[ روضه شهادت امام حسن(ع) ( #وصال_تبریزی ) ] زینبیم دادیمه تز گل بیر کسیم یوخدی سن امدادیمه تزگل آه فریادیمه تزگل زهر ائدوبدور اثر اکبادیمه تز گل غرق و درد و محنم من اوز دیاریمده غریب وطنم من یوزوی قوی یوزومه گور گویروب یوزوم عقیق یمنم من غم کریخدوردی منی غم یره یخدی منی غم ائله سیخدی منی وای حسن جانم حسن آغلاماق چاره دیول گل یاره مرهم گوتورن یاره دیول گل گل اوزون اول منه همدم اوزگه همدم منه غمخواره دیول گل جعده مقصودینه چاتدی یار الیله عمرومون کوکبی باتدی آند اولا جانیوه زینب کوچه دردی منی واللهی قوجاتدی من غصه می بولدوم اوگون من اورک بُلدوم اوگون من کوچه ده اُلدوم اوگون وای حسن جانم حسن عمرمون گلشنی سولدی قوی دیوم کوچه ده زینب نلر اولدی دوشدی گوشواره قولاقدان وای منه آنام گوزی قانیله دولدی دل اوگوننون یاره لندی باشیما ظلمون الیله نار الندی نیلدوم ال کسه بیزدن آنام الینده قباله پاره لندی حیف ریشدن قردی گلی حیف الده سندردی گلی حیف دوتوب وردی گلی وای حسن جانم حسن دل آچوب پیس سیاقیله یولی کسدی هم صولیله هم صاقیله باجی بی پرده دیوم بول بیزی وردی هم الی هم ایاقیله هی او دوردی سوزی اوسته لکه سالدی نحس الیله گوزی اوسته کور اولیدی گوزوم ای کاش زینبیم آنام یخلدی اوزی اوسته وای وراق لردی گلی وای ایاق لردی گلی وای او داغ لردی گلی وای حسن جانم حسن گئچوت حالون نظریننون یوزی گویردی او سیلی اثریننون اورگیم ایندیده والله یانوب اوت دوتوب او سیلی شرریننون غم اوشاقه اثر ایلر گون دوتولسا آفاقه اثر ایلر دوتمادی دل دیه دردین سیلی دیسه ، دل دوداقه اثر ایلر وای قویرمیشدی قولی وای بئله گور غم اولی وای ایترمیشدی یولی وای حسن جانم حسن سبک 👇👇👇👇👇👇👇👇👇

شهادت امام رضا (ع) سبک : ییخیلوب عباسیم 🏴🏴🏴🏴🏴🏴🏴🏴 گینه الله قلبیم،دولوبدی غملردن اوره ک دونموش قانه،گلوب افغانه غمه باتدی عالم،دوتوب دللرماتم رضانون داغینده،گلوب افغانه اثرائتدی زهرکینه اومولایه الولاندی جانی،نفس تنگ اولدی دولوب آغزی قاندان، جگرلردوغراندی سارالدی رخساری،نفس تنگ اولدی دیدی الله جانیم،چیخاربوغربتده بوکنج عزلتـــده،منه کیم آغلار گَلَه گرجنتدن،آنام زهرابیرآن دیرلایلای اوغلوم،سینه سین داغلار گوزی یولداقالدیم،بوشهرغربتده که بیرگون دیداره،جوادیم گلسین منی یاده السون،سراغیمی آلسون مدینه شهریندن،جوادیم گلسین سارالیب رخساریم،یانوبدی اَکبادیم اَسورجانیم زهرِ،جفادن یارب دویموشام دنیادن،اسوریاپراق مثلی وجودیم سرتاسر،جفادن یارب 🏴🏴🏴🏴🏴🏴🏴🏴🏴

سبک سینه زنی عرض ارادت در سبک(سائل نالایقم من یا حسین) #علی_بن_موسی_الرضا_ع ((ای شه ملک خراسان یا رضا قبریوه عشق اهلی قربان یا رضا)) _____ بند اول بحر عشقین سن دُر نایابیسان شیعیانبین ماه عالم تابیسان نوکروخ بیز سن بیزه اربابیسان افتخار ملک ایران یا رضا قبریوه عشق اهلی قربان یا رضا ((ای شه ملک خراسان یا رضا قبریوه عشق اهلی قربان یا رضا)) ____ بند دوم ای شه انشاه سریر ارتضا مرقدینده واردی شوریله صفا کیم مریض اولسا تاپار بوردا شفا گل آدیندی درده درمان یا رضا قبریوه عشق اهلی قربان یا رضا ((ای شه ملک خراسان یا رضا قبریوه عشق اهلی قربان یا رضا)) ____ بند سوم دسته دسته خسته زوارون گلر اشک شوقی مرقدین گورجاخ الر مات اولار اوّل باخیشدا دیده لر دیل اولار وصلینده حیران یا رضا قبریوه عشق اهلی قربان یا رضا ((ای شه ملک خراسان یا رضا قبریوه عشق اهلی قربان یا رضا)) ____ بند چهارم چوخلاری اما دیله آذر سالیب فرقتین طاقت لرین الدن آلیب گوزلری قبر شریفینده قالیب دل حزین و دیده گریان یا رضا قبریوه عشق اهلی قربان یا رضا ((ای شه ملک خراسان یا رضا قبریوه عشق اهلی قربان یا رضا)) _____ بند پنجم روسیاهم ای ولی کردگار خوش گونوم اولدی گوزومده تیره تار سن بولورسن بو گدانین دردی وار قیل کرم ای باب احسان یا رضا قبریوه عشق اهلی قربان یا رضا ((ای شه ملک خراسان یا رضا قبریوه عشق اهلی قربان یا رضا)) ----------------------- #التماس_دعا🙏 به قلم : کربلایی امیر حسامی(حسام)