نوحه اربعین امام حسین ع شاعر:حاج حسین غفاری بانوای:کربلایی منوچهرحسن زاده کربوبلا دشتینه غملی کاروان گلور دور یاحسین زینبون قامتی کمان گلور قیزلارون ناقه لر اوسته دلکبابیدور داغ داشی آغلادان بینوا ربابیدور آغلار سنه زینبون ای نگار مه لقا قبرون نه خوش نقشیدور قبریوه گوزوم فدا آخر حسین ئولمدیم قسمت اولدی کربلا عمروم نقدری اولا ساخلارام سنه عزا قبریووین تربتی آبرودی زینبه کربلاده ئوله آرزودی زینبه گرچه ویروبسن شرف ای شه حرم منه بو دشت غمباریده چوخ چاتوبدی غم منه بوردا ابوالفضلیدن چاتدی بیر علم منه باخدی منیم حالیمه آغلادی ننم منه ویردیلار باشیمه تازیانه دینمدیم قلبیمی ایتدیلر شانه شانه دینمدیم برخواهیم وار فقط ای صفالی گلشنیم قوی قلبیم گلسین اله سولدی یاس و سوسنیم جنت سنون گل سنون قانلی کوینگون منیم ویرسون رضایت دونر لاله زاره مدفنیم گردنیمده سنون منتون اولار حسین ئوز علمدارووه حرمتون اولار حسین لیلا باسوب باغرینا قبر پاک اکبری لایلای دیور اوغلونا باشدا قاره معجری اوخشیولار قیزلارون یاره لی کبوتری یورولان آهولرون آختارولار اصغری آغلیان باش یولان قیزلارون فدا سنه خونجگر زینبون ساخلیار عزا سنه #اشعار_ترکی #کربلایی_منوچهر_حسن_زاده #پیشنهاد_دانلود گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

  🎼#سبک_یارالی_جان_یارالی ... 🎼#سبک_شهریاریمسن_آقا ... 🎼#سبک_کربلا_منتظر_ماست ... در سبک اویان ای یار وفاداریم اویان 🏴🏴🏴🏴🏴🏴🏴🏴🏴🏴🏴🏴🏴🏴 گل رضا گل سینوی داغلا اوغول منیم احوالیمه سن آغلا اوغول باشیم اوسته گل اوتور قرآن اوخوی صورا سن گوزلریمی باغلا اوغول گل منه اغلا اوغول گوزومی باغلا اوغول گل سراغیمه من  الان ئولورم باخ منه قلبی پریشان ئولورم جانیمی آلله قربان ویرورم باقری قان گوزلری گریان ئولورم گل منه اغلا اوغول گوزومی باغلا اوغول من اوغول دینمون اوسته ئولورم یارالی قلبی شکسته ئولورم ئوزیوی محبسیمه فوری یتور اورگی خسته و خسته ئولورم گل منه اغلا اوغول گوزومی باغلا اوغول دین وقرآنیمه خدمت ایلدیم دردمندانه     حمایت   ایلدیم اون بیر ایل گوشه ی زندانیده من آللها     عالی   عبادت   ایلدیم گل منه اغلا اوغول گوزومی باغلا اوغول گل رضا کاسه ی صبریم جالانوب عرشه حقه بوگون اهیم دایانوب منی مسموم ایلیوب سند دنی دل دوداقیم جگریم پارچالانوب‌ گل منه اغلا اوغول گوزومی باغلا اوغول اغلادیم گونده او اولدوزلاریما دهریده بی کس آدامسیز لاریما او فراقیمده یانان صبح ومسا گوزوی یولاردا قالان قیزلاریما گل منه اغلا اوغول گوزومی باغلا اوغول

✔️ نوحه اربعین حسینی در آهنگ : یافاطمه من عقده دل وا نکردم دور اربعیندور گلمیشم کرب و بلایه آغلار گوزیله یاحسین گلدیم عزایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ باشی بلالی زینبم دلداریوم من قیرخ گوندی چوللرده سنون غمخواریوم من سس وئر بیلورسن یاحسین، بیماریوم من اوج ایلیور آه و فغانیم نُه سمایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ شاماته گئتدیم یاحسین من دست بسته گزدیم دولاندیم کوفه‌نی قلبی شکسته عشقونده امّا اولمادیم بیر لحظه خسته الان دوباره گلمیشم قانلی منایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ قارداش ئورکده غملریم طغیان ائدوبدور اصغر غمی بو قلبیمی شان شان ائدوبدور بیکس ربابین گوزیاشین القان ائدوبدور آغلار گجه گوندوز ولی ائتمز گلایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ غملی ربابین نیسکیلی دیلده قالوبدور آغلار گوزیله باشینه قاره سالوبدور اصغر عزاسی صبرینی الدن آلوبدور نفرین ائدر دیلدن اخا، اهل جفایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ سینونده اصغر گورنجه راحت یاتوبدور سو ایستمور سو فکرینی باشدان آتوبدور سو اوسته اوخلاندی بالون قانه باتوبدور آغلار سما اهلی بو غملی ماجرایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ آهو باخیشلی بیر قیزی وئردون امانت الدن گئدوب نازلی گلوم اولدوم خجالت مندن سنی زهرا حسین ائتمه شکایت دوتسون رقیَون آدینی گَللم نوایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ ویرانسراده آغلیوردی ماهپاره هردم گلوردی غصَه‌دن چون آه و زاره حسرت چکوردی اکبرین گورسون دوباره چوخ دردی اولدی چاتمادی امّا دوایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ عبّاس ئولندن قامتیم دوندی کمانه عمریم دونوبدور غصه‌دن فصل خزانه مظلوم حسین وای سسلرم من یانه یانه شکر آللها گلدیم دوباره کربلایه چیخ پیشوازه ، ای نور عینیم عطشان حسینیم، مظلوم حسینیم ✍ شاعر: کربلایی_حسن_طیبان #اربعین_۱۴۰۳

‍ اربعین امام حسین علیه السلام ✍مرحوم سید یوسف نجمی تبریزی شامیدن بو غملی سرزمینه گلدیم قبرون اوسته قارداش اربعینه گلدیم ای مزاری ششگوشه سس ویر بو سیه پوشه زینبم حسینیم (2) یوخ باشون دییِیدیم قبردن گوتور باش قالموشام نه حاله گور یارالی قارداش قامت خمیده سرّیمی ایدر فاش سرو قامتی بوکولن غملر اوستونه توکولن زینبم حسینیم (2) وورموشام علم من حدّ سدّ صبره ائتمیشم تحمّل هر جفا و جبره کوینگیون گتوردیم شال ائدم بو قبره یوسف مدینم اویان ای سُرور سینم اویان زینبم حسینیم (2) گلشنونده گلدیم باغبان اولام من گلمدیم بو نوعی باغری قان اولام من اولما راضی سندن ناگران اولام من دئ گورم یاران نجه دی دردیله آران نجه دی زینبم حسینیم (2) فاطمه نشانی گور نجه پوزولماز حشر اولونجا قارداش بیر بیله غم اولماز هر یاران ساغالسا بیر یاران ساغالماز اکبر اوسته اشگی آخان قانینی عذاره یاخان زینبم حسینیم (2) سن بو چولده عطشان قانیوه باتوبسان دینه نصرت ایلوب مقصده چاتوبسان اصغریله باهم قبریده یاتوبسان گلمیشم دییَم ای وای تشنه اصغره لای لای زینبم حسینیم (2) باغلانان بو چولده رشتۀ جفایه پرده پرده آهی اوج ایدن سمایه ایلین تحمّل جور اشقیایه قول باغلی گئدن شامه سرخیل اولان ایتامه زینبم حسینیم (2) کوفه ده سرشگین قان ائدن زمانه قدّینی مصیبت دوندرن کمانه قلبینی خدنگ طعن ایدن نشانه فاطمه یگانه سیَم تیر غم نشانه سیَم زینبم حسینیم (2) کیم دییَر خدنگ غصّه قلبی دلمز توزلی بو مزاری گورسه شوره گلمز بو بلا کشیده چوخ عجبدی ئولمز ای سوسوز ئولن قارداش لاله پیرهن قارداش زینبم حسینیم (2) گلدی جمله قارداش عترت رسالت بیر رقیّه ائتدی عمّه سین خجالت گلمدی بو قبرون ایلیه زیارت صبر گلسِتانی سولان عمریجه خجالت اولان زینبم حسینیم (2) شامده عذاره اشگی باغلادیم من آتش غمیله سینه داغلادیم من اُول یتیمی قبره قویدوم آغلادیم من گوز یاشیله غسل ویرن معجرین کفن ایلیین زینبم حسینیم (2) «نجمی» آه او دمدن فاطمه عزیزی غصّه لر فکاری غملر اشگریزی گوردی آلتی گوشه قبر مشگبیزی سسلدی اویان قارداش غسلی قان اولان قاردش زینبم حسینیم (2) سبک : اصغر فرشچی (عدلی تبریزی)

نوحه اربعین ازکربلایی طاهرنوروزی به سبک کربلا منتظر ماست بیا تابرویم 🌴🌴🌴 اربعین گلدی حسین  حال پریشانمه باخ سنه   قربان   یارالی   دیده  گریانمه باخ یارالی جان یارالی ☘ سنه قربان یارالی(۲) 🌴🌴🌴 قبریوی گوردوم حسین دنیا دولاندی باشما نیه ششگوشه دی قبرون وای اولا قارداشما آنام اوغلی  دور  اوزون  ایله  نظر گوزیاشما گوزیوی  آچ  باجوام  غصلی  دورانمه  باخ یارالی جان یارالی سنه قربان یارالی(۲) 🌴🌴🌴 من سنه  آغلاماقا  قویمادیلار  اهل جفا سینه می داغلاماقا قویمادیلار اهل جفا یاره وی  باغلاماقا  قویمادیلار  اهل جفا حالمی پوزدی حسین غملی گلستانمه باخ یارالی جان یارالی سنه قربان یارالی(۲) 🌴🌴🌴 اسرا   گلدی  سنه  سویلیه   لای لای  یارالی دور اوزون غمزده قیزلاریوی سن سای یارالی بیر قالوب نازلی رقیون نه دیوم  وای یارالی من سنه قربان اولوم غصه لی طفلانمه باخ یارالی جان یارالی سنه قربان یارالی(۲) 🌴🌴🌴 سن اولندن صورامن اوزگه گونه قالدیم حسین شهریلرده دولانوب باشه قرا سالدیم حسین کونگون اهل جفادن من اوزوم آلدیم حسین باجوام دور سن اوزون عهدله پیمانه باخ یارالی جان یارالی سنه قربان یارالی(۲) 🌴🌴🌴 نطقله سالدیم اوزوم تختدن اعدانی حسین عالمه  نشر  الدیم  نهضت   قرانی  حسین ای ویرن عزوشرف دینه  آخان قانی حسین خلقی حیرته قویان  شرفلی طوفانمه باخ یارالی جان یارالی سنه قربان یارالی(۲) 🌴🌴🌴 نوروزی   یاز   اورگین   زینب  علیا   داغلادی سسلدی وای باجون اولسون یاراوی کیم باغلادی هی  باششگوشه   قبره  آهله  هی  اغلادی خسته دل زینبوم  سینه سوزانمه باخ یارالی جان یارالی سنه قربان یارالی(۲) کانال رسمی ثقلین امامی

اربعین سوال و جواب زبانحال حضرت زینب (س) بال و پریم آی قارداش تاج سریم آی قارداش دور گور نجه یورقوندی غم لشگریم آی قارداش من آغلامادیم گیتدیم دل داغلامادیم گیتدیم سایدیم یاراوی اما من باغلامادیم گیتدیم ایسلاتدی بو صحرانی دورت مین یاراوین قانی گوردی تن عریانی چشم تریم آی قارداش من کوسمه میشم سندن کوسمه گوزلیم مندن تترر یارالی نعشون ایتسم گله دشمندن از بس وروب ای سرور یولاردا منی لشگر نیلوفره چوخ بنزر گل پیکریم آی قارداش یوخ غملریوین حدی خمدی باجیوین قدی ایثاریمه شاهدی بو قمچی لرین ردی باشیمده قارام واردی بازوده یارام واردی مندن نیه آیریلدون سن دلبریم آی قارداش سندن صورا باش یولدوم ویرانه نشین اولدوم گلزار فراقونده گل تک سارالوب صولدوم بو لحظه حساسیم بس هاردادی عباسیم نه واردی جوان قاسم نه اکبریم آی قارداش دلده سنه واویلا کوینک توخودی زهرا دفن اولدون حصیریله ای یوسف عاشورا دور پیرهنون گتدیم قانلی کفنون گتدیم بو خلعتی قبر اوسته خوشدور سریم آی قارداش سنسیز چمنیم صولدی قلبیم غمیلن دولدی دردانه قیزون قارداش ویرانه ده دفن اولدی ویرانیه باش گلدی یورقون بالا دینجلدی قازدی قیزیون قبرین ئوز اللریم آی قارداش

روضه حضرت رقیه(س) خبر که عرض ایدورم واردی غملی جریانی دیوردی روضه سینی بیر جوان روحانی بیوردی عارف اولان شامین اهلی بیر عالم یازوردی بیر گجه اولدوم زیارته عازم وضو ایدیب یولا دوشدوم فقط بو نیتیلن رقیه نین بالا قبرین اوپم جماعتیلن دیلیمده ذکر خدا گوز یاشیم یوزه الدیم بهشت تک حرمین گورمگه شتاب ایلدیم قویاندا صحنه قدم دوشدی یاده ویرانه اول سلام ایلدیم آغلادیم یانایانه باخاندا حیرتیلن بارگاه اقدسینه جلال و شوکتینه گنبد مقدسینه دیدیم الهی بورا قانلی باش گلن یردی سوسوز آقامین دلبری ئولن یردی گجه آجنان ئولوب بوردا اوچ یاشندا بالا فقط خدا بولوری عمه سی قالوب نه حالا بو یرده حضرت زینب نمازی خسته گلب دورانمیوب  ایاق اوسته خانم نشسته گلب خلاصه خردا مزاری آلاندا آغوشه دیدیم حالون نجه دی گلمدی صدا گوشه دوباره عرض ایلدیم قبریوه آتام قربان قابار ایاقلاروا عترتیم آنام قربان رقیه جان نقدر واردی بوردا ایستینون اویان یارالی بالا چوخدی اوخشاما دینون بیری فغان ایلیور الرینده گوشواره بیری قویور بالاجا قبرین اوسته گهواره بیری الینده دوتوب نسخه اطبانی حضوریوه گتیروبلر مریض نالانی عنایت ایله رقیه منیم ده دردیم وار حضوره گلمیشم ایندی خصوصی عرضیم وار اوحالدا راوی دیور درک گیلدیم همهمه نی باخاندا صحنه نه گوردوم او غملی منظره نی کیمین دوشور گوزی اول صحنیه ئوزون ایتیرور بالاجا  قیز اوشاقی الده بیر کفن گتیرور ئوزی رقیه کیمی اوچ یاشندا نازلی بالا الینده خلعتی ایستور مزارون اوسته سالا گتیردی آغ کفنی سالدی خردا قبر اوسته الینی قوینونا قویدی ملول و دل خسته دیدی رقیه کنیزم غریبه بولمه منی ننم بیچیب سن اوچون یولویوب بو آغ کفنی ولی یقین بولورم دوز چورک ایتیرمزسن بی بین بیچن کفنی کائناته ویرمزسن بی بین ویرن کفنین آیری بیر قداستی وار منی باغشلا رقیه ننمون حاجتی وار یری واریدی ندا خردا قبریدن اوجالا بو خرداجا اوشاقا سویلویه اونازلی بالا بو خلعتی گتیریدون او وقتیده ایکاش بی بیم دیوردی حسین هارداسان گل آی قارداش هایانداسان آنام اوغلی سینمه داغ چکورم چوخ ایستین بالاوی قاره معجره بوکورم 👇👇

زبانحال ساده با آقا امام زمان(عج) اسوب خزان یلی باغ و گلشنه باخ گلشنده سولان گله گل آقا دوت الیمدن قویما دوشوم ایاقدان کرم قیل بو خسته دیله گل آقا باخ منه بیر آن آقا😭😭 قلبیم اولوب قان آقا😭😭 رحم ائت عاشقلرون بو گوزیاشینا هجرون سالوب شرر اورک باشینا ئولسم یازون سیز قبریمون داشینا هردن منی بیر یاد ائله گل آقا جان سنه قربان آقا😭😭 قلبیم اولوب قان آقا😭😭 گلم ائله آه و وایا گئجه لر غمیم گلمز سنسیز سایا گئجه لر دردی دل ائیلرم آیا گئجه لر یانوب دوندوم داخی کوله گل آقا گل بیزه مهمان آقا😭😭 قلبیم اولوب قان آقا😭😭 غم کاسه سی دولوب بوشالدی آقا چوخلی سوزوم اورکده قالدی آقا هجرونده عاشقون قوجالدی آقا یوخدی دوزوم بو نسگیله گل آقا حالیمه باخ یان آقا😭😭 قلبیم اولوب قان آقا😭😭 فراق اوتوندا نقدری من یانیم نقدری یولارا باخیم اوتلانیم گل ئولممیش باشیوا بیر دولانیم یولوی سال بو منزله گل آقا عالمه سلطان آقا😭😭 قلبیم اولوب قان آقا😭😭 باخ گوزومنن آخان اشک آلیمه نظر ائله اوزون یانان حالیمه فدا اولوم سنه یابن فاطیمه گلسون گلر اورک اله گل آقا چتیندی هجران آقا😭😭 قلبیم اولوب قان آقا😭😭 👇

شاعر :عليرضا علوی زنجانی فراق امام زمان (عج) ۱۴۰۲/۱۲/۱۰ 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره بیر گوزلمیش اونو ملک ساندیم ملک ندی بونو من ایناندیم دیدیم ملک بو سوزدن اوتاندیم ملکللر آدین ایدر زمزمه هجرونده دونوبدور گوز یاش سئله گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره جلوه لری باخیش لاری واردی عالمه ناز ایدور نازلی یاردی ملک سیرت و سیما رخسار دی فاطمه اوغلو شیرین گفتاردی عالمین گوزلی گلوب بیله هجرونده دونوبدور گوز یاش سئله گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره مصطفی یه بنزیور گوزلری بالدان داها دادلیدی سوزلری دنیاده یوخدور اونون بنزری بو دور حیدر و زهرا دلبری اولم بیر توکون ویرمم ائللره هجرونده دونوبدور گوز یاش سئله گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره ای شرف عالمیان تز گل مصلح آشوب جهان تز گل آدین اولون ورد زبان تز گل وصفوه قاصدی بیان تز گل الله سنی پای ویروب زهرایه هجرونده دونوبدور گوز یاش سئله گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره ای یوزی گل صحبتی گل مهدی ای گوزی گل گل آدی گل مهدی خلقتی گل گل یادی گل مهدی هر خصلت و اجدادی گل مهدی الله سنی پای ویروب طاهایه هجرونده دونوبدور گوز یاش سئله گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره ای محرم سر خدا تز گل ای نور چشم مصطفی تز گل یرده قالوب قانلی علم تز گل ای وارث آل عبا تز گل جان و دل خیرالنسا گل گل ای رهبر و ای مقتدا گل گل گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 گله جاق آقام گله جاق گولوم مهدی گوزل آدی دوشوبدور دیللره عدل و عدالت داوری مهدی ای عالمینون سروری مهدی ای عسکرینون دلبری مهدی صدق و صداقت مظهری مهدی روح و روان آرام جان گل گل یا مهدی صاحب زمان گل گل گله جاق آقام گله جاق گولوم مهدی گوزل آدی دوشوبدور دیللره 🌺🌺🌺🌺 شاعر :علیرضا علوی زنجانی

فراق امام زمان عج ✍ علیرضا علوی زنجانی اجرا: احسن دهقان #اللهم_عجل_لولیک_الفرج❤️

#نوحه_مادر #اجرا_حبیبی_احسن 🌺🌺😭 روح روانیمسن ننه آرام جانیمسن ننه عمروم بوی گئجه گونوز ورد زبانیمسن ننه لای لای ننه لای لای ننه لای لای ننه لای لای ننه فکریوه من قالام ننه لای لایوی چالام ننه چادر نمازوندن سنون عطریوی من آلام ننه لای لای ننه لای لای ننه لای لای ننه لای لای ننه قلبیمده وار یاره ننه باشیمده وار قاره ننه آیریلیقون یوردی منی دردیمه یوخ چاره ننه لای لای ننه لای لای ننه لای لای ننه لای لای ننه عالمی گوزدن آتموسان تپراقلار اوسته یاتموسان اولدوزلارون یالقوز قویوب آی کیمی سنده یاتموسان لای لای ننه لای لای ننه لای لای ننه لای لای ننه عمونده سینه داغلارام باشیمه قاره باغلارام یاده سالوب محنتیوی دیزلریمی قوجاقلارام لای لای ننه لای لای ننه لای لای ننه لای لای ننه

نوحه ی مادر ✍ ؟؟؟؟ اجرا : احسن دهقان #اللهم_عجل_لولیک_الفرج

‍ سینه زنی اربعین (سبک : برکشتگان کربلا اربعین آمد) عالم اولوب غرق عزا اربعین گلدی اربعین گلدی کرب و بلایه زینب دلغمین گلدی دلغمین گلدی آزاد اولوب شاماتیدن عترت طاها قورتاردی جور و ظلمیدن زینب کبری قید اسارتدن چیخوب دختر زهرا دشت بلایه الغرض چوخ حزین گلدی قرخ گوندی انصار خدا قانه غلطاندی شاه شهید کربلا قانه غلطاندی عباس دریای وفا قانه غلطاندی نعشی عباده خیمیه اکبرین گلدی قرخ گوندی تیر غم هامی دیللره دگدی داغ مصیبت مهجه حیدره دگدی تیر سه شعبه حنجر اصغره دگدی اخیامه اول دلداده آخرین گلدی قرخ گوندی قاسم طوی دوتوب قان حناسیندن هم نوعروسیندن گچوب هم آناسیندن تاب و توان آلدی بو غم آل یاسیندن گویدن بو ایثاره اوگون آفرین گلدی قرخ گوندی گلزار علی ظلمیلن صولدی باغ و چمن بو ماتمه چون خزان اولدی قلب محبان بو غمه قانیلن دولدی دنیایه داغ محنت بی قرین گلدی زینب اوزین قارداشینون قبرینه سالدی سسلندی گور قارداش باجون نه حالا قالدی الدن حسین آرامیمی فرقتون آلدی آچ گوزلرین گور باجوی بی معین گلدی اهل عیالون شکر اولا سر سلامتدی قارداش منی پیر ایلین آیری محنتدی نازلی رقیوندن باجون چون خجالتدی دفن ایتدی زینب شامیده اخترین گلدی یوخدور سالام قبر اوستونه ترمه و شالیم گیتدی اساسیم غارته دوندی احوالیم قوی قانلی کهنه کوینگی قبرووه سالیم باجون ئورکده محنت آتشین گلدی زائر اولار جمله سنه پیر و جوانلار قبرون اوپر کامه چاتار آزاد انسانلار درد اهلی دردینه آلار عمده درمانلار ششگوشه قبره شکرایدور (( آذرین)) گلدی ** کربلایی ودود آذرین خلخال

مرحوم حاج سلیم موذن زاده بر کشتگان نینوا اربعین آمد آل پیمبر کربلا دلغمین آمد

شعر جدید ویژه اربعین در سبک (گل  ای امید دل منتظران) یا  (دورای بهارین گل یاسمنی) از کربلایی مالک محمدی مزارون اوسته گلیرم یارالی  گوزمدن اشگیم الیرم  یارالی باجین فراقه دوزه بیلمز حسین   غمونده والله ئولورم یارالی غم لره یاندیم حسین    گور نه قوجالدیم حسین اوخ داقیدان کوینگون   غم ییمه آلدیم حسین دور ای شهید قرآنیم   دور ای امید طفلانیم گوزوندن آتما گریانم ،حسین نالانم که سندن آیری جانانیم یوخوم درمانیم جهانه سلطان آی قارداش فدای قرآن آی قارداش حسین گتیردیم هامی قیزلاریوی  هم اوغول سیز هم باباسیز لاریوی رقیه دن آلما خبر یارالی  خرابده ئولدی ائلین مارالی دردیوی بیلدی بالام  قانیوی سیلدی بالام گوردی باشین یاراسین     شامیده ئولدی بالام آغلادی دائم گولمدی  غم فراقه دوزمه دی منی گذشت ائت آی قارداش آی قارداش بوغمده زینب  ئولمدی ، باجین ئولمدی جهانه سلطان آی قارداش فدای قرآن آی قارداش

زبانحال حضرت زینب کبری علیها السلام در اربعین دور حسین جان، گلدی یولدان، دیده گریان، باجون، ای شهِ عطشان ای برادر، عرشه بَنذَر، آلتی گوشه، گوزل، قبریوه قربان جان یارالی، جان یارالی جان یارالی، گوزل، قبریوه قربان آیریلاندا، من بوچولدن، قان ایچینده، سنی، قویدوم حسین جان گیتدیم امّا، گوزیاشیله، قارداشیمدان، دیمه، دویدوم حسین جان قولدا زنجیر، چوخ گَلوگیر، گزمیشم من، اوگون، کوفه ده قارداش ناقه اوسته، زار و خسته، غملی زینب، گَزیب، ناقه ده قارداش غم دیاری، اولدی کوفه، آتدیلار داش، بیزه، هریاندا قارداش غیرتوندن، چوخ اوزاخدی، یاتمیشام بیر، گجه، زنداندا قارداش یولدا اَز بَس، اینجیدوبلر، قوم عدوان، بیزی، افغانه گلدوخ هی ووروبلار، هی دویوبلر، درد الیندن، حسینیم، جانه گلدوخ گلدی هر غم، دینمه دیم من، صبرقیلدیم، گَلَن، رنج و عذابه وای اوگوندن، چکدی دشمن، غم قطارین، حسین، شامِ خرابه اَلده اودلی، نِی لَریله، مَرد و زَن لر، چخوب، بعضی سی بامه بیر مُنادی، سسلَنوردی، ای جماعت، گلوب، خارجی شامه کوچه کوچه، شهر شامی، بیز دولاندوخ، اورک، گلوبدی درده گون باتاندا، زارو نالان، یِر ویریبلر، بیزه، خرابه یرده اوگجه کی، گلدی باشون، بیر طَبَقده، بیزی، آغلاتدی قارداش باخدی باشه، تا رقیّه، ووردی باشه، بیزی، آغلاتدی قارداش جان ویرنده، او یَتیمه، اهلبیتین، او قیز، قلبینی سیخدی غُسل ایدنده، دفن ایدنده، عمّه سی نین، ولی، ایوینی یخدی کَفَن اولدی، قاره کوینک، دویولَن قیز، سالوب، قلبه شراره اوز اَلیمله، قبر قازدیم، صورا یازدیم، آدین، سنگِ مَزاره باش گوتور بیر، باری دیندیر، بو ربابین، حسین، یاماندی حالی کربلادن، شامه قارداش، هی دییوبدی، بالام، گیتدی یارالی ای برادر، قویمییبلَر، بیر دویونجا، سنه، آغلیه زینب تازیانه،هی ووروبلار، قویمییبلَر، اورک، داغلیه زینب بولوسن سن، (بیکَسم) من، دویمادیم من، حسین، آه و نوادن وطنه من، گیده بولمَم، گیدوم آخر، نجه، کرب و بلادن #اربعین التماس دعای فرج الاحقر مهدی عبادی

دور حسین جان ، گلدی یولدان دیده گریان باجون ، قبریوه مهمان

شعر اربعین 🔻 دور یاتما زواریم گلور قارداش ابولفضل یورقون بالالاریم گلور قارداش ابوالفضل قرخ گونون عرضینده باجیم گورنه قوجالیب سوسوزلوقدان بالالاریم سولوب سارالیب معلوم اولان بیر عده سی یولاردا قالیب محرم اسراریم گلور قارداش ابوالفضل چوخلی مصیبته دوزوب کرب و بلاده کوفه و شامی دولانوبیب پای پیاده بیر نظر گوزدن قویموب منی جداده یار وفاداریم گلور قارداش ابوالفضل واردور باشیندا زینبین چوخ ماجراسی باجیمون گلمز شماره درد و بلاسی توخدامیب ئورگینین هله یاراسی قافله سالاریم گلور قارداش ابوالفضل دور پیشواز ائت زینب نالانی قارداش آغوشینه وئر اصغر عطشانی قارداش جانیم اولا زینبمین قربانی قارداش یاتما اویان یاریم گلور قارداش ابوالفضل نهضتی احیا ایلین زینبدی زینب برپا قیامت ایلین زینبدی زینب یزیدی رسوا ایلین زینبدی زینب وفالی دلداریم گلور قارداش ابوالفضل بو کاروانیله گلور حسینین جانی دور یاتما استقبال ایله بو کاروانی وئر زینبین آغوشینه اوخلی قربانی غم گونی غمخواریم گلور قارداش ابوالفضل اصغره لای لای دیئری آغلیری زینب اوغلی ئولن آنالاری داغلیری زینب قرخ گوندی باشینه قرا باغلیری زینب یورقون عزاداریم گلور قارداش ابوالفضل شاعر : حاج صمد قاسمپور #اللهم_عجل_لولیک_الفرج #اربعین۱۴۰۰ #یاامام‌حسین‌ع #حاج_صمد_قاسمپور

🍁 بسم الله الرحمن الرحیم 🍁 🏴احوالات اربعین دورشامیدن حسینـجان زینب عزایـه گلـدی بـو کـاروان خستـه کـرب و بـلایـه گلـدی خوشگلـدیـن ایله قـارداش بوغملی کاروانـه دیـل یـاره لی اوشاقـلار آه و نـوایـه گلـدی قبـرون تـوزون برادر گوزیـاشیمیله سیللـم گاه آغـلارام اوره کدن گاهی باشینـدا گوللـم دینـجلمیـشم حسیـن جان دیـداریوه گلنـن درد و دیـل ائتـمسم من قبـرون باشینـدا ئـوللم گوز آچ منـه دئ قارداش ، زینب سنـه نه گلـدی ظلمیـله قیـزلاریـوا یوللاردا قمچی دَیـدی اوچ یاشـدا نـازدانن تشت ایـچره گوردی باشیـن ای وای منـه برادر غم تیــری قدّیـم اَیــدی غم غصه سی چوخ اولـدی درد فـراقـه یانـدی آلدی قوجـاقه باشون اوپـدی دئـدی آمـانـدی ای وای بابا دئـدیم گل اما بو حالیلن یـوخ بی هوش اولوب گئدنـن حالیـم منیـم یـامانـدی قارداش خجالت اولدوم سنن، اورک غمینم دور کاروانـی گتـدیم زوار اربـعیـنم قیخ گونـدی دوزموشم من درد و فراقه یاسلی کرب و بلا ده اینـدی مهمان شاه دیـنم شامین یولونـدا قارداش غم غصه دن سارالـدیم قیزلاریوه وروبـلار داش من نه حاله قالدیم هی سسلدیم سکینـه ای وای دئـدیم رقیـه دینـدیر منی دانیشتیـر قارداش یـامـان قوجالـدیم گـوز یـاشلـی نوکریـن وار آدی (علی اصغر) شرح حالیـم یـازوبـدی بـو اربعیـن بـرادر قبرینـده اَول شب گوز یولـدا قویـما قالسیـن دوز دور گنـاهی چوخدور ئول قبـر ایچینـده یـاور ✍ علی اصغرعباسعلی نژاد کیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

با نوای کربلایی حمید قهرمانی

‍ السلام ای شه بی قرینه دعوت ایله بیزی اربعینه وئربیزه توشه قانلارگلیب جوشه ای قبرشش گوشه      ابی عبدالله ای گل رضوان ای منبع ایمان ای قبر شش گوشه    ابی عبدالله غرق اله روحیمی عشق وصفایه دعوت ایله بیزی کرب وبلایه ثارالله ائتمیشم یاحسین من اراده کربلایه گلم پای پیاده ئولمسم گلم دیلده شرار غم الده قراپرچم موکب به موکب بوخیالیله غم قلبیمی داغلار بوگوزلریم  اغلار هرروزوهرشب بااخ بیزه چون باخارشهلر گدایه دعوت ایله بیزی کرب  وبلایه ثارالله ثارالله ثارالله #السلام_ای_شه_بی_قرینه