زبانحال حضرت زینب (سلام الله) در حال احتضار   سنی آنام جانی تز گل یامان گونومدی حسین صولوبدی عمر بهاری خزان گونومدی حسین   گون ایستیسینده سنی کولگیه چکن باجوام منیمده گون قاباقندا قالان گونومدی حسین   دیردیم اولمیا سندن اوزاق مکاندا ئولم ئورکده قالدی بو حسرت همان گونومدی حسین   الیمی هئچ کسه من احتیاجه آچمامیشام گوزوم یولوندا سنه یالواران گونومدی حسین   قویاندا من الیمی قوینوما سن آغلاردون او نازلی گوزلریوی آغلادان گونومدی حسین   باخان دیور بونون حتما اورکده یاره سی وار بو منظره هامینی یاندیران گونومدی حسین   یُواندا کاش منی قورخمییدی غساله بو نیلگون بدنه غسل اولان گونومدی حسین   سنه که چاتمور الیم کوینگون قوجاخلامیشام بونی آنام توخیوبدی فغان گونومدی حسین   یتور بو حالی بنی هاشمون جوانلارینا گلون گلون باشیمون اوسته سان گونومدی حسین   اراده قالسا جنازم بو شامین اهلی گولر وفالی ائللریمی آختاران گونومدی حسین   الیوی سینمه قویسان یوز ایلده من یاشارام کسیلمیش اللری یاده سالان گونومدی حسین   سلام اولا او ابوالفضلیمون دوشن قولونا کنار علقمه حسرت باخان گونومدی حسین   دئدیم وداعیده گئتمه گل ایندی من گئدورم وداع گونی اتگوندن دوتان گونومدی حسین   استاد  کلامی زنجانی

ولی بیر عاشقی عالم تانیور اودا بیر جوت قول حسین عشقینه ایتمیشدی نثار ایستدی اینجمیه موسم دیداریده یار بزیوب قانیله مولاسی گلن یولارینی آتدی بیر بیر یولون اوسته کسیلن قولارینی دیدی پاک آدویوی ورد ایلمیشم ئوز ئوزومه چون آدون وردیم اولوب فخر ایدیرم ئوز سوزومه باخورام تله هاچان گورسنه جکسن گوزومه گرچه قانیله اولوب لبلریم آلوده حسین گل ایاقوندن اوپوم جان ویریم آسوده حسین #عباسیه

ولی بیر عاشقی عالم تانیور اودا بیر جوت قول حسین عشقینه با نوای حاج جعفر ایمانژاد😭😭

امّ‌المصائب حضرت زینب (س) زینبم من ئولمه‌میش دنیاده محشر گورموشم گوز آچاندان قلبیمی هر گون مکدّر گورموشم دورد یاشیمدا آتش ظلمه یانوب درگاهیمیز پشتِ در ده ناله ی جانسوز مادر گورموشم یرمی‌بش ایل غصّه‌دن دلخون اولوب مظلوم آتام عاقبت رُخسارینی قانیله احمر گورموشم اوندا که زهر جفائیله حسن مسموم اولوب لخته‌ لخته طشتده خونِ برادر گورموشم کربلا ده اولدی بیر طوفان که قان دریاسنه کشتی آل محمّد سالدی لنگر گورموشم آلتی قارداش قاره‌سین بیرگونده سالدیم باشیمه ئولمدیم قالدیم خدایا گور نه گونلر گورموشم شیر خواره اصغرین قانه‌ باتان قنداقنی قطعه ‌قطعه پیکر شبه پیمبر گورموشم من هیچ اوز اوغلانلاریمدان ایتمورم صحبت ولی قاسمون گول پیکرین یئر اوسته پرپر گورموشم گیردی دریایه ابوالفضلیم ولی سو ایچمدی سو کنارینده دوشن قولسوز دلاور گورموشم اللرینده بوش سو جامی دیللرینده العطش دختران حضرت ساقیّ کوثر گورموشم چون حسینی اهل‌ کین یخدی یارالی توپراقا سینه اوسته قاتلین من الده خنجر گورموشم اود دوتاندا خیمه‌لر قوپدی قیامت باشیمه آتش نمرود ده بیمار مضطر گورموشم غارته ال آچدی دشمن نازدانه قیزلاری وا علیّا وا حسینا دیلده از بر گورموشم قتلگاهه بیرده گلدیم دیده ی خونباریله دوره‌می دوتموشدی دشمنلر سراسر گورموشم اوندا که چکدیم کناره نعشی اوستن داشلاری سجده حالنده دوشن بیر جسم بی سر گورموشم ایستدیم بو سینمه بیرده قویام قارداش الین ظلمله اولموش جدا پیکردن اللر گورموشم کربلا دن آیریلاندا اود دوتوب اودلا نمشامم گون قباقنده قالان عریان بدنلر گورموشم قول بویون اولدی آتاسیله سکینه دورمادی تازیانیله آیردی قوم کافر گورموشم کوفه‌ده بش ایل خانملیقدان صورا یاللعجب قوللاریم باغلی باشیمدا کهنه معجر گورموشم شامده وا محنتا دروازه ساعاتده آشکارا انتقام بدر و خیبر گورموشم بوینوموزدا ریسمان بزم شرابه چکدیلر نانجیب اشخاصدن طعن مکرّر گورموشم حضرت سجادی قول باغلی غُل و زنجیریله حاکم جباریله دورموش برابر گورموشم بیر خرابه اولدی منزل عترت پیغمبره خشتی بالش ایتدیلر توپراقی بستر گورموشم جان ویروب اوردا رقیّه یاندیروب یاخدی منی یَثرِبه حسرت قالوب اول ماه منظر گورموشم بو بلالر حق یولوندا چوخ گوارا دور منه انهدام باطلی سنگر به سنگر گورموشم چون بیزه نوحه یازوب (( مشتاق )) سوز و آهله منده جنّتده اونا بیر قصر اخضر گورموشم ** علی اکبر فرجی هشترودی (مشتاق

مرحوم انور روحشان شاد ونامشان گرامی یتدی ئوز نیّتینه دشت بلاده شهدا کوفه و شامی گزوب یثربه گلدی اسرا جدّینون شهرینی زینب ائلدی شهر عزا قاره پوش ایلدی زهرا قیزی اهل وطنین گوستریدی هامیا یوسفینون پیرهنین. . گهی تبلیغ ائلیوب گاه ائلدی ناله و زار هم شه محشره خونخواهیدی هم تعزیه دار گونده بیر خانه نی وئرمیشدی عزاخانه قرار یاس دوتوب درد دل ایلوردی اوغولسوزلاریلان یا ئولن قیزلارا آغلوردی قالان قیزلاریلان. . بیر گون عیدیدی خانم یاسلیلارا قیلدی خطاب ای خواتین دل افسرده و پژمرده نقاب ای علی اصغر آناسی اورگی داغلی رباب ای قرا گونلی سریّه چوخ اولان درد و غمی ای جوان اوغلی ئولن لیلی حسینون حرمی. . منشی غم آدوزی ثبت ائلیوب دفترینه اولون آماده گئدک امّ بنین محضرینه غمی چوخدور آنامون شرکت ائده غملرینه اطاقیندا یری اوغلانلارینون بوشدی بوگون عیدیدور یاسلی یانیندا اوتوماق خوشدی بوگون .. اورگیم چوخ دوتولوب اوردا بیر آز آغلاشاقون اوغلی عباسه ائدوب سوز و گداز آغلاشاقون قیلسا عبدالله او بیچاریه ناز آغلاشاقون با وفا قارداشیما مجلس ماتم قوراقون آهیله غملی اطاقینده چراغ یاندیراقون .. اوغلی ئولسه یاسا مایل اولی از بس آنالار سس وئروب زینب مظلومیه بیکس آنالار سالدی چادر شبینی باشه مقدّس آنالار صحنه که دوشدوله گوزیاشی آخوب یوزلرینه یالواروب قوشدولار اصغر آناسین ئوزلرینه. . منزل امّ بنینده هاموسی تاپدی حضور باخدی مهمانلارا یوز وئردی او بیچاریه شور هیجان ائتدی بدن قلب آلیشوب مثل تنور خوش گلوبسوز دئدی هاموز بو پریشان اطاقا باشلیون اوخشاما مشغول اولاقون آغلاماقا .. آخدی صورتلره گوزلردن آخان گوزیاشلار قره معجرلره ال گتدی آچیلدی باشلار ایله مجلسده مسلّم سؤزی زینب باشلار باشلادی اوخشامانی منظره لی یاس اولدی هامونون ورد زبانی سؤزی عباس اولدی. . بیری سویلردی چتین مثلی بو دنیایه گله بیری سویلردی نه گلدی او کرامتلی اله بیری سویلردی فلک ایلدی افسوس عجله قویمادی کام آلا عمرونده او سردار سلیم آناسین قویدی اوغولسوز بالاسین قویدی یتیم.. بیری سویلردی حسین قدّینی خم قیلدی غمی بیری سویلردی که الدن اله دوشدی علمی بیری سویلردی گلوب رام ائله قارداش ننمی بیری سویلردی که بس هارداسان ای اشجع ناس عیدیدور گل بالون عبداللهه آل تازه لباس.. اهل مجلس غم عباسیدن اولدی بی تاب آغلاماق یوردی اوتوردی هاموسی دیده پرآب ناگهان باب حرم خانه اولوب دقّ الباب بیربیره بو سخنی ائتدیله اظهار و علن یاسلیلار جمعیدی بوردا گوره سن کیمدی گلن .. ئوزونی فضّه یتوردی قاپیا فوری اودم دئدی کیمسن نه سوزون وار دئدی من بیر عربم بو ائوین صاحبینی یولّا سؤزوم وار دییرم دئدی ائو صاحبینی گوزلمه دئ حاجتوی من کنیزم یتوروم ائوده سنون صحبتوی .. دئدی بو صاحب خانه شرف اهل سخا هر ایلین خرجینی ایلده منه ایلوردی عطا کچن ایل عذریم اولوب گلممیشم بو قاپیا گلمیشم ایندی امیدیله او ارزنده صفات لطف ائدوب خرج دوساله ائده حقّیمده برات. . فضه بیر سؤز دئمدی گلدی ائوه اشک فشان گوردی مبهوت هامونی وار نه دئنن نه دانیشان آناسی آلدی خبر اوغلومی کیمدور سوروشان باشینی سالدی اشاقه سؤزی کشف ایلمدی آغلاماق مانع اولوب مطلبی روشن دئمدی. . گینه تکرار ائدوب اوّل که سؤزی ام بنین فضه گوردی دئمسه ایلیجک داد و انین بیر عربدور دئدی آغلاتدی منی گورمک همین منتظردور آقام عباس ائده حقّینده کرم سالاجاق سوز یولا ایندی نجه؟من بیلمیورم . . دئدی فضه بو قدر آغلاما یاندیرما منی پوزما اشک تریله بو پوزولان انجمنی قویماروق خوار اولا عباسون آدیلان گلنی دئمروک بیز ئولوب عباس اونا شرمنده اولا سائلی اهل کرم لر سالار عزّتله یولا . . ائشیدنلر بو سؤزی ناله سینی ائتدی بلند دئدیلر ایلروک عباس قوناقین خرسند بیری گوشواره وئروبدی بیریسی بازوبند فوری بیر قدری فراهم اولوب اشیا طلا دئدیلر فضه آپار وئر عربی ایله رضا

سینه زنی در عظمت امام حسین(ع) - بو حسین کیمدی که گون تک دولانیب باتمیه جاق با نوای زنده یاد حاج محمد باقر منصوری 👌👌👌

🏴شعر جدید در فراق پدر ✍بقلم استاد کربلایی رحیم شایان(ارومیه)   🎼در آهنگ گلپونه ها... ای منیم پشت و پناهیم  مهربانیم گیتدون الدن وای آتام وای خلق ایجینده عز و جاهیم. همزبانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من گر غبار غم قونایدی  چهره مه تز رد ائدردین قلبیم اودلانسیدی غملن بیر باخیشلا سو سپردین اللریندن من ئوپردیم  گوزلریمدن سن ئوپردین قالدی اول گوزده نگاهیم  باغریقانیم گیتدون الدن وای آتام وای بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من بو قرانلیق روزگاره سانکی بیر روشن چراغ سان بلمدیم که زندگیده  سن نئجه محکم دایاق سان بیلمدیم قدر وجودین بیلمدیم  که سن قوناق سان حیف ای امیدگاهیم  قهرمانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای وای آتام وای وای آتام وای وای آتام وای وای آتام وای تا یتیم اولدوم پوزولدی  دودمانیم روزگاریم یوخدی بیر سنگ صبوریم غیر اشک و آه و زاریم بوش یرین گورسندیقیجا آرتیرار رنج و فشاریم ای منیم لطف الهیم زندگانیم گیتدون الدن بال کیمین شیرین سوزوندن دویمادیم من دویمادیم من نازباخیش زیبا یوزوندن دویمادیم من دویمادیم من وای آتام وای وای آتام وای وای آتام وای وای آتام وای

#شعر_از_یعقوب_رشتبر_آلیله #اجرا_احسن_حبیبی 🎤 #در_سوگ_پدر_مادر_فرزند_برادر #آهنگ_ای_قلم_سوزلروندن🎤 گل با با گوزلریم یولدا قالدی قلبیمون باشینی غصه آلدی آیرلیقدان اورگ قانه دوندی باشیمه درد و غم سایه سالدی گل با با . گل با با.گل بابا جان .۲ گل بابا غصه دن بی قرار م چوخدی دردیم ولی یوخدی چارم هر گیدن گلدی.بس گلمدون سن گوزلورم من یولون انتظارم گل بابا ...... ۲ هجر اودیندان وجود یم یانبدور طاقتیمی الیمدن آلوبدور لعنت اولسون بیله روزگاره باشیمه قاروی تز سالوبدور گل بابا. ۲ یاندی قلبیم دوشوبدور شراره دوزلمگ اولمور غم بی شمار ه گوزلدیم من یولون گلمدون سن نیلیوم بس من بختی قاره گل بابا ......۲ باشیمه قاروی باغلارام من قلبیمی آهیلن داغلارام من نقدر وارجانیم ناله ایلوب صبح وشام اوخشیوب آغلارام من گل بابا ..گل بابا.گل بابا جان..۲ لینک کانال 👇👇👇👇 ﷽🍁 ✨اَللّهُمَّ عَجِّل لِوَلیِّکَ الفَرَج✨

قیزیل گول دن - دن اولدو درمه دیم دن - دن اولدو آتا بیز سندن آیریلمازدیق آیریلیق سندن اولدو دفتری وراقلارام آدیوی سراغلارام آتا سن یادیما دوشنده عکسیوی قوجاخلارام آی بابا #بهنام تخت مینا #ختم پدر(روز پدر) #ترکی سوزناک

معمولا روز پدر گونی بالالار حاضر اولالار بالالار بیر کادو آلالار گئدرلر آتانین گونین مبارک دییلر آتانین اورگی سویونر الله بالاریمی منه چوخ گورمه روز گونی دده نی عزیزلمخ نه گوزل اولور روز پدر گونی دده بالالاری دوره سینه آلاندا اورگی شاد اولور اما دده سی اولمیان بالالار روز پدر گونی داریخا اورگلری خصه لنر باخالار دده نین ایوده قالان بوش یرینه دولاندیقی یرینه یانا یانا آرزو ایله لر الهی کاش آتامیز اولیدی دورسین آلیدوخ 😭 آتامیزین گونین مبارک دییدوخ😭 آتامیزی عزیزلییدوخ آتامیز سویونیدی اما سیزه فرق ایلر بو ایلری روز پدر الوزه بیر گول آلارسوز بیر گلاب آلارسوز گدیب ایلشرسوز آتوزدن قبرینین کنارینده یانا یانا دییرسوز آتا روز پدر گونیدی سنی گورمیوخ بیلدوخ سنی الیمیزده ویرمیشوخ سن اولمازسان ایوده سنون دوروی آلاخ اوزوموزه وظیفه بیلدوخ گلخ سنون قبروین کنارینه گلمیشوخ قبروین اوستونه سنه یانا یانا دییخ بابا گونون مبارک اولا آتا گونون مبارک اولا😭 ای کاش اولیدون آتا گوله گوله سنه مبارک دییدوخ امافلکین چرخی دونه😭 آغلیا آغلیا سنه گونوی مبارک دییرم آتا😭 بابا روز پدر گونیدی سن یوخسان😭 اما من سنی همیشه کناریمده حس ایدرم😭 احساس ایلورم همیشه منن مواظب سن آتا😭 بو گون آلاهدان ایستورم بیردفه ده الروی ویرسن منیم الریمه😭 باخام او یورقون گوزلروه😭 سنه باخا باخا دییم آتا گونون مبارک اولسون😭 اما یوخسان گلمیم قبروین کنرینده سنه آغلیام😭 قیزلار آتانین قبرین کنارینده سرگردان دولانالار اگر بیری سوال ایله سه کیمی آختاروسوز روز پدر گونی یانا یانا دییلر

  ای دل غافل اویان گور نه یامان دنیادی تز قوجالدار بشری درده قویان دنیادی   قالمیوب بیر کسه والله سنده قالمیاجاخ دوز دیوب پیر جهاندیده یالان دنیادی   اولما مغرور جوان بدنین قوتی وار آنالارین گوزینی یولدا قویان دنیادی   یتروب چوخلارینی سلطنته بیر گجده تختون اوستن یره شاهلاری یخان دنیادی   هیچ کسن صبحه کیمین قویمادی یانسون چراغی شوکت و قدرتی الّردن آلان دنیادی  

زاهدا بوکمه منی ایه یازیلمش کفنه نیله سین ایه گناهیله بذنمش بدنه باشیما باغلا حسین قاره سینی بسدی منه وار امیدیم اقا اول گئجه امداده گله اوغلونون خاطرینه حضرت زهراده گله او زمان کی دوشه جک قان اورگیم واهمیه وار امیدیم شه عطشانه خانم فاطمیه او چتین وقته منیم خواهشیمه یوخ دیمیه فاطمه سفره سینون اب و غذاسین یمشم نچه ایل بزم عزاسینده حسین وای دیمشم

‌🥀🍂💦🍃﹏🥀🍃 🍂💦🍃 💦🍃 ﷽ #پندیات_ترکی #اوخشاما #برای مجالس ختم پدر و مادر #اون عزیزان_که فرزند_ندارند 😭 #دان اولدوزون اولمادی سینه سوزون اولمادی دردون بیزی یاندیردی سنون قیزون اولمادی چمنده گُل سولماسا شاخدا وروب یولماسا آنا یانقلی ئولر اگر قیزی اولماسا اِللر اورک داغلاسون عزاسینی ساخلاسون قیز عوضینده نیلک باجیلاریم آغلاسون 🎧#مداح_اهلبیت(ع) 🎤#استاد_حاج_پیرزاده 👌#پیشنهاد_دانلود #التماس دعای فرج ـ💦🍃 ـ🍂💦🍃 ـ🥀🍂💦🍃﹏🥀🍃

✅در ختم پدر پندیات ترکی در فقدان پدر و مادر 🔹 سیف الله آذری یانمیشام آتش هجرانیوه ایستکلی بابا دوشموشم غصه لی زندانیوه ایستکلی بابا بیلمَم آیا نه اولوب باد مخالف اسیلوب پوزولان صحن گلستانیوه ایستکلی بابا قاره پوش اولدوم او وقتیکه یتیشدی خبرون آغلارام محنت هجرانیوه ایستکلی بابا قلبیمون یوخدی تواناسی یانا فرقتیوه آند اولا حقّه وئرن جانیوه ایستکلی بابا قالمیوبدی بو سنان قلبیده بیر ذرّه دؤزوم طالبم وصلت شایانیوه ایستکلی بابا آرزو ایلیورم بیرده گورم گول یوزووی اللریم چاتموری دامانیوه ایستکلی بابا خوش او گونلر کی گورردیم سنی خندان ائوده نه گلوبدی لب خندانیوه ایستکلی بابا ــــــــــــــــــــــــ 🔹 این متن برای شام غریبان،روز سوم،هفتم،چهلم و سالگرد پدر و مادر نیز خوانده میشود پندیات ترکی در کنار مزار پدر و مادر و .. سبک :: دولدوروب جهانی واحسین صداسی... سیف الله آذری یاندیروبدی قلبیم آتش فراقون دور منی دانیشدیر اولموشام قوناقون قالمیشام سنه حسرت قلبیمی دوتوب محنت وئر منیم جوابیم ( 2 ) هجر اودوندا سینَم قاندی سن گئدندن قلبیم آیریلقدان یاندی سن گئدندن دردیوی ئوزوم بیلدیم قبرون اوستونه گلدیم وئر منیم جوابیم

مناسب برای مجلس ختم پدر(ترکی)🌑🌑 زمزمه🌴 نعشوین اوسته بابا اوتوروب وای دیرم خسته سن یات یارالی سنه لالای دیرم ای منه نور بصر یوخوما هرگجه گل🌴 بند دوم🌿 غمو دردون یارالی قلبیمی سیخدی اتا سنون آخر محنون ایویمی یخدی اتا ای منه نور بصر یوخوما هرگجه گل🎋 بند سوم🌿 بختی قاره بالوام اوزولوب الدن الیم منی تک قویما آتا دور ایاقه گوزلیم ای منه نوربصر یوخوما هرگجه گل🌑 زبانحال خواهر درفراق برادر👇👇 الی قوینوندا دروب باخورام گوزیاشیما دیور اغلار گوزیله نه گلوب قارداشیما ای منه نور بصر یوخوما هرگجه گل😭 اجرای سبک مداح پیرزاده🎤👇

‍ روضه حضرت علی اصغر (ع) دانی که چرا آب فرات هست گل آلود شرمندگیش از لب عطشان حسین است دانی که چرا چوب شود قسمتش آتش بی حرمتیش بر لب و دندان حسین است دانی که چرا چشم خدا داده بشر را چون ذات خدا عاشق چشمان حسین است (ابی عبدالله گلدی او صودامر بالانی خیمه لر دالندا دفن ایلدی ) ایسی قومی قازدی که بیر آز یر درین اولسون عطشاندی بالا قبری اقلا سرین اولسون (الیکی بالانی دفن ایلدی قانلی قنداقیدا ویردی زینبه دیدی ننم عوضی آی باجی بو قانلی قونداقیدا آپار ویر ننه سینه قوی ربابه نیسگل اولماسون ) قنداقی اولوب داغ جگر آل ترابه بیر بوش بشیگه قویدولا گتیله ربابه قانلی بلک اولدی اله نیسگل او جنابه بیر عمر دیولر گجه بوکدی سحر آچدی (الیکی او قانلی قنداقی گتیردیلر خیمه لره ) بیر نخبه روایت اوخودی فلسفی بیر گون قوی عرض ایلیوم صبر ایوی ویران اولان اولسون فرمایش ایدوب گورجک او احوالی اوشاقلار سسلندیله آماده طوفان اولان اولسون (الیکی او قانلی قنداقی گوردولر دیدیلر) دوغراندی جوانان بنی هاشم و انصار نوبت یتوب اطفاله گریزان اولان اولسون شش ماهیه رحم ایلمین گور بیزه نیلر مخیمده قالوب قانینه غلطان اولان اولسون (شام غریبان گجه سی هامی جمع اولدی او یاری یانمش خیمیه زینب دیر باخیرام لیلاده اوخشور آغلیر سریه ده اوخشور آغلیر ام کلثومده ربابدا اوخشور اما ربابین بولارینان بیردنه فرقی وار زینب دیر باخردیم گوردوم هاچاناندی الین سینه سینن چکمیر رباب سنده آغلیرسان بولاردا آغلیر اما من هاچاندی باخیرام نیه الین سینن چکمیرسن؟ عرض ایلدی خانم گرک بو سوزی منن خبر آلمیدون ، عصر عاشورا حرملر آراسندا سو پایلاندی لیلاده ایچدی سریه ده ایچدی ین منه امر ایلدون منده ایچم منده بیر جوره ایچدیم ایندی سینمه صوت گلیب صاقا دا باخیرام علی اصغریم یوخدی صولا دا باخیرام علی اصغریم یوخ ) قلبیمی اصغریم اولسیدی غمیم بولمزدی والله بو صودوم گردونن اولسیدی بالام ئولمزدی آلتی آیدی منی راغب ایلمیشدون ئوزوه قلبیده غصم اولان وقته باخاردیم یوزوه بو گجه هاردا قالوبسان ننه قربان گوزوه ایتیریبسن منی اولما یریمی بولمورسن یا گورورسن که قرانلوقدی ایویم گلمیرسن اینجیدسه سنی ناله سسیم آغلامارام گل دیرناقلادوقون سینم اوغول داغلامارام گل اکبر جانی دای الریوی باغلامارام گل #اشعار_ترکی

روضه حضرت علی اصغر علیه السلام بسم الله الرحمن الرحیم یا رحمن ویا رحیم ای دردی اولان حاجتی اولان گلین متوسل اولاخ ننه سینه سینن دویمین بالیا بو دنیادن کام آلمیان بالیا ددی علی زمانه دن فلگین مقصدی اله گلدی اوغول اوقدر آغلادیم قونشولاردیله گلدی بالا ددیم علی بیر گجه یاتیب یوخومدا گوررم سنی بالا گوزومو یومجاغین حرمله یوخوما گلدی بالا دنه علی لای لای بالام لای لای علی لای لای گلوم لایلای علی گلستانین گلی سولسون پوزولسون پایمال اولسون علی سنسیز رباب اولسون علی لای لای بالام لای لای دولان قانیله قونداقی علی لای لای بالام لای لای قزاردان قانی تپراغی علی لای لای بالام لای لای علی لای لای گلوم لای لای علی لای لای بالام لای لای علی لای لای گلوم لای لای صلی الله علیک یابن رسول الله

کنارِ قبریده دل داغلارام من چکوب آهی اورکدن آغلارام من گوزوم یاشی آخور اما سیلن یوخ جوشور دردیم داشور اما بیلن یوخ منه چوخ اِیلَمیشدین مهرابانلیق ائووم سنسیز آتا اولدی قرانلیق ائوین گیتدی صفاسی گیتمگینلن وجودین گوهریدی بیلمدیم من بیوک سرمایه میدین باشیم اوسته اَلیمدن گیتدین اولدوم ورشکسته نئجه طاقت وئریم درد فراقه اَجل بو منزلین سالدی اوزاقه همیشه باشیوی قویدون ترابه منی سالدی بابا چوخ پیچ و تابه اوخشاما.. عزیزیم خطا یئری. گورمویسوز خطا یئری. مین جاننان یانان اولسا. وئرمز آنا آتا یئری. **😔😔😔😔 آمان فلک داد فلک. هئچ اولمادیم شاد فلک. منه وئرن باده دن. ئوزونده بیر داد فلک. 😔😔😔😔 قدمین قویسا گوز اوسته دئیرم جان آتاما چخاری یوخدی گوزون، تا اولا قربان آتاما بوکولن قدینی گورجگ، باتار اوخ گوزلریمه حیاتیم قربان اولا ، گوزلری گریان آتاما 😔😔😔😔😔 اوخشاما ننه ننه ! ئورکده یارا گئتدین آیری دوشوب اوزاق دیاره گئتدین یاشاییشین شیرینلیگی ای آنا قویدون بیزی آناسیز هارا گئتدین؟ 😔😔😔😔😔 ننه ننه مقصده چاتان ننه آخشام چاغی گون کیمی باتان ننه آرزیسی قلبینده جوان وقتینده بالالارین گؤزوند‌ن آتان ننه 😔😔😔😔😔 ننه ننه غمونده دل داغلارام ماتمونده اشکیم یوزه باغلارام یاده ساللام سنله گئچن گونلری هی ننه وای سؤیلییر‌م آغلارام پندیات - عبرت نامه مقام مادر ودود آذرین خلخال معرفت باغينه سن سويملي باغبان سان آنا غم چاقيمدا ئورگيم دردينه درمان سان آنا دوز ديوبلر اياغون آتدا بهشتين يري وار يعني سن هم نفس حوري وغلمان سان آنا مني سندن اؤزاقا گرچه ساليب جور زمان چوخ گيجه رويالاريمدا منه مهمان سان آنا سنيدون صبحه كيمين هرگیجه لايلاي چالانيم اونا خاطر منيچون جلوه يزدان سان آنا منه تب عارض اولان دا چابالاردي ئورگون سن طبيب نفس وجسميله بو جان سان آنا سنون عشقونله ويرور سينه ده قلبيم ننه جان الله عالمدي كي سن عشقه نگهبان سان آنا اوخويور بلبل شوريده گول اوسته بوسياق زينت هر چمن و باغ و گلستان سان آنا (آذرين) ده نه لياقت سنيچون شعر يازا سن ئوزون صاحب صد دفتر وديوان سان آنا #اشعار_ترکی_در_فراق_پدر #پدر شعرترکی درفراق پدر گیر قراسین اولار خونجگر آتاسی ئولن دوتار عزاتوکراشک بصر آتاسی ئولن آلار کنارینی اقوام ویارو یلداشی شرار غمده یانارسربه سر آتاسی ئولن جنازه نی آپارالار جلالیلن قبره زمان دفنده اشکین توکر آتاسی ئولن قرارورسمیدی اسلامیده امام زمان قاپی آچار گلن اشخاصه هر آتاسی ئولن گلن تسلی ویررقلب زارین اینجیتمز اورکدن اینجیدی چوخ بیر نفر آتاسی ئولن امام زین العبا جدیوی آقا دیورم قالار اوتون آراسندا مگر آتاسی ئولن حسین جنازه سی اوچ گون قالب قوری یرده گدوبدی جبریله شامه آتاسی ئولن نه قویدیلارقویاقبره نه قویدیلاردتایاس گدنده سالدی منادن گذر آتاسی ئولن باخوب دئدی بابا باشسیز جنازوه قربان ائدرفغان سنه شام وسحر آتاسی ئولن دیارکو‌فیه من عازمم خداحافظ اسیر دشمن اولوبدور گدر آتاسی ئولن گلوب ئوزوم قویارام قبره جسم اطهریوی یاتار سینونده سوسوزصود امر آتاسی ئولن بی وفایی دنیا پند بو رسمیدی دنیاده عزیزی ئولن اولسا آهسته گلر باشینون اوسته گلن اولسا آلتندا اولور بستری اوستینده قدیفه بالش باشی آلتندا اگر جان ویرن اولسا اولده آچاللار یاخسین جان ویره آسان اگنینده اگر جان ویره نون پیرهن اولسا غربتده بیری ذلتیله جان ویره نیلر بوینوندا اگر ظلمیله بند رسن اولسا بیر خرداجا قزدان خبریم واردی دیوللر آغلارسان ایشتسون ولی یاخچی دین اولسا بس ر قزدی اوقز اوچ یاشی وار آدی رقیه مدفونیدی شام ایچره مزارین گورن اولسا عالمده اوشاق طایفه سی یوخدینی بیلمز تأمین اولا دلخواهی گرک هر ندن اولسا بیردن دیسه گوشواره گرک آلسون آتاسی ال چکمز اگر هر نقدر پر سخن اولسا قوملار بدنین قرمز ایدوب قمچی گوگردوب جسمیده عجب منظره لر وار بیلن اولسا ناله سسی دنیانی کباب ایلر اوطفلون خونبار گوزی مثل غزال ختن اولسا وقت اولدی او وقتی چاغروب گل خانم عمه خوشدور بو خرابه من زاره وطن اولسا گل عمه دقیقه باشیم اوسته ئولورم گل سن اکبریمه ایله گزارش گیدن اولسا ئوز قاصد آهونله بئله ایله سفارش ذلتله باجون ئولدی گتور بیر کفن اولسا پندیات - عبرت نامه مقام مادر گریز به احوالات حضرت زینب سلام الله علیها در روز عاشورا اوشاقین دردینی دنیاده آنا یاخشی بولر نه محبت گلور ایجاده آنا یاخشی بولر آنالیق مهرینی درک ایلیه بولمز هر اوشاق اوشاقی بسلیَن آزاده آنا یاخشی بولر گلی باغبان دی گوزل وجهله باغدا بَجَرن گیت عزیزیم خبر آل ساده آنا یاخشی بولر

گجه نین نصفی بشیگ ترپَده لایلای اوخویا اوتوروب صود وره نوزاده آنا یاخشی بولر دیسه لر گنج وفا کیمدی جهاندا دییرم سوروشون وادی ایفاده آنا یاخشی بولر بَجرن قیزلاری نازیله حورن طره لرین سوزینی هر غم عظماده آنا یاخشی بولر بو گیدوب بولدوگی خدمتلری حقینده ایدن یتورن نکتهٔ ارشاده آنا یاخشی بولر اوغولی حد بلوغه یتیروب تا گتیسون گلینی حجلهٔ داماده آنا یاخشی بولر آتادان کیمسه یتیم اولسا بش اون گونلوک اولار بو مسلم دی هر اولاده آنا یاخشی بولر آنانین قیمتی یا قدری اُلنده بولونر اونودا بولسه او اثناده آنا یاخشی بولر حَسنینین اَلی قوینوندا قالان لحظه لری گورونور سینهٔ زهراده آنا یاخشی بولر او خانم زینب مظلومه نین اوز اوخشاماسین دل پر شور معلاده آنا یاخشی بولر دیدی زهرا ننم ای کاش گلیدی بو چوله نه اولوب اوغلونا صحراده آنا یاخشی بولر قیزینین غملی بیاباندا آدامسیزلیقینی یتیشَن اولماسا فریاده آنا یاخشی بولر گَله تا شام غریبان دا شریک غم اولا دایانا طور تجلاده آنا یاخشی بولر گوروب اوز موسی دورانین "امینی" هر دم حالینی سینهٔ سیناده آنا یاخشی بولر حاج رسول امینی خوئی اربعین مرحوم میرمحمود آقا شوری تبریزی قارداش باجون دوباره گلوب غم دیارینه حسرتده قالمیوب یتشوب یار یارینه یاد ایلیوب سنی بو بیابانه گلمیشم دور سنده قیل نظاره بو نالانه گلمیشم ازّل طواف ائدوب بو گوزل قبریوی حسین قربان اولوم سنون کیمی قربانه گلمیشم دور بیر نوازش ایله بو بیچاره زینبه بیر باخگلان بو زلف پریشانه گلمیشم لطف ایلیوب سوروشسان اگر حالیمی منیم ختمی بودور حسین داخی من جانه گلمیشم سن کوفه ده تنوریده مهمان اولان گجه من آختاروب ربابی بو میدانه گلمیشم دوتدوم سراغ باشیوی بولدوم یرین حسین دوشدوم یولا او کوفۀ ویرانه گلمیشم مدّت خانملق ایلدیقیم کوفه شهرینه گوردون اؤزون نه نوعی حقیرانه گلمیشم گورجک جداده باشیوی صبریم تمام اولوب یاردیم باشیمی ناله و افغانه گلمیشم قانلو باشون سالوبدی منی چوخ بلالره باشون گئدنده نیزه ده هر یانه گلمیشم ابن زیاد بزمینه گوردوم گئدر باشون دوشدوم دالنجا منده ذلیلانه گلمیشم گوردوم گئدوبدی دیرده مهمان اولوب باشون منده قوناق او تازه مسلمانه گلمیشم وارد ائدنده شامه حسین اهل بیتوی شام اهلی گوردیلر نجه شاهانه گلمیشم اگنیمده کهنه باشدا ولی یوخدی معجریم گویا خیال ائدوبدوله افسانه گلمیشم بو ذلّته گوروبله دوام ایلیوب باجون ترویج وئرماقا ولی قرآنه گلمیشم تشخیص وئرماقا هامی بولدی او شهرده من بینوانی کفریله ایمانه گلمیشم بزم یزیده گر چه قولی باغلی گئتمیشم اما یزید گوردی دلیرانه گلمیشم بی اعتنا علی قزی زهرایه نائبه شیرخدا بابام کیمی مردانه گلمیشم یوز دوتدی زینبه دئدی اللهه حمد اولا غالب بو گون بو زادۀ عمرانه گلمیشم باخ گور نجه بو مجلسه سیز خوار گلمسوز امّا بو بزمه منده ملوکانه گلمیشم قرآن اوخور کسوک باشی عطشان دوداقیلن تنبیه ائدم او لبلری عطشانه گلمیشم بولدوم حسین جلالیله مهمان گلوب منه منده نوازش ائتماقا مهمانه گلمیشم اولدوم خلاص آخری ظلم یزیدیدن حمد ایلیوب او خالق سبحانه گلمیشم قویمازدیلار منی سنه ماتم دوتام حسین ازّل او یرده قوردوم عزاخانه گلمیشم جمع ایلدیم عیالیوی گتدیم حضوریوه دور بیر اؤزون ایاقه یتیش سانه گلمیشم گورسن اگر رقیّه نی یوخدور او جمعده ایلوب منی اونون غمی دیوانه گلمیشم ائتمه خیال گلدی قزون من گتورمدیم اولدی یری خرابۀ ویرانه گلمیشم اولماز تمام گرچه دئسم لیک ظاهراً یتدی مصیبتیم ولی پایانه گلمیشم ال ساخلا «شوری» تمام ائت کلامیوی گئت کربلایه سویله ذلیلانه گلمیشم بو بیت ازّلی دئنه زینب دیلینجه سن یاد ایلیوب سنی بو بیابانه گلمیشم ‍ در عزای پدر سبک   ایران اگر دل تورا شکستند ترکی اتا سنیدون عزو و افتخاریم یانان چراغ شام تاریم یانوب دلیم سونوب چراغیم اولوبدی تیره روزگاریم 2 اورکده قالدی سوزلریم گل یولوندا قالدی گوزلریم گل 2 اتا ای عزت و وقارو جاهیم سنیدون هرزمان پناهیم دلیمدا داغ کیمین دوراردون یامان گونومده تکیه گاهیم اورکده قالدی سوزلریم گل یولوندا قالدی گوزلریم گل2 اتا قراریمی الیمدن الدون ئوزوی چوخ بلایه سالدون منی بویا یتیردون اما ئوزون جهانیده قوجالدون یورکده قالدی سوزلریم گل یولوندا قالدی گوزلریم گل 2 شعر  استاد فکری اردبیلی #فراق_همسر ای همسریم منی دیده تر ائتدون نه  کام  آلوب نه بیر  مراده یتدون ئولینجک  بو  غم  منی  یاندیرار قبر ائوینه قلبی شکسته گئتدون **** ای همسریم شمع بزمی آلشدیر کوسوب منلن گونلون اگرباریشدیر فبرون اوسته دردون منی گتوروب گوز اچ بیرده  من  زاری  دانشدیر **** ای همسریم گوزوم قربان گوزوه چوخ حسرتم شیرین شیرین سوزوه از بسکه سن منه محبت ائتدون محشرده ده  باخنمارام  یوزوه *** ای همسریم قلبیم غمدن سخلدی بخت  اولدوزوم   مداریندن  چخلدی

سندن  صورا  جهاندا  من   نیلرم یامان گونه  قالدیم  ائویم یخلدی من آنیام گولوم خزانه دونوب،،،ای .. جوان بالام ئولدی بلایه دونوب،،،ای من آغلادیم عالم منه آغلادی.... منه خاطر باشه قراباغلادی..😭😭 😭دیرم جوان بالام😭 الیم دوشومده قالدی بالا سوزوم دلیمده قالدی بالا... چوخ آرزو چکردیم سنه... گوزوم طویوندا قالدی بالا. لای لای بالام .ای عومور بویو ؛ نیسگیل ایلن یوللارا گوز تیکیب گئتدیم بیر کونول لوک محبتین حسرتینی چگیب گئتدیم تک لیگیمده گوزدن قان – یاش آخیتسام دا ؛ سئوینیرم انسانلارین دوداغیندا گولوش گولو اکیب گئتدیم .

سینه زنی در عظمت امام حسین(ع) - بو حسین کیمدی که گون تک دولانیب باتمیه جاق حشره تک زنده دی قاره علمی یاتمیه جاق بو حسین کیمدی که عشق اهلینه پیغمبردی ائله رهبردی که سر نیزه اونا منبردی بو حسین کیمدی ئورکلرده ووروب خیمه سینی ائشیدوب کرب و بلادن هامی زیبا سسینی بو حسین کیمدی ئورکده هامی اونلان دانیشار گر بیریندن کوسه زهرایه گوره تئز باریشار بو حسین کیمدی آدی مژده پیروزی وئرور اونا خاطر هامیه حضرت حق روزی وئرور بو حسین کیمدی اسور عرشیده یاشیل علمی انبیا سلسله سین مرثیه خوان ائتدی غمی بو حسین کیمدی بئله یر گویه سلطانلیق ائلیر صودامر اوغلینی ئوز عشقینه قربانلیق ائدیر بو حسین کیمدی که لبخند ووروب قاتلینه نچه یول وار یوخونی بذل ائلدی سائلینه یوز گوزیندن توکولور رحمت و خیر و برکت اوت گلستانه دونر لبلره وئرسه حرکت بو حسین کیمدی شفاعت تاجینا لایق اولوب عشقی خلق ایلیین اللهدا اونا عاشق اولوب بو حسین کیمدی یزیدین ایشینی سخت ائله دی اوچ یاشیندا قیزی هند اوغلونی بدبخت ائله دی معاویه قصرینی بش ایلده قویوب ویرانه آچدی ویرانه ده قرآنه سفارتخانه  بو حسین کیمدی مبارک آدی هر درده دوا قانلی توپراقینی الله ائلیوب خاک شفا بو حسین کیمدی که حق اوسته سوسوز باتدی قانا وئردی انگشتیله انگشترینی ساربانا اونا بالداندا شیرین گلدی او شمشیر آجیسی صبر دریاسیدی واللهی او زینب باجیسی بو حسین کیمدی عزاداری ئولنده گوله جاق چونکه ارباب محبت باشی اوسته گله جاق ابر رحمتدی بولاردان برکت نوری یاغیر دردون اولسا نقدر قوخما ابالفضلی چاغیر ائتدی بلبل لری چون عشق حسین دیوانه تاپدی (خسروشهینی) شمع و گل و پروانه حاج حبیب شایسته خو(خسروشاهی)

هامیمیز منتظروک تا گله مهدی آقامیز گله جک گر الساخ حوصله مهدی آقامیز آلاجاخ بیر قره پرچم اله مهدی آقامیز نینوا فاجعه سیندن آقا داده گله جک کربلایه باش آچوق پای پیاده گله جک بولمورم علقمه اول گیده جک یا حرمه وراجاخ بوسه ضریح اوسته او قاره علمه ننه سی فاطمه تک رخت مصیبت گیه جک جدینون قتلگهینده ئوزی نوحه دیه جک تلین اوسته ایاقون قویسا دیر جان عمه نیلدی الریوه خنجر عریان عمه کسیلن الره مهدی ئوزی قربان عمه الیوین قانی بو چولده هارا آخدی یارالی گوزلرین نعش حسینه نجه باخدی یارالی الی قوینوندا گزر اوردا یانان خیمه لری روز غارت ایاق آلتندا قالان خیمه لری دولانار غملی رقیه دولانان خیمه لری

✔️ امام جواد علیه السّلام ✅ گریز به شام غریبان یالقوز ایوده ویرورم حسرتیله جان آناجان گل جواد اوغلوا دوت شام غریبان آناجان اوزعیالیم من خونین دلی مغموم ایله دی کینه سین ویردی بروزه آنا مظلوم ایله دی قلبیمی پارچالادی زهریله مسموم ایله دی قلبیمی زهرجفا ایله دی آلقان آنا جان اوز الونله آنا گل قبله دوندریوزومی قویما بو پارچالانان قلبیده گیزلین سوزومی باغلا اوز معجریوه ایکی آغلار گوزومی باشیمی آل دیزیوه جان ویروم آسان آنا جان علتی وار بو قدر گوگلره نالم اوجالوب صرصر جوروجفادن گل عمروم سارالوب گل یوزوم یرده گوزوم یولدا سوزوم دیلده قالوب تیر محنت ایلیوب قلبیمی شانشان آنا جان سالدی دیلدن من محنت زده نی دردومحن یوخدی بالینیمه بو حالیده بیر کیمسه گلن اوغلووام گل ویرورم جان بو غریب الکده من گوزلریم یولدا قالوب گل سنه قربان آناجان سن آنا هاردا غریب السه اونون همدمیسن گوگلون گیزلین اولان محنتینین محرمیسن غملرغمکشی غربتده سرشگ غمیسن آلاسان دردینی هر آن دیئس جان آناجان سالوب اکبادیمه اود زهر جفا اودلانورام آتش زهریله اودلانماقی آسان سانورام بیر ایچم سو ویره نیم یوخ دی عطشدن یانورام سو گتورقویما یانوم چوخ من نالان آنا جان دیله گتدیم سو آدین گر آنا عفو ایله منی آغلادارقان اولاسو صحبتی هر یرده سنی اوغلوا ویرمدی بیر شربه سو اشرار دنی سو یانیندا سوسوز الدی شه عطشان آنا جان حسرتیله آنا آخر الیم الدن اوزولوب جام چشمیمدن اوزه اشگ روانیم سوزولوب قطره قطره اورگیم قانی دوداقه دوزولوب غبطه بو قانه ایدر شطه مرجان آنا جان کیم وطن سیزلره غربتده هواداراولاجاق دردینی دلدن آلوب محرم اسرار اولاجاق گلمسسن شام غریبانیم آنا خوار اولاجاق دوتان اولماز منه بیر شام غریبان آناجان گوگل آلچاقلیقی هر آنیده ایلر سن آنا هامی اولاد یوه برپا ایدسن بزم عزا هارااولسا گیدسن بلده الون دیلده نوا اولا بغداد و یا شهر خراسان آناجان سن هامی اوغلون النده گوزونی باغلامیسان آچمیسان باش یوزه گوز یاشی توکوب آغلامیسان غم اودوندا دل ماتمزده وی داغلامیسان سس چکوب ایله میسن ناله و افغان آنا جان غمی بیر اوغلون اما هامی غمدن باش اولوب گورموسن غسلی قیزل قان کفنی اوخ داش اولوب نعشی اوستونده اونون قانیله زلفون یاش اولوب آغاران ساچلاریوی قان ایدوب الوان آناجان ساچدون اوردا اوقیزل قانیله بیر گل باشیوا ایله دی غبطه هامی سوسن و سنبل باشیوا اوگل اوستونده سووردون نیه بس کول باشیوا اولا ویرانه گوروم کوفه ویران آناجان گل منیمده باشیم اوستونده باش آچ ایله فغان سینه داغلا یوزیوه گوزیاشیوی ایله روان یوخدی بو حالیده احوالیمه بیر کیمسه یانان ویرورم حسرتیله جان من نالان آناجان

┅┅❅ 🍃 زبانحال حضرت ام البنین سلام الله علیها عباسیم ای غم پروریم بنددلیم تاج سریم گل جان وئرورامّ البنین یولداقالوبدی گوزلریم  آخر نفسدی آی بالا  گل چال منه لایلای بالا   دلده قراریم هارداسان زیبانگاریم هارداسان آچ شهپرون پرواز ائله باز شکاریم هارداسان  زیبا جمالی آی بالا  گل چال منه لایلای بالا   ام البنینم خستیم اوغلوم سنه دلبستیم گل قاز بقیعده قبریمی زهراجانی جان اوستیم  یوخ بیر کسیم ایوای بالا  گل چال منه لایلای بالا   گوز یاشلی عاشق قان اوتار تئزگل بوهجرانی قوتار گلسنده یوخدوراللرون تابوتیمی بس کیم دوتار  سالّام حجازه های بالا  گل چال منه لایلای بالا   من آه اکوب وای درمیشم جنگه اوغول گوندرمیشم ایندی گلن یوخ یاسیمه یوزقبلیه دوندرمیشم  بیربیر ملالیم سای بالا  گل چال منه لایلای بالا   گوز یولدا قالدیم گلمدون هی دردون آلدیم گلمدون گئتدون اوجاقامت بالا سنسیزقوجالدیم گلمدون  گوندر منه بیر پای بالا  گل چال منه لایلای بالا   گل باشیمی آل دامنه روحیم گلور مهمان سنه قانلی علم سینمده دی بوبیر نشان بسدور منه  گلمز بالاما تای بالا  گل چال منه لایلای بالا   جواب حضرت ابوالفضل علیه السلام ای قامتی چوگان آنا آلدیم پیامون جان آنا گل میزبان اولّام سنه ای جنته مهمان آنا  دینجلدی روحون آی آنا  لایلای آنا لایلای آنا   معناده یار اولّام سنه باز شکار اولّام سنه جنتده حزن اولماز ولی من سوگوار اولّام سنه  آغلار گوزون یوم دای آنا  لایلای آنا لایلای آنا   بیلّم آناجان خسته سن عباسیوه دلبسته سن جسمون اَریتدی غصه لر چوخ آغلاما جان اوسته سن  من اولدوزام سن آی آنا  لایلای آنا لایلای آنا   آخر نجه دفنه گلیم آگاهسن یوخدور الیم گل نازیمی جنتده چک باش دامنونده دینجلیم  بیربیر یارامی سای آنا  لایلای آنا لایلای آنا   صود وئردیگون شیرم آنا قان ایچمیشم سیرم آنا گلسم حسینیم تک قالار نیلوم نمک گیرم آنا  یاندیم دئمه آخ وای آنا  لایلای آنا لایلای آنا   مادر قوجالسا ناز ائدر دل دردینی ابراز ائدر السیز منی گورسن اگر روحون قوشی پرواز ائدر  اولماز امکلر زای آنا  لایلای آنا لایلای آنا   عاشق گرک دل داغلاسین یاریله پیمان باغلاسین وئر پرچمی ئوز اوغلوما قوی یادگاری ساخلاسین  مندن اونا وئر پای آنا  لایلای آنا لایلای آنا