشعره سلام آپارون . پیمبرون او گوزل مرقدین اوپن وقته بیزیده یاد ائدون اول سروره سلام آپارون . دیون رسول خدایه بیزیمده دردیمیزی خلوصیله او پیام آوره سلام آپارون . دیون او گوهر یکتایه ائت بو جمعه نظر بو جمعیدن او گوزل رهبره سلام آپارون . #بقیع ده بیرده او دورت قبره گون قباقینده امام اربعیه دورت گوهره سلام آپارون . امام صادق و باقر و بیرده سجّاده حسن او ارشد اوغول حیدره سلام آپارون . اولوبلا زهر اثریندن او دوردیده پرپر او ظلم الیله سولان گُللره سلام آپارون . و بیرده گیزلین اولان امّته گوزل قبری او یرده غملی یاتان مادره سلام آپارون . یوزین گورنده پیمبر تاپاردی آرامش خدا عطا ائلین کوثره سلام آپارون . قاپی دالیندا قالوب خورد اولان قابیرقالاری علینی درده سالان دلبره سلام آپارون . قاپی یاناندا اولان سینه سی سپر قاپیا او قهرمان هنر پروره سلام آپارون . باباسینا شب هفت دوتمامش یانان قاپوسی یارالی شافعه محشره سلام آپارون . اوز اوغلینا اولوب اوز آستانه سی مقتل سولان او غنچه گُل پرپره س ...                    

نوحه_جدید_حضرت علی اصغر_در آهنگ (عم اوغلی چوخ گول سارالار) ----------- الهی اصغر قانا باتوب(۲) جان ویروب سوسوز اوغلوم_جان ویروب سوسوز اوغلوم(۲) گوزوندن عالملری آتوب(۲) جان ویروب سوسوز اوغلوم_جان ویروب سوسوز اوغلوم(۲) ------------- او قانلی میداندا اصغری(۲) شاه آلاندا آغوشه_شاه آلاندا آغوشه آتاسینون اللری اوسته(۲) گیتدیم اصغریم هوشه_گیتدی اصغریم اوسته بوغازینه انّی اوخ دگوب(۲) گوشیدن ئوزوب گوشه_گوشیدن ئوزوب گوشه اوخا گولوب صودامر بالام جان ویروب سوسوز اوغلوم_جان ویروب سوسوز اوغلوم ------------ بو رسمیدی ای خدای من(۲) داش قوناقه ویرمازلار_داش قوناقه ویرمازلار آنانون اولسا بالاسینا(۲) گر علاقه ویرمازلار_گر علاقه ویرمازلار دئین یوخویدی او ظالمه(۲) اوخ اوشاقه ویرمازلار_اوخ اوشاقه ویرمازلار سه شعبه اوخ حرمله آتوب جان ویروب سوسوز اوغلوم_جان ویروب سوسوز اوغلوم ------------- الهی سن شاهدن ئوزون(۲) یوخدی دردیمه چاره_یوخدی دردیمه چاره منه باخور حرمله گولور(۲) لعنت اولسون اغیاره_لعنت اولسون اغیاره خیامه اعدا هجوم ائدوب(۲) غارت اولدی گهواره_غارت اولدی،گهواره پوزولوب حالیم سسیم باتوب جان ویروب سوسوز اوغلوم_جان ویروب سوسوز اوغلوم ------------- سینمه ده،صود اولمادی سنی(۲) تا اَمیزدیرم اوغلوم_تا اَمیزدیرم اوغلوم امیدیم عباسیدی گله(۲) سنه سو ویرم اوغلوم_سنه سو ویرم اوغلوم خجالتم گلموری دلیم(۲) باری دیندیرم اوغلوم_باری دیندیرم اوغلوم گوزیاشیمی غم قانا قاتوب جان ویروب سوسوز اوغلوم_جان ویروب سوسوز اوغلوم (بهلول حبیبی زنجانی) #اصغریه