زبانحال حضرت رقیه سلام ا... علیها با رأس پدر خوش گلموسن ویرانسرایه سندن صورا گَلدیم نوایه باخ گور نجه دوشدوم بلایه ئولورم من یاندیم بابا غم فراقه حُرمت فریضه دی قوناقه عفو ایت دورانمورام ایاقه ئولورم من قوغوبلار آت دوشونده ز بس شامه گلنده ایاقلاریم قاباردی،یوخ طاقتیم بدنده ایوای یارالیم من ،باشی بلالیم من گوزوم بولود کیمی دولوبدی یوزوم بابا گورنه سولوبدی ویرانه مسکنیم اولوبدی ئولورم من غملر ایدوب منی گلوگیر دیریلیقدان من اولموشام سیر قوللاریمی کسیبدی زنجیر ئولورم من یتیمه نی دویللر، لازم دگول بهانه جسمیم کبود اولوبدی، به زیر تازیانه ایوای یارالیم من ،باشی بلالیم من جان اوستیم اکبر گیدندن عَموم بیزی ترک ایلیندن سنله بابا وداع ایدندن ئولورم من خیمه لره قوشون دولاندان شمر منه سیلی ووراندان گوشواره می اَلدن آلاندان ئولورم من شمر شریر و کافر دویموبدی کینه سیندن شاهددی زینب عمّه م من قورخورام سسیندن ایوای یارالیم من ،باشی بلالیم من #رقیه_س #خرابه #صفر التماس دعای فرج الاحقر مهدی عبادی

زبانحال حضرت زینب سلام الله علیها در شهادت حضرت رقیه سلام الله علیها ای قلبیمون آرامی یات قان اولدی بوگوز جامی یات ئولدوردی سنی شام اهلی ویران اولا شاماتی یات نچه گجیدی یاتمامیشدون غم غصه وی سن آتمامیشدون آرامشه بیر چاتما میشدون لایلای بالام لایلای رقیه ای قارداشیمون ریحانی گلشن ایلدون ویرانی امابیله تزسولماقون یاندیردی من نالانی گلشنده گُل بونوعی سولماز خیرداقیزین قدی خم اولماز قلبیم نجه قانیله دولماز نچه گونودی آغلاردون اودلی سینمی داغلاردون گه گوشه ی ویرانه ده گیزلین ایاقون باغلاردون یات بوگجه قبرونده راحت چوخ گورموسن ظلم وجنایت نه سیلی وارنه قتل وغارت لعنت گله بواشراره ایتمشدی سنی آواره آتدوقجاقدم قویاردون سن بیر الیوی دیواره گل عارضون ظلمیله سولدی زهراکیمی عمرون آزاولدی قلبون غم وغصیله دولدی #رقیه_س #خرابه #صفر التماس دعای فرج الاحقر مهدی عبادی

زبانحال حضرت زینب سلام ا... علیها در شهادت حضرت رقیه سلام ا... علیها (ای منیم همدمیم اصغر) زینبین ای گل عذاری آلموسان اَلدن قراری گوزومون قاره سی لایلای وطن آواره سی لایلای اونداکی ویرانه گلدون شیون و افغانه گلدون درد الیندن جانه گلدون ای گُل گلزار عزت قورتولوب رنجِ شماتت یات بالا قبرونده راحت نسگیلون قلبیده قالدی سنون آرامیوی آلدون قمچی دیلدن سنی سالدی اکبرین سویگولی یاتما قانه گوزیاشیمی قاتما عمّه وی گوزوندن آتما ای حسینین گلعذاری بیر ائلین نازلی نگاری ایلدون خزان بهاری سن بیزی گوزدن آتوبسان دیلده مقصوده چاتوبسان چوخ گجه سن آج یاتوبسان گول جمالون بالا سولدی غملرون قلبیمه دولدی کفنون کوینگون اولدی اوج ایدور گویلره افغان حرم اهلی قالوب حیران (بیکَس) عمّن سنه قربان #رقیه_س #خرابه #صفر التماس دعای فرج الاحقر مهدی عبادی

زبانحال حضرت زینب کبری علیها السلام در شهادت حضرت رقیه علیها السلام هنگ : امان ا... شامیانین الیندن باجی تئز گل خسته جان بالام ئولدی قوری یرده آج یاتان بالام ئولدی بالام لای لای وای رقیمه لای لای ... باجی قلبه تیر غم ساچان ئولدی بو ویراندا بزم یاس آچان ئولدی دئنن قیزلار اوخشاسون باشا وورسون تیکانلیقدا قورخودان قاچان ئولدی خزان دیده گل کیمی باجی سولدی غم و غصه خیردا قلبینه دولدی ربابه دی دوزسون آیریلیقیندا دینن اوسسون اصغره قوناق اولدی اوزون مدت باغلانوبدی طنابه اونی یوردی درد و رنج خرابه دوروم نعشین دفنه حاضر ائدوم من باجی سنده وئر تسلی ربابه کیچیک قلبه چوخ بویوک غم آلوبدی رخ زردین سیلی درده سالوبدی دوشور یاده عرصه گاه شهادت حسینیم تک نعشی یرده قالوبدی گوزوم یاشی بنذیور یاغان ابره بو ظلم اولماز بیر مَجوسیله گَبره اگر گلسه غسلون ایتماقا بیر کس باجی کیم بس نعشینی قویا قبره گلایم یوخ کردگار قدیره قوناق گئدی اکبره بو صغیره ولی قلبیم اود دوتور باجی بوقیز نه ائتمیشدی زجر و شمر شریره بونون دشمن صبر و طاقتین آلدی تیکانلیقدا آت قاباقینا سالدی بو قیز اوخشور فاطمه آناما چوخ کیچیک یوزده اَل علامتی قالدی باجی سسله خیردا قیزلار اویانسون فغان ائتسون نار هجریده یانسون دئنن بعضی باشینه توکه تپراق دم درده نچه سی دی دایانسون #رقیه_س #خرابه #صفر التماس دعای فرج الاحقر مهدی عبادی

زبانحال حضرت زینب سلام ا... علیها در شهادت حضرت رقیه سلام ا... علیها (نمیشه باورم) سپهر عصمتین،آخان ستاره سی خرابه اهلینون ، اولدون، دلیل ناله سی ای خسته بلبلوم ، لایلای، منیم سولان گولوم، ایوای، آسوده یات بالا، دینجل،اوزوم سنه فدا لایلای رقیه جان لایلای(۳) ظلمیله شامیده ،آخدون ای اولدوزوم ای زینبه اَنیس، آخر، سنسن دادیم دوزوم فدا اولوم سنه،یاتما ،سَس ویر قیزیم منه،بیرده، یارالیسان هَله، ایکاش،دردون منه گَله لایلای رقیه جان لایلای(۳) من واقفم بالا، دیلده قالوب سوزون شمری ذلیل اولا،ایوای،دوزلمدی یوزون سنه اولان اولوب،امّا،شمادت قورتولوب،ایندی یوخدی دوین سنی،امّا،یاندیرموسان منی لایلای رقیه جان لایلای(۳ بیر نسگیلون ولی،چوخ یاندیریر منی کیم قبریوی قازا، آخر، قبره قویا سنی غسّاله کیم دیسون،گلسین،بو نعشیوی یوسون،نیلوم،بو کهنه پیرهن،اولدی،آخر سنه کفن لایلای رقیه جان لایلای(۳) #رقیه_س #خرابه #صفر التماس دعای فرج الاحقر مهدی عبادی

واحد. حضرت رقیه(س) سپهرعصمتین...آخان ستاره سی بانوای:کربلایی حامدآقاکشی زاده ✍به قلم:کربلایی مهدی عبادی(بیکس)

زبانحال حضرت زینب کبری علیها السلام در شهادت حضرت رقیه علیها السلام (یخلوب عباسیم) باجی گَل امداده دوشدوم تازه درده آنامین شَبیهی رقیّم ئولدی منی درده سالدی آرامیمی آلدی نعشی یرده قالدی رقیّم ئولدی سسلرم من لایلای/لایلای رقیّم وای2 لایلای رقیّم گجه لر یاتمازدی ایندی راحت یاتدی عمّه سین آغلاتدی رقیّم ایوای شامه آغلار گلدی قلبین طعنه دَلدی قَمچی دن دینجَلدی رقیّم ایوای غمی یاددان چخماز اَشکیم بیجا آسمان هانسی بیر شَهزاده بیله جان ویریب عشقینی سان ویردی مین امتحان ویردی قول باغلی جان ویردی رقیّم ایوای سسلرم من لایلای/لایلای رقیّم وای2 لایلای رقیّم اشکی گوزدن آخدی یوللاره هی باخدی اکبر دیدی یاندی دائم دیلینده گوشه ی ویرانه سالدی اونی جاندان گَزَردی آنام تَک اَلی بِلینده سایا گَلمز دردی دردین گیزلَدردی بیر منه دییَردی عمّه سی ئولسون قلبی غمدن دولدی عمری چوخ آز اولدی گول تک بالام سولدی دشمن اَلینده سسلرم من لایلای/لایلای رقیّم وای2 لایلای رقیّم اصغر اوخلاناندان اوچ شعبه پیکاندان هر بیر اوخ آتاندان بالام قورخاردی خیمه لر یاناندان خار اوسته قاچاندان گوشواره آلاندان بالام قورخاردی یوزی نیلی گیتدی دَگدی سیلی گیتدی چوخ گیلِیلی گیتدی شمرین اَلیندن چولده قالان گوندن اینجیمیشدی مندن زَجر دون سَسیندن بالام قورخاردی سسلرم من لایلای/لایلای رقیّم وای2 لایلای رقیّه باباسین ایستردی اشکینی اَلردی آدینی سسلردی کُنجِ خرابه یارالی باش گَلدی دانیشدی دینجَلدی منی امّا سالدی بالام عذابه دوشموشم بو فکره غسلونی کیم ویرسین کَفن گییندیرسین بو خسته جسمه (بیکَسم) شام ایچره قبرینی کیم قازسین آدین قبره یازسین قویسون تُرابه سسلرم من لایلای/لایلای رقیّم وای2 لایلای رقیّم #رقیه_س #خرابه #صفر التماس دعای فرج الاحقر مهدی عبادی

زبانحال حضرت رقیه سلام الله علیها با سر مطهر پدر (حالا اومدی، حالا که دیگه رقیه.... خوشگلدین بابا سالموسان رقیّه وی یاده عجب ، خوشگلدین بابا دیلده کی مقصدیوه ، یتوب اوزون، دینجَلدون بابا عَموم عبّاس و علی اکبر هانی ، تَک گَلدون بابا بابا باخ یتیمه قیزین کیم وورار بِیْله سیلی یوزونه دیور عَمّه م اوخشور یوزومی آناوین یوزونه واویلا یارالی یارالی ،یارالی ، یارالی ، یارالی ، بابام وای ۲ سَسلَردیم سنی گوروم هیچ قیزین ، آلیشماسین ، من تَک دامنی چوخ ووروبدور باشیما ، قمچیسینی ، بو شِمرِ دَنی منه لطفون آزالیب ، دشمن اودور ، چوخ دویدی منی یارالی باشون گَلدی دیداره جسمون یارالی هایانادا؟ گَلییدون منه دشمنیم یولدا سیلی ووراندا واویلا یارالی یارالی ،یارالی ، یارالی ، یارالی، بابام وای باخ دیل دردینه حالیمی سن بوله سن ، باخ یوزومون ، رنگِ زَردینه رَحم ایله بابا نولور یتیمه وین، آهِ سَردینه قال رقّیه وی اوزون عمّه میلن، تاپشیر قبرینه بابا باخ ایله درد و غملر الیندن قیزون اولدی خسته یاتاردیم سینَنده یریم ایندی توپراقلار اوسته واویلا یارالی یارالی ،یارالی ، یارالی ، یارالی، بابام وای ۲ #رقیه_س #خرابه #صفر التماس دعای فرج الاحقر مهدی عبادی

حالا اومدی

زبانحال حضرت زینب در شهادت زهرای سه ساله (من اومدم دوا بشه/ دردم) جدید رقیّم ئولدی تز گَلون / داده قرار و صبریمی ویریب / باده آنامین ئولماقین سالوب / یاده رقیّه لایلای ۲ گوزوندن عمّه سین ایله / آتدی ویرانسراده آی کیمی / باتدی یورموشدی قمچی لر اونی / یاتدی رقیّه لایلای ۲ لایلای بالام لایلای بالام / لایلای رقیّه لایلای ۲ سینیبدی صبرینون بوگون / سَدّی یوخیدی درد و رَنجینین / حَدّی یوزونده قالدی سیلی نون / رَدّی رقیّه لایلای۲ اَلدن قراریمی آلان / ئولدی خرابه لرده آج قالان / ئولدی اصغریمه لایلای چالان/ ئولدی رقیّه لایلای ۲ تیرِ غمیله قلبینی / دَلدی او قَدری آغلادی حسین / گَلدی یارالی باشی گوردی دینجَلدی رقیّه لایلای ۲ عشقین ایدیبدی عالَمه / اِعلان تا قانلی باش اولوب اونا / مهمان قوناقینا جانین ایدوب / قربان رقیّه لایلای ۲ گوزوم دونوبدی بیر یاغان / اَبره کیم من کیمی دوزوب بیله / جَبره جنازه سین نجه قویوم / قبره رقیّه لایلای ۲ بو ظلمه اُول خدا حَکَم / یاندیم سَزادی گوزیاشی توکَم / یاندیم یوخدی کَفَن اونی بوکَم / یاندیم رقیّه لایلای ۲ #رقیه_س #خرابه #صفر التماس دعای فرج الاحقر مهدی عبادی

رقیم ئولدی تز گلون / داده

زبانحال حضرت زینب در شهادت حضرت رقیه سلام الله علیها زینب گوروب بو واقعه نی اولدی دیل کباب سَسلندی کَل ، دوباره یخیلدی ایویم رباب ویرانه ده دائم ،غم و محنت ییَن ئولدی دینجَلدی بالام ، اصغره لایلای دییَن ئولدی شاماته گَلَندن ،بالامین رنگی سارالدی قورتولدی شماتتدن اوزی ، غم منه قالدی نیلی یوزی زهرا آنامی ، یادیمه سالدی عُمری آز اولوب ، فاطمییه بَنذییَن ئولدی دوز عاشیقیدی ، مقصدینه چاتدی رقیّه م بیر نیسگیلیله ، چوخ منی آغلاتدی رقیّه م ویرانه ده اَکثر گجه ، آج یاتدی رقیّه م شاماتیده آرامشِ جان ، گورمییَن ئولدی ظلمیله خزان اولدی بهاری بالا لایلای ای اَشکی آخان لیل و نهاری بالا لایلای ای زینبین آرام و قراری بالا لایلای ویرانه ده بیر لحظه یوزی گولمییَن ئولدی اَکبر کی عَباده یتیشوب خیمه سرایه سالدی اوزونی سینه سینه گَلدی نوایه سَسلردی من سالدون علی درد و بلایه فریاد و فغان ، اکبریمه آغلییَن ئولدی یوللاردا بونی چوخ دویوب اَشرارِ زمانه زَجرین ستمیندن گَلوب هر یرده فغانه خارین اثریندن ، وار اَیاقینده نشانه اوز یاره سینی ، مَعجریله باغلییَن ئولدی مندن باباسین هِی سوروشاردی گوزی گریان سَسلردی بابا هاردا قالوبسان ،سنه قربان آخر یارالی باشی گَتیردی بورا مهمان قانلی باشا دردِ دیلینی سویلییَن ئولدی شام ایچره غریبوخ بورا کیمسه گَلن اولماز بو غمده بیزه کیمسه تَسلّیٰ ویرَن اولماز غَسّاله ده گَلسه ، بالاما بیر کَفن اولماز ویرانه ده بیر کهنه لباسی گییَن ئولدی غَسّاله گلوب ، گوردی دوشوب بلبلِ خسته بیر قانلی باشیله ، یخیلوب توپراقین اوسته گوردی بالاجا ، اَللری زنجیریله بَسته سَسلندی گَلون شمر اَلینی آچمییَن ئولدی زینب دیدی غَسّاله ، اولوب خسته سویوندور قویما یره گَل ، اَللریمون اوسته سویوندور (غَسّاله سن ا... بونی آهسته سویوندور) قمچی اَثریندن بَدنی اینجییَن ئولدی (بیکَس) خانیمون مَرقدی اولسا سنه قسمت دووش سَجدیه سن ، اِتگیله شُکرانه ی نعمت یاز مَطلعی بولسونله (کریم ) ایتدی کتابت ویرانه ده دائم غم و محنت ییَن ئولدی (مصرع داخل پارانتز مربوط به مرحوم منزوی ست) #رقیه_س #خرابه #صفر التماس دعای فرج الاحقر مهدی عبادی

🌿🌿🌿🌿🌿🌿🌿🌿🌿❤️ حضرت رقیه #زبانحال_حضرت_زینب_سلام_الله_علیها گُلشَنِ وَفانُون بُلبُلی رُقَیّه قارداشِیم حُسینَه سُوِیگُلی رُقَیّه مَجلِسِ عَزا قُورما اَهلِ بِیتِی یاندِرما آغلاما رُقَیّه زِینَبِین جَهاندا گُلعذُارِی سَن سَن قارداشِیم حُسینُون یادِگارِی سَن سَن بُو دِیارِ شامُون اِفتِخارِی سَن سَن گُوزدَن عالَمی آتما قِیزلارِی چُوخ آغلاتما آغلاما رُقَیّه اِیتمُوسَن بیر اِیلدِى شامِدَه اِقامَت قُورتُولار بُو گُونلَر خَتم اوُلار اِسارَت اِیلَه سَن حُسینِی بِیر گِجَه زِیارَت نِیلَر اوُل شَهِ عالَم گُورسَه حالِیوِی بَر هَم آغلاما رُقَیّه اوُلما چُوخ مُکدّر تُوکَمَه اَشک آلُون باخما کِی گِیدُوبدِی غارتَه جَلالُون آز قالُور یِتِیشسُون گُون کِیمی زَوالُون اَشگَه خُونِ دِل قاتما عَمّه وِی چُوخ آغلاتما آغلاما رُقَیّه بِیر گُونِی اوُلار تا مَقصَدَه چاتارسان بِیر اِیشِقلِی گُون تَک شامِدَه باتارسان تَک بُو یِردَه سَن فِکَر اِیلَمَه یاتارسان شامِدَه گلُوب قالّام بُوردان عَطرُوِی آلّام آغلاما رُقَیّه وار اوُرکَدَه بُولّم بِیر غَمِ مُفَصّل آه و نالَه اِیتمَه یات رُقَیّه دِینجَل اِیندِی دُور اَیاقَه سِینَم اوُستُونَه گل گردِ مُحنَتَه باتما تُوپراق اوُستَه سَن یاتما آغلاما رُقَیّه بُو خَرابَه یِردَه اوُلما چُوخ مُکدّر گلسَه بُو سَفَردَن شاهزادَه اَکَبَر قُورتُولار مَلالُون اِی مَهِ مُنوّر باشِیوَه سالار مَعجَر قارداشُون علی اَکَبَر آغلاما رُقَیّه طَعن اِیدُوب دِی باخما قَلبُوی یارالِی اوُچ یاشندا اوُلدُون چُوخ باشِی بَلالی تُوپراق اوُستَه یاتما اَکَبَرِین مارالِی بِیر گُلِ مُعطّر سَن، سَن عَزِیزِ اَکَبَر سَن آغلاما رُقَیّه شام قِیزلارِی گر اِیتسَه لَر شَماتَت واردِی گر چِه دَردُون دِلدَه بِی نَهایَت پُوزما اوُز وِقارُون چَکمَه چُوخ خَجالَت غُصّه دَن اوُزُون یُورما سَن اوُزُوِی سِندِرما آغلاما رُقَیّه قِیزلارِی گُورَندَه اوُلماسُون هَراسُون فِکَر اِیدُورسَن اِیندِی یُوخدِی عِیش اَساسُون غُصّه لَنمَه گر چِه کُهنَه دُور لِباسُون یاندِرُوب مَنی یاخما قِیزلارا طَرَف باخما آغلاما رُقَیّه سالما قِیزلار اِیچرَه باشُوِی اَشاقَه قُوش کِیمِی سِیخل ما بِیر سِنان بُوداقَه عَمّن ئولِمِیُوب دِی گل آلُوم قُوجاقَه جانَه دَردِوِی آلاّم قُول بُو بُینُوا سالاّم آغلاما رُقَیّه التماس دعای فرج حاجی حسین حسنی افشرد تبریزی سبک‌: دولدوروب جهانی

زبانحال حضرت رقیه سلام ا... علیها با سر خونین پدر (منم باید برم) خدا یه شکر اولا/گینه اورک تاپوب صفا خرابیه گلوب/بابام بوگویلومی آلا بو نصف شب عجب/قیزیوی یا ده سالموسان نچه گونی بابا/ده گوروم هار دا قالموسان منی دوگوب بابا/بوزجروشمر بی حیا بو اوچ یاشینداقیز/نلرچکوب بولورخدا بوشهره گتدیلر/بابامنی ووراوورا «یارالیسان بابا بابا بابا بابا بابا» رقیه وین بابا/اورکده وار دی چوخ غمی بودردومحنتیم/یوروبدی زینب عمه می باخورمنه یانور/آلورباشیمی دامنه یوزومه هی باخور/دیورجوان ئولن ننه آناوابنزیری/کبوداولان یوزوم بابا بوقدری غصیه/دینه نجه دوزوم بابا قرااولوب بودم/گوزومده گوندوزوم بابا چمنده بلبله/هرهانسی گل انیس اولا دوزراوقوش مگر/اوسویدوقی گلی سولا؟ سنیله الفتیم/خدابولورنه پایه ده اودورسنی بابا/گوزتلدیم خرابه ده گذشت ایله منی/دورانمورام ایاقیوه یریوی بولمدیم/اوزوم گلم سراقیوه منی آپاربابا/دوزنمرم فرا قیوه بوعارضیم بابا/جفاوظلمیله سولوب قاچانداچولده من/ایاقیم آبله اولوب سرشکی قانیله/گوزومده شمر دون قاتوب سینه وه نازائدن/گجه خرابه ده یا توب آتاقوجاقیدور/قیزین همیشه مسکنی ولی فلک سالوب/بلا یه بو رقیه نی من آلمشام بابا/بودم قوجاقیمه سنی بلاچولونده من/بلالره دایانمیشام بویوندا، سلسله/بوچوللری دولانمیشام بیر اوچ یاشیندا قیز /بوقدری غصه وبلا بوآیرلیق غمی/بوقدری طعنه و جفا دعا ایله ئولوم/داخی یورولموشام بابا خرابه گوشه سی هارا/بوسویگولون هارا یوزوم کبود اولوب /ایاقلاریم اولوب یارا #رقیه_س #خرابه #صفر التماس دعای فرج الاحقر مهدی عبادی

زبانحال حضرت رقیه سلام ا... علیها با رأس نازنین پدر خوش گلموسن ای مهمانیم قورباندی سنه بو جانیم لطف ائتموسن ای ماه تابان باشه یئتوب ایام هجران اوللام بو قانلی باشه قربان (ایوای بابام ایوای یارالی) هاردا باباجان قالمیشدون گوزدن منی سن سالمیشدون سندن صورا دوشدوم بلایه دشمن قووب سالدی آرایه دوزدوم بابا جور و جفایه ظلم اهلینه تاراج اولدوخ غارتده سارالدوخ سولدوخ غارت گونی بعد شهادت اولدی بیزه برپا قیامت دشمن ائدوب چوخلی جسارت دوزدوخ ستم عدوانه دوزدوخ ولی گلدوخ جانه اوت ووردیلار خیمم آلیشدی گوزیاشلاریم قانه قاتیشدی عمم اولون چوخلی چالیشدی نه جرمیلن دشمن ووردی بال و پریمی سیندوردی مگر یتیمی ده ووراللار آتلار قاباقینده قویاللار ظلم و جفائیله سویاللار غارت کی باشا یئتمیشدی سویموشدی قوشون گئتمیشدی یاده دوشور جمع پریشان یانمیش چادر شام غریبان صبحه کیمین اولدی هراسان صبح اولدی بلالر آرتدی دشمن بیزی چوخ آغلاتدی زنجیره باغلاندوخ سراسر چکدی بیزی گوداله لشگر گل جسمیلر قالموشدی بی سر یوللاردا غم و محنتدن دوشدی بدنیم طاقتدن درد و بلا بو قلبی سیخدی ناقه منی یوللاردا یئخدی نالم بابا افلاکه چیخدی شامون نه دئیم اهلیندن بیر کلمه ائشیت قهریندن داش یاغدیروب خلق ستمگر قوم یهود و بُغضِ حیدر آغلار قالوب آل پیمبر ویرانه نشین اولدوخ بیز گل تک سارالوب سولدوخ بیز شام اهلی آل مرتضانی مسکن وئروب ویرانسرانی نه سقفی وار نه سایبانی ویرانه نی آباد ائتدون گلدون بیزی دلشاد ائتدون بو گلماقون چوخ با صفا دی ئوز وئردیقون عهده وفادی (بیکَسلره) آدون دوادی #رقیه_س #خرابه #صفر التماس دعای فرج الاحقر مهدی عبادی