عرض ارادت به علی بن موسی الرضا(ع) 🌹🌹🌹🌹 ای صفای قلب زارم هر چه دارم از تو دارم تا قیامت ای رضا جان سر ز خاکت بر ندارم منم خاک درت غلام و نوکرت مران از در مرا به جان مادرت علی موسی الرضا .... غیر تو یاری ندارم با کسی کاری ندارم گر مرا از در برانی جای دیگر من ندارم تو خوبی من بدم به این در آمدم به جان فاطمه مکن مولا ردم علی موسی الرضا علی موسی الرضا .... به دلم کن یک نگاهی تا نماند یک گناهی به یقین با یک نگاهت می شوم دور از تباهی نگاهم سوی تو بهشتم کوی تو دلم خورده گره به تار موی تو علی موسی الرضا علی موسی الرضا علی موسی الرضا... تو رئوف و مهربانی قبله ی درماندگانی ز تو ممنونم دلم را در حریمت می کشانی الا ای یار من تویی دلدار من نظر کن بر دل سیاه و زار من علی موسی الرضا علی موسی الرضا.. **دل به امید تو بستم بر سر راهت نشستم چون رسد جامت به دستم از می عشق تو مستم امیر کاروان امان ای الامان مرو پیشم بمان امام مهربان علی موسی الرضا علی موسی الرضا علی موسی الرضا.. جان به قربان نگاهت دل فدای روی ماهت سینه بگشا تا بیایم ا ی رضا جان در پناهت منم دیوانه ات مقیم خانه ات تویی باغ گل و منم پروانه ات علی موسی الرضا علی موسی الرضا... ای همه بود و نبودم خاک تو مهر سجودم از ازل مهرت سرشته بر تمام تار و پودم نظر کن بر دلم اگرچه غافلم دعا کن کربلا کند حق شاملم علی موسی الرضا... ای امام هشتمینم نور رب العالمینم نظری کن تا که روزی روی ماهت را ببینم دلم سرمست توست فقط پابست توست کلید مشکلم فقط در دست توست علی موسی الرضا علی موسی الرضا ... ✍بقلم استاد حاج علی ملائکه

عرض ارادت به امام رضا علیه السلام ✍ بقلم استاد حاج علی ملائکه اجرا : احسن دهقان #اللهم_عجل_لولیک_الفرج

حضرت زینب سلام الله علیها قاپوسین کیم دوگه ای دل نظر ایلر زینب نظر ایتسه سوزومی پر اثر ایلر زینب سائل درگهینی مفتخر ایلر زینب مس جان قابل فیض ائلسا زر ایلر زینب عاشق بی خبری با خبر ایلر زینب قلبلر ملکنی زیر و زبر ایلر زینب باب زینب در رحمتدی دینن یازینب آتاسی شاه ولایتدی دینن یازینب آناسی محور خلقتدی دینن یازینب ئوزی دریای کرامتدی دینن یازینب من دیسم کیمدی که برج شرفه کوکبیدی سن دینن شیر زن کرب و بلا زینبیدی صاحب منطق برّان کیمیدی؟ زینبیدی پرچم دینی اوجالدان کیمیدی؟ زینبیدی حافظ مکتب قرآن کیمیدی؟ زینبیدی اوکه حقّی ایدوب اعلان کیمیدی؟ زینبیدی شهدا قانینه آمِن کیمیدی؟ زینبیدی اسرا جانینه ضامن کیمیدی؟ زینبیدی قورخودار جنگیده هر عورتی قان منظره سی قتلگاهین قانیدی، میمنه و میسره سی شادلیق ایلورده قوشون بیر باش النده هره سی گوردی مین خنجر ایشین بیر خانمین حنجره سی نطق ادوب حقّی دیریلدن کیمیدی؟ زینبیدی آل سفیانی کیچیلدن کیمیدی؟ زینبیدی کیمدی زینب باشی طوفانلی علمدار قیام حَسنی خوی و حسین پیشه و عباس مرام یِدّی معصومیله هم عصر، سخن گوی امام آناسندان صورا یوخ ئوزگه خانمدا بو مرام دستپروردۀ زهرا کیمیدی؟ زینبیدی دانش آموز تولّا کیمیدی؟ زینبیدی زینبون پاک آدی هر یرده یازیلسا علمه با وضو گَل ایله بیل وارد اولورسان حرمه غفلت ایتمه یازیلار مین حسنه هر قدمه نیلیوبدی گور او بانوی ملائک خدمه جمع نسواندا سرآمد کیمیدی؟ زینبیدی حامی دین محمّد کیمیدی؟ زینبیدی ای قلم یازما نلر چکدی حسینون باجیسی قلبیده تخم وفا اکدی حسینون باجیسی زین اب، فاطمه مسلکدی حسینون باجیسی عشقیده مرتبه ده تکدی حسینون باجیسی ایله تک قالدی گیدوب قید آرادان آغلاماقا بیر نفر اولمادی حتی گوزونی باغلاماقا دللره سالماقا طوفان فلک ایتدی عجله بو ترابین قیزینی سالدی کمند اجله دولدی جان اوسته گوزی گلمدی مقصودی اله باجیدی حسرتی وار قارداشی تشییعه گله هی صاقا باخدی صولا باخدی دیدی جان یارالی نگران باجی یولا باخدی دیدی جان یارالی هارداسان ای آدی خاطرده محبت سندیم منتظر عاشقیوم گوز یاشی غربت سندیم آغاران باشدی فراقونده فراغت سندیم قمچی لر ردّی وجودیمده شهادت سندیم قوی دیسونلر حرمندن اوزاق ئولدوم قارداش من او گودالیده سندن قباق ئولدوم قارداش آند اولا فاطمه نین باشدا قرا معجرینه آند اولا کوچه هاشمده قوپان محشرینه بلورم ثبت اولوب آدیم اسرا دفترینه آخر خطده قوشولّام شهدا لشکرینه عاشقم ایستمورم عشقیمی قلبمده بؤلم بویودی عهدیم حسین قمچی لر آلتندا ئولم آخ گوروم مکتبوین یاری چوخ اولسون یارالی عشقیوین رونق بازاری چوخ اولسون یارالی قبریوین عاشق دیداری چوخ اولسون یارالی یاز ئوزون تذکره زواری چوخ اولسون یارالی کعبه مولودینون اوغلی، نه نیازون گلنه قره احرامیله کعبه ئوزی زائردی سنه

نوحه اربعین حسینی(ع) در سبک: #یا_امام_زمان_شیعه_ده_احساسه_باخ ده یا حسین دور باجون قبریوه مهمان گلوب اربعین   دوتماقا     زینب    نالان   گلوب                  ____ ای شه کربلا       ،      سنه جانلار فدا یاحسین جان     ،      یا حسین جان •••••••••••••••••••••••••••••••• پاک   آدون  یاحسین تا به  اَبد  زنده دی کیم  اولا   مُنکرون   دهریده  بازنده دی حافظ    نهضتون    زینبِ     ارزنده دی مکتب   عشقیوه اولدی   نگهبان، گلوب •••••••••••••••••••••••••••••••• بو خانیم نُطقیله حَق یولون عُنوان ائدوب کوفه و شامیده خُطبه سی طوفان ائدوب اُموینی  کاخینی  خاکیله   یکسان  ائدوب اُول یزیدون ائدوب قصرینی ویران، گلوب •••••••••••••••••••••••••••••••• اُسرانون  اولوب   یاریله   هم   یاوری جان کیمی گوزلیوب  عترت  پیغمبری ولی    ویرانَه  دَه    قالدی   مه ِ  اَنوری بختی قاره قیزون دفن ائدیب، اَلان گلوب •••••••••••••••••••••••••••••••• زینبم  من  دِیور  قارداش   عزاداریوَم قِرخ گجه گون اولار حسرت دیداریوَم گلمیشم    میهِمان     قبریوه   زوّاریوَم دور  اَخا  زینبون   زار و پریشان  گلوب •••••••••••••••••••••••••••••••• یاحسین  قبریوه  قلبیده قان  گلمیشم غُصّه لر یورقونی خسته روان  گلمیشم بوکولوب قامتیم ، قَدّی  کمان   گلمیشم یارالی دور باجون خَسته دی یولدان گلوب •••••••••••••••••••••••••••••••• گلمیشم   تا   گورَم  بیرده  گل  یاسیمی اکبر  و  اصغر   و عُونیله  هم  قاسیمی قولی تندن  جُدا ،  تشنه  لب  عبّاسیمی کسیلن   قوللارا   زینبی   قُربان   گلوب •••••••••••••••••••••••••••••••• واریدی بیر گونی جاه و جلالون سنون یارالی دور  گوروم بیرده  جمالون سنون قبرون اوسته گلوب اهل و عیالون سنون خَسته  دِل   عترتون   پاره  گریبان  گلوب •••••••••••••••••••••••••••••••• دئموسن بس هانی خیرداجا هم سنگرون قالدی    ویرانه دَه   دختر   غَم   پَرورون دَفن  ائدیب   گلمیشم   مادریمه  بَنذرون غَزل   عُمرینه    شامیده     پایان    گلوب •••••••••••••••••••••••••••••••• ✏️ احمد کاظمی

🍁 بسم الله الرحمن الرحیم 🍁 🏴احوالات اربعین دورشامیدن حسینـجان زینب عزایـه گلـدی بـو کـاروان خستـه کـرب و بـلایـه گلـدی خوشگلـدیـن ایله قـارداش بوغملی کاروانـه دیـل یـاره لی اوشاقـلار آه و نـوایـه گلـدی قبـرون تـوزون برادر گوزیـاشیمیله سیللـم گاه آغـلارام اوره کدن گاهی باشینـدا گوللـم دینـجلمیـشم حسیـن جان دیـداریوه گلنـن درد و دیـل ائتـمسم من قبـرون باشینـدا ئـوللم گوز آچ منـه دئ قارداش ، زینب سنـه نه گلـدی ظلمیـله قیـزلاریـوا یوللاردا قمچی دَیـدی اوچ یاشـدا نـازدانن تشت ایـچره گوردی باشیـن ای وای منـه برادر غم تیــری قدّیـم اَیــدی غم غصه سی چوخ اولـدی درد فـراقـه یانـدی آلدی قوجـاقه باشون اوپـدی دئـدی آمـانـدی ای وای بابا دئـدیم گل اما بو حالیلن یـوخ بی هوش اولوب گئدنـن حالیـم منیـم یـامانـدی قارداش خجالت اولدوم سنن، اورک غمینم دور کاروانـی گتـدیم زوار اربـعیـنم قیخ گونـدی دوزموشم من درد و فراقه یاسلی کرب و بلا ده اینـدی مهمان شاه دیـنم شامین یولونـدا قارداش غم غصه دن سارالـدیم قیزلاریوه وروبـلار داش من نه حاله قالدیم هی سسلدیم سکینـه ای وای دئـدیم رقیـه دینـدیر منی دانیشتیـر قارداش یـامـان قوجالـدیم گـوز یـاشلـی نوکریـن وار آدی (علی اصغر) شرح حالیـم یـازوبـدی بـو اربعیـن بـرادر قبرینـده اَول شب گوز یولـدا قویـما قالسیـن دوز دور گنـاهی چوخدور ئول قبـر ایچینـده یـاور ✍ علی اصغرعباسعلی نژاد کیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨

احوالات اربعین ✍ علی اصغر عباسعلی نژاد کیوج سراب اجرا : احسن دهقان #اللهم_عجل_لولیک_الفرج

زبانحال اربعین یقینم کربلا شد عمه نزدیک که بوی مشک و ناب و عنبر آید مهار ناقه را یکدم نگهدار به استقبال لیلا، اکبر آید مکن منزل در این صحرا که ترسم دوباره شمر دون با خنجر آید گلنده کرب و بلایه زینب غمگین زبانحالیدی گویا بیله بویورد حسین دور قبریدن عباس علمین آل اله قارداش پیشواز ایلیون گلدی گیدن قافله قارداش قویما اوجالا آتلاریزون شیه صداسی قورخار بالالار ایلمیون هلهله قارداش بیر سس گلوری دیلدن آلور صبر و قراریم لیلا سسیدی اکبری سسلور گله قارداش گهواره چیخاردون قاباقا بلکه ربابین لای لای سسینی  قبریده  اصغربوله قارداش

ای منی درده سالان ناشی قالان بلالی چوللرده😔🖤😔🖤😔🖤 🥀💐🥀💐🥀💐🥀💐 بانوای کربلای .🖤🖤فیاض😔😔😔اربعین 📝 جعفر فتح اللهی ( شاکر ) ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان _مداحی #رضااا_ابوالحسنی

#اربعین_آمد_دلا #اربعین_روضه #جواد

بهزاد قاسمی اردبیلی . زینبم من یوخ توانیم ، باغ امیدیم سولوب اربعینوندور حسین جان ، ابر احساسیم دولوب قبریوه بیر دسته یورقون یاسمن زوّار اولوب سالمیشام منده بو قبرین اوسته قانلی جامه وی گوز یاشیملان تا یازام قارداش زیارتنامه وی . اَلسَّلام ای ذبح اعظم ای شهید بی کفن اَلسَّلام ای لبلری آب فراته ناز ائدن اَلسَّلام ای قتلگاهه هم سوسوز هم آج گیدن اَلسَّلام ای عمرینه پایان جاویدان وئرن اَلسَّلام ای گونلرین آلتیندا عریان جان وئرن . اَلسَّلام ای مغرب گودالیده آی تک باتان اَلسَّلام ای نازدانه قیزلارین گوزدن آتان اَلسَّلام ای قانلی باشی کوللر اوستونده یاتان اَلسَّلام ای دفترعرفانی نوریلن یازان اَلسَّلام ای ئوز الیلن اصغرین قبرین قازان . دور منه سس وئر سلامیم قویما قالسون بی جواب قالمیوب اهل و عیالونده حسین جان صبر و تاب آند اولا زهرایه قارداش آز قالور ئولسون رباب معجرین باشدان آچوب ، گوزدن توکور اشک ترین قبریوون اوسته دوشوبدور ، سندن ایستور اصغرین . یول یوروبدور کاروانی یورقونوق یوخ تابیمیز آسمان غمده مدّتدور باتوب مهتابیمیز گلمیشوک دیداریوه آی بی کفن اربابیمیز معرفت بازارینون بیز نابغه تجُّاریوک دور ئوزون خوشگلدون ائله اربعین زُوّاریوک . میهمانوق بیز سنه مهمان نواز اول ائتمه ناز آلمیشوق عشق عالمینده گوز یاشیلان دستماز دور اذان وئر تا قیلاق با هم ایکی رکعت نماز گوگلوم ایستور عشقیمی دنیایه اثبات ایلیم باشوین قانی آخان یرده مناجات ایلیم . من بورا گلدیم بو گون تا سنله دیدار ایلیم عشق دیوانین آچام ، بیر یولدا گفتار ایلیم ئوز قیامیمدن سنی قارداش خبردار ایلیم شکر اولا پروردگاره رو سفید اولدوم حسین عامل سرکوبیِ آل یزید اولدوم حسین . پرچم قرآنی قالخیزدیم گویه سقّا کیمین ذلّته باش اگمدیم حوّا کیمین ، سارا کیمین ئوز امامیمدن دفاع ائتدیم ننم زهرا کیمین سسلدیم حقدور حسین ، عشقین باشیمدان آتمارام من اونون تک بیر توکون هفت آسمانه ساتمارام . دوزدی ظاهرده گئدوب الدن جلال و منصبی علقم اوستونده یاتوب عباس تک هم مکتبی سیزلری خوار ائتمگه امّا هله وار زینبی مکر و تهدیدیله سینماز زینبین شخصیتی وار منیم چادر شبیمده ذوالفقارین قدرتی . الغرض قارداش او گون من عشقی تفسیر ایلدیم نطق آتشباریمی برّنده شمشیر ایلدیم من یزیدی کاخ خضراسینده تحقیر ایلدیم ثابت ائتدیم عالمه ئوز عهدیم اوسته صادقم تک باجی یوخ ، اللی دورت ایلدور حسینه عاشقم . ایندی امّا خسته یم ، صبرین لباسین سویموشام عمریمی سودای عشقونده ضمانت قویموشام آند اولا ئوز جانیوه دای زندگیدن دویموشام یوخ توانیم ، قاره بختیم تک باشیمدا قاره وار گویلرین اولدوزلاریندان چوخ قولومدا یاره وار . آی یاریمدور در بدر دور یثربون آهولری شانیه حسرت قالوبدور شانه سیز گیسولری کعب نیزه یلن سینوب بعضی لرین پهلولری چوخ سوزی من آچمورام ، چون محنت عظماسی وار زینبون بو کارواندا گور نچه زهراسی وار . انقلابیم ووردی قارداش سینۀ اشراره اوخ سن منه سس وئرمَسوندَه ، وئرمه ، نینَک عیبی یوخ تکجه بیر خواهش واریم سندن ، ثوابی چوخدی چوخ گر چه زحمتدور ولی سعی ائله اجرا ائت حسین بیر گجه امکانون اولسا شهر شامه گئت حسین . اوردا چون ایستکلی بیر قیز واردی چوخ ایستر سنی او منه خردا باجیدی ، قویدی امّا تک منی قبرینی قازدیم اوزوم ، ویرانه اولدی مدفنی گورمَدی خوش گون جهاندا ، گِتدی جاه و منصبی الله عالمدی اونون دردی قوجاتدی زینبی . هی دئیردی هاردا بس قالدی منیم مظلوم بابام دای داریخدیم عمه جان ، یوردی منی بو شهر شام اینجیدیم یول گوزلمکدن ، کاش اولا عمروم تمام آغلورام از بس کی من ، قانه دونوب گوز یاشلاریم نه بابامدان بیر خبر وار ، نه گلور قارداشلاریم التماس دعا عدلی تبریزی