‍ طفلان حضرت زینب کبری (س) (سبک : گلمیشم فغانه یانه یانه عمه) گل حسین قبول ایت بو ایکی غلامی قانیله دولوبدی ایندی دیده جامی عازم ایله میدانه زینبون گلوب جانه غم یمه حسینیم (۲) غم یمه برادر ئولدی یار و انصار تنگ اولوب گوزونده عرصه گاه پیکار گل بولاری ایله سن فدایی یار گل یوزون سولوب قارداش اکبرون ئولوب قارداش غم یمه حسینیم (۲) دشمنون چوخ اولدی ای سلیل حیدر اولدی قانلی صحرا عرصه گاه محشر قوی بولار یولوندا جان ویره برادر توپراق اوسته یاتسونلار باشیمی اوجاتسونلار غم یمه حسینیم (۲) دشمنه بویورما یالقوزام وحیدم قوی قانا بویانسون ایکّی نور دیدم افتخار ایدوم من مادر شهیدم اولماز هر کیمه قسمت ایلیه سنه خدمت غم یمه حسینیم (۲) اوز آتالاری چون ایلیوب اشاره هر زمان حسینیم دوشسه گر فشاره بو ایکی بالامی یوللا کارزاره بو همان او ساعتدی خدمتون سعادتدی غم یمه حسینیم (۲) تحفه یوللّور هر کس یاره اوز بالاسین خیمه ده ایشیتدیم لیلینون نواسین اوخشوری سریّه ایندی مه لقاسین سینه میز گلوب تنگه قوی بولار گیده جنگه غم یمه حسینیم (۲) دشت پر بلانین حالی غم فزادی (( بیکَس )) و غریبوخ یئر گویی بلادی کربلا دگول بو وادی منادی کاش آنام گله قارداش زینبون ئوله قارداش غم یمه حسینیم (۲) *** ✍ بقلم آقای بیکس اجرا: احسن دهقان اللهم عجل لولیک الفرج❤️

‍ توسل به حضرت ابوالفضل (ع) ایستور مریض اولانلار ، سندن شفا ابوالفضل قطع اولموش اللریلن ائیله دوا ابوالفضل ای با وفا ابوالفضل مشگل گشا ابوالفضل ال چکمروک قاپوندان ، ای صاحب کرامت هر درده سن دواسن وی معدن شجاعت ام البینیه خاطر ائتمه بیزی خجالت تئز حاجتین بو جمعین ائیله روا ابوالفضل ای با وفا ابوالفضل مشگل گشا ابوالفضل هر بیر مریضه عاجز ، قالسا اگر اطبا سسلر سنی هرایه کیم درده دوشسه مولا چوخ درده ایلیوبسن مولا ئوزون مداوا مشگلده قالسا هر کیم سویلر آقا ابوالفضل ای با وفا ابوالفضل مشگل گشا ابوالفضل مشگل گشا یاراتموش الله سنی ازلدن چوخ درده واردی درمان بیر جوت کسیلمش الدن چوخلار دخیل اولوبدی سالم چیخا عملدن آغلار قالا بیر عده ، اولما رضا ابوالفضل ای با وفا ابوالفضل مشگل گشا ابوالفضل *

▪️نوحه جدید #امیری_یاحسین 🎼سبک:ای صفای قلب زارم... ای پناه بی پناهان یاحسین ای شاه خوبان سنه ای زهرا بالاسی شیعیانین جانی قربان سنه من نوکرم / آدیوی سسلرم ئولونجه یا حسین/ قاپوندان گیتمرم حسین جانم حسین امیری یا حسین لرزه سالدن کائناته سَس یتیشدی شش جهاته یتیریبسن ای لب عطشان خضری سن آب حیاته قیامون زنده دی / آدون پاینده دی جهانین شاهلاری / قاپوندا بنده دی شوکتون ضرب المثلدی عزّ و شأنون بی بدلدی آلتی گوشه قبرون ارباب عرش اعلادن گوزلدی من اولدوم دلغمین / گدانین دوت اَلین آقا سن بیل آنان / چاغیر بو اربعین مدفنون چوخ دلگشادی قتلگاهون غم فزادی تل زینبده یانار دیل خیمه گاهون با صفادی اولاندان قحط آب / اولوب دیللر کباب گمان لایلای چالور / گینه آغلیر رباب عَلقم اوسته آی باتوبدی اشکیمی قانه قاتوبدی اوردا بیر غیرتلی سردار ایندی شرمنده یاتوبدی وجودی دوغرانیب / سینیخ قلبی یانیب گلنده خیمیه / سو مشکی اوخلانیب شَرف آل عباسن سن شه گلگون قباسن من یوزی قاره غلامم سنده شاه کربلاسن اَیا سِبط رسول / سنی جان بتول گدای (بیکَسم ) / منی ایله قبول ___ #امام_حسین_علیه_السلام #محرم_۱۴۰۳ ✍ بقلم آقای بیکس اجرا : احسن دهقان اللهم عجل لولیک الفرج❤️

طفلان زینب(س) سبک:بزم عزاده گیمیشم 🏴🏴🏴🏴🏴🏴🏴 قارداش حسین اوغلانلاریم مرد میداندی وئر اذن دعوا بونلارا دیده گریاندی مولانا،حسینجان لطف ائت دولاندیر باشیوه سال یولا قارداش قرباندیلار گوز قاشیوه سال یولا قارداش ائله فدا قارداشیوه سال یولا قارداش بو خاطر محزونیوه قلبیم اودلاندی باخما عباده اکبره توکمه گوزیاشون باخ سرو تک عباسیوه ساقدی قارداشون فخر ایلرم اوغلانلاریم بذل ائده باشون هر ایکّیسی نون قانلاری دینه احساندی من بو قوزی قربانلارا ائتموشم زینت جنگی لباسی بونلارا وئرموشم خلعت اولسا قبول درگهون وئرگیلن رخصت مسرور اولار زینب گوره قانه غلطاندی آرایش ائتدیم بونلارا دسته ی گُلدی هم گوزلرینده سرمه وار زلفی سنبلدی ای باغبانیم سنده گول غنچالار گولدی شبنم یاغیر برگ گله گللر ایسلاندی آغلولّا سویلوللر دایی، اذن وئر جنگه سالسون باجون اوغلانلاری دشمنی تنگه نوباوه ی حیدر مگر صبر ائدر ننگه سن حجّت اللهسان سوزون حکم قرآندی گاهی محمد گاهی عون مرد مردانه بوسه ویرولّار شوقیلن پای سلطانه گاهی دونولر باشینه مثل پروانه گاهی اوپوللر اللرین بزم عرفاندی امر ائتدی مولا زینبه اول باجی آگاه سن ایستسن قربان وئروب فی سبیل الله شاید رضایت وئرمیه شخصاً عبدالله رأی ولیّ دم منه اصل برهاندی عرض ائتدی زینب ای منیم دردیمه درمان ائتدی بو نوعی همسریم رأیینی اعلان جنگ اولسا بو اوغلانلاری ائتگیلن قربان گرچه محقّردور بولار ، دینه قرباندی ✍ شاعر؟؟؟؟؟؟ اجرا: احسن دهقان اللهم عجل لولیک الفرج❤️

طفلان زینب(س) سبک:بزم عزاده گیمیشم 🏴🏴🏴🏴🏴🏴🏴 قارداش حسین اوغلانلاریم مرد میداندی وئر اذن دعوا بونلارا دیده گریاندی مولانا،حسینجان لطف ائت دولاندیر باشیوه سال یولا قارداش قرباندیلار گوز قاشیوه سال یولا قارداش ائله فدا قارداشیوه سال یولا قارداش بو خاطر محزونیوه قلبیم اودلاندی باخما عباده اکبره توکمه گوزیاشون باخ سرو تک عباسیوه ساقدی قارداشون فخر ایلرم اوغلانلاریم بذل ائده باشون هر ایکّیسی نون قانلاری دینه احساندی من بو قوزی قربانلارا ائتموشم زینت جنگی لباسی بونلارا وئرموشم خلعت اولسا قبول درگهون وئرگیلن رخصت مسرور اولار زینب گوره قانه غلطاندی آرایش ائتدیم بونلارا دسته ی گُلدی هم گوزلرینده سرمه وار زلفی سنبلدی ای باغبانیم سنده گول غنچالار گولدی شبنم یاغیر برگ گله گللر ایسلاندی آغلولّا سویلوللر دایی، اذن وئر جنگه سالسون باجون اوغلانلاری دشمنی تنگه نوباوه ی حیدر مگر صبر ائدر ننگه سن حجّت اللهسان سوزون حکم قرآندی گاهی محمد گاهی عون مرد مردانه بوسه ویرولّار شوقیلن پای سلطانه گاهی دونولر باشینه مثل پروانه گاهی اوپوللر اللرین بزم عرفاندی امر ائتدی مولا زینبه اول باجی آگاه سن ایستسن قربان وئروب فی سبیل الله شاید رضایت وئرمیه شخصاً عبدالله رأی ولیّ دم منه اصل برهاندی عرض ائتدی زینب ای منیم دردیمه درمان ائتدی بو نوعی همسریم رأیینی اعلان جنگ اولسا بو اوغلانلاری ائتگیلن قربان گرچه محقّردور بولار ، دینه قرباندی بعد از بو سؤز مولا حسین قوللارین آچدی ئوپدی قوزی قربانلاری بیر قوجاقلاشدی قارداش باجی اهل حرم یکسر آغلاشدی گئتسون باجیم اوغلانلاری روز هجراندی باهم ایکّی قارداش قاچوب تلّیدن اندی میداندا بیرجوت باهنر شبل گورسندی الله اکبر نعره سین چکدی سسلندی ای بی حیالر کیفروز تیغ برّاندی یوز قویدی قلب لشکره هر ایکی قارداش نیرانه عازم ائتدیلر گلدی هر اوباش پرچم یاتوب قوللار دوشوب آیریلوب چوخ باش بو قدرته قوم دغا مات و حیراندی طفلان زینب لشگرین طاقتین آلدی هرکس گلوب بیر ضربه ده تپراقا سالدی زاغ و زغن حمله ائدوب عون، تک قالدی گوردی محمد قارداشین جسمی شان شاندی دوشدی غزالان حرم دام صیاده سس یتدی تلّ اوسته دایی تئز گل امداده باش کسماقا جلّادیلر دورموش آماده اژ جان جانان داده گل وقت بحراندی گلدیله شاهیله وزیر مقتله گریان بیرجوت جنازه تاپدیلار قانیلن الوان دوغرانموشیدی جسمیلر سینه لر شان شان گل جسملردن کام آلان نوک پیکاندی 🏴🏴🏴🏴🏴🏴🏴🏴

آتدان دوشنده خیمه لره قاچدی ذوالجناح ماتم سرای شاه غمی گوزلر آختارور بزم عزاده گوز میِ ناب و تر آختارور میخانه ی عزایه گلن ساغر آختارور (( بو مجلسی ملائک نه کشور آختارور فیض آلماقا تمام ملائک لر آختارور )) صاحب عزا کیمدی؟ خدای جلیل دور بانی حسین عزاسینه نوح و خلیل دور مخمور جام حزنی نبیّ نبیل دور (( شاه شهیده مرثیه خوان جبرئیل دور کرسیِّ عرشی روضه ایچون منبر آختارور )) بیر جرعه باده گور نئجه آلامیمی آلور باشیمده کی ظلالت و اوهامیمی آلور افسوس ، سیل غصّه صفا جامیمی آلور (( بیر سس گلور قولاقیمه آرامیمی آلور گویا آتا اوغول ایتوروب سسلر آختارور )) قانه باتوب محاسنی سلطان مشرقین سرخطّ درس عشقی یازوب روح نشأتین هردم گوزون دولاندیروری فخر عالمین (( ظاهر بودور ئوز اوغلونی آختارموری حسین ائتموش بهانه اکبری پیغمبر آختارور )) عنقای قاف عشقین اولوب صولتی عیان قان لُجّه سینده جان وئروری شاه انس وجان حیدر باخیش گوزل گوزی مخمورو خونفشان (( ائتموش حسین ئوز بدنین اوخلارا نشان اوج وصاله اوچماقا بال و پر آختارور )) تا صاحبی او حاله دوشوب، داشدی ذوالجناح گوردی وجودی یاره ، باشاباشدی ذوالجناح یوز دوتدی خیمه گاهه بیرآغلاشدی ذوالجناح (( آتدان دوشنده خیمه لره قاشدی ذوالجناح گویا غریب صاحبینه یاور آختارور )) آت شیهه سین حرمده ائشیتدی نجیب لر بیر بیر چیخوبلا خیمه دن عطشان حبیب لر شیهه سین حرمده ائشیتدی نجیب لر بیر بیر چیخوبلا خیمه دن عطشان حبیب لر آیا نه دور فضانی دوتان بو نهیب لر (( شیهه چکوب دیئردی گلون ای غریب لر میداندا بیر یارالی نی مین کافر آختارور )) باشدان دوشوبدی صاحبیمین هَلْ اتی تاجی زهرا بالاسی نیزه لرین اولموش آماجی عالم پناهی ایندی اولوب یار محتاجی (( ناگه نه گوردیلر دولانور خیمه نی باجی قارداش گوزونی باغلاماقا معجر آختارور )) گلچین روزگار گولون درماقا گلوب شهدِ شهادتی آقاما وئرماقا گلوب دشت بلایه بزم عزا قورماقا گلوب (( زینب او دمده قارداشین آختارماقا گلوب گوردی کی قارداشی سورونور خواهر آختارور )) گودال مقتل ایچره بویانمیش حسین قانا نار بلاده آز قالوری پیکری یانا هردم باخور ئورکده کی اوچ شعبه پیکانا (( گاهی دؤنور بقیعه طرف سسلنور آنا گل کربلایه اوغلون ئولور مادر آختارور )) یاتمیش علم،سینوب قشونوم قان اولوب جگر یتمیش صحابه دن داهی قالموبدی بیرنفر آز قالدی خیمه لر تالانا شام اولا سحر (( کیمدور وئره بو حالیمی عباسیمه خبر بیکس حسین تشنه ئولور ساغر آختارور )) امّا ! نه گوردی نئچه نفر سان دوتوب گلور جبریل دیلده نغمه ی قرآن دوتوب گلور زینب دی باشینه وُرور افغان دوتوب گلور (( ناگه نه گوردی شمر گوزون قان دوتوب گلور امّا الی بئلینده گزور خنجر آختارور )) شمر اوتدی سینه ده ایشی آفاقی یاندیرور بیر ایش گورور کی چرخِ جهانی دایاندیرور هئچ بیلموری کیمین قانینا اَل بویاندیرور ((خنجر قویاندا گوردی گوزون چوخ دولاندیرور سسلندی یا حسین کیمی بو گوزلر آختارور )) سالما (( مُصَیـّب )) ئوز ئورگین التهابه سن باخ گور نئجه (( دخیل )) تمام ایلیوب سخن شاهن ئورک سوزون نه طریقه ائدوب علن (( فرمایش ائتدی منتظرم صون نفسده من زهرانی بیر گوزوم بیریسی حیدر آختارور )) محمد علی مصیبی تبریزی قال رسول الله(ص) : اِنَّ الْحُسين مِصباحُ الْهُدي وَ سَفينَهُ الْنِّجاه این حسین کیست که  عالم  همه  دیوانۀ اوست این چه شمعی ست که جانها همه پروانۀ اوست ******************** بسم الله الرحمن الرحیم الحمدلله رب العالمین والصواة والسلام علی سیدنا ونبیّنا ابوالقاسم محمد صلی الله علیه و آله  و لعنة الله علی اعادیهم اجمعین  

آیلار دولاندی گونلر به قلم کربلایی صابر ثمودی 🏴🏴.......🏴🏴 آیلار دولاندی گونلر دولاندی ایل گلدی باشه محرم اولدی هر یئرده نصب اولدی قاره پرچم ای اهل ماتم ماه غم اولدی سسلور یارالی.. زهرا اوغول وای باشی بلالی... زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴......🏴🏴 بو آیدا زهرا قرا سین باغلا ماه ماتمدی سینه سین داغلار کرب و بلاده قانلی مناده بیکس حسینون غمیده آغلار سسلور یارالی... زهرا اوغول وای باشی بلالی... زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴.......🏴🏴 اوخشاما دییر اکبرین آغلار عونیله فضل و جعفرین آغلار اوچ پر اوخیلان اوخلانان اوغلون یادینه سالار اصغرین آغلار سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴...........🏴🏴 گل اهل ماتم احساسه آغلا اگینونده قاره گل یاسه آغلا زهرایه سس وئر ای اهل ماتم اوغلی حسین و عبّاسه آغلا سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴............🏴🏴 بو آیدا جنّت قاره پوش اولدی سُرور و شادی فراموش اولدی بو آیدا شمع زهرای اطهر باد ظلم اَسیب دور خاموش اولدی سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴...........🏴🏴 (ثمودی) دلده تاب و تب آغلار واردور بیر یانقلی مطلب آغلار مقتلده گوردی بیر غملی صحنه باشینده زینب چادر شب آغلار سسلور یارالی زهرا اوغول وای باشی بلالی زهرا اوغول وای ای وای حسینیم ای وای حسینیم لایلای حسینیم لایلای حسینیم 🏴🏴........🏴🏴 التماس دعا دارم

مداح اهلبیت آقای محمد نوروزی

مداح اهلبیت، ع، آقای سعید محمدی

روضه خرابه شام ‍ السلام علیک یا بنت الحسین یازهرای سه ساله اولسون سلام دیللره طوفان سالان قیزا آغلارقویوب خرابه ده آغلار قالان قیزا اولسون سلام غم یوخوسوندان دوران قیزا بابا دینده عمه سین یاندیران قیزا زینب دییر بالانیم شب شهادتیندیدی همان رقیه ای کی بیر روایته اولحظیه جا نطقی لالدی اصلا دانشمیب اله گوزنون یاشی آخیردی هیچ جمله یابیر کلمه دانشمیب زینب دییر تعجب الدیم الله  گئجه نین یاریسدی گوردوم رقیه دی اله های هاینان آغلیر قیزیم بویونجا دانشانیبسان بالا دردین ندی بوگئجه بئله اوجادان آغلورسان عرض الدی عمه بابامی یوخودا گوردوم دیدی قیزیم دای قویمارام سنی خرابه لرده قالاسان قول ویردی منی ویرانه سرادن قوتارا آچا بال وپریمی هریره گیدسه آپارا اما یارالی باش نه نحویله گلدی خرابیه  یارالی باشی ویردیله بوبالانین قوجاقینه اون یدی کلمه بابایلن دانشب  اولاریناندا ایشیم یوخ دیدی گوزل سروین بوداقیوه نه گلدی طفاقیوه جلالیوه نه گلدی آلنون سنین کربلاده یاریدی سنه قربان دوداقیوه نه گلدی جواب الیکی گون باتدی آی دالدالاندی یارالی باشیم الرده دولاندی قوناق اولدوم یزیده طشت زرده آغاج ویردی دوداقیم پارچالاندی              😭😭😭😭 علی احمدی دایلاری @Hazrate_Abalfazll

✔️ امام حسین علیه السّلام سبک : به شکوه عَلم تو دل سپردم آتش عشقیوه من یاندیم حسین جان شرر غملره اوتلاندیم حسین جان هر زمان یاره لرون یادیمه دوشدی اشکیمین موجینا ایسلاندیم حسین جان بیر عمرودی اسیر قاره پرچمم فدائیِ شهنشه دوعالمم آقام آقام آقام اباعبدا... ——————- نهضتون لرزه سالیب کون و مکانه هامی عاشق لریوی گتدی فغانه بسکی شیریندی آدون ای گل زهرا گتیریب پیر و جوانی هیجانه صفالی دی آدون عزیز زهرا بلالیدی آدون عزیز زهرا آقام آقام آقام اباعبدا... ——————- سنی مولا تانیماز فرقه گمراه باخسا گر دقتیله هر دل آگاه یا حسین شوکت و اجلالیوه قربان یوخ سلیمان دا بو حشمت بئله بیر جاه فدا اولوم بو حشمته یا مولا فدا اولوم بو شوکته یا مولا آقام آقام آقام اباعبدا... ——————- ای خانم فاطمه نین نور دو عینی ای سینیخ قلبیلرین شوریله شینی نه اولار زینبیوون خاطری مولا قسمت ائتسن گینه بین الحرمینی اگر چه بیر ،چمنده کی خارم من نولور گورم، قبریوه زوارم من آقام آقام آقام اباعبدا... ——————- ای نجاتین گَمی سی شمس هدایت قره کوینک لریوه ایله عنایت هارامیز وارآقاجان قووما قاپوندان وئر عزاداری لره قول شفاعت دیولّه شیعه( بیکَس) و مضطردی بو بسدی کی ، حسین بیزه رهبردی آقام آقام آقام اباعبدا... #امام_حسین ✍️ کربلایی مهدی عبادی سبک ⬇️⬇️ _گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll_

✔️ ورود به ماه محرّم ✅عرض ارادت به محضر قمر بنی هاشم (ع) گنه گلدی مه پرشور محرم(2) آسیلوب عرشیله فرشه قره پرچم(2) سسلنر عالم_عالم و آدم قره گی سینه وه ویر گلدی محرم(2) ثارالله_ثارالله ثارالله_ثارالله بابی انت و امی یا مولا ____ باشلانور تعزیه ی شاه شهیدان(2) سالار عباسین آدی عالمه طوفان(2) وای ابوالفضل_آی ابوالفضل کل عالم دییر ایوای ابوالفضل(2) ثارالله_ثارالله ثارالله_ثارالله بابی انت و امی یا مولا(2) _ دوتوب آفاقی گنه نوحه صداسی(2) باشلانور شاه شهیدانین عزاسی(2) قاره گینلر_نوحه دینلر دسته لرده دوتاجاق مشق حماسی(2) ثارالله_ثارالله ثارالله_ثارالله بابی انت و امی یا مولا(2) __ کیم ابوالفضل آقانون نوکری اولسا(2) فاطمه اوغلی اونون رهبری اولسا(2) رهبر دینیم_واردی یقینیم گیده جاق جنته، کیم حیدری اولسا(2) ثارالله_ثارالله ثارالله_ثارالله بابی انت و امی یا مولا(2) _ ایستیرن تا گورن آرامش روحین(2) گور حسین مجلسینون نظم و شکوهین(2) سسلنر عالم_عالم و آدم واردی مولاسی بیله هانسی گروهین؟(2) ابوالفضل_ابوالفضل ابوالفصل_ابوالفضل سسلر عالم،بیزه مولادی ابوالفضل(2) #ورود_محرم #حضرت_ابوالفضل ✍️ بهلول حبیبی زنجانی سبک ⬇️⬇️ با نوای کربلایی امیررضا فتحی __ گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

✔️ امام حسین علیه السّلام سبک : عالم اولوب خمارون ..... عالم اولوب خمارون سرخوش و بیقرارون خوان کرامتونده سائل و ریزه خوارون دارالامان مزارون مرقد و سایه سارون سیدی مین تحیت سلام اولسون نثارون ——————-- سالان آدی جهانه ظل رحمت اولان اهل دیله باب شفاعت آدی مصداق و تفسیر فتوت مزاری عرشیدن اعلا حسین جان سن اورگتدون الفبای محبت هامی عاشقلره تعلیم غیرت آدون شیریندی ای دیللرده صحبت تن رنجوریمه یارا حسین جان عالم اولوب خمارون سرخوش و بیقرارون خوان کرامتونده سائل و ریزه خوارون دارالامان مزارون مرقد و سایه سارون سیدی مین تحیت سلام اولسون نثارون ——————-- سنه وابسته دور اولاد آدم سنه جانا تیکوب گوز اهل عالم سرو سامان تاپار چرخ منظم گوارادور طهور و سنله زمزم دیلی آزرده ایتمیش درد هجران منم هجرانه پابسته اورک قان قدح نوشم سنه با جمله مستان نولار بیر وقفه ایت قبرونده مهمان عالم اولوب خمارون سرخوش و بیقرارون خوان کرامتونده سائل و ریزه خوارون دارالامان مزارون مرقد و سایه سارون سیدی مین تحیت سلام اولسون نثارون #امام_حسین ✍️ حاج علی زلفی تبریزی سبک ⬇️⬇️ گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

⚜ درجلالت حضرت سیدالشهدا(ع)⚜ 🖋به قلم حاج محمدتقی جابری #شاخسی #سینه_زنی آهنگ شعر زیر متن ⬇️⬇️⬇️ ▪️▫️▪️▫️▪️▫️▪️▫️▪️▫️▪️ یاحسین ای سالان عالمه شور شهادت ای گوزل مدفنی کعبه ی اهل ولایت " یاحسین یاحسین یاحسین یاحسین " یاحسین ای مزاری مطاف اهل عرفان ای گوزل آدی هر درد بی درمانه درمان تربت اقدسی طوطیای چشم حوران اولموب اولماز خلایقده بیر بیله جلالت " یاحسین یاحسین یاحسین یاحسین " یاحسین ای یوزی مصحف حسن و وجاهت عــالم حُسنـده خــالق منّانه آیت عرش اعلا تاپوبدور سنون حسنونله زینت رشگ ایدر حُسنوه ساکنان بزم وحدت " یاحسین یاحسین یاحسین یاحسین " یاحسین ای ایدن نهضتی نشر حقیقت نهضتیله سالان عالمه آوای وحدت باش و جاندان گچوب ایتمین کفاره بیعت نهضتی سربسر عالمه درس شهامت " یاحسین یاحسین یاحسین یاحسین " یاحسین ای گوزل مرقدی دللر صفاسی ای سالان حیرته عالمی عشق و وفاسی دینی احیا ایدن نهضت کربُ بلاسی نهضتونله بقا تاپدی قرآن و شریعت " یاحسین یاحسین یاحسین یاحسین " آندویروخ سنی عزّ و شأن مصطفایه آندویروخ سنی مرتضا شیر خدایه ایسته بو جمعی بیر اربعین کربُ بلایه آلتی گوشه مزارون ایداخ مولا زیارت " یاحسین یاحسین یاحسین یاحسین " آندویروخ سنی عصمت زهرایه مولا آندویروخ سنی زینب کبرایه مولا لطف قیل یوز قویاخ بیزده پائین پایه مولا سلب طاقت ایدور قلبلردن درد فرقت " یاحسین یاحسین یاحسین یاحسین " آندویروخ سنی ساقی لب تشنه گانه نهر علقم کنارینده عباس جوانه کربلا حسرتی دللری دوندردی قانه قویما دللرده قبره گیده مولا بو حسرت " یاحسین یاحسین یاحسین یاحسین " آندویروخ سنی اکبر زیبا خرامه آندویروخ سنی اصغر ذوالاحتشامه فرقتون دوندروب گوندوزی گوزلرده شامه شهد وصلیله زهر فراقه ویر حلاوت " یاحسین یاحسین یاحسین یاحسین " یاحسین "جابری" گرچه نالایق گدادور دائماً غرق دریای عصیان و خطادور دل آچاندان ولی عاشق کربُ بلادور قیل عنایت گلوب ایلسون قبرون زیارت " یاحسین یاحسین یاحسین یاحسین " ▪️▫️▪️▫️▪️▫️▪️▫️▪️▫️▪️ گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

⚜عرض ارادت به حضرت سید الشهدا(ع)⚜ 🖋به قلم حاج محمدتقی جابری #شاخسی #سینه_زنی هنگ زیر متن ⬇️⬇️⬇️ ▪️▫️▪️▫️▪️▫️▪️▫️▪️▫️▪️ ای گوزل اسمی دردلره درمان مدفن پاکی کعبه عرفان عرشه بنز قبریوه جانلار اولا قربان(2) مدفن پاکون قبله جاندی اهل ایمانه کهف اماندی ساکنان عرش و فرشه دارالعرفاندی(2) ای سالان عشقی عالمه غوغا عشقینه عالم واله و شیدا ایلین اسلامی احیا روز عاشورا(2) ای ازلدن دل تنگ عاشورا مرد میدان جنگ عاشورا تا ابد پاینده دی فرهنگ عاشورا(2) بیر قیام ایتدون روز عاشورا اول قیاموندان اولدی دین ابقا انقلابون زنده دی تا واردی عاشورا(2) آیت وصف لایری سن سن محیی دین مصطفا سن سن جمله ی آزادگانه مقتدا سن سن(2) شیعه ی صادق غیره یار اولماز خط سیرینده دلفکار اولماز پیرو راه حسین حقدن کنار اولماز(2) اهل حق حقدن احتراز ایتمز نفسدن هرگز پیشواز ایتمز دینینه پابند اولان ترک نماز ایتمز(2) تابع قرآن فکر ناب ایلر فعل منکردن اجتناب ایلر پیرو زهرا اولان حفظ حجاب ایلر(2) آیه ی الیوم خلقه حجتدور ذات یکتادن بیر اشارتدور یعنی ارکان و اساس دین ولایتدور(2) هرنه امر اولسا رهبریتدن امری اولادور هر فضیلتدن بیز اطاعت ایلروخ امر ولایتدن(2) "جابری" یاد ایت اصل مطلب دن ذکر ایله برج عشقه کوکب دن شیعه لر مشقین آلوب علامه زینبدن(2) ▪️▫️▪️▫️▪️▫️▪️▫️▪️▫️▪️ #شاخسی گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

▪️◾️ حلول ماه محرم◾️▪️ 🖋به قلم حاج محمدتقی جابری #شاخسی #سینه_زنی آهنگ شعر زیر متن ⬇️⬇️⬇️ ▪️▫️▪️▫️▪️▫️▪️▫️▪️▫️▪️ آی مردم آی مردم , گینه ماه عزا گلدی ایــّام عـــزای , شه ڪربُ بلا گلدی فصل بُکا گلدی , هامی درده دوا گلدی مشام جانه بو , آی شمیم وفا گلدی واگیر⬇️⬇️⬇️ " آی مردم آی مردم , گینه ماه عزا گلدی" " ایــّام عـــزای , شه ڪربُ بلا گلدی" آی مردم بو آیدا , جمله کون و مکان آغلار بهشته چکوبلر , قاره کروبیان آغلار بو آیدا معناده , غرق ماتم انبیادور محبوبه ی خدا , فاطمه صاحب عزادور آی مردم بو آید یرلر آغلار گویلر آغلار دلده وای حسین وای,مصطفا وحیدرآغلار بو آی باتار غمه , شیعه باشه قرا باغلار هاردا گورسه سرین , سو حسین وای سسلر آغلار بو آی کربلاده , سو یولونی باغلادیلار بنات زهرانین , جگرینی داغلادیلار آی مردم بو آیدا, سولدی گلزاری حسینون سو یانوندا سوسوز , اُلدی سرداری حسینون بو آیدا گل کیمی , پر پر اولدی علی اکبر حسینون الینده , اوخلانوبدی علی اصغر غارت اولدی بو آی,جاه و جلالی حسینون اسیر شمر اولدی , اهل و عیالی حسینون ▪️▫️▪️▫️▪️▫️▪️▫️▪️▫️▪️ #شاخسی #ورود_محرم گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

لایلای قزل گلوم سولوب سارالما بوچولده سو سراغون آلما ملر آناوی درده سالما بالام یات گلوم یات لایلای سینم گلی دادم دوزوم یات سوسوز قالان ملر قوزوم یات گوزون سیلم دادم دوزوم یات بالام یات. گلوم یات لایلای الیم چخوب بوشا نه چاره آز آغلا رحم ایله بوزاره بو سن بو سینه ام ایله پاره لایلای چالمدا غنچه تریم یات سنی گل اوستونه سریم یات صود حسرتینده اصغریم یات گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

#شاخسی بیر ایلدی باخدی قولسوز قارداشا گوردی جسمینده چاتوب اوخ باش باشا بیر اوجادان آغلادی چکدی صدا سسلدی جانیم سنه قربان اولا دیمیرم بوتلین اوستون منیله دوروب آشیدوخ دیمیرم قولون اولیدی منیله قوجاخلاشیدوخ دیرم اولیدی بیر یر باجما بیر آغلاشیدوخ آرخام ائلیم ابوالفضل سیندی بئلیم ابوالفضل بیر یره دوشموش ایکی قول بیر یاریلمیش باش حسین چوخ چکلّه انتظارون دورما گل قارداش حسین رشده یتدیم آستانونده چوخ اولدی زحمتیم سایه ی لطفونده مشهور اولدی نام و شهرتیم قابل بذل توجّه اولسا بو گون خدمتیم تاج عزّت قویدوقون بیر باشه گل چک باش حسین پرورش ویردون منه تعلیم اخلاق ایلدون نقص خدمت گوردون امّا عفو و ارفاق ایلدون کربلا حقّینده مندن اخذ میثاق ایلدون شکر للَّه باشیم اولدی باشیوه شاباش حسین مظلوم. حسین حقّ تعلیمون بیوکدور من ثنادن عاجزم شاکرم دلدن، ولی ذکر ادادن عاجزم باش سینوب قولّار دوشوبدور دست و پادن عاجزم سن اوزون لطفیله گل بالینیمه قارداش حسین مدّت عمرونده بی مهر اولمادون بیر آن منه هر نفسده ایلدون مین نوعیله احسان منه ای کلام ا... ناطق گل اوخی قرآن منه خجلت دیرینیمه نطقون اولا پاداش حسین حسن طالعدن قازاندیم چون شهادت قرعه سین شوقیله جنگ ایلدیم آلدیم فراتیه شرعه سین لبلرون یادیله امّا ایچمدیم بیر جرعه سین سیریده همرنگ اولور چون یاریله یولداش حسین وارد اولجاق نهره طرد ایتدیم گروه ناکسی دولماسون مشکه کنار ایتدیم سودان خار و خسته بیر اوزون طومار غم آچدی سویون دلکش سسی وای اگر بیر گون او احساساتیم اولسا فاش حسین مشکی حفظ ایتماق امیدی ویردی قوّت هوشیمه دولدوروب محکم ایدوب آهسته سالدیم دوشیمه گه اُپردیم گه چکردیم جان کیمی آغوشیمه قهر اولا اوخ نقشینی ترسیم ایدن نقّاش حسین متن آخر کامل هست گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

نوحه ی در آهنگ حماسی/رجز/قمربنی هاشم حضرت ابوالفضل(ع) یا ابوالفضل عشقیوه دنیاده من دل باغلادیم سسلدیم داده سنی آدون گلنده آغلادیم ای علمداریم یار و غمخواریم عبد صالحسن آقا دهره عیاندی شهرتون آند اولا فاطمه انان سینمیان شخصیتون عالمی حیران قویوب مین دورت یوز ایلدی غیرتون ای علمداریم یار و غمخواریم کربلا دشتینده سن استاد رزم و جنگیسن سن یل ام البنین حسینین سرداری سن سن حسین بن علینون با ادب سرهنگیسن ای علمداریم یار و غمخواریم ای بنی هاشم آیی ای تکیه گاه اهلبیت ای بلالی دشتیده پشت و پناه اهلبیت ای گوزل آدی همیشه عزّوجاه اهلبیت ای علمداریم یار و غمخواریم ای علینون قهرمان اوغلی حسین سرلشگری اناندی فاطمه سنین نسوان عالم سروری ساقی کوثر آتان آدی دیلیمون ازبری ای علمداریم یار و غمخواریم احسن اولا حسینون باادب قارداشینه هم ئوزون قوللارینه هم اول هلالی قاشینه باغلیوب سربند یا زهرا ابوالفضل باشینه ای علمداریم یار و غمخواریم مشت محکم سینه ی اهریمنه ویردون آقا شمر امان نامه گتوردی سن ولی جیردون آقا علقمین اوسته پرچم حریتی ویردون آقا ای علمداریم یار و غمخواریم سن یل ام البنین سن حامی قرآنیسن تشنه سردار حسین سن ساقی طفلانیسن سن حسینون کربلاده تابع فرمانیسن ای علمداریم یار و غمخواریم حضرت عباس آقا ای ساقی والانسب حق سنه اعطا ایدوب دنیاده اون یدی لقب حیدر ثانی سن اقا تند یس ایثارو ادب   ای علمداریم یار و غمخواریم افتخار ایلر ملکلر غیرتون قاموسینه مرحبا سویلر فلکلر عشقون اقیانوسینه مرتضی احسن دییردی قوت بازوسینه ای علمداریم یار و غمخواریم من همیشه اهل سوزوغصه و دردم آقا هرکجا باشم اگر دور تو میگردم آقا ساتسام بو عشقون عالمه واللهی نامردم آقا  ای علمداریم یار و غمخواریم گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll

الهی به طفل الرباب سلام الله علیها ✍محمدرضا نصیری میانجی آی تشنه لب جیرانیم اصغر خونین دُر غلطانیم اصغر قانه باتان قانلی مناده ای آخرین قربانیم اصغر لایلای شکسته پر قناری عاشقلرین صبر و قراری دوتقون قمریم نور بصریم اوغلوم گوزون آچ یاندی جگریم یاندی عطشدن دیل دوداقون سینم اولار قانلی رواقون تیری چکنده حنجروندن قانه بلشدی ال ایاقون دردون منی دیلدن سالوبدی غم صبریمی الدن آلوبدی طوفان غمده گول جنازون اللریم اوستونده قالوبدی لایلای شکسته پرقناری عاشقلرین صبر و قراری دوتقون قمریم نور بصریم اوغلوم گوزون آچ یاندی جگـریم خیردا بوغازدان قان جالاندی منزلگه صبریم تالاندی اوخ سانجیلاندا حنجروندن آغ دوشلوگون قانه بویاندی داش دگسه گر مرجانه نیلر شعله رخ ریحانه نیلر بیر اوخ کی عباسی ییخوبدی بیر صودامر طرلانه نیلر لایلای شکسته پرقناری عاشقلرین صبر و قراری دوتقون قمریم نور بصریم اوغلوم گوزون آچ یاندی جگـریم __ قلبیم یانور عطشان یاتوبسان قانه سو اوستونده باتوبسان ئوز قانووی اوغلوم ایچندن سو فکرینی باشدان آتوبسان وار مدرک و برهان الیمده محشر گونی بو قان الیمده غمدن اورک یاندی آلیشدی قالدی قوزی قربان الیمده لایلای شکسته پرقناری عاشقلرین صبر و قراری دوتقون قمریم نور بصریم اوغلوم گوزون آچ یاندی جگـریم گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان حضرت ابالفضل، ع، @Asheghane_Hazrate_Abalfazll https://t.me/Asheghane_Hazrate_Abalfazll