ای غنچه ی نیلوفریم اصغر قربان سنه بو گوزلریم اصغر سن سینمی ترک ایلین وقته سیندی منیم بال و پریم اصغر ملر آهو کیمی ملرم قلبی کبابم من، بی کس ربابم من یوزه گوز یاشیمی الرم قاره نگارم من ، بی کس ربابم من سن ایلدون بزم سفر اوغلوم اولدی ددون ده دربدر اوغلوم بوش اللری بس اتدیغیم عادت گهواره مثلی ترپدن اوغلوم لای لای گلوم لای لای ، غم بولبولوم لای لای یوخوما گل هردن اوغول ،قوی بیر گولوم لای لای ای نو گولوم لای لای بیجا بو قلبی سیخمارام اوغلوم دیوار صبری ییخمارام اوغلوم تا دیرناخین ردی سینه مده وار منده یاسیندان چیخمارام اوغلوم #ای_غنچه_نیلوفریم_اصغر #اصغریه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

زبانحال امام حسین ع در بالین حضرت علی اصغر ع ✍حاج غلامرضا هادی اردبیلی الهی شیر خواره می قویوب مزاره آغلارام الیمده قوش تک اوخلانان گوزل شکاره آغلارام سو تاپمادی قالوب سوسوز سارالدی غنچه لر کیمی دوداقی اولدی خشک اولان چمنده برگ تر کیمی سولوب سارالدی صورتی ستاره سحر کیمی سحر ستاره سی سوزوب باتان مداره آغلارام مزارون اوسته آغلیوب بونی چوخ اینجدنمرم ترابه اصغری قویوب دوشوب یولا گئدنمرم ئوزون عنایت ایتمه سون بو طفلی دفن ایدنمرم آناسین آگه ایلیوب گلوب دوباره آغلارام نمازه باشلادی غرض او سرور جهانیان گوزونده اشگ حسرتی النده قان یوزونده قان نمازی قورتاروب دیدی اَیا خدای لامکان سنون رضایتوندی چون بو جان نثاره آغلارام سنوندی داغلانان اورک دولوبدی سوز و سازیلن شکسته دل ال آچمیشام حضوریوه نیازیلن تحمل ایت منه عطا بو قیلدیقیم نمازیلن که طاق اولوبدی طاقتیم چکوب شراره آغلارام حسین نه کاره دور خدا صدف سنون گهر سنون شکسته دل سنون کیدور بو اوتلانان جگر سنون سوسوز قالانلاریم سنون بو اوخلی صودامر سنون قنادی قانلی بلبله ایدوب نظاره آغلارام بلا اوخی بوغازینه ایله اوتوردی بلمدیم قانا بلشدی قوش کیمی یوزین گوزونده سلمدیم گر ایستسون ننه م کیمی علامتینده گزلدیم که اللی ایلدی روز و شب ایتن مزاره آغلارام کوسوبدی گاهواره نون اوزی داشین آتوبدی بو بشیکدن اینجیوب گلوب مزاریده یاتوبدی بو ستاره سحر کیمی چیخوبدی تیز باتوبدی بو باتان ستاره اوستونه توکوب ستاره آغلارام #اصغریه #هادی_اردبیلی #بهزاد_حسنی #الهی_شیر_خوارمی

خلقه حقیقت درسینون برهانیم من احکام دینون سود امر قربانیم من گوزلور یولومى اشقیا لبیک لبیک .. .. .. .. ویرم جهانین اهلینه درس حقیقت حق اوسته من نوش ایلرم جام شهادت آز سنّیله گورسونله وار منده شهامت حق اوسته اولدوم من فدا لبیک لبیک .. .. .. .. گر چه صغیره سنّیله جان باز دینم قونداق ایچینده تشنه لب سرباز دینم اوج ایلرم اوخلانماقا شهباز دینم پیکان ویرر سو تک دما لبیک لبیک .. .. .. .. لشگر ایدر سو صحبتین الده بهانه ظلمیله ایلله منی تیره نشانه دونسه سزادی تابع دین اشگی قانه ویرم جزاده خوش جزا لبیک لبیک .. .. .. .. #اصغریه #تابع_تبریزی

ای منیم دادخواهیم الله*** یوخدی سنسیز پناهیم الله اوخلانوب اصغریم الیمده*** دیلده وار سوز آهیم الله ای خدا شاهد اول اوخا گولدی بالام*** آخدی قان یومدی گوزلرین اولدی بالام ------------------------------------------------------------------------------------------------------- حرمله اوغلوما اوخ آتدی*** دلده کی دردیمی چوخاتدی چهره ی آسمان قراتدی*** آق بلک تازه قانه باتدی اللهیم چوخ حساب ائله سن بو آزی*** اوچ پر اوخ دیدی بیشدی نازک بوغازی --------------------------------------------------------------------------------------------------------- وار غم بیکرانیم الله*** قورتانری امتحانیم الله اوز قوجاقیمده قانه باتدی*** آخرین قهرمانیم الله اصغریم چالدی هی بلکده ال ایاق*** بالامی یولادیم ابوالفظله قوناق #ای_منیم_دادخواهیم_الله #اصغریه فایل صوتی👇👇👇 @Hazrate_Abalfazll

روضه حضرت علی اصغر(ع) گل ای ربابی قوجالدان جوان بالا سوزدور دیدیم جوانلقون اولدی یالان بالا اوخ دیمسیدی بیر گونی سنده جوانیدون اکبر کیمی جوانلارا آرام جانیدون دوزدور فلک که یاغی توکرمیش یاغ اوستونه داغلی گورنده داغی چکرمیش داغ اوستونه من حاضرم بالا غمونده اوزریک کیمی یانام ایکاش دوغمییدی منی بی نوا آنام من حاضرم فلک منی گویدن یره یخا بیر یول امیشدیرم سنی جان سینه دن چخا نازلی بالا شیرین بالا دل آچمیان بالا ایوده ایمکلیب یریب قاچمیان بالا آتما منی گل اولسان اگر باغبانیوم چولرده آلتی آیدی سنون ناگرانیوم گلسن اگر بهاره کیمین منتظر قالوم بیرده بهار فصلی سنون عطریوی آلوم یا ماه سن ستاره ئوزوم کهکشان نشین صبحه کیمی اوغول یتیروم عرشه شورو شین گوزدن گوروردوم حسنوه گوز دیمسین علی سعی ایلدیم که قلبیوه سوز دیمسین علی قلبون گوزتلیوب ننه هی دوزدی نازیوه سوز دیمبسه دیدی ولی اوخ بوغازیوه گوردوم نه بیر ایمکلمگون نه شیرین دیلون قربان دیمیشدیم ایلده کسم چخمادی ایلون نی تک سزلدادیخجا نوادن یورولمارام هجرونده کور اولونجا عزادن یورولمارام گونلر ایوینده ایلشرم سایه گورمرم قلبیمده گیزلین عشقیمی دنیایه ویرمرم عشقیم حسیندی آدینی قلبیمده یازمشام محو اولمویاندی لوح سنوبرده قازمشام عمون بولور که آغلاماقم عاشقانه دی عشقیم حسینه دی سنون آدون بهانه دی از بس جوان بیر عورتم اوغلوم مقیدم خلقین یانیندا عشقیمی مشکلدی فاش ایدم قورخوم بودور خیال ایدلر همسریم ئولوبڱ شاهیم ئولوب امیدیم ئولوب یاور ئولوب ظاهرده دوزدی الدن علی همسریم گئدیب باطنده گوزلریم ایشقی رهبریم گئدیب لایق ده اولماسام بالا والله حسینچیم همسردن اوتری آغلامرام سروریم گئدیب خلقین یانیندا آدیوی قیلام بهانه من فکر ایلسونلر الدن علی اصغریم گئدیب یاریم گلوب خیالیمه اغیاری گورمورم فکر ایلیرم چوخ آغلامشام گوزلریم گئدیب خلوت اولاندا مجلس حسین وای دی عادتیم هی اوخشارام که ماه ملک منظریم گئدیب لیلا گلنده گیزلدرم گاهواروی گورسه دیر طوی ایلمیوب اکبریم گئدیب عباس آناسی دیده گلنده چوخ آغلورام اوخشار دیرکه شیر وفا پروریم گئدیب ام البنینیدن سنه خاطر خجالتم اصغر سو ایستیب دیر شیر نریم گئدیب واردور یری باباندا ایده بو گلایه نی سنده سو اولمویوب سوا سر لشکریم گئدیب گلسه عموندا یوزونه هیچ من باخانمارام حتما اودا سو اوسته دیر الریم گئدیب والله منیم یوخومدی گناهیم بو باره دن سو اولمیوب دوشوم گوریوب جوهریم گئدیب #اصغریه @Hazrate_Abalfazll

اوچ شعبلی اوخ سالدی بو آهونی نازینان طاقت ایلیه بولمدیم اوپدوم بوغازینان ئوزجانیمه دویدوم بیریولدا علی اصغریلن یوز یوزه قویدوم هم الری باغلیدی بلکده هم ایاقی آغلارگوزومه باخدی گولومسوندی دوداقی هی آغزین آچیب یومدی بالخ تک ملر اوغلوم فکر ایلدیم ایستور دانشا صودامر اوغلوم قالخزدیم ال اوسته بالامی باغریما باسدیم درد دلینه دیلسیزمون تا قولاق آسدیم گویا باجی بیکس ننه سین یادیمه سالدی ایستوردی دیه غملی ربابین پایی قالدی لای لای دئدیم اول قلبی کبابین عوضیندن ئوپدوم دوداقین بیرده ربابین عوضیندن چرپندی اوقدری قوجاقیمدا اولان اولدی قانی بوغازنان سوزولوب آغزنا دولدی بولمم نقدر اینجیدی پیکان آجسینان چوخ چوخ نگرانیدی رقیه باجسینان اوچ یاشدا رقیه باجیمی کامه یتیرمه قوی یانسن عطشدن بابامیدانه گتیرمه شاعر:مهدی قلندر #اصغریه

داغ داش آغلور منه یتمیش ایکی سرداریم ئولوب اکبریم قانه باتوب طفل لبن خواریم ئولوب داغلیوب قلبیمی قاسم کیمی دلداریم ئولوب تک قویوبدور منی غیرتلی علمداریم ئولوب حرمله اوخی قویدی کمانه؛آقانین اورگینین باشنان بیر اوخ ویردی کورگینن چخدی اوقدر اوخ یاراسی دیدی نیزه یاراسی دیدی امام حسین آقانین اورگینین باشنان علی اکبر داغنین اوستونن آقیا یارا ویردولار انسانا بیر یامان گون ئوز ویرنده گوررسن هامیدان قاباخ ننه نی چاغرار آقا بئله یانا یانا دیدی ننه گل عرفا آل سوزومی دقت ایله شیونه گل اوخی چکدیکجه کورکدن دیدی یاندیم ننه گل خانه خلوتدی چکیل مقتله مهمان گله جک پرده چکمه بورا ارواح شهیدان گله جک زینبیم مقتلیمه زلفی پریشان گله جک قوی گوروم بیرده ننم فاطمه هاردان گله جک #اصغریه بانوای حاج نادر جوادی اردبیلی

داغ داش آغلور منه یتمیش ایکی سرداریم ئولوب اکبریم قانه باتوب طفل لبن خواریم ئولوب داغلیوب قلبیمی قاسم کیمی دلداریم ئولوب تک قویوبدور منی غیرتلی علمداریم ئولوب حرمله اوخی قویدی کمانه؛آقانین اورگینین باشنان بیر اوخ ویردی کورگینن چخدی اوقدر اوخ یاراسی دیدی نیزه یاراسی دیدی امام حسین آقانین اورگینین باشنان علی اکبر داغنین اوستونن آقیا یارا ویردولار انسانا بیر یامان گون ئوز ویرنده گوررسن هامیدان قاباخ ننه نی چاغرار آقا بئله یانا یانا دیدی ننه گل عرفا آل سوزومی دقت ایله شیونه گل اوخی چکدیکجه کورکدن دیدی یاندیم ننه گل خانه خلوتدی چکیل مقتله مهمان گله جک پرده چکمه بورا ارواح شهیدان گله جک زینبیم مقتلیمه زلفی پریشان گله جک قوی گوروم بیرده ننم فاطمه هاردان گله جک #اصغریه بانوای حاج نادر جوادی اردبیلی

✳️  حضرت علی اصغر (ع) ✳️ ✅  ✍اثر : اکبر پورآقا 🔷🍂🔷🍂🔷🍂🔷 امان امان امان بالا                قماطی لخته قان بالا اسور سوسوز دوداقلارون           یوخومدی چاره جان بالا قراریمی آلوبسان اصغر الیمده اوخلانوبسان اصغر 🔷🍂🔷🍂🔷🍂🔷 اگر قالیدون آی بالا شبیه اولاردون اکبره شبیه اولاردی صورتون علییه یا پیمبره ولی گیدورسن ایندی سن وصال حوض کوثره بو حالدا گیتمگون ایدوب ربابی باغریقان بالا قراریمی آلوبسان اصغر الیمده اوخلانوبسان اصغر 🔷🍂🔷🍂🔷🍂🔷 او نازدانه گوزلرون اُمیدیمیدی آی بالا فلک محالیدور گوره بو گوزلرووه تای بالا آلاندا خیمه دن سنی آنون دیوردی وای بالا ربابی اولدورور علی بو گیتمگون اینان بالا قراریمی آلوبسان اصغر الیمده اوخلانوبسان اصغر 🔷🍂🔷🍂🔷🍂🔷 نه واردی یار و یاوریم اولوبدولر کمکلریم نه قالدی قارداشیم منیم نه قاسم دلاوریم گیدوبدی عون و جعفریم گلوب عباده اکبریم فقط سنیدون آی علی بو بی کسه قالان بالا الیمده اوخلانوبسان اصغر قراریمی آلوبسان اصغر 🔷🍂🔷🍂🔷🍂🔷 اگر بیلیدی دردیمی ئولردی مادرون بالا بلشدی قرمزی قانا بو نازلی تللرون بالا بیوردی عرشیدن خدا اسنده لبلرون بالا منیم یانیمدا اجری وار غمونده آغلیان بالا الیمده اوخلانوبسان اصغر قراریمی آلوبسان اصغر 🔷🍂🔷🍂🔷🍂🔷 ایراق گوزوندن آی بالا گولور بو حرمله منه ابالفضلی ییخان اوخوون تایین ویروبدی چون سنه سوزوم اولوب بو لحظه ده یامان گونومدی آی ننه گلر آنام سنی آلار اویان بالا اویان بالا الیمده اوخلانوبسان اصغر قراریمی آلوبسان اصغر 🔷🍂🔷🍂🔷🍂🔷 #اصغریه

اجرای سبک ☝️☝️☝️☝️ با نوای کربلایی منوچهر حسن زاده ✳️  حضرت علی اصغر (ع) ✳️ ✅  ✍اثر : اکبر پورآقا 🔷🍂🔷🍂🔷🍂🔷 امان امان امان بالا                قماطی لخته قان بالا اسور سوسوز دوداقلارون           یوخومدی چاره جان بالا قراریمی آلوبسان اصغر الیمده اوخلانوبسان اصغر 🔷🍂🔷🍂🔷🍂🔷 اگر قالیدون آی بالا شبیه اولاردون اکبره شبیه اولاردی صورتون علییه یا پیمبره ولی گیدورسن ایندی سن وصال حوض کوثره بو حالدا گیتمگون ایدوب ربابی باغریقان بالا قراریمی آلوبسان اصغر الیمده اوخلانوبسان اصغر 🔷🍂🔷🍂🔷🍂🔷 او نازدانه گوزلرون اُمیدیمیدی آی بالا فلک محالیدور گوره بو گوزلرووه تای بالا آلاندا خیمه دن سنی آنون دیوردی وای بالا ربابی اولدورور علی بو گیتمگون اینان بالا قراریمی آلوبسان اصغر الیمده اوخلانوبسان اصغر 🔷🍂🔷🍂🔷🍂🔷 نه واردی یار و یاوریم اولوبدولر کمکلریم نه قالدی قارداشیم منیم نه قاسم دلاوریم گیدوبدی عون و جعفریم گلوب عباده اکبریم فقط سنیدون آی علی بو بی کسه قالان بالا الیمده اوخلانوبسان اصغر قراریمی آلوبسان اصغر 🔷🍂🔷🍂🔷🍂🔷 اگر بیلیدی دردیمی ئولردی مادرون بالا بلشدی قرمزی قانا بو نازلی تللرون بالا بیوردی عرشیدن خدا اسنده لبلرون بالا منیم یانیمدا اجری وار غمونده آغلیان بالا الیمده اوخلانوبسان اصغر قراریمی آلوبسان اصغر 🔷🍂🔷🍂🔷🍂🔷 ایراق گوزوندن آی بالا گولور بو حرمله منه ابالفضلی ییخان اوخوون تایین ویروبدی چون سنه سوزوم اولوب بو لحظه ده یامان گونومدی آی ننه گلر آنام سنی آلار اویان بالا اویان بالا الیمده اوخلانوبسان اصغر قراریمی آلوبسان اصغر 🔷🍂🔷🍂🔷🍂🔷 #اصغریه

‍ احوالات حضرت علی اصغر (ع) قلب جهانه آتش غم سالدی حرمله تیر و کماننی الینه آلدی حرمله جمع ایلیوبدی فکرینی گتدی نشانیه رد اولدی اوخ هواده گیدوب نچّه ثانیه شرمی واریدی اوز هدفنده مکان قیلا باش قوزیا تکان کیمی گول اوسته سانجلا قدرت یوخدی یولدا اوزینی دایاندیرا ساق و صولا و یا که مسیرین دولاندیرا ظالم چتیندی سیندیرا ظلمون رواجنی ممکن دگول اودا سوئودا اوز مزاجنی پیکان انوبدی اصغرون اوپدی بوغازینی شاهد اولوب الینه شهادت جوازینی خار وصال گلمگنی بولدی غنچه تک قانلو دوداقلارینی آچوب گولدی غنچه تک اوج حیاتیده قنادی سیندی قوش کیمی انجتدی اوخ بوغازینی چرپندی قوش کیمی بیر تیردی ایکی هدفه دگدی بر ملا کوی وفاده یاره لنوبدور آتا بالا حسرت گوزیله باخدی حسین حلق اصغره قرمز گلنده درک ایلدی گور نه منظره یاره بیوک صود امر اوشاق غملو مهلکه نازک بوغازیدن ئورک ایستور اوخی چکه نه رتبه و مقام نه دنیانون عشقنه نه کوثر و نه جنت الاعلانون عشقنه نه شأن و نه جلالت و نه جاهون عشقنه چکدی همان اوخی حسین اللهون عشقنه گوردی یانان چراغی سونوب باخمادی اوخا آتدی اوخی کناره دونوب باخمادی اوخا قرمز گولون النده دوتوب باغبان کیمین بزم نگاری قصد ایلین عاشقان کیمین یوز دوندروبدی ساحت قدس الهیه بو دیللریله باشلادی اوز دردینی دئیه ای کوهلرده آب زلالی روان ایدن وی بوطة بلاده منی امتحان ایدن روز ازل حسین بو گونه اولدی مشتری اکبر ویروب دالیجا گلوئر تشنه اصغری کویونده گوردی ایستیورم امتیاز آلام بازار عشقی گرم ایلدی صود امر بالام مین اوغلوم ئولسه قلبده گر اولسا مین یارام اولسون قسم جلالتوه من یورولمارام یتدوم مراممه نه اوغول قارداشیم قالور وردیم فدالریمی فقط بیر باشیم قالور بو ساعتیکه محنتون هنگام سختیدور شادم ئورکدن عمریمون عزتلی وقتیدور ظاهرده ایلیور منه اما بو غم اثر تک قالمشام کمک ایلین یوخدی بیر نفر بیر کس اولا بو طفلی آلا مندن ای خدا اوّل بالام خیامه گیده من گیدم صورا سایسیز جنازه خیمیه حمل ایتمیشم اوزوم اصغر جنازه سین آپارام گلمیور یوزوم سالم گتومشم یارالی حمل ایدنمرم وار انتظاری خیمیه یا رب گیدنمرم اصغر ال اوسته لبلری قانلو گوزینده یاش یوز دوندروبدی خیمیه ساری یواش یواش اطرافنه ایدردی نظر آغلیان گوزی نفس نفسینه ایلردی خطاب اوزی سالما یانقلی آهیله آفاقه شور و شین مشگلدی صود امر ئولومی صبر ایله حسین گاهی دئیردی ای الیم اوسته یاتان بالا حلقی یارالی کوی وصاله چاتان بالا میدان عشقده سسیمی درک ایدن زمان فوراً یئره اوزینی بشیکدن آتان بالا مظلوم قانیلا خون شهیدانی ساخلیان اوچ شعبه لی اوخی بوغازیلان قوجاخلیان طوبای جنّته پر آچوب سرعت ایلین آز سننه قدر منه چوخ خدمت ایلین دیوان معدلت قوراجاق خالق حکیم اثبات حقّمه بو آخان قاندی مدرکیم تیر جفا دمنده چیخان جان منیمکیدور ناحق یئره ، یئره توکلن قان منیمکیدور جدیم خلیله مایه ی فخر ایلدون منی فخریم بودور که سن کیمی قربان منیمکیدور زهرا عزیزی باغ وفا باغبانیم لاله رخان گلشن سبحان منیمکیدور قانیله آبیاری اولان گول چتین صولا دائم گولی شفقلی گلستان منیمکیدور الله وئروب حسینه اوزی بو تقرّبی بزم ولاده ظاهر و پنهان منیمکیدور یتمش ایکی فدانی سوسوز سالمشام یولا در صورتیکه چشمه ی حیوان منیمکیدور معبود بی مثاله گرک سجده ایلیم باشه یتن جلالیله پیمان منیمکیدور واردور یئری گلیدی او دیلسیز اوشاق دیله کوی بلاده قورخولی پیکان منیمکیدور گوردوم که یوخ صود آنامون اممدوم دوشین نوک خدنگ زهریلی پستان منیمکیدور سو صحبتی گتورمه دیله نیلورم سوئی کوثر سویی بهشتیده الان منیمکیدور تجدید ایدوب لباسمی قرمز گینمشم جسم لطیف و خلعت الوان منیمکیدور خیمه سرایه گتمه یارام باغلانان دگول اولماز او یاره که اونا درمان منیمکیدور چوخدور حرمسراده اوغولسوز قالان آنا اشگی گوزینده قلبی هراسان منیمکیدور خنجر اوجیلا قبریمی قاز دفن ایله منی دفن اولماقی بو دشتیده آسان منیمکیدور گیزلت منی گزنده قوشون تاپماسون بابا جسمم تاپولسا رنج فراوان منیمکیدور قورخوب گوزوم او حرمله دن اینجیدوب منی قاتللرون شقی سی بابا جان منیمکیدور #اصغریه ** 🖋️مرحوم استاد حاج انور اردبیلی