گل آنا یتیشدی موسم شهادت آغلاما یول اوسته ایلیورم وصیت باشیم اوسته توت قرآن قاسمون سنه قربان دین فداسیم دین فداسیم تنگ اولوبدی عرصه خسرو و حجازه مهربان عمومنان آلمیشام اجازه گتدی غصه‌لر جانه دلخوشام باتام قانه دین فداسیم من دین فداسیم من جای امتحاندور عرصه گاه هیجا آخرین گوروشدی گوی منی دویونجا بیرده گورمسه سن بیلم من بوگون سوسوز ألم دین فداسیم من دین فداسیم من چخما اوز اوزونن صبر ایله آز آغلا سن دوشنده آتدان گل یارامی باغلا وار علامتیم قولدا گوزلریم قالار یولدا دین فداسیم من دین فداسیم من یوخدی کربلادن بیر مکان افضل درس جنگی ویرمیش چون عموم اباالفضل قدرتیمی بولدورم ازرقی من الدورم دین فداسیم من دین فداسیم

نوحه بسته شدن آب فرات ای فرات ای فرات ای چوللره آخان سو غم دللره سالان سو قانه دونیدون قانه دونیدون چوللرده آخدون قان اولدی دللر سولدی عطشدن مخیمده گوللر سن باعث اولدون اوخلاندی اصغر مخیمده سولدی گوللر یاندی عطشدن اصغر قانه دونیدون قانه دونیدون اصغر گوزونده دوندون سرابه دوندی رقیه قلبی کبابه رحم ایتمدون هیچ بی کس ربابه سخدون دل کبابی قویدون ملر ربابی قانه دونیدون قانه دونیدون یاندی عطشدن اولاد طاها عطشان یارالی جان وئردی سقا شرم ایتمدون بس زهرادن آیا سقانی یاندیربسان ائلدن اوتاندیربسان قانه دونیدون قانه دونیدون ویردون سن ای سو چوخ قلبه یاره آل عبانی سالدون فشاره نقدر ایچر سو بیر شیر خواره شش ماهه نو رسیده بیر جرعه سو بسیدی قانه دونیدون قانه دونیدون

زبانحال امام حسین (ع) در بالین حضرت ابوالفضل(ع) آرخام ائلیم ایوای ابوالفضل سیندی بلیم ایوای ابوالفضل **** ای مرتضانین یادگاری ای آل طاها جان نثاری دور یاتما ای قولسوز علمدار ای قلبیمین صبر و قراری آرخام ائلیم ایوای ابوالفضل سیندی بلیم ایوای ابوالفضل اطرافوی بو لشگر آلدی آتدان سنی توپراقه سالدی لشگر گولور بو حال زاره دور گور الیم بلیمده قالدی آرخام ائلیم ایوای ابوالفضل سیندی بلیم ایوای ابوالفضل ای منخسف ماه مدینه نولدی سنه ای بی قرینه دور پاره مشگون چیگنوه سال گوزلور یولون نازلی سکینه آرخام ائلیم ایوای ابوالفضل سیندی بلیم ایوای ابوالفضل ای قانینه غلطان ابوالفضل دور باغریم اولدی قان ابوالفضل وار باشوین کاری یاراسی قانلی گوزه قربان ابوالفضل آرخام ائلیم ایوای ابوالفضل سیندی بلیم ایوای ابوالفضل ای قیزلارین امیدگاهی ای زینبون پشت و پناهی گورسه اگر بو حالی زینب عرشه چیخار فریاد و آهی آرخام ائلیم ایوای ابوالفضل سیندی بلیم ایوای ابوالفضل یازدی (( نوین )) گلدی نوایه سسلور سنی قارداش هرایه بو جمعیله لطف ائت (( نوینی )) بیر وقفه ایسته کربلایه آرخام ائلیم ایوای ابوالفضل سیندی بلیم ایوای ابوالفضل

زبانحال حر (ره) کریمی مراغه ای . ای نورِ چشمِ مصطفیٰ، التّوبه توبه ای زاده‌یِ خیرُالنّساء، التّوبه توبه . درگاهیوه گلدیم حسین، استغفرالله یا مَن شفیع المذنبین، استغرالله . . حرِّ غریبم رزملرده شهسوارم شاها ریاحی قومینه من افتخارم ایمدی قاپوندا بیر غُلامِ خاکسارم بیچاره‌ام زار و حزین استغفرالله التّوبه توبه (2) . . شاها بو چولده باشیوی سالدیم بلایه ای کاش ازلد‌ن گلمیییدیم کربلایه ائتمه بابان پیغمبره مند‌ن گیلایه یابن الامیرالمومنین استغفرالله التّوبه توبه (2) . . قورخوتدوم اهلِ بیتیوی ائتدیم هراسان باعث منم جمعیتون اولدی پریشان اوز ائتدیگیم اعمالیمد‌ن اولدوم پریشان اوللم خجالتد‌ن یقین استغفرالله التّوبه توبه (2) . . من بیلمه‌دیم مُنجر اولار ایش بو مقامه فکر ائیلدیم تنظیم اولار بیر صلح‌نامه بی‌دین جماعت اولدولار یاغی امامه قالدون بو چولده بی‌مُعین استغفرالله التّوبه توبه (2) . . شاها سنی وئرر‌م قسم خیرالنّسایه جدّون رسوله هم آنان شیرِ خدایه عفو ائت منیم تقصیریمی گئچ مُجتبی‌ٰیه عرض ائیلیر‌م من یا حسین استغفرالله التّوبه توبه (2) . . اولسون شریح‌ین قانیله ساقّالی الوان ائتدی جهاندا دینینی دیناره قربان اویدی اونون فتواسینه بیر عدّه نادان چکدی یوزیوه تیغِ کین استغفرالله التّوبه توبه (2) . . ال دامنوندن چکمر‌م ای شهریاریم یوز قویموشام درگاهیوه وار انتظاریم چوخ چوخ جسارت ائتمیشم وار اعتذاریم ای پیشوایِ مسلمین استغفرالله التّوبه توبه (2) . . نذر ائتمیشم ائتسون منیم حقّیمده احسان الان وئر‌م بو جانیمی عشقونده قربان گل سال یولا قربانیوی ای شاهِ عطشان ائیله منی قربانِ دین استغفرالله التّوبه توبه (2) . . کلاً کریم ‌الطبعسوز، سیز خانواده تقصیری اولسا هر کسین حدد‌ن زیاده نادم قَییتمز دورسا بو بابِ سخاده قَیترمه حرّی دل غمین استغفرالله التّوبه توبه (2)

🎧سلطان الذاکرین استاد سلیم موذن زاده 🎙التوبه توبه

ال بیزدن اتک سندن ای ماه بنی هاشم ال ئوزماق او دامندن ای ماه بنی هاشم ایثار و شجاعتده روشنگر دلهاسن کانون محبتده روشنگر دلهاسن گلزار پیمبرده بیر سرو دلاراسن قویما بیزی گلشنده دریای کرم عباس آدوندا سنون واردی بیر جاذبه دیگر هم شیعه گوزل آدون هم کافر ایدوب ازبر مشکلده قالان سسلر امداده سنی یکسر ایستله کمک سندن دریای کرم عباس سن بیر اقاسان مثلین دنیایه گله هیهات شان و شرف و لطفون عالمده اولوب اثبات لطفونده گوزوم واردی ای بزم غمه مشکات کسمه نظرون مندن دریای کرم عباس ای کان کرم سنسن لب تشنه لره سقا بیر گون سنی گوندردی سو اخذ ایده سن مولا تاپشوردی سنه مشکی او بند دل زهرا محفوظ ائله دشمندن دریای کرم عباس

یل یاتار طوفان یاتار حاج ولی الله کلامی یل یاتار طوفان یاتار یاتماز حسینون پرچمی دیده ی دوران یاتار یاتماز حسینون پرچمی ─── ❖ ── ✦ ── ❖ ─── بوحسینونده عزیزان پرچمی اوچ رنگیدی گنبدی اوستونده قرمز یادگار جنگیدی هم یاشیل اعلان ایدورعباس اونون سرهنگیدی سن قرا پرچم گوتور بو زینبون فرهنگیدی سسله هر بنیان یاتار یاتماز حسینون پرچمی ─── ❖ ── ✦ ── ❖ ─── قاره پرچمقرمزی پرچم یاشیل پرچم دیور جاوداندور کربلاخلقه حدیث غم دیور تک حسینی لر دیمور بلکه هامی عالم دیور ای مسیحی لر بو ذکری عیسی مریم دیور پایه ی ادیان یاتار یاتماز حسینون پرچمی ─── ❖ ── ✦ ── ❖ ─── ای عراقین تپراقی ویر شور و شینوندن خبر سنده دی آلتی امام ایفای دینوندن خبر یانجف یا سامرا یا کاظمینوندن خبر هرطرفدن اود یاغور قبر حسینوندن خبر قورخما بوبحران یاتار یاتماز حسینون پرچمی ─── ❖ ── ✦ ── ❖ ─── عالمی ظلمت دوتوب شمعی گزور پروانه لر آشنالردن دی دوتسون فاصله بیگانه لر خانه ی امنیت و احساندی ماتم خانه لر قوی دیسونلر قاره سین گیدی گنه دیوانه لر عالم امکان یاتار یاتماز حسینون پرچمی ─── ❖ ── ✦ ── ❖ ─── بیز بو پرچمدن برات آللوخ ایشتسین مدعی گیتمه روخ آیری مسیره گیتسه گیتسین مدعی طعنه لر بسدی خطا یولدان قیتسین مدعی کیفر صدامه باخسین عبرت ایتسین مدعی ─── ❖ ── ✦ ── ❖ ─── کاخ نامردان یاتار یاتماز حسینون پرچمی یوخ مورخده او قدرت ایلیه حفظ وفاق چوخ قیامی ثبت ایدوب اما پوزوب دست نفاق شاه مظلومان مین اوچ یوزیتمیش ایل بوندان قباق بیر قیام ایتدی سسیندن تتردی دوقوز رواق یازدی هر ارکان یاتار یاتماز حسینون پرچمی ─── ❖ ── ✦ ── ❖ ─── بیر یانا عشق حسین انبوه موکب بیر یانا یدی دریا بیر یانا عطشان قالان لب بیر یانا نسل آدم بیر یانا یتمیش مقرب بیر یانا یتمیش عاشق بیر یانا تک غملی زینب بیر یانا بیلدی یورقون جان یاتار یاتماز حسینون پرچمی ─── ❖ ── ✦ ── ❖ ─── اشقیا قورخوردی عباسین آدیندان تک به تک گوردولر جنگ ایتمدی گیتدی قالوب شه بی کمک واردی بیلموردیله زینبده قوای مشترک تا حسین جان ویردی گوتدی پرچمی عباس تک سس گلوب وجدان یاتار یاتماز حسینون پرچمی ─── ❖ ── ✦ ── ❖ ─── معرفتسیز کوفیان باشسیز وجودی داشلادی سجده ده اولدی حسین زینب نمازی باشلادی سو دویونجا ایچمدی قانلان دوداقین یاشلادی سسلدی عشقین بقاسی بیز باجی قارداشلادی موج بی پایان یاتار یاتماز حسینون پرچمی ─── ❖ ── ✦ ── ❖ ─── ای حسینی لر نه دردوز وار دوا زینبده دی نینوا بیر قانلی صحرادور نوا زینبده دی اختیارات قـــــوام اولـــــــیاء زینبده دی عشقه آند اولسون کلید کربلا زینبده دی خیمه ی سوزان یاتار یاتماز حسینون پرچمی ─── ❖ ── ✦ ── ❖ ─── عشقیده آری اسارت وار شهادتدن صورا باشلادی اوز نهضتین زینب او نهضتدن صورا وقرینی سندیرمادی مردان غیرتدن صورا باغلادی بیر قاره معجر باشه غارتدن صورا یعنی جوشقون قان یاتار یاتماز حسینون پرچمی ─── ❖ ── ✦ ── ❖ ─── چخدی تل اوسته گوروب ایلور عربلر هلهله قبله ی عشقه دوتوب یوز یعنی قانلی مقتله سسلدی قارداشیم ای باشی دوشن الدن اله من بیر ایش گورم حسین تا عرشیدن بو سس گله فتنه ی عدوان یاتار یاتماز حسینون پرچمی ─── ❖ ── ✦ ── ❖ ─── ای ابوالفضلیم بو آغلار گوزلریم قربان سنه اوخلانان مشگی چخارت یاددان دعا ایله منه ای امیر کاروانیم دور اسیرم دشمنه سن علمدن مطمین اول ویرمیرم اهریمنه شور نخلستان یاتار یاتماز حسینون پرچمی ─── ❖ ── ✦ ── ❖ ─── اکبریم ای هامیدان آرتیق رسوله بنزین ای رسول الله یولوندا قرمزی خلعت گین ای منی پوزقون گورن گونلرده جان عمه دین ایستورم سندن مدد ای عمه سین چوخ ایستین تاگورم طغیان یاتار یاتماز حسینون پرچمی ─── ❖ ── ✦ ── ❖ ─── ای جوان قاسم عجب طوی دوتدی عاشورا سنه باغلادی بیر دسته قرمز گل آنان زهرا سنه قالدون آتلار دیرناقیندا یانمادی اعدا سنه ساخلارام منده آناوی تا چاتا نجوا سنه دیده ی گریان یاتار یاتماز حسینون پرچمی ─── ❖ ── ✦ ── ❖ ─── ای علی اصغر که ایتدون سنده اوز دینون ادا آخره قالدون ولی عالی مدال آلدون بالا اوخلانان وقته گولوبسن جان عزیزیم مرحبا خنده معناسی بودور بیلسین مریدان صفا غنچه ی خندان یاتار یاتماز حسینون پرچمی ─── ❖ ── ✦ ── ❖ ─── ای کلامی یازدیقون اشعاره تحسین ایستمه اوزگه لر تحسینی بش گونلوقدی تضمین ایستمه قاره کوینک خلعتوندور رخت زرین ایستمه حقی یاز مولا کمکدی جانه تاْمین ایستمه پرچم شاهان یاتار یاتماز حسینون پرچمی ━━━━━━━✦✗✦━━━━━━ یل یاتار طوفان یاتار حاج ولی الله کلامی