روضه باب الحوائج حضرت رقیه سلام الله علیها با نوای زنده یاد محمد باقر منصوری 😭😭🖤🖤

🔹نوحه حضرت علی اَصغر🔹 در سبک ویرانه ده نازلی بالام جان وئردی دینجلدی ✍شاعر:علی عبدی ای اَللریم اوسته یاتان اَصغر بالام لایلای سو فکرینی باشدان آتان اَصغربالام لایلای نازک بوغازین اوچ یئره بو اوچ پراوخ بولدی بیلسه آنان بو مطلبی روحیه سی ئولدی قانین بوغازیندن آخوب اوجوما توکولدی سپدیم به سمت آسمان اَصغر بالام لایلای 🔹🔹🔹🔹🔹 قانلی قوماطین اوخشویور قانلی گلستانه مظلوم آنان ایندی یولون گوزلور یانا یانه بیلمم نئجه طاقت وئرر بو غملی دورانه آغلار سنه کون و مکان اَصغر بالام لایلای 🔹🔹🔹🔹🔹 سن آبیاری اِیلدون بو دینی قانیندن حقدن حمایت اِیلدون دلسیز زبانیندن گئچدین منه خاطر بالا ئوز جسم جانیندن ای شیرخواره قهرمان اَصغر بالام لایلای 🔹🔹🔹🔹🔹 سن اوخلاناندا گوزلرین آچدین بالا گولدون تشنه بوغازین اوخ بیچوب اولدی یارا گولدین بیلمم اوغملی عرصده باخدون هارا گولدون ای جان وئرن خنده کنان اَصغربالام لایلای 🔹🔹🔹🔹🔹 اَللریم اوسته بیلمیرم نعشیوی نِدم اوغلوم من خیمیه ساری یوزوم گلمورگِئدم اوغلوم اما سنی ایندی گرک من ترک اِئدم اوغلوم ای دهریده دل آچمیان اَصغر بالام لایلای 🔹🔹🔹🔹🔹 اللهه تاپشوردیم سنی شش ماهه سربازیم جنتده گیت اُول محسنه یولداش گل نازیم مندن اونا گوندر سلام ای محرم رازیم قوش تک یارالی خسته جان اَصغربالام لایلای 🔹🔹🔹🔹🔹 منده دالینجا چوخ زمان چکمز بالا گللم تیر غمیله عالمین من قلبینی دَللم آتدان دوشر بو پیکریم گوداله دینجللم سسلنَّم اوردا دیده قان اَصغربلام لایلای

بانوای عبداللهی ====👆 وداع آخر امام قارداش گیدوسن میدانه غم زینبی گتدی جانه آیریلدون حسین قیزلاردان قالدی هامی یانه یانه ایاق ساخلا دایان حسین جان نه تز دویدون بالالاروندان زینب گیدن یولووا قربان حسین یارالاریوا قربان سوسوز بالالاریوا قربان دوتدون دیله قیزلاریوی قارداش او سوسوزلاریوی حالی پوزولوب زینبین سال بوینوما قوللاریوی اگلش باشیوا بیر دولانیم ایکاش حسین چخیدی جانیم فراقیوا نجه دایانیم حسین یارالاریوا قربان سوسوز بالالاریوا قربان ای زینبین آرامی دور قان اولدی بو گوز جامی دور ایوای بابا وای ناله سی دولدوردی بو اخیامی دور رقیه وی آل بیر قوجاقه چتیندی آیریلیق اوشاقه دوزنموری حسین فراقه حسین یارالاریوا قربان سوسوز بالالاریوا قربان سن راهی بو میدانسان آخر بولارا مهمانسان قربانین اولوم آی قارداش اوچ گوندی سوسوزسان آجسان هیچ بیر بولود بو نوعی دولماز فراقیوا دایانماق اولماز گوزوم نجه سرشکه دولماز حسین یارالاریوا قربان سوسوز بالالاریوا قربان هجرونده بیزی یاندیردون گوز جامیلرین دولدوردون اولاد علینی قارداش بس کیملره سن تاپشوردون الیوی سینمه یاپیشدیر غمونده آز بیزی آلیشدیر حسین ربابی بیر دانیشدیر حسین یارالاریوا قربان سوسوز بالالاریوا قربان ای پادشه انس و جان گل آدیوا جانیم قربان بو ایلده بیزی سن ایله ششگوشه مزاره مهمان حسین یارالاریوا قربان سوسوز بالالاریوا قربان (جلال) اولوب بو شعره بانی عزیز اولا او نوحه خوانی (بیکَس) یازوب بیله بیانی حسین یارالاریوا قربان سوسوز بالالاریوا قربان

اوغول اوغول نازلی بالام گوزل بالام دل آچمیان بالام ایوده ملییب یرییب قاچمیان بالام (کاش ایكی نوع آداملارا گونون باتار چاقی اولمیا؛بیری اوغلی ئولن ننه دی بیری ده یتیم اوشاقدی؛گونون باتار چاقی اولاندا اویتیم بالا همیشه بوینی چینینده دولانار هیچ اورگی گلمز کوچه ده اوشاقلارا قوشولا؛اوغلی ئولن ننه ده دیزلرین قوجاخلار یانا یانا آغلار؛ رباب یانایانا دییردی بالا آتما منی) بالا گل اولسان اگر باغبانیوم چولرده آلتی آیدی سنین ناگرانیوم (معمولا کی ننه کی بالادان خجالت اولار ؛اوغول ئولونجک آغلارام الریوی باغلادیم؛خانم زینب ربابدان بوسوالی خبر آلدی رباب ده گوروم غارتده سنی نجه وروبلار سینون گوریب رباب دیدی خانم بالامین ال ایاقین باغلادیم بالا گوررسن معمولا دیزی اوسته یاترداندا ایاقلاری سینیه طرف اولار خانم بالام اوقدر ایاقلارین چالردی سینمه ) اوغول حقلیسن گلمیه سن چون سنی خوش ساخلامادیم کور اولونجا گرک آغلیدیم اوغول آغلامادیم الیوی باغلادیم اما یاراوی باغلامادیم (کربلادن آیرلاندا گوردولر هره قاچیر ئوز بالاسنین جنازه سی اوسته سریه قاچیر قاسم بالینینه ام کلثوم قاچیر ابوالفضل جنازه سینین بالینینه لیلا قاچیر علی اکبر بالینینه سکینه دییر گوردوم ننم رباب بئله آواره دولانیر گلدیم قاباقا ننه نیه بئله آواره دولانرسان دیدی قیزیم گورورسن هره قاجیر ئوز بالاسنین جنازه سینین اوستونه اما منیم اوصودامر بالامنان خبر یوخدی دیدی ننه عاشورا گونی بابام گتیردی علی اصغری خیملر دالندا دفن اله دی ؛دیدی قیزیم نولار منی آپار بالامین قبری اوسته بالامی گویلوم ایستیر بایرام اولاندا عزیز گون اولاندا اوغلی ئولن ننه هامیدان قاباخ دورار ایاقا چادرن سالار باشناسوروشسان خانم بایرامدی هارا گیدیرسن دیر اول گیدیرم بالامین قبری اوسته بالاملا بایراملاشام سکینه دییر گلدوخ علی اصغرین قبرینین کنارینه گوردوم ننم رباب بیر صاقا باخدی بیر صولا باخدی گوردوم ننم ایلشدی یره باشنان معجرین آشدی دیدیم الله گوره سن ننم نیه بئله الیر سکینه دییر گوردوم ننم رباب دوشونون صودون توکور بالانین قبری اوسته دوشومده من بو صوتی شامه آپارمارام بالا مرغک زخمی من لانه بیا شویمت چهره خونین تورا در بغل گیرمو از غصه رهم بهر تو آب دهم دانه دهم سنبل آچوب چمنلرده بویونجا بوی بوخونون گورنمدیم دویونجا آتما منی گل اولسان اگر باغبانیوم چولرده آلتی آیدی سنین

حضرت ابوالفضل(ع) #شاخسی آرخام الیم آچ گوزون سیندی بئلیم آچ گوزون غم اوتونا گور نجه یاندی دلیم آچ گوزون گوزلریوه لخته قان پرده چکوب گورموسن غم یمه قوی گوزده کی قانی سیلیم آچ گوزون عطشاندی قیزلاریم دور گیداخ غیرتلی سرداریم دور گیداخ آرخام ائلیم سیندی بئلیم یوخدی سوزوم عشقیدن مقصدیوه چاتموسان یاره لی قولسوز دوشوب قانه بئله باتمسان حالیمه دشمن گولور اهل جفا ال چالور دوره می دشمن آلوب سن نیه بس یاتموسان مشکیوی دور اله آل گیداخ قولارون بوینوما سال گیداخ عطشاندی قیزلاریم دور گیداخ غیرتلی سرداریم دور گیداخ آرخام ائلیم سیندی بئلیم دیدیم ای علم اماندی بئله صاق صولا چوخ اسمه منی یخمینجا دشمن بو یخلماقا تلسمه هله سایه وی باشمنان کمگیم گلینجه کسمه حرمین گوزی علمده هامی ناگراندی قارداش الده سو جامی چکیب صف بالالار خیمه ده دور نجه گور غصه لی منظره وار خیمده ایندی رقیه دییر گلسه عموم خیمیه سو گتیرر قیزلارون گویلون آلار خیمده هی باخور قیزلاریم یولارا گوز تیکیب او اوزون قولارا عطشاندی قیزلاریم دور گیداخ غیرتلی سرداریم دور گیداخ آرخام ائلیم سیندی بئلیم

امدادخواستن حضرت ابوالفضل از امام یتیش امداده حسین جان قالوب اللرده ابوالفضل منی سال یاده حسین جان قالوب اللرده ابوالفضل امداد ایت منه میدان آراسیندا قالموشام قان آراسیندا آت قاووب سن تک امامه دینی دنیایه ساتانلار منی السیز گوروب آخر خواب غفلتده یاتانلار دورمی یکسر آلوبدی الی سالم اوخ آتانلار امداد ایت منه میدان آراسیندا قالموشام قان آراسیندا کاش بیر لحظه باشیمدان اوتلی طوفان کسیلیدی باشیمین قانی اوزره آخمیوب قان کسیلیدی سن گلن دمده ابوالفضل سنه قربان کسیلیدی امداد ایت منه میدان آراسیندا قالموشام قان آراسیندا دمیرم جان ایستیرم گل ، منه بیر ایله حمایت دمیرم ال یوخ بدنده پیکریم یکسر جراحت دییرم گل باشیم اوسته ایله زهرانی زیارت امداد ایت منه میدان آراسیندا قالموشام قان آراسیندا یتیش امداده حسین جان قالوب اللرده ابوالفضل منی سال یاده حسین جان قالوب اللرده ابوالفضل امداد ایت منه میدان آراسیندا قالموشام قان آراسیندا نوحه:👇👇👇

ای گل ناز حسین تشنه سرباز حسین کیم دچار اولسا غمه آدین ایلر زمزمه چون آدین درده دوادی یا علی اصغر الرین مشکل گشادی یاعلی اصغر هر گوزلدن باش علی اکبره قارداش علی محسنه یولداش علی کیم دچار اولسا غمه آدین ایلر زمزمه چون آدین درده دوادی یا علی اصغر الرین مشکل گشادی یاعلی اصغر

نوحه بسته شدن راه فرات زبانحال حضرت سکینه (س) سوز   عطشدن    قورویوب   لبلریم گل کیمی    خندانم    عمو العطش اود  دوتوب  اودلاندی علی اصغریم منده    لب  عطشانم   عمو العطش اهل    جفا      سینمیزی     داغلیوب سو یولی باغلاندی گوزوندن ایراق قارداشیم  اصغر   او   قدر   آغلیوب خسته  و  نالاندی   گوزوندن  ایراق آخر      آنام       اللرینی     باغلیوب حالی  پریشاندی  گوزوندن   ایراق گور  نجه  قوینومدا   قالوب   اللریم دیده سی     گریانم     عمو العطش بیر سو کی وحشیلر  ایچور سر به سر بیز   نه روادور  بیله   محروم  اولاخ حکم   ایلیوب   یوخسا   قضا  و قدر صبر  ایلیاخ هر غمه  محکوم  اولاخ آل  پیغمبر    دگولوخ      بیز     مگر امّت      الینده   نیه    مظلوم اولاخ یاندیرار      عالملری      نیسگللریم حالی        پریشانم     عمو العطش چک  قیلجون گیت  عمونهر علقمه تیغه  شرر    باریوه    قربان  سنون باغلا     فراتین     سویونی    خیمیه من   ایکی   قولاریوه   قربان سنون قویما  سوسوزدان  سارالان گللریم حالیوه        قربانم       عمو العطش آل  منی     بیر    لطفیله     آغوشیوه چک  الیوی    باشیمه  ای   سروریم قوی بوقوری مشکی سالوم  دوشیوه بلکه    مبارک      اولا     بو    اللریم رحم    ایله    بو    بلبل    خاموشیوه گور  نجه اشکبایه  دولوب  گوزلریم قویما   عطشدن  سینا   بال و  پریم مرغ    خوش    الحانم  عمو العطش خیمه ده   گور اصغر   آناسی  رباب عالم      امکانه       سالوب     ولوله عرض  ایدیرالله بالام اولدی کباب زلفین  آچوب  دوشلرین  آلمش اله گاهی دیور   بسدی علی ایله  خواب بلکه    بو    بیچاره    آنان    دینجله مشگلی  حل   ایله   گیلن  سروریم لایق        احسانم       عمو العطش اجرا : ابراهیم حاجی علی پور صدقیانی فایل صوتی پایین 👇🏻👇🏻👇🏻👇🏻👇🏻👇🏻👇🏻