بی وفا دنیا آیرلیق بانوای کربلایی ناصر داوری سقین سرا به سبک عجب رسمیه رسم زمانه شعرترکی به سبک عجب رسمیه عجب رسمیدی رسم زمانه عمروللر دونر آخیر خزانه گئدرانسانلار اولاردان فقط بیر آد قالاجاق بیزه نیشانه آمان آیریلق آمان آیریلق اولار دنیاده یامان آیریلق *** آیرلیق سُوزی قلبی یارالار هانی آتالار هانی آنالار گدیبلر الدن،ایتوبلر گُوزدن حسرت قالیبدی یورقون بالالار آمان آیریلق آمان آیریلق اولار دنیاده یامان آیریلق شاعر:فرهاد فکری

🥀شام غریبان حضرت زهرا س زبانحال امیرالمومنین علیه السلام🥀 🎶به سبک :( ای نور عینیم منزل مبارک) زهرای اطهر ، منزل مبارک طاهایه مظهر ، منزل مبارک آخشام چاغیندا ، گون مثلی باتدون اهل و عیالون ، تِز گوزدن آتدون خسته یارالی ، قبر ایچره یاتدون قبرون منوّر ، منزل مبارک عمرون آز اولدی، دردون چوخ اولدی سینمده هجرون ، غملی اوخ اولدی دار و نداریم ، بیر دَن یوخ اولدی ای دُرّ و گوهر ، منزل مبارک اوت توتدی قاپی گلدون نوایه اولدون فدا سن دین خدایه سن مندن اوتری ، دوشدون بلایه ای جان حیدر ، منزل مبارک شمع شبستان ، دخت پیمبر یر گویلره هم ، جناته زیور ای حلم و فضلی ، عالمده برتر قرآندا کوثر ، منزل مبارک رَختِ وفانی ، تندن سویوبسان زهرا علینی ، بیکس قویوبسان سولموش حسیندن ، نه تز دویوبسان سنسیز او نِیلَر؟ ، منزل مبارک گویده بولوتلار ، گور نه دولوبدی زینب غمونده ، زلفون یولوبدی ایوده بالالار ، گول تک سولوبدی گول مثلی پرپر ، منزل مبارک غسلون وئرنده ، قلبیم سیخیلدی روحیم بدندن ، مین یول چیخیلدی دردون بیلندَن ، ائویم یخیلدی بانوی محشر ، منزل مبارک هانی او گونلر فورا دوراردون حسن حسینون ، زلفوون یوواردون زینب تلینه ، شانه وراردون ای حالی مضطر ، منزل مبارک هانی او گونلر قرآن اوخوردون یاسینیله الرّحمن اوخوردون یانیب حسینه کوینک توخوردون یاندی اورکلر ، منزل مبارک ✍شعر : بهمن جعفری اجرا : احسن دهقان #اللهم_عجل_لولیک_الفرج

مداح : کربلایی حمید نادری(شهرستان بیجار) شاعر : مرتضی اسکندری(ساعد) زنجانی متن شعر:👇👇👇👇👇👇👇👇

نوحه شهادت حضرت زهرا سلام الله علیها👇👇👇👇👇👇👇👇👇👇👇👇          ای  منیم       یار         مهربانیم          مرتضی    تکدی   یاتما   زهرا         دور عم اوغلون قالوب آدامسیز         حیدری   گوزدن   آتما     زهرا آز منیم  ،  قلبیمی      آلیشدیر     یارالی حیدرون  ،  گویلون آل دانیشدیر یارالی         غریبم من       غریبم من(٢) 🍁🍁🍁🍁🍁🍁🍁🍁🍁🍁🍁🍁🍁🍁        ای  مه  بی قرینه     یاتما        آبروی     مدینه       یاتما        گیجه یاری  سو ایستنده        کیم ویر سوحسینه یاتما گوزلرون ، لکه   قانی   یاندیردی   منی سینه وون ، یاره سی  اوتاندیردی منی       غریبم من     غریبم من(٢)   🍁🍁🍁🍁🍁🍁🍁🍁🍁🍁🍁🍁🍁🍁         آچ گوزون ای سحاب رحمت         زینبون    قلبی  قاندی زهرا         دور  ایاقه حسینی  دیندیر         گورنجه    ناگراندی   زهرا قیزلارون ، آب  و  دانه  ایستر  یارالی زینبون  ،  زلفی   شانه  ایستر  یارالی       غریبم من    غریبم من(٢) 🍁🍁🍁🍁🍁🍁🍁🍁🍁🍁🍁🍁🍁🍁         آچ گوزون  مرتضانی دیندیر         آزمنیم    قلبیمی    آلیشدیر         کوسموسن    روزگار الیندن         لا اقل      زینبی    دانشدیر کوچه نون  ،   ماجراسی   آغلاتدی    منی یثربون  ،  اهلی چوخ  اوجوز ساتدی منی       غریبم من     غریبم من(٢) 🍁🍁🍁🍁🍁🍁🍁🍁🍁🍁🍁🍁🍁🍁         مجتبادن    اشیتدیم     الآن         کوچه نون غملی ماجراسین         تیتریور   اللریم      باغیشلا         باغلورام سینه وون یاراسین آغلارام  ،  قبره   نیمه شب   گیتمه گیوه سینه وون ،  یاره سین   نهان ایتمه گیوه       غریبم من    غریبم  من(٢) 🍁🍁🍁🍁🍁🍁🍁🍁🍁🍁🍁🍁🍁🍁         اللریم    باغلی اولماسیدی          یثربی  قانه    دوندرردیم          باشینی    ثانی    پلیدین         من ابوبکره     گوندرردیم باغلیوب  ،  ختم الانبیا     قولاریمی ووردولار  ،  آلدیلار الیمدن  واریمی       غریبم من    غریبم من(٢) 🍁🍁🍁🍁🍁🍁🍁🍁🍁🍁🍁🍁🍁🍁 التماس دعا شاعر:مرتضی اسکندری(ساعد)زنجانی

🔳 بسم الله الرحمن الرحیم 🔳 اَللّهُمَّ صَلِّ عَلی فاطِمَة وَ اَبیها وَ بَعْلِها وَ بَنیها وَ سِرِّ الْمُسْتَوْدَعِ فیها بِعَدَدِ ما اَحَاطَ بِهِ عِلْمُکَ وصیت حضرت فاطمه زهرا (سلام الله علیها) به امیرالمومنین حضرت حضرت علی  (علیه السلام) ☑️  سبک ( سن آغلاما  ) ✍ دلنوشته حاج علی زلفی تبریزی ___ قیتمین مسافرم یول اوستیم سن آغلاما حلال ایله عم اوغلی زار و خستیم سن آغلاما بو آخرین نفس ایشیت اورک سوزون وفا شعار من اولماسامدا لطف کردگاره اول امید وار بو دورت یتمه نین سنه عم اوغلی احتیاجی وار بالالارا انیس و پای بستیم سن آغلاما بو عشق جامه سین نحیف  جسمیدن سویانمورام بو اتفاق و وصلیمیز اولور تمام اینانمورام دیزیمده یوخدی طاقتیم ایاقه دای دورانمورام یازیم بوئیدی دهریدن گسستیم سن آغلاما نه عزت و کرامت ایلیوب خدا عطا سنه همین سببدی فاطمه اولوبدی مبتلا سنه نه قول نه سینه یاعلی جانیم اولا فدا سنه سنون یولوندا جانیدن گذشتیم سن آغلاما منیم قولوم سینوب  عم اوغلی جان دیلون داریخماسین یانقلی قلبیوی بیله بلا کمندی سیخماسین گولوم خزان اولوب گوزون یاشی عذاره آخماسین آز آغلا قیل نظاره دل شکستیم سن آغلاما بو آیریلیق بو فرقته مشیت ایتدی اقتضا اراده و رضای حقه گویلوم اولموش ارتضا داریخما صبر ایله علی یازان یازوب بیله قضا آدونلا جان ویرن زمان خجستیم  سن آغلاما بالام حسین هارا عم اوغلی خاک کربلا هارا واریم خبر بلا چولونده وار نه غملی ماجرا اویرده زینبیم دوشر غمه اولار گونی قرا اگر اویرده وا حسین سسلیم سن آغلاما خزان گیدر داریخما (زلفی)فصل نوبهار اولار او کس که دشمن علیدی بو جهاندا خوار اولار دوباره یاز او مصرعی گورن تیز اشکبار اولار قیتمین مسافرم یول اوستیم سن آغلاما #حضرت_فاطمه_زهرا #فاطمیه_خط_مقدم_ماست #علی_زلفی_تبریزی 👇

🔳 بسم الله الرحمن الرحیم 🔳 قال رسول الله (صلي الله عليه و آله و سلم) فاطمة بضعة منی من اذاها فقد آذانی ومن آذانی فقد آذی الله «فاطمه پاره تن من است،هرکس اورا برنجاند مرا رنجانده وهرکس مرا برنجاند به تحقیق خدا را رنجانیده است.» زبانحال حضرت امیرالمومنین حضرت علی (ع) بعد از شهادت حضرت فاطمه زهرا (س) ☑️ (((( سینه زنی )))) ☑️ سبک (( این گل را به رسم هدیه )) ✍ حاج علی زلفی تبریزی _________________________ محزون زار و دل آزرده غملر یورقونی افسرده تیز دوشدی گوزوندن گلشن اولدون مثل گول پژمرده زهرا وای منه دویوبسان جاندان قلبی یاندیرار امان هجراندان قالدیم دردیوه من عاجز درماندان ای آرام جان ای روحه روان غمدن باغریقان سس ویر یالقوزام _________________________ دخت مصطفی ای ذیشان حیدری چخاتما یاددان دور گور محنتونده بانو قلبیم نه اولوبدی شان شان یاندری منی بو داغ حسرت آیرلیق بیزه تیز اولدی قسمت سینم یاندی دور ایله منله صحبت ای آرام جان ای روحه روان غمدن باغریقان سس ویر یالقوزام _________________________ ای زینت به کون و امکان ای جدی رسوله ریحان تاب قلب حیدر سن سن ای دریای عشقه رجحان باخ سینمده کی بو آه سرده دردون اوستونه چکوبسن پرده دور گور مرتضی نه توش اولدی درده ای آرام جان ای روحه روان غمدن باغریقان سس ویر یالقوزام _________________________ زهرا ای نسیم اطیب چرخ عصمته ای کوکب بو امره یقینیم واردی قان آغلار غمونده زینب دنیانی پوزار بو سوز آهیم دور سس ویر منه دوتولموش ماهیم تک قویما منی امیدیم پناهیم ای آرام جان ای روحه روان غمدن باغریقان سس ویر یالقوزام 🖤🖤🖤🖤🖤🖤🖤🖤🖤

🔷🔷🔷🔷 🔷🔷🔷 🔷🔷 🔷 قورتلدی عاقبت شب ظلمت دوروم گیدوم باشه یتیشدی فرصت خلوت دوروم گیدوم تاپشیرمیسان کنار مزارینده اگلَشَم اجرا اولوب بو بند وصیت دوروم گیدوم گیدسَم یولوم او سَن دوگولَن کوچه دن دوشَر قالسام حسینی ئولدوری محنت دوروم گیدوم ایندی حَسن اووشدوروری اودلی سینه سین سَسلور یتون هرایه بو ساعت  دوروم گیدوم هر دم باخور او قانه باتان گوشواره وه دلدن سالار بو حسرت فرقت دوروم گیدوم واردور یری که زینب آلا  ساچلارین اله آلسا به پادی شور قیامت دوروم گیدوم گُلثوم گوز تیکیبدی یانان آستانیمه یول گوزلیور او کان محبت دوروم گیدوم هِی جانمازیوی گوتورور باغرینا باسیر لازمدی تا ائدَم اونا رأفت دوروم گیدوم سن تک علیده کاش گَلوب قبریده یاتا درد ایلیوب قراریمی غارت دوروم گیدیم هر نینیرم مزاریوی ترک ایلینمیرم دیندیر گَله وجودیمه طاقت دوروم گیدوم بیر حاله قالمیشام گورن احوالیمه یانور اوز جانیمه بو باره ده مِنٓت دوروم گیدوم گلدیم بو گیر و داریده جویای حال اولام سویله اورکده وار نه حکایت دوروم گیدوم غسلون ویرنده آغلادی قان زخم میخ در باشیم چَکوب دئیوم نه مصیبت دوروم گیدوم گوز یاشیمی جراحتیوه مرهم ایلدیم مرهم گوتورمدی او جراحت دوروم گیدوم وار خاریله گولون بوله بولمَم نه نسبتی یخدی علی ایوین او قساوت دوروم گیدوم مسمار یاره سی هَلٓه قان آغلور حالیوه ایلر بو غم مماته کفایت دوروم گیدوم هر قَدر یاره واردی او تنده مین ایله وار... داغلی اورکده زخم شماتت دوروم گیدوم باتقین سَسیم یتیشسه سَنه ایلمه سکوت سَس ویر منه گَل ایله حمایت دوروم گیدوم کوچه سوزی پوزور منیم افکاریمی هرآن روحیم چَکور او غمده اذیت دوروم گیدوم ثانی گونون گون اورتا چاقی سد راه ایدوب سویله بو ظلمه قویدی نه علت دوروم گیدوم قالدی نه حاله گوردی یوزون تا رسول حَق سویله اولوم بو باره ده راحت دوروم گیدوم تشییع آلاندا جسمیوی زهرا بویور گوروم نیلی عذاری ایتدی نظارت دوروم گیدوم قُنفذ گوزوم باخا باخا ظلمه آچوبدی اَل یاددان مگر  چیخار بو جسارت دوروم گیدوم گَلمز شماره دلده غم و محنتیم منیم غمدن داخی بوکولدی بو قامت دوروم گیدوم مین یول آچوب اورکده سَنه دردیمی دئسم قورتارمیاندی سینه ده محنت دوروم گیدوم چوخ قالموری عتیق گَلوب شوره سَسلنه یتدی دوباره وقت زیارت دوروم گیدوم التماس دعا

#شهادت حضرت زهرا(س) #به سبک خرابه قلبینی سیخان رقییه سلام اولا 🖤🖤🖤🖤 جهانی دولدوروب گینه غم و ملال فاطمه باتوبدی ماتمه بو گون تمام آل فاطمه اشاره ایلسم اگر مصیبت بتولیدن رساله الده شرم ایدر خجل اولار رسولیدن سوروش بتوله نائبه فسرده دل ملولیدن هنوز زینبی ملول ایدوب ملال فاطمه 🖤🖤🖤🖤 او گونکه تاپدی خلقت بشرله ماسوا نظام عطا اولوندی حقّیدن بتوله عالی بیر مقام که یتمیوب بیر عورته بیر ایله رتبه ی عظام جهانیانی حیرته سالوب جلال فاطمه 🖤🖤🖤🖤 او گونکه اهل محشره خدای حیّ کائنات حساب خیر و شرّ اوچون ویرور دوباره دن حیات او سخت گیر و داریده چتیندی هر کسه نجات گر اولماسا شفاعته او گون خیال فاطمه 🖤🖤🖤🖤 بو شان و بو مقامیله بو عزّت و جلالیه گورون بو چوخ آز عمرینی ویروب باشا نه حالیله انیسیدی گجه گونوز مصیبت و ملالیله سارالدی سولدی گل کیمی جمال آل فاطمه 🖤🖤🖤🖤 گلوبدی بیر گونی ایوه علی ولیّ کردگار پیمبرین عزیزه سین گوروب ملول و دلفگار یاتوبدی قبلیه طرف فسرده دل غریب و زار او شهریار حالینی پوزوبدی حال فاطمه 🖤🖤🖤🖤 شروع ایدوب اویاتماقا عزیزه سین ابوتراب نه دللریله سسلدی ایدوب نجه گوزل خطاب ملول اولوب سوالیدن گوروب که گلمدی جواب اورکلنوب او بلبل شکسته بال فاطمه 🖤🖤🖤🖤 اولوب سرشک حسرتی عذاره سیل تک روان دیدی عم اوغلوام سنون نه یاتموسان گوز آچ اویان نه دل دیدیم دانشمادون، نولوب او نطق خوش بیان علینون آلدی طاقتین بو نطق لال فاطمه 🖤🖤🖤🖤 سنون بو دینمماقلیقون ز بس ایدر اثر منه که قورخورام اورک یانا گلم دله ایدم گله اورکده چوخدی درد دل اماندی بیرده گل دله فرح ویرور روانیمه او خوش مقال فاطمه 🖤🖤🖤🖤 آچوب گوزین او حالیده او نور دیده ی رسول رسول جانشینینه ادبله عرض ایدوب بتول سنون ملالون ایلیوب منی عم اوغلی جان ملول فراق باشلانوب یتوب باشا وصال فاطمه 🖤🖤🖤🖤 یاخونلاشوب اوشاقلاریم یتیم اولا عم اوغلی جان واریمدی بیر نچه سوزوم اجازه ویر ایدوم بیان ازلکه خواهشیم بودور گر عورت آلسان هر زمان بیر عورت آل که تا اولا رئوف آل فاطمه 🖤🖤🖤🖤 منیم که قویمادی فلک زمانه ده یوزوم گوله شبیهیدیم همیشه بیر خزان اولوب سولان گله جنازه مین گوتورماقین مباد اهل کین بوله گرکدی خلقیدن نهان اولا رحال فاطمه 🖤🖤🖤🖤 اُلومده گوردوم عاقبت فشاریدن نجاتیمی اودور که حقدن ایستدیم گجه گونوز وفاتیمی هانی بولن نه چکمیشم بو مدّت حیاتیمی بو مطلبی بولور فقط او ذوالجلال فاطمه 🖤🖤🖤🖤 اگرچه غمده زینبیم سببدی شور و شینیمه او چوخ علاقه منددور بو ایکّی نور عینیمه اونون جهاندا منجه وار محبّتی حسینیمه او بلبلی ملول ایدر بو گل جمال فاطمه 🖤🖤🖤🖤 عبث دگل که گوزلریم بهار ابری تک دولار صغیر اَکَن بو نازنین بالالاریم یتیم اولار حسن پوزولسا دل یانار، حسین سارالسا گل سولار چمنلری خزان ایدر بو نونهال فاطمه 🖤🖤🖤🖤 باخاندا زینبه دولور سرشک چشمیله گوزوم آنا فراقی قیزلارا چتیندی گورموشم اوزوم بو محنته بو فرقته محال امردور دوزوم آنا دیوب نه قدر وار یانار مثال فاطمه 🖤🖤🖤🖤 بو فصل تازه (شانیا) ملول ایتمه سین دلون تانور تمام اهل دل سنون سوزون سنون دلون نجه جهاندا حلّ اولور تمام سخت مشکلون یقین جزاده ده یتر سنه نوال فاطمه 🏴🏴🏴🏴🏴🏴🌿🌿🌿

زبانحال حضرت فاطمۀ زهرا علیها سلام زبانحال حضرت فاطمۀ زهرا علیها سلام (سبک : ای ویرن ویرانه یئرده ...) باغبانم باغ عشقه دویمادیم اوز گول لریمدن بو غمه بلبل لر آغلار آیری دوشسم ائل لریمدن باب کینه مِحنت و غم تا آچیلدی باغبانه دست ظلمیله ویرولدی سیلی و هم تازیانه من بتول مصطفایم همسر شیر خدایم من گل باغ رسالت خار الینده پرپر اولدوم یاندی درگاهیم یاناندا ابرتک آلامه دولدوم پشت درده تا یخیلدیم گول کیمی اول یرده صولدوم یوز کبود بو سینه ده وار سوزش مسمار یاراسی قویدی مادرسیز جهاندا زینبی ثانی جفاسی من بتول مصطفایم همسر شیر خدایم داندولار مولا علینون حقینی درده دچارم من ولایت اوسته محزون هرگیجه شب زنده دارم من مرید شاه مردان شهریار تاجدارم سسلرم گلسون او مولا گویلومی بو یرده آلسون ایلسون قرآن تلاوت غصه و دردیم آزالسون من بتول مصطفایم همسر شیر خدایم عمر کوته ده من آچدیم مکتب عشق و محبت ویرموشم نسوانه درس عفّت و حُجب و دَیانت حیف مثل لیلۀ قدر قدریمی بولمز بو اُمّت خسته جسمیم نصف شبده تا گیده تاریک قبره بش بالام آغلار سرشکین اوخشادار بیر قاره ابره من بتول مصطفایم همسر شیر خدایم ربِّ گلهای امیدم باغ حُسنون باغبانی اورگدن درس حجابی فکر و بینش هم بیانی بسلیین آغوش نازه دین فدا و قهرمانی بو حسین شمع حقیقت عشقینه پروانه زینب دور شمعه یاندورار پر عاقل و فرزانه زینب من بتول مصطفایم همسر شیر خدایم ثانی تا اود ویردی یاندی باب وحیه من دایاندیم زخمدار اولدوم قاپومدا قانیمیله من بویاندیم کربلانون محنتیندن بو غمی من سهل ساندیم وار باشوندا بو حسینون کربلانون ماجراسی یوم عاشوراسی الده اوخلانان عطشان بالاسی من بتول مصطفایم همسر شیر خدایم وار نقدری ((عدلی)) عمرون الده خامه فرصت ایله عشقینی قلبینده هتک ایت نوحه سین یاز هِمّت ایله نوحه خوان اول بزم غمده درگهینده خدمت ایله توک گوزون یاشین عذاره آغلا آغلات عاشقانی جمع ایدیم گوز یاشلارون من سنده اول بوامره بانی من بتول مصطفایم همسر شیر خدایم ** حاج اصغر فرشچی (عدلی تبریزی ) برچسب‌ها: اصغر فرشچی عدلی تبریزی

متن نوحه الهی یانمیم نجه از حاج منصوری ـــــــــــــــ|🥀🥀🥀🥀|ـــــــــــــــ الهی یانمیوم نجه شرار محنت و غمه منیم آنام جوان اولوب مدینه باتدی ماتمه(۲) (سنی چوخ ووروبلا یات آی ننه سنه قربانام یارالان ننه) منیم بهارِ آرزوم اولوب خزان مدینه ده وای ننه وای ننه وای ننه بر سوخته باغ ما دگر سر نزنید این خانۀ آتش زده را، از ما که گذشت مادری را دیگر در خانه به پیش چشم دختر نزنید (از زبان امیر المؤمنین) به جای دست من ای کاش می بستی چشمانم به زیر تازیانه همسر خود را نمی دیدم نمی دیدم منیم بهارِ آرزوم اولوب خزان مدینه ده اوجالدی توستی گوگلره توکولدی قان مدینه ده دیوللّر اولدی میخ در بلای جان مدینه ده الهی شاهد اول منیم آناما سیلی ووردولار گلنده غملی کوچه دن یولونون اوسته دوردولار قباله اوسته مادر حسن حسینی وئردیلار

‍ ‍ زبانحال حضرت علی (ع) بر شهادت حضرت زهرا (س) معنوی اردبیلی سسیمه یوخدی سس ویرن           دانیش منیله فاطمه هارا گیدیم گئجیله من           دانیش منیله فاطمه آدامسیزام - آدامسیزام وطن غریبی اولموشام یتیبدی غم نهایته زمانه دن داریخمیشام اورک یانور بو محنته بیری قاپومی آچمیور گله منلیه صحبته ایویمه یوخ گلیب گیدن دانیش منیله فاطمه اوزاقلادیب بیله منه وطنده آشنا اوزون گوزوم گزور بیرین گورم دیم اونا اورک سوزون منی گورنده دوندرور بو شهریده هامی یوزون بو غم چتیندی هر ندن دانیش منیله فاطمه نه وعده لر حریص ایدوب بوامتی زمانیه اوشاق بویوک بو شهریده کمک دوروبدی ثانیه گوزوم دوشنده هر زمان او قانلی آستانیه اورک یانور اسور بدن دانیش منیله فاطمه کیم اولسا یاسلی رسمیدور گلوله دیده قونشولار ویروله تسلیت اونا بیرآزجا قلبی رام اولار دوشنده یاده نسگیلون اورک ملالیلن دولار یاسیوا اولمادی گلن دانیش منیله فاطمه بو چرخ کج روش دوروب مسیر جور و کینه ده سالوبدی نقشه دست غم ستمله لوح سینه ده قباقه ایش چیخوب بیله تانینمورام مدینه ده وطن غریبی اولموشام دانیش منیله فاطمه گونوزلر اوخشیور ایویم خزان کشیده گلشنه اودور گونون باتان چاقی گلور بیر اوزگه غم منه قرانلیق ایوده صبحه جک گیجه لر آغلارام سنه گلیلیم خزانیدن دانیش منیله فاطمه

احوالات حضرت زهرا (س) ای سویگلی جانانیم اللرده ئولن زهرا قبره گیجه تابوتی گیزلینجه گیدن زهرا یاندون اریدون غمدن پروانه کیمین گیتدون گلشنده خزان ویرمیش ریحانه کیمین گیتدون بو شهریده سن قبره بیگانه کیمین گیتدون زندانون اولوب آخر گونلرده وطن زهرا قویدون منی آواره مقصوده ئوزون چاتدون آز اولدی گوزل عمرون صبح اولدوزی تک باتدون تپراقلارین آلتیندا نیلی یوزیلن یاتدون ایلر گونومی قاره بو درد و محن زهرا سن بیر گولودون مثلون عالمده دوبار اولماز سن عطریده هیچ گلشن خوش منظر و بار اولماز کیمدور دئیه بیر گولنن عالمده بهار اولماز مین فصل بهار اولدی طاهایه علن زهرا سننن صورا دنیاده واللهی پریم سیندی بیر ظلم ایلیوب ثانی رخشان گُهریم سیندی گوردوم سنی قان ایچره زهرا کمریم سیندی یوخ دردیمی دنیاده بیر کیمسه بیلن زهرا بو سینه ی سوزانی هجران اوخونا دلدون ای قدی کمان قبره سینونده یارا گلدون غم غصه دن آند اولسون ئوز جانوه دینجلدون یات قبریده آسوده ای غصه چکن زهرا حشره کیمی بو نسگیل یورقون سینمی داغلار گوز آلتی قیزون زینب مسماره باخار آغلار قویدون نه یامان یئرده زهرا قاپومی باغلار یوخ عرض تسلایه صد حیف گلن زهرا قان آغلارام اطفال بی یاره گوزوم دوشسه یا زینب مظلوم و خونباره گوزوم دوشسه ئوللم من اگر ایوده مسماره گوزوم دوشسه چاره م ندی بس نیلوم لطف ایله دینن زهرا بنذردی گوزل چهره اون دورت گیجه لیک ماهه تنگ اولدی فنا دنیا سن سیز اسداللهه سندن صورا حقیم وار دردیمی دیسم چاهه یخدی ایویمی قوم بی دین و فتن زهرا یاده سالارام دردون ای عشقیمه پروانه سن تک گله مظلومه هیهات بو دورانه ووردی یوزیوه ثانی بیر سیلی خصمانه مندن ایلدون پنهان رخساروی سن زهرا یوخ حیدرون عالمده بو زندگیه میلی غسلون ویریلن وقته اولمیشدی یوزون نیلی بیلدیم که ووروب ثانی گول صورتیوه سیلی سندن او زمان اولدوم خجلت زده من زهرا زهرا یوخوما بیر گل تجدید وصال ایله شرمنده عم اوغلوندان سن دفع ملال ایله ئوز حقّووی مولایه دنیاده حلال ایله سن سیز منه زنداندی هر باغ و چمن زهرا عزّت یولی عشقونده همّیشه فراز اولسون کیم وار منه دنیاده سن تک گول ناز اولسون سن ایله دعا عمروم سندن صورا آز اولسون سینمده گیدر قبره بو درد کُهن زهرا ** مرحوم حاج فرهاد فکری اردبیلی برچسب‌ها: فرهاد فکری

▪️زبانحال حضرت زینب(س)در فراق مادرش 🎼سبک اول: ای مدینه عورتلری گلون... 🎼سبک دوم: من عزیز فاطمه یم فلک...(بدون واگیر) آیریلیق ایاقدان سالیب منی درک ائله بو نالانی آی ننه یاتما قبریده دور ایاقه بیر ای پیمبرین جانی آی ننه واگیر: سینه داغلارام من قاره باغلارام من دور اورک غمین شرح ائدیم سنه گور نئجه غمین یاندیر منی من هارا یتیملیک هارا آنا تیز الیمدن آلدی اجل سنی سن جوانیدین اولدی برملا قتلیوه سبب ثانی دنی پشت درده قالدین جفائیله اخدی سینوین قانی آی ننه واگیر: سینه داغلارام من قاره باغلارام من باشیمه خدنگ بلا یاغیر ای عزیز عالم داریخمیشام درد هجریوه منده یوخ دوزوم تنگه گلدی سینم داریخمشام دردیمی کیمه ایئلییم بیان یوردی غصه و غم داریخمشام یوخ بهانه بیر لحظه شاد ائدیم بو دل پریشانی آی ننه واگیر: سینه داغلارام من قاره باغلارام من نیلیوم بوآز سنیده کرگ غملره اوزوم جان ائده م سپر چوخ دی محنتیم یوخ دی مونسیم کیم یتیملرین دردینی بیلر بیر به بیر آنا آروزلریم باغ عمریده اولدی بی ثمر کاش اجل یئترسین منی سنه خوشلورام بو سودانی آی ننه واگیر: سینه داغلارام من قاره باغلارام من گوزده سان وئرورغملی گونلرین اود ورولدی یاندی ستمله دَر سینه ده یاران شدت ائیله دی گون به گون اولوب حالتین بتر سالدی غم ایاقدان آنا سنی نیسگلین یادیمدان چیخار مگر دردوین دواسی تاپولمادی حالین اولدی بحرانی آی ننه واگیر: سینه داغلارام من قاره باغلارام من سن پیمبره نازدانه سن سولدورب سنی گول کیمی خزان غصب اولوب فدک یاندی درگهین دست ظلیمله باغرین اولدی قان دفن و کفنون اولدی گئجه چاقی قبرون اولدی اغیاریدن نهان بزم ماتمه اولمادی گلن حالیمه یانان هانی آی ننه واگیر: سینه داغلارام من قاره باغلارام من #فاطمیه #محمد_هوشمند #مدهوش

امام حسن(ع) در کوچه های بنی هاشم زبانحالی از امام حسن(ع) در کوچه های بنی هاشم ئوزوم گوردوم آنامی کوچه ده بیر اهرمن ووردی ئوزوم گوردوم نواسیز بلبلی زاغ و زغن ووردی ئوزوم گوردوم کی او‌‌ّل پاره پاره ائتدی اسنادی صورا بیر ضربه ، پیغمبر ئوپن رخساریدن ووردی ئوزوم گوردوم نه نوعیله آنام زهرا یخلمیشدی دورانموردی ایاقه ، تا الین دیواریدن ووردی ئوزوم گوردوم دوشنده توپراقا رنگی سارالمیشدی خزان گلبرگ طاهانین وجودین ریشه دن ووردی کیچیک سینّیمده غوغانین دلیلین بولمه دیم امّا آنام آگاهیدی ثانی او سیلی نی ندن ووردی دئدی اوغلوم ، عُمَر ایستوردی سیلی حیدره دگسین علیدن قورخدی اما ضربه سین مرضیّه دن ووردی ئوزوم گوردوم بابامی زیر لب سبّ ائتدی اول ظالم ئوزوم گوردوم علی عشقین علی قلبین بولن ووردی ئوزوم گوردوم آنامین گوز یاشی گوزدن روانیدی آخان گوز یاشی محزون قلبیمه بیت الحزن ووردی ئوزوم فریاده گلدیم ، یثرب اهلی داده یتسونلر گلون ، پیغمبر بطحا قیزین بیر یول کسن ووردی قاپوسین یاندیروب هم سینه سین قانه بلشدیرمیش گلون آخر بو بی وجدان ، آنامی تازه دن ووردی گوجوم چاتمور بو نامرده بیزه امداد ائدون آخر الیم تیترور دیزیم گلمور ، بو غم قلبه محن ووردی قیامت عالمین یثربده من بیر کوچه دن گوردوم او دم کی بیر زنازاده مسیر اول کوچه دن ووردی ئوزوم گوردوم آغیر بیر اللریلن نیله دی ثانی صول اللی سیلی ووردی ، سیلی سینده ترسه دن ووردی ** محمدعلی مصیبی تبریزی برچسب‌ها: محمدعلی مصیبی تبریزی

‍ ربانحال مولاعلی ع  ==================== عمروم سنیلن فاطمه دفن اولدی بقیعده غنچه گولوم افسوس اولا تز سولدی بقیعده ایوای یارالی وای یارالی فاطمه لایلای یات قبریده بیزدن آرالی فاطمه لایلای زینب گیجه گوندوز گلوب افغانه قان آغلار گوزیاشینی هرلحظه سارا لمش یوزه باغلار آهی  اوجالان وقتیده  داغلی دلی داغلار هجرونده گوزم جامی قانا دولدی بقعیده ایوای یارالی وای یارالی فاطمه لایلای یات قبریده بیزدن آرالی فاطمه لایلای بومحنت اعظماده اسرقلب فلک لر ایوای دیئوب آغلار گویون اوستونده ملک لر هرلحظه دونر لاله قانا داغلی اورک لر محزون بالالار ساچلارینی یولدی بقعیده ایوای یارالی وای یارالی فاطمه لایلای یات قبریده بیزدن آرالی فاطمه لایلای کاشانه میزون شمع دل افروزی سئونوبدی گوزیاشی حسینون نجه گورقانه دونوبدی روحیه سی دای یوخدی بیله بیلم ئولوبدی سنیز دیموسن همسروه نولدی بقعیده ایوای یارالی وای یارالی فاطمه لایلای یات قبریده بیزدن آرالی فاطمه لایلای سجادوی بیرگوشه ده زینب آچوب آغلار داغلی دله تیرغمی هردم ساچوب آغلار افغانه گلوب ایوده هراسان قاچوب آغلا ر شیادودنی سن بیلوسن بولدی بقعیده یوای یارالی وای یارالی فاطمه لایلای یادت قبریده بیزدن آرالی فاطمه لایلای دوندردی فلک گوزلریمی تیره بیر ابره * چوخ سعی ایله دیم مالک اولام خانه ء صبره * لرزه دیزیمه دوشدی قویاندا سنی قبره * گوز کاسه سی اشکیله اودم دولدی بقیعده دوندردی فلک گوزلریمی تیره بیر ابره * چوخ سعی ایله دیم مالک اولام خانه ء صبره * لرزه دیزیمه دوشدی قویاندا سنی قبره * گوز کاسه سی اشکیله اودم دولدی بقیعده * شعرازاستادشاکر واستاد طالبی اجرای سبک استاد طالبی #لعن_الله_قاتلیک_یا_فاطمة_الزهرا

‍ ‍ ‍ #زبانحال حضرت امیرالمومنین (ع) در کنار مزارحضرت زهرا (ع) سبک : ای حرمینه ناز ائدن ... عطری گلور محرمون ... واردی باشیمدا یا حسین ... فاطمه قبرون اوسته من گلمیشم آغلیام گئدم ائوده یاتوب حسین حسن گلمیشم آغلیام گئدم گون باتوری قرا سالور باشه حجاز داغلاری آغلوری دردیمه منیم حسرتیلن بولاقلاری یل اسوری چالور عجب غملی ترانه باغلاری غملیدی گلشن و چمن گلمیشم آغلیام گئدم ائوده گئدر گجه هامی مرد و زن استراحته گون باتوری علی باتور بحر غم و ملامته بوش گوره بیلمورم یرون نایل اولا زیارته قبروون اوسته گلمیشم آغلیام گئدم ریشۀ صبر حیدری سیل فراقتون یولور یاده سالاندا محنتون گوزلریم اشگیلن دولور خردا بالالار آغلاشور گول کیمی زینبون صولور غربت اولوب منه وطن گلمیشم آغلیام گئدم رحلت ایدن زمان آتان باشیوه قاره باغلادون من بله بیلدوم هجرت احمده سینه داغلادون بیلمزیدوم یارالیسان سن گجه گوندوز آغلادون ایندی او سرّ اولوب عَلَن گلمیشم آغلیام گئدم خیمه وروبدی غصّه و غم دل داغداریمه یاده سالاندا یاره وی اشگیم آخور عذاریمه حسرتیلن دوشور گوزوم قبضۀ ذوالفقاریمه چکمم اونی غلافدن گلمیشم آغلیام گئدم واردی یادیمدا بیر گونی سن منه ایلدون خطاب چِک گیله ذوالفقاریوی حقّوی آل ابوتراب ایندی علینون ایلوری قلبین او منظره کباب یوخدی علینی دیندیرن گلمیشم آغلیام گئدم آلدیلار حقّیمی منیم مجلس شور قوردولار بوینونا شال سالدیلار شیر خدانی یوردولار سن کمک ایلدون سنه ظلمیله قمچی وردولار توپراقا دوشدون اوندا سن گلمیشم آغلیام گئدم تحت نظرده دور منیم منزل وحی مُنزَلیم سن ساقیدون بیر آز گینه ائوده واریدی گئت گلیم گئتدون الیمدن ایندی سن باغلی قالوب قاپیم الیم یوخدی بیزه گلوب گئدن گلمیشم آغلیام گئدم گرد غمون نشست ائدوب قلبیمه چوخ چتین سیلم جان یتیشوب دوداقیمه فاطمه راضیم ئولم گلمیشم ایندی قبریوون اوسته بیر آزجا دینجلم ئولمور علی ندن؟ ندن گلمیشم آغلیام گئدم سن ائویمه گلین گلن وقته یوخیدی چون آنان غصه لَنَردون هر زمان گوز یاشین ایلدون روان زینب عروس اولان زمان بخت ائوینه گیدن زمان فاطمه نیلوم اوندا من گلمیشم آغلیام گئدم آیریلیقون سالوبدی اود بو دل پر شراریمه یالوارورام یوخی گَله دیدۀ اشکباریمه محسنی آل قوجاقیوه گَل یوخودا کناریمه روح تاپا بو خسته تَن گلمیشم آغلیام گئدم محنت فاطمه سنی ایلدی «عینی فرد» حزین قلبووی یاندیرار چخار سینه دن آه آتشین شعر یازاندا صدقیلن یاز ائله پاک نیّتین گور نه گوزلدی سر سخن گلمیشم آغلیام گئدم 📣 حاج غلامرضا عینی فرد زنجانی

🥀شام غریبان حضرت زهرا س زبانحال امیرالمومنین علیه السلام🥀 🎶به سبک :(( ای نور عینیم منزل مبارک)) زهرای اطهر ، منزل مبارک طاهایه مظهر ، منزل مبارک آخشام چاغیندا ، گون مثلی باتدون اهل و عیالون ، تِز گوزدن آتدون خسته یارالی ، قبر ایچره یاتدون قبرون منوّر ، منزل مبارک عمرون آز اولدی، دردون چوخ اولدی سینمده هجرون ، غملی اوخ اولدی دار و نداریم ، بیر دَن یوخ اولدی ای دُرّ و گوهر ، منزل مبارک اوت توتدی قاپی گلدون نوایه اولدون فدا سن دین خدایه سن مندن اوتری ، دوشدون بلایه ای جان حیدر ، منزل مبارک شمع شبستان ، دخت پیمبر یر گویلره هم ، جناته زیور ای حلم و فضلی ، عالمده برتر قرآندا کوثر ، منزل مبارک رَختِ وفانی ، تندن سویوبسان زهرا علینی ، بیکس قویوبسان سولموش حسیندن ، نه تز دویوبسان سنسیز او نِیلَر؟ ، منزل مبارک گویده بولوتلار ، گور نه دولوبدی زینب غمونده ، زلفون یولوبدی ایوده بالالار ، گول تک سولوبدی گول مثلی پرپر ، منزل مبارک غسلون وئرنده ، قلبیم سیخیلدی روحیم بدندن ، مین یول چیخیلدی دردون بیلندَن ، ائویم یخیلدی بانوی محشر ، منزل مبارک هانی او گونلر فورا دوراردون حسن حسینون ، زلفوون یوواردون زینب تلینه ، شانه وراردون ای حالی مضطر ، منزل مبارک هانی او گونلر قرآن اوخوردون یاسینیله الرّحمن اوخوردون یانیب حسینه کوینک توخوردون یاندی اورکلر ، منزل مبارک دور گور نه حاله زینب قالوبدی بیر قاره معجر ، باشه سالوبدی چادر شبوندن ، عطرون آلوبدی ای مِشک و عنبر ، منزل مبارک آغلار گوزیله ، با قلب سوزان گلدیم فغانه ، باغریم اولوب قان توتدوم سنه من ، شام غریبان اولدوم مکدَّر ، منزل مبارک قربان سنه ای پهلو شکسته راحت یات ایندی ، ای زار و خسته گلّم نوایه بو قبرون اوسته قبری مطهر ، منزل مبارک یانام ئولونجه یاس ساخلارام من هجر آتشینده دل داغلارام من زهرا غمونده ، قان آغلارام من ای ماه انور ، منزل مبارک ✍شعر : بهمن جعفری زینجناب #نوحه_شهادت_حضرت_زهرا_سلام_الله #فاطمیه

#حضرت_زهرا حضرت زهرا سلام الله علیها حجة الاسلام سید بشیر حسینی یارب بو گئجه گول سارالارکن چمن آغلار یاس یاسه باتوب یاسمنیلن سمن آغلار صرصر یئلى یاز فصلى ائدیب بیر گولى پرپر پوزقوندو چمن بلبل اُوخور نسترن آغلار دورت بلبلى گول صاحبى آرام ائده بیلمیر بلبلرین احوالینه دشت و دمن آغلار آیا نه‏ روادى در و دیوار آراسیندا سالسینلا فشاره گولو پرپر گورن آغلار تا سیخدلا، شبنم گولون اوستن یئره دوشدى قانه بلشیب سود یئرینه قان ایچن آغلار فریاد او زماندان کی گولون صاحبى گوردو گول پرپر اولوب، فاطمیه بوالحسن آغلار بلبلره گلشن پوزولوب غربت اولوبدو بو رسمیدى غربتده غریبه وطن آغلار اول بیت کی جبریل امین نازل اولاردى داى کسدى ایاقین اودو بیت‏ الحزن آغلار هر بلبلى بیر گوشه‏ ده نى مثلى سیزیلدار امّا اوجادان بلبل شیرین سخن آغلار بئش سینّیده زینب باشینا قاره سالیبدى اوخشاتما دئییب اونلا حسین و حسن آغلار دورت خیردا بالا آغلادیلار آغلادى یئر گوى آخر آناسیزلاره آناسى ئولن آغلار گول صاحبى گلشنده گوله غسل ویریبدیر بلبلریلن بو گوله غسلین وئرن آغلار سسلندى گلین گول گئدیرى باغ و چمندن بیر یولدا گورون اوز گولوزو، غم چکن آغلار یئر گوى نئجه صبر ائیله‌دى اونلار گوروشنده سس گلدى کنار ائیله بولار هر زمن آغلار زهرانى ائلی کى آپاریبلار گیجه یارى بیت‏ الحزنى غم بورویوب انجمن آغلار یوخ چاره‏ سى آخرده گرک قبره قویولسون صبرى داغیلار یارى الیندن گئدن آغلار قیرخ قبر قازیب تا قالا گیزلینده مزارى بو نسگیله بیز سهلدى کی اهرمن آغلار بیلمم یارالى جسمى نئجه قبره قویولدى پهلوسى سینان جسمه بوکولموش کفن آغلار تا ایستدى قبره قویا بلبل گولى گوردو ظاهر اولوب اوندا ایکى ال گول اکن آغلار غم چکدى بشیرى پوزولان گلشن و باغه زهرایه یازار نوحه، قرا پیرهن آغلار

احوالات حضرت زهرا س 🌷با مداحی حاج جواد حسن زاده ۱۴۰۳/۸/۲۸ 🌷 یاتما ای خسته نگاریم قالمیوب صبر و قراریم سنه دلنوشام بولورسن اویان ای وفالی یاریم دور چوخدی دیلده محنیم دور کمگیم یوخدی منیم دور قویماسولسون چمنیم دور یانیرام من 😭😭😭😭😭😭😭😭😭 روبقبله یاتما راحت یوخدی دلده تاب و طاقت قاپیمیز الولاندان سندن اولموشام خجالت دور مندن اوز دوتما بیله دور قویما قدیم بوکوله دور دم غنیمتدی هله دور یانیرام من 😭😭

۞﷽۞ زبانحال حصرت علی (ع)درفراق حضرت زهرای مرضیه( س) 🎵درسبک:بزم عزاده گیموشوخ قاره یاعباس ای مرتضانی تک قویان فاطمم لایلای فاطمم لایلای هجرینده قلبین یاندیران فاطمم لایلای فاطمم لایلای وای دیوب آغلارام سینمی داغلارام وای زهرا وای زهرا اون سگیز ایل عمرایلدون گورمدین خوش گون گورمدین خوش گون غم غصه دن قلبین اولوب فاطمه دلخون فاطمه دلخون ثانی جفاسی ایلدی دردیوی افزون دردیوی افزون یوردی سنی جور زمان فاطمم لایلای فاطمم لایلای هجران غمون بوقلبینی سُویدی یازهرا سُویدی یازهرا فکرایلمه سندن علی دُویدی یازهرا دُویدی یازهرا تیرِ غمون بو قلبیمی اُویدی یازهرا اُویدی یازهرا آرامیمی الدن آلان فاطمم لایلای فاطمم لایلای سنسیز اولوب بواِئو منه غملی کاشانه غملی کاشانه سایه سالیب ظلمت دِلِ شاه مردانه شاه مردانه صبر ایلیوم آیانجه بیله هجرانه بیله هجرانه باغریم اولوب بوغمده قان فاطمم لایلای فاطمم لایلای ای باغبان گوزدن نه تیز گللرون آتدون گللرون آتدون خون دیله گوزیاشلارون بس ندن قاتدون بس ندن قاتدون کسدون علیدن اُلفتون مقصده چاتدون مقصده چاتدون اولدون نه تیر گل تک خزان فاطمم لایلای فاطمم لایلای گلمیش نوایه زینبون وای دیورآغلوروای دیورآغلور اَل سینه ده اوغلوم حسین سینه سین داغلارسینه سین داغلور گوزدن عذاره اشگینی مجتباباغلور مجتباباغلور آدین ایدیب وردزبان فاطمم لایلای فاطمم لایلای شعر جدید ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣