عرض ادب خدمت حضرت سیدالشهداء علیه السلام مجلس غمدی   /   گویلرده ماتمدی ماه محرمدی  /   ای اهل عالم آغلییر طاها  /  باشه وورور مولا نوحه دییر زهرا  /  برپادی ماتم دیللرچکورشراره گوز یاش آخور عذاره صاحب عزا خدادی عرشه چکوبله قاره ایوای حسین یارالی۳ گوزلر ایسلاندی     /     عالم پریشاندی چوخ غملی دوراندی   /  اون گون محرم اون بیر آی گوزلر   /   اهل عزا یکسر اربابینی سسلر    /   اون گون محرم رخت عزا گیین لر عشقونده آغلیین لر غوغا سالار جهانه ایوای حسین دیین لر ایوای حسین یارالی۳ قلبیلر قاندی    /    دیللر گینه یاندی زهرا نواخواندی    / سسلر اوغول وای اوغلونا آغلار    /    غم سینه سین داغلار باشه قرا باغلار   / سسلر اوغول وای سسلر حسینیم ایوای وار  شور و شینیم ایوای ایکاش آنان ئُولیدی وای نور عینیم ایوای ایوای حسین یارالی۳ جان ویرن عطشان   /   ای شاه مظلومان جانلار سنه قربان   /   قلبه صفا ویر پرچمون اَسدی  /   کفرون سَسین کَسدی حاشا دییَم بَسدی  / کرب و بلا ویر ای فاطمه بالاسی ای دردیمین دواسی واردور باشیمدا مولا بین الحرم هواسی ایوای حسین یارالی۳ گلشنون سولماز   /   کیمسه تایون اولماز گوزلر نجه دولماز   /  آدون گلنده اودلانار دیللر    /    آغلار هامی ائل لر مظلوم ئولن سسلر  /  آدون گلنده خون خدا حسینجان ای با صفا حسینجان دویمازلا  آغلاماخدان اهل عزا حسینجان ایوای حسین یارالی۳ بلبل زارم  /   مولا عزادارم باخما گنهکارم   /    قووما قاپوندان ای یوزی مهتاب   /   ایتمه منی بیتاب من (بیکَسم) ارباب /  قووما قاپوندان بیر عمردور گدایم چوخ درده مبتلایم جان ویرموسن یارالی گول آدیوا فدایم ایوای حسین یارالی۳ #مجلس_غمدی_گویلرده_ماتمدی #محرم #جلالت #مقام_نوکری #سیدالشهدا_علیه_السلام التماس دعای فرج #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

. #سبک_من_این_پایین_تو_اون_بالا #ترکی #ورودیه #شب_دوم_محرم سبک(این شبا حال و هوای خونمون خیلی عجیبه) ////////// سس دوشوبدی عالمه گلدی گینه ماه محرم آچدیلار هر یرده عشقیله بو گوندن قاره پرچم هرکیم ایستور دردینه چاره خبردار ایلیون سیز چاره سیزلر چاره سی عباسه دوتسون بزم ماتم حسین گلدی... کرببلایه کاروانیلن                      پیر و جوان اهل و عیالیلن                      قامت دونر مثل هلاله حسین گلدی....  پیغمبره بنذر جوانیلن                      هم قاسم و تازه عروسیلن                      هم اصغر و همده سه ساله (حسین مظلوم ایوای اقام ایوای حسین مظلوم)۳ /////////// گون به گون سوز عطش ایلر بو اهلبیتی محزون قلب شیعه بو غمیله چون اولار دلخون و داغون پرچم و سنج و علم هم سینه زن آغلار بو آیدا هم علی و فاطمه باشه قرا باغلار بو آیدا حسین جاندی.... حسین بیزه هم دین و ایماندی                          شرافتی آیات قراندی                         عشق اهلینه آقام صفادی منیم شاهیم... یارالانان دوداقیوه قربان                     اسیر اولان رقیوه قربان                      آدون آقا درده دوادی حسین مظلوم ایوای اقام ایوای حسین مظلوم)۳ /////////// #سیامک_پندی_خاکسار✍ #محرم #شاخسی .👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

. #ترکی #شاخسی امام حسین مناجاتی #سبک_خاص سبک(شراب کهنه ام)(ای.. ماه بی تکرار من) *_*_*_*_*_*_ حسیندی عشقیمیز..حسیندی روحیمیز اونون عشقینه من دچارم ایکی جهانیده...حسیندی هرکسیم تاپار چون شفا قلب زارم ای... شاه عالم یاحسین...ای منه نور دوعین قلبیمون آرامشی سن سن حسینجان ای... ورد و ذکریمسن آقا..شهریاریمسن آقا نوکرین هر خواهشی سن سن حسینجان آه... ماتمونده آغلارام...بوسینمی داغلارام اهلبیته هر زمان یاس ساخلارام من آه... سوز و آوازیم حسین..قبله رازیم حسین هر زمان بو باشه قاره باغلارام من *_*_*_*_*_*_*__** هوای کربلا...صفای کربلا دَیَر مین بهشته حسینجان نوای خیمگه گاه...او سوز قتلگاه اولار روضه سینده ئورک قان ای... برج محنتده آقا..ماه بی تکراریسن ای وئرن درس بلا اهل جهانه ای... عشقلر سرمایه سی...شاهلارین پیرایه سی وئرموسن عزت آقا اهل جنانه سن... دردلرین درمانیسان..عالمین سلطانیسان پرچم حرّیّتین سن سن بهاسی سن... رهبریمسن یا حسین...سروریمسن یاحسین عالم عشقین حسین سنسن صفاسی *_*_*_*__*_*_* #سیامک_پندی_خاکسار✍ #محرم #شاخسی #امام_حسین .👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

‍ ‍ #روضه_قتلگاه 🎧#مرحوم_استاد_منصوری ایوای باشی دالدان کسیلن قارداشم ایوای ایوای یوزی اوسته یخلان قارداشیم ایوای ایوای بالاسی اوخلانان عطشان قوجاقندا ایوای قالان عریان بدنی گون قاباقندا ایوای داغلان پیکری آتلار ایاقندا (آتلارون نعلین عوض اله دیلر دیدی حسین دوزدی ننم ام المصائب آدلانوب اما منیم مصیبتیم اولاردان باش گلدی کربلاده) اگر باشی ننمین کوچه ده بلالره دوشدی یوزونه سیلی دیوب گوشواره سی یره دوشدی ننمین هاردا گوزی شمر الینده خنجره دوشدی؟ گر جوان ئولدی ننم مقتل بلاسین گورمدی بیز باجی قارداشین هجران ماجراسین گورمدی زینبون شامین حسینون کربلاسین گورمدی یاخجی کی زهرا سینونده اوخ یاراسین گورمدی آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی بواوخ ورانون الری دوشسون بیلگینن بواوخ باجوون کاش دییدی اورگینن هانسی اورگین قانی چخبدور ککورگینن #اَللّهُمَّ عَجِّل لِوَلیِّکَ الفَرَج

یا حضرت زینب کبری (س) زینبا درگاهووه اولدوم گدا سیندیرمادون دست حاجت آچدیم ائتدیم التجا سیندیرمادون هاردا دوشدوم درده من ائتدیم توسل آدیووه بوش الیم یوخدان یتیشدی تئز وارا سیندیرمادون مین امیدیله گئچن گونلر کیمی گلدیم گینه ال ادبدن بوش ، یوزوم کولدن قرا سیندیرمادون صاحب اولدون ئوز قاپوندا خوار اولان مردار ایته قویمادون ویرسونلا طعن و افترا سیندیرمادون سن منه صاحب دوران یئرده هئچ عالم دورماسین ساخلادون سن ، چوخلار ائتمیشدی رها سیندیرمادون غافل اولدوم هر زمان گتدیم اوزاق درگاهیدن خوار اولاندا تئز گینه ائتدون صدا سیندیرمادون یا هاچان بیگانه آللاتدی ایتوردوم من سنی سسلدیم فوراً گینه وئردون ندا سیندیرمادون سینماسین شخصیتون ای عصمتین شخصیتی بیلمدون نا حقی حقیمده روا سیندیرمادون سن وئرن شخصیتیله من سرافرازم خانم قویمادون هیچکس اونی مندن آلا سیندیرمادون چوخ قاپی گورستدیلر ، چوخ آد منه ئورگتدیلر من ولی بیلدیم سنی باب رجا سیندیرمادون کیم منی چکدی هارا ، اما وفالی ایت کیمی گئتمدیم درگاه پاکوندن یانا سیندیرمادون عشقووی ئوز قلبیمون قلاده قیلدیم بوینونا آدیوی ازبر ائدوب گئتدیم هارا سیندیرمادون منده گیدیم قاره کوینک قاره باشه باغلادیم اذن وئردون آغلییوب قیلدیم نوا سیندیرمادون پاک عزاداره اگر چه اوخشاموردی صورتیم ائتمدون سن آغلیانلاردان جدا سیندیرمادون قصد تطهیر ایلیوب دوشدوم حسین دوزلاقینه پاک ائده بلکه منی بزم عزا سیندیرمادون ** غلامرضا هادی اردبیلی

🍁﷽🍁 🏴ورود بـه مـاه مـحرم🏴 سبـک: بـخدا دنیا رو نمیخوام بے ابوالفضل شیعه بـاشه قاره باغـلار یـا ابـوالفضل گلـدے یاسیـن سینه داغـلاریـا ابوالفضل چوخ وفـالے قارداشیـدون سن حسیـنه حالیـوه پیغمبـر آغـلار یـا ابـوالفضل یا ابوالفضل یا ابوالفضل یا ابوالفضل«2» هـر محرم شیعه لـر بو یـاسه آغـلار آیـرے ادیانـلار دا بو احساسه آغـلار حاجت آلدےکیم دخیل اولدے اوساعت بـاب حاجتـدور هـامے عبـاسه آغـلار یا ابوالفضل یا ابوالفضل یا ابوالفضل«2» درد بے درمانـلارا درمـان ابـوالفضل باب حاجت شائنیـوه قربـان ابـوالفضل اورگـدیـبسن غیرتیـن غیـرتـلے نـاسـه دینـه خاطرسن وریبـسن جـان ابـوالفضل یا ابوالفضل یا ابوالفضل یا ابوالفضل«2» سن عـزیـز مـرتـضے سن یـا ابـوالفضل مـظهـر عشـق و صفـاسـن یـا ابـوالفضل منـصبیـن بـاب لحوائـج بـو جهـانـدا کُـل امـراضـه دواسـن یـا ابـوالفضل یا ابوالفضل یا ابوالفضل یا ابوالفضل«2» ✍علے اصغرعباسعلے نژادکیوج_سراب ✨اَللّهُمَّ عَجِّل لِوَلیِّکَ الفَرَج✨ التماس دعا... #امام_حسین_علیه_السلام #محرم_۱۴۰۳ #کانال_باب_الحوائج

نوحه ورود محرم😭 •✾•🎤کربلایی سعیدسلطانی ●━━━━━━─────── ⇆ㅤ ◁ㅤㅤ❚❚ㅤㅤ▷ㅤㅤ

🎼سبک نوحه فوق👆👆 ✍بقلم کربلایی سید مهدی حصاری 🎤#بانوای_حاج_علی_سیفی_افشار

عطری گلور محرمین با نوای سید محمد عاملی 🌷آواز بیات ترک🌷 عطری گلور  محرّمین هر یره قاره چکدیلر فاطمه نوحه باشلادی گویلره قاره چکدیلر یااباعبدالله حسین– یا اباعبدالله حسین گییدی گنه حسینچی لر  پیرهن عزالرین ابر بهاری تک دولوب  گوزلری  آشنالرین شهرلری دولان ائشیت  وای آنا وای نوالرین معرفت اهلی مسجد و منبره قاره چکدیلر اهل ولایتین بو  آی  گولمیه  جاق  دوداقلاری دسته لرین سالوب  یولا  کوچه لرین اوشاقلاری کوی   شهادته   گلور  کرب و  بلا    قوناقلاری جنّت اولوبدی غم سرا،  سر دره  قاره چکدیلر اصغره خاطر  ایندیدن  ایلمیون   سو  صحبتی خالی  قدحلر الده دی ساقیه وار خجالتی فاطمه  مهریدور  فرات اوغلونا  وئرمور  امّتی خیمه ده گاهوارة  اصغره قاره چکدیلر سسلوری صاحب الزمان  سینه  زنانِ  عالمی قاره   لباسوزی  گییون گلدی حسین  محرّمی وئردی نشان  ملکلره  فاطمه   قانلی  کوینگی آهیله عرش اعظم   و  اکبره قاره  چکدیلر قانه  حسینی آز   قالور  اهل   ستم    بویاندیرا کوفه  رعیّتی   گلور خیمة شاهی یاندیرا باشلاری   نیزیه  ویرا  سینه ده   آت  دولاندیرا گور  هامی کوی و برزنه یکسره  قاره چکدیلر آه او زماندان  ایستدی شمرکسه حسین  باشین تلّیده  زینب  آغلادی سسلدی داده قارداشین آچدی سکینه  باشینی توکدی  رقیّه  گوز  یاشین خیمه   سرای  عترتِ   حیدره    قاره   چکدیلر قاره یلاَسدی باتدی گون قدسیان الامان دئدی یرده حسین جنازه سی نیزده  باش اذان دئدی کوینگینی  آپاردیلار فاطمه  باخدی جان دئدی اهلِ    مدینه    مرقدِ    مادره     قاره   چکدیلر

طشت گذاری هیئت پرافتخار طفلان مسلم علیهم السلام شعر ازمرحوم فرهاد فکری توسل به باب الحوائج ابولفضل العباس (ع) مورخه یکشنبه۱۴۰۳/۴/۱۰ 🎤#با_نوای_کربلایی_سید_طاهر_بدلی_آوینی

شب عاشورا ای شمع حرمخانه قربانون اولوم عبّاس جان لار سنه پروانه قربانون اولوم عباس ایلده شب تاسوعا سسلر آدوی دنیا معناده دیر زهرا قربانون اولوم عباس دویسه قاپیوی سائل منظوری اولار حاصل ای مونس اهل دل قربانون اولوم عباس انسان و ملک سندن ایستَلَّه کمک سندن اَل بیزدن اتک سندن قربانون اولوم عباس ای معرفتین کانی سَن بُل آناوین جانی بیمه ایله بو جمعی قربانون اولوم عباس اوج شرفه چاتدون لب تشنه قانه باتدون سن کوثری آغلاتدون قربانون اولوم عباس دگدی گوزل آننوندان اوچ شعبه لی بیر پیکان دوتدی گوزیوی اَلقان قربانون اولوم عباس یاندیم دیدیم ای قارداش سس ویر منه وای قارداش چارم ندی ای قارداش قربانون اولوم عباس دیداره حسین گلدی قلبین غم اوخی دَلدی تاپدی سنی دینجلدی قربانون اولوم عباس وار خیمه ده چوخ سوزلر قیزلار یولیوی گوزلر باخمور نیه بو گوزلر قربانون اولوم عباس احسنت بیله ایثاره سردار وفاداره قربان کسیلن یاره قربانون اولوم عباس گَلدیم باشوین اوسته آچ گوزلرین آهسته سن خسته حسین خسته قربانون اولوم عباس ای کشتی بی ساحل قانلی علمه حامل آمالون اولوب حاصل قربانون اولوم عباس کم ایلمه لطفون سَن بیچاره کلامیدن کویونده گدایم من قربانون اولوم عباس 📝 استاد کلامی زنجانی

ای شمع حرمخانه ☝️ بانوای زنده یاد حاج محمدباقرمنصوری

خبردار ای عزاداران حسینین یاسی باشلاندی اولونسون عالمه اعلان حسینین یاسی باشلاندی آلور بازاریدن گوردوم کی بعضی شخصیلر قاره خبر آلدیم نه اوضاعدور آچوبلار نطق گفتاره مگر گورمورسن اطفالی دوشوبلر کوچه بازاره دیوللر با دل سوزان حسینون یاسی باشلاندی دیدی ای شاعر نالان ندن بیلدون بو پیغامی اونا عرض ایتدیم ای مومن بو سوزلر اولدی الهامی اولور چون #نهم #ذی_الحج کی یعنی #بایرام_آخشامی سحر کی کسدیلر #قربان حسینون یاسی باشلاندی او گوندن کی حسین اولموش قتیل لشگر اعدا همان گوندن الی محشر گرک اولسون عزا برپا هامی یر کربلا دشتی هامی گون یوم عاشورا کفایتدور بو بیر برهان حسینون یاسی باشلاندی اگر فکر عالمیلن ایلسن سن گوگلره معراجا گوررسن حضرت روح الامین باشدان گوتورموش تاج بلند آوازیلن سویلر الا ای فرقۀ بهاج اولون غمگین بودور فرمان حسینین یاسی باشلاندی گئدیب بیر طفلد‌ن آلدیم خبر آیا، نه عالمدیر دئدی آلما خبر ای مرد محرمدیر، محرمدیر بیزیم گوز یاشیمیز آخر حسین زخمینه مرحمدیر اونون لطفی بیزه درمان حسینین یاسی باشلاندی گوزومد‌ن یاش اولور جاری، قلم آلدیم اله فی‌الحال یازام بیر شمّه بو حالی خیالیمدن گئچیب گودال همان گودالی آلمیشدی آرایه دستۀ اطفال هامیسی دیدسی گریان، حسینین یاسی باشلاندی آچیبدیر باشینی زینب او نعشین اوسته دلخسته نه حالدیدی دولاندیردی خلاصه آرخاسی اوسته باجیدیر قارداشین اوخشار ولی آهسته آهسته میان مقتل میدان، حسینین یاسی باشلاندی گوروب بیر اوچ یاشیندا قیز مصیبت باشیدن آشدی دئدی دردین باباسینه محبت قایناییب داشدی آتاسی قوللارین آچدی، بالا گلدی قوجاقلاشدی باخیر اطرافید‌ن عدوان، حسینین یاسی باشلاندی ✍مرحوم جبارمضطراردبیلی

خبردار ای عزاداران☝️☝️🖤🖤 حسینین یاسی باشلاندی

احوالات حضرت ابوالفضل (ع) دایر اولدی گینه ده مجلس یاسی آقامون طاق عرشه ورلوب قاره لواسی آقامون قورولوبدور ایکی دنیاده عزاسی آقامون ناظر بزم عزا حضرت زهرا ئوزودی بو نچه گونلری هر یرده حسینون سوزودی هر کس ئوز فهمینین اندازه سی دلده غمی وار ئوزی ماتم زده دور یوزده عزا شبنمی وار هارا باخسون آقامون اوردا قرا پرچمی وار آقامون پرچمینه یاسینه عالم قربان ایکی قولدان گچن عباسینه عالم قربان بو علم آرم شرف آرم عزادور بیز ایچون بو علم مایه غم رمز بکادور بیز ایچون یادگار سپه کرببلادور بیز ایچون علقم اوستونده قزل قانه باتان پرچمدی ظاهرا قانه باتان وقته یاتان پرچمدی لذت دردی بولن غصه وغمدن گچمز عاشق صادق اولان باب کرمدن گچمز گچر الدن ولی بو قاره علمدن گچمز نجه عباس بو باب کرمی بوشلامادی گچدی الدن ولی قانلی علمی بوشلامادی نگرانیدی یاتان پرچمینه خاطر چوخ او قدر یاریه یوخسا دیمدی بیر یول اوخ سعی ائدوردی سورونه خیمیه ساری ولی یوخ مشکی تک حاضریدی گوزلرینه قانی دولا ایستموردی اونی قیزلار گوره شرمنده اولا دوغرانوبدور داخی سالم بدنیم یوخ قارداش بو بیابانیده بیر کیمسه منیم یوخ قارداش گلمسون دادیمه اوزگه گلنیم یوخ قارداش قویموشام قولاریمی یولدا علامت گلسن او علامتله گلن وقتیده راحت گلسن بو دگول قصد بو نوکر قویا یولدا قولونی رهنما ایلیه مولاسینه قانلی خولونی قارداشی ئولسه کیمین چون ایتیرر ئوز یولونی گوردوم اولدوز کیمی سندن آرالی سوزدوم حسین قولاری پرچمی مشکی یولوا دوزدوم حسین قولسوز اعضایه باخوب سعی ایله دل داغلاما چوخ اشکیوی سیل کیمی صورتیوه باغلاما چوخ خیمیه گیت باشیمن اوسته قالوب آغلاما چوخ بئلیوین سنماقنی یوخسا بوللر قارداش آغلاسون حالیوه میداندا گوللر قارداش #دایر_اولدی_گینه_ده_مجلس_یاسی_آقامون #عباسیه #حضرت_ابوالفضل #شروع_محرم #قاره_پرچم فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

«حسینه یرلر آغلار گویلر آغلار                          بتول و مرتضی، پیغمبر آغلار» حسینـون نوحـه‌سین «دلـریش» یازاندا مسلمـان سهلدیـر کــه کافـر آغـلار   کوراولمیش گوزلرین قان دوتدی شمرین     کی گؤروسون اؤز الینده خنجر آغلار حسینــون کؤینگــی زهــرا الینــده   چکـر قیحــا قیـامت، محشـر آغـلار آتانـــدا حرملــه اوخ کــربـــلاده     گؤریدین دشمـن آغـلار، لشکر آغلار قـوجاقینــدا، گؤریــدین امّ لیـــلا                           آلــیب نــعش علــیّ‌اکبــر آغـــلار  رباب، نیسگیل دؤشونده سوء گؤرنده       علــیِّ‌اصغــری یــاد ایلــر آغـــلار باشینــدا کاکــل اکبــــر هـــواسی                      یل آغـلار، سنبـل آغـلار، عنبر آغلار یازانـــدا آل طــه نوحـه‌سین مــن      قلـم گـوردوم سیزیلـدار، دفتـر آغلار علـی، شقّ‌القمـر محـراب تیلیت قان           قولاق وئر، مسجد اوخشار منبر آغلار علیــدن، شهریــار، سن‌بیــر اشـاره         قوجاقــلار قبـری، مالک‌اشتـر آغـلار #حسینه_یرلر_آغلار_گویلر_آغلار #شهریار #حسینیه #شروع_محرم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

🌑سینه زنی بمناسبت حلول ماه محرم ماه عزا ای اهل عالم        باشلاندی ماتم(2 ) یاس دوتوب حسینه                                حضرت خاتم    واویلا واویلا آه واویلا(2 ) ای شیعه آغلا     سینه وی داغلا بو یاسدا باشیوه                   سن قاره باغلا واویلا واویلا آه واویلا(2 ) یئر گوی بو آیدا        ایلیور ناله قد زینب دونوب                     همچون هلاله واویلا  واویلا   آه واویلا(2 ) بو آیدا زهرا     سینه سین داغلار اوغلو حسینه    یاس دوتوب آغلار  سسلنور ای وای حیسن  مظلوم حسین جان قانینه غلطان اولان ایوای حسین جان واویلا واویلا آه واویلا(2 ) گوداله گلدی     شمر ستمگر ایلدی عیان     ظلمون او کافر گویده ملک لر دیدی الله اکبر               قانه بویاندی الله  سبط پیغمبر    واویلا واویلا  آه واویلا (2 ) شمر الینده     گوروندی خنجر زینب الینده    واریدی معجر بو دعواده الله بیر عورت نیلر                زینبین اللرینی دوغرادی خنجر       واویلا واویلا آه واویلا(2 ) ای شاه تشنه        ارباب بی سر سیفیم  آقا      قاپیندا نوکر ایللر دی اولومشام غمدن مکدر           جان ویرن وقتیده گوز سنی گوزلر یا حسین یا حسین مولا حسین جان(2 ) ✍حاج علی سیفی افشار #ای_اهل_عالم_باشلاندی_ماتم #محرم #شروع_محرم #سیفی_افشار #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

ایلده بو آی دنیا دیر ایوای حسینیم وای ایلده بو آی دنیا دیر ایوای حسینیم وای آغلار خانم زهرا دیر ایوای حسینیم وای ای دیده باخ تا گور نه وار عشقین دیارینده یورقون بسیجی اگلشوب سنگر کنارینده وار آرزوی کربلا قلب فکارینده صبری اولوب یغما دیر ایوای حسینیم وای لب تشنه لر مولاسینه بیزدن سلام اولسون ایام عاشوراسینه بیزدن سلام اولسون هم دوغرانان اعزاسینه بیزدن سلام اولسون آدم دیر حوا دیرایوای حسینیم وای گلدی محرم دهه سی شیعه فغان ایلر اهل عزا دلده نوا اشکین روان ایلر بو آیدا زهرا گلشنین صرصر خزان ایلر باشین آچوب طاها دیر ایوای حسینینم وای گون چیخسا عرشه یدی گون باش چکسه کیوانه کرب و بلانی گورجاقین قلبی دونر قانه گر باخسا سقا خانه دی سقای عطشانه دلدن گورر سقا دیر ایوای حسینیم وای چاووشه سویله پرچمین ایتسون عیان آچسون تاخیر ائدوب رزمنده لر یول کاوان آچسون کرب و بلا دروازسین آز قان قالدی آچسون یاران عاشورا دیر عاشورا دییر ایوای حسینینم وای آز قالدی غمدن عالمین قلبی کباب اولسون گول یوزلی قربانلار اوزی قانلان خزاب اولسون صاحب زمان آغلور گوروم دنیا خراب اولسون چوللرده اول مولا دیر ایوای حسینیم وای آغلا کلامی فاطمه گریاندی بو آیدا گوز یاشی گیزلین دردیوه درماندی بو آیدا پیغمبر اوغلی ظلمینن دوغراندی بو آیدا صدیقه کبری دیر ایوای حسینیم وای #ایلده_بو_آی_دنیا_دییر #شروع_محرم #کلامی #محرم فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

نوحه اول محرم به اهنگ عربی * گلدی محرم یاحسین باشلاندی ماتم یا حسین گیدی قرا عاشقلرون سسلوله با هم یا حسین مظلوم حسین - مظلوم حسین عطشان حسین - عطشان حسین * عاشقلرون باتدی غمه غرق اولدی بحر ماتمه ادون یازیلدی پرچمه سسلندی پرچم یا حسین مظلوم حسین - مظلوم حسین عطشان حسین - عطشان حسین * قاره چکیلدی گویلره غم گردی یاغدی یئرلره ادون دوشوبدور دیللره ای شاه اعظم یا حسین مظلوم حسین - مظلوم حسین عطشان حسین - عطشان حسین * یر . گوی باتوبدور ماتمه اغلیر ملک لر بو غمه ادون ائدوبلر زمزمه سسلوله هر دم یا حسین مظلوم حسین - مظلوم حسین عطشان حسین - عطشان حسین * ماه عزا گلدی گینه عالم باتوب غم گردینه واردیر اگر دردین دینه ای جان عالم یا حسین مظلوم حسین - مظلوم حسین عطشان حسین - عطشان حسین * گویده ملک لر یکسره لایلای دیولر اصغره زهرا دوشوبدور چوللره اردینجه مریم یا حسین مظلوم حسین - مظلوم حسین عطشان حسین - عطشان حسین * زهرا دیر عطشان بالام ئوز عشقینه قربان بالام جان جان بالام جان جان بالام سسلور دمادم یا حسین مظلوم حسین - مظلوم حسین عطشان حسین - عطشان حسین * شیر خدا ایلر نوا زهرا دییر مظلوم بالا سویلر اوغول گیتسن هارا اردونجا گلم یا حسین مظلوم حسین - مظلوم حسین عطشان حسین - عطشان حسین * زهرا دییر لایلای بالام مولا دییر ایوای بالام ال باشدا سسلر وای بالام جنتده خاتم یا حسین مظلوم حسین - مظلوم حسین عطشان حسین - عطشان حسین * زینب دییر ایوای حسین ایوای حسینیم وای حسین لای لای حسین لای لای حسین دردوندن ئولم یا حسین مظلوم حسین - مظلوم حسین عطشان حسین - عطشان حسین * برگزیده از کتاب دریای گوهر اثر طبع احد مدل جوی تبریزی #گلدی_محرم_یاحسین #شروع_محرم #احد_تبریزی فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

شوره گلیپ عالم ماه عزا گلدی ماتم سلطان کرب و بلا گلدی اسدی علم لر قلب ده غم لر جوشه گلیپ دیر تمام ماه محرم سلام فاطمه گلدی شور و نوایه سسلیری ای وای بالام ماه محرم سلام سلام ای ماه عزای حسین ای جلوه طوفان عشق ای ماتم خون خدا سلام ای موسم اندوه و غم ای سوز بکا و علم ای نوحه و شور و نوا قاره گییپ بو آِ دا گلدیم عزایه آقا سنده منی گل ایسته کرب و بلایه آقا گولوم ایستیر اصغره لای لای دییم گولوم ایستیر اصغره لای لای دییم خیمه گه ده شوریله ای وای دییم خیمه گه ده شوریله ای وای دییم گولوم ایستیر اصغره لای لای دییم گولوم ایستیر اصغره لای لای دییم خیمه گه ده شوریله ای وای دییم خیمه گه ده شوریله ای وای دییم اگر بو ایل ختام حسرت اولسا بیزه گویچه مزارون قسمت اولسا یولون گرد و غباریله بورونوخ عباس او خیردا قبریوی گورساخ سورونوخ #شوره_گلیب_عالم #محرم فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

یارب یتیشدی ماه محرم دوتدی بوآیدا دنیانی ماتم نصب اولدی هر یرده بو آی بیر قاره پرچم یاحسین ، یاحسین، یاحسین، یاحسین دنیا دونوبدی ماتم سرایه قاره چکیلدی عرش خدایه شیعه یوبانما دور گل عزایه کرب وبلایه یول سالبدی شاه اعظم یاحسین ، یاحسین، یاحسین، یاحسین سسلور حسین وای گویده ملکلر قانه دونوبدی بو آی اورکلر جنتده زهرا اولدی مکدر بو غصه و هجرانیدن قان آغلور عالم یاحسین ، یاحسین، یاحسین، یاحسین دردی اولانلار درمانه گلسین باب رجای سلطانه گلسین عشق حسینه دیوانه گلسین گویده ملکلر سسلنر بو آی دمادم یاحسین ، یاحسین، یاحسین، یاحسین #یا_رب_یتیشدی_ماه_محرم #محرم فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---